نادي المكئوبين لذوي النظرة السوداوية

[yascro]

الليمبي بيقولو كل سنة وأنت طيب ههههههههه
نمشيها أم مختار ههههههههههههههه

بس المهم انى عرفت اخلع واهرب
ههههههههههههههههه

[abumoh2000]

بسم الله ماشاء الله ..............رئيس رابطة المكتأبين بالتزكية:oc_sun1[1]:

يا باشا لزم تبقى قدوه ههههههه

[amr100]

وبعدين يا دكتورة تعملي الموضوع والاعضاء يشتركوا وتمشي ينفع الكلام ده
وهذه عبارات تانية للكاتب ايميل سيوران
* لو كان ادم سعيدا لوفر علينا التاريخ
* اليأس موثق والأمل وهم وتخيل
* الحياة هدية للأحياء أولئك المهوسون بالموت
* ترياق السأم هو الخوف لا بد أن يكون الدواء أقوى الداء
* يعتبر ثرثرة كل حوار مع شخص لم يعرف الأمل
*الكآبة تتغى من ذاتها لهذا لاتعرف ان تتجدد

بالنسبة للتوقيع ده علشان الواحد كان في مرحلة ما كان بيحاول يدي نفسه أمل بس علشان ميجيش واحد يقول التوقيع بتاعك غير اللي انت كاتبه

[aif]

انا كنت معدي .... قلت اسلم عليكم
ازيكم يا اعضاء نادي الكآبة
هوبا كآوبا

[tota_love]

انا معاكو يا جماعه علي راس قائمه المكتئبين

[mahmoud_afifi]

بإسمي وبإسم كل المكتئبين الي في النادي هنا عاوزين نعمل مقابله في القرافه ونشغل اغنية ايها الراقدون تحت التراب ونعمل مود اسود

[yascro]

:b4_556:

بإسمي وبإسم كل المكتئبين الي في النادي هنا عاوزين نعمل مقابله في القرافه ونشغل اغنية ايها الراقدون تحت التراب ونعمل مود اسود :c_laugh[1]:

ممكن مجيش ؟؟؟؟؟؟

[icehearted girl]

طلب تجديد عضوية

يلا يا عضو منك ليه كله يمسك استمارة ويملا طلب تجديد العضوية

بس طبعا دا مش هيكون مجاني...المصاريف نخليها..مممممم...ممممممممممممم


علبة مناديل فلورا فاميلي سايز وفنجان قهوة سادة

[icehearted girl]

هل تعلم ....


هل تعلم ان 20 % من الإناث يصابوا بالاكتئاب بينما يصاب به 12 % من الرجال؟؟..

طبعا مهو علي قلبهم مراوح

هل تعلم ان من مشاهير الاكتئاب جورج بوش..وبيكهام .وتشرشل ونيوتن وبونابرت ومارلين مونرو وسعاد حسني

معني كدا ان الاكتئاب هو الباب الرئيسي اللي هتطل منه علي نافذة الشهرة


هل تعلم... ان هرمونات النشاط والسعادة تزداد في الصباح كلما زادت درجة اكتئابك اثناء ذهابك للنوم...ودا دور كل زوجة مصرية أصيلة بتحرص ان زوجها يكون فمنتهي السعادة كل صباح

[yousef1978]

بعد مروري بمرحلة كآبة شديييييييييييييدة كرهت فيها نفسي وهدومي وكل شئ حواليا حتى الورووووود وجميع النظار الحلوة
وكنت كل شوية أدعي ربنا إنه ياخدني ويريحني وكل شوية أفمض عيني وأتمنى ما أفتحهمش غير في الدار الآخرة
لكن الحمد لله دلوقتي بقيت متفااااااااااااااائل إلى الأبد وعندي رضا والحمد لله بكل شئ وده الأهم

وإن شاء الله عمري ما هأنقم على حياتي تاني لأنها ما تستاهلش الحزن

الواحد زي مسافر جلس يستريح ويستظل بظل شجرة وبعدين هيتركها ويمضي للدار الآخرة

وعلى رأي سيدنا علي كرم الله وجهه
لا تستقلل القليل فإن منعه اقل

الواحد يعيش بالأمل فلو تحقق اللي بيتمناه يبقى شئ جميل
ولو لم يتحقق فيكفيه إنه عاش فترة كويسه وهو سعيد بالأمل في غد أفضل

تحياتي للمكتئبة الصغيره

[FunnyMickey]

ليه ياضحي كده
حرام عليكي
هيا الرجاله طفشت من شويه :)

[icehearted girl]

yousef1978

ايه دا كلو...ايه كمية التفاؤل اللي حضرتك فيها دي

لالالالا..دنا شكلي هعمل حجر صحي ف النادي لعدم الاختلاط مع المتفائلين..دنتو خطر كبير علي كدا

وهستعين بفريق تطهير زي بتاع شركة المرعبين المحدودة لأي متفائل يهوب حدانا إهنه...

احنا الحمدلله في تزايد مستمر..مهما نفرح ونعيش يومين نرجع تاني لرابطتنا حبيبتنا...

مش معني ان الواحد عاشله يومين حلوين ان دا الطبيعي ف دنيتنا دي...

لالالالالا...

السعادة ان يوم جتلك..تبقي اكيد زهقانة شوية وجية تريح عندد جنابك

ونت تقول دي خلاص ضحكتلي..الايام اهي جت غنتلي وخلاص هتخبط علي بابي..فجأة تسيبك زي مكنت لاتقدمت ولاتأخرت

قاعد مستني وسرحان..نفسك تيجي يومين عندك علشان تفرح مرة كمان

funnymickey

كمان funny??

لاااااااااا كدا كاتيررررررررررررررر

[yousef1978]

يا ستي
طنشي تعشي تنتعشي

المشكلة إن الواحد بياخد الأمور بحساسية شوية ولا شويتين

والدنيا عايزه تكبير الدماغ

فيه واحد دايما موقف سعادته على الشئ اللي مش عنده
دايما يقول أنا بس لو عندي كذا
انا بس لو حصلي كذا
انا بس لو وصلت لكذا

وصدقنيني الشخص ده لو ربنا حققه أمنيته هيفقد قيمتها لأنه هيدور على شئ تاني مش عنده ويفضل موقف عداد السعادة لغاية ما يحصل عليه وهلم جرا

وفيه واحد تاني دايما حاسس بالرضا ودايما بيشوف اللي في إيده وينسى اللي مش معاه
وده علطول مبسوط وزي ما بيقولوا ضاربها جزمة - وعفوا في اللفظ


عارفين ربنا سبحانه وتعالى بيقول آية في غاية الجمال

بسم الله الرحمن الرحيم ( وأنه هو أغنى وأقنى ) صدق الله العظيم

يعني فيه واحد ربنا سبحانه وتعالى يغنيه وتلاقيه سواء معاه او مش معاه عايش حياته وحامد ربنا
سواء عيان ولا صحيح
سواء عنده مصيبه لا قدر الله ولا عنده فرح
بيحمد ربنا ويعدي أيامه ويصبر صبر جميل

وفيه واحد تاني ربنا سبحانه وتعالى يجعله يقتني فقط ( وأقنى )
يجمع النعم ولا يشعر أبدا بالغنى
وده بقى صعب يشعر بالسعادة لأنه عنده النكد كيف والإكتئاب مزاج والعكننة أصول والضيق فن والضجر هواية والشكوى لذه والتأفف راحة نفسيه


بس بصراحة ومن غير زعل مني
الستات في مصر أساتذة نكده وأحلى لحظه حلوة في حياة الراجل مننا ممكن يحولوها بقدرة قادر لأسوأ ليله وأجدعها خناقة على حاجات تافهة
ويمكن دي طبيعة الستات في المجتمعات النهربة

يا ريتنا كنا عايشين في الصحرااااااااااااااء - إهئ إهئ إهئ

وقديما قالوا
لا تتزوج من النساء ست : الأنانة والمنانة والحنانة والحداقة البراقة والشداقة
ودلوقتي تضيف عليهم : الزنانة والشكاية والظنانة والشكاكة والسنانة ( اللي بتسن السكاكين ) والكياسة ( اللي لما بتزهق من جوزها بتكيسه علشان تحافظ على جثته )

ونصيحة من أخوكم الصغنون
مدام الدنيا ماهيش دايمه وقيامة على العالم قايمة
خلوها حلوة يا جدعان

واحلى تحية على أحلى اعضاء باحلى منتدى

اخوكم في الجناح الآخر المتفائل م. يوسف عبد العظيم

[solyahmed]

انا اكيد معاكم لسه شايف الموضوع .. واكيد المكتئبين زادوا في خلال الفتره دي ... انا مش على شفا بلكونه لا.. انا فوق السور اساسا واللي بيمنع اي حد من اتمام رحلته الجويه من البلكونه للارض الجزاء الالهي ...
ولكن كلي امل وثقه في المقاولين المصرين وانعدام ضميرهم فانا مستني البلكونه تقع لوحدها

[icehearted girl]

أوبسسسسسس..لأا كدا خطر

عارفين مسرحية عفروتو؟؟؟ فاكرين العفريت الضخم اللي كان موجود فلمزاد كان اسمه ايه؟؟

اصل شكلنا هستعين بيه هنا ف الموضوع