حديث تخرج..!!!!!!!!!!!!!!

[ashour100]

السلام عليكم

من وجهة نظري فيه اكيد اسباب كثيرة للموضوع ده.

عايز اركز هنا على العامل: ارتفاع مستوى المعيشة والرفاهية.

للاسف في ظل انحسار مستمر للطبقة المتوسطة، ووجود فئات جديدة في المجتمع تجني المال بأقل مجهود ممكن أصبح عامل سلبي ومحبط لدى كثير من الشباب.
لان الحسبة ساعتها ال 500 ج هيعملوا ايه في الزمن ده؟

ولو عادت بيا الايام تاني كان مبدأي هيكون على الترتيب التالي:

1- موش مهم الراتب مقابل الخبرات.

2- موش مهم الراتب مقابل عدم الجلوس في البيت.

على أي حال ربنا يرزق الجميع في ظل هذه الظروف الاقتصادية الصعبة، وياريت الجميع يتذكر حديث الرسول صلى الله عليه وسلم عن الطير التي تغدو خماصاً وتعود بطاناً.

[HeMa_LanCeR]

جيت علي الجرح
انا حاليا حديث تخرج
وشغال من 9 الي 5 ونص او 6 كمان وممكن تزيد ومافيش بدل سهر
وانا ساكن في شبرا والشغل في مدينه نصر وباخد 600 جنيه :)))))
بس لازم ارضي واسكت علشان انا لسه خريج وبأذن الله ربنا يكرم بحاجه احسن اسيبها واروح
مش اقعد في بيتنا بحجه اني بدور علي شغل انا ضد المبداء ده نهاااااااااااااائي

[أحمد كمال]

انت دفعة كام ياباشا؟
انا حاسبات عين شمس برده

وشكرا للاستاذ اشرف على الموضوع وفعلا لازم الواحد يكافح شوية
وخصوصا لو حاجة حاببها ويشتغل فيها ببلاش عشان يزود خبرته فيها

2003 (كان المفروض 2002 .... بلاش احراج بقى هههههههههه)

[shaddadfalcon1]

فكرتوني بايام الكليه كنت ساكن في المدينة الجامعيه وكنت بدفع 40 جنيه في الشهر وباخد 5 جنيه من ابويا كل اسبوع واحيانا كنت برجع بيها من غير ماافكها حتي
يعني يادوب نص جنيه للقطر ومعايا اشتراك وجنيه مترو يعني 3 جنيه رايح جاي
يعني في الشهر كان مصروفي من 60 الي 100 جنيه
والكتب كنت بنزلها من علي النت واقراها من علي الجهاز

هي مشكله فعلا للي بيصرف كتيير - انا كان معايا ناس مصروفهم بيعدي ال 600 جنيه - طب ده هيتخرج يشتغل ازاي؟

الحمد لله اتخرجت وكنت بشتغل Freelancing وانا في الكليه بس بصراحه عمري ماحولت منها فلوس لحد مااتحرجت وفضلت اسبوعين مستني واحد صاحبي وفي الأخر ابويا وامي فضلو يتخانقو معايا قمت نازل انا وواحد صاحبي تاني وقدمت في الشركه اللي شغال فيها دلوقتي وتاني يوم كلموني وعملت انترفيو وفي خلال اسبوع كنت شغال

والدي كان بيقولي اه بس لو اشوفك شغال حتي ب 400 ولا 500 جنيه
كنت بقوله ياحج ده اقل حاجه عندنا 2000 جنيه كان بيضحك ومش بيصدق لحد مااشتغلت وشاف بنفسه

الحمد لله علي كل شيء

[love7amada]

انا دوقتي ف اخر سنه ف هندسه عين شمس
مش هكدب عليم الواحد عايز يتخرج و يشتغل ع طول
و فعلا ف فرق رهيب بين الطبقات فده اللي مخلي الكل عايز الربح السريع
بس انا اول شغل هيجيلي هشتغل فيه
انا ف الاجازه كنت بشتغل ف سنترال من 8 الصبح ل 5 و ساعات كان يأعدني ل 7 افتري
و كان بيديني 350 جنيه
و انا اصلا مصروفي 600 جنيه
بس عرفت قيمه القرش
ف الاول كنت متضايق اني ازاي هكون مهندس كمان سنه و واقف ف محل مع اني عملت كده من نفسي
بس قابلني و انا واقف حاجات كتير
اتعلمت منها
و كمان و انا واقف كاان يجي ناس و تتكلم معايا و عرفت اني هكون مهندس كمان سنه
و اعجبوا بيا
وكل واحد كان يجي كان ياخد نمرتي عشان لو ليا نصيب معاه ف الشغل
ففعلا طول ما انت بره و بتتحرك بتكون علاقات و كده لكن ف بيتك مين هيعرفك
و كان اصحابي يريقوا عليا و يقولا ايه اللي انت عامله ف نفسك ده
بالذات انه كان من 8 ل 6 شغل ف فيصل و من 7 ل 9 و نص كورس ساب ف مدينه نصر
انا هقبل ان شاء الله باول مرتب و وظيفه اخدهم
عشان هيكون همي اني اتعلم كل حاجه خلال سنه او اتنين
و بعدها هبدأ افكر ف المقابل المادي قدام اللي املكه من خبره و ادور هنا و هنا
المهم بس اتخرج ان شاء الله السنادي و اشتغل ع طول و مش مهم هاخد كام المهم مكان كويس يضيف ليا و اتعلم فيه
و يا رب ارزقني الخير

[Medo007]

2003 (كان المفروض 2002 .... بلاش احراج بقى هههههههههه)

ياباشا ولايهمك
امال لو سالتك عن تقديرك بقى
ههههههههههههه صباح الفل
عادي
الدكاترة دلوقتي اتغيروا عن الاول
دكتور احمد حمد مشي
دكتور سعيد الغنيمي
دكتور عبدالقوي شكري
دول مشيوا لو عارفهم

[mazagngi2010]

حاجه تكسف بس البطران ده مجاش من فراغ
الاسعار غليت والواد قد الشحط وبياخد مصروف كبير غير اللى بيخنصره وطبعا الاخلاق بقت فى الحضيض فكله بقى بيتنك كنتيجه طبيعيه للى هو فيه فمتستناش منه رجوله
الحمد لله على ان ال1 عدى بسلام من الايام السودا بتاعت دلوقتى وربنا يستر على الاسود -بتشديد السين!-اللى هتيجى

[Mostafa.Mahran]

المشكلة فعلا ان الواحد بيبقى طلع عينه فى الكلية و صرف مصاريف كتيرة جدا و غير كده مستوى المعيشة الى بيبقى الواحد عايش فيه

فمضوع الشغل فى بداية التخرج فى ناس بتبص له بتظرة واقعية انه فرصة لاكتساب الخبرة و فتح مجال لفرص عمل احسن

وناس تانية بتتصدم بالمرتب و عدد ساعات الشغل و مش بتقدر تستوعب الموقف

بس ده ميمنعش ان كل الشغل بالمرتبات دى لان فى شركات مرتباتها كويسة جدا بالنسبة للناس حديثة التخرج

وطبعا غير كل ده المجال بيفرق يعنى كدكتور او مهندس او محاسب او ادارى او اى حاجة

[Mahmoud Mosaad]

ياااه فكرتني بايام جميلة
أنا من 3 سنين ونص كدة كان بقالي سنة متخرج وكنت اكتأبت خلاص من قلة الشغل وأول شغلانة قبلتني والله ما سألت على الفلوس إلا أما هما اللي قالولي عشان أنا أصلن كان هدفي اشتغل حتى لو ببلاش أهم حاجة أطلع على أي بريمة حفر وخلاص أتعلم وأخد خبرة وكنت في الأول شغال فترة تحت التدريب وكنت شغلتي للي عارف اسمها sample catcher يعني بجيب عينات حفر كل شوية ، المهم هي شغلانة مش بتاعت مهندس خالص وكنت باخد في الفترة دي 25 جنيه في اليوم علبريمة ولو في البيت مبخدش حاجة وفضلت حوالي 4 شهور كدة وكنت مبسوط والدنيا تمام عشان عارف إيه هدفي بعد كدة وكنت بقرب منه كل مبذود خبرتي ومن ترقية لترقية وبعد سنة وصلت اني باخد 150 جنيه في إليوم وجت الفرصة اللي كنت مستنيهة ورحتلها و كله بقى تمام والحمد لله

[Ahmed Nouh]

انا جنب دراستى ووقوفى مع والدى فى الشغل اشتغلت ببلاش

والله لمدة سنة مكنتش باخد جنيه من المكان اللى شغال فيه وبعمل شغل و بدفع من جيبى فيه لمجرد انى اثبت نفسى

وبالرغم من انى كنت مجنون بمقاييس الناس كلها حتى اهلى الا ان والدى كان دايما يقولى لو متمرمطتش وانت صغير مش هتعرف تشقى وتتعب لما تكبر

الحمد لله بعد السنة دى ما عدت بقيت اعرف اطلب المرتب اللى انا اشوفه كويس وألوى دراع اصحاب الشغل اللى محتاجينى وكنت شغال لهم ببلاش وربنا اكرمنى من وسع

صحيح الفترة اللى فيها المرتب قليل دى بتحسس الواحد انه مش هيعمل حاجة فى حياته بس الصبر مفتاح الفرج وكل يوم شغل وخبرة بيفيد جدا فى المستقبل

[M.Mostafa80]

جيت علي الجرح
انا حاليا حديث تخرج
وشغال من 9 الي 5 ونص او 6 كمان وممكن تزيد ومافيش بدل سهر
وانا ساكن في شبرا والشغل في مدينه نصر وباخد 600 جنيه :)))))
بس لازم ارضي واسكت علشان انا لسه خريج وبأذن الله ربنا يكرم بحاجه احسن اسيبها واروح
مش اقعد في بيتنا بحجه اني بدور علي شغل انا ضد المبداء ده نهاااااااااااااائي

مش انت بس ياهيما انا مثلا خريج 2001 صحيح الحمد لله مرتبى ووضعى الف حمد وشكر ليك يارب لكن مواعيد شغلى المفروض من 10 الى 6 يعنى 8 ساعات بس انا لسه داخل البيت حالا وساعات بقعد ل10 و11 ولوحده باليل وفى تقفيل الميزانيات بتوصل ل 3 الفجر
والله يجماعه عايزكم تبقو مؤمنين وترضو بالرزق اللى ربنا بعتهملكم هتلاقو ربنا بيبارك فيهم
يعنى ال 600ج لو ارتضيت بيهم وحمدت ربنا (وأنا مبخصكش فى الكلام )هتلاقى ربنا مبارك لك فيهم وبيكفوك والأحسن من كدا ان بأذن ربنا وضعك هيبقى احسن
اتعبو أشتغلو اى حاجه الشغل بيجيب شغل ولو قرأتو قصيتى فى اول صفحه هتعرفو ان فعلا الشغل بيجيب شغل ربنا يوفقكم (احلى حاجه فى الدنيا الرضا ) ربنا بيبارك حتى لو قليل والله فى ناس فاتحه بيوت بال 600ج دول أزاى الله اعلم بحالهم وعايشين وراضيين

[AhMeD EzZ]

هي الحكاية معضلة كبيرة
المفروض ان الواحد يقبل باي شغل عشان ميقفلش باب رزق ربنا فتحه ليه
بس ناس كتير بتبصلها ازاي كان طالب و مصروفه اعلي من المرتب الي هياخدة و يقدر يعيش بيه و يبتبدي يجوز نفسة
بس فعلا لازم الواحد يقبل باي حاجة تتعرض عليه في الاول
لان طبيعة التعليم الجامعي في مصر ان مفيش تعليم و انت بتتعلم كل حاجة لما تشتغل فلازم تقبل

[Ahmed_lol2007]

والله جيت على الجرح
أنا أخويا خريج تجارة 2009 وبيتخد كورس انجليزى فى المعهد البريطانى غير كورسات الكمبيوتر اللى معاه
أول اما خلص جاله شغل فى مكتب محاسبة ب 150 جنيه ونزل وكان مبسوط جدا وقال مش مشكلة الفلوس
وصاحب المكتب كان بيبعته مشاوير تبع الشغل ممكن يصرف من جيبه 15 جنيه مواصلات وميدوش حاجة منهم
وقال مش مشكلة لكن بعديها باسبوعين لقى صاحب الشغل بدأ يتنك عليه وكان بيخليه يتاخر فى الشغل
ويجيبه بدرى الصبح قبل الكل وممكن يستنى ساعة ولا حاجة فى الشارع لحد ما المكتب يفتح
وكان بيقولهم على حاجات من الكورسات اللى كان بيأخدها عشان يعرفهم الجديد ويستفاد منهم بردة
ويشوف رأيهم بس هما فكروها تناكةو قالو لصاحب المكتب عشان كدة بقى بيتنك على اخويا
أخويا راح اتكلم معاه لقى انه مفيش حل قاله خلاص أنا مش هقدر أكمل معاك وشكره على الخبرة اللى ادهالو
وعلى كل شئ حلو عمله معاه وساب المكتب دة
ومن ساعتها مش لاقى شغل بيدور على اى حاجة بس الدنيا كلها مقفلة معاه
هو نفسه فى اى شغل مش مهم المرتب بس المهم ينزل من البيت عشان القاعدة وحشة أوى

[أحمد كمال]

ياباشا ولايهمك
امال لو سالتك عن تقديرك بقى
ههههههههههههه صباح الفل
عادي
الدكاترة دلوقتي اتغيروا عن الاول
دكتور احمد حمد مشي
دكتور سعيد الغنيمي
دكتور عبدالقوي شكري
دول مشيوا لو عارفهم

حضرتك انا بلا فخر التالت عالدفعة ............ من ورا

اعرف احمد حمد و سعيد الغنيمي طبعا ..... و قابلت د. سعيد من سنتين و نص في الحرم المكي ...... و السنة دي كان بيحج و للاسف لم استطع مقابلته ......

حاجه تكسف بس البطران ده مجاش من فراغ
الاسعار غليت والواد قد الشحط وبياخد مصروف كبير غير اللى بيخنصره وطبعا الاخلاق بقت فى الحضيض فكله بقى بيتنك كنتيجه طبيعيه للى هو فيه فمتستناش منه رجوله
الحمد لله على ان ال1 عدى بسلام من الايام السودا بتاعت دلوقتى وربنا يستر على الاسود -بتشديد السين!-اللى هتيجى

قصدك بتسكين السين و فتح الألف

والله جيت على الجرح
أنا أخويا خريج تجارة 2009 وبيتخد كورس انجليزى فى المعهد البريطانى غير كورسات الكمبيوتر اللى معاه
أول اما خلص جاله شغل فى مكتب محاسبة ب 150 جنيه ونزل وكان مبسوط جدا وقال مش مشكلة الفلوس
وصاحب المكتب كان بيبعته مشاوير تبع الشغل ممكن يصرف من جيبه 15 جنيه مواصلات وميدوش حاجة منهم
وقال مش مشكلة لكن بعديها باسبوعين لقى صاحب الشغل بدأ يتنك عليه وكان بيخليه يتاخر فى الشغل
ويجيبه بدرى الصبح قبل الكل وممكن يستنى ساعة ولا حاجة فى الشارع لحد ما المكتب يفتح
وكان بيقولهم على حاجات من الكورسات اللى كان بيأخدها عشان يعرفهم الجديد ويستفاد منهم بردة
ويشوف رأيهم بس هما فكروها تناكةو قالو لصاحب المكتب عشان كدة بقى بيتنك على اخويا
أخويا راح اتكلم معاه لقى انه مفيش حل قاله خلاص أنا مش هقدر أكمل معاك وشكره على الخبرة اللى ادهالو
وعلى كل شئ حلو عمله معاه وساب المكتب دة
ومن ساعتها مش لاقى شغل بيدور على اى حاجة بس الدنيا كلها مقفلة معاه
هو نفسه فى اى شغل مش مهم المرتب بس المهم ينزل من البيت عشان القاعدة وحشة أوى

لا ده كده استعباط ..... بس صدقني ربنا مش هيضيع مجهود اخوك هباء

[M.Mostafa80]

والله جيت على الجرح
أنا أخويا خريج تجارة 2009 وبيتخد كورس انجليزى فى المعهد البريطانى غير كورسات الكمبيوتر اللى معاه
أول اما خلص جاله شغل فى مكتب محاسبة ب 150 جنيه ونزل وكان مبسوط جدا وقال مش مشكلة الفلوس
وصاحب المكتب كان بيبعته مشاوير تبع الشغل ممكن يصرف من جيبه 15 جنيه مواصلات وميدوش حاجة منهم
وقال مش مشكلة لكن بعديها باسبوعين لقى صاحب الشغل بدأ يتنك عليه وكان بيخليه يتاخر فى الشغل
ويجيبه بدرى الصبح قبل الكل وممكن يستنى ساعة ولا حاجة فى الشارع لحد ما المكتب يفتح
وكان بيقولهم على حاجات من الكورسات اللى كان بيأخدها عشان يعرفهم الجديد ويستفاد منهم بردة
ويشوف رأيهم بس هما فكروها تناكةو قالو لصاحب المكتب عشان كدة بقى بيتنك على اخويا
أخويا راح اتكلم معاه لقى انه مفيش حل قاله خلاص أنا مش هقدر أكمل معاك وشكره على الخبرة اللى ادهالو
وعلى كل شئ حلو عمله معاه وساب المكتب دة
ومن ساعتها مش لاقى شغل بيدور على اى حاجة بس الدنيا كلها مقفلة معاه
هو نفسه فى اى شغل مش مهم المرتب بس المهم ينزل من البيت عشان القاعدة وحشة أوى

دا الطبيعى بتاع مكاتب المحاسبه
ولو كان استخمل بس لمده سنه بالظبط بعد السنه دى لو قدم فى شركه كأنه عندو خبره 5 سنين بالظبط
وياسلام بقى لو كان جه على نفسه كمان وفضل 3 سنين مع تأمين فى المكتب حتى لو على حسابه
وأخد رقم وبقى محاسب قانونى مع الخبره اللى هيكتسبها
بعد كدا يحط رجل على رجل ويطلب المرتب اللى هو عاوزه