حديث تخرج..!!!!!!!!!!!!!!

[mbx4e]

همممممم
هو الزملا قالوا كل اللي يتقال و ماعادش حاجة حد يزودها
و اهي في الآخر معادلة قالها لي واحد قريبي زمان

لو مافيش فلوس , على الاقل تبقى بتشتغل تملا السي في تمهيدا للانتقال لحاجة بفلوس مستقبليا , او في أضيق الحدود بتصرف على نفسك عشان تستحق كلمة راجل

نفسي في الحوار دا
استحق الكلمه العجيبة دي
الانسان مابيلقيش نفسه غير لما يعمل حاجه

[hazemhany]

يا جماعة انتوا ظالمين حديثي التخرج ظلم بين يعني ...
اولا مش كل حديثي التخرج بهايم زي ماانتوا بتقولوا لأ فيه شباب زي الفل وبتلاقيه فاهم في تخصصه جامد وقاري ومطلع ونزل تدريب في كذا حته وشاف حاجات كتيرة ..بس اكيد تنقصه الخبرة العملية اللي هيا اكيد هتيجي مع الشغل والاحتكاك بجو العمل ..
ثانيا لازم يا جماعة يبقي فيه حد ادني لاجور حديثي التخرج يعني لو هوا كويس وعدا انترفيو والامتحانات يبقي الراجل ده اكيدكويس ,, وانا مش بقول3000 جنيه بداية بس ع الاقل لو هوا مؤهل للعمل فعلا يبقي فيه حد ادني ليه يقدر يعيشه ويكفي احتياجاته الاساسية فقط مش هنقول يشتري شقة ولا يجهز ولا الحاجات دي ..اتعرض عليه اقل من كده يبقي سوري يعني بيهين نفسه وواقع تحت استغلال صاحب العمل ده .. وخير دليل ع كلامي ده فيه شركات كتير محترمة والبنوك كمان بتدفع لحديثي التخرج دول مبلغ وقدره من 2500 وانت طالع واديه برضه اسمه عديم الخبرة !!! ....

[Ahmed Nouh]

يا جماعة انتوا ظالمين حديثي التخرج ظلم بين يعني ...
اولا مش كل حديثي التخرج بهايم زي ماانتوا بتقولوا لأ فيه شباب زي الفل وبتلاقيه فاهم في تخصصه جامد وقاري ومطلع ونزل تدريب في كذا حته وشاف حاجات كتيرة ..بس اكيد تنقصه الخبرة العملية اللي هيا اكيد هتيجي مع الشغل والاحتكاك بجو العمل ..
ثانيا لازم يا جماعة يبقي فيه حد ادني لاجور حديثي التخرج يعني لو هوا كويس وعدا انترفيو والامتحانات يبقي الراجل ده اكيدكويس ,, وانا مش بقول3000 جنيه بداية بس ع الاقل لو هوا مؤهل للعمل فعلا يبقي فيه حد ادني ليه يقدر يعيشه ويكفي احتياجاته الاساسية فقط مش هنقول يشتري شقة ولا يجهز ولا الحاجات دي ..اتعرض عليه اقل من كده يبقي سوري يعني بيهين نفسه وواقع تحت استغلال صاحب العمل ده .. وخير دليل ع كلامي ده فيه شركات كتير محترمة والبنوك كمان بتدفع لحديثي التخرج دول مبلغ وقدره من 2500 وانت طالع واديه برضه اسمه عديم الخبرة !!! ....

على فكرة انا متفق معاك فى جزئية ان مش المفروض ان الوضع يبقى كدا

وفعلا حتى لو بيتعلم هو برده هيفيد الشغل ، لكن على عكس المفترض الجو هنا فى مصر لا يقوده اى قواعد او شروط فبالتالى ظروف التعيين تدار بالكامل بفكر اصحاب العمل اللى الغالب الاعظم منهم بيقول ده خريج جديد ومينفعش اديله مبلغ كويس

احنا بقى بنلوم على الشباب اللى بترفض الشغل كله وتضيع على نفسها سنين فى البيت بحجة انى مستنى فرصة كويسة فى حين ان الفرصة دى نصيب وممكن متجيش ولو بعد 10 سنين ، وعلشان هى ممكن متجيش يبقى لازم هو يعمل اى حاجة يقرب بيها نفسه من الفرصة اللى مستنيها

اكيد محدش يحب يشتغل بمبلغ تافه ولا حد يوافق صاحب العمل على كدا ، بس حلاً للأزمة الواحد لازم يبهدل نفسه علشان يلاقى مكان علشان فرص الشغل مع الاماكن اللى بتديرها عقليات واعية محدودة قوى فى مصر

وملحوظة من واقع عملى ، فى مصر الدراسة حاجة ( حتى لو كانت فى جامعة خاصة او اجنبية ) والشغل حاجة تانية خالص فعلا

ممكن تكون درست كل انواع وتخصصات الشغلانة بس الواقع هنا ليه اسلوب موردش على كتب ولا سمع عنه متخصصى التعليم

[hazemhassan]

الحمد الله انا من اول يوم بعد التخرج نزلت ولفيت على شغل ومن هنا اللى هنا لحد ما اتقبلت فى شركة بس الجيش هوة اللى عطلنى عنها وبعدين خلال فترة دى اخدت كورسات محاسبة ونزلت فى مكتب محاسبة ببلاش وبعدين خلصت موضوع الجيش والحمد الله اخدت تاجيل دورت على شغل تانى لحد ما ربنا اكرمنى وقبلت فى ماكنين مرة واحدة ورحت يوم هنا ويوم هنا واخترت اللى اريحلى هما اة مش مجالى اوى بس ليهم علاقة بالحسابات عقبال ماتيجى فرصة احسن واكون كملت باقى الكورسات اللى نقصانى وبالذات الانجلش
بس مايمنعش ان ساعات كتير صحاب الشغل الخاص بيستهبلو وبيبقو عايزنك تعمل كل حاجة مع ان فى ناس اقدم وهما قولى انهم يعملو الشغل دة وجربتها كذا مرة ولقيت عشان ما بعترضش عشان مش عايزاعد فى البيت تانى لقتها هتكون حلوانة فى سلوانة
ربنا يهدى الجميع

[shaddadfalcon1]

موضوع المرتبات بيختلف من شغل للتاني
يعني لو واحد لسه متخرج من حاسبات ومعلومات ورايح في شركه كويسه فاكيد مش هيقبل باقل من 2000 جنيه مثلا
لكن لو مدرس مثلا وعايز يشتغل في حكومي يبقي اكيد هيلاقي المرتبات اقل من كده بكتييير

[medo_2060]

كلام حميل ياجماعه ومتفق معاكم ان رفض الشغل مش منطق بس انا هتكلم فى نقطتين بس عشان برضه يبقى اتكلمنا فى الى لينا والى علينا ولو كلامى غلط برضه حد ينبهنى ممكن اكون مش فاهم الامور
1- انا شايف من وجهه نظرى الشخصيه ان الشغل ولو براتب قليل احسن من القعده بس مينفعش اكون خريج هندسه او طب واروح اشتغل فى سوبر ماركت ولا اى شغل تانى لانى لا هكسب خبره ولا فلوس انا مستعد اشتغل فى مجالى والله لو ب 100 جنيه لان الشغل هيجيب شغل وهاخد خبره

2-المفروض فى حد بين الشغل الادمى والغير ادمى يعنى فى شغل 14 ساعه فى اليوم وكلهم تنقلات بين المحافظات والمواقع يعنى مش قاعد اتح النت على مكتبك والراتب مش هيفرق فى الحاله دى وهقوله برضه كان الف جنيه كتير اوى دا غير انك هتتنقل من محافظتك اصلا لو واحد زى حالاتى عشان الشغل فى القاهره
شغل صعب جدا ويقصر العمر والله

انا معاكم ان فى حديثى التخرج بيتدلعوا بس برضه فى ناس معذوره والله زى السببين الى قلتهم فوق دول

[amribrahim]

معلش يعني هما ال٦٠٠ دول يجيبو إيه النهاردة لما أي خروجة مش أقل من ١٠٠ جنيه دة غير مثلاً كارت شحن أو بنزين أو مواصلات أو لبس أو سجاير دة الواحد يدخل يشتري شوية جبن على مش عارف إيه يطلع صارفلو مش أقل من ١٠٠ جنيه أو حتى ٨٠ جنيه ... بلاش كل الكلام دة هي ال-٦٠٠ جنيه ديه حوافر منهم قد إيه علشان تكوين نفسي مش فيه حاجة اسمها جواز ولا لأ

[John_Samy_1]

معلش يا جماعة بس أنا شايف إن فيه أعضاء حاسة إن حديث التخرج مظلوم لما تقول 600 جنيه وبيتكلموا على 2500 جنيه وانت طالع. وفيه أعضاء محترمين حاولوا يوضحوا إن صاحب الشغل مش بيديك مصروف ده راجل بيعمل شغل وعنده بيت يصرف عليه وميعرفش اللي شغال. لو هيدفع فلوس هيدفعها عشان بيجيب منك أكتر.
أنا لو في الشغل بتاعي 10 سنين خبرة ومش جايب همي ( أكتر من مرتبي على الاقل 50% ) صاحب الشغل يا هيمشيني يا هيقلل مرتبي وإلا كان احسنله يحط مرتبي في البنك وينام في بيتهم أحسن.
لو أنت شايف إنك بتعمل شغل أو بتدخل فلوس لصاحب الشغل بعد مابيصرف عليك بأكتر من 3700 جنيه يبقي أطلب ال2500 براحتك. بس حاول تفكر كده, إيه اللي أنت بتعمله ممكن يجيبله الفلوس ديه. متنساش صاحب الشغل بيضحي بالاتي لما بيشغل حد قليل الخبرة: مرتبك, استهلاك نور وإيجار مكان أنت واخده, سمعته وسمعة المكان ( وديه مفيش فلوس تعوضها ), تنفيذ الشغل باقل التكاليف, .....
أي حد ذو خبرة قليلة لو حتى كان أول دفعته مايساويش بصلة بالنسبة لصاحب أي شغل. الشغل حاجة واللي بتدرسه حاجة تانية واسألوا كل اللي اشتغلوا. إنت بتدرس كلام على ورق تجربته حاجة تانية خالص. أول دفعته بيمثل بس حد مجتهد ويمكن ييجي منه انما لا هو خبرة ولا جودة ولا أي حاجة, وصاحب الشغل لما يفاضل مابين أول الدفعة و واحد سنة خبرة في مجاله بياخد غالبا أبوسنة خبرة. عشان كده حديث التخرج يساوي 0 عائد بالنسبة لصاحب الشغل. ده بيعتبر إنه المفروض اصلا ياخد منك فلوس.

أنا شاب خريج 2006 يعني ماليش مصلحة آجي علي الشباب أنا بس شفت واشتغلت وبحاول انقل خبرتي. لو رحت اشتغل في شركة بتتعامل مع ناس لهم نفس مجال خبرتي بيقدروني بس لو رحت لشركة محاسبة مثلا هيدوني 600 جنيه ( ده لو رضيوا اصلا )
مشاكل بقي تكون نفسك إزاي وتصرف علي بيتك منين وحال البلد صاحب الشغل ملوش فيه. طلع عينك في الكلية وبقيت التاني عالدفعة والكلام ده ديه حاجة لنفسك. أنت مجتهد عشان تنفع نفسك مش عشان صاحب الشغل يكافئك على حاجة مش هتجيبله فلوس ولا هيستفاد منها. مطلع في مجالك بدون خبرة كأنك درست 6 سنين في كلية 5 سنين برده خبرة ورق مش عملية ولا بتجيب فلوس لصاحب العمل في الشغل بتاعه ولا المجال بتاعه ولا العملاء بتوعه. ديه خبرة لازم تكتسبها.
ظروف البلد الصعبة كل الناس اللي مجتهدة بتتعامل معها وكل واحد بيكيف نفسه مع وضعه الحالي.

[M.Mostafa80]

معلش يا جماعة بس أنا شايف إن فيه أعضاء حاسة إن حديث التخرج مظلوم لما تقول 600 جنيه وبيتكلموا على 2500 جنيه وانت طالع. وفيه أعضاء محترمين حاولوا يوضحوا إن صاحب الشغل مش بيديك مصروف ده راجل بيعمل شغل وعنده بيت يصرف عليه وميعرفش اللي شغال. لو هيدفع فلوس هيدفعها عشان بيجيب منك أكتر.
أنا لو في الشغل بتاعي 10 سنين خبرة ومش جايب همي ( أكتر من مرتبي على الاقل 50% ) صاحب الشغل يا هيمشيني يا هيقلل مرتبي وإلا كان احسنله يحط مرتبي في البنك وينام في بيتهم أحسن.
لو أنت شايف إنك بتعمل شغل أو بتدخل فلوس لصاحب الشغل بعد مابيصرف عليك بأكتر من 3700 جنيه يبقي أطلب ال2500 براحتك. بس حاول تفكر كده, إيه اللي أنت بتعمله ممكن يجيبله الفلوس ديه. متنساش صاحب الشغل بيضحي بالاتي لما بيشغل حد قليل الخبرة: مرتبك, استهلاك نور وإيجار مكان أنت واخده, سمعته وسمعة المكان ( وديه مفيش فلوس تعوضها ), تنفيذ الشغل باقل التكاليف, .....
أي حد ذو خبرة قليلة لو حتى كان أول دفعته مايساويش بصلة بالنسبة لصاحب أي شغل. الشغل حاجة واللي بتدرسه حاجة تانية واسألوا كل اللي اشتغلوا. إنت بتدرس كلام على ورق تجربته حاجة تانية خالص. أول دفعته بيمثل بس حد مجتهد ويمكن ييجي منه انما لا هو خبرة ولا جودة ولا أي حاجة, وصاحب الشغل لما يفاضل مابين أول الدفعة و واحد سنة خبرة في مجاله بياخد غالبا أبوسنة خبرة. عشان كده حديث التخرج يساوي 0 عائد بالنسبة لصاحب الشغل. ده بيعتبر إنه المفروض اصلا ياخد منك فلوس.

أنا شاب خريج 2006 يعني ماليش مصلحة آجي علي الشباب أنا بس شفت واشتغلت وبحاول انقل خبرتي. لو رحت اشتغل في شركة بتتعامل مع ناس لهم نفس مجال خبرتي بيقدروني بس لو رحت لشركة محاسبة مثلا هيدوني 600 جنيه ( ده لو رضيوا اصلا )
مشاكل بقي تكون نفسك إزاي وتصرف علي بيتك منين وحال البلد صاحب الشغل ملوش فيه. طلع عينك في الكلية وبقيت التاني عالدفعة والكلام ده ديه حاجة لنفسك. أنت مجتهد عشان تنفع نفسك مش عشان صاحب الشغل يكافئك على حاجة مش هتجيبله فلوس ولا هيستفاد منها. مطلع في مجالك بدون خبرة كأنك درست 6 سنين في كلية 5 سنين برده خبرة ورق مش عملية ولا بتجيب فلوس لصاحب العمل في الشغل بتاعه ولا المجال بتاعه ولا العملاء بتوعه. ديه خبرة لازم تكتسبها.
ظروف البلد الصعبة كل الناس اللي مجتهدة بتتعامل معها وكل واحد بيكيف نفسه مع وضعه الحالي.

الله ينور عليك كلام موزون من شخص واقعى وعملى

[amribrahim]

معلش يعني هما ال٦٠٠ دول يجيبو إيه النهاردة لما أي خروجة مش أقل من ١٠٠ جنيه دة غير مثلاً كارت شحن أو بنزين أو مواصلات أو لبس أو سجاير دة الواحد يدخل يشتري شوية جبن على مش عارف إيه يطلع صارفلو مش أقل من ١٠٠ جنيه أو حتى ٨٠ جنيه ... بلاش كل الكلام دة هي ال-٦٠٠ جنيه ديه حوافر منهم قد إيه علشان تكوين نفسي مش فيه حاجة اسمها جواز ولا لأ

أنا عاوز حد يرد على مشاركتي

[M.Osman]

أنا عاوز حد يرد على مشاركتي

يا باشا مهو الموضوع اصلاً بيدور حول الكلام ده و الرجالة رأيهم ان مش مهم الفلوس في الأول و الأهم الخبرة و الشغل بيجيب شغل و انا متفق معاهم

مهو انت اكيد برضه كخريج جديد و مرتبك 600 اكيد كدا كدا هتاخد مساعدات من اهلك لحد ما تقف على رجلك (غالباً يعني... معرفش ظروف كل الناس)

يبقى الـbottom line ان الخبرة هي الخلاصة في الفترة دي:) و مينفعش نرفض كل الفرص عمال على بطال بحجة ان شغل هيبهدلني او العائد المادي مش كافي ..

[M.Mostafa80]

يا باشا مهو الموضوع اصلاً بيدور حول الكلام ده و الرجالة رأيهم ان مش مهم الفلوس في الأول و الأهم الخبرة و الشغل بيجيب شغل و انا متفق معاهم

مهو انت اكيد برضه كخريج جديد و مرتبك 600 اكيد كدا كدا هتاخد مساعدات من اهلك لحد ما تقف على رجلك (غالباً يعني... معرفش ظروف كل الناس)

يبقى الـbottom line ان الخبرة هي الخلاصة في الفترة دي:) و مينفعش نرفض كل الفرص عمال على بطال بحجة ان شغل هيبهدلني او العائد المادي مش كافي ..

بلزبط كدا هى دى الخلاصه ودا الرد اللى كنت داخل ارده

[amribrahim]

يا باشا مهو الموضوع اصلاً بيدور حول الكلام ده و الرجالة رأيهم ان مش مهم الفلوس في الأول و الأهم الخبرة و الشغل بيجيب شغل و انا متفق معاهم

مهو انت اكيد برضه كخريج جديد و مرتبك 600 اكيد كدا كدا هتاخد مساعدات من اهلك لحد ما تقف على رجلك (غالباً يعني... معرفش ظروف كل الناس)

يبقى الـbottom line ان الخبرة هي الخلاصة في الفترة دي:) و مينفعش نرفض كل الفرص عمال على بطال بحجة ان شغل هيبهدلني او العائد المادي مش كافي ..

طيب لو فرضنه إن مثلاً الواحد مش هياخد أي مساعدة من العائلة يعمل إيه ساعتها يبقى ال ٦٠٠ مش هتبقى كفاية

غير كدة هتفضل تاخد من والدك لغاية امتى ؟؟؟

[magyver]

والله ربنا معانا بقي
انا لسة متخرج السنااااااااادي

[amribrahim]

على فكرة حتى المراتب أم ٢٠٠٠ أو ٣٠٠٠ مش كفاية ... كل يوم الحاجة في مصر بتغلا أنا صاحبي بياخد ٣٠٠٠ والله بيخلصوا في نص الشهر ... و هو مش بيدخن لكن الكروت الشحن و اللبس و بنزين عربية ... ده كمان بطل يخرج يروح كافيهات مستوى و بقى بيروح كافيهات زبالة علشان يوفر و كمان مايدفعش مينيموم كل مرة ٣٠ أو ٥٠ جنيه