حديث تخرج..!!!!!!!!!!!!!!

[John_Samy_1]

على فكرة حتى المراتب أم ٢٠٠٠ أو ٣٠٠٠ مش كفاية ... كل يوم الحاجة في مصر بتغلا أنا صاحبي بياخد ٣٠٠٠ والله بيخلصوا في نص الشهر ... و هو مش بيدخن لكن الكروت الشحن و اللبس و بنزين عربية ... ده كمان بطل يخرج يروح كافيهات مستوى و بقى بيروح كافيهات زبالة علشان يوفر و كمان مايدفعش مينيموم كل مرة ٣٠ أو ٥٠ جنيه

هو الموضوع بيكون اصعب لو حضرتك فاتح بيت اصلا وعايز شغل بدون خبرة
بس خليني اقولك حاجة تكوين نفس لا يساوي كروت شحن, كافيه, بنزين, سجاير, سينما, فسحة ....
الكلمة معبرة عن نفسها. إنت بتكون نفسك مش فلوسك. نفس هي شخصية هي خبرة هي كفاءة هي اجادة لعمل معين مع وجود امتيزات عندك مش عند غيرك. النفس مش بتكتسب فوريا ديه بتيجي مع وقت وجهد وشغل.
أنا ليَّ قريبي متجوز وهو بيكون نفسه بـ900 جنيه في الشهر. بس حاليا بقي مساعد مدير إدارة وهو سنه 28 سنة. لازم وانت سنك صغير وتستحمل تيجي علي الرفاهيات الاتية: مفيش غير كرة شحن واحد في الشهر بـ50 جنيه, وفر في مكالمتك. الكافيه ده للناس اللي معندهاش شغل تاني يوم وقاعدة فاضية, لو لازم قاعدة شوف قهوة نضيفة تصرف فيها من 5 ل10 جنيه بالكتير يوم الخميس أو الجمعة بس. أنت مشغول باقي الأيام وبتكون نفسك. اركن العربية وقضيها ميكروباصات ( مش تاكسي ). الموصلات ارخص بس بهدلة بس احنا لسة صغيرين والبهدلة دلوقتي ممكن نستحملها. أنا ساكن في آخر الهرم وشغلي كان في صلاح سالم أو جنينة مال في مدينة نصر من 4 سنين. مجبتش العربية غير من سنة واحدة. بقالي سنتين ونص مقضيها ميكروباصات, لحد مصاحب الشغل بقي يحتاجني قوي وصرفلي تاكسي من معاه. السجاير والشيشة تدمير لصحتك وجيبك. سينما وفسح وخروجات ديه بتصرف في حدود 50 جنيه ل100 فلازم لو هتعمل كده تكون محسوبة قوي. وتقل من الحاجات ديه عشان أنت عايز تكون نفسك. بكرة لما تاخد كام سنة خبرة وربنا يفتحها عليك هتخرج براحتك بس دلوقتي أنت عليك مسئولية تجاه نفسك. كونها دلوقتي وألا هتفضل طول عمرك مش عارف تخرج ولا تتفسح براحتك.
أنا مش بقولك 600 جنيه دول يعيشوك ملك أنا عارف انهم هيزنقوك ويخلوك تيجي على كرامتك ومستواك كتير. أنا ابتديت بـ350 جنيه وكنت قبلها عايش خروجات وسينما و orange و lipsticks و fuddruckers. بس كان لازم آجي على نفسي. لحد ماشتغلت والشغل عمل CV عريض والCV جاب شغل تاني وكده. أنا بس بقولك اقبلهم دلوقتي واعلى بيهم عشان بكرة يجيلك الأحسن. والا هيفضل طول عمرك قيمتك في السوق 600 جنيه. لو عايز تكون أسرة بيهم هيكون صعب صعب صعب. وبدل ماهتيجي على نفسك لوحدك هتيجي على الناس اللي أنت بتحبهم ومالهمش ذنب.

[shaddadfalcon1]

هو الموضوع بيكون اصعب لو حضرتك فاتح بيت اصلا وعايز شغل بدون خبرة
بس خليني اقولك حاجة تكوين نفس لا يساوي كروت شحن, كافيه, بنزين, سجاير, سينما, فسحة ....
الكلمة معبرة عن نفسها. إنت بتكون نفسك مش فلوسك. نفس هي شخصية هي خبرة هي كفاءة هي اجادة لعمل معين مع وجود امتيزات عندك مش عند غيرك. النفس مش بتكتسب فوريا ديه بتيجي مع وقت وجهد وشغل.
أنا ليَّ قريبي متجوز وهو بيكون نفسه بـ900 جنيه في الشهر. بس حاليا بقي مساعد مدير إدارة وهو سنه 28 سنة. لازم وانت سنك صغير وتستحمل تيجي علي الرفاهيات الاتية: مفيش غير كرة شحن واحد في الشهر بـ50 جنيه, وفر في مكالمتك. الكافيه ده للناس اللي معندهاش شغل تاني يوم وقاعدة فاضية, لو لازم قاعدة شوف قهوة نضيفة تصرف فيها من 5 ل10 جنيه بالكتير يوم الخميس أو الجمعة بس. أنت مشغول باقي الأيام وبتكون نفسك. اركن العربية وقضيها ميكروباصات ( مش تاكسي ). الموصلات ارخص بس بهدلة بس احنا لسة صغيرين والبهدلة دلوقتي ممكن نستحملها. أنا ساكن في آخر الهرم وشغلي كان في صلاح سالم أو جنينة مال في مدينة نصر من 4 سنين. مجبتش العربية غير من سنة واحدة. بقالي سنتين ونص مقضيها ميكروباصات, لحد مصاحب الشغل بقي يحتاجني قوي وصرفلي تاكسي من معاه. السجاير والشيشة تدمير لصحتك وجيبك. سينما وفسح وخروجات ديه بتصرف في حدود 50 جنيه ل100 فلازم لو هتعمل كده تكون محسوبة قوي. وتقل من الحاجات ديه عشان أنت عايز تكون نفسك. بكرة لما تاخد كام سنة خبرة وربنا يفتحها عليك هتخرج براحتك بس دلوقتي أنت عليك مسئولية تجاه نفسك. كونها دلوقتي وألا هتفضل طول عمرك مش عارف تخرج ولا تتفسح براحتك.
أنا مش بقولك 600 جنيه دول يعيشوك ملك أنا عارف انهم هيزنقوك ويخلوك تيجي على كرامتك ومستواك كتير. أنا ابتديت بـ350 جنيه وكنت قبلها عايش خروجات وسينما و orange و lipsticks و fuddruckers. بس كان لازم آجي على نفسي. لحد ماشتغلت والشغل عمل cv عريض والcv جاب شغل تاني وكده. أنا بس بقولك اقبلهم دلوقتي واعلى بيهم عشان بكرة يجيلك الأحسن. والا هيفضل طول عمرك قيمتك في السوق 600 جنيه. لو عايز تكون أسرة بيهم هيكون صعب صعب صعب. وبدل ماهتيجي على نفسك لوحدك هتيجي على الناس اللي أنت بتحبهم ومالهمش ذنب.

انت قلت للي عايز اقوله
مفيش واحد عايز يكون نفسه وفي نفس الوقت يبقي مقضيها وعايش حياته فسح وسهرات وحوارات
لالالالالالالالالازم تشرب

[M.Mostafa80]

على فكرة حتى المراتب أم ٢٠٠٠ أو ٣٠٠٠ مش كفاية ... كل يوم الحاجة في مصر بتغلا أنا صاحبي بياخد ٣٠٠٠ والله بيخلصوا في نص الشهر ... و هو مش بيدخن لكن الكروت الشحن و اللبس و بنزين عربية ... ده كمان بطل يخرج يروح كافيهات مستوى و بقى بيروح كافيهات زبالة علشان يوفر و كمان مايدفعش مينيموم كل مرة ٣٠ أو ٥٠ جنيه

طب وهو احنا بنشتغل عشان كروت الشحن والبنزين والكافيهات
دا على كدا صاحبك مابفصلش المكالمه وبيتكلم 24 ساعه وقاعد فى الكافيه ليل نهار ومابيبطلش موتور عربيته
انا متزوج وعندى طفله فى المدرسه
تليفونى بيكلفنى 50 ج فى الشهر كارت شحن
عربيتى بحطلها ب 30 ج بنزين فى الأسبوع دا لو مخرجتش او مسافرتش يعنى 120 ج فى الشهر
هنقول حدا تانى شغلو بعيد هيحط ب 100 ج بنزين فى الأسبوع يعنى 400ج والمفروض انو لسه خريج يعنى معهوش عربيه الا أذا لو والدو جيبهالو
المفروض انكم هدفكم تكونو نفسكم زى ما بتقولو يبقى الكافيه والتليفون اللى ما بيفصلش والعربيه اللى دايره طول النهار المفروض استخدامها يبقى بعقل

[أشرف فتحى]

معلش يعني هما ال٦٠٠ دول يجيبو إيه النهاردة لما أي خروجة مش أقل من ١٠٠ جنيه دة غير مثلاً كارت شحن أو بنزين أو مواصلات أو لبس أو سجاير دة الواحد يدخل يشتري شوية جبن على مش عارف إيه يطلع صارفلو مش أقل من ١٠٠ جنيه أو حتى ٨٠ جنيه ... بلاش كل الكلام دة هي ال-٦٠٠ جنيه ديه حوافر منهم قد إيه علشان تكوين نفسي مش فيه حاجة اسمها جواز ولا لأ

طيب لو فرضنه إن مثلاً الواحد مش هياخد أي مساعدة من العائلة يعمل إيه ساعتها يبقى ال ٦٠٠ مش هتبقى كفاية

غير كدة هتفضل تاخد من والدك لغاية امتى ؟؟؟

على فكرة حتى المراتب أم ٢٠٠٠ أو ٣٠٠٠ مش كفاية ... كل يوم الحاجة في مصر بتغلا أنا صاحبي بياخد ٣٠٠٠ والله بيخلصوا في نص الشهر ... و هو مش بيدخن لكن الكروت الشحن و اللبس و بنزين عربية ... ده كمان بطل يخرج يروح كافيهات مستوى و بقى بيروح كافيهات زبالة علشان يوفر و كمان مايدفعش مينيموم كل مرة ٣٠ أو ٥٠ جنيه

تصدق انت فقعتهالى........المراره طبعا!!!

أنا لسه مروح دلوقتى من شغللى وداخل نت لغايه ما الغداء يجهز......تفتكر عندى وقت اتكلم فى الموبايل مع حد بره الشغل ولا أقعد على كافيه سواء محترمه ولا زباله؟!

تفتكر ههتم انى اشترى بدله ماركتها ايه ولا حتى عندى وقت اتفرج على محلات؟!!


حضرتك يا عمرو بتتكلم على فئه تانيه خالص غير اللى بنتكلم عليها....احنا بنتكلم على عامه الشعب اللى أقصى طموح ليهم يشتروا عربيه ترحمهم من بهدله الاتوبيس والميكروباص....

صاحبك اللى مش مكفيه 3000 جنيه تليفونات وبنزين وكافيه وسجاير .... بياخد مرتب 5 شباب مجتهد هيبقوا حاجه بعد كام سنه...

ونكمل كلام بعدين عشان الغدا جهز....إتفضلوا معانا..!!

[Deshahcoka]

يعني دلوقتي بتوع الجامعات الخاصة الي بيدفعوا دم قلبهم 5 سنين دراسه بمصاريفها و الي عائلتع عيشته في مستوى راقي و عربية و حياة كريمة ! في الاخر بعد كل كدة يتصدم انوا مفيش شغل و لو في خد 600 جنيه و حط جزمة في بقك ؟!

يعني باي منطق انوا كان طالب بياخد مصروف اعلى من مرتبه و هوا شغال وز مكنش عليه مسؤوليات و انوا عاوز يتجوز و يكون نفسه ! مهوا لو حتى ابوه ساعده و جابله شقة و عربية و فرش طيب حياكل عياله و مراته منين كل شهر ؟ اكيد ابوه مش عايشله العمر كله ! و حتى لو معاه فلوس من مشروع ولا شغله يبقى انتا كدة حتصرفه ! يبقى بح !

ايه الحل بقى ؟

[gebreel]

يعني دلوقتي بتوع الجامعات الخاصة الي بيدفعوا دم قلبهم 5 سنين دراسه بمصاريفها و الي عائلتع عيشته في مستوى راقي و عربية و حياة كريمة ! في الاخر بعد كل كدة يتصدم انوا مفيش شغل و لو في خد 600 جنيه و حط جزمة في بقك ؟!

يعني باي منطق انوا كان طالب بياخد مصروف اعلى من مرتبه و هوا شغال وز مكنش عليه مسؤوليات و انوا عاوز يتجوز و يكون نفسه ! مهوا لو حتى ابوه ساعده و جابله شقة و عربية و فرش طيب حياكل عياله و مراته منين كل شهر ؟ اكيد ابوه مش عايشله العمر كله ! و حتى لو معاه فلوس من مشروع ولا شغله يبقى انتا كدة حتصرفه ! يبقى بح !

ايه الحل بقى ؟

الحل يا باشا انو يقبل و يدور في حتت تانية في نفس الوقت يبقى مضيعش وقت و لو لقى في حتة تانية يبقى خير اخلع من ام 600 و امسك في الثانية و معروف ان في بداية الحياة العملية التنقل الكثير ده مبيبقاش عيب في حق طالب الوظيفة و اظن كدة يبقى احسن ما يقعد في البيت و يحمل على والده و والدته اكثر من ال 5 سنوات اللي دفعوا فيها دم قلبهم و يحسسهم انو اعتمد على نفسو لأن بكل بساطة اهالينا كلنا بلا استثناء اتبهدلوا في اول حياتهم و ملقوش المرتب ابو كام الف و العربية الفول اوبشن و الخروجات اللي كل يوم و البهدلة دي هي اللي خلتهم كدة دلوقتي

[Deshahcoka]

الحل يا باشا انو يقبل و يدور في حتت تانية في نفس الوقت يبقى مضيعش وقت و لو لقى في حتة تانية يبقى خير اخلع من ام 600 و امسك في الثانية و معروف ان في بداية الحياة العملية التنقل الكثير ده مبيبقاش عيب في حق طالب الوظيفة و اظن كدة يبقى احسن ما يقعد في البيت و يحمل على والده و والدته اكثر من ال 5 سنوات اللي دفعوا فيها دم قلبهم و يحسسهم انو اعتمد على نفسو لأن بكل بساطة اهالينا كلنا بلا استثناء اتبهدلوا في اول حياتهم و ملقوش المرتب ابو كام الف و العربية الفول اوبشن و الخروجات اللي كل يوم و البهدلة دي هي اللي خلتهم كدة دلوقتي

مهوا اهاليني اتبهدالوا و طلع عين اهلهم لغاية ما وصلوا للمستوى ده بس الفكرة انوا هل احنا هنعيده من الصفر تاني ؟ يعني بالحال الي الدنيا فيه الايام ديه مش زي زمان ! يعني والله حاجة تجيب اكتئاب و تسد النفس و تخليك مش طايق حاجة و بجد مش عارف تعمل ايه !

[i_Am_Legend]

ايه الكلام دة_هو كل واحد ربنا كرمة بشغلانة فى شركة ولا حكومة هايتنطط على شباب حديثى تخرج_يعنى كل شاب من دول إتخرج وإتفحت 4-5 سنين فى الكلية_غير طول عمرة فى الدراسة_وفى الآخر يشتغل فى حاجة مالهاش أى علاقة بدراستة اصلا _وياخد 600 جنيه ولا الف جنيه حتى _شوف المواصلات بكام _وأكل بكام_دة انا لسة حالا واكل ساندوتشين بطاطس ب5 جنيه_وجنيه ونص بيبسى _يعنى ما أسرفتش يعنى وكمان مش بدخن_ومرتبى كلة 800 جنيه_وبعد خصومات وحبة هبل كدة ونصب وتلاكيك_بيفضل700_مش بيقضينى لوحدى_هاتدفع كروت شحن_ولا مواصلات ولا تاكل دة إذا ما كنتش بتدخن اصلا!وهتاكل بطاطس وفول يعنى مش كنتاكى ولا كووك دور_قلولى بقى_هانتجوز منين_هاندفع جمعية منين_إيجار شقة منين_هانجيب عربية منييين_ماتجننوناش بقى وسيبونا فى اللى إحنا فيه_وعلى فكرة انا متخرج من 3 سنين يعنى!

[mbx4e]

3000 في الشهر ربنا يزديه ماشاء الله (ولئن شكرتم لازيدنكم ) وانت معاك حق الواحد لما بيخش السوبر ماركت اقل مابيصرف 100 او 80 عندنا البلد مافهاش بركة خالص الاسعار كلها مولعة ( معدل التضخم الاقتصادي زي الفل )
وعلى فكرة ال 3000 ممكن مايكفوش واحد وممكن يكفوا اسرة من 5 افراد في الشهر وتعيشهم بشوات كمان وهي دي البركه ياريس خلي بالك ومالهاش علاقة بالطموح والخبرة اللي احنا بنتكلم فيهم
حضرتك ممكن تقول صاحبك دا شغلته ايه ؟ مؤهله ايه ؟ مهاراته وكفائته وخبرته المهنيه ايه ؟(ياريت بقى تقول لو كان شغلانته دي بواسطه ولا من غيره )؟ معلش انا غلست في السؤال الاخير بس ليا هدف
وانا مابهاجكمش بكلامي ارجوك ماتهمنيش غلط انا ليا بس غرض من سؤالي هاقلك عليه لما تجاوبني

[Deshahcoka]

ايه الكلام دة_هو كل واحد ربنا كرمة بشغلانة فى شركة ولا حكومة هايتنطط على شباب حديثى تخرج_يعنى كل شاب من دول إتخرج وإتفحت 4-5 سنين فى الكلية_غير طول عمرة فى الدراسة_وفى الآخر يشتغل فى حاجة مالهاش أى علاقة بدراستة اصلا _وياخد 600 جنيه ولا الف جنيه حتى _شوف المواصلات بكام _وأكل بكام_دة انا لسة حالا واكل ساندوتشين بطاطس ب5 جنيه_وجنيه ونص بيبسى _يعنى ما أسرفتش يعنى وكمان مش بدخن_ومرتبى كلة 800 جنيه_وبعد خصومات وحبة هبل كدة ونصب وتلاكيك_بيفضل700_مش بيقضينى لوحدى_هاتدفع كروت شحن_ولا مواصلات ولا تاكل دة إذا ما كنتش بتدخن اصلا!وهتاكل بطاطس وفول يعنى مش كنتاكى ولا كووك دور_قلولى بقى_هانتجوز منين_هاندفع جمعية منين_إيجار شقة منين_هانجيب عربية منييين_ماتجننوناش بقى وسيبونا فى اللى إحنا فيه_وعلى فكرة انا متخرج من 3 سنين يعنى!

كلام صح والله !! ده سندوتش الفول ب جنيه و نص ! يعني الواحد لو فطر و اتغدا و اتعشى فول ال 600 جنيه ميكفوش ! بتتكلموا في ايه يارجالة! انا بجد والله مش عارف الناس عايشة ازاي ! والله هوا ربنا الي معيشهم و بيرزقهم ! غير كدة متقليش انوا مرتبه بيكفيه !

[i_Am_Legend]

ياريت كل واحد من الناس أللى مش عاجبها حال حديثى التخرج_يقولنا هو مرتبة كام دلوقتى_إشتغل إزاى _إشترى عربيتة وإتجوز منين_ها ياريت نعرف كدة علشان نعمل زيهم_حاجة من 2_يا أهلة مرتاحين وساعدوه_يا إما إشتغل فى شركة محترمة بالواسطة_يا سافر الخليج_يافتح مشروع بمساعدة أهلة بردوا!!

[أشرف فتحى]

ايه الكلام دة_هو كل واحد ربنا كرمة بشغلانة فى شركة ولا حكومة هايتنطط على شباب حديثى تخرج_يعنى كل شاب من دول إتخرج وإتفحت 4-5 سنين فى الكلية_غير طول عمرة فى الدراسة_وفى الآخر يشتغل فى حاجة مالهاش أى علاقة بدراستة اصلا _وياخد 600 جنيه ولا الف جنيه حتى _شوف المواصلات بكام _وأكل بكام_دة انا لسة حالا واكل ساندوتشين بطاطس ب5 جنيه_وجنيه ونص بيبسى _يعنى ما أسرفتش يعنى وكمان مش بدخن_ومرتبى كلة 800 جنيه_وبعد خصومات وحبة هبل كدة ونصب وتلاكيك_بيفضل700_مش بيقضينى لوحدى_هاتدفع كروت شحن_ولا مواصلات ولا تاكل دة إذا ما كنتش بتدخن اصلا!وهتاكل بطاطس وفول يعنى مش كنتاكى ولا كووك دور_قلولى بقى_هانتجوز منين_هاندفع جمعية منين_إيجار شقة منين_هانجيب عربية منييين_ماتجننوناش بقى وسيبونا فى اللى إحنا فيه_وعلى فكرة انا متخرج من 3 سنين يعنى!

بص يا سيدى الفاضل.....

النصيحه مش تنطيط.....انا لما أقولك انك تقبل شغل تكون بيه خبره لما تكون حديث تخرج..ومتحلمش انك هتقبضلك مبلغ يكفيك ويفيض وتتجوز وتحوش وتشرب سجلير وتتكلم فى الموبايل وتفول عربيتك بنزين وتقعد على كافيهات وتعيش حياتك....أبقى بقولك تجربتى بما انى فى سوق العمل بقالى أكتر من 15 سنه....يعنى مش لسه ربنا كارمنى بشغلانه وبتنطط عليك بيها...أنا لا هاخد منك ولا هديلك أكتر من نصيحه ..تقبل بيها او ترفضها ده يرجعلك...ومش مستهله تتجنن ولا تتضايق...

وأزيدك من الشعر بيت....

لو حضرتك إتخرجت من 3 سنوات وبقى عندك خبره كويسه وتميزت فى مجالك....وده نفس المرتب اللى اتعينت بيه من 3 سنوات على فرض انك اشتغلت اول ما إتخرجت...يبقى ده الوقت اللى تبدأ تدور فيه على مكان أحسن ..إبدأ إبعت السى فى بتاعك لشركات أكبر وإن شاء الله هتتوفق لحاجه أحسن بمرتب أحسن وتشترى كل اللى نفسك فيه...!!

وعلى فكره أنا بشتغل من أكتر من 15 سنه وبرضو مقدرش انى أجيب أكل كل يوم من كوك دور ولا كنتاكى..!!

لسبب بسيط...لو كل يوم هتشترى أكل وشرب ب 40 جنيه هتحتاج الف جنيه مصاريف شخصيه...يعنى مرتب محاسب قديم كمان.....

ربنا يوفقك وابقى هدى اعصابك شويه.......

[Ahmed Nouh]

الموضوع خرج عن هدفه

يا جماعة الموضوع والردود مش الهدف منهم ابداً اقناع حديثى التخرج يعيشوا مستقبلهم بـ 600 جنيه

ولا بيخاطب الناس اللى شغالة منهم اصلا ويقولهم حلو ال 600 جنيه واقفل على طموحك ، الموضوع تحديدا للفئة اللى بتقعد فى البيت وعايزين اول شغل ليهم يشتغلوه بعد التخرج مباشرة يكون حاجة ممكن يحوش منها علشان يجيب عربية ويتجوز بدون ما اصلا يستغل وقته فى اكتساب خبرة لتحسين فرصته فى ايجاد عمل كويس يقدر يعيش من مرتبه

ايه بس اللى دخل فى دماغكم اننا بنقول ان الـ 600 جنيه دى تفتح بيت او تصرف على واحد بطوله حتى

الخلاصة ، لو اساسا الشاب قاعد فى بيتهم مبيعملش اى حاجة ومبيدخلش جنيه لنفسه فى الشهر واهله بيصرفوا عليه وبينقى الشغل المفروض يقبل اى شغل ان شاء الله ببلاش اهو منه يبقى عمل حاجة لمستقبله

وربنا يعيننا كلنا على حالنا وحال البلد

[أشرف فتحى]

ياريت كل واحد من الناس أللى مش عاجبها حال حديثى التخرج_يقولنا هو مرتبة كام دلوقتى_إشتغل إزاى _إشترى عربيتة وإتجوز منين_ها ياريت نعرف كدة علشان نعمل زيهم_حاجة من 2_يا أهلة مرتاحين وساعدوه_يا إما إشتغل فى شركة محترمة بالواسطة_يا سافر الخليج_يافتح مشروع بمساعدة أهلة بردوا!!

طبعا انا شايف إنك قلبت الكلام على أنه الناس مش عاجبها حال حديثى التخرج......!!

هقولك على كام مثال...

واحد صديقى جدا ....

طبيب بشرى...وأفتكر دى أكتر دراسه مكلفه ولما بتتخرج الوجاهه والوضع الإجتماعى بيكونوا عامل مهم فى تحديد مركزه فى شغله....يعنى مهنه بتفرض عليك مصاريف أكتر من إمكانيات حديث تخرج....عشان كده إشتغل فى 3 أماكن غير بعض ومع العلم معندوش عربيه وربنا كرمه واتجوز السنه اللى فاتت ومبسوط وبقى يشتغل دلوقتى فى مكانين فقط..

وأفتكر إن أستاذ محمد مصطفى وضح إنه بدأ بموظف أمن وأستاذ جبريل وأستاذ أحمد كمال وضحوا انه المهم انك تبدأ وتاخد خبره وانت وإجتهادك......

مش هتكسف أقول إنى بدأت بمرتب 100 جنيه و20 جنيه صاحب العمل يغمزنى بيهم على اعتبار انه عاجبه شغلى....

وإشتغلت فى فندق بالساعه....الساعه ب 75 قرش..وبحد أقصى 16 ساعه ولو إتعديت ال 16 ساعه مفيش حساب...

وإستغلت بالإنتاج...والاساسى 90 جنيه وورديه ليل من 8 م الى 8 ص ...

كل ده خلانى قدرت أجمع مقدمه شقه إيجار فى منطقه شعبيه......

ولله الحمد دلوقتى ..أنا فى نعمه من ربنا وفضل..ولا سافرت الخليج ولا عندى مشروع ولا أهلى ساعدونى بأكتر من العادى ....زى اى شاب وزى لو ابنى اتجوز ما هاساعده...

[أشرف فتحى]

الموضوع خرج عن هدفه

يا جماعة الموضوع والردود مش الهدف منهم ابداً اقناع حديثى التخرج يعيشوا مستقبلهم بـ 600 جنيه

ولا بيخاطب الناس اللى شغالة منهم اصلا ويقولهم حلو ال 600 جنيه واقفل على طموحك ، الموضوع تحديدا للفئة اللى بتقعد فى البيت وعايزين اول شغل ليهم يشتغلوه بعد التخرج مباشرة يكون حاجة ممكن يحوش منها علشان يجيب عربية ويتجوز بدون ما اصلا يستغل وقته فى اكتساب خبرة لتحسين فرصته فى ايجاد عمل كويس يقدر يعيش من مرتبه

ايه بس اللى دخل فى دماغكم اننا بنقول ان الـ 600 جنيه دى تفتح بيت او تصرف على واحد بطوله حتى

الخلاصة ، لو اساسا الشاب قاعد فى بيتهم مبيعملش اى حاجة ومبيدخلش جنيه لنفسه فى الشهر واهله بيصرفوا عليه وبينقى الشغل المفروض يقبل اى شغل ان شاء الله ببلاش اهو منه يبقى عمل حاجة لمستقبله

وربنا يعيننا كلنا على حالنا وحال البلد

الله ينور عليك يا استاذ أحمد...

الشباب بيناكف حتى لو الكلام فى مصلحته...!!