حديث تخرج..!!!!!!!!!!!!!!

[shaddadfalcon1]

ياجماعه دي ارزاق
انا عديلي زي مابيقولو (جوز اخت مراتي) مدرس يعني مرتبه مش بيذيد عن 400 جنيه وبيدي دروس تعبانه يعني اول عن اخر مش هيذيد عن 800 جنيه بس والله جوز نفسه وبيساعد اخواته وكان بيشتغل بالليل حارس امن وعايش فل الفل

انا عن نفسي الحمد لله اهلي كانت الظروف طين ومديونين بس الحمد لله ساعدوني برده وبنولي الشقه بديون اكتر وانا جهزتها وجوزت نفسي ودلوقتي بحاول اشتري شقه تانيه
وفي ناس صحابي مرتبهم مش اقل من 4000 في الشهر واقسم بالله نص الشهر بيبقو بيقولو امتي نقبض عشان معناش فلوس
لان كل فلوسهم رايحه في الهلس والموبايلات اللي ب 5000 والالعاب والفسح

[John_Samy_1]

الموضوع خرج عن هدفه

يا جماعة الموضوع والردود مش الهدف منهم ابداً اقناع حديثى التخرج يعيشوا مستقبلهم بـ 600 جنيه

ولا بيخاطب الناس اللى شغالة منهم اصلا ويقولهم حلو ال 600 جنيه واقفل على طموحك ، الموضوع تحديدا للفئة اللى بتقعد فى البيت وعايزين اول شغل ليهم يشتغلوه بعد التخرج مباشرة يكون حاجة ممكن يحوش منها علشان يجيب عربية ويتجوز بدون ما اصلا يستغل وقته فى اكتساب خبرة لتحسين فرصته فى ايجاد عمل كويس يقدر يعيش من مرتبه

ايه بس اللى دخل فى دماغكم اننا بنقول ان الـ 600 جنيه دى تفتح بيت او تصرف على واحد بطوله حتى

الخلاصة ، لو اساسا الشاب قاعد فى بيتهم مبيعملش اى حاجة ومبيدخلش جنيه لنفسه فى الشهر واهله بيصرفوا عليه وبينقى الشغل المفروض يقبل اى شغل ان شاء الله ببلاش اهو منه يبقى عمل حاجة لمستقبله

وربنا يعيننا كلنا على حالنا وحال البلد

+1

أنا عشان كده قلت محدش بيحاول يقنع حديث التخرج بال600 جنيه وإزاي يفتحوا بيت. كان فيه موضوع قبل كده عن المبلغ المطلوب اللي يكفل حياة كريمة لعائلة في الشهر وكان اقل حاجة معقولة 3000 جنيه. يبقي طبعا 600 جنيه صعب جدا جدا يفتحوا بيت.
أنا بس حسيت إن موضوع بيطنطت ده موجهه ليَّ.
أنا عن نفسي اشتغلت أيام الكلية في شركة بـ350 جنيه. وآخر شهر مرضيوش يدوني مرتب. بعد مشروع التخرج كان ليَّ علاقة بمعيد في الكلية ودلني على الشركة اللي شغال فيها بعد ماكنت اترفضت ( مش رفضت ) من شركتين. كبرت في الشركة ديه وبقي ليَّ علاقة مع عملا من امريكا وابتديت احضر ماجستير. وحوشت بالكامل مقدم عربيتي ( لسة عليها اقساط بس محسوبة برده ) وبعد 4 سنين كنت باكبر فيهم حبة حبة نقلت على شركتي الحالية و هي شركة كبيرة وحلوة. أنا محاولتش اطنطت علي حد أنا بس كنت بحاول ادي نصيحة زي مااديتها بالظبط ل اخويا الصغير. لو مكنتش اشتغلت بال350 جنيه ماكنتش عادية في interview تالت شركة ( كانت شركة صغيرة بتبتدي ومكنتش اسم ولا ملتي ناشيونال ). ولو كنت فضلت مستني الملتي ناشيونال مكنتش اشتغلت ولا كبرت ولا عاديت في انترفيو الملتي ناشيونال. ولو أنا معملتش شغل لشركتي دلوقتي بكرة هيقوللي مع ألف سلامة.
ربنا يقف مع الجميع ويوفق طريق كل إنسان. ربنا مش بيضيع تعب مجتهد.

[amribrahim]

كلام صح والله !! ده سندوتش الفول ب جنيه و نص ! يعني الواحد لو فطر و اتغدا و اتعشى فول ال 600 جنيه ميكفوش ! بتتكلموا في ايه يارجالة! انا بجد والله مش عارف الناس عايشة ازاي ! والله هوا ربنا الي معيشهم و بيرزقهم ! غير كدة متقليش انوا مرتبه بيكفيه !

برنس والله إنت و ليجند

[Deshahcoka]

يا باشا انتا الي برنس :) ربنا يخليك :)

بجد انا جالي احباط نفسي من الموضوع ده ! مش عارف ايه الحل في النفسية الي بقيت اسود من الفحم !

الحمدلله

[M.Mostafa80]

ياريت كل واحد من الناس أللى مش عاجبها حال حديثى التخرج_يقولنا هو مرتبة كام دلوقتى_إشتغل إزاى _إشترى عربيتة وإتجوز منين_ها ياريت نعرف كدة علشان نعمل زيهم_حاجة من 2_يا أهلة مرتاحين وساعدوه_يا إما إشتغل فى شركة محترمة بالواسطة_يا سافر الخليج_يافتح مشروع بمساعدة أهلة بردوا!!

راجع اول مشاركه ليا فى اول صفحه وانت تعرف انا مثلا بدأت بكام وحصل ايه معايا
قبل متهاجم الناس وتتهكم عليهم الناس دى بتعتبركم اخواتهم الصغيرين ومش هياخدو فلوس من اصحاب الشركات لما نقول اللى بنقوله
الكلام فى مصلحتكم جاتلكم الفرصه الكويسه متسيبوهاش
لكن بردو ماترفضش ومتزعلش منى وانت لسه ملكش ثمن عشان تتأمر (الكلام موجه للعموم مش لشخصك )
الخلاصه مش تنطيط الخلاصه اتعب واشقى واتبهدل لحد ما يبقالك ثمن عشان تتأمر وتتشرط براحتك
لكن غير كدا السى فى هو اللى يتكلم ويحدد قيمتك فى السوق
فا لو السى فى بتاعك فاضى فجانب الخبرات يبقى متزعلش لما متلاقيش اللى يقبلك
مش عارف الجيل دا ما بيقبلش النصيحه ليه

[M.Mostafa80]

برنس والله إنت و ليجند

فعلا برنسات

[Deshahcoka]

يا ناس حرام والله ! الواحد نفسه اتسدت بعد ما سمع الكلام ده ! يعني هوا الشغل في مطعم و انتا مهندس ولا سكيرتي ب اي تمن ( نظرية اشتغل عشان الخبره ) هوا ده لما اكتبه في السي في هيخلي شركة هندسة تقبلني بتخصصي يعني ؟ و قيس على كدة اي تخصص !

[M.Mostafa80]

الموضوع خرج عن هدفه

يا جماعة الموضوع والردود مش الهدف منهم ابداً اقناع حديثى التخرج يعيشوا مستقبلهم بـ 600 جنيه

ولا بيخاطب الناس اللى شغالة منهم اصلا ويقولهم حلو ال 600 جنيه واقفل على طموحك ، الموضوع تحديدا للفئة اللى بتقعد فى البيت وعايزين اول شغل ليهم يشتغلوه بعد التخرج مباشرة يكون حاجة ممكن يحوش منها علشان يجيب عربية ويتجوز بدون ما اصلا يستغل وقته فى اكتساب خبرة لتحسين فرصته فى ايجاد عمل كويس يقدر يعيش من مرتبه

ايه بس اللى دخل فى دماغكم اننا بنقول ان الـ 600 جنيه دى تفتح بيت او تصرف على واحد بطوله حتى

الخلاصة ، لو اساسا الشاب قاعد فى بيتهم مبيعملش اى حاجة ومبيدخلش جنيه لنفسه فى الشهر واهله بيصرفوا عليه وبينقى الشغل المفروض يقبل اى شغل ان شاء الله ببلاش اهو منه يبقى عمل حاجة لمستقبله

وربنا يعيننا كلنا على حالنا وحال البلد

والله يا أستاذ أحمد اعرف ناس مرتبهم ال 600 ج دول وفاتحين بيوت ومخلفين عيال عايشين صحيح هما بيعافرو فى اى شغل تانى بعد الظهر بس دا الأساسى بتاعهم وعايشين اللى بيتبطر على النعمه بتزول منه وأحنا بنقول يبدأو زى ما كلنا بدأنا لكن للأسف قدامى نماذج كتير عايزين يبقو مديرين من أول ماأتخرجو ويقبضو بالألاف ويركبو عربيات بدون أى أدنى تعب او مجهود ربنا يصلح حالهم

[M.Mostafa80]

يا ناس حرام والله ! الواحد نفسه اتسدت بعد ما سمع الكلام ده ! يعني هوا الشغل في مطعم و انتا مهندس ولا سكيرتي ب اي تمن ( نظرية اشتغل عشان الخبره ) هوا ده لما اكتبه في السي في هيخلي شركة هندسة تقبلني بتخصصي يعني ؟ و قيس على كدة اي تخصص !

لو قريت مشاركتى فى اول صفحه هتلاقينى اشتغلت الوظيفتين اللى انت بتتريق عليهم دول وهما اللى خلونى دلوقتى مدير حسابات فى شركه مقاولات واستثمار عقارى سياحى كبير عشان مرفضتش رزق ربنا بعتهولى واه هتفرق لما تحطها فى السى فى بتاعك عارف ليه
عشان هيتاخد عنك انك بتاع شغل والله احنا بننصحكم من واقع خبرتنا واللى مش متقبل النصيحه يبقى بعد كام سنه يقولى هو ايه وبقى فين وربنا ما بيضيعش حق مجتهد

[amribrahim]

يا جدعان أنا والله مش عارف الناس بتوع إشتغل علشان الخبرة دول بيفكرو ازاي ... يعني إيه لخص المكالمة و مش لازم كافيهات جامدة .... يعني مثلاً لو ٥ من صحابي في الشغل حابو يخرجو يروحو مكان معاياً حقولهم إيه سوري يا جدعان أصل الماهية هتخرم ؟؟؟ شكلي هيبقى زفت قدامهم ... بلاش سينما في سيتي ستارز ب ٣٠ جنيه طيب لو حابو يدخلو أم ٤٠ جنيه بردو حقولهم إيه سوري هي السينما أم ٣٠ جنيه لمش داخل ؟؟؟ و نفسي أعرف ازاي كارت ال ٥٠ بيفضل شغال الشهر كلو ازاي ؟؟؟ ده النبي عرفوه بالعقل يا جدعان

[hamedo0]

طب انا علي كده اروح انتحر

[gebreel]

معلش يا جماعة اسمحولي ارغي شوية و معلش انا مش هذكر اسماء علشان انا بنسى و في نفس الوقت مش كل الصفحات قدامي

انا دفعة 2010 و بدأت شغل في فودافون call center بمرتب 750 جنيه زي ما قلت قبل كدة و كنت بصرف منهم على العربية و الاكل تقريبا 700 في الشهر كنت بنزل شيفت ليل في رمضان و ادور الصبح على شغل لأني مكنتش عاوز اهلي يتعبوا اكثر من كدة

اهلي اه بدأو من الصفر و اتمرمطوا بمعنى الكلمة علشان يعيشونا في المستوى ده بالنسبة لسؤال هو لازم احنا كمان نبدأ زيهم من الصفر الرد بكل بساطة حضرتك مش بادئ من الصفر لأن والد حضرتك معندوش 7 او 10 عيال يصرف عليهم و مبيصدق ان واحد فيهم يخلص علشان يشيل نفسو و ينزل من الريف للقاهرة علشان الشغل عليه اكل و شرب و سكن و مواصلات و لو اهله طلبوا مساعدة منو يوفرها كمان و يجهز نفسوا و يتجوز و يصرف على بيتو

حضرتك في بيت والدك واكل شارب نايم مش قلقان انا هدفع الايحار الشهر ده منين ولا هاكل اي حاجة لحد اخر الشهر علشان معيش فلوس حضرتك مرتبك ده مهما كان صغير ( و انا معاك ان ال600 جنيه قليلة و قليلة جدا كمان) بس متشال عنك هم مصاريف كثييييييييييييييييييير انت مش عامل حسابها و عاوزلها 600 فوق ال600 ان لم يكن اكثر علشان توفرها

اللي انا عاوز اققوله انا يا جماعة لسة متخرج زيي زيكم مش بقالي سنين بشتغل ولا "بتنطط" ولا اي حاجة انا حتى لسة تحت التدريب في شغلي الحالي بس الفكرة مش في ال300 ولا ال600 ولا ال10000 اللي باخدهم مرتب الفكرة و اللي بنتكلم فيه هو تحديد اولويات مع تغيير المقياس بمعنى ان انا عاوز ايه
تعالى نرتبهم (و بتكلم عن نفسي على فكرة):
-عاوز عربية ترحمني من ساعة و نص مواصلات رايح و زيهم جاي و تبقى بتاعتي مش شرك مع حد وقت ماحتاجها الاقيها معايا
-عاوز اوضب شقة و افرشها و الاقي بنت الحلال اللي تشيلني و اشيلها و نشارك حياتنا مع بعض
-عاوز اعيش حياتي بردو مع اصحابي مش اقفلها على نفسي علشان عاوز اتجوز
-مش عاوز احس اني عايش في مستوى اقل من اللي انا عايش فيه

طيب تعالو نفهم موضوع المقياس ده انا دلوقتي مرتبي 600 جنيه و عاوز اعمل ده كلو اولا هجنب لنفسي مصروف شخصي يغطي نفقاتي فمثلا هحسب مواصلاتي قد ايه و لو بستخدم مترو الاشتراك هيكلفني قد ايه و ايه اقل تكلفة للمواصلات اقدر اوصلها حتى لو متعبة نقول 100 جنيه باقي 500 اكل و شرب في وقت الشغل انهي ارخص اجيب ساندويتش فول بجنيه و نص ولا اجيبلي 1/8 رومي و 1/8 لنشن و علبة نستو و كل يوم بجنيه فينو ولا حتى بلدي و اخدهم معايا الشغل هيتكلف ده كلو مثلا قول 15 جنيه في الاسبوع * 4 = 60 جنيه غموص في الشهر بدلا من 4 جنيه كل يوم فول و طعمية و بيبسي * 5 ايام = 20 جنيه في 4 اسابيه = 80 جنيه فرق 20 جنيه و ضامن اكل نضيف و صحي سيبك من موضوع شغل مدارس و الكلام الحمصي ده محدش هيقلك ياللي جايب سندويتشات من البيت و لو حد اتكلم قلوا و انت مالك يتبقى كدة معاك 440 جنيه قول هتقعد على القهوة مع اصحابك كل اسبوع مرة لأ خليها مرتين في الشهر كل مرة 10 جنيه مثلا ادي 20 جنيه يتبقالك 420 جنيه 50 جنيه موبايل و ده انا شايفو بصراحة كثير انا بصرف في حدود 25 او 30 جنيه في الشهر و 40 لما ابقى رغيت او عيد او حاجة قول 40 جنيه متوسط يبقى انت كدة اكت و شربت و خرجت و ركبت و لسة باقي معاك 380 جنيه شوف اولوياتك ايه جواز ولا عربية و ظبط كل شهر مبلغ توديه البنك مهما كان صغير

اللي عاوز اقوله هتعيش بجنيه هتعيش ب 100 هتعيش ب1000 هتعيش مش هتموت - الا لو كان ليك عمر طبعا - بس الفكرة كلها في هتعب قد ايه علشان اعيش في المستوى ده تتعب و انت لوحدك دلوقتي عن انك تتعب و انت معاك اسرة و اولاد

و مش معنى الكلام اللي قلتو فوق ده انك ترضى بال600 جنيه و تقول نصيبي لأ انا بقلك دور و انت في ابو 600 مش اقعد في البيت و قول مستني ابو 2000 جنيه يا كدة يا مش شغال انت كدة بتغلط في حق نفسك مش في حق حد تاني و بكدة بتحصر اهلك عليك مش اهل حد تاني

اعرف ان رزقك بيسعالك زي مانت بتسعى ليه بالظبط و يمكن اكثر كمان فلو بتبذل مجهود كبير علشان تلاقي وظيفة كويسة و مناسبة ربنا مش هيضيع تعبك ده لأ هيكرمك و يرزقك و ممكن يأخر الرزق الواسع ده لحكمة عندو علشان يشوفك هترضى ولا لأ و لو رصيت يجازيك اكثر و بالرغم من تأخير الرزق يطرح في فلوسك البركة

انا مش عاوز حد يزعل مني او يضايق انا والله كنت مريت بالحالة دي و عارف قرفها و عارف احساسك انك عايش في مستوى اقل من اللي اتعودت عليه و انت في حما ابوك و في عزو لكن سعيك ورا رزقك و رضا ابوك و امك و دعوتهم ليك دي بالدنيا كلها و ربنا هو ادرى واحد بنوايا الناس نية اللي عاوز يشتغل و بيدور و مش لاقي و ربنا بيكرموا و نية اللي بيقول انو بيدور و مش لاقي و البلد مفيهاش شغل الخ... ده مش عاوز اقول ربنا مبيكرموش بس اكيد مش هيبقى زي الاولاني

مش عاوز حد يايق ولا حد يزعل انا اخوكم الصغير و بتكلم معاكم و انا و الله ما بوجه كلامي لحد

[AhMeD EzZ]

يا جدعان أنا والله مش عارف الناس بتوع إشتغل علشان الخبرة دول بيفكرو ازاي ... يعني إيه لخص المكالمة و مش لازم كافيهات جامدة .... يعني مثلاً لو ٥ من صحابي في الشغل حابو يخرجو يروحو مكان معاياً حقولهم إيه سوري يا جدعان أصل الماهية هتخرم ؟؟؟ شكلي هيبقى زفت قدامهم ... بلاش سينما في سيتي ستارز ب ٣٠ جنيه طيب لو حابو يدخلو أم ٤٠ جنيه بردو حقولهم إيه سوري هي السينما أم ٣٠ جنيه لمش داخل ؟؟؟ و نفسي أعرف ازاي كارت ال ٥٠ بيفضل شغال الشهر كلو ازاي ؟؟؟ ده النبي عرفوه بالعقل يا جدعان

مهو انا لو مخلتش شكلي وحش دلوقتي بس هيفضل شكلي وحش طول عمري و لا ايه ؟

[أشرف فتحى]

يا جدعان أنا والله مش عارف الناس بتوع إشتغل علشان الخبرة دول بيفكرو ازاي ... يعني إيه لخص المكالمة و مش لازم كافيهات جامدة .... يعني مثلاً لو ٥ من صحابي في الشغل حابو يخرجو يروحو مكان معاياً حقولهم إيه سوري يا جدعان أصل الماهية هتخرم ؟؟؟ شكلي هيبقى زفت قدامهم ... بلاش سينما في سيتي ستارز ب ٣٠ جنيه طيب لو حابو يدخلو أم ٤٠ جنيه بردو حقولهم إيه سوري هي السينما أم ٣٠ جنيه لمش داخل ؟؟؟ و نفسي أعرف ازاي كارت ال ٥٠ بيفضل شغال الشهر كلو ازاي ؟؟؟ ده النبي عرفوه بالعقل يا جدعان

الناس بتوع اشتغل عشان الخبره بيقولولك اوعى تشتغل لو مكانتش الوظيفه تليق بيك والمرتب على الاقل 2000 جنيه عشان تعرف تعيش لأنك أقل من كده مش هتعرف تروح ولا السينما أم 30 ولا 40.....

[M.Mostafa80]

معلش يا جماعة اسمحولي ارغي شوية و معلش انا مش هذكر اسماء علشان انا بنسى و في نفس الوقت مش كل الصفحات قدامي

انا دفعة 2010 و بدأت شغل في فودافون call center بمرتب 750 جنيه زي ما قلت قبل كدة و كنت بصرف منهم على العربية و الاكل تقريبا 700 في الشهر كنت بنزل شيفت ليل في رمضان و ادور الصبح على شغل لأني مكنتش عاوز اهلي يتعبوا اكثر من كدة

اهلي اه بدأو من الصفر و اتمرمطوا بمعنى الكلمة علشان يعيشونا في المستوى ده بالنسبة لسؤال هو لازم احنا كمان نبدأ زيهم من الصفر الرد بكل بساطة حضرتك مش بادئ من الصفر لأن والد حضرتك معندوش 7 او 10 عيال يصرف عليهم و مبيصدق ان واحد فيهم يخلص علشان يشيل نفسو و ينزل من الريف للقاهرة علشان الشغل عليه اكل و شرب و سكن و مواصلات و لو اهله طلبوا مساعدة منو يوفرها كمان و يجهز نفسوا و يتجوز و يصرف على بيتو
ضرتك في بيت والدك واكل شارب نايم مش قلقان انا هدفع الايحار الشهر ده منين ولا هاكل اي حاجة لحد اخر الشهر علشان معيش فلوس حضرتك مرتبك ده مهما كان صغير ( و انا معاك ان ال600 جنيه قليلة و قليلة جدا كمان) بس متشال عنك هم مصاريف كثييييييييييييييييييير انت مش عامل حسابها و عاوزلها 600 فوق ال600 ان لم يكن اكثر علشان توفرها

اللي انا عاوز اققوله انا يا جماعة لسة متخرج زيي زيكم مش بقالي سنين بشتغل ولا "بتنطط" ولا اي حاجة انا حتى لسة تحت التدريب في شغلي الحالي بس الفكرة مش في ال300 ولا ال600 ولا ال10000 اللي باخدهم مرتب الفكرة و اللي بنتكلم فيه هو تحديد اولويات مع تغيير المقياس بمعنى ان انا عاوز ايه
تعالى نرتبهم (و بتكلم عن نفسي على فكرة):
-عاوز عربية ترحمني من ساعة و نص مواصلات رايح و زيهم جاي و تبقى بتاعتي مش شرك مع حد وقت ماحتاجها الاقيها معايا
-عاوز اوضب شقة و افرشها و الاقي بنت الحلال اللي تشيلني و اشيلها و نشارك حياتنا مع بعض
-عاوز اعيش حياتي بردو مع اصحابي مش اقفلها على نفسي علشان عاوز اتجوز
-مش عاوز احس اني عايش في مستوى اقل من اللي انا عايش فيه

طيب تعالو نفهم موضوع المقياس ده انا دلوقتي مرتبي 600 جنيه و عاوز اعمل ده كلو اولا هجنب لنفسي مصروف شخصي يغطي نفقاتي فمثلا هحسب مواصلاتي قد ايه و لو بستخدم مترو الاشتراك هيكلفني قد ايه و ايه اقل تكلفة للمواصلات اقدر اوصلها حتى لو متعبة نقول 100 جنيه باقي 500 اكل و شرب في وقت الشغل انهي ارخص اجيب ساندويتش فول بجنيه و نص ولا اجيبلي 1/8 رومي و 1/8 لنشن و علبة نستو و كل يوم بجنيه فينو ولا حتى بلدي و اخدهم معايا الشغل هيتكلف ده كلو مثلا قول 15 جنيه في الاسبوع * 4 = 60 جنيه غموص في الشهر بدلا من 4 جنيه كل يوم فول و طعمية و بيبسي * 5 ايام = 20 جنيه في 4 اسابيه = 80 جنيه فرق 20 جنيه و ضامن اكل نضيف و صحي سيبك من موضوع شغل مدارس و الكلام الحمصي ده محدش هيقلك ياللي جايب سندويتشات من البيت و لو حد اتكلم قلوا و انت مالك يتبقى كدة معاك 440 جنيه قول هتقعد على القهوة مع اصحابك كل اسبوع مرة لأ خليها مرتين في الشهر كل مرة 10 جنيه مثلا ادي 20 جنيه يتبقالك 420 جنيه 50 جنيه موبايل و ده انا شايفو بصراحة كثير انا بصرف في حدود 25 او 30 جنيه في الشهر و 40 لما ابقى رغيت او عيد او حاجة قول 40 جنيه متوسط يبقى انت كدة اكت و شربت و خرجت و ركبت و لسة باقي معاك 380 جنيه شوف اولوياتك ايه جواز ولا عربية و ظبط كل شهر مبلغ توديه البنك مهما كان صغير

اللي عاوز اقوله هتعيش بجنيه هتعيش ب 100 هتعيش ب1000 هتعيش مش هتموت - الا لو كان ليك عمر طبعا - بس الفكرة كلها في هتعب قد ايه علشان اعيش في المستوى ده تتعب و انت لوحدك دلوقتي عن انك تتعب و انت معاك اسرة و اولاد

و مش معنى الكلام اللي قلتو فوق ده انك ترضى بال600 جنيه و تقول نصيبي لأ انا بقلك دور و انت في ابو 600 مش اقعد في البيت و قول مستني ابو 2000 جنيه يا كدة يا مش شغال انت كدة بتغلط في حق نفسك مش في حق حد تاني و بكدة بتحصر اهلك عليك مش اهل حد تاني

اعرف ان رزقك بيسعالك زي مانت بتسعى ليه بالظبط و يمكن اكثر كمان فلو بتبذل مجهود كبير علشان تلاقي وظيفة كويسة و مناسبة ربنا مش هيضيع تعبك ده لأ هيكرمك و يرزقك و ممكن يأخر الرزق الواسع ده لحكمة عندو علشان يشوفك هترضى ولا لأ و لو رصيت يجازيك اكثر و بالرغم من تأخير الرزق يطرح في فلوسك البركة

انا مش عاوز حد يزعل مني او يضايق انا والله كنت مريت بالحالة دي و عارف قرفها و عارف احساسك انك عايش في مستوى اقل من اللي اتعودت عليه و انت في حما ابوك و في عزو لكن سعيك ورا رزقك و رضا ابوك و امك و دعوتهم ليك دي بالدنيا كلها و ربنا هو ادرى واحد بنوايا الناس نية اللي عاوز يشتغل و بيدور و مش لاقي و ربنا بيكرموا و نية اللي بيقول انو بيدور و مش لاقي و البلد مفيهاش شغل الخ... ده مش عاوز اقول ربنا مبيكرموش بس اكيد مش هيبقى زي الاولاني

مش عاوز حد يايق ولا حد يزعل انا اخوكم الصغير و بتكلم معاكم و انا و الله ما بوجه كلامي لحد

ربنا يكملك بعقلك ويوفققك لكل مجتهد نصيب