حديث تخرج..!!!!!!!!!!!!!!

[ahmed4000]

كأن الناس بتنصح الشباب ان لو فى شغل ب 3 الاف وشغل ب 600 متاحين ليك اقبل بال600 احسن!!!

والغريب ان الناس تقريبا بتناقض نفسها بشكل غريب وتقول مقبلش بشغل 600 لانى حضطر اخد من اهلى زيادة على مرتبى وده مقبلوش

طيب ولو مرضيتش تشتغل وتاخد ال 600 جنيه ياترى ده معناه انك مش حتاخد حاجة من أهلك؟

[M.Mostafa80]

كأن الناس بتنصح الشباب ان لو فى شغل ب 3 الاف وشغل ب 600 متاحين ليك اقبل بال600 احسن!!!

والغريب ان الناس تقريبا بتناقض نفسها بشكل غريب وتقول مقبلش بشغل 600 لانى حضطر اخد من اهلى زيادة على مرتبى وده مقبلوش

طيب ولو مرضيتش تشتغل وتاخد ال 600 جنيه ياترى ده معناه انك مش حتاخد حاجة من أهلك؟

الغريب انكم مش قادرين تفهمو اننا بنقولكم أقبلو بالشغل اللى ب 600ج لحد ما ربنا يرزقكم بالشغل اللى بالألاف بدل قاعدتكم فى البيت بس مش عارف ليه مش عايزين تفهمونا ويمكن احنا اللى مش عارفين نوصلكم دا مثلا

[ahmed4000]

الغريب انكم مش قادرين تفهمو اننا بنقولكم أقبلو بالشغل اللى ب 600ج لحد ما ربنا يرزقكم بالشغل اللى بالألاف بدل قاعدتكم فى البيت بس مش عارف ليه مش عايزين تفهمونا ويمكن احنا اللى مش عارفين نوصلكم دا مثلا

هههه
يا استاذ محمد انا كلامى موجه للشباب اللى بيقول ازاى نقبل ب 600 فبقول هما بيجادلوا كانهم عندهم فرصة ب 3 الاف جنيه واحنا بنقولهم متقبلوهاش واقبلوا بال600 جنيه بس (هو انت اصلا عندك اختيار حاليا غير ال600 جنيه)

والحاجة التانية كنت برد على الناس اللى يقولك ازاى المرتب مش حيكفى تليفوناتى وسجاير وخروجاتى وانا مقبلش اخد من اهلى.........زطيب مانت حتاخد المبلغ كله من اهلك لو مشتغلتش يبقى بيجادلوا فى ايه

[تامر.محمد]

الغريب انكم مش قادرين تفهمو اننا بنقولكم أقبلو بالشغل اللى ب 600ج لحد ما ربنا يرزقكم بالشغل اللى بالألاف بدل قاعدتكم فى البيت بس مش عارف ليه مش عايزين تفهمونا ويمكن احنا اللى مش عارفين نوصلكم دا مثلا

على فكرة , هو ده اللي هو يقصده بالظبط

[M.Mostafa80]

هههه
يا استاذ محمد انا كلامى موجه للشباب اللى بيقول ازاى نقبل ب 600 فبقول هما بيجادلوا كانهم عندهم فرصة ب 3 الاف جنيه واحنا بنقولهم متقبلوهاش واقبلوا بال600 جنيه بس (هو انت اصلا عندك اختيار حاليا غير ال600 جنيه)

والحاجة التانية كنت برد على الناس اللى يقولك ازاى المرتب مش حيكفى تليفوناتى وسجاير وخروجاتى وانا مقبلش اخد من اهلى.........زطيب مانت حتاخد المبلغ كله من اهلك لو مشتغلتش يبقى بيجادلوا فى ايه

على فكرة , هو ده اللي هو يقصده بالظبط :oc_sun1[1]:

هههههههههههههههه لفت معايا من كتر المناهده ههههههههههههههههههههههههه
:b4_592:

[M.Osman]

والله يا محمد موضوع الدروس دة الطرفين سواء الدكاترة و المعيدين او الطلبة غلطانين فيه
الطلبة دلوقتي بتستهل و تكسل تروح المحاضرات و يقولك الجو حر و مش عارف ايه
و ساعات بقي تبقي دكتورة ما يعلم بيها ربنا تقعد ترغي
ول المحاضرة مش عارف جابت ايه امباريح بكام و معرفش ايه لدرجة انت تبقي عايز تقوم مولع فيها و تبقي مجبر انك تاخد درس فيها

انا مش ضد الدروس يا باشا (انا كنت باخد دروس لما بحتاج)
بس في حدود الإحتياج
اللي انا شايفه دلوقتي مدرسة :@ ..

[dell2000]

بصراحة شديدة برضه

مرتب 600 جنيه ده صعب قوي ,انا كنت باخده مصروف من 7 سنين في الكلية و أول شغل ليا كان ب 1200 جنيه و كان بالنسبة لي يادوبك برضه و تنقلت في 3 شغلانات آخرها "الحالية" ب 5500 جنيه بعد 7 سنين خبرة و بعض المهارات الفردية المكتسبة

المشكلة في الحد الأدنى في الرواتب اللي بيخلّي العيشة ممكن تكون مستحيلة بالنسبة للكثيرين حتى اذا كانت مصاريف شخصية و بتخلّي ناس كتير يكون اوفرلها القعدة في البيت بدل المرمطة على بضعة مئات من الجنيهات قد لا تكفي حتى متطلبات الحياه اليومية

الحالة العامة قد تثير الإحباط لدى الكثيرين و لكن ايضا ثقافة التنبلة و الإعتماد على الأهل اصبحت شائعة لدى الكثيرين

على كل المستويات فالعمل افضل مليون مرة من مجرد القعدة بدون اي وظيفة تذكر و أي مشوار بتعمله في حياتك حتى لو كنت هتجيب علبة سجاير من على الكشك اللي في اول الشارع اكيد هتكتسب خبرة فيه ايا كان نوعها

أعرف ناس كتير بتبتدي بمرتبات أضعف من كده و بعد خمس و ست سنين لسة معملوش حاجة برضه او انهم اتنقلوا نقلة نوعية و عندهم إحباط كبير قوي و قيه ناس على العكس البلية لعبت معاها و زي الفل

600 جنيه ده بيعتبر معدوم الدخل مش محدود كمان ... حد جرّب يعني ايه 20 جنيه هوّة حد الصرف اليومي؟؟؟؟ صعبة قوي اكيد

[محمد محمد]

الواضح ان كثير منا معندوهوش صبر او ميعرفش يعني ايه صبر ..انا بدأت شغل في العقارات وانا بدرس وانا مش محتاج للشغل وفي فترة ركود ومافيش خيرة الا اقل القليل يعني معطيات تنذر بالفشل ووالدي كان معترض وبيقوللي خلص انت دراستك وانا هشغلك في شركة محترمة....قعدت فترة طويلة كنت بصرف فيها علي الشغل من جيبي ومن مصروفي وكنت خلاص قربت اوصل لمرحلة اعلان الفشل بس كنت علي يقين ان الأرزاق بيد الله وحده وكله بأجل مكتوب وكنت كل ما اقرب من تحقيق هدفي بتحصل الصدمة والموضوع مش جايب همه...مكنتش بعترف بحاجة اسمها الفشل لكن كنت بسمي الحالة اللى انا فيها دي عدم توفيق وسبحات الله بعد صبر طويل الشغل فتح بطريقة غير متوقعة وطبعا بتوفيق من عند ربنا الفترة اللى لم اوفق فيها اكتسبت منها خبرة كبيييييرة جدا كانت سبب في اني اكون سبب لأنهاء صفقات كثيرة لشركات كبيرة تعمل في المجال العقاري منذ اكثر من 10 سنوات...وبقيت اصرف من جيبي علي حاجات كتيرة في البيت وعلي العربية ...اهم حاجة يكون فيه صبر ويقين وبعد عن الذنوب...وفيه مثل بيقول الرزق بينادي علي صاحبه.

[أشرف فتحى]

بصراحه يا شباب ...

زى ما قريت ردود تسد النفس...ومجادله على الفاضى...

على قد ما قريت مشاركات عجبتنى جدا ..وإتأكدت إن فعلا فى شباب مستعد يتعب ويعرق عشان يبقى حاجه...ناس بتشتغل علشان تشتغل مش عشان تقبض وتصرف مرتبها على كلام بعتبره رفاهيه مش لواحد فى بدايه حياته....

تعرفوا ان صاحب الشركه عندى وأهو راجل مليونير ما شاء الله بيمشى من الشركه أخر واحد ....وساعات يقعد ل 11 و 12 باليل..

واهو يقدر يجيب مدير ويعيش حياته بملايينه...

المكسب من غير تعب مالوش طعم وبيروح على كلام فارغ...easy come ..easy go...

أرجع وأقول ..

لو قدامك شغل ب 10000 جنيه اشتغله وهننبسطلك كلنا لكن لو نزلت على الأرض هتلاقيك بتدور على ال 600 جنيه دول لو معندكش خبره..وتحمد ربنا وتشكر فضله...

النهارده وقع تحت إيدى اوراق مندوب تسليم عندى فى الشركه ...يعنى بيطلع يستلم البضاعه ويعدها ويسلمها للعميل ويركب مع العربيه يوصلها لصاحبها..

الشاب ده فوجئت إنه ليسانس حقوق..مع ان الوظيفه دى مش مطلوب لها مؤهل أكتر من القراءه والكتابه....مرتبه كام؟..600 جنيه...واخدين بالكو 600 جنيه.!!..ومش هحكى تفاصيل ظروفه وقد أيه هو إبن ناس برضو...

[محمد محمد]

تصدق يا استاذ اشرف ان فيه واحد ابويا بيحيكلي عليه من شوية شغال في شركة مالتي ناشيونال بالعبور في منصب قيادي كبير مرتبه 30 الف دولار ولسة شاب وليه عربية تويوتا برادو وشقة بشارع الثورة........كل ده وطلع بيختلس.....وبسببه قرار بمنع تولي المسلمين هذه المناصب داخل الشركة وهو دلوقتي قاعد في البيت تحت الطلب لغاية ما يجيبوا واحد جديد بداله.....الشاهد ان المكان اللى فيه الشاب ده اي واحد يتمناه فعلا بس سبحان الملك وظيفته كانت سبب انه يقع في المعصية ويصد عن سبيل الله بتشويهه صورة المسلمين فأي واحد بيتمني فرص زي كده ويلاقيها بتتمنع عنه لأي سبب كان يقول لعله خير.

[أشرف فتحى]

تصدق يا استاذ اشرف ان فيه واحد ابويا بيحيكلي عليه من شوية شغال في شركة مالتي ناشيونال بالعبور في منصب قيادي كبير مرتبه 30 الف دولار ولسة شاب وليه عربية تويوتا برادو وشقة بشارع الثورة........كل ده وطلع بيختلس.....وبسببه قرار بمنع تولي المسلمين هذه المناصب داخل الشركة وهو دلوقتي قاعد في البيت تحت الطلب لغاية ما يجيبوا واحد جديد بداله.....الشاهد ان المكان اللى فيه الشاب ده اي واحد يتمناه فعلا بس سبحان الملك وظيفته كانت سبب انه يقع في المعصية ويصد عن سبيل الله بتشويهه صورة المسلمين فأي واحد بيتمني فرص زي كده ويلاقيها بتتمنع عنه لأي سبب كان يقول لعله خير.

لا حول ولا قوه الا بالله...

الراجل ده لو مكنش اترفد..كان هيموت....!!

كان هيموت من الحسد والقر اللى هقره عليه دلوقتى...

30 الف ودولار كمان..يعنى مرتب شهر بدخل أسره كامله فى 15 سنه؟!!!!!!!!!!!!

سبحانك اللهم وبحمدك...ولله فى خلقه شئون ..

[محمد محمد]

لا حول ولا قوه الا بالله...

الراجل ده لو مكنش اترفد..كان هيموت....!!

كان هيموت من الحسد والقر اللى هقره عليه دلوقتى...

30 الف ودولار كمان..يعنى مرتب شهر بدخل أسره كامله فى 15 سنه؟!!!!!!!!!!!!

سبحانك اللهم وبحمدك...ولله فى خلقه شئون ..

اهو ال30 الف دولار دول جايين اكيد بالخبرة.......وعلي فكرة بيدوروا علي حد جديد.

[AhMeD EzZ]

اهو ال30 الف دولار دول جايين اكيد بالخبرة.......وعلي فكرة بيدوروا علي حد جديد.

ينفع انا ؟
طالب بكلية التجارة الفرقة التانية شعبة عربي جامعة عين شمس
تقدير الفرقة الاولي جيد جدا
خبرة في لعب الاستميشن
انفع ؟

[الغزالى]

3000 جنيه مش بيكفوااا !! مش غريبه دى ( اسئل والدك مرتبه الاساسى كام كدة دلوقتى بعد سنين الخبرة دى كلها ) ممكن تلاقيه نفس الرقم دة + او -
-----------------
ادينى سبب واحد يخلى صاحب الشغل يديلك 2000 او اكتر الا لو انت فيك حاجة مميزة عن غيرك الى معاه خبرة( ودى صعبة شويه )
----------------------
احسبها كدة لما تاخد 600 جنيه وتخش على الحج او الحاجة وانت جايبلهم تورتايه او حتى ربع كيلو جبنه ياعم ,, رد فعل الحج ايه اكيد هايفرح بيك
---------------------
العبد لله ساكن فى القناطر الخيريه وبشتغل فى شركة فى الحى العاشر مدينة نصر ومرتبى 600 حنيه ( مش بيكفوا على فكرة) ويوم ما بصرفش مواصلات بصرف 5 حنية ولسه لا اكل ولاشرب وبدرس كمان على فكرة
----------------
احسبها كدة لما تحط فى (السى فى) سنه اثتين عشرة خبرة فى المكان الفلانى هاتفرق ولا لاء
-------------
الكلام برضو على فكرة مش هايجيب فايدة جرب وانزل اشتغل وانت تعرف الصح فين والعكس فين

[hamedo0]

ينفع انا :oc_sun1[1]: ؟
طالب بكلية التجارة الفرقة التانية شعبة عربي جامعة عين شمس
تقدير الفرقة الاولي جيد جدا
خبرة في لعب الاستميشن :ka_che1[1]:
انفع ؟

هههههههههههههههههههههههههه اكيد تنفع بس بعد ست سبع سنين