السكن فى القاهرة

[Mohamed_Ayman]

كل سنة وانتم طيبين

أنا شغلى اتنقل للقاهرة ومحتاج نصيحة لأنسب مكان انقل ليه.
شغلى ان شاء الله فى مدينة نصر سيتى ستارز

محتاج شقة بسعر معقول وتكون قريبة ، مكان هادئ ، أمان للزوجة والأطفال ، خدمات متوفرة ، قريب من مدارس كويسة... يا ترى فى حاجة كدة؟؟!

طب ايه الأنسب: زهراء مدينة نصر وللا العبور وللا الشروق
معليش أنا محتار ومحتاج نصائح أهل الخبرة ،

ايه رأى الأعضاء الكرام

[M.Mostafa80]

بيتهيئلى العبور هى بعيده شويه لكن اسمعانها نضيفه وحواليك مدارس كويسه كتير لو ناوى على لغات ولو عادى اسمع ان المدارس فى المدن الجديده كويسه

[Mohamed_Ayman]

ألف شكر على الرد أخى العزيز ، أنا فعلاً بفكر ف العبور ، بس لو حد ساكن هناك أو عنده فكرة لوسمحتوا يقولى ايه نظام المدارس هناك؟

[M.Elgergawy]

ايه رايك في القاهرة الجديدة ( التجمع التالت )

[tom_gr]

ايه ياعم الى واداك القاهرة
ارجججججججججججججججع

ده انا قعدت فيه كام شهر كنت خلاص قربت اروح العباسية وابقى مجنون رسمى

اهرب يا عم

ربنا يوفقك فى شغلك وحياتك الجديدة ويوفقك تلاقى سكن مناسب ليك ولاسرتك

وحسب خبرتى البسيطة العبور افضل مكان لظروفك

[Ahmed Nouh]

انا نفس قصتك الفترة دى ، كنت مستقر على الانتقال للعاشر من رمضان وبعدين بقيت مضطر تانى اكون فى القاهرة

وياويل الويل من القاهرة ، الحل فعلا هو العبور

اقرب حاجة للقاهرة ، الوقت منها لمدينة نصر مثلا اقل من الوقت من رمسيس لمدينة نصر

مساحات واسعة وخضراء وجو نضيف وفيها اماكن خروج وتسوق محترمة ومستوى اجتماعى جيد واسعار العقارات كويسة جدا

و خلال نص ساعة على اقصى تقدير هتكون فوق الدائرى الى اينما شئت جوا القاهرة

زهراء مدينة نصر معجبنيش جو الصحراء والمطبات الكاسحة اللى مسيطر على المكان واسعار العقارات المبالغ فيها للأماكن الكويسة

[amir]

كل سنة وانتم طيبين

أنا شغلى اتنقل للقاهرة ومحتاج نصيحة لأنسب مكان انقل ليه.
شغلى ان شاء الله فى مدينة نصر سيتى ستارز

محتاج شقة بسعر معقول وتكون قريبة ، مكان هادئ ، أمان للزوجة والأطفال ، خدمات متوفرة ، قريب من مدارس كويسة... يا ترى فى حاجة كدة؟؟!

طب ايه الأنسب: زهراء مدينة نصر وللا العبور وللا الشروق
معليش أنا محتار ومحتاج نصائح أهل الخبرة ،

ايه رأى الأعضاء الكرام

تنور القاهره و اهل القاهره

بس مقولتش عايز ايجار ولا تمليك و مدام شغلك قريب من سيتي ستارز ففي اماكن جوه مدينه نصر سواء ايجار او تمليك بس انت قول متوسط فلوسك كام ولايجار ولا تمليك

اخوك بيلف علي شقه لعياده في مدينه نصر بقاله اكتر من سنه و بقيت خبره في اسعار الشقق في مدينه نصر تقريبا!!

[محمد محمد]

ألف شكر على الرد أخى العزيز ، أنا فعلاً بفكر ف العبور ، بس لو حد ساكن هناك أو عنده فكرة لوسمحتوا يقولى ايه نظام المدارس هناك؟

فيه في العبور كل مستويات المدارس اللى حضرتك عايزها
حكومي وتجريبي: 8مدارس تقريبا
فرع لمدارس النيل المصرية
مدارس دولية: مدرسة انتركونتيننتال
مدارس خاصة ولغات:6 تقريبا
ازهري: 3مدارس منهم واحدة خاصة
دي المدارس اللى داخل المدينة برة المدينة بقي فيه نفرتاري علي الطريق وطيبة وشوية مدارس تانيين.
بالنسبة للطريق الى مدينة نصر فحضرتك هتلف وانت جاي من العبور من تحت كوبري الحرفيين وترجع علي الدائري اتجاه القطامية وتنزل نزلة مدينة نصر او الماظة هتلاقي نفسك خارج من جنب الكيلو 4.5 عند النادي الأهلي

انا نفس قصتك الفترة دى ، كنت مستقر على الانتقال للعاشر من رمضان وبعدين بقيت مضطر تانى اكون فى القاهرة

وياويل الويل من القاهرة ، الحل فعلا هو العبور

اقرب حاجة للقاهرة ، الوقت منها لمدينة نصر مثلا اقل من الوقت من رمسيس لمدينة نصر

مساحات واسعة وخضراء وجو نضيف وفيها اماكن خروج وتسوق محترمة ومستوى اجتماعى جيد واسعار العقارات كويسة جدا

و خلال نص ساعة على اقصى تقدير هتكون فوق الدائرى الى اينما شئت جوا القاهرة

زهراء مدينة نصر معجبنيش جو الصحراء والمطبات الكاسحة اللى مسيطر على المكان واسعار العقارات المبالغ فيها للأماكن الكويسة

هو الأخ ساكن معانا جديد.

[korkor]

انا متهيالى ان لو حضرتك شغلك فى مدينه نصر يبقى الاقرب ليك الشروق والفرق مابينهم فى المسافه مش كبير بس الشروق الميزه اللى فيها انك هتخرج مباشره على اتجاه مدينه نصر من غير وجع الدماغ اللى فى طريق اسماعيليه وزحمه جوزيف تيتو والشيراتون وهى تقريبا مماثله للعبور فى كل حاجه وبالتوفيق ليك ان شاء الله

[amir]

انا متهيالى ان لو حضرتك شغلك فى مدينه نصر يبقى الاقرب ليك الشروق والفرق مابينهم فى المسافه مش كبير بس الشروق الميزه اللى فيها انك هتخرج مباشره على اتجاه مدينه نصر من غير وجع الدماغ اللى فى طريق اسماعيليه وزحمه جوزيف تيتو والشيراتون وهى تقريبا مماثله للعبور فى كل حاجه وبالتوفيق ليك ان شاء الله

مش صح قوي الكلام كده
لو شغله في مدينه نصر يبقي احسن ليه يسكن في مدينه نصر

بس هو يدخل يقول ناوي شرا ولا ايجار و بكام و احنا نقدر نساعده

و بالنسبه للشروق فممكن يكون كلامك صح ان الوصول هيكون من غير زحمه زي طريق الاسماعيليه بس اطول بكتير اولا ثانيا الشروق مش زي العبور العبور عمرت و فعلا مدينه جميله تخطيطا و سكنا
اما الشروق فلسه شويه كمان و ربنا يسهل و تتعمر و نشوف بقي هتكون عامله ايه

[mohamedrabia]

افضل مكان واعلي مكان حاليا هو التجمع الخامس القاهرة الجديدة وقريب من مدينة نصر حدااا وكمان هادي مش زحمة والمدارس والخدمات هناك كويسه

[goingonlovingu]

هوه حضرتك ناوي تدفع اد ايه
وايجا ولا تمليك

وحسب الرينج اللي حضرتك هتقوله هيتحدد المكان

بس طبعا طبعا افضل مكان وافرب مكان مدينة نصر بس اسعارها نااااااااااااااار فلو حبيت ممكن افيد حضرتك لان انا ساكن هناك

[Mohamed_Ayman]

ايه رايك في القاهرة الجديدة ( التجمع التالت )

مش عارف بتهيقلى هتكون أسعار الشقق غالية قوى

[Mohamed_Ayman]

ايه ياعم الى واداك القاهرة
ارجججججججججججججججع

ده انا قعدت فيه كام شهر كنت خلاص قربت اروح العباسية وابقى مجنون رسمى

اهرب يا عم

ربنا يوفقك فى شغلك وحياتك الجديدة ويوفقك تلاقى سكن مناسب ليك ولاسرتك

وحسب خبرتى البسيطة العبور افضل مكان لظروفك

هههههههه
بعيد الشر عليك ، والله فى ناس كتير بيقوللى كدا ... بس ربنا يستر محدش عارف الخير فين!!

ربنا يوفق وادعيلى :)

[Mohamed_Ayman]

تنور القاهره و اهل القاهره

بس مقولتش عايز ايجار ولا تمليك و مدام شغلك قريب من سيتي ستارز ففي اماكن جوه مدينه نصر سواء ايجار او تمليك بس انت قول متوسط فلوسك كام ولايجار ولا تمليك

اخوك بيلف علي شقه لعياده في مدينه نصر بقاله اكتر من سنه و بقيت خبره في اسعار الشقق في مدينه نصر تقريبا!!

ربنا يكرمك يا دكتور ، والقاهرة منوره بأهلها ..
أنا نفسى فى تمليك طبعاً ، بس الفلوس معايا مش قوى .. يعنى بالعافية 200 ألف (بعد السلف والذى منه)
لو فى أماكن جديدة فيها تمليك بالتقسيط يكون كويس..

وربنا يوفقك وتلاقى عيادة مناسبة ، وأجى ازورك ... بس مش هدفع كشف :)