السكن فى القاهرة

[محمد محمد]

هركن فى جراج كارفور واركب ميكروباص لحد حليم

وبعدين محطة حليم لا تمثل لى الا وجبة غداء من حين الى اخر :) , كلها اسبوع وتلاقينى بتصل بيك من هناك ان شاء الله

مممممممم هنبتدي نجر ناعم ونرجع لورا.

[Ahmed Nouh]

مممممممم هنبتدي نجر ناعم ونرجع لورا.

لا يا باشا دا انا جايلك ارضك ايه النعومة فى كدا ، وبعدين هتغدى واجيلك متقلقش

هحبس معاك شاى بس

لو فى بس اى اخبار عن حاجات من ام اربع رجول قولى ويبقى غدا وشاى ، المهم لا تكون بتنونو ولا بتنبح ولا بتنهق الله يعزك

خلينا فى الضانى والبتلو

[SGH]

نتيجة تجربة معيشة فى العبورجميلة بس فيها العيب القاتل فى الدخول و الخروج منها حاول تروح تجرب لان العبور مالهاش غير مخرج واحد للقاهرة زحام رهيب ممكن تقعد فية ساعتيين. جرب بنفسك علشان تعرف حا تقدر عليها غالبا من بعد الظهر لحد المغرب و فى الصيف لحد 11 بليل

[محمد محمد]

نتيجة تجربة معيشة فى العبورجميلة بس فيها العيب القاتل فى الدخول و الخروج منها حاول تروح تجرب لان العبور مالهاش غير مخرج واحد للقاهرة زحام رهيب ممكن تقعد فية ساعتيين. جرب بنفسك علشان تعرف حا تقدر عليها غالبا من بعد الظهر لحد المغرب و فى الصيف لحد 11 بليل

باستخدام الطرق البديلة بتلاقي العملية اسهل بكتير انا مرة خرجت من العبورقبل المغرب ب15 دقيقة وصلت مدينة نصر وخلصت مصالحي ورجعت البيت بعد العشاء بقليل...المهم ان الناس متمسكش في طريق واحد العبور ليها طرق مختصرة كتير .

[SGH]

دى نصيحة و الطرق الختصرة تعتمد رايح فين فطريق السلام بيبقى ساعات ازحم و مش كل الناس تحب تروح لغاية الشروق الا لو رايحة مدينة نصر او الرحاب بس اللي نازل مصر الجديدة بيتخنق و فى الاخر كل واحد حسب مواعيد نزولة و رجوعة و هوة رايح فين بعكس التجمع اللى لو كذا محور للتحرك غالبا فاضيين

[محمد محمد]

دى نصيحة و الطرق الختصرة تعتمد رايح فين فطريق السلام بيبقى ساعات ازحم و مش كل الناس تحب تروح لغاية الشروق الا لو رايحة مدينة نصر او الرحاب بس الله نازل مصر الجديدة بيتخنق و فى الاخر كل واحد حسب مواعيد نزولة و رجوعة و هوة رايح فين بعكس التجمع اللى لو كذا محور للتحرك غالبا فاضيين

لأ مش قصدي الشروق...اقصد الدائري نفسه وسواء راجع من مصر الجديدة او مدينة نصر الطريق بيبقي رايق في الرجوع....الزحمة الحقيقية في الخروج من اي مدينة (من اول العاشر حتي العبور) وقت خروج الموظفين اللى شغالين في المناطق الصناعية في المدن دي....

[Mohamed_Ayman]

بالنسبه لمدينة نصر
احسن مشروعين واسعارهم معقوله شويه

عمائر مدينة نصر تقريبا كده القسط يبدا من الف جنيه شهريا والمقدم حوالي 12.000 وفيه تفاصيل تانيه كتير اكيد حضرتك ممكن تدخل على جوجل وتشوف تفاصيل اكتر

و الواحه بيقولوا برده اسعارها كويسه

شكراً ياباشا ، ربنا يسهل بس تقريبا الحاجات دى لسه قدمها فترة على التسليم!

[ahmed2y]

زهراء مدينة نصر طبعا ويا ريت تقولنا انت عاوز تمليك اجار وفى حدود كام لكن شروق وعبور كتير قوى وبعيدة

[ahmed2y]

وفى حاجة كل ما كنت اقرب لشغلك اريح واسال مجرب المدن الجديدة ممتازة جدا لكن المسافة خد بالك من الموضوع دة كويس

[brown-eyes]

من وجهة نظري احسن حاجة ممكن تعملها انك تحاول بكل الطرق تسكن جمب الشغل بتاعك بحيث انك تنزل من البيت تتمشي 10 دقائق ربع ساعة تبقي في الشغل وشوف كمية الراحة والتوفير اللي هتكسبها اول حاجة هترتاح من السواقة وقرفها والزحمة تاني حاجة هتوفر وقت فظيع تالت حاجة هتوفر فلوس بنزين وصيانة العربية غير الجراج سوء عند الشغل او عند البيت انا شغل كان في مدينة نصر وفعلا الزحمة حاجة تخنق غير شدة الاعصاب و عبال ما تلاقي مكان تركن فيه غير طبعا الزحمة اللي عند سيتي ستار لغاية ما توصل للجراج فكر كويس واحسبها كويس وربنا معاك

[alaasaid]

السلام عليكم ,

طالما شغل حضرتك عند سيتى ستارز يبقى تدور فى زهراء مدينة نصر و بعدين التجمع و بعدين الشروق او العبور و ربنا يكرمك بشقة كويسة

[amir]

بلاش فكره عمائر مدينه نصر دي اطلاقا دلوقتي
دي بتطل علي مقابر و طريق مظلم يعني حاجه قلق في قلق و الناس خلاص مبقوش يتوصو في السفاله
و من فتره كان في عضو عامل موضوع ان كان في ناس ناصبين كمين هناك بس هو قلق منهم و طلع يجري
فلغايه ما المقابر اللي هناك تتشال في خطه ما و المنطقه تنضف من الاوباش اللي فيها بلاش حد فيكم ينصح حد بيها نهائي

[Mohamed_Ayman]

زهراء مدينة نصر طبعا ويا ريت تقولنا انت عاوز تمليك اجار وفى حدود كام لكن شروق وعبور كتير قوى وبعيدة

ربنا يكرمك يا باشا .. انا ان شاء الله هدور على تمليك ، أو تمليك بالتقسيط .. الرينج أقل من 200 ألف.

لو حضرتك تعرف حاجة كويسة؟!

ألف شكر

[Mohamed_Ayman]

وفى حاجة كل ما كنت اقرب لشغلك اريح واسال مجرب المدن الجديدة ممتازة جدا لكن المسافة خد بالك من الموضوع دة كويس

تمام يا باشا ، طبعا كل ما يكون أقرب يكون أفضل ... بس الواحد مش بيعمل حساب نفسه بس
يعنى المكان يكون آمان للزوجة والأطفال .. وقريب من مدارس كويس بمصاريف معقولة ........

أما احنا فعلينا الاستحمال :)

[Mohamed_Ayman]

من وجهة نظري احسن حاجة ممكن تعملها انك تحاول بكل الطرق تسكن جمب الشغل بتاعك بحيث انك تنزل من البيت تتمشي 10 دقائق ربع ساعة تبقي في الشغل وشوف كمية الراحة والتوفير اللي هتكسبها اول حاجة هترتاح من السواقة وقرفها والزحمة تاني حاجة هتوفر وقت فظيع تالت حاجة هتوفر فلوس بنزين وصيانة العربية غير الجراج سوء عند الشغل او عند البيت انا شغل كان في مدينة نصر وفعلا الزحمة حاجة تخنق غير شدة الاعصاب و عبال ما تلاقي مكان تركن فيه غير طبعا الزحمة اللي عند سيتي ستار لغاية ما توصل للجراج فكر كويس واحسبها كويس وربنا معاك

شكرا على النصيحة ، ربنا يوفق ، دعواتك ..