ولا فضائي ولا شيرنج و لا نت ولا يحزنون ! ودعوا الدريم بوكس و اخواته حاليا :)

[M.Mosaad]

و الله ياريت ينزلوا الاشتراكات بأسعار مناسبة للناس و ناس كتير هتشترك و هيكسبوا اكتر

[hobiko]

عشان الشيرينج ده سرقة .....

انا معنديش شيرينج ولا حاجة و مش عايز ادخل فى جدال ممكن يزعل منى حد

بس انا كنت من اوائل المشتركين فى art من ايام كاس القارات 99 لو حد فاكر

وكمان كنت مشترك فى الshowtime من زمان اوى

سواء دول ولا دول حرامية و ده اللفظ الوحيد المناسب ليهم

ياما اتسرقت عينى عينيك

تبقى مشترك فى باقة فيها قنوات معينة و مرة واحدة القنوات اللى فى الباقة تتغير تروح تسأل يقولك هو كدة ولو عايز قناة معينة كانت عندك و راحت ...... ادفع تانى

يبقى الديكودر (اللى جايبه من عندهم) شغال و تمام و مرة واحدة يقف ..... فيه ايه ياجماعة.....لازم تنزل سوفتوير جديد .... ولازم تدفع

مش عارف احكى على ايه ولا على ايه بس sharing و الوصلة و الدونجل و الكلام ده كله حلاااااااااااال فيهم

[MohssenRashed]

ياخسارة دة انا كنت عامل حسابي اجيبو الشهر الجاي :(

بس اكيد هيتفك و المصرين هيظبطو هو احنا بيقف في ايدينا حاجه ههههه

[FunnyMickey]

عشان الشيرينج ده سرقة .....

اللي اعرفه ياابو حميد
انها مش سرقه ولا حاجه

لاني من مجربي الاشتراكات
وزي ما الاعضاء بيقولوا

الناس دي اكبر حراميه
وانا ابويا ياما دفع اشتراكات في الجزيره
اقربها 400 جنيه

البنت اشتركتله فيها
في يناير
وقالها كده حتفرج علي كاس العالم ؟؟؟
قالتله ايوه يافندم

جه كاس العالم
والراجل يسأل
يقولوله لا يافندم الاشتراك اللي حضرتك دافعه يديك من 1-8
وكاس العالم 9 و10
حضرتك لو عاوز كاس العالم ادفع 100 جنيه

وخد علي ذلك باقي القنوات
وكل البطولات
مش عارف بطوله ايه علي ايه وبطوله مش عارف مين علي مين

حاجه قمه في السفاله وقله الادب
والكارت كل شويه يفصل


عاوز بعد كل ده تقولي سرقه
لا والله يااحمد ما سرقه
وزي ماقال hopiko
اما يبقوا يعملوا اشتراكات مناسبه للناس
ويصدقوا في كلامهم
يبقي يتكلموا

نفس الحكايه نسخه الويندوز
مين يقول اني اروح اشتري نسخه تمنها معدي الالف جنيه
وفي الاخر سنتين تلاته ويقولك لازم تحديث للنسخه وينزلك حاجه متنفعش عليها اللي عندك

مين يقول كده
ان واحد بس يبقي اغني واحد في العالم عشان بيستغل حاجه عنده ومش عند غيره
مش ده احتكار بردو ؟؟

حتقولي دي اصلا سلع يمكن الاستغناء عنها
حقولك مين يقدر يستغني عن الكمبيوتر عشان نسخه الويندوز عنده مستحرم ياخدها كوبي

مش من حقي اتفرج علي ماتش ممن غير ما احس اني مسروق
؟؟؟

الجزيره لو عملت اشتراك 100 جنيه في الشهر لكل القنوات بتاعتها
كام واحد مصري حيشترك ؟؟
وباللي هما عاملينه دلوقتي ده كام واحد حيشترك

مستني رايك

[أحمد كمال]

يا استاذ ميكي

two wrongs do not make a right

الشيرينج سرقة ...... باجماع الفقهاء و العلماء ...... لو هما بيسرقونا يبقى بلاش نشترك معاهم ..... مش نسرقهم

[kamalsalem]

انا شفت الاعلان على أوربت... شابة كده وبتقولك لو عندك جهاز من دول... بله واشرب شفرته

[FunnyMickey]

يا استاذ ميكي

two wrongs do not make a right

الشيرينج سرقة ...... باجماع الفقهاء و العلماء ...... لو هما بيسرقونا يبقى بلاش نشترك معاهم ..... مش نسرقهم

طب مش حشترك معاهم
وعاوز اتابع مثلا دوري ابطال اوروبا
ولو مشتركتش معاهم مش حشوفه
ولو اشتركت حتسرق واخبط دماغي في الحيط

ايه الحل من وجهه نظرك

[asd7778]

وها هى لحظة الحقيقة
بلا وعود وهميه او ادعاءات فارغة
توقف الشوتايم عن العمل فى الشيرنج يوم 19\12 وبعدها art والجزيرة خلال فتره قصيره (يقال 1\1\2011) وطبعا ابوظبى محميه
يعنى انتهاء الشيرنج فى العالم العربى فى شكله الحالى بشكل نهائى
طيب ليه العالم العربى هو اول من قضى على الشيرنج ،ليه مش اوروبا بشركتها العملاقه
لسبب بسيط ان شركات الميديا فى العالم العربى اكثر الشركات تضررا من الشيرنج
وان سوق الشيرنج اكبر بكثير من سوق الاشتركات الرسميه فى العالم العربى
وده ليه اسباب عديده اهمها اننا متعودين على المشاهده المجانيه وليس من طبعنا الدفع للمشاهده
اما فى اوروبا الشيرنج ليس شديد الانتشار اولا عشان القانون هناك حازم جدا فى هذا الموضوع والموضوع فيه سجن وغرامه كبيره جدااا مش هزار
ثانيا سعر الاشتراك فى اوروبا ناسب للدخل يعنى 50 يورو زى 50 جنيه بالنسبه لينا
ثالثا سوق الدفع للمشاهده هناك كبير وحجم سوق الشيرنج بالمقارنه بالسوق الشرعى ليس كبير
لا تجد المنتديات تعلن الشيرنج عينى عينك
ده هو السبب الحقيقى لكون القنوات فى المنطقه العربيه هو اول من حارب الشيرنج وليس اوروبا
طب ايه الى كان بيحصل فى الفتره السابقه (العصر الذهبى للشرينج) ان الشيرنج انه يقرأ الشيفره من الكارت ويقوم ببثها عبر الانترنت الى المستخدمين
طيب ايه الى حصل اصلا من 19 \12\2010
القصه ان هناك تقنيه تسمى السليكون سكيور (ودى غير التشفير ده موضوع تانى) وهذه التقنيه تقوم بتقسيم الشفره ما بين الكارت وما بين جهاز الاستقبال وبيتم تأميم الشفره الى على الجهاز بشكل قوى جدا وده هو الى مخلى الناس الى فى الشيرنج مش عرفين يشغلو الشوتايم
طب هل دى نهايه القصة
لا طبعا والا شركات التشفير تفلس وتقفل ،كل خيوط اللعبه فى شركات التشفير
خلال فتره وهى ليست قليله سنه اتنين ممكن يحصل تسريب لطريقه كسر السليكون سكيور ونشوف سعتها طريق جديده لكسر القنوات وتبدا السوق الغير شرعى يشتغل سنه واتنين وبعد كده تشوف الشركات حل وهكذا لعبه القط والفار
قواعد اللعبه بتقول انه يوم لك ويوم عليك شركات التشفيير بتبيع نظم التشفير بملايين للشركات وبعد فتره تبيع طرق كسر النظم دى للهاكرز وتعمل نظام تشفير جديد تبيعه للشركات وهكذا تتوالى الامور
لذا فى الخلاصه :ان حد يقول انه خلال فتره صغيره حيشغل الشوتايم او حتى الغرب حيعرف يشغله فده هراءءءءءءءءءءءءءءءء
كل شئ فى وقته
فى يوم من الايام حتظهر طرق جديده من الشيرنج
بس شوتايم وابوظبى غيرت قواعد اللعبه عشان كدا الشيرنج الحالى مش نافع معاهم

[hamadaghfar]

أجهزة الشو تايم الجديدة ستمنع سرقة بث الإشارة



بعد عدد من الاجتماعات مع اتحاد الإذاعة والتلفزيون توصل المسؤلين بشركة "osn" و" شبكة أوربت شوتايم" إلي الحصول علي موافقة الاتحاد لاستعمال تقنية جديدة لمنع سرقة القنوات المشفرة، وهي الظاهرة التي انتشرت بشراسة في الفترة الأخيرة سواء عن طريق الوصلات أو جهاز الدريم بوكس الذي يفتح أي قناة مشفرة مقابل مبالغ زهيدة، ومن المقرر أن يتم استيراد جهاز جديد يتم استبداله بأجهزة الإستقبال القديمة لدي مشتركي الشبكة وهذا الجهاز يمنع تماما سرقة الإشارة، ومن المقرر أن يتم خلال أواخر هذا الشهر إدخال التقنية الجديدة علي النايل سات وبعدها مباشرة سوف يتم توزيع الأجهزة الجديدة علي المشتركين، جدير بالذكر أن الجهاز الجديد يتيح استقبال جميع القنوات المشفرة عليه، أي من شأنه توحيد أجهزة الاستقبال وهو يعمل بتقنية الهاي ديفنيشن.

[Eng. Rafy Samy]

YouTube - ‫ظ†ظ‡ط§ظٹط© ط¹طµط± ط§ظ„ظ…ط´ط§ظ‡ط¯ط© ط§ظ„ط؛ظٹط± ط´ط±ط¹ظٹط© - ظ†ظ‡ط§ظٹط© ط§ظ„ط´ظٹط±ظ†ط¬‬‎

[م. عمرو شرف]

أنا سألت فى شركة osn قالولى :
كل قنوات الأفلام أتشالت وسابوا 19 قناه بس بدون تشفير
من 1/1/2011 هينزل الجهاز الجديد
لسه محددوش أسعار الأشتراكات
أشتروا قنوات art ( الأفلام والمسلسلات ) وهتكون تبعهم من أول السنه الجديده

[M.Elgergawy]

أنا سألت فى شركة osn قالولى :
كل قنوات الأفلام أتشالت وسابوا 19 قناه بس بدون تشفير
من 1/1/2011 هينزل الجهاز الجديد
لسه محددوش أسعار الأشتراكات
أشتروا قنوات art ( الأفلام والمسلسلات ) وهتكون تبعهم من أول السنه الجديده

الدولة رفضت بشكل رسمي بيع أو تداول جهاز osn والسبب ( إنه فيه وصلة نت ) وبكده مفيش حد هيتفرج على الشوتايم وهما سابو القنوات اللي باللغة العربية بس

[tamer_a7]

وها هى لحظة الحقيقة
بلا وعود وهميه او ادعاءات فارغة
توقف الشوتايم عن العمل فى الشيرنج يوم 19\12 وبعدها art والجزيرة خلال فتره قصيره (يقال 1\1\2011) وطبعا ابوظبى محميه
يعنى انتهاء الشيرنج فى العالم العربى فى شكله الحالى بشكل نهائى
طيب ليه العالم العربى هو اول من قضى على الشيرنج ،ليه مش اوروبا بشركتها العملاقه
لسبب بسيط ان شركات الميديا فى العالم العربى اكثر الشركات تضررا من الشيرنج
وان سوق الشيرنج اكبر بكثير من سوق الاشتركات الرسميه فى العالم العربى
وده ليه اسباب عديده اهمها اننا متعودين على المشاهده المجانيه وليس من طبعنا الدفع للمشاهده
اما فى اوروبا الشيرنج ليس شديد الانتشار اولا عشان القانون هناك حازم جدا فى هذا الموضوع والموضوع فيه سجن وغرامه كبيره جدااا مش هزار
ثانيا سعر الاشتراك فى اوروبا ناسب للدخل يعنى 50 يورو زى 50 جنيه بالنسبه لينا
ثالثا سوق الدفع للمشاهده هناك كبير وحجم سوق الشيرنج بالمقارنه بالسوق الشرعى ليس كبير
لا تجد المنتديات تعلن الشيرنج عينى عينك
ده هو السبب الحقيقى لكون القنوات فى المنطقه العربيه هو اول من حارب الشيرنج وليس اوروبا
طب ايه الى كان بيحصل فى الفتره السابقه (العصر الذهبى للشرينج) ان الشيرنج انه يقرأ الشيفره من الكارت ويقوم ببثها عبر الانترنت الى المستخدمين
طيب ايه الى حصل اصلا من 19 \12\2010
القصه ان هناك تقنيه تسمى السليكون سكيور (ودى غير التشفير ده موضوع تانى) وهذه التقنيه تقوم بتقسيم الشفره ما بين الكارت وما بين جهاز الاستقبال وبيتم تأميم الشفره الى على الجهاز بشكل قوى جدا وده هو الى مخلى الناس الى فى الشيرنج مش عرفين يشغلو الشوتايم
طب هل دى نهايه القصة
لا طبعا والا شركات التشفير تفلس وتقفل ،كل خيوط اللعبه فى شركات التشفير
خلال فتره وهى ليست قليله سنه اتنين ممكن يحصل تسريب لطريقه كسر السليكون سكيور ونشوف سعتها طريق جديده لكسر القنوات وتبدا السوق الغير شرعى يشتغل سنه واتنين وبعد كده تشوف الشركات حل وهكذا لعبه القط والفار
قواعد اللعبه بتقول انه يوم لك ويوم عليك شركات التشفيير بتبيع نظم التشفير بملايين للشركات وبعد فتره تبيع طرق كسر النظم دى للهاكرز وتعمل نظام تشفير جديد تبيعه للشركات وهكذا تتوالى الامور
لذا فى الخلاصه :ان حد يقول انه خلال فتره صغيره حيشغل الشوتايم او حتى الغرب حيعرف يشغله فده هراءءءءءءءءءءءءءءءء
كل شئ فى وقته
فى يوم من الايام حتظهر طرق جديده من الشيرنج
بس شوتايم وابوظبى غيرت قواعد اللعبه عشان كدا الشيرنج الحالى مش نافع معاهم

خلينا نتفق من الاول ان الموضوع لعبه مصالح مشتركه يعني دول يعملو تشفير والناحيه التانيه يكسروه وهلم جر
والكلام دا عن ثقه انا كان عندي نوكيا 9200 ايام ما كان بيكسر الشفره بكارت الفن والكامه الايردتو الفري
اللي حصل دلواقتي مش تغيير نوع الشفره لا دا تغيير نوع البث تماما يعني بيبثو بتقنيه جديده
16 بيت مش 8 وعلشان كده انت اساسا مش شايف القنوات ودا نفس اللي ابوظبي عمله وعلشان كده انت ما بتشوفش القناه من اساسا ما بتلقطش بثها لانه بتقنيه تانيه ولو الموضوع تغيير نظام تشفير بس كنت شفت قناه ابوظبي الرياضيه
مبدئيا وللمفاجءه في ريسيفر بالتقنيه الجديده نزل اساسا اسمه اتش دي بوكس ودا لسه ما ظهرش في مصر
اكيد هيظهر قريب
الموضوع مش هياخد سنين زي ما الناس متخيله كلها شهر او اتنين والتقنيه الجديده تكون علي الابواب وترجع لعبه القط والفار
بس المره دي بعد ما تكون اوربيت شو تايم كسبت بتاع كام الف مشترك اتخضو من اللي حصل واشتركو
وطبعا نبدا بقي في انظمه استقبال جديده ودنيا جديده والذي منه والريسيفر ايه يتباع في الخباسه ويبقي بي 2000 جنيه علي الاقل في الاول وبعدين يوصل ل500 جنيه وبعدين هوب يعملو نظام 32 بيت ونغير وتاني وهما يغيرو تاني
كلمه اخيره الاحتكار حرام شرعا يعني انهما ياخدو الحاجه حصري ويدفعو اد كده علشان يخليك ما تشفهاش في اي حته تانيه يبقي دا احتكار للشيء ودا حرام
حاجه كمان (انا مش مصدق نفسي بقالي كل دا علي المنتدي اول مره اتكلم في الموضوع ده ) طبيعي اني انزهل وانا كنت من الناس اللي مركز في الموضوع جدا ايام (نقاش الحب الله يرحمه)

[motoxp]

(نقاش الحب الله يرحمه)

]ده انت قديم زى وكارت فان ذهبى و كامة وووووو ........

[CryptonX]

موجز مكالمة تلفون :

- الو , السلام عليكم
.... و عليكم السلام يا فدم

- كنت عايز اسال على اشتراك osn و الرسيفر ال showbox hd الجديد .
.... للاسف يافندم الجهاز الجديد مش موجود في مصر و منزلش

- طب لو عايز اشترك حتى بالجهاز القديم ؟
.... للاسف يافندم الجهاز القديم مش موجود و حاليا مش ممكن تشترك في باقات osn

- طب مفيش osn في مصر خالص يعني ؟
.... في مشاكل مع الحكومة المصرية و محدش عارف حاجة

- طب معلش سؤال انتوا فاتحين ليه و عاملين مركز و خدمة عملاء ؟
.... صقدني معرفش اي حاجة .


---

وتحيا الجمهورية
المصرية
العربية

الي ناسها كويسين
الي ناسها مية مية :)