ولا فضائي ولا شيرنج و لا نت ولا يحزنون ! ودعوا الدريم بوكس و اخواته حاليا :)

[hobiko]

مفيش حد هيخسر حد و لا حاجة

حضرتك اتسرقت ازاي؟ ان الاشتراك غالي؟ راجع نفسك .... دي ما اسمهاش اتسرقت ... دي اسمها انك اتفقت على سعر و دفعته حتى لو غالي ...... يعني عقد بيع او ايجارة .......

و حضرتك العلماء كلها افتت انه حرام و دول يفهموا اكتر مني و منك



مع احترامي لكريم لا الكلام مش صح ...... الحلال و الحرام داخلين في كل حاجة و ما ينفعش نقول دول مش موضوعنا .......

لا ابدا انا مش بتكلم على الأشتراك انه غالى ...... بالعكس انا مقتنع تماما ان اى حد عنده حق يسعر سلعته بالشكل اللى هو شايفه صح

و انا من حقى اشترك ولا لأ

ده انا مشترك فى ART من ايام كاس العالم للقارات 99 و لغاية فترة قريبة جدا

انا حقولك على سبيل المثال لا الحصر

1) الديكودر اللى شاريه من عندهم مرة واحدة يقف.....اكلمهم ايه المشكلة.....سوفت وير جديد حضرتك تجيب الديكودر و تيجى ننزلك السوفتوير الجديد بس لازم تدفع و تيجى تستلمه كمان 3 ايام

طب ادفع ليه وانا مالى ده الديكودر بتاعكو

هو كده

طب الوقت اللى القنوات فيه واقفة على حساب ميين

حنبقى نعوضهالك.....طبعا مابيحصلش

ده غير الكارت اللى يقف ولازم اجيب واحد تانى من عندهم برضه و ادفع اد كده

الحوارات دى على طول اتكررت معايا اكتر من 5 او 6 مرات طول ماكنت مشترك

2) تبقى مشترك فى باقة فيها قنوات معينة......مرة واحدة قناة ولا اتنين يطيروا

اكلمهم اشوف ايه اللى حصل

نظام الباقات اتغير ... لو حضرتك عايز القنوات دى ادفع تانى

اتخانق بقى و زعق واعمل اللى انت عايزة.....و برضه مافيش فايدة

لغاية ما جت الطامة الكبرى

السنة اللى فاتت باجدد الأشتراك ... طلبت اشترك فى القنوات اللى حتعرض كاس العالم

واشتركت فعلا

مرة وحدة art باعت القنوات للجزيرة وعملوا قناتين جداد لكاس العالم بره الpackage بتاعتى

و عشان اشوف كاس العالم ادفع من اول جديد

ازاى ياجماعة الكلام انتو كدة بعتولى كاس العالم مرتين

هو كدة دة اللى عندنا

شوف المشاركة دى

فعلا قفلو discovery من غير ما يقولو وكلمتهم اشتكى ازاى يقفلو قناة فجاة كده رغم انى دافع اشتراك 6 شهور والباقة متضمنة قنوات معينة وانا كده استحق تعويض او تخفيض على الاشتراك ولا حد رد عليا برد ليه لازمةكله اى كلام

ده اساسا العادى بتاعهم

ياريت بس كل الناس اللى بتهاجم تفهم انا قصدى ايه

انا لو عايش فى بلد محترمة اعرف اخد فيها حقى كنت رحت بلغت فيهم على اسلوبهم ده

بس فى مصر المحروسة ........اخر حاجة اقدر اعملها انى اجيب جهاز sharing او اشترك فى وصلة للاسف

[CryptonX]

مع احترامي لكريم لا الكلام مش صح ...... الحلال و الحرام داخلين في كل حاجة و ما ينفعش نقول دول مش موضوعنا .......

يا احمد باشا انا مش بقول اننا منقولش ده حرام او ده حلال .. انا بقول انا بناقش حاجة معينة الان هل حرام ماشي .. هي حلال ماشي برده ..

انا بدول على حل .. خصوصا ان الحل الشرعي او الحلال و هو الاشتراك غير متوافر الان وشاكه مش حيتوافر لفترة فشكلنا كدة حننتظر كتير .

انما انا مقولتش متقوليش ده حرام وحلال .. انا بقول مش حتناقش فيه علشان ده امر مفروغ منه بمعنى ان احنا عارفين هو حلال ولا حرام فلا جدوى من المجادلة في الموضوع مش اكتر .

يعني مثلا لو واحد بيسال على تامين عربية ...و انهي احسن شركة تامين .
انت دخلت قلتله التامين حرام او حلال, هو بقى مقتنع مش مقتنع مازال بيبحث عن جواب لسؤاله و حواره و ده الي انا اقصده هنا بمش موضوعنا .

اننا عارفين مسبقا هو حلال ولا حرام او على الاقل انا شخصيا عارف علشان كدة مش حجادل او اناقش .

[hh]

لا ابدا انا مش بتكلم على الأشتراك انه غالى ...... بالعكس انا مقتنع تماما ان اى حد عنده حق يسعر سلعته بالشكل اللى هو شايفه صح

و انا من حقى اشترك ولا لأ

ده انا مشترك فى ART من ايام كاس العالم للقارات 99 و لغاية فترة قريبة جدا

انا حقولك على سبيل المثال لا الحصر

1) الديكودر اللى شاريه من عندهم مرة واحدة يقف.....اكلمهم ايه المشكلة.....سوفت وير جديد حضرتك تجيب الديكودر و تيجى ننزلك السوفتوير الجديد بس لازم تدفع و تيجى تستلمه كمان 3 ايام

طب ادفع ليه وانا مالى ده الديكودر بتاعكو

هو كده

طب الوقت اللى القنوات فيه واقفة على حساب ميين

حنبقى نعوضهالك.....طبعا مابيحصلش

ده غير الكارت اللى يقف ولازم اجيب واحد تانى من عندهم برضه و ادفع اد كده

الحوارات دى على طول اتكررت معايا اكتر من 5 او 6 مرات طول ماكنت مشترك

2) تبقى مشترك فى باقة فيها قنوات معينة......مرة واحدة قناة ولا اتنين يطيروا

اكلمهم اشوف ايه اللى حصل

نظام الباقات اتغير ... لو حضرتك عايز القنوات دى ادفع تانى

اتخانق بقى و زعق واعمل اللى انت عايزة.....و برضه مافيش فايدة

لغاية ما جت الطامة الكبرى

السنة اللى فاتت باجدد الأشتراك ... طلبت اشترك فى القنوات اللى حتعرض كاس العالم

واشتركت فعلا

مرة وحدة art باعت القنوات للجزيرة وعملوا قناتين جداد لكاس العالم بره الpackage بتاعتى

و عشان اشوف كاس العالم ادفع من اول جديد

ازاى ياجماعة الكلام انتو كدة بعتولى كاس العالم مرتين

هو كدة دة اللى عندنا

شوف المشاركة دى



ده اساسا العادى بتاعهم

ياريت بس كل الناس اللى بتهاجم تفهم انا قصدى ايه

انا لو عايش فى بلد محترمة اعرف اخد فيها حقى كنت رحت بلغت فيهم على اسلوبهم ده

بس فى مصر المحروسة ........اخر حاجة اقدر اعملها انى اجيب جهاز sharing او اشترك فى وصلة للاسف

بص يا سيدي الفاضل, واضح من كلام حضرتك انك كنت قرفان من التعامل مع ال ART و على فكرة ي فعلا شركة سيئة جدا في تعاملاتها, بس تعالى كدة نفكر في الموضوع واحدة واحدة:

دلوقتي حضرتك ليك تجربة سيئة مع ART, ايه ذنب بقية الشركات اللي ليها اشتراك في قنوتها؟؟ و بعدين حضرتك بتقول انهم حلال فيهم الsharing, طيب يعني فرضا واحد سرق حاجة من واحد تاني, هل ده يدي الحق لكل الناس انهم يروحوا يسرقوا الحرامي ده؟؟ مش ممكن طبعا.

ثانيا موضوع الديكودر ده طبيعي. يعني حضرتك أي حاجة بتشتريها لما تكون خرجت من الضمان, طبيعي انك تدفع تمن اي اصلاح او updates ليها, مفيش حاجة اسمها ما أنا جايبه من عندكوا.

موضوع تغيير الكروت ده على فكرة كان من ال cne مش من القنوات نفسها, و كان مع تجديد الأشتراك مش في
نصه, يعني حقهم يقولولك لازم تغير الكارت و لو حضرتك مش عايز ممكن ما تشتركش براحتك.

و بعدين حتى لو أفترضنا ان فعلا هما كانوا سارقين حضرتك في الحاجات دي أحسب كدة حضرتك تكلفة الخسارة دي حتلاقيها ماتسويش أكتر من اشتراك شهر شهر و نص بالكتير. يبقى ازاي حضرتك مستحل انك تسرق الأشتراك لشهور و يمكن سنين؟؟؟؟

و على فكرة موضوع الجزيرة لما اشترت ال ART بعد ما الناس كانت اشتركت ده حضرتك واضح انك ناسي تفاصيله. أولا حضرتك تقصد كاس الأمم الأفريقية مش كاس العالم لأن القصة دي كانت في يناير و كاس العالم بعد كدة بست شهور, بجانب ان الART اساسا طول عمرها بتعمل اشتراك منفصل لكاس العالم زي ما الجزيرة عملت بالظبط. فعلا اللي اشترك في باقات الART على اساس يشوف الCAN يعتبر اتنصب عليه, لكن في خلال ايام بعد الأزمة ما اتفجرت بين الناس و الشركة جهاز حماية المستهلك الزم الشركة ترد للناس الأشتراكات, و ده أنا متأكدة منه لأن والدي كان برضه اشترك, فاللي قرر يكمل الاشتراك بتاعه عمل كدة بمزاجه.

عموما عشان الناس ماتفهمنيش غلط, انا مش بدافع عن الART لأن انا أساسا مقتنعة انهم من اسوأ الشركات اللي الواحد ممكن يتعامل معاهم , انما المفروض اللي متضايق منهم مايشتركش مش يقرر انه يسرق الاشتراك.

[mmedali1978]

احسن حاجه الاستاذ احمد كمال والاستاذ CryptonX يروحوا لحد الشوتايم ويعرضوا عليهم الموضوع وان شاء الله يوصلوا لحل وهما ناس خدومين بصراحه ..... بس برده ان شاء الله الشيرنج هيعمل ذى الاول واكثر ويرجع فى القريب العاجل

[EZABY]

بالنسبه لنقطه الحلال والحرام
الحلال بين والحرام بين
وبالتالي طالما في اختلافات قويه في الاراء كده زي ماحنا شايفين يبقى كل واحد يعمل اللي ضميره يرضاه بس ميقولش لحد تاني ده حلال او ده حرام
ده مجرد رأي

وعلى فكرة، الأخ اللي بيقول مادام في خلاف يبقى كل واحد يعمل اللي على مزاجه، اتقي الشبهات، لو في شبهة حرام سيبه، مادام مش هتموت من غيره

لا حضرتك فهمتيني غلط
انا اقصد ان غالبا الكلام في الموضوع ده هيعمل مشاكل بين الاعضاء ومحدش هيقتنع برأي التاني
فبالتالي - وده رأيي زي ماقلت - كل واحد مع نفسه بقى يعمل اللي يريحه وبلاش نتكلم في النقطه دي منعا للخلافات
فهمتيني
يعني انا مقلتش حلال او حرام انا بس بقول بلاش نتكلم

[elgabry1977]

هو الناس زعلانه كده ليه على الشوتايم و لا تفرق فى حاجه, انا عندى طبق 240 و جايب حوالى 15 قمر و بدل ديسكافرى واحده عندى اكثر من 20 ديسكفرى و و هكذا باقى المحطات, الى كل مستخدمى الشيرنج بعيدا عن موضوع الحلال و الحرام كله يستخدم اطباق كبيره و سيرى ان قفل الشوتايم و لا حاجه

[م. حاتم السباعي]

لو سمحتم لي بالمداخلة معكم لا للاختلاف و لا الاتفاق انما للنصح
يا رب ارشدنا للصح و للخير و اكفنا شر انفسنا

م.حاتم السباعي

[ashouhdy]

فى خلال أيام حتتفك الشفرة الجديدة ذى ما فكوا ال iphone4 !!!!!!!!!

[Ramy_2R]

الحمد لله
انا كنت ناوى اعمله بس مش عارف ليه ضمير مكنتش مرتاح

[amribrahim]

فى خلال أيام حتتفك الشفرة الجديدة ذى ما فكوا ال iphone4 !!!!!!!!!

على فكرة الأوربت و الشوتيم شغالين زي الفل على العرب سات ... اللي اتوقف بس هو النيل سات ... يعني لو عندك إشتراك في سرفير بتاع عرب سات صباح الفل عندك الأوربت و الشوتيم شغالين و صباح الفل هههههههة

[ahmed_su]

على فكرة الأوربت و الشوتيم شغالين زي الفل على العرب سات ... اللي اتوقف بس هو النيل سات ... يعني لو عندك إشتراك في سرفير بتاع عرب سات صباح الفل عندك الأوربت و الشوتيم شغالين و صباح الفل هههههههة

يخرب بيت النايل سات ...

قنوات دينية يقفل ... قنوات بتاعت المقاومة... يقفل حتى القنوات اللى ممكن تشوفها شيرنج برضه يقفل

بينفذوا التعليمات بحذفيرها علشان انكل سمسم ما يزعلش

[amribrahim]

يخرب بيت النايل سات ...

قنوات دينية يقفل ... قنوات بتاعت المقاومة... يقفل حتى القنوات اللى ممكن تشوفها شيرنج برضه يقفل

بينفذوا التعليمات بحذفيرها علشان انكل سمسم ما يزعلش

أنا مش فاهم هما عملو ليه كدة ... هما فاكرين إن الناس بتوع عرب سات يقدرو على الإشتراك لكن بتوع نيل سات دول غلابة ههههههة

[Karim_Monir]

- طب معلش سؤال انتوا فاتحين ليه و عاملين مركز و خدمة عملاء ؟
.... صقدني معرفش اي حاجة .

نييييييهههههههههههههههههه
انت كنت فاضل تقوله
انت قاعد عندك بتعمل ايه
قوم روووح :-)

[Karim_Monir]

بينفذوا التعليمات بحذفيرها علشان انكل سمسم ما يزعلش

طنط تازا مين :-)

اوعى انت اللي تزعل
ماتجيبش سيرة طنط تازا :-)

[amir]

هو الناس زعلانه كده ليه على الشوتايم و لا تفرق فى حاجه, انا عندى طبق 240 و جايب حوالى 15 قمر و بدل ديسكافرى واحده عندى اكثر من 20 ديسكفرى و و هكذا باقى المحطات, الى كل مستخدمى الشيرنج بعيدا عن موضوع الحلال و الحرام كله يستخدم اطباق كبيره و سيرى ان قفل الشوتايم و لا حاجه

ممكن معلومات اكتر و بالتفاصيل لأني بكره ان شاء الله الفني جاي يعاين و هشتري و نركب