لا تاتى الرياح بما تشتهى السفن

[احمد ابراهيم]

الموضوع ان حصل النهارده معايا حاجة غلسة اوى

من فترة و انا زهقان من الشغل و حاسس بملل و ضغط نفسى و مش قادر .. اخدت اجازة و قعدت مع نفسسى و قعدت اتكلم ايه اللى جرى فى الفترة اللى فاتت ؟
هل الشغل اتغير؟؟ .... لا
هل زادت حاجة عليا فى شغلى ؟؟ ... لا
هلالمديرين اتغيرو او حد بقى بيعاملنى باسلوب مختلف ؟؟؟ .... لا

طب ايه اللى حصل ... مش عارف
استعذت بالله .. و قررت انى ارجع زى الاول نشيط واعامل الناس كويس و ابتسم فى وش العملاء و ابقى تمام التمام

و فعلا روحت النهارده الشغل و كلى حماس و مقرر انى مش هكشر و لا هتضايق و لا اضغط على اعصابى و لا حاجة

و فعلا بدات اليوم جميل و ظريف و الناس مبسوطة و بهزر مع الناس و حاجة اخر تمام
على الساعة 3 مثلا جالى واحد معرفش ازاى قدر انه يستفزنى لدرجة انى كنت فعلا ممكن اتصرف بغباء شديد معاه لكن بسرعة قومت من مكانى و كان مديرى بيكلمنى و صوتى كان بدأ يعلى .. بس الحمد لله انى قومت قبل ما انفجر

المشكلة بقى ان احنا فى اخر السنة دلوقتى و التقارير اللى بيعملوها المديرين عن الناس اللى تحتهم ميعادها اليومين دول

و افاجئ بان التقارير دى هتتعمل بكرة

يبقى الواحد ماشى كويس طول السنة و مفحوت و فى يوم واحد كل الحاجات الكويسة اللى كانت بتتعمل تتنسى و يبقى فى عقول الناس الصورة الاخيرة ... انى اتخانقت مع الراجل

انا دلوقتى مش عارف اعمل ايه
لا حول و لا قوة الا بالله

[tarekzein]

لا حول ولا قوة إلا بالله


نفس اللى حصل معايا وواحد صاحبى فى نفس الإداره

والمشكله أن التقرير مرتبط بالزياده السنويه

تبقى شغاال كفحتجى طول السنه

وفى الآخر ...تيييييييييييييييت

مايكملش تمن كيلو طماطم

[kamalsalem]

وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك - صدق الله تعالى

دايماً صدق انه ربنا مأهلك لحاجة... هي ايه؟ هو وحده أعلم

[احمد ابراهيم]

وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك - صدق الله تعالى

دايماً صدق انه ربنا مأهلك لحاجة... هي ايه؟ هو وحده أعلم

الحمد لله

[Khaled_Nowaihy]

ان شاء الله خير ...
المفروض ان التقرير عبارة كذا جزء
اتقان العمل ... التعاون مع المرؤسين ... التعامل مع الرؤساء ... الانضباط فى العمل ... الخ
المفروض لو مدير يعرف ربنا ما يا خدش العاطل فى الباطل ويضربها كرسى فى الكلوب
ولو كنت غلطت ,,, فالغلطة دى مفروض كبيرها تحذير شفهى ولاسيما اذا كانت أول مرة

[Hany A Fattah]

لو مديرك اجنبى يبقى ماتقلقش لانهم بيقدروا كل المواقف والظروف وبيحطوها فى الاعتبار ساعة التقييم
اما لو مصرى يبقى ربنا معاك وتتعوض السنه الجايه

[shaddadfalcon1]

والله ياباشا ده اللي بيحصل معايا كل 6 شهور من 5 سنين
ابقي فل طول المده وييجو علي موقف حصل معظم الأوقات مليش ذنب فيه ويمسك فيه ويخسف بيا الأرض
مفيش غير مره واحده اللي حسيت ان التقييم كان مرضي فعلا

المدير المصري بيحس انه عيبه في حقه انه يقولك انت 100 100 وده تعرف انه مدير فاشل لانه مش عارف يطلع عيوبك الحقيقيه او نقاط الضعف اللي محتاج تشتغل عليها فما بيصدق يلاقي غلطه ويكلبش فيها

والله مواقف لو احكيهالك هتستغرب عليها وفي كل مره

انت كويس ياهيثم انت Technically ممتاز بس ال Commuinication وال Working with people محتاج يتظبط عشان وحش
وتلاقي البقين دوول اتقالو لكل الناس

مطحتش في دماغك واللي مكتوبلك هتلاقيه وكده كده انت تقدر تتناقش معاهم وتبين الموقف كويس

[احمد ابراهيم]

ان شاء الله خير ...
المفروض ان التقرير عبارة كذا جزء
اتقان العمل ... التعاون مع المرؤسين ... التعامل مع الرؤساء ... الانضباط فى العمل ... الخ
المفروض لو مدير يعرف ربنا ما يا خدش العاطل فى الباطل ويضربها كرسى فى الكلوب
ولو كنت غلطت ,,, فالغلطة دى مفروض كبيرها تحذير شفهى ولاسيما اذا كانت أول مرة

ده يا باشا الكلام اللى مكتوب فى الورق و الكلام النظرى .... الحقيقة انه بيحطلك تقدير مسبق من البداية و بيفنط الحاجات اللى موجودة فى الورق دى عليه بحيث فى الاخر مش هتاخد اكتر من كده لو عملت عفريت حتى

لو مديرك اجنبى يبقى ماتقلقش لانهم بيقدروا كل المواقف والظروف وبيحطوها فى الاعتبار ساعة التقييم
اما لو مصرى يبقى ربنا معاك وتتعوض السنه الجايه

مديرى مصرى ... و لو سالتك انت مصرى تقولى ايه ؟؟

والله ياباشا ده اللي بيحصل معايا كل 6 شهور من 5 سنين
ابقي فل طول المده وييجو علي موقف حصل معظم الأوقات مليش ذنب فيه ويمسك فيه ويخسف بيا الأرض
مفيش غير مره واحده اللي حسيت ان التقييم كان مرضي فعلا

المدير المصري بيحس انه عيبه في حقه انه يقولك انت 100 100 وده تعرف انه مدير فاشل لانه مش عارف يطلع عيوبك الحقيقيه او نقاط الضعف اللي محتاج تشتغل عليها فما بيصدق يلاقي غلطه ويكلبش فيها

والله مواقف لو احكيهالك هتستغرب عليها وفي كل مره

انت كويس ياهيثم انت technically ممتاز بس ال commuinication وال working with people محتاج يتظبط عشان وحش
وتلاقي البقين دوول اتقالو لكل الناس

مطحتش في دماغك واللي مكتوبلك هتلاقيه وكده كده انت تقدر تتناقش معاهم وتبين الموقف كويس

بيبقى اتحط خلاص و اعمل بتاع بطاطا محدش هيعبرك بسندوتش مفتقة

[elmkaneeki]

نصيحة من اخ
اوعى تحسبها بحسابات البشر
ربك حساباته ميعلمهاش الا هو
عامل ربنا وملكش دعوة بالبشر

[احمد ابراهيم]

نصيحة من اخ
اوعى تحسبها بحسابات البشر
ربك حساباته ميعلمهاش الا هو
عامل ربنا وملكش دعوة بالبشر

لا اله الا الله له الملك وله الحمد و هو على كل شئ قدير

[elmkaneeki]

مشكلتنا كبشر ان احنا بنيجى على اعصابنا اوى
ونفكرونعيد ونزيد
والله ما تدرى الخير بيجى منين
احكيلك موقف انا مرة كنت مسافر اسكندرية بعربية ابويا
اول ما اتحركت فردة كاوتش اتفرتكت بدون اسباب واضحة
انا طبعا اتضايقت جدا واتعصبت وغضبت و و و و
يومها بليل القنطرة الى شايلة الموتور خدته ووقعت من الشاسية والله
يعنى الموتور بالعجل بالمقصات مش مع العربية
والمروحة نزلت عالكوع بتاع الرداتير فرتكته وهى اتفرتكت وطبعا العربية بركت مكانها
تخيل بقى لو الموقف دة حصل عالصحراوى وانا ماشى بسرعتى
كنت روحت الملاهى
الحمد لله على كل شىء
بسم الله الرحمن الرحيم
"وَمَا يَعْلَمُ جُنُودَ رَبِّكَ إِلَّا هُوَ"
صدق الله العظيم

[احمد ابراهيم]

مشكلتنا كبشر ان احنا بنيجى على اعصابنا اوى
ونفكرونعيد ونزيد
والله ما تدرى الخير بيجى منين
احكيلك موقف انا مرة كنت مسافر اسكندرية بعربية ابويا
اول ما اتحركت فردة كاوتش اتفرتكت بدون اسباب واضحة
انا طبعا اتضايقت جدا واتعصبت وغضبت و و و و
يومها بليل القنطرة الى شايلة الموتور خدته ووقعت من الشاسية والله
يعنى الموتور بالعجل بالمقصات مش مع العربية
والمروحة نزلت عالكوع بتاع الرداتير فرتكته وهى اتفرتكت وطبعا العربية بركت مكانها
تخيل بقى لو الموقف دة حصل عالصحراوى وانا ماشى بسرعتى
كنت روحت الملاهى
الحمد لله على كل شىء
بسم الله الرحمن الرحيم
"وَمَا يَعْلَمُ جُنُودَ رَبِّكَ إِلَّا هُوَ"
صدق الله العظيم

ربنا ستر

[احمد ابراهيم]

الحمد لله .. حصل اللى كنت خايف منه

النهارده مديرى كلمنى عشان اروح امضى على التقرير و كانت المفاجأة ... ان التقرير طالع اقل بكتير من اللى فعلا الواحد بيعمله بكتير اووووى

اللى يحرق الدم اكتر بقى ..... ان فى ناس بتلعب و بتهرج و التقرير بتاعهم احسن مننا و دا غير ان احنا اللى فى وش المدفع و اللى شايلين الطين كله ( انا و زميلى فى القسم )

يا نهار اسود و منيل ايه الكفر ده .. دا الواحد هيتجنن يا جدعان و الله
حسبى الله و نعم الوكيل .. حسبى الله و نعم الوكيل ... حسبى الله و نعم الوكيل

[shaddadfalcon1]

الحمد لله .. حصل اللى كنت خايف منه

النهارده مديرى كلمنى عشان اروح امضى على التقرير و كانت المفاجأة ... ان التقرير طالع اقل بكتير من اللى فعلا الواحد بيعمله بكتير اووووى

اللى يحرق الدم اكتر بقى ..... ان فى ناس بتلعب و بتهرج و التقرير بتاعهم احسن مننا و دا غير ان احنا اللى فى وش المدفع و اللى شايلين الطين كله ( انا و زميلى فى القسم )

يا نهار اسود و منيل ايه الكفر ده .. دا الواحد هيتجنن يا جدعان و الله
حسبى الله و نعم الوكيل .. حسبى الله و نعم الوكيل ... حسبى الله و نعم الوكيل

ولا تزعلي نفسك ياباشا
ان شاء الله المره الجايه تبقي احسن

[tarekzein]

الحمد لله .. حصل اللى كنت خايف منه

النهارده مديرى كلمنى عشان اروح امضى على التقرير و كانت المفاجأة ... ان التقرير طالع اقل بكتير من اللى فعلا الواحد بيعمله بكتير اووووى

اللى يحرق الدم اكتر بقى ..... ان فى ناس بتلعب و بتهرج و التقرير بتاعهم احسن مننا و دا غير ان احنا اللى فى وش المدفع و اللى شايلين الطين كله ( انا و زميلى فى القسم )

يا نهار اسود و منيل ايه الكفر ده .. دا الواحد هيتجنن يا جدعان و الله
حسبى الله و نعم الوكيل .. حسبى الله و نعم الوكيل ... حسبى الله و نعم الوكيل

قدر الله وماشاء فعل

للأسف ده قدرنا فى مصر

إحنا بقى مابنشوفش التقرير نفسه

لكن بنشوف نتيجته

رغم أنه المفروض بنك محترم

لنا الله