لا تاتى الرياح بما تشتهى السفن

[elmkaneeki]

الحمد لله .. حصل اللى كنت خايف منه

النهارده مديرى كلمنى عشان اروح امضى على التقرير و كانت المفاجأة ... ان التقرير طالع اقل بكتير من اللى فعلا الواحد بيعمله بكتير اووووى

اللى يحرق الدم اكتر بقى ..... ان فى ناس بتلعب و بتهرج و التقرير بتاعهم احسن مننا و دا غير ان احنا اللى فى وش المدفع و اللى شايلين الطين كله ( انا و زميلى فى القسم )

يا نهار اسود و منيل ايه الكفر ده .. دا الواحد هيتجنن يا جدعان و الله
حسبى الله و نعم الوكيل .. حسبى الله و نعم الوكيل ... حسبى الله و نعم الوكيل

برده عادي ولا يهمك...... والله طالما بتعمل اللي عليك وبتتقي ربنا يبقى ولا يهمك...رزقك جاي جاي ....مش يمكن ده ضيق ييجي بعده فرج كبير قوي .....احمد ربنا .....مش يمكن ربنا شيلك رزق في حتة تانية ....أو كان في شر اكبر من كده وربنا حماك بكدة.......احمد ربنا بس وهتفرج يا كبير
وقبل كل ده أنا حاسس بيك وعارف إنت اد إيه مضايق......بس معلش .....
بسم الله الرحمن الرحيم " لقد خلقنا الإنسان في كبد"
دي الدنيا

[احمد ابراهيم]

قدر الله وماشاء فعل

للأسف ده قدرنا فى مصر

إحنا بقى مابنشوفش التقرير نفسه

لكن بنشوف نتيجته

رغم أنه المفروض بنك محترم

لنا الله

اوعى تكون معايا فى نفس البنك

برده عادي ولا يهمك...... والله طالما بتعمل اللي عليك وبتتقي ربنا يبقى ولا يهمك...رزقك جاي جاي ....مش يمكن ده ضيق ييجي بعده فرج كبير قوي .....احمد ربنا .....مش يمكن ربنا شيلك رزق في حتة تانية ....أو كان في شر اكبر من كده وربنا حماك بكدة.......احمد ربنا بس وهتفرج يا كبير
وقبل كل ده أنا حاسس بيك وعارف إنت اد إيه مضايق......بس معلش .....
بسم الله الرحمن الرحيم " لقد خلقنا الإنسان في كبد"
دي الدنيا

انا شاكر لحضرتك شعورك الطيب ... و فعلا لعله خير باذن الله ... بسم الله الرحمن الرحيم " و فى السماء رزقكم و ما توعدون " صدق الله العظيم

[Hondawy_2008]

بص يا باشا من الآخر علشان توصل في الشغل في مصر يا اما تكون ليك واسطة جامدة أو تكون من المغرضين (ربنا عالم اللي في ضميري)

لا ده و لا ده زي حالاتي عندك حل من اتنين يا تشيل الطين و تسكت وده أنا استحملته كتير فبل كدة أو تنفجر في لحظة و تهد المعبد على اللي فيه وده برده عملته وبدور على شغل حاليا ( لا يكلف الله نفسا الا و سعها)

عارف المشكلة انك بتعمل شغل جامد و لا حتى كلمة شكر و ييجي واحد قاعد في الكافتريا ليل نهار علشان واسطة ولا مغرض تلاقيه يترقى و مرتبه يبقى أكتر منك و تيم ليدر عليك يا راجل بلا حرقة دم يولع الشغل باللي فيه

و الكلام ده كان في شركة مالتي ناشونال بس حقول ايه حسبي الله و نعم الوكيل أنا بدعي على المديرين بتوعي دعا بس ربك يستجيب ان شاء الله يمهل ولا يهمل

[MaZaGAngeE]

ولا تفكر ثانية واحدة
المدير المصري (في الأغلب مش الكل) مش بيهتم بكفائتك في العمل قد ما بيهتم انك متعارضوش في أي اختراعات أو تأليفات أو هلاوس

سيبك منه و المكتوب هيكون

[MaZaGAngeE]

ولا تفكر ثانية واحدة
المدير المصري (في الأغلب مش الكل) مش بيهتم بكفائتك في العمل قد ما بيهتم انك متعارضوش في أي اختراعات أو تأليفات أو هلاوس

سيبك منه و المكتوب هيكون

[MISS_MONA]

سيبها على الله يمكن دة ربنا بيفاديك بيه من حاجة تانية اوحش ركانت حتحصلك
الحمد لله
قدر الله وما شاء فعل

[MASERATI]

السلام عليكم و رحمة الله و بركاته

أنا من رأيى أنك ماتفكرش فى الموضوع ده خااااااااااااااااالص و كأنه لم يكن لأن التفكير فيه لا هيقدم و لا هيأخر الا أنه هيصيبك بالاحباط فى حياتك و عملك و هيأثر عليك سلبا و تأكد أن الله سبحانه و تعالى لا يضيع أجر من أحسن عملا و حتى لو اتضريت فى الموضوع ده ماديا و لا معنويا , تأكد أن ربنا سبحانه و تعالى لازم هيعوضهالك فى حاجة تانية بأكتر من كده بكتير أوى , ده ربنا رحمته واسعه جدا و خزائنه لا تنقص على الاطلاق و قدرته لا حدود لها, فما الدى يمنعه أن يعطيك و يفرج كربك الا لحكمة هو يعلمها .

سيبها على الله و عيش حياتك و خلاص , أدام عملت و بتعمل اللى عليك , يبقى خلاص .

و ربنا ييسرلك أمرك و لكل المسلمين أجمعين .

[elmkaneeki]

ولا تفكر ثانية واحدة
المدير المصري (في الأغلب مش الكل) مش بيهتم بكفائتك في العمل قد ما بيهتم انك متعارضوش في أي اختراعات أو تأليفات أو هلاوس

سيبك منه و المكتوب هيكون

الكلام دة صح بجد