متشيلش فى نفسك

[azmeralda]

من الأدب الساخر ليوسف معاطى:
------------------------------------------
الرجل الذى نط
==========
فكر جيدا قبل ان تتكلم عن نفسك
صحيح الكلام مش بفلوس لكن الكلام الى ببلاش ده ممكن بعد لحظة يكلفك كتير

فهذا عريس يوم الصباحية بيفطر مع عروسته فبيقول لها انا مبعرفش اكلم زى شباب اليومين دول انما انا رجل فعل لو كنا ايام الحروب لاستشهدت من اجلك شفتى فيلم فى بيتنا رجل؟

لو كنا ايام الجاهلية لخطفتك على حصان شفتى فيلم عنترة بن شداد؟

لو كنا فى سفينة وغرقت هتشوفى هعمل ايه عشان انقذك شفتى فيلم تيتانيك؟

وفجأة البيت كله بيتهز وفى ثوان كان العريس فى الشارع وسايب عروسته لوحدها فوق
طبعا هو اللى حكى لى القصة وانا بصلح بينهم لأنها طالبة الطلاق بعد ما سابها وقال يا فكيك فى اول اختبار
واتصالحوا بشرط انها تديله فرصة تانية فى الزلزال الجاى!
__________________________________________________ _
وده نفس اللى حصل لواحد اعرفه كان راجع من الكلية ومعاه 3 بنات جميلات زميلاته فى المترو
مكانش فى داعى يتكلم عن شجاعته وقدرته على التماسك وقت الخطر لكن بدأ يحكى ازاى عرض نفسه للموت لما حصلت حريقة فى البيت اللى جنبهم ودخل فى النار عشان ينقذ طفلة صغيرة شفتوا فيلم رامبو؟
وفى وسط صيحات الأعجاب من البنات فجأة المترو خبط فى مترو تانى وبدأ الناس ينطوا من الشبابيك فى منتهى الذعر
وهو اول واحد كان بره من غير ما يعرف ايه اللى بيحصل ولما افتكر زميلاته ودور عليهم كانت واحدة فيهم متعورة فى ركبتها ولما عرض عليهم يوصلهم رفضوا
اتصل بيهم بعد كده عشان يصلح الموقف وقال الظاهر واحد زقنى بره المترو
قالوا:احنا مش زعلانين انك نطيت الطريقة هى اللى زعلتنا
عرف انه هو اللى عور ركبتها لأنه داس عليهم وهو بينط من الشباك

الحقيقة الواحد ده يبقى انا بس ده سر شفتوا فيلم البيوت اسرار؟

انا مييييييييييين
_____________
مشكلة محرجة ان تلتقى بأحدهم فتجده يعرفك جيدا و يحمل من ذكرياتك مالا تذكره انت شخصيا بينما تنظر ببلاهة ولا تستطيع حتى تذكر اسمه
وهذا ما حدث للكاتبة المعروفة جين ارثر
حين قابلت احدى صديقاتها القديمات فتظاهرت انها تذكرها وهى ناسية اسمها
فقالت الصديقة اخى يرهق نفسه فى العمل الأيام دى
فافتكرت جين ان دى الفرصة عشان تفتكر اسمها فقالت:هو لسه شغال الشغلانة المنيلة دى؟

قالت لها للأسف
فسألتها هو بيشتغل فين دلوقتى؟
قالت لها ببساطة فى البيت الأبيض لسه رئيس الولايات المتحدة!

عين جمل
++++++++
عانى الكاتب من الحاسدين حتى فى المواقف التى لا مكان للحسد فيها
فقد اصيب فى حادث مروع تحطمت فيه سيارته تماما فجاء الأستاذ حقود حاقد ليواسيه :بيقولوا العربية كانت اخر موديل يا عم
قال له يا راجل ده انا دخلت الأنعاش

بركة انك طلعت مش كنت فى مستشفى 5 نجوم يا عم لاز تطلع سليم ده انت بايضالك فى القفص

وصدق قول الشاهر"حتى على الموت لا اخلو من الحسد"

[M.Alaa92]

بتاعت ارثر و بتاعت المترو موتتنى من الضحك ههههههههههههههههههههه

[MISS_MONA]

[engineer_Amr]

حلوين قوى وخصوصا اول واحدة دى تحفة
تسلم ايديكى

[Car's Sniper]

هههههههههههههههههههه حلوة اوى بتاعت المترو دى

[mahmoud_afifi]

هههههههههههههههههههههههههههههه , بصراحه كلهم حلوين و اول مره اسمعهم
تسلم ايد حضرتك

[azmeralda]

اى خدمة

انا منقية مقتطفات من الكتاب بس هو كله لذيذ

+++++++++++++++++++++++++++++++

من هنا وهناك
+++++++++
سئل احدهم وقد بلغ من العمر ارذله لماذا لم تتزوج؟
قال افضل ان اقضى حياتى وانا اريد شيئا ليس عندى على ان اقضيها وعندى شىء لا اريده


اعرف شخص كان مبذر وقرر يمسك ايده فكان يلف الفلوس اللى بيحوشها فى كيس نايلون وفى دورق بلاستيك مليان ماء وعالفريزر ولما يحب يشترى حاجة يخرج الدورق فعلى مالتلج يسيح بعد ساعتين يكون فكر تانى وفى 90 % من الحالات يرجعه مكانه من غير ما ياخد فلوس


سألت احداهن كيف اعرف اننى تزوجت الرجل المناسب؟
فأجبتها دون تردد:ببساطة لو تزوجت الرجل غير المناسب هتعرفى فورا
اما لو تزوجت الرجل المناسب فانت لن تعرفى ذلك على الأطلاق


قرار الزواج غالبا يتخذ بسرعة واستعجال حتى نبتسم فى النهاية ببلاهة ونقول شوف النصيب كنت رايح دمنهور اقوم انزل فى طنطا اقابل لك مين عم بدوى يحلف يغدينى عنده فى البيت اقبل تهانى بنت اخوه اقوم اتجوزها يعنى لو كنت كملت لدمنهور كان زمانى عازب لدلوقت هيه قسم

وهكذا كلنا رايحين دمنهور ونزلنا فى طنطا

[azmeralda]

اسأل مجرب
=========
ولا تسأل طبيب لأسباب كتير اهمها ان المجرب ارخص

بتشكى لطوب الارض ان العيال مجنناك اهدا شوية ده تربية العيال مسألة بسيطة جدا لو كنت تتمتع بصبر ايوب واعصاب رجال الفضاء وعندك القدرة متنامش باليومين وان تقوم مفزوع من النوم كل 5 دقايق واذا كان دخلك الشهرى 5 الاف ج تزيد تدريجيا بنفس زيادة الدولار

اذا توفرت فيك هذه الشروط البسيطة فأنت اب مثالى

واسمح لى اقدم لك مؤهلاتى

اولا عندى طفلة

ثانيا انا نفسى كنت طفل يوما ما

ثالثا لا احمل اى شهادة فى علم نفس الأطفال

رابعا معايا شهادة معاملة اطفال احطها فى عين التخين

شوف اعرف ان الأطفال يحبون مالا يحبونه يعنى لو قالت لك بنتك عاوزة شكولاتة مش معنى كده انها عاوزاها فعلا تؤ
هى عايزاك تشتريها عشان هى ترميها فى الأرض

المهم تعود نفسك زيى تاكل بقاياها

والأطفال ميعرفوش اللف والدوران فبيقولوا رأيهم فى الآخرين بصوت عالى
زى ما بنتى سألتنى قدام واحد صاحبى :هو بؤه معووج كده ليه؟
وده معندوش شعر فى راسه ليه يا بابى!
وفى عزومة عالغدا لشخصية مهمة و محترمة فى المجتمع قالت بعلو صوتها:بابى صاحبك ده تخين قوى كده ليه ده اكل الكل كله

[omar-saad]

ههههههههههههههههههههههههههههههههههههه

وفى عزومة عالغدا لشخصية مهمة و محترمة فى المجتمع قالت بعلو صوتها:بابى صاحبك ده تخين قوى كده ليه ده اكل الكل كله
هههههههههههههههههههههههههه
انا مش قادر امسك نفسى

[mahmoud_afifi]

اى خدمة :_alshmokh23[1]:

انا منقية مقتطفات من الكتاب بس هو كله لذيذ

+++++++++++++++++++++++++++++++

من هنا وهناك
+++++++++
:f_eyeb1[1]:سئل احدهم وقد بلغ من العمر ارذله لماذا لم تتزوج؟
قال افضل ان اقضى حياتى وانا اريد شيئا ليس عندى على ان اقضيها وعندى شىء لا اريده

هههههههههههههههههههههههههههههههههههههههههههههههههه ههههههههههههه
جااااااااااااااااااااامده

قرار الزواج غالبا يتخذ بسرعة واستعجال حتى نبتسم فى النهاية ببلاهة ونقول شوف النصيب كنت رايح دمنهور اقوم انزل فى طنطا اقابل لك مين عم بدوى يحلف يغدينى عنده فى البيت اقبل تهانى بنت اخوه اقوم اتجوزها يعنى لو كنت كملت لدمنهور كان زمانى عازب لدلوقت هيه قسم

وهكذا كلنا رايحين دمنهور ونزلنا فى طنطا
ههههههههههههههههههههههههههههههههههههه ... برضه جاااامده جدا بالذات حتت هيه قسم

معلش بقى ياريت حضرتك تخلي الموضوع متجدد وتجيبلنا حاجات كده لو مافهياش تعب :))

[azmeralda]

مفيهاش تعب بس لو يوم لقيت محدش دخل رد هتأثر ماشى : ) عشان اعرف بس ايه اللى بتحبوه وايه اللى لأ
واستمر ولا كفاية كده _ تمام ؟

[azmeralda]

عندما دخلت مكتبه وجدته بسيط للغاية لا يتناسب مع مقام صاحبه فقال لى ايه رأيك فى المكتب -عرفت دلوقتى آدى الكرسى اللى قالوا استوردته ب20 الف (كان الكرسى يشبه ما نحضره من عند بتوع الفراشة)
وآدى الحمام الأيطالى (كان حوض وفوطة وشبشب والرطوبة واكلة الحيطان)
اديك شفت بعينيك انا مش بوريك عشان تكتب تدافع عنى ماهم قالوا بآخد رشاوى وعمولات بالملايين ولو حد كتب عنى حاجة حلوة ابقى بارشيه برضه


الجو كان حر وطلب لى ليمون سخن قال معلش استحملنا احنا قدمنا كذا طلب لتكييفات وثلاجات عشان المصلحة بس كل ما الأعتماد يجى استخسره اقول اقعد انا فى التكييف بينما المواطن يلاقى الامرين!
فأحوله لبند آخر بس اذا كنت مصر تكتب عنى ------وطلع لى دوسيه مليان بانجازاته
ضربت كف بكف
ليه بتكبر الاشياء السيئة ويسلط عليها الضؤ لماذا لا يعرف الناس ان هناك من يعمل بشرف حقا !!!
خرجت من مكتبه وانا بفكر فى العنوان اللى هقلب بيه الدنيا------------------------لكن -------------------
سكرتيره قابلنى فى الطرقة تحت وادانى ظرف منفوخ جواه مبلغ محترم
رجعت وانا فى قمة الغضب سألت الساعى الباشا جوه؟
قال ببراءة:لا ده راح المكتب التانى
رجعت الظرف وكتبت عنه فكلمنى يلومنى
رحت المكتب التانى حلف لى على المصحف ان عمره ما اخد رشوة
سألته امال تفسر بايه الفيلا اللى فى مارينا ؟
قال بيع وشرا بالتقسيط
وعربية ابنك الجيب؟
عليا النعمة من حر مالى
ومكتبك ده
على حسابى الخاص بس اثار حقد بعض الناس فعشان كده معدتش بقابل فيه حد

انا مبنكرش ان كل حاجة معمول لى عليها خصم يعنى انت مبتشتريش حاجات بالخصم؟!
وادى الدوسيه فيه كل العقود وسألنى قلبك اطمن اكتب بقى ورد لى اعتبارى

كانت الفيلا اللى فى مارينا بالقسط 7 الاف جنيه من لحم الحى
والعربية الجيب ب 2600 ج !!!!!!!!!!!!!وعجبى

[azmeralda]

شىء فى صبرى
++++++++

ما الذى حدث لصبرى ؟كانت تنهال عليه السخافات والتفاهات ومفقعات المرارات والمعكننات فيتعامل معها بكل رضا وتسامح

كنت احفظ كل امثال الصبر
"قال ايه اللى صبرك عالمر قال اللى امر منه"
اصبر على جار السو يا يرحل يا تجيله مصيبة تاخده"

الصبر مفتاح الفرج

بس دلوقتى الفرج بقى بالارقام السرية سامسونيت يعنى
مينفعش معاه طفاشة ولا مفتاح

صبرت على اللى خدعونى وظلمونى وسرقونى

واحد سرق موبايلى ملقيتش حاجة اعملها غير انى اطلبنى!
رد فى ألاطة مين؟
قلت يوسف موجود؟
قال مين عاوزه؟
قلت يوسف برضه قال صاحب الموبايل مش كده؟
حاولت انقذ الموقف قلت انت لقيته فين اصله وقع منى
قال:لأ موقعش انا سرقته

كده بكل بجاحة! لكن تسلحت بصبرى فقلت يا سيدى ده انت تزوده
قال لأ مش هازوده انا مش هرجعه اساسا انا محتاجه وانت تقدر تجيب غيره
قلت بكل صبر خلاص اللى تشوفه
فقال اظن انت مش محتاج الشاحن دلوقت
قلت هعمل بيه ايه والموبايل معاك
قاللى ما تسيبهولى بدل ما اشترى شاحن جديد
هنا نفد صبرى بس منطقتش
قال لوحد كلمك عندى ابأه ابلغك
قلت له كتر خيرك

[mahmoud_afifi]

مفيهاش تعب بس لو يوم لقيت محدش دخل رد هتأثر ماشى : ) عشان اعرف بس ايه اللى بتحبوه وايه اللى لأ
واستمر ولا كفاية كده _ تمام ؟

بصراحه جزاكي الله كل خير, و ازاي بس ماحدش هيدخل يرد واحنا شعب بنحب الفكاهه ؟! :)
وماشي تمام deal

[mahmoud_afifi]

كانت الفيلا اللى فى مارينا بالقسط 7 الاف جنيه من لحم الحى
والعربية الجيب ب 2600 ج !!!!!!!!!!!!!وعجبى

ليه بقى ان شاء الله !! امال هو بياخد كام ؟؟؟؟
ماهي من فلوسه بس فلوسه دي جايبها منين :d

واحد سرق موبايلى ملقيتش حاجة اعملها غير انى اطلبنى!
رد فى ألاطة مين؟
قلت يوسف موجود؟
قال مين عاوزه؟
قلت يوسف برضه قال صاحب الموبايل مش كده؟
حاولت انقذ الموقف قلت انت لقيته فين اصله وقع منى
قال:لأ موقعش انا سرقته

كده بكل بجاحة! لكن تسلحت بصبرى فقلت يا سيدى ده انت تزوده
قال لأ مش هازوده انا مش هرجعه اساسا انا محتاجه وانت تقدر تجيب غيره
قلت بكل صبر خلاص اللى تشوفه
فقال اظن انت مش محتاج الشاحن دلوقت
قلت هعمل بيه ايه والموبايل معاك
قاللى ما تسيبهولى بدل ما اشترى شاحن جديد
هنا نفد صبرى بس منطقتش
قال لوحد كلمك عندى ابأه ابلغك
قلت له كتر خيرك

هههههههههههههههههههههههههههههههههههههههههههههههههه ههههههههههههههههههههههههههههههههههه

بيفكرني بنفس الموقف حصلي برضه ولما كلمنا الي سرقه قال انه لقاه ومستنينا عند المكان الفلاني ولابس بنطلون ابيض !! (ناصح قوي ابن الايه ) :d