متشيلش فى نفسك

[mahmoud_afifi]

ابن مرات ابيك يعنى مين؟ يعنى ابن مامتك يعنى ام ابن مرات ابيك هى مامتك نفسها يعنى يقصد زوجة ابيك هى امك نفسها

طيب مرات اخوك مين حماتها؟ مامتك برضه يعنى كل الأجابات نفس الشخص عشان كد له ودنين بس

ودنك منين يا جحا d:

[azmeralda]

1=هل يجوز للمسلم ان يتزوج اخت ارملته
2=ما هو الحيوان الذى له 4 قوائم وسنام لكن ليس جمل
3= شىء لا يعمل الا اذا وضعت اصابعك فى عينيه
4= من هو الشخص الذى قتل سدس سكان العالم فى يوم واحد
5=من الخضروات 5 حروف الأول والتانى بمعنى سحب والتالت والرابع والخامس من مواد البناء
6=وزنها وهى فاضية نفس وزنها وهى مليانة فما هى

7=يؤخذ منك قبل ان تحصل عليه
8= ما هى الأرض التى لم تر الشمس الا مرة واحدة
9=ما الكلمة المفقودة بين الأقواس التى تعنى نفس تعريف الكلمات على كلا الجانبين زل (------)حب











1=لا لنه ميت
2=ناقة
3=المقص
4=قابيل لأن عدد سكان الأرض يومها كان 6 اشخاص
5=جرجير
6=الساعة
7=صورتك
8=الوعد
9=المكان الذى انشق عنه البحر لموسى عليه السلام

[azmeralda]

كيف ترشو الوزير
===============
هذه حكاية حصلت فى روسيا كانت الرشوة تفشت قبل الحرب حتى كان الوزراء لا يرخصون لشركة من الشركات الا اذا كان لهم حسنة لكن ليس من السهل ان تعرض على الوزير رشوة فهو امر محفوف بالمخاطر ويستدعى كثير من اللباقة وما حدث ان احد الامريكيين كان يطلب امتياز بمد خط سكة حديد وادرك انه لابد ان يقدم مبلغ للوزير فاشترى شمسية وذهب اليه فى يوم صحو

فقال الوزير:امرك غريب تحمل شمسية فى هذا الجو

ولكنى متأكد يا معالى الوزير انها ستمطر غزيرا بعد نصف ساعة

لكنهم لم يقولوا فى الارصاد

وانا اراهن سيادتك على 50 الف دولار
فلما فاتت النص ساعة ولم تمطر طبعا خسر الامريكى الرهان لكن طبعا كسب امتياز مد خط السكة الحديد


ومرة قابلت راجل ميقبلش على نفسه مليم كان لى 10000ج فى شركة ومش عارف اخدهم وهنا ظهر عم جابر وقال المال الحلال ميروحش بكره يكونوا عندك

روحت اوصف لمراتى تعاطف عم جابر واقترحت ان نعتبره ابونا الروحى وهى اقترحت نعلق له صورة فى الصالون
وفعلا بكره جاب الفلوس وحضنته وحسيت بنفس الحنان اللى كنت بحسه فى حضن ابويا
قال عم جابر فى طيبة عد فلوسك
قلت ابدا عيب
قال بس عد

قلت عليا النعمة مانا فاتحهم انت اؤمرنى طلباتك

قال فى زعل انا قايم انت جايبنى عشان تشتمنى
قلت طب اتعشيت

قال واكل الحمد لله
حتى الرز بلبن رفض ان يأكله بكل شمم واباء

مراتى كانت هتكلمه عشان تشكره بنفسها لكن فجاة صرخت دول 9 بس ناقص الف ج
وعرفت اسلوب عم جابر فهو يخصم الرشوة من المنبع!

[azmeralda]

[azmeralda]

ماشية على قشر بيض

[enayat]

هههههههههههههه جميلة الصور جدا والاحلي موضوع رشوة الوزير بجد بقي واقع عايشين فيه وانا عن نفسي عملت حاجة مشابهة في الشغل علشان اقدر اوصل لحقي هههههههههههه

[Eng_Mostafa_89]

موضوع جميل جدا
متابع للاخر :)

[azmeralda]

الموبايل على ودنها وتتكلم بعصبية شديدة وفى يدها الاخرى ايس كريم وسايقة بسرعة جنونية ب2 صباع بس بتوجه بيهم الدركسيون"انا تلطعنى ساعتين ومتجيش خلاص انتهى ولا فارق معايا"

طبعا بعدت عنها قدر المستطاع بصيت فى المراية لقيتها ورايا بسرعة مهولة ربنا يستر افتح لها الطريق احسن رحت يمين وشاورت لها بيدى عدى

لكنها انحرفت فى نفس اللحظة يمين ودخلت فى العربية من ورا بكامل قوتها وتتحول بقدرة قادر الى سيارة سبور هاتش باك لأن سيارتها دخلت فى الشنطة الخلفية والكنبة معادلهاش اثر

نزلت وهى نزلت فى ايدها الموبايل والأيس كريم "يلا باى احسن عملت حادثة-لأمفيش حاجة انا كويسة

واحدة واقفة بتقول:شوفى ياختى البت فشفشت عربية الراجل وواقفة ولا هاممها هو احنا كنا بنات ياختى

وواحد قال:يعنى هى خبطته ازاى تلاقيه كان بيعاكسها ماهو كل واحد راكب عربية فاكر نفسه فالانتينو

اما هى فاتصلت عالموبايل:بابى عملت حادثة فى صلاح سالم معرفش هو اللى كان ماشى قدامى

بعد فترة وصل بابى اول ما شافته رمت نفسها فى حضنه "اعصابى يا بابى انا منهارة

"خلاص ياماما اهدى محصلش حاجة

وبص للعربية "مالكو مكبرين الموضوع كده ليه شوية سمكرة ودوكو وتبقى احسن من الأول

قلت :يا فندم دى سايقة والموبايل فى ايد والأيس كريم فى ايد

هنا ثار البيه"انت هتربى بنتى الخبطة كنت ناوى اعملها لك بس مادام طلعت كده اضرب دماغك فى الحيط يللا يا انوس"

واحد واقف قطمنى"يا اخى كانوا حيعملوا لك العربية لازم تتسحب من لسانك

تركت نصف السيارة وحلفت مانا سايبهم
كلمت طلبة بيه حلف يرجع لى حقى تالت ومتلت

مر اسبوع وكلمته قال اصبر اصل ابوها كلم منصور بيه بس وحياتك ما هسكت هكلم وهبى بيه الموضوع ده بقى تحدى بالنسبة لى
رحت لوهبى
بيه قال طلبة بيه طلباته اوامر بس ابو البنت كلم ناصف بيه عشان يلموا الموضوع انا بقى مسكتش صعدته لمرتضى باشا

نزلت من عنده وانا مقرر اكلم الأسطى بلبل بيه السمكرى يعمل العربية واللى اتوسط لى عنده الحاج ضيف بتاع وكالة البلح!

[azmeralda]

اعلانات

[azmeralda]

اعلانات ذكية