معاك اندرويد اتفضل هنا نستفيد

[ASL]

الاسماء الحمد لله كلها عرفت ارجعها ما عدا الارقام اللي كانت في اللوج
شكرا على الباكب برو

انا مستغرب انت ازاي اوفلاين وبتتكلم؟؟؟
انت داخل من موبايل ولا منين

الف مبروك رجوع الاسماء
والعفو , لو احتجت اى برنامج قول وانا اجيبهولك

وانا ممكن اكون قفلت فا شفت الاكونت اوفلاين
الله اعلم
وداخل من الجهاز عادى

[Karim_Monir]

حذفت اللينك لاحتوائه على محتوى خارج

كريم

[kemoelord]

شكرا يا استاذ احمد والله تسلم يا باشا

[shery103]

الف مبروك على الموبايل و اكيد اندرويد هيعجبك جداا

[ashouhdy]

كريييييم انت جبت سامسونج اية ؟؟؟؟؟؟ انا بفكر فى الجلاكسى اس بس خايف تكون بطاريتة على قدة انا قدامى واحد استعمال نضيييييييييييييييييف ب 2700 اية رأيك

[m_elkhishin]

في روم أندرويد اسمها miui
دي روم طورها مبرمجين صينيين، لها نسخ لمعظم الاجهزة اللي بتشيل اندرويد. الروم دي أكثر من رائعة، انا جربت على جهازي معظم النسخ( ديزاير، ونكسس ون، وديزاير اتش دي ، وايفو وغيرهم) في فرق ملحوظ جدا بينها وبينهم في سهولة استخدام الانترفيس وسرعة الاداء.هما عاملين تقريبا نفس اسلوب ال ايفون
العيب الوحيد انها حتى الان محدش قدر يشغل عليها العربي في متصفح الانترنت، بس الرسايل لها تعريب وكيبورد طبعا.

[D . a .\ AYMAN]

طيب منين الواحد ينزل الرومز (جمع روم ) اللى بتقولوا عليها دي ... وإزاي الواحد يقيمها قبل ما ينزلها على الجهاز

[Karim_Monir]

كريييييم انت جبت سامسونج اية ؟؟؟؟؟؟ انا بفكر فى الجلاكسى اس بس خايف تكون بطاريتة على قدة انا قدامى واحد استعمال نضيييييييييييييييييف ب 2700 اية رأيك

ايوة اس
دخلته في جهازي ودفعت فرق
لو حالتة نضيف نفذ فورا تمن كويس
بطارية يوم
عشان الجهاز مرعب
مش هاتسيبه من ايدك
ايه اشلاشة دي
وايه السوفت ده واللوج ده وايه الدقة دي
يا راجل حتى المنبه
وانا بظبط 7 منبهات لصحياني :-)
كل منبه تحدد ارتفاع صوته وعايز كام مرة سنوز وسنوز كل قد ايه وتحددله نغمة لوحدة وممكن كلاسيك ميلودي قبل التون
ياااااااه
دلع دلع يعني
انا برغي كتير
كفاية نايل موتورز :-)
ودنيا تانية
وهاتندم انك جبت ال ان 8 :-(

[ashouhdy]

انت كدة حتخلينى اندم بجد انا اللى موقفنى عنة حاجة واحدة بس ... مش بحب كل شوية انزل روم واشيل روم وافرمت والكلام دة ..

هو حالتة نضيفة فعلا حستنى الnew firmware بتاع ال ان8 الشهر الجاى لو مظبتوش فية شوية حاجات معينة كدة حنفذ فورا فى الجلاكسى

[M7amD_7amDy]

كريييييم انت جبت سامسونج اية ؟؟؟؟؟؟ انا بفكر فى الجلاكسى اس بس خايف تكون بطاريتة على قدة انا قدامى واحد استعمال نضيييييييييييييييييف ب 2700 اية رأيك

البطارية بتقعد يوم معايا . بس فى ناس بتقعد معاها باليومين والتلاتة معرفش بقه ازاى دى :)

لو النسخة ال16 ولسه بضمان وبالسعر ده يبقى كويس وحاول تنزل معاه كمان

ايوة اس
دخلته في جهازي ودفعت فرق
لو حالتة نضيف نفذ فورا تمن كويس
بطارية يوم
عشان الجهاز مرعب
مش هاتسيبه من ايدك
ايه اشلاشة دي
وايه السوفت ده واللوج ده وايه الدقة دي
يا راجل حتى المنبه
وانا بظبط 7 منبهات لصحياني :-)
كل منبه تحدد ارتفاع صوته وعايز كام مرة سنوز وسنوز كل قد ايه وتحددله نغمة لوحدة وممكن كلاسيك ميلودي قبل التون
ياااااااه
دلع دلع يعني
انا برغي كتير
كفاية نايل موتورز :-)
ودنيا تانية
وهاتندم انك جبت ال ان 8 :-(

ده اللى احنا كنا بنقوله من زمااااااااااان التليفون رهيب بمعنى الكمة

المهم أنت حدثته للفريو 2.2 ؟؟؟؟ ولا لسه على الأكلير 2.1؟؟

شوفت حركة الأتصال؟ تجيب الأسم يمين بصابعك يتصل تجيبه شمال تبعت رسالة

دلع دلع يعنى مش أى كلام

[mohaismail]

طب انا عاوز ادخل نت على الموبايل من خلال وصلة اليو اس بى بعد توصيلها باللاب توب ينفع ولا مينقعش ولو ينفع ياريت اعرف ازاى بالظبط

[ASL]

طب انا عاوز ادخل نت على الموبايل من خلال وصلة اليو اس بى بعد توصيلها باللاب توب ينفع ولا مينقعش ولو ينفع ياريت اعرف ازاى بالظبط

تقدر طبعا
بتفتح (الضبط-الشبكه اللاسلكيه والشبكه-تقييد-وعلم صح على تقييد usb =مبروك النت هايشتغل يو اس بى)

وفيه طريقه افضل بكتير جدا انا بستخدمها اوفات
وهى انك بتحول الجهاز لراوتر عن طريق الوايرلس
وممكن تدخل اجهزة كتير معاك
الطريقه بتاعه تشغيلها(الضبط-الشبكه اللاسلكيه والشبكه-mobile ap-اعدادت ap واعمل باسورد علشان محدش يدخل تانى - وبعدين علم علامه صح على mobile ap وادخل وايرلس من اى لاب او موبايل تانى)

اتمنى اكون وضحت المعلومه

[shouk_1987]

طيب دلوقتى يا رجالة عايز المفيد المختصر من أهل الخبرة دلوقتى أنا محتار بين symbian^3 و android
و بالنسبة لل3^symbian باتكلم عن nokia N8 و لو android الليستة طويييلة بس بافكر فى ال xperia X10
دلوقتى أنا عشرة فى السيمبيان و عارف حواراته و ال hacking بتاعه و خبرة جامدة فيه و ميبوز كذا واحد قبل كده و هارشه كويس
و أنا أهم حاجة عندى البرامج المفيدة و اللذى منه

بس بفكر فى ال android جامد و حاسس ان شعبيته باقت رهيبة
ال N8 فيه كام ميزة مش موجودين فى ال X10 (الوايرلس فيه n و الكاميرا 12 و زينون و USB on-the-go ديه تحفة و HDMI TV out علاطول و الميمورى 16 جيجا و ال Ovi maps جربت كذا واحد navigation و شالونى) بس فرق السعر فى صالح ال X10 متهيألى

ايه باقه نظام ال android ينفع تحت أى version على أى جهاز عادى و لا ماينفعش
يا ريت يا رجالة تيدونى الخلاصة

[ashouhdy]

دة مقتبس من موضوع اخر

ميزة الiphones قى الapplications بس وان كانت الغالبية مش مهمة ... اللى بيعجبنى فى ال iphone انة سلس يعنى السوفت وير بتاعة معمول صح للتتش .. غير كدة الiphone4 او 3gs كجهاز ولا فرق غير كاميرا الFacetime فى ال4

مشكلة الiphone فى نظرى ان الجهاز فاضى بمعنى انك لو عايز حاجة لازم تنزلها يعنى لية الحاجات الاساسية مش built in ؟؟؟ و حاجات تانية اذاى تليفون بالسعر دة ومش بيعمل video call over 3g اذاى مفيش bluetooth لنقل الداتا مثلا ..حتى الفيديو بتاعة امتدادة mov عشان مفيش موبايل يشغلة ؟؟

أكبر مشكلة او حاجة بكرها بالنسبة لوجهة نظرى فى الاندرويد والاى فون ان كل ال icons سايحة على بعض تقعد تقلب فى الmenu شمال و يمين عشان الاقيها وبعدين لية ال iphone مفيهوش home screen ??? ولو على الكاميرا فهى كاميرا basic للتصوير الcasual مش بتاعت حد غااوى تصوير ولعب فى الSettings حتى الفيديو بتاعة على الرغم انة المفترض HD بس كواليتى ال White balance and the exposure compensations بتوعة فى الضييياع يعنى لو بتصور فى مكان الشمس قوية تلاقى الفيديو منووور قوى والتفاصيل اللى فى المناطق المظلله فاتحة ومش باينة ولو قلبت مثلا على حتة مظلله ياخد فترة طويلة على الكاميرا بتاعتة تاخد على الوضع الجديد غير ان الوان الفيديو فاقعة قوى مش طبيعية

الiphones واى حاجة فيها ---i ---- معمولة لل --- i -- فقط بجد ال i مع بعضيهم تحفة لكن حاول تعمل social networking مع موبايل Brand تانى مش حتعرف.

لكن لو عايز تليفون استجابة سريعة ونت حلو وشوية برامج تسلى بيها نفسك هات ال 3gs ونزلة سوفت ويير ال 4
عايز نت سرييييع واستجابة حلوة وبرضة برامج مسلية هات سامسونج جلاكسى s

عايز جهاز استجابتة مقبولة ونت سريع وفية كل الاساسيات بس مش fancy and eye candy وكاميرا فوق الممتازة يبقى ال n8




ياجماعة احنا هرينا التليفونات دى مقارناات

[mohaismail]

تقدر طبعا

بتفتح (الضبط-الشبكه اللاسلكيه والشبكه-تقييد-وعلم صح على تقييد usb =مبروك النت هايشتغل يو اس بى)

وفيه طريقه افضل بكتير جدا انا بستخدمها اوفات
وهى انك بتحول الجهاز لراوتر عن طريق الوايرلس
وممكن تدخل اجهزة كتير معاك
الطريقه بتاعه تشغيلها(الضبط-الشبكه اللاسلكيه والشبكه-mobile ap-اعدادت ap واعمل باسورد علشان محدش يدخل تانى - وبعدين علم علامه صح على mobile ap وادخل وايرلس من اى لاب او موبايل تانى)

اتمنى اكون وضحت المعلومه

علامة صح على تقييد usb فين ؟مش موجودة عندى عندى 4 اختيارت مفيهمش تقييد usb