معاك اندرويد اتفضل هنا نستفيد

[M7amD_7amDy]

حركة هايلة فعلا
مش تقول عليها من زمان :-)
ولا اعرفها طبعا
مابقاش فيا دماغ ادور
قولي بقي
كل ماوصله عالكمبيوتر مش بيتقري نهائي
مش المفروض يتقري ماس ستورج زي نوكيا ولا مفيش الكلام ده
وكل ماخد باكب ب باكب ببرو سواء اونلاين او عالكارد خاصة للداتا يقولي فيلد

ادفيز؟

أى خدمة إحنا عنينا لكريم باشا :)

وASL باشا قالك على حكاية توصيل الجهاز واعمله زى ماقالك بالظبط :)

انا جربت برنامج باكب برو قبل كده فى الرسايل والأسماء ومعجبنيش الصراحة

حسيت ان الرسايل مش مظبوطة وكذالك الأسماء فمسحته

انا بستخدم برنامج للرسايل اسمه SMS Backup & Restore هتلاقيه فى الماركت

برنامج ممتااااااااز باكب ورستور ميه ميه ومفيش اى لخبطة

بالنسبة للأسماء أستخدمت برنامج MyPhoneExplorer وده بتنزله على الكومبيوتر

وبتقدر تتحكم فى الموبايل من خلاله فى كل حاجة انا جربته فى مزامنة الأسماء وكان ممتاز

ده لينك بيشرح طريقة استخدامه وبالصور

شرح للبرنامج المميز MyPhoneExplorer بالصور - الكمبيوتر الكفي

[korkor]

اخوانا محترفى الاندرويد , انا حمايا جاب Samsung Galaxy من السعوديه وجاى معاه جهاز عجيب كده صغير شبه المخروط حد يعرف البتاع ده عباره عن ايه وبيستخدم فى ايه وازاى .

[Karim_Monir]

مش عارف ادخل انترنت من اندرويد من غير واي فاي
ولما بفتح المابس وانا مشغل الجي بي اس بيقعد اكتر من 5 دقايق ومش بيحدد المكان
ده طبيعي؟؟
وعايز برنامج خرايط ونافيجشن صوتي بخرايط عربي زي سايجك او اي جووو او ان درايف

[ashouhdy]

اعتقد ان الاندرويد خلى بالك بيحمل الخرائط اونلاين من الشبكة فبلاش تخش 3g لأن حيسحب جامد دة الجوجل ..البرامج التانية معرفش الgps محتاج مكان مفتوح او عربية مثلا ..

سؤال:

لية لما بدخل من الموبايل ... لما اجى ارد او اكتب رد مش بتظهر حروف فى الbox اللى بكتب فيية الكلام؟؟ مع العلم ان كل المواقع التانية شغالة ذى الفل وانا جربت ادخل من النايل موبايل ونايل بلو ..برضوا افتح المنتدى عادى واقرا وكل حاجة بس لما اجى ارد مش حروف بتتكتب ؟انا نوكيا ذى ماانتم عارفين وجربت كمان الopera ونفس الكلام.. ياترى الbrowser بتاع الاندرويد كدة برضة ؟

[horas3000]

مساء الفل يا رجاله
اخوكم مستخدم جديد للاندريود و السامسونج جالاكسي S و مستخدم سابق لل iPhone
و عندي كام سؤال صغير

ال GPS مش راضي يشتغل و كل مره يقولي Location can not be found هو في تظبيط معين لازم اعمله؟؟

كمان انهي الجهاز الاحدث اللي عليه اللوجو بتاع الانريود و لا اللي عليه Google

و شكرا مقدما