انت ليه فرحان بموضوع تونس؟

[M.Mostafa80]

مع احترامى لكل المشاركين ولكن صدق من قال "العرب ظاهرة صوتية"

كل الاراء كلها تقريبا متفقة على انه ياريت اننا نعمل زى تونس وانا مستعد اضحى بنفسى وايه يعنى العربية تتدشدش وميهمنيش مين يموت

طيب مدام فى شجاعة وحب للوطن بالشكل ده يبقى اسمحولى اسال شوية اسئلة:



ياترى كام واحد في اللى اعترضوا خرج فى مظاهرة سلمية او وقفة احتجاجية (حتى لو كانت اعتراضاً على حل مجلس إدارة الزمالك) فى العشر سنين الاخيرة
مش معنى ان حدفينا مشاركش قبل كدا يبقى مش من حقه يعترض ويقول لازم نغير
كام واحد عمل اى حاجة ايام خالد سعيد ..الا اذا اعتبرنا ان وضع البوستر فى التوقيع نوع من "النضال"
ممكن اللى حط البوستر فى الصفحه بتاعته دا احسن منى ومن حضرتك لأن عمل اللى قدر عليه انت عملت ايه وغيرك وانا عملنا ايه

مدام احنا اقويا كده...ياترى كام واحد ناوى يشارك فى 25 يناير؟

الله اعلم هنبقى كام واحد دى حاجه فى علم الغيب

لما نجاوب على الاسئلة دى نبقى نشوف موقعك حيبقى فين فلو حصل اى حاجة وفى الاغلب حتبقى من الجزء من الشعب اللى بيتضرب وبيتنهب لانك راكب عربية وبالتالى "دى عيال اغنيا" وفى الاغلب وقتها الاخوة "المناضلين" حيكونوا بينزلولك من العربية وبياخدوها كنوع من الدعم للحركة الشعبية المناضلة

لو مقدرتش تحمى نفسك يبقى انت متستهلش اللى تملكه ولو بتلكه بتعب يبقى هتدافع بأستماته عنه ومش هتسيبه يروح بسهوله وافتكر ان اللى هيعمل دا هيبقى مش مناضل دا حرامى
وعشان بس معلومات حضرتك السرقه والنهب تمت لمحلات العائله الحاكمه وللموايين لنظام بن على
لكن الأعلام موصلكش دى عشان يأثر عليك ويحبطك لو عايز تقول لأ
بس يا أستاذ احمد انا مبشجعش على العنف والتكسير والنهب والسرقه وميرضنيش انى انا او غيرى يتأذى بس ممكن حضرتك تشرحلنا حقنا وحقوق الناس اللى ميته ترجعلهم ازاى واحنا نبقى نسمع كلامك ونفذه لو فى عقلانيه وتقدير للشعب المقهور وتقبل احترامى ليك ولشخصك ومعارضتى لرأيك

[Egyzizo]

لكن بصراحة الشعور اللى جالى هو الخوف مش الامل ولا الفرحة

أنا كمان خايف يمكن أكتر منك شوية.

اللى مذاكر تاريخ هيلاحظ أن غالباً ما تكون هناك فترة انعدام أمن بعد الانقلابات والثورات وما أكثر (الجياع - المجرمين - المتطرفين - منعدمى الضمير) فى مصر الذين ينتظرون مثل هذا الوقت.

مع العلم ان ماليش دعوة بعبد المنزل ولا عبد الحقل لأنى مش سعيد بالحالى. بس ضرر أهون من ضرر.


ربنــا يستــــــر.

[تامر.محمد]

ايها الاخوة
كمان مرة
احذروووووووووووووووووا نظرية عبد المنزل و عبد الحقل


كل واحد النهارده سليم و مش مضرور ياخد باله كويس ان فيه في الدنيا غيره و يعمل حسابه انه ممكن لا قدر الله في لحظة الظلم يطوله ساعتها هايندم على كل كلمة كان بيقولها قبل كده

[SHNORY]

احنا مش طالبين كتير
1: دخل كويس وده مش مستحيل
2: رقابه حازمه علي المنتجات والاسعار والجوده
3: القضاء علي البطاله بدل سرقه فلوس مشروعاتهم
4: المواطن يحس بكيانه ويكون ليه احترام
5: الحد من الضرايب المجحفه واعفاء اصحاب الدخل الضعيف منها
وبس كده
مش عاوزين اكتر من كده ويعملوا اللي يعملوه في البلد
احنا مش كارهين مبارك
الكره لحكومه مبارك ولشله الحراميه الي حواليه
يغير حكومته لناس نزيهه ويقعد علي الكرسي لحد ما يتحلل لو يحب
ويوررثه لولاده وولادهم ولقطط الجيران كمان

[abo_anas]

طب مش هنروح بعيد ، تخيل أن ليك حد من ضحايا تفجيرات الكنيسة أو قطار العياط اللى أتحرق ولا حد ماتلك فى العبارة ولا حد مات بسبب أمراض مُسرطنة

تخيل أبنك خالد سعيد وقتلوة وأتهموة ، تخيل أنك أخو سيد بلال ومحدش عارف ياخدلك حقك ، تخيل وأنت بتتظلم عيني عينك فى أشارة مرور وأبن واسطة كبيرة معدي ولا هو هنا

تخيل وأنت بتسمع عن قضايا الأحتكار ونهب أراضي الدولة اللى بيتفصلها قوانين علشان تبقى قانونية

أنا طبعا مبدافعشي عن اللى حصل وفعلا الإتلاف والعنف غير مرغوب ، بس مينفعشي نسكت على الظلم برضوا

انا لا أدعوا للعنف فى المظاهرة ، ولكن أدعوا للمظاهرة والإضراب والتغيير

أنا لا أدعوا للسرقة والنهب ، ولكن أدعوا لوقف السرقة والنهب

يا أخي الفاضل أحمد ، والله والله والله أغلب زمايلي عايزين يهاجروا ويسيبوا البلد ، وأسمهم مهندسيين يعني هيلاقوا وظايف تريحهم ، فما بالك بالغلابة بجد

انا عارف أنك تقصد العنف وترفضة ، وصدقني والله كلنا كذلك ، والتوانسة اللى قاموا بالثورة كده برضوا ، بس إذا لم يكن من الموت بد فمن العجز أن تموت جبانا

وبإذن الله الوضع عندنا يتغير بإقل خسائر وأقل عنف

متفق مع حضرتك فى كل حرف قولته

الا فى د ى: وبإذن الله الوضع عندنا يتغير بإقل خسائر وأقل عنف.

الا اذا كان دعاء يبقى اللهم امين

[abo_anas]

احنا مش طالبين كتير
1: دخل كويس وده مش مستحيل
2: رقابه حازمه علي المنتجات والاسعار والجوده
3: القضاء علي البطاله بدل سرقه فلوس مشروعاتهم
4: المواطن يحس بكيانه ويكون ليه احترام
5: الحد من الضرايب المجحفه واعفاء اصحاب الدخل الضعيف منها
وبس كده
مش عاوزين اكتر من كده ويعملوا اللي يعملوه في البلد
احنا مش كارهين مبارك
الكره لحكومه مبارك ولشله الحراميه الي حواليه
يغير حكومته لناس نزيهه ويقعد علي الكرسي لحد ما يتحلل لو يحب
ويوررثه لولاده وولادهم ولقطط الجيران كمان

بالظبط كده

عاوز احس انى انا بنى ادم

[mahmoud_afifi]

كل الي خايف ان عربيته تتكسر او بيته يتسرق, طب هيتسرق ازاي وانت ساكن وسط جيرانك واهل حتتك ؟؟
ساعتها الكل ايدهم هتكون في ايد بعض وهيدافعوا عن ممتلكات بعض وده الي بيحصل دلوقتي في تونس. كان في خبر ان اهالي بعض المدن والقرى عملت مجموعات للدفاع عن الممتلكات قصاد اي اعتداء من المعتدين ( المشهد ده خلاني افتكر مسلسل Jereko) وان كل الناس اتكاتفت وعملوا نظام من الاول مؤقت لغاية لما الحكومه تمسك ذمام الامور.

وماتخافوش خالص من 25 يناير, ده كلام على النت ومش كل الناس على النت ومش كل الناس عندها فيس بوك. بو عزيزي ماكانش عنده لا فيس بوك ولا حاجه وشوفوا عمل ايه؟؟
دي محتاجه اراده قبل ماتبقى محتاجه تنظيم ودلوقتي وقتها والدنيا لسه واقفه قبل ما الكل ينسى ويهدى.

حوالي 60 واحد ماتوا في تونس خلال شهر في حين ان في محافظة الشرقيه 34 واحد ماتوا في حادثتين في يوم واحد !!!
وكل واحد فينا بيحصله موقف انه يبقى هيتعرض لحادثة ويموت فيها كل يوم ولكن لولا ستر ربنا بيتكتبلنا عمر جديد. يعني لو مامتناش في سبيل التغيير ممكن نموت في اي حادثه عاديه.
لازم نبقى مؤمنين ان ده قدر ربنا وان ممكن نموت دلوقتي واحنا قاعدين في بيوتنا.

[تامر.محمد]

احنا مش طالبين كتير
1: دخل كويس وده مش مستحيل
2: رقابه حازمه علي المنتجات والاسعار والجوده
3: القضاء علي البطاله بدل سرقه فلوس مشروعاتهم
4: المواطن يحس بكيانه ويكون ليه احترام
5: الحد من الضرايب المجحفه واعفاء اصحاب الدخل الضعيف منها
وبس كده
مش عاوزين اكتر من كده ويعملوا اللي يعملوه في البلد
احنا مش كارهين مبارك
الكره لحكومه مبارك ولشله الحراميه الي حواليه
يغير حكومته لناس نزيهه ويقعد علي الكرسي لحد ما يتحلل لو يحب
ويوررثه لولاده وولادهم ولقطط الجيران كمان

للأسف , معادلة لا يمكن تحقيقها واقعيا
لو فكرت فيها واقعيا هاتكتشف ان كل فساد لازم له ضحايا , و عشان واحد ينهب لازم ينهب حد تاني
ماتنفعش حتى لو قاعدين على بير فلوس او حتى بير بترول

[mahmoud_afifi]

احنا مش طالبين كتير
1: دخل كويس وده مش مستحيل
2: رقابه حازمه علي المنتجات والاسعار والجوده
3: القضاء علي البطاله بدل سرقه فلوس مشروعاتهم
4: المواطن يحس بكيانه ويكون ليه احترام
5: الحد من الضرايب المجحفه واعفاء اصحاب الدخل الضعيف منها
وبس كده
مش عاوزين اكتر من كده ويعملوا اللي يعملوه في البلد
احنا مش كارهين مبارك
الكره لحكومه مبارك ولشله الحراميه الي حواليه
يغير حكومته لناس نزيهه ويقعد علي الكرسي لحد ما يتحلل لو يحب
ويوررثه لولاده وولادهم ولقطط الجيران كمان

ماعتقدش ان ده ممكن يحصل لأن ديل ال....* عمره مايتعدل والي فيه عاده عمره مايعرف يغيرها.
بقاله كااااااام سنه بيسرق هيجي في يوم وليله يبطل ؟؟
ده الي بيسرق موبايل مابيعرفش يتوب

[M.Mostafa80]

احنا مش طالبين كتير
1: دخل كويس وده مش مستحيل
2: رقابه حازمه علي المنتجات والاسعار والجوده
3: القضاء علي البطاله بدل سرقه فلوس مشروعاتهم
4: المواطن يحس بكيانه ويكون ليه احترام
5: الحد من الضرايب المجحفه واعفاء اصحاب الدخل الضعيف منها
وبس كده
مش عاوزين اكتر من كده ويعملوا اللي يعملوه في البلد
احنا مش كارهين مبارك
الكره لحكومه مبارك ولشله الحراميه الي حواليه
يغير حكومته لناس نزيهه ويقعد علي الكرسي لحد ما يتحلل لو يحب
ويوررثه لولاده وولادهم ولقطط الجيران كمان

ودا لو بيحصل من حكامنا هتبقى ايه دافعنا للمطالبه بالتغيير لن دا لو بيحصل واحنا اتبطرنا يبقى اسمه افترى
ولا حظ ان انا وانت يمكن نكون عارفين نعيش وسط الغلاء والأهانه اللى البلد وصلتلها
لكن غيرنا اللى بيصفهم بعض اخوانا بالمجرمين والحراميه
طب ور على السبب اللى خلاهم كدا غير انك تقولى ان الناس دى بطبيعتهم محرومين
هديك مثال
العاهره اللى بتبيع نفسها لو لقت تاكل وتشرب وتعيش بصوره ادميه استتحاله هتبيع نفسها للناس
الحرامى لو فى شغل بيجبله اللى يستره ويحققله احلامه مش هيفكر يسرق بغض النظر عن المرضى النفسيين المصابين بدأ السرقه

[mahmoud_afifi]

ودا لو بيحصل من حكامنا هتبقى ايه دافعنا للمطالبه بالتغيير لن دا لو بيحصل واحنا اتبطرنا يبقى اسمه افترى
ولا حظ ان انا وانت يمكن نكون عارفين نعيش وسط الغلاء والأهانه اللى البلد وصلتلها
لكن غيرنا اللى بيصفهم بعض اخوانا بالمجرمين والحراميه
طب ور على السبب اللى خلاهم كدا غير انك تقولى ان الناس دى بطبيعتهم محرومين
هديك مثال
العاهره اللى بتبيع نفسها لو لقت تاكل وتشرب وتعيش بصوره ادميه استتحاله هتبيع نفسها للناس
الحرامى لو فى شغل بيجبله اللى يستره ويحققله احلامه مش هيفكر يسرق بغض النظر عن المرضى النفسيين المصابين بدأ السرقه

حضرتك الناس دول مش بيسرقوا ومش بيبيعوا شرفهم عشان يبقوا مستورين. دول بيعملوا كده عشان يغتنوا بسرعه وبسهوله !!
نفس الفكره في الحيتان, ماهم اغنيااااااااااااااااااااااا بشكل متخلف ولسه عاوزين كمان !
البحر يحب الزياده
لازم يبقى في تغيير لا محاله

[تامر.محمد]

حضرتك الناس دول مش بيسرقوا ومش بيبيعوا شرفهم عشان يبقوا مستورين. دول بيعملوا كده عشان يغتنوا بسرعه وبسهوله !!
نفس الفكره في الحيتان, ماهم اغنيااااااااااااااااااااااا بشكل متخلف ولسه عاوزين كمان !
البحر يحب الزياده
لازم يبقى في تغيير لا محاله

خد بالك ان المال السايب يعلم السرقة
بصفة عامة اي نوع من الانحراف ممارسته سهلة و مالهاش عواقب , سواء بيجيب فلوس او لأ , هاتلاقيه انتشر , لأنه سهل
عشان كده انتشار الجريمة مش بسبب الفقر بس , ده كذا عامل منهم الفقر و الأمن , انتشار الفساد الأخلاقي المأجور , برده لأنه غير مجرم و ربحيته كتير , و هكذا

[ahmed4000]

ايها الاخوة
كمان مرة
احذروووووووووووووووووا نظرية عبد المنزل و عبد الحقل

باشمهندس تامر انا عارف انه سؤال ساذج ولكن يعنى ايه نظرية عبد المنزل وعبد الحقل؟

[M.Mostafa80]

نظريه عبد المنزل مدام انا عندى بيت وامن فيه ايه اللى يخلينى اثور
مع ان البيت دا من كتر الظلم والفساد ممكن تصحى يوم متلاقيهوش
وعبد الحقل يعنى عندك اللى ياكلك ويشربك واللى ممكن تصحى فى يوم متلاقيهوش بردو

[تامر.محمد]

باشمهندس تامر انا عارف انه سؤال ساذج ولكن يعنى ايه نظرية عبد المنزل وعبد الحقل؟

يا أخي العزيز مافيش حاجة اسمها سؤال ساذج ....ماحدش فينا يقدر يدعي انه العلامة ولا انه عارف كل حاجة ولا حتى حاجات كتير

دي اجابة بعد سيرش سريع

و كما قال الزعيم الأمريكي الأسود مالكوم إكس هناك نوعين من الزنوج
زنجي الحقل و زنجي المنزل ....عبد الحقل يكدح تحت الشمس الحارقة و عبد المنزل يعيش تحت رجلي سيده في المنزل يأكل بقاياه و يلبس ثيابه القديمة و يجلد ظهور العبد الأخر إذا تمرد ...و هو يحب سيده أكثر مما يحب سيده نفسه فأذا مرض ...يقول سيدي هل نحن مرضي ؟....هذه اللحظة الذي يتوحد فيها العبد مع سيده ...و ما سيده إلا عبداً أخر ...بشكل أخر ....

و لقد تم إثبات إن الضحية تحاكي جلاديها ....تحاكيهم في القسوة و التعذيب ....و لضمان إستمرار النظام و لضمان إستمرار نمو القطعان البشرية كان يجب شيطنة الأخر و العمل علي تفكيك انسانيته ....فهو مصدر الشر ....هو أسوأ ...هو أقل...أقبح ...غير متحضر ...متوحش ...يجب السيطرة عليه في الأغلال أو ابادته..

عايز اقول اننا ناخد بالنا اننا - رغم كراهيتنا للسيد في هذا المثال - ممكن نخشى اي حاجة تحصل خوفا على ما نملكه , فنربط مصلحتنا بمصلحة السيد ده و نعمل على بقائه زي عبد المنزل , او على اقل تقدير , نتمنى بقائه ده , و عشان مصلحتنا نتجاهل ناس كتير اوي متبهدلين وحالتهم سيئة ( عبيد الحقل)