الى شباب الامتحانات :(

[KHALED AYMAN]

سؤال لولبى شوية وبرة الموضوع

انت ليك جيش ولا انت وحيد يا معلم

انا متابعك من اول صفحة فى الموضوع وبجد قفلتنى لما قريت الى انت كاتبة

الحق يابنى خلص علشان لما تروح تتجوز تقولها انا خريج كذا هوة دة بس فايدة الشهادة انهاردة هاتقولى بقى اعمل اية كل الظروف ضدى هاقولك معارفش تتشقلب فى ازازة بيرة تضربلك حجرين المهم تخلص البتاعة المدعوقة دى

خلى بالك يا حلو لو انت ليك اخ واستنفذت مرات الرسوب هاتخش الجيش بالثانوية العامة زيك زى الدبلوم وهاتتخبط سنتين خدمة وكرامتك هاتنقح عليك

لان طبعا سنك هايبقى عدى وهايقولك روح شوف موقفك من التجنيد وتعالى قدم فى كلية تانية

دة على كدة الواحد جمل بقى انة خلص اداب وداخل فى تجارة وهامتحن اخر ترم كمان عشر ايام وناخد البكالوريوس

شد حيلك يا خالد ابوس ايدك الشهادة احنا عارفين انها ماتسويش شوية الحبر الى اتكبو بيها وربنا كرمك اهة ومعاك شغل يعنى كلها خطوة وتخلص ومايبقاش حد لية تعليق عليك

انت معاك اية يابنى ثانوية عامة لية كدة يا حبيبى ماخلصتش لية وحد يسيب كليتة برضة .............وانت عارف بقيت الحوار بقى يا خالد

ربنا يكرمك يا رب

انا ليا اخ اكبر ..واخ اصغر ..وشكرا على كده
وطبعا ..ليا جيش ..
ومعلومه انى ممكن ادخل جيش قبل ما اخلص ..عارفها و مسببالى رعب بردو :(
خصوصا انى وقتها هدخل الجيش هلبس سنتين و هتنفخ..
وطبعا عارف ان كل الى انا فيه ..مش مشكله حد غيرى انا ..
وانا منكرش ان نسبه كبيره جداااااااااااااااا من الغلط عليا ...
بس "نظام" الكليه عندى بيعتمد على البتنجان وسلطه الخضار ...والدنيا تايهه و انا مش ناقص توهان فى الكليه
بس مهو مثلا حاجه زى النهارده اكيد تجيب احباط
يعنى كنت قاطع مزاكره خالص
زاكرت ...اه مش المنهج كله ..بس اهو خطوه ..
دخلت الامتحان و املى فى ربنا كبير
معرفتش احل وعرفت انى زاكرت غلط ...مقعدتش اعيط ولا قولت همشى ...ألفت وحاولت اكتب
والدنيا تتقلب عليا عشان مراقب مفطرش كويس قبل ما ينزل الصبح ...
بس ان شاء الله
الماده الجايه اظبط الاداء ..
دعواتكو يا رجاله

[fadod]

يا جماعه قريت الموضوع بتاعكم داه وافتكرت أيام زمان ... لما كنت تاني دفعه تجاره إنجليزي عين شمس داه كان يمكن 94 أو 95 .ساعتها كانو اللي بيدرسو لنا دكاتره جامعه امركية ..علشان مكنش فيه staff كامل يدرس لنا ..كنا بندخل الجامعه الامريكية بكرنيهات تجاره إنجليزي ..بس مكنش فيه غش خالص أيامها ..تقريبا مكنش حد بيفكر يغش أو مكنش موضه..مش فكر وكنا بنعدي بماده أو مادتين .بس كنا بنعدي


طيب لو شفت الكليات في أمريكا ونظامها هتعمل إيه ...بين ال quiz وال-quiz في 3 أو 4 assignment .واعمل research و-group research . أنا افتكر قبل مادخل طب وكنت في كلية علوم دكتوره ال-biology وهي ماده تعتبر بسيطه بالنسبه لكلية علوم هنا بعتت الدفعه لمتحف الأحياء الطبيعية في نيويورك عشان نعمل بحث من 20 صفحه . وكان كل واحد لوحده بيكتب التقرير بتاعه ويتناقش فيه ويسلمه .


الامتحانات بقي كلها من إبتدائي لجامعه ،بيسلمك ورقه الاجابه وفيها الحل .لأن كل الإمتحانات بتبقي إختيار من متعدد ..يعني السؤال وبعده 5 إجابات . بس اوعى تفتكرو ذي إمتحانات إختار من بين الأقواس اللي في مصر ..اللي كنا بنختار الإجابه من غير مانبص على السؤال .لأن هنا الخمس إجابات بهم واحده غلط و واحده نص نص وثلات إجابات صحيحين تماما .ولو عايز تحيره خيره . يعني بتختار أصح الصحيح



نيجي لتشكيل اللجنه ..كل واحد له الكرسي أبو مسند بتاعه بيلزق فيه والأسئله بتبقي shuffeled يعني ال-100 سؤال اللي عليك تحلهم موجودين بس مش نفس الترتيب بحيث اللي قاعد قدامي ويميني وشمالي وورايا كل واحد فيهم معاه نفس الاسئله بس مش نفس الترتيب . سؤال 10 عندي مكن يكون 27 في نسخه ب- ويكون رقم 46 في نسخه ج وهكذا . طبعا إنت بتدخل اللجنه بتلقي اسمك محطوط في المكان اللي عايزينك تقعد فيه وديما دة عشوائي ..يعني مش بيقعدو كل محمدات جنب بعض أو كده علشان حتى بفرض إن الناس ممكن تربط مع بعض يعني بتقعد مع واحد من سكشن تاني أو حاجه وفي الغالب بتبقي عارف اللي حواليك شكلا بس .لكن مش لازم أصحاب ..وأخيرا وقت الامتحان يدوبك على قد التفكير في الاسئله ..مفيش حتى وقت تبص فيه في السقف أو تستني الفرج ..آه نسيت أقول إن بعد كل دة فيه كاميرا في كل لجنه في السقف وده طبعا جوا كرة سودة وبتصور إنت طبعا مش شايف وش الكاميرا فين وهي بتصور علشان هي جوا الكره السودة ديه ..يعني إن كانت بتصورك ولا لأ محدش عارف.


نسيت أقول إن اللجنه بالطريقه ديه مش محتاجه أي مراقبين ..لكن فيه مراقبين وظفتهم مساعده أي واحد في سؤال مش فاهم معناه أو الورقه مش واضحه ..
أظن كدة دكتور محمد هتبقي اللجنه بالنسبه له راحه بال/..وفعلا يا جماعه هو داه اللي مفروض ..كل واحد على قد تعبه ياخد نصيبه وده حاجه ما نقدرش نلوم الحكومه عليه لأن ديه حاجه جوانا احنا .ليه الناس دول متقدمين واحنا بنرجع لورا ..لو بصيت على اللي احنا بنعمله هتعرفو الاسباب
ربنا مع الجميع وشدو حيلكو يا رجاله ..وربنا معك يا خالد وتعدي كل المواد اللي جاية

[KHALED AYMAN]

المشكله ان فى مصر الواحد بيدخل المكان الغلط غصب عنه ...يعنى انا مثلا دخلت اداب حبا فيها ؟؟؟ اكيد لا
بس كلامك عن التعليم برا عقد الواحد يا باشا :) ينفع اجى عندكو شويه ههههه و مش هعمل قلق والله

[fadod]

المشكله ان فى مصر الواحد بيدخل المكان الغلط غصب عنه ...يعنى انا مثلا دخلت اداب حبا فيها ؟؟؟ اكيد لا
بس كلامك عن التعليم برا عقد الواحد يا باشا :) ينفع اجى عندكو شويه ههههه و مش هعمل قلق والله

إنت تنور ياخالد..ذي مانت شايف أنا كنت في مصر تجاره ..وإنت عارف تجاره يعني كلية الشعب ..ازاي الواحد يجي أمريكا وهو كان مدارس حكومي مش لغات ..وتجاره إنجليزي نسيته كل اللي يعرفو عن الانجليزي ومرة واحده تقلب معاه بطب ..علشان أكيد فيه حاجه في التعليم في مصر غلط وبرة صح . هو الموضوع مش سهل بالعكس أنا بذلت مجهود إضافي رهيب هنا بس لما بتلقي العائد بتاع مجهودك كبير وتلقي إن كل الناس سواسية مفيش وسايط أو محسوبية ده بيشجعك ملايين المرات انك تبذل مجهود أكبر وأكبر .مبتقولش على الاقل أنا حاعمل إيه بالشهاده من هقعد بها في البيت.


عالعموم ربنا معك ..و انشاالله تعدي في كل الامتحانات اللي جاية ..
ليا سؤال إنت مخلتهوش يفتشك ليه ،مانت كنت قاعد في حالك وبتحل ..كنت خليه يفتشك وإكبسه

[KHALED AYMAN]

إنت تنور ياخالد..ذي مانت شايف أنا كنت في مصر تجاره ..وإنت عارف تجاره يعني كلية الشعب ..ازاي الواحد يجي أمريكا وهو كان مدارس حكومي مش لغات ..وتجاره إنجليزي نسيته كل اللي يعرفو عن الانجليزي ومرة واحده تقلب معاه بطب ..علشان أكيد فيه حاجه في التعليم في مصر غلط وبرة صح . هو الموضوع مش سهل بالعكس أنا بذلت مجهود إضافي رهيب هنا بس لما بتلقي العائد بتاع مجهودك كبير وتلقي إن كل الناس سواسية مفيش وسايط أو محسوبية ده بيشجعك ملايين المرات انك تبذل مجهود أكبر وأكبر .مبتقولش على الاقل أنا حاعمل إيه بالشهاده من هقعد بها في البيت.


عالعموم ربنا معك ..و انشاالله تعدي في كل الامتحانات اللي جاية ..
ليا سؤال إنت مخلتهوش يفتشك ليه ،مانت كنت قاعد في حالك وبتحل ..كنت خليه يفتشك وإكبسه

خلاص هشوف الظروف بكره لو نفع هاجى اقعد عندك فى امريكا شويه ...بس انا بقولك من دلوقت لازم ارجع قبل يوم الجمعه عشان عندى امتحان هههههههه
بالنسبه لموضوع التفتيش ..
انا الى خلانى مرضاش انه يفتشنى ...
ان انا معملتش حاجه اساسا ...وهو اسلوب كلامه مش مظبوط نهائى ...انا مرضتش احكى تفاصيل الكلام ..بس غلط فى الكلام زى مثلا .."اهلى معرفوش ازاى يربو عيالهم" وانت واد و...واصغر عيل فى عيالى ارجل منك ...واصلا هو مش من حقه يفتشنى ..
يمكن الموضوع كان فيه نسبه عند شويه ..بس لان اسلوبه ضايقنى وانا عصبى اوى :( وبكره ان حد يغلط فيا ..وخصوصا لما تيجى سيره الاهل ..ببقى مستعد اموت الى ادامى
واصلا سلوكه العام فى اللجنه مش مظبوط !! وقف واحده فى نص اللجنه و عمل معاه مشكله عشان لابس سلسله ...وهزأ الواد !! وقال ايه بنصحه ..طيب ما تنصحه بينك و بينه يعنى ...وايه دخل السلسله بالامتحان ؟؟؟
وانا الحمد لله منظرى مش مستفز يعنى :) حتى كنت لابس لبس مفيهوش اى نوع من انواع الدلع بنطلون و قميص و جاكيت :) مفيش أأدب من كده يعنى

[zalpany2000]

لما اجى اتقدم لواحده ..اقولهم معلش انا معايا سنتين اداب ؟؟ ولا تشوفولى انتو عروسه و تفهموها الظروف هههه بس مش هرضى بواحده اقل من هندسه
اصل الكليه صعبه عليا !!
يا اما اشوفلى واحده ثانويه هى كمان ..ونجيب عيال تسقط فى كى جى وان !!
مهو لازم شهاده يا جدعاااااان
حاجه اخر قرف والله ...

والله انت عسل .... :)

واضح انك نرفوووزة يا عم ... بالراحة علي الرااااجل المراااقب -هو بيني وبينك برضو كان شكله مستفز- بس خد بااالك تعامل مع الناس دي من باب انك ما تحطش صوباعك في بق الأسد .. وتقله من فضلك ما تعضش !!!

هاتقول مش هايعمل حاجه ولا ليه عندي حاجه والكلام ده اقولك ممكن يعمل ايه تدريجا من الاصعب والاقوي الي ابسط حاجه ممكن تأذيك
لو كان الموضوع اتطور ... كان هايتعمل محضر شغب وتخسر السنة كلها وممكن تتحرم من الامتحانات سنتين
واحيانا .. بيجوا بعد استلام الكراسات "وخدوا بالكم من دي" يكتب في اخر الكراسة ان الطالب مشاغب وانه كان بيغش -أي نعم ده مش قانوني ولا صح ... وكل أساتذة الجامعة مش بتعتد بيه - لكن ممكن يأثر عن انطباع المصحح عن الورقة برضو .. و ما تضمنش
ده اذا ما كانش يعني مؤذي وشطب حاجه في الكراسة ولا عمل عملة سووودا لو انت ضايقته جامد "توقع الاسوء"

و أبسط الحاجات ما تبقاااش عصبي لانك هاتفقد تركيييزك ومش هاتعرف تحل حتي لو شاطر ومذاكر بس اتنرفزت

عموما يا خلوود ..عدت ... وان شاء الله هاتعدي علي خير وربنا يكرمك باذن الله حتي لو مش في المادة دي تبقي باقي المواد كويسة وتعدي من السنة دي علي خير

ربنا يوفقك

[fadod]

خلاص هشوف الظروف بكره لو نفع هاجى اقعد عندك فى امريكا شويه ...بس انا بقولك من دلوقت لازم ارجع قبل يوم الجمعه عشان عندى امتحان هههههههه
بالنسبه لموضوع التفتيش ..
انا الى خلانى مرضاش انه يفتشنى ...
ان انا معملتش حاجه اساسا ...وهو اسلوب كلامه مش مظبوط نهائى ...انا مرضتش احكى تفاصيل الكلام ..بس غلط فى الكلام زى مثلا .."اهلى معرفوش ازاى يربو عيالهم" وانت واد و...واصغر عيل فى عيالى ارجل منك ...واصلا هو مش من حقه يفتشنى ..
يمكن الموضوع كان فيه نسبه عند شويه ..بس لان اسلوبه ضايقنى وانا عصبى اوى :( وبكره ان حد يغلط فيا ..وخصوصا لما تيجى سيره الاهل ..ببقى مستعد اموت الى ادامى
واصلا سلوكه العام فى اللجنه مش مظبوط !! وقف واحده فى نص اللجنه و عمل معاه مشكله عشان لابس سلسله ...وهزأ الواد !! وقال ايه بنصحه ..طيب ما تنصحه بينك و بينه يعنى ...وايه دخل السلسله بالامتحان ؟؟؟
وانا الحمد لله منظرى مش مستفز يعنى :) حتى كنت لابس لبس مفيهوش اى نوع من انواع الدلع بنطلون و قميص و جاكيت :) مفيش أأدب من كده يعنى

أنا سؤالي ليك دلوقتي ليه مديتوش في وش ... .إمتحان إيه وبتاع إيه بعد اللي قاله داه . طبعا ليك حق في اللي عملته .ديه حاجه تخلي المذاكر ينسى كل اللي ذاكره ويشيل الماده




ولو جاي إنت تنور ..أنا نازل أستناك في المطار من دلوقتي ..

[KHALED AYMAN]

أنا سؤالي ليك دلوقتي ليه مديتوش في وش ... .إمتحان إيه وبتاع إيه بعد اللي قاله داه . طبعا ليك حق في اللي عملته .ديه حاجه تخلي المذاكر ينسى كل اللي ذاكره ويشيل الماده




ولو جاي إنت تنور ..أنا نازل أستناك في المطار من دلوقتي ..

لالا خليك انا جاى بالعربيه هههههه
شوفت بقى :(
طبعا فى ناس مش هتصدق ان قال كل ده من نفسه ...
هو انا والله فضلت ساكت ومستحمل التهزيق لما كان فى شخصى انا واقول يا واد اخرس واحترم نفسك لانى عارف ان لو الموضوع كبر هتبقى مشكله و مش هحل و يمكن فعلا يبقى فيها محضر و كلام من ده بس اول ما الموضوع وصل لحد الاهل ...مقدرتش اسكت واقدر اقول انى خدت حقى منه فى موضوع الشتيمه :)
بس هسقط :( فى الماده

[medo_2060]

شد حيلك يا خلوووووود....
بص شوفلك شويه صعايده يخطفوا ابن عميد الكليه عندك واعمل فيديو انك هتدبحه وابعته لابوه وقوله مش هفرج عن ابنك الا لما انجح وبأمتياز مع مرتبه الشرف... شغل مخك مذاكره ايه هههههههههه
ربنا يوفقك ياباشا وابقى طمنا عملت ايه

[KHALED AYMAN]

شد حيلك يا خلوووووود....
بص شوفلك شويه صعايده يخطفوا ابن عميد الكليه عندك واعمل فيديو انك هتدبحه وابعته لابوه وقوله مش هفرج عن ابنك الا لما انجح وبأمتياز مع مرتبه الشرف... شغل مخك مذاكره ايه هههههههههه
ربنا يوفقك ياباشا وابقى طمنا عملت ايه

شكلك عندك خبره فى الموضوع ده
عشان كده
احنا طبعا اخوات
وانت زى اخويه الكبير
انا عارف انك هتساعدنى فى الحوار
خلص الحوار كله و انا هطلع فى الفيديو :)

[nicegypt]

لالا خليك انا جاى بالعربيه هههههه
شوفت بقى :(
طبعا فى ناس مش هتصدق ان قال كل ده من نفسه ...
هو انا والله فضلت ساكت ومستحمل التهزيق لما كان فى شخصى انا واقول يا واد اخرس واحترم نفسك لانى عارف ان لو الموضوع كبر هتبقى مشكله و مش هحل و يمكن فعلا يبقى فيها محضر و كلام من ده بس اول ما الموضوع وصل لحد الاهل ...مقدرتش اسكت واقدر اقول انى خدت حقى منه فى موضوع الشتيمه :)
بس هسقط :( فى الماده

يا خالد .. اكتر حاجة بتضيقنى فعلا ان حد يدخل اللجنة ويقول كلمتين ملهمش لازمة وفيهم الفاظ

وكنت لما اكلم حد فيهم كان يقولك تخويف .. لا والاكبر من دة ان فية البعض وبقول البعض بيقوم بتنبية المراقبين

بعد التساهل واخافتهم كأننا ف سيرك ولا حرب .. والنظام دة مكنش بينفع معايا نهائى .. والالفاظ نفسها

تنرفزنى .. معلش حاول تكون هادي ورايق لسبـــب .. لانك للاسف ف ايديهم .. " بمعنى مجازي "

انت ف ايديهم لحد متخلص المادة وتمشى بعدها محدش لة عندك حاجة ... انما اثناء وجودك جوة اللجنة

لازم تــسايس الامــور ... كول بعقلهم حلاوة .. ارضى الزبون .. عدى المواضيع ... خليك كوول

خليك انصح وسايسهم ومشى امورك .. البائع لما يجي يبيع حاجة الشاطر بيزوق الكلام للمشتري

انما المنتج هو هو مش هيزيد ولا ينقص ! .. انما الكلام المعسول والحلو بيمشى الامور واخد بالك ؟

الكسبان والخسران مش هما خلي بالك .. لذا مشى امورك .. [OVERLINE]انا كنت هضيع نفسى خالص فى سنة البكالريوس[/OVERLINE]
عارف لية ؟؟؟؟؟؟ بسبب عصبيتى للاسف عصبي درجة اولي ووراثة كمان ... كان فية واحد ورايا عايز يغش منى

وبيغزنى بالقلم لما جننى وكنت بارد ومتجاهل الموضوع ... لحد مبدء الموضوع بلطجة وانة هيغش بلطجة غصب

عنى ... مش ابقى ناصح بقى واقول للمراقب ؟؟؟ لا النصاحة راحت ف العصبية والنرفزة .. قمت قايم ماسك

الواد من رقبتة .. والدنيا اتقلبت بقت طلطيش والله وصلت للدم تخيل !!! بقى ايدي تجيب دم ووشة اتبهدل

وشغلانة .. المادة دى كنت شايلها بجدارة .. ربنا ستر وجبت مقبول ! رغم ان المادة حليتها بنسبة 90 %

وحفظها ثم ومادتى المفضلة .. لولا ان الدكتور عدي الامر كان زمانى شايلها .. ورغم انى مش مسؤل

ومش السبب الرئيسي الا انى اتـعقبت !! اخدت عقابي بأن المادة مقبول رغم حلي الكامل لها .. والسبب اية ؟

العصبية ضيعت حقي ! .. وتخيل بقى تلف الايام والسنين .. والاقي المتسبب ف الموضوع بيتصل بيا !!!

وبيفكرنى بنفسة وانا مش فاكرو اساسا ... وبيقولي انة اسف على اللى حصل زمان .. وان ربنا كرمة

واصبح بيصلي وعارف ربنا ومربي دقنة وحاجات كدة .. وبعت لى اعتــــذار مع احد اصدقائى القداما ..

وطلب منى حاجة مهمة قوي عارف اية ؟؟؟ قالى بالله عليك تسمحنى ؟؟ لو مكانى تعمل اية ؟؟؟

[dr-mohamed]

خلاص هشوف الظروف بكره لو نفع هاجى اقعد عندك فى امريكا شويه ...بس انا بقولك من دلوقت لازم ارجع قبل يوم الجمعه عشان عندى امتحان هههههههه
بالنسبه لموضوع التفتيش ..
انا الى خلانى مرضاش انه يفتشنى ...
ان انا معملتش حاجه اساسا ...وهو اسلوب كلامه مش مظبوط نهائى ...انا مرضتش احكى تفاصيل الكلام ..بس غلط فى الكلام زى مثلا .."اهلى معرفوش ازاى يربو عيالهم" وانت واد و...واصغر عيل فى عيالى ارجل منك ...واصلا هو مش من حقه يفتشنى ..
يمكن الموضوع كان فيه نسبه عند شويه ..بس لان اسلوبه ضايقنى وانا عصبى اوى :( وبكره ان حد يغلط فيا ..وخصوصا لما تيجى سيره الاهل ..ببقى مستعد اموت الى ادامى
واصلا سلوكه العام فى اللجنه مش مظبوط !! وقف واحده فى نص اللجنه و عمل معاه مشكله عشان لابس سلسله ...وهزأ الواد !! وقال ايه بنصحه ..طيب ما تنصحه بينك و بينه يعنى ...وايه دخل السلسله بالامتحان ؟؟؟
وانا الحمد لله منظرى مش مستفز يعنى :) حتى كنت لابس لبس مفيهوش اى نوع من انواع الدلع بنطلون و قميص و جاكيت :) مفيش أأدب من كده يعنى

انت بتتكلم عن مراقب ولا عن دكتور ؟؟؟؟؟؟؟؟؟؟؟
لو مراقب مش من حقه اصلا انه يفتشك وياخد على دماغه بس مش منك من الدكتور طبعا لما تطلب حضوره وتصمم على كدة
لو دكتور يبقي لا تعليق وسلوك غير مقبول بالمرة

[dr-mohamed]

لا والاكبر من دة ان فية البعض وبقول البعض بيقوم بتنبية المراقبين

بعد التساهل واخافتهم كأننا ف سيرك ولا حرب

طبعا الشتيمة مرفوضة لكن يضايقك في ايه ان يتم التبنيه على المراقبين بعدم التساهل ؟
يا نايس فيه مراقبين بيشتغلوا نضورجية للطلبة والاسوا ان في الجامعات الاقليمية بيطلع المراقبين فيه منهم اقارب للطلبة وطبعا ده ممنوع لكن مش بتتعرف غير ما يشتغل له كلب حراسة علشان يعرف يغش


قمت قايم ماسك الواد من رقبتة .. والدنيا اتقلبت بقت طلطيش والله وصلت للدم تخيل !!! بقى ايدي تجيب دم ووشة اتبهدل وشغلانة .. المادة دى كنت شايلها بجدارة .. ربنا ستر وجبت مقبول ! رغم ان المادة حليتها بنسبة 90 % وحفظها ثم ومادتى المفضلة .. لولا ان الدكتور عدي الامر كان زمانى شايلها .. ورغم انى مش مسؤل
ومش السبب الرئيسي الا انى اتـعقبت !! اخدت عقابي بأن المادة مقبول رغم حلي الكامل لها .. والسبب اية ؟
العصبية ضيعت حقي

انت كدة متعاقبتش نهائي والمقبول ليس له علاقة بتعديك على زميلك ولكن على الاجابة المكتوبة
اما العقوبة فلم تعاقب فعلا لان العقوبة القانونية للي انت عملته ده فصل ترم على الاقل
احمد ربنا


! .. وتخيل بقى تلف الايام والسنين .. والاقي المتسبب ف الموضوع بيتصل بيا !!!
وبيفكرنى بنفسة وانا مش فاكرو اساسا ... وبيقولي انة اسف على اللى حصل زمان .. وان ربنا كرمة
واصبح بيصلي وعارف ربنا ومربي دقنة وحاجات كدة .. وبعت لى اعتــــذار مع احد اصدقائى القداما ..
وطلب منى حاجة مهمة قوي عارف اية ؟؟؟ قالى بالله عليك تسمحنى ؟؟ لو مكانى تعمل اية ؟؟؟

الطبيعي ان الموضوع انتهي ولم يعد منه فائدة الان لكن بما انه انسان اصبح محترم وعرف غلطته ومش محتاج منك حاجة وبرغم كدة بيعتذر ويطلب تسامحه يبقي تسامحه

[A7MED_PHARMA]

مع إن طبعي هادي والله ياخالد
بس مرة كنت داخل اللجنة ....المراقب واقف على الباب
وداخل في ميعادي بالظبط
المراقب بيقولي رايح فين
قولتله داخل اللجنة
قالي إنت مش شايفني واقف..اهلك علموك كده
(أنا غابا مش بتعصب بسهولة..لما لما واحد زيه اللطع الملطوع ع الحيطة يقولي كلمة مالهاش لزمة..يبقا هنا لها كلام تاني)
قولتله :أهل مين
بيقولي:أهلك علموك تخش اللجنة كده
قولتله:وإنت مال أهلك.
قالي :أهلي أنا
قولتله:أه ..اهلك انت ...امال أهلي أنا؟
قالي :أنا هوريك ..وهعمل وأسوي
المهم في الموضوع بقا
إن دي مكنتش لجنتي أساسا

هوا طبعا كان إداري ..مكنش دكتور
ههههههههههههههه
وسيبته ومشيت لما دخلت ..لقيت عيال غريبة مش دفعتي
ههههههههههههههههههههههههههههههه

[dr-mohamed]

كنت قول له انا احمد احمد احمد
يعني داخل في ميعادك وبيقولك اهلك علموك تدخل للجنة كدة
والله العظيم احنا محترمين زيادة عن اللزوم ده الطالب ولا الطالبة يبقوا متاخرين عشر دقايق ونقوله بسرعة يا انسة يا ابني ادخل واقفل الزفت الموبايل اللى بتتكلم منه يبقي مش عاجبه ويبص بتناكة كانه ابن بارم ديله وهو ماسك عدة صيني من ام 100 جنيه