سؤال للمهندسين المدنيين؟

[Ralliart]

دلوقتي لو واحد بيبني على ارض مساحتها 600 متر ومساحة المباني 240 متر
لما ييجي يحفر ليه بيحفر الـ600 كلهم؟؟
انا مستغرب جداً من الموضوع ده ومش داخل دماغي اني احفر 360 متر زياده عن المباني بعمق الاساسات
هو المهندس اللي بيبني بيقول انه لازم يعمل حصيره تحت الـ600 متر كلهم وبعدين يطلع بالسور من حروفها
بس ليه بيعمل حصيره تحت الـ600؟؟؟؟

[korkor]

ممكن الحفر بيكون بكامل المسطح لعمل بدروم وكمان السور مش بيطلع من الاساسات ده بيكون ليه اساسات منفصله على عمق اقل بكتير من عمق التأسيس

[Ralliart]

ما هو ده اللي بقوله من الصبح ان السور ملهوش علاقه بالموضوع
والمهندس شكله خريج آداب عايز يقنعني ان السور التعبان ده يبقى ليه اساسات عماره 4 ادوار

ممكن الحفر بيكون بكامل المسطح لعمل بدروم

مش فاهم الجزء ده؟ في بدروم اكيد بس اكيد بيبقى تحت المباني ليه احفر كامل المسطح؟؟؟

وعلى فكره اللي بانيين ورانا حفرو ال600 متر كلهم برضو
انا دماغي هتنفجر من ساعتها وكنت بقول ازاي وابويا اتراهن معايا انهم بيتحفرو كلهم وخسرت الرهان وبقى منظري وحش (انا في تانيه مدني)

[korkor]

ما هو ده اللي بقوله من الصبح ان السور ملهوش علاقه بالموضوع
والمهندس شكله خريج آداب عايز يقنعني ان السور التعبان ده يبقى ليه اساسات عماره 4 ادوار

مش فاهم الجزء ده؟ في بدروم اكيد بس اكيد بيبقى تحت المباني ليه احفر كامل المسطح؟؟؟

وعلى فكره اللي بانيين ورانا حفرو ال600 متر كلهم برضو
انا دماغي هتنفجر من ساعتها وكنت بقول ازاي وابويا اتراهن معايا انهم بيتحفرو كلهم وخسرت الرهان وبقى منظري وحش (انا في تانيه مدني)

[overline]البدروم بيكون بكامل مسطح الارض للاستفاده من كامل المسطح
السور اساساته بتبتدى من عمق التاسيس اللى انت شغال منه لو قطعه الارض اللى جانبك لسه معملتش بدروم وانت مش عاوز توقع السور عندهم .[/overline]

[M.Hosni]

آه عادي جدا ان المساحة كلها تتحفر لكذا سبب
أول حاجة انت بتقول انك عامل بدروم فأكيد لازم يكون ليه منزل (رامب) و المنزل ده غالبا بين الفيلا و السور علشان كده هتلاقي انه بيحفر المنطقة اللي فيها الرامب دي كلها مع الفيلا
تاني حاجة الجزء الخلفي من الفيلا اللي هو بين السور و الفيلا بيتحفر في مستوي البدروم علشان يدخل نور و هوا للبدروم و بكده انت تقدر تستغله في حاجات كتير - فيه ناس بتعمل الجزء الخلفي من البدروم جزء سكني تابع للدور الأرضي و بسلم داخلي
كده ميبقاش فاضل الا الجزء اللي بين الناحي التانية من السور و الفيلا و دي مسافة صغيرة عقبال ميحفر للفيلا و يحفر للسور الباقي بينهم جزء ضغير جدا فبيتحفر

[Ralliart]

[overline]البدروم بيكون بكامل مسطح الارض للاستفاده من كامل المسطح
السور اساساته بتبتدى من عمق التاسيس اللى انت شغال منه لو قطعه الارض اللى جانبك لسه معملتش بدروم وانت مش عاوز توقع السور عندهم .[/overline]

آه عادي جدا ان المساحة كلها تتحفر لكذا سبب
أول حاجة انت بتقول انك عامل بدروم فأكيد لازم يكون ليه منزل (رامب) و المنزل ده غالبا بين الفيلا و السور علشان كده هتلاقي انه بيحفر المنطقة اللي فيها الرامب دي كلها مع الفيلا
تاني حاجة الجزء الخلفي من الفيلا اللي هو بين السور و الفيلا بيتحفر في مستوي البدروم علشان يدخل نور و هوا للبدروم و بكده انت تقدر تستغله في حاجات كتير - فيه ناس بتعمل الجزء الخلفي من البدروم جزء سكني تابع للدور الأرضي و بسلم داخلي
كده ميبقاش فاضل الا الجزء اللي بين الناحي التانية من السور و الفيلا و دي مسافة صغيرة عقبال ميحفر للفيلا و يحفر للسور الباقي بينهم جزء ضغير جدا فبيتحفر

ألف شكر يا بشمهندسين
انا كده فهمت بس كان عندي سؤال تاني
الجيران لما جم يحفرو حفرو من عندهم ورمو كل حاجه عندنا وقالو ملناش دعوه!!
هل اشتكيهم وكدا ولا احفر وخلاص وعوضي على ربنا لان في ناس قالت ان الشكوى بتاخد وقت وحقي مش هيجيلي

[korkor]

انت مشكلتك فى الحفر ولا فى العاديه بكامل المسطح , الحفر لازم يكون بكامل المسطح علشان البدروم لكن العاديه ممكن منفصله حسب التصميم بس المقاولين بيستسهلوا انهم يصبوا المسطح كله عاديه علشان يوفروا فى مصنعيه النجاره وعمليه الصب تكون اسهل بكتير

[korkor]

الشكوى لغير الله مذله اتكل على الله وحفر وانقل الحفر بره الارض بس سيب شويه كده علشان الردم متنقلش كل حاجه وتحتاس وتروح تشترى رمل للردم

[Ralliart]

انا معنديش مشكله لان اللي بيقول عليه المهندس بيتعمل وخلاص
بس كنت بستفسر لاني مستغرب من موضوع اني احفر 360 متر زياده عن المبنى وكمان المهندس عايز يحط خرسانه عاديه 600 متر والمبنى 240 بس

وان شاء الله عاملين حساب الردم

[korkor]

انا معنديش مشكله لان اللي بيقول عليه المهندس بيتعمل وخلاص
بس كنت بستفسر لاني مستغرب من موضوع اني احفر 360 متر زياده عن المبنى وكمان المهندس عايز يحط خرسانه عاديه 600 متر والمبنى 240 بس

وان شاء الله عاملين حساب الردم

عاوز يريح نفسه ولا نجاره عاديه وبتاع هوب اربع اجناب واديها خرسانه وفر خشب ومصنعيه نجاره ومصنعيه صب وزود الكميه يعنى هو كسبان اخر تلات حاجات والفرق للاسف هيدفعوا والدك .

[Ralliart]

ما هو لما جيت اتكلم قالولي اسكت انت مش فاهم حاجه
والمهندس صاحب والدي عشرة 30 سنه كده!!
في مقاول مرره قالي لو اخوك مهندس هيقلب من وراك والله بدأت اشك

[sayed911]

هههههههههههه والله سؤال ذكي جدا وانا كنتعامل زي حضرتك كده بالضبط وكنت ها اموت واعرف ولكن ها اشركهالك بطريقة سلسة جدا جدا جدا ..
دلوقتي الدور الأول ده البلاطة بتاعتوا متحملة على ايه ؟؟
على الكمرات بتاعت البدروم ..
طيب والكمرات دي متحملة على ايه ؟
متحملة على اكتاف العمدان ..
طيب والعمدان دي متحملة على ايه ؟
متحملة على القواعد والسملات ..
طيب العامود فلنفترض انه 50سم في 50 سم مع اني لسة مأخدتش تصميم خرساني ولكن ها نفترض انه القاعدة اللي تحت ها تكون متر في متر وبإرتفاع متر .. طيب تفتكر لو انا حاطط حمل الـ اربع ادوار دول على بعض على العمود اللي مستمر من تحت خالص لحد فوق خالص وبمساحة قاعدة متر في متر القاعدة دي مش ها تغرز وممكن قاعدة جمبيها متنزلش ساعتها تبقى انتا عملت مصيبة وغيرت مناسيب وسببت شروخ كاملة في المبنى .... عشان كده احنا بنعمل فكرة الحصيرة وتكون على مساحة الأرض عشان يكون الحمل متوزع بالكامل على مساحة المسطح الأرضي كله اكيد اخدت فكرة الـ distributed load تخيل بقى انه العمود ده عبارة عن كونبسنتراتيد لود في حتة واحدة ممكن مع الزن والأحمال الميتة تعمل هبوط في منسوب العمود عن بقية العواميد اللي ها يدخلك بقى في مومنتات في الكمرات ويدخلك في شير ومواويل مش فايتة يبقى فلنفترض انه مثلا وزن العمارة دي 500 طن ده مثلا .. بالأحمال اللي عليها كلها .. ايهما افضل في رأيك وانتا بقى اللي ها تجاوب مع التعليل ..
احط الـ 500 طن دول 10 عواميد مفيش تحتهم حصيرة .. ولا 10 عواميد تحتهم حصيرة ... وخد بالك انتا تحتك تربة رملية ده مع فرض انك عارف وحاسب معامل الهبوط للتربة وواخد فاكتور .... جاوب وانا ها ستنى اشوف بعد الشرح الفكرة وصلت لحضرتك ولا لسة ..

[korkor]

هههههههههههه والله سؤال ذكي جدا وانا كنتعامل زي حضرتك كده بالضبط وكنت ها اموت واعرف ولكن ها اشركهالك بطريقة سلسة جدا جدا جدا ..
دلوقتي الدور الأول ده البلاطة بتاعتوا متحملة على ايه ؟؟
على الكمرات بتاعت البدروم ..
طيب والكمرات دي متحملة على ايه ؟
متحملة على اكتاف العمدان ..
طيب والعمدان دي متحملة على ايه ؟
متحملة على القواعد والسملات ..
طيب العامود فلنفترض انه 50سم في 50 سم مع اني لسة مأخدتش تصميم خرساني ولكن ها نفترض انه القاعدة اللي تحت ها تكون متر في متر وبإرتفاع متر .. طيب تفتكر لو انا حاطط حمل الـ اربع ادوار دول على بعض على العمود اللي مستمر من تحت خالص لحد فوق خالص وبمساحة قاعدة متر في متر القاعدة دي مش ها تغرز وممكن قاعدة جمبيها متنزلش ساعتها تبقى انتا عملت مصيبة وغيرت مناسيب وسببت شروخ كاملة في المبنى .... عشان كده احنا بنعمل فكرة الحصيرة وتكون على مساحة الأرض عشان يكون الحمل متوزع بالكامل على مساحة المسطح الأرضي كله اكيد اخدت فكرة الـ distributed load تخيل بقى انه العمود ده عبارة عن كونبسنتراتيد لود في حتة واحدة ممكن مع الزن والأحمال الميتة تعمل هبوط في منسوب العمود عن بقية العواميد اللي ها يدخلك بقى في مومنتات في الكمرات ويدخلك في شير ومواويل مش فايتة يبقى فلنفترض انه مثلا وزن العمارة دي 500 طن ده مثلا .. بالأحمال اللي عليها كلها .. ايهما افضل في رأيك وانتا بقى اللي ها تجاوب مع التعليل ..
احط الـ 500 طن دول 10 عواميد مفيش تحتهم حصيرة .. ولا 10 عواميد تحتهم حصيرة ... وخد بالك انتا تحتك تربة رملية ده مع فرض انك عارف وحاسب معامل الهبوط للتربة وواخد فاكتور .... جاوب وانا ها ستنى اشوف بعد الشرح الفكرة وصلت لحضرتك ولا لسة ..

[justify]معلش انا اسف كل اللى حضرتك بتقوله مالوش اى علاقه بالهندسه ولا الاحمال ولا اى حاجه تصميم القواعد معروف الفرشه اللى هو بيتكلم عليها اسمها فرشه نضافه وبتبقى خرسانه عاديه مش شايله احمال تصميم القواعد المسلحه هو اللى بيحدد انك تعمل عاديه منفصله لو المسافات البينيه بين القواعد كبير ومافيش تداخل لما تصميم القواعد المسلحه بتكون كبيره والمسافات البينيه بين القواعد المنفصله صغير بنلجأ لفرشه العاديه فى حاله ان الاحمال اللى جايه على القواعد من الاعمده كبيره جدا وبيحصل تداخل بين القواعد المسلحه نفسها بنلجأ لحلول تانيه زى Raft , combined وحاجات تانيه بس الموضوع ده فى فيلا صغيره مش مستاهل كل ده من الاخر المقاول عاوز يوفر شويه خشب على شويه مصنعيات نجاره وبالمره بزود الكميه مكسب من كل ناحيه يعنى [/justify]

[korkor]

ما هو لما جيت اتكلم قالولي اسكت انت مش فاهم حاجه
والمهندس صاحب والدي عشرة 30 سنه كده!!
في مقاول مرره قالي لو اخوك مهندس هيقلب من وراك والله بدأت اشك

على فكره معظم كار المعمار كده قايم على النصب والفهلوه اللهم احفظنا

[Ralliart]

يا sayed911 باشا كل اللي بتقوله انا فاهمه
بس احنا مش اول مرره نبني والحصيره كانت بتبقى تحت المباني بس
عمرها ما نزلت تحت الجنينه كمان