بعد خطاب الرئيس مبارك

[swimmer25]

مؤيد كلامك تماما يا محمد

الله يفتح عليك

ياريت مانمشيش ورا كلام التوانسة اللى لحد دلوقتى مش عارفين بختاروا وزراء رغم مرور اكتر من شهر على الثورة و البلد فى النازل عندهم

هو لازم كل الشعوب يبقوا زي التوانسة والعراقيين
الثورة الفرنسية يا باشا قام علي كل الارستقراطيين وابادتهم وفتحت سجون كانت الناس بتتسجن فيها لحد ما يموتوا
شوف فرنسا دلوقتي...وشوف اليابان دلوقتي بعد ما كانت حكام...وشوف وشوف...لو انت شايف انك اقل من اي حد عمل مظاهرة ونجح وشال النظام ...يبقي الغلط فينا احنا....يبقي مكنش لازم المظاهرات والشهداء من اصله

[أحمد كمال]

لا للتخريب .... نعم للإستقرار
بنحبك يا ريس

معلش يا جدعان اكتر من كده و يزيح ربنا

[max_ziro]

بعد خطاب الرئيس مبارك أمس

ارى ان الشعب المصرى حقق مكاسب كبيره


وهنا اود ان اوجه كلامى للعقلاء

احنا ولاد النهادره....بصوا للمستقبل بلاش نبص لورا

انا خايف على مصر زى ما انتوا خايفين عليها بالظبط

الانتقال الامن للسلطة مهم جدا

وبالتالى لازم نفض المظاهرات ونرجع نعمر البلد ده من تانى

جه وقت العمل ، جه اننا نثبت نفسنا من اول وجديد

احنا ولاد النهارده ............ وبكررها تانى

لو فضلنا على العناد والمظاهرات البلد هتوصل لكارثه

استحملنا 30 سنة ..... مافيش مشكله لما سنتحمل الكام شهر الجايين

انا حسيت من الخطاب امبارح الراجل عاوز يسيب ذكرى طيبة قبل ما يمشى

عاوز يمشى بكرامته .....


ايه المشكله فى كده طالما مش هيرشح نفسه مره تانيه وهيعمل التعديلات الدستوريه وهيصصح عضوية مجلس الشعب اللى عليه طعون

خلينا نبص لقدام مين كان يحلم بكده

حد عاجبه الوضع الحالى من انعدام الامن وحظر التجول والاقتصاد اللى كل يوم بيخرب

لازم نفض المظاهرات من النهارده ونرجع نعمل من اجل انفسنا ومن اجل مصر

انا مع هذا الكلام حتى النخاع ..

[Everlasting]

مبروك عليكم مبارك

مبروك عليكم عصر البلطجه و العبور للناحية التانية

+1

لا حول ولا قوة إلا بالله للدرجة دي الراجل دا قوي ... وله قدرة رهيبة على تثبيت الشعب واللعب في دماغة

[bishoy02010]

أنا مش عارف الناس عايزه إيه تانى !!!

[mmans]

يا جدعان خلينا نحسبها بالعقل احنا من 30 سنه او اكتر كمان فى حد اتهاجم علينا فى حروب زى البلاد الاسلاميه التانيه
طبعا لا عشان حسنى باشا هوه الى الموجود بجد الراجل ده عمل حاجات كتييير
وانا بيتهيالى لو مشى هتشوفو ايام سودا جايه و حروب
انا عن نفسى بأيد حسنى مبارك و كمان عاوزة فى الانتخابات الجديده
مادام عايشين فى سلام عاوزين ايه تانى
ده كمان ربنا بيقول ( ادخلو ها بسلام امنين )

[Col. Eng. Khaled]

بس عايز اسال سؤال واحد ايه الحكمة من تاخير او انتظار انتهاء الفترة الرئاسية لرحيل حسنى مبارك
يعنى الراجل زى ما احنا عارفين عنده نائب يعنى لو مشى دلوقتى فى واحد ليه صلاحيات الرئاسة بشكل رسمى تماما ومش فتحى سرور
طيب لو هى بادرة لحسن النية زى مالاخوة قالوا ليه ما كانش فيه دعوة لتقديم الانتخابات الرئاسية حتى !!!!!

مع الفارق الكبير في التشبيه :-

تسليم إتحاد ملّاك لعمارة (الباكج كاملة) من شخص لآخر ياخد وقت قد إيه ؟

بالقياس تسليم دولة (الباكج كاملة) ياخد وقت قد إيه ؟

[derinyym]

انا مع هذا الكلام حتى النخاع ..

المشكلة ياباشا ان مش ممكن نصدق مبارك لانه كذاب وبعدين ده مش شكل واحد عايز يمشى وبلاش نكون عاطفيين

[derinyym]

استهدوا بالله يا جماعة وعايزيين نتناقش بهدوء ومازلت باسال اللى عايز مبارك يقول لى على ميزة واحده ممكن نفتكرهاله اللى انا شايفه ان مبارك مالوش اى ميزة

[horas3000]

ياااااااااه
ده في شبه اجماع علي ضرورة تقبل التغيير اللي وعد بيه مبارك
و ايقاف المظاهرات
طب و الله ده شيئ كويس جدا
انا كنت فاكر اني من القله اللي شايفة كده اتارينا كثرة و انا مش عارف
و الله انا شايف ان ده عين العقل و لازم نستغل اللي حصل ده و نطلع بمكاسب سياسية و اجتماعية اكتر و نحول اللي حصل الي خطوة في اتجاه عهد جديد و مصر جديدة

للاسف الكلام اللي فوق ده كنت كاتبه و انا في الشغل و مش داري باللي بيحصل
لكن بعد اللي شوفته و بشوفه في التلفزيون حاليا
انا بسحب كلامي ده كله
واضح ان ديل الكلب عمره ما هينعدل

[LanCeLoT]

مع الفارق الكبير في التشبيه :-

تسليم إتحاد ملّاك لعمارة (الباكج كاملة) من شخص لآخر ياخد وقت قد إيه ؟

بالقياس تسليم دولة (الباكج كاملة) ياخد وقت قد إيه ؟

طب ولو كان مات كان هيبقى ايه وضع اتحاد ملاك مصر

[Col. Eng. Khaled]

لأن تداعيات الموقفين يختلف أحدهما عن الآخر .............. فالسؤال :-

حضرتك عايز تناقش و لّا تحط العقدة في المنشار ؟

[mmffor]

للاسف الكلام اللي فوق ده كنت كاتبه و انا في الشغل و مش داري باللي بيحصل
لكن بعد اللي شوفته و بشوفه في التلفزيون حاليا
انا بسحب كلامي ده كله
واضح ان ديل الكلب عمره ما هينعدل

احترامي ليك!
انت من القلة اللي ممكن احترم رأيهم في الموقف ده! و اثبت انك مواطن مصري اصيل

[mmffor]

استهدوا بالله يا جماعة وعايزيين نتناقش بهدوء ومازلت باسال اللى عايز مبارك يقول لى على ميزة واحده ممكن نفتكرهاله اللى انا شايفه ان مبارك مالوش اى ميزة

الكذا ميزة لكرانشي ياه! جرب و دوق طعم الحياه!


دا على كده كرانشي طلع ليه ميزة و القرد ده ملوش اي ميزة!!!

[otefa]

أتوقع صدور قرار بين لحظة والثانية لتشكيل حكومة أئتلافية