يوم الرحيل و خدعة الفتنة

[تامر.محمد]

لنا الله و الله يا دكتور زيزو

[dr-mohamed]

هل حقق لهم مطلبهم ؟

اخي ربما لم تعش ثورة سابقة مثلي
و ربما لم تقرأ عن ثورات
لكني قرأت
و ما قرأته و اعلمه
أنه لا توجد ثورة تتفاوض مع نظام
الثورات تملي شروطها
اخي الحبيب لو كان الموضوع مجرد اصلاح سيجدي
لما احتاج الامر لثورة يقتل و يجرح فيها الناس
فالاصلاحات لا تحتاج الي تلك التضحيات
المطالب واضحة جدا

وانا مثلك يا اخي العزيز لم احضر ثورات واراها بعيني
ولكني قرات ايضا ان الثورات تاكل ابنائها وانه لم توجد ثورة بمعني ثورة تغير كل النظم الموجودة الا وقامت باكل ابنائها وعاشت الدولة في حالة صراع داخلى وقتل مستمر وراجع الثورة الفرنسية والثورة الايرانية وهات لي ثورة واحدة كانت بيضاء فعلا او ثورة لم تنتقم من كل من لم يتفق معها وتشرده وتغتاله
لست مع الثورة ولكني مع الاصلاح والتغيير ولندع الشعارات لا تخدعنا كثيرا

اسقاط النظام " شعار 25 يناير ",, هل حدث؟
حل المجالس النيابية المزورة " الشعب و الشوري "
عقد لجنة من حكماء و فقهاء في الشريعة و الدساتير و القوانين لكتابة دستور جديد يجعلنا ننعم بحريتنا و ثروات بلادنا
و يا اخي الدستور كتاب به قوانين ليس كتاب الله - و العياذ بالله و لا صحيح البخاري حتي نقول انه لا يجوز تعديله
ينشئ دستور جديد و تطرح مواده للاستفتاء الشعبي - كما كان يحدث قبل التعديلات الدستورية الاخيرة عام 2005 ام اننا نسينا ؟!
تفويض قيادة من الحكماء من المشهود لهم و يكونوا ثلاثة ليراقبوا اعمال الحكومة في فترة انتقالية يضمن فيها الجيش المصري الانتقال الامن و السلس للسلطة بحيث لا يثب احد علي السلطة فينتزعها او يخل بالشروط السابقة

كل اللى حضرتك بتقوله ده المفروض انه بدات خطوات عمله لكن مفيش حاجة بتتعمل في يوم وليلة ولا ايه رايك
وللتصحيح التعديلات الدستورية الاخيرة لم تكن عام 2005 ففي عام 2005 لم يغير الا مادة 76 فقط اما التعديلات الكبري فكانت سنة 2007 حيث تم تعديل 34 مادة من الدستور
وانشاء دستور جديد ما هي المدة الزمنية التي سيستغرقها ؟؟؟؟؟؟؟؟؟؟ ام سيتم سلق دستور ؟؟؟؟

والقيادة الثلاثية من سيختارها ؟؟؟؟؟؟؟؟؟ حتي نكون ديمقراطيين يجب ان يتم اختيارهم عن طريق الانتخاب فليس من حق احد ان يحتكر الاختيار لنفسه
يبقي هانقضيها انتخابات طول عمرنا

بحيث ان اضمن لك و تضمن لي انه اذا جاء احد و اساء نخرج سويا الي صندوق شفاف لنزيح من لا نريد لا لنخرج في مظاهرات انا و انت فأموت انا و تعود انت كاسف البال حزينا
ما سبق ليس ابتكارا بل امور حدثت في دول عديدة
ما يجول بذهني الان هو البرتغال كمثال
هل مصر تختلف؟
لا و الله
لكن البعض لم يفهم الدرس و يحاول الالتفاف عليه
و ليس لنا الا الله كي يزيح عنا ما ابتلانا به من ولاة قساة القلوب دهاة في التفكير و التدبير
و ليس لنا الا الله نلجأ اليه نستغيث به ان يرحمنا و يلهمنا الصبر و الثبات
اسئل عن ما يجول ببالك
و اجيبك عنه في حدود ما اعلم
و الله شهيدي

مش عارف اشمعني البرتغال ويا ريت حضرتك توضح لي نظام الحكم فيها لو قلت فرنسا او انجلترا او المانيا او امريكا كنت قدرت افهم بس يا ريت تبقي معلوماتك عنهم مش زي المعلومات عن ان اخر تعديل دستوري كان 2005

على فكرة اسلوبك في السرد من اروع ما يكون بيفكرني بالكتاب بتاع انور السادات عن عبد الناصر لما كان عبد الناصر هو اللى بيحكم

[ahmed1981]

و ليس لنا الا الله كي يزيح عنا ما ابتلانا به من ولاة قساة القلوب دهاة في التفكير و التدبير

حتى لو كانوا دهاة في التفكير
حتى لو كان عمر سليمان يسمى في الخارج بالثعلب العجوز
يكفيني قول الله تعالى (ويمكرون ويمكر الله والله خير الماكرين)

والله إن ظني بالله تعالى وثقتي به يعطيني قناعة تامه بأنه لن يضيع عملنا هدراً
وسيجعل تدبيرهم تدميراً لهم وسينصر ثورة الكرامة والشرف

[elshimy]

علي فكره السادات لما مات انا كان عندي 6 سنين اقسم بالله انا فاكر اليوم ده كنا في الكويت كان فيه اغاني معده لليوم ده بمجرد
نشر خبر المنصه كل الدول العربيه كانت مشغله اغاني شماته فيه وفي ناس مصرين كتير كانوا فرحانين لما مات زي ما كان فيه ناس زعلانه تفتكرو كام واحد اترحم علي السادات وايامه لما شاف مبارك من العرب او المصرين
اللي هيجاوب علي السؤال ده صح هيعرف ان لما مبارك يمشي مفيش اي ضمان انه اللي جاي بعده ملاك مع التسليم ان مبارك انتهي اكلينيكيا

[تامر.محمد]

دكتور محمد
اعذرني بس انا لازم اسجل رأيي
انا شايف انك بقى لك فترة بتدافع باستماتة و بكثافة عن النظام مش عن التهدئة
و بتهاجم الثورة و كل اللي فيها بكل عنف و استماتة و كقافة برده
و خايف من حاجات كتير جدا , من اول الفوضى بعد رحيل مبارك لحد تدخل الدول الخارجية مرورا بالاخوان و ايران و اسرائيل و ان الثورة تاكل عيالها مع قائمة مخاوف طويلة للغاية
و مندهش جدا من الموقف ده منك

قبل ما تقول يا دكتور اني بالمح او مش بالمح , انا كلامي لا يتجاوز سطوره , لكن دهشتي هي اللي مالهاش حدود

[Dr Zezo]

تبقي نقطة اخيرة لاحظتها في موضوع اخر بالمنتدي

العدد..

عدد المتظاهرين
انت يا مصري سواء كنت مؤيدا - لسبب اتفهمه راجع لظروف البعض - او معارض
ما يهمك في عدد الناس
مائة
او الف
او مليون
و القول انهم لا يمثلون مصر !!
السؤال
هل ما يطالبوا به مشروع و عادل ام باطل ؟
متي كنا ننظر الي الاعداد
و هل عندما خرج مارتن لوثر كنج للمطالبة بحق ملايين السود الامريكين قيل له انت لا تمثل سوي الاف الافارقة ؟!

الرجل القابع في العروبة انتخب ب25%او اقل من الاصوات الانتخابية المسموح لها بالانتخاب
و لا اعلم احدا ذهب لينتخبه
و لا تدري من اين اكتسب شرعيته ؟!
حتي يقفز احد علي شرعيته
عبد الناصر صاحب الانقلاب و هذا شرعية
السادات صاحب قرار الحرب و هذه شرعية - حتي لما خرج الناس ضد في 77 هدؤا بعدما تراجع عن قرارته و لم يطالبوه بالرحيل لأن له شرعية

ديجول صاحب شرعية انتخابا و بطلا للمقاومة الفرنسية
اوباما صاحب شرعية
نتنياهو صاحب شرعية
انا مصري ابا عن جد و لي شرعية

[تامر.محمد]

الله عليك يا زيزو بجد

[Dr Zezo]

مش عارف اشمعني البرتغال

لأن ما حدث و اتمني حدوثه حدث بالبرتغال تقريبا منذ 30 سنة اكثر او اقل لا اذكر بالضبط

فرنسا و بريطانيا و الولايات المتحدة عبرت هذه المرحلة التي نمر بها منذ 200 و 300 عام
و مرت الولايات المتحدة بحرب اهلية في سبيل طريقها لكي تكون قوة عظمي
و كما تعلم يا سيدي ان الدول لكي تصبح عظمي يلزمها رجال يخطون لها طريقها
فلا نستغرب ان امريكا اخذت تعد نفسها قرنا كاملا كي تصبح دولة عظمي
و البرتغال بحالتها عندما حدث التحول الديموقراطي كان اغلب سكانها من الفلاحين مثل مصر بما يدحض اي حديث عن جهالة غالبية المصريين
و المثال يغني عن الحديث

على فكرة اسلوبك في السرد من اروع ما يكون بيفكرني بالكتاب بتاع انور السادات عن عبد الناصر لما كان عبد الناصر هو اللى بيحكم

شكرا علي الاطراء

و تصحيحا للمعلومة فالسيدة تحية عبد الناصر في مذكراتها التي نشرتها دار الشروق
اخبرت ان عبد الناصر هو كان من يكتب هذه الكتب و المقالات و كانت تعنون باسم السادات

خالص احترامي

[Dr Zezo]

بالفعل يا د محمد التبست علي تواريخ التعديلات الدستورية 2007 و انتخاب الرئيس 2005

شكرا علي التنبيه

[dr-mohamed]

تبقي نقطة اخيرة لاحظتها في موضوع اخر بالمنتدي
العدد..
عدد المتظاهرين
انت يا مصري سواء كنت مؤيدا - لسبب اتفهمه راجع لظروف البعض - او معارض
ما يهمك في عدد الناس
مائة
او الف
او مليون
و القول انهم لا يمثلون مصر !!
السؤال
هل ما يطالبوا به مشروع و عادل ام باطل ؟
متي كنا ننظر الي الاعداد
و هل عندما خرج مارتن لوثر كنج للمطالبة بحق ملايين السود الامريكين قيل له انت لا تمثل سوي الاف الافارقة ؟!
الرجل القابع في العروبة انتخب ب25%او اقل من الاصوات الانتخابية المسموح لها بالانتخاب
و لا اعلم احدا ذهب لينتخبه
و لا تدري من اين اكتسب شرعيته ؟!
حتي يقفز احد علي شرعيته
عبد الناصر صاحب الانقلاب و هذا شرعية
السادات صاحب قرار الحرب و هذه شرعية - حتي لما خرج الناس ضد في 77 هدؤا بعدما تراجع عن قرارته و لم يطالبوه بالرحيل لأن له شرعية
ديجول صاحب شرعية انتخابا و بطلا للمقاومة الفرنسية
اوباما صاحب شرعية
نتنياهو صاحب شرعية
انا مصري ابا عن جد و لي شرعية

ايوة كلامك صحيح مليون في المية
لكن في المقابل مش من حق الموجودين في التحرير اعتبار انفسهم بيمثلوا الشعب المصري كله
او انهم بيعبروا عن الشعب المصري كله
عايز دليل واحد خد جولة في المنتدي شوف كام واحد معاهم وكام واحد ضدهم دلوقت

علي فكره السادات لما مات انا كان عندي 6 سنين اقسم بالله انا فاكر اليوم ده كنا في الكويت كان فيه اغاني معده لليوم ده بمجرد
نشر خبر المنصه كل الدول العربيه كانت مشغله اغاني شماته فيه وفي ناس مصرين كتير كانوا فرحانين لما مات زي ما كان فيه ناس زعلانه تفتكرو كام واحد اترحم علي السادات وايامه لما شاف مبارك من العرب او المصرين
اللي هيجاوب علي السؤال ده صح هيعرف ان لما مبارك يمشي مفيش اي ضمان انه اللي جاي بعده ملاك مع التسليم ان مبارك انتهي اكلينيكيا

انا كنت في مصر وكنت اكبر منك شوية ومش هوصف لك حالة البلد ايامها بس بصراحة مقارنة بالايام دي كانت ارحم سبحان الله كل ما يوم اسود يعدي واقول مش هايجي زيه يجي الاسود منه
الدول العربية كلها كانت كرهاه ونقلت جامعة الدول العربية لتونس مفيش غير الامارات الله يرحمك يا زايد
بس الشعب هنا معظمه كان زعلان
والجماعات الاسلامية احتلت محافظة اسيوط ومعارك وحاولوا يستولوا على التليفزيون والبلد دخلت في دوامة وبردو حظر تجول زي اليومين دول بس ساعتها الدكر كان يطلع من بيته كان الجيش يطخه

دكتور محمد
اعذرني بس انا لازم اسجل رأيي
انا شايف انك بقى لك فترة بتدافع باستماتة و بكثافة عن النظام مش عن التهدئة
و بتهاجم الثورة و كل اللي فيها بكل عنف و استماتة و كقافة برده
و خايف من حاجات كتير جدا , من اول الفوضى بعد رحيل مبارك لحد تدخل الدول الخارجية مرورا بالاخوان و ايران و اسرائيل و ان الثورة تاكل عيالها مع قائمة مخاوف طويلة للغاية
و مندهش جدا من الموقف ده منك
قبل ما تقول يا دكتور اني بالمح او مش بالمح , انا كلامي لا يتجاوز سطوره , لكن دهشتي هي اللي مالهاش حدود

لا طبعا فاهم انت بتقول كدة ليه وعارف انه مش تلميح هو تعجب ودهشة بس
الناس اللى قابلتني ايام ما كان فيه مقابلات او الطلبة بتوعي عارفين اني ضد نظام حكم مبارك وبشدة لما كان في عز مجده واتحديث امن الدولة بتوع الجامعة واللى بيجوا مع الطلبة المساجين ونفذت كلامي بس دلوقت انا مش بتكلم عن اشخاص انا بتكلم عن دولة بتضيع وبتتعرض لاخطار داخلية وخارجية وناس مش عارفة هي عايزة ايه وناس بتسيرها وكوارث هندخل عليها
عمري ما اهاجم الثورة اللى بدات يوم 25 لغاية يوم 28 وراجع الموضوعات في الوقت ده هتلاقي اني كنت مشارك في المظاهرات
بس رافض التعنت الموجود من الناس اللى بتتكلم باسم الثورة دلوقت وانهم بيطلبوا طلبات مالهاش سقف ومش عارفين ازاي طلباتهم تتنفذ
وفي المقابل خايف من تدخلات كتيرة جدا شايفها من كل الجهات سواء بشكل ظاهر او متخفي من تحت السطح
وقرائتي للثورات والاحداث سواء في التاريخ البعيد او القريب محسساني اننا داخلين على كارثة
عرفت خايف من ايه ؟
انا مع الثورة النقية البريئة اللى خرج فيها الشعب المصري بكل طوائفه وفي مقدمته الشباب يوم 25 ويوم 28 ومش مع اللى موجود دلوقت (طبعا وقعت 26 لاننا كنا حوالى الف بس في الشوارع المحيطة بالتحرير ومكانش حد عارف هايستمر ولا لا - ويوم 27 لان الكل كان بيستريح استعدادا ليوم 28)

بالفعل يا د محمد التبست علي تواريخ التعديلات الدستورية 2007 و انتخاب الرئيس 2005

شكرا علي التنبيه

العفو يا دكتور زيزو احنا بنتعلم كلنا من بعض وصدقني المناقشات معاك بتفيدني جدا

[Dr Zezo]

لكن في المقابل مش من حق الموجودين في التحرير اعتبار انفسهم بيمثلوا الشعب المصري كله

هو حضرتك المبادئ المذكورة بالاعلي " اليست مطالب مشروعة يقرها اي مصري بلا تردد

بل و اقرتها السلطة " رئيسا و نائبه و خصوا ثنائهم شباب مصر الواعي الذي خرج يوم 25 يناير - قبل ان تركب الموجة اجندات خاصة حسب قولهم -الذي كان هتافهم الشعب يريد اسقاط النظام "و الجيش اقرها كذلك " و لا ينفذونها في تناقض غريب "

اذا طالب بها احد صار يتعدي علي حقك و علي رأيك ؟!
هناك اساسيات لا رأي لأحد فيها الحق في الحرية و العدالة لا تحتاج الي صندوق انتخابي او احصاء للاصوات !!
و اظن ان احدا ممن بالتحرير و غيره من الميادين لم يقرر عن اي احد فينا ان فلان هو الاصلح و علان هو الانسب

فقط يطالب بمبادئ و هياكل تنظيمية اذا وضعت

تتفضل حضرتك و نحن معك فيما بعد و كل منا يختار مايحب بلا اي خلاف
اعتقد ان معني ما اريده يلخصه الفرنسي فولتير

إنني مستعد أن أموت من اجل أن أدعك تتكلم بحرية مع مخالفتي الكاملة لما تقول

[dr-mohamed]

هو حضرتك المبادئ المذكورة بالاعلي " اليست مطالب مشروعة يقرها اي مصري بلا تردد

بل و اقرتها السلطة " رئيسا و نائبه و خصوا ثنائهم شباب مصر الواعي الذي خرج يوم 25 يناير - قبل ان تركب الموجة اجندات خاصة حسب قولهم -الذي كان هتافهم الشعب يريد اسقاط النظام "و الجيش اقرها كذلك " و لا ينفذونها في تناقض غريب "

اذا طالب بها احد صار يتعدي علي حقك و علي رأيك ؟!
هناك اساسيات لا رأي لأحد فيها الحق في الحرية و العدالة لا تحتاج الي صندوق انتخابي او احصاء للاصوات !!
و اظن ان احدا ممن بالتحرير و غيره من الميادين لم يقرر عن اي احد فينا ان فلان هو الاصلح و علان هو الانسب

فقط يطالب بمبادئ و هياكل تنظيمية اذا وضعت

تتفضل حضرتك و نحن معك فيما بعد و كل منا يختار مايحب بلا اي خلاف
اعتقد ان معني ما اريده يلخصه الفرنسي فولتير

إنني مستعد أن أموت من اجل أن أدعك تتكلم بحرية مع مخالفتي الكاملة لما تقول

بعيد عن الشعار الاخير الذي لا ينفذ ابدا عند الخلاف على ارض الواقع
المطالب دي نص الشعب المصري ميعرفش عنها حاجة
سيبك من المثقفين والمتعلمين واللى بيدخلوا نت او يهمهم الحرية والديمقراطية
فيه اكتر من 50 % في البلد مش بيعرفوا يقروا
وفيه ناس كتير جدا ضد الفوضي
هما عارفين ان فيه فوضي السبب بقة الحكومة الناس اللي في التحرير مش مهم المهم يرجعوا لحياتهم الطبيعية
وانزل المناطق الشعبية واتكلم مع الناس
مش مصدق اتصل بيا بكرة ونلف انا وانت في منطقة كاملة واسئل الناس بنفسك


مع ملاحظة انى موافق تماما على المطالب المشروعة وعلى ضرورة تنفيذها لكن ضد اني شوية شباب مش عارفين يعني ايه دستور اصلا وميعرفوش كلمة عن الدستور يقفوا يفتوا ويقولوا لازم الدستور يتغير لازم يرحل فورا هو هبل ولا كلام على الفاضي
مش لازم التغيير يحصل بطريقة سليمة علشان ميطلعش ناس بعد كدة تقول ان اللى اتعمل غلبط ولازم يتعدل

[Dr Zezo]

-
الشعار طبق بفاعلية و نجاح محدود الي الان
بغض النظر ان هناك من مئات بالفعل ماتوا منهم العلماني و الاخواني و السلفي و من لا ينتمي الي جهة محددة كي نستطيع اليوم نكتب بحرية اكبر
كي نتكلم اليوم عن تغيير حكومة - و بالرغم كونها شئ فرعي - الا اننا لم نكن ابدا نفهم كيف تأتي الحكومات و لماذا ترحل
عفوا سيدي
انتهي الامر
الشعار تم تطبيقه علي الارض

---

و من قال ان نصف المصريين لا يقرأون و من قال ان الاصلاح لكي يتم لابد من وجود 50% من الناس واعيين و مدركين

قبل اي شئ ذكرت - و ليس كلامي - ان الامم تحتاج الي 15% فقط من سكانها كي تقوم ثورات و اصلاحات
و يتم ادارتها بشكل صحيح
فكرة ان الغالبية تكون فاهمة و عارفة غير موجودة
الامريكان و لديهم ديموقراطية لا ينتخب فيهم الا اقل من 50%
المواطن الامريكي العادي لو نزلت اليه في الشارع و سألته عن الاحوال الدولية و سياسات بلاده ستجد اغلبهم اجهل من الدابة

فقط هم يمتازون عنا
بأن من لا يعرف منهم يجلس في البيت
بينما من يعرف يكون في العمل يفتح لأمته افاقا رحبة

و بسيستم يسير عليه الجميع يجعل الامر سهلا علي من يعلم و من لا يعلم
و نحن العكس

و انا لا يهمني حقا ان اعلم احدا بتفاصيل شئ و اوضحها لأحد في الشارع
هذه مهمة عسيرة بمجئ التغيير المنشود سوف يحس بها و يستجيب لها و يرتقي الي مستواها
الان
يهمني فقط من لديه الخلفية و القدرة علي الحوار كي احدثه
و بالفعل يجب ان يرحل لأنه لو بقي لن يرحل و سيسومنا سوء العذاب
ما كان يمنعه سابقا من التنكيل بنا - الا و هي غضبتنا - ظهرت و حطمنا كبرياءه
ماذا بقي لدينا ليردعه عنا
النزول مرة اخري
لن يمكن
سيدي اجهزة الامن لها تكتيكاتها و تدرس الامور جيدا و ستدرك ما اخطأت فيه هذه المرة و ماهي الضربات الاستباقية التي يجب ان توجهها باكرا بعد ان تعلمت الدرس و فهمت نقاط ضعفنا
اما الان
و اما ذل و هوان سيجعل عذاب فرعون لقوم موسي اشبه بالنزهة
---

الحوار يسير علي نحو ايجابي بشكل يزيل نقاط الخلاف و يزيد نقاط الاتفاق
و المنحني اخذ بالصعود
لنكتشف بالنهاية انه لا توجد فتنة
و اننا في نفس الصف
تحياتي

[تامر.محمد]

استمر يا زيزو
انا و الله مستمتع بالحوار جدا

[Dr Zezo]

فاكر يا باش مهندس و اذان الفجر ينطق بالحق الان
منذ عام و شهر في موضوع غزة عندما كنا نتناقش و ذكرت لك ان التغيير يبدأ من القاهرة و ليس من غزة

يارب اتم الحلم علي خير و حقق لنا النصر علي من بالداخل ثم من والهم من الخارج