استفتاء: هل توافق علي استمرار التظاهر في ميدان التحرير ام لا ؟؟؟؟؟؟

[dr-mohamed]

احنا عملنا موضوعات كتير بتناقش الوضع في البلد وفي التحرير وطبعا احنا جزء من الشعب المصري وبنمثل معظم فئاته وحصل بيننا الاختلاف بي نمؤيد ومعارض للاستمرار في التظاهر وكل منا معتقد ان رايه الصحيح مثلنا مثل من في التحرير ومن هم خارج ميدان التحرير
دلوقت يا ريت الموضوع يكون من غير اي تعليقات ولا انا كمان هعلق في الموضوع ده تاني
مجرد اننا عايزين نعرف النسبة تقريبا باعتبارنا شريحة من المجتمع المصري ككل

[FunnyMickey]

هههههههههههههههههههههههههه
الله علي نتيجه التصويت وانا لوحدي
اكتساااااااااااااااااااااااااااااااااااااااح

بصراحه انا رأيي ان الشباب دي عملت اللي عليها
والاضواء ابتدت تنحسر من عليهم
والتأييد الشعبي مبقاش معاهم
وبالتالي يكون من الغباء السياسي الاستمرار علي نفس الموقف
لابد من تغيير السياسه

لازم يفضوا التظاهر فورا
ويبتدوا يعيدوا ترتيب اوراقهم
وتنظيم صفوفهم
واهي فرصه لتصفيه ميدان التحرير
من العملاء والخونه واصحاب المصالح الشخصيه من احزاب

ثم الانتظار فتره ولنقل مثلا شهر
لنري ما ستقوم به الحكومه والحزب

لو بدأوا في الاستجابه للمطالب
فخيرا واهلا وسهلا

اما لو بدأوا الالتفاف حول جهات التظاهر ومحاوله تصفيتهم عن طريق وزاره الداخليه في مده ال7 اشهر
فهنا سينادينا ميدان التحرير مره اخري
ولتخرج المظاهرات مره اخري

الفرق في الدعم الشعبي
اما يكون الناس الي في بيوتها قاعده بقلوبها معاهم
زي ما حصل يوم 25 و26 و27 و28
كنا كلنا علي قلب رجل واحد
عشان كده المطالب استجيبت وحصل حراك سياسي

انما دلوقتي التيار مش معاهم اطلاقا
وناس كتير ابتدت تنتقد الوضع
لما له من خراب سياسي وامتي واجتماعي واقتصادي
بدأت الاموال في النفاذ ولابد من تغيير سياسه التظاهر حتي لا تنكسر امام تيار لقمه العيش

[dr-mohamed]

الله يخرب عقلك يا ميكي
يا عم بقول صوت بس من غير تعليق تقوم تعملي تعليق صفحة ومتصوتش
اصوت انا ؟؟؟؟؟

[FunnyMickey]

عليا الطلائع صوتت اول واحد
وقلت اشرح وجهه نظري
عشان مطلعش ولا خاين ولا عميل

[dr-mohamed]

عليا الطلائع صوتت اول واحد
وقلت اشرح وجهه نظري
عشان مطلعش ولا خاين ولا عميل

ههههههههههههه
يا عم اسكت الله يهديك
ما انت في النهاية ايا كان الصوت بتاعك هاتبقي في كل الاحوال يا اما خائن يا اما عميل يا اما بتاخد وجبة من كنتاكي يا اما واخد 50 جنيه محدش بيفلت من الاتهامات اليومين دول

[dr-mohamed]

للرفع

[أبو عبدالله]

صياغة الأستفتاء لوحدها تكشف ما تريده من الأستفتاء
يعني ايه :
موافق على استمرار التظاهر حتي تنفيذ المطالب ايا كانت وايا كانت المدة التي ستستغرقها

طيب ممكن تقول استمرار المظاهرات للأنتهاء من النظام الفاسد او لحين تحقيق الديمقراطية اللي ولادنا هيعيشوا فيها السنين القادمة او لحين تغيير التاريخ المصري او لحين استرجاع كرامة المواطن المصري او ... او ... او ... او ....

يعني حاجات كتير
انتم عاوزين التغيير ببلاش
ايه المهزلة دي
أقل من اسبوعين ومش عارفين تستحملوا
تونس اللي هيا مع كامل احترامي لها كدولة اقل مننا في حاجات كتير من حيث الحجم وتعداد السكان وكل حاجه واقعدت شهر
انتم بقه مستحملتوش اسبوعين
طيب تخيل لو التونسيين كانو عملوا كده
كان الوضع هيبقى ايه

يا جدعان بجد حرام اللي بتعملوه
والله ثم والله هتكتب في التاريخ وهتنكسف من نفسك لأنك كنت بتحاول تجهض هذه الثورة
اللهم اهدنا لما تحبه وترضاه
اللهم ارنا الحق حقا وارزقنا اتباعه وارنا الباطل باطل وارزقنا اجتنابه

[ghazy12]

انا رأي الشخصي ان التظاهرات تستمر لفتره محدده و لتنفيذ مطالب محدده
بعيداً عن المطالب الاساسيه و ده ليه سبب مهم و من وجهة نظري سبب وجيه,
و هو ان النظام المتمثل في شخص الرئيس مبارك و الحكومه الجديده بتعهد
بعدم التعرض لاي من (الشباب) المتظاهرين في ميدان التحرير مع الالتزام
من خلال هذه الوثيقه بتنفيذ جميع المطالب التي لا خلاف عليها من قبل
اي انسان مصري طبيعي في جمهورية مصر العربيه....

الشباب خايفه يا دكتور و خوفهم متركز في حاجتين, و دي بجد مخاوفهم...

1- إما الناس دي هيتم اعتقالها بمجرد الخروج او فض التظاهرات

2- أو هيتم تصفيتهم بطريقة من قبل بعض البلطجيه بنفس سيناريو 2 فبراير

حقهم يخافوا على نفسهم, و مجهودهم, و مطالبهم, و الاهم (( شهدائهم ))
و دمهم اللي نزفوه على ارض ميدان التحرير, و للتذكره فقط...

اكثر من 300 شهيد, و آلاااف الجرحى... ماظنش ان ده رقم يستهان بيه

سيبك بقى من الاجندات, و كنتاكي, و الدولارات و اليورو, و الاجانب
و العملاء, و الناس اللي اتدربت في اسرائيل و امريكا و الكلام الفارغ
اللي بيضحكوا بيه على الناس ده, و للاسف ده اسفاف و استخفاف بعقول
ملااااايين المصريين اللي للاسف صدقوا كلام الاعلام المصري الغير مسؤل

اللي بقوله ده مش عن سمع على فكره, لكن انا ماشوفتش بعيني الكلام ده
في ميدان التحرير خالص, و عيب قوي لما نقول كده على شباب غيرت
مصر بجد, و تغيير مافيش شخص كان يحلم بيه و لا في اجمل احلامه...

انا مش مع انهم يفضلوا في التحرير بعد تحقيق مطالبهم (اللي لسه هتتحقق)
لان لسه لم يتم تنفيذ فعلي للمطالب المشروعه دي إلا بنسبة 25% تقريباً
لكن بعد التعهد ده يبقى كده مافيش اي داعي للتظاهر او المكوث في ميدان
التحرير اكثر من كده و نبدأ نشتغل و نركز في مرحله جديده محترمه
و نظيفه في تاريخ مصر, و اخذ خطوات للاصلاح من انفسنا كمان
مع الاصلاحات السياسيه الكتير دي, لاننا فعلاً محتاجين نصلح من نفسنا
كتيييييييير علشان نقدر نقوم البلد دي تاني, و نخليها من اقوى الدول
في الشرق الاوسط اقتصاديا و سياسياً و علمياً و عسكرياً و من كل النواحي

ده رأي الشخصي المتواضع بشكل عام, و ربنا معانا الفتره اللي جايه...

تقبل خــالص تحياتي يا دكتور...

[Lion_Heart]

حاسس ان ممكن كمان يضاف
التظاهر فى اماكن محددة و معروفة ( او فقط جنينة التحرير مش الشوارع نفسها ) مع السماح بمرور السيارات و استئناف الحياة و يتظاهروا زى ما هما عاوزين

[amado ibrahim]

المعركة اصبحت معركة قوة تحمل
وان كنت اعتقد ان صاحبنا هيسلم ان شاء الله على يوم الجمعة الجاى (كنوع من العند مش اكثر لانه عارف ان الموضوع شبه منتهى

و الموضوع بدأت بشايره النهاردة بتغيير الطقم القديم تحت شعار (انسف حمامك القديم) كرد فعل غلى جمعة الرحيل
(حد يصدق ان جوجو يمشى)

واهو بكره الاحد (أحد الشهداء)
توقع رد فعل على الاثنين غالبا واحدة من 2
-الغاء حالة الطوارى
-حل مجلسى الشعب والشورى
الثلاثاء
رد فعل يوم الاربعاء (حاجة من الخيارات اللى فاضلة فوق

الجمعة
سبت الوداع
- الكبيرة بقى ( الاستقالة من الحزب الوطنى و تفويض مهام للنائب)

[maka]

و بشر الصابرين.......... يعنى صبرنا 30 سنة على الذل مش قادرين نصبر شوية لما الشباب اللى ورنا النور يضمنوا سلامتهم او حتى اقل تقدير يطلع اعتذار رسمى عن الشهداء

و محدش ينسى اننا اخدنا وعود فقط بدون ادنى مستوى لتنفيذ الطلبات

[amado ibrahim]

معاك حق 100%
موضوع الصبر ودم اشهداء
ده اول حاجة

[mahmoudysf]

حتى صياغتك لاختيار بنود الاستطلاع
لم تخلو من رايك
موافق على استمرار التظاهر حتي تنفيذ المطالب ايا كانت وايا كانت المدة التي ستستغرقها
اسلوب فيه ترهيب وتخويف ان ما فيهش هدف ولا معنى للتظاهر
واكتفيت من ناحية تانية
بكلمة انهاء التظاهر فورا
وكان ممكن تقول برضة بدل كدة
انتهاء التظاهر فورا بدون الوصول لنتائج المطلوبة وربنا يعوض اهالي الشهداء وتتعوض المرة الجاية
يا ريت يا جماعة الككل يصوت في الاستطلاع

[Egyzizo]

YouTube - ‫ط¹ظ…ط±ظˆ ط§ط¯ظٹط¨ ظˆ ط®ظˆظپ ظ…طھط¸ط§ظ‡ط±ظٹظ† ط§ظ„طھطط±ظٹط± ظ…ظ† ط¹ظˆط¯ط© ط§ظ„طظٹط§ط© ط§ظ„ظ‰ ط·ط¨ظٹط¹طھظ‡ط§ ظˆ ظƒظ„ط§ظ… ظ‡ط§ظ… ط¬ط¯ط§‬‎

[dr-mohamed]

صياغة الأستفتاء لوحدها تكشف ما تريده من الأستفتاء
يعني ايه :
موافق على استمرار التظاهر حتي تنفيذ المطالب ايا كانت وايا كانت المدة التي ستستغرقها

لان المطالب غير محددة بشكل نهائي حتي الان وتتزايد كل يوم ان لم يكن كل ساعة ولذلك تركت اول اختيار مفتوح ووضعت الاختيار الثاني وهو الانتهاء بعد فترة محددة وبعد تنفيذ مطالب محددة

طيب ممكن تقول استمرار المظاهرات للأنتهاء من النظام الفاسد او لحين تحقيق الديمقراطية اللي ولادنا هيعيشوا فيها السنين القادمة او لحين تغيير التاريخ المصري او لحين استرجاع كرامة المواطن المصري او ... او ... او ... او ....

ده الاختيار التاني لو مش ملاحظ

يعني حاجات كتير
انتم عاوزين التغيير ببلاش
ايه المهزلة دي
أقل من اسبوعين ومش عارفين تستحملوا
تونس اللي هيا مع كامل احترامي لها كدولة اقل مننا في حاجات كتير من حيث الحجم وتعداد السكان وكل حاجه واقعدت شهر

تونس لم تنتهي حتي الان وبالامس هناك قتيلين في تونس و13 مصاب وانقسم الشارع هناك الي جماعات كثيرة متحاربة ومتعارضةوهي كما قلت انت بنفسك اقل منا على الاقل في التعداد



يا جدعان بجد حرام اللي بتعملوه
والله ثم والله هتكتب في التاريخ وهتنكسف من نفسك لأنك كنت بتحاول تجهض هذه الثورة
اللهم اهدنا لما تحبه وترضاه
اللهم ارنا الحق حقا وارزقنا اتباعه وارنا الباطل باطل وارزقنا اجتنابه

لا كدة بقة دخلنا في خانة الغلط لما تتكلم معايا تتكلم بطريقة احسن من دي ولما انا اللى خرجت في كل المظاهرات بدون دافع الا مصلحة البلد هاتكسف من نفسي الناس اللى مخرجتش خالص هاتعمل ايه والناس اللى خرجت بعد انتهاء المظاهرات وراحت تعكسر في التحرير علشان تحقق مطالب جماعتها بحجة انها مطالب الشعب هاتعمل ايه
مالكش دعوة بغيرك ولما تتكلم عن غيرك تتكلم عنه باحترام ما دمت متعرفهوش

حاسس ان ممكن كمان يضاف
التظاهر فى اماكن محددة و معروفة ( او فقط جنينة التحرير مش الشوارع نفسها ) مع السماح بمرور السيارات و استئناف الحياة و يتظاهروا زى ما هما عاوزين

ممكن بس معرفتش اضيفها للاختيارات دلوقت

حتى صياغتك لاختيار بنود الاستطلاع
لم تخلو من رايك
موافق على استمرار التظاهر حتي تنفيذ المطالب ايا كانت وايا كانت المدة التي ستستغرقها
اسلوب فيه ترهيب وتخويف ان ما فيهش هدف ولا معنى للتظاهر
واكتفيت من ناحية تانية
بكلمة انهاء التظاهر فورا
وكان ممكن تقول برضة بدل كدة
انتهاء التظاهر فورا بدون الوصول لنتائج المطلوبة وربنا يعوض اهالي الشهداء وتتعوض المرة الجاية
يا ريت يا جماعة الككل يصوت في الاستطلاع

الاستطلاع فيه 4 اختيارات اولها الاستمرار الدائم ايا كانت المطالب لان المطالب غير محددة بشكل نهائي للان واتحدي اي واحد يقول انه عارف سقف المطالب والاختيار التاني انهائه بعد فترة محددة وبعد تحقيق مطالب محددة والتاني انهاء التظاهر فورا يعني بغض النظر عن تحقيق اي مطلب والرابع ان التظاهر لا يهمه في شئ ولو حضرتك عملت استبيانات قبل كدة هتلاقي ان الاستبيان صحيح وفيه كل الاحتمالات الممكنة لكن المفروض كان يضاف خانة اخري لكن للاسف لا مكن اضافتها لان المفروض يبقي فيه مكان لاضافة الراي وهو غير متاح هنا
ليه مشفتش الاختيار التاني ولا هو اتحذف وانا مش واخد بالي