استفتاء: هل توافق علي استمرار التظاهر في ميدان التحرير ام لا ؟؟؟؟؟؟

[ahmed-moga]

انا رأي الشخصي ان التظاهرات تستمر لفتره محدده و لتنفيذ مطالب محدده
بعيداً عن المطالب الاساسيه و ده ليه سبب مهم و من وجهة نظري سبب وجيه,
و هو ان النظام المتمثل في شخص الرئيس مبارك و الحكومه الجديده بتعهد
بعدم التعرض لاي من (الشباب) المتظاهرين في ميدان التحرير مع الالتزام
من خلال هذه الوثيقه بتنفيذ جميع المطالب التي لا خلاف عليها من قبل
اي انسان مصري طبيعي في جمهورية مصر العربيه....

الشباب خايفه يا دكتور و خوفهم متركز في حاجتين, و دي بجد مخاوفهم...

1- إما الناس دي هيتم اعتقالها بمجرد الخروج او فض التظاهرات

2- أو هيتم تصفيتهم بطريقة من قبل بعض البلطجيه بنفس سيناريو 2 فبراير

حقهم يخافوا على نفسهم, و مجهودهم, و مطالبهم, و الاهم (( شهدائهم ))
و دمهم اللي نزفوه على ارض ميدان التحرير, و للتذكره فقط...

اكثر من 300 شهيد, و آلاااف الجرحى... ماظنش ان ده رقم يستهان بيه

سيبك بقى من الاجندات, و كنتاكي, و الدولارات و اليورو, و الاجانب
و العملاء, و الناس اللي اتدربت في اسرائيل و امريكا و الكلام الفارغ
اللي بيضحكوا بيه على الناس ده, و للاسف ده اسفاف و استخفاف بعقول
ملااااايين المصريين اللي للاسف صدقوا كلام الاعلام المصري الغير مسؤل

اللي بقوله ده مش عن سمع على فكره, لكن انا ماشوفتش بعيني الكلام ده
في ميدان التحرير خالص, و عيب قوي لما نقول كده على شباب غيرت
مصر بجد, و تغيير مافيش شخص كان يحلم بيه و لا في اجمل احلامه...

انا مش مع انهم يفضلوا في التحرير بعد تحقيق مطالبهم (اللي لسه هتتحقق)
لان لسه لم يتم تنفيذ فعلي للمطالب المشروعه دي إلا بنسبة 25% تقريباً
لكن بعد التعهد ده يبقى كده مافيش اي داعي للتظاهر او المكوث في ميدان
التحرير اكثر من كده و نبدأ نشتغل و نركز في مرحله جديده محترمه
و نظيفه في تاريخ مصر, و اخذ خطوات للاصلاح من انفسنا كمان
مع الاصلاحات السياسيه الكتير دي, لاننا فعلاً محتاجين نصلح من نفسنا
كتيييييييير علشان نقدر نقوم البلد دي تاني, و نخليها من اقوى الدول
في الشرق الاوسط اقتصاديا و سياسياً و علمياً و عسكرياً و من كل النواحي

ده رأي الشخصي المتواضع بشكل عام, و ربنا معانا الفتره اللي جايه...

تقبل خــالص تحياتي يا دكتور...

بشمهندس غازي ازي حضرتك
ومتفق معاك يابشمهندس غازي هو ده اللي ابتدا يحصل وفعلا حاسس بالغدر من ناحيتهم
انا مابقتش قادر اوصل لقرار الكلام بتاعهم حلو وجميل بس اللي بدأ يظهر منهم يخوف فعلا وخصوصا مع شخصيه شديده الصرامه والدهاء زي عمر سليمان فعلا انا مش مطمن ربنا يستر

[M7amD_7amDy]

لو سمحت يادكتور محمد ممكن تقولى لو الناس دى روحت وكل الناس
بقت بتفكر زيك وسمعنا كلام الحكومة اللى طول عمرها غير صادقة بالمرة

وطلع فى الأخر كل ده كذب وخداع للشعب ومماطلة على الفاضى والشعب اتنفخ بعد كده ومطولناش لاحق ولا باطل
وحق الناس اللى ماتت دى راح هدر

ممكن تقولى ممكن نعمل ايه مع حضرتك؟ بما إنك بتدافع بإستماتة على تصديق كلام الحكومة؟ أو مع الناس اللى بتأيد رأي حضرتك؟

مش ممكن تلاقى مثلا واحد إنت أقنعته برأيك وكان ابنه او اخوه او اى حد ليه مات فى المظاهرات دى جاى يقتلك مثلا؟؟؟؟!!!!!

وشكرا ليك

[Lion_Heart]

لو سمحت يادكتور محمد ممكن تقولى لو الناس دى روحت وكل الناس
بقت بتفكر زيك وسمعنا كلام الحكومة اللى طول عمرها غير صادقة بالمرة

وطلع فى الأخر كل ده كذب وخداع للشعب ومماطلة على الفاضى والشعب اتنفخ بعد كده ومطولناش لاحق ولا باطل
وحق الناس اللى ماتت دى راح هدر

ممكن تقولى ممكن نعمل ايه مع حضرتك؟ بما إنك بتدافع بإستماتة على تصديق كلام الحكومة؟ أو مع الناس اللى بتأيد رأي حضرتك؟

مش ممكن تلاقى مثلا واحد إنت أقنعته برأيك وكان ابنه او اخوه او اى حد ليه مات فى المظاهرات دى جاى يقتلك مثلا؟؟؟؟!!!!!

وشكرا ليك

اسمحلى اقول لحضرتك الحكومة دى عمرها كام يوم بس و ماتقوليش ان دى نفس الحكومة اللى فاتت خالص عشان لو قلنا كده نبقى غلطانيين

و معلش الايام دى يالذات التاريخ هوه اللى بيكتب مش انا او حضرتك و ده اكيد مش غايب عن اتنين زى النائب عمر سليمان او الفريق احمد شفيق و اكيد العبرة امامهم و مش هيغامروا ان يتقال عنهم كذا او كذا

فياريت نساعدهم مش نشتتهم او نرفض مجرد الاعتراف بهم كأشخاص و الصاق تهمة انهم من النظام القديم و خلاص
و فى يقينى ان شخصيات زى دى هى اللى دقت آخر مسمار فى نعش امانة الوطنى و لجنة السياسات لأن عمرهم ما كانوا هيسمحوا بتدخل اراجوزات النظام الراحل فى المرحلة دى

و تانى بكرر ان الاتنين دول بالذات اتحملوا الموقف ده و مهربوش منه او اتعللوا بأى حاجة و هربوا من المسؤلية لكن مجرد وجودهم و تحملهم المسؤلية عمره ما هيكون مغامرة بتاريخهم و شرفهم امام التاريخ و شعب مصر
قياريت نساعد نفسنا قبل ما نساعدهم و نديهم امل فينا و احنا كمان نحط امل فيهم
و كل واحد فينا بقى عارف ان قبل 25 يناير مش زى اللى بعده و بقى سهل جدا تكرار ما يحدث من تظاهرات و ساعتها هتلاقى كل الناس مش بعضها
فياريت شوية امل .... شوية بس

[ashouhdy]

56 نعم

42 لأ

[ashouhdy]

مبارك مستمر فى رئاسة الحزب و الشريف لسة فى الشورى وزغردى يأنشراح ومحصلش حاجة من وعود الرئيس وبقالنا كام يوم

أدى الوعود و الحكومة الجميلة

[Dr Ahmed]

في الاستطلاع اختيارين لبقاء التظاهر واختيار واحد لفضه
دا يستلزم جمع حصيلة الاختيارين 1 و 2 ليكون الاستطلاع: موافق على استمرار التظاهر أم لا توافق
عموما أنا مصوتش لإن فيه اختيار لم يضف للاستطلاع وهو استمرار التظاهر لتحقيق مطالب محددة (وليس أيا كانت كما فى الاستطلاع) والتظاهر يطول زى ما يطول.

دا استطلاع تانى أكثر تحديدا:

http://www.nilemotors.net/Nile/199956-a.html

[عزيز محمد]

في الاستطلاع اختيارين لبقاء التظاهر واختيار واحد لفضه
دا يستلزم جمع حصيلة الاختيارين 1 و 2 ليكون الاستطلاع: موافق على استمرار التظاهر أم لا توافق
عموما أنا مصوتش لإن فيه اختيار لم يضف للاستطلاع وهو استمرار التظاهر لتحقيق مطالب محددة (وليس أيا كانت كما فى الاستطلاع) والتظاهر يطول زى ما يطول.

دا استطلاع تانى أكثر تحديدا:

http://www.nilemotors.net/Nile/199956-a.html

موافق جدا

[ashouhdy]

بصصوا كويس على الصورة وشوفوا بجد قد اية بيشبهوا كل واحد فينا

والله بكيت لما شفتها

[ghazy12]

بصصوا كويس على الصورة وشوفوا بجد قد اية بيشبهوا كل واحد فينا

والله بكيت لما شفتها

الشهيد المهندس / محمد محروس... صديق لينا و اعرفه

شوف في كام بيت يعرف واحد من الشهداء دول و غيرهم كتيييير و قلبهم اتحرق عليهم...


حاجه تانيه و دي شهاده مهمه جدااا لاني عمال بسمع كلام عجيب عن البرادعي, الموضوع
ببساطه و بعيداً عن ترشح البرادعي للرئاسه من عدمه, لكن البرادعي (( مش خــاين ))

كتيير من الناس اتضحك عليها بكذبة ان البرادعي كتب تقرير عن وجود اسلحه داخل العراق
و بالتابعيه ساعد في دخول امريكا للعراق, بل انه هو اللسبب..!!!! ده كلام (( كذب ))

انا قريبتي دكتوره في الطاقه الذريه و عايشه في فيننا و كانت مساعدة البرادعي لما كان في
الطاقه الذريه... و تقرير الراجل ده كان بوضوح ( نفي تااام ) لوجود اسلحه نوويه او بيولوجيه في العراق
و ده اللي امريكا ماسمعتوش لانها كانت عايزه تدخل العراق بغض النظر عن التقرير...

الراجل ده مش عميل, و لا هو اللي خرب العراق, و لا هو اللي خان العرب و العراق و هيكمل علينا..!!

انا واحد من الناس لو البرادعي رشح نفسه للرئاسه, مش هنتخبه لاني مش شايف انه يصلح
لمنصب رئيس الجمهوريه, و شايف انه ممكن يمسك مناصب اخرى بعيداً عن الرئاسه...

ربنا يرحمنا من الشائعات و الاكاذيب و يهدينا للطريق السليم...

[ashouhdy]

البقاء لله يابشمهندس

والكارئة ان مفيش حد من رئاسة الجمهورية بحكومتها جاب سيرتهم ولا حتى قال كلمة رثاء ليهم

حسبى الله ونعم الوكيل

[أبو عبدالله]

لا كدة بقة دخلنا في خانة الغلط لما تتكلم معايا تتكلم بطريقة احسن من دي ولما انا اللى خرجت في كل المظاهرات بدون دافع الا مصلحة البلد هاتكسف من نفسي الناس اللى مخرجتش خالص هاتعمل ايه والناس اللى خرجت بعد انتهاء المظاهرات وراحت تعكسر في التحرير علشان تحقق مطالب جماعتها بحجة انها مطالب الشعب هاتعمل ايه
مالكش دعوة بغيرك ولما تتكلم عن غيرك تتكلم عنه باحترام ما دمت متعرفهوش

ممكن بس معرفتش اضيفها للاختيارات دلوقت

تصدق وتأمن بالله
انا بشفق عليك فعلا
لا حول ولا قوة الا بالله
على فكره انا مش هرد عليك لأن حضرتك مش قادر تتحاور مع من يخالفك الرأي
لأن بتحول الكلام عن مساره
يا أخي انا اتكسف اني اهاجم الثورة دي وبعدين اكتشف انها كانت صح ونجحت
ايه المشكلة سبحان الله

الشهيد المهندس / محمد محروس... صديق لينا و اعرفه

شوف في كام بيت يعرف واحد من الشهداء دول و غيرهم كتيييير و قلبهم اتحرق عليهم...


حاجه تانيه و دي شهاده مهمه جدااا لاني عمال بسمع كلام عجيب عن البرادعي, الموضوع
ببساطه و بعيداً عن ترشح البرادعي للرئاسه من عدمه, لكن البرادعي (( مش خــاين ))

كتيير من الناس اتضحك عليها بكذبة ان البرادعي كتب تقرير عن وجود اسلحه داخل العراق
و بالتابعيه ساعد في دخول امريكا للعراق, بل انه هو اللسبب..!!!! ده كلام (( كذب ))

انا قريبتي دكتوره في الطاقه الذريه و عايشه في فيننا و كانت مساعدة البرادعي لما كان في
الطاقه الذريه... و تقرير الراجل ده كان بوضوح ( نفي تااام ) لوجود اسلحه نوويه او بيولوجيه في العراق
و ده اللي امريكا ماسمعتوش لانها كانت عايزه تدخل العراق بغض النظر عن التقرير...

الراجل ده مش عميل, و لا هو اللي خرب العراق, و لا هو اللي خان العرب و العراق و هيكمل علينا..!!

انا واحد من الناس لو البرادعي رشح نفسه للرئاسه, مش هنتخبه لاني مش شايف انه يصلح
لمنصب رئيس الجمهوريه, و شايف انه ممكن يمسك مناصب اخرى بعيداً عن الرئاسه...

ربنا يرحمنا من الشائعات و الاكاذيب و يهدينا للطريق السليم...

فعلا يا بشمهندس غازي
انا افتكر ايامها لما كان البرادعي بيطلع على الفضائيات ويأكد ان العراق ليس فيها سلاح نووي
والكلام ده انا فكره جدا
وفعلا انا برضه مش مؤيده رئيس

[dr-mohamed]

لو سمحت يادكتور محمد ممكن تقولى لو الناس دى روحت وكل الناس
بقت بتفكر زيك وسمعنا كلام الحكومة اللى طول عمرها غير صادقة بالمرة
وطلع فى الأخر كل ده كذب وخداع للشعب ومماطلة على الفاضى والشعب اتنفخ بعد كده ومطولناش لاحق ولا باطل
وحق الناس اللى ماتت دى راح هدر
ممكن تقولى ممكن نعمل ايه مع حضرتك؟ بما إنك بتدافع بإستماتة على تصديق كلام الحكومة؟ أو مع الناس اللى بتأيد رأي حضرتك؟
مش ممكن تلاقى مثلا واحد إنت أقنعته برأيك وكان ابنه او اخوه او اى حد ليه مات فى المظاهرات دى جاى يقتلك مثلا؟؟؟؟!!!!!
وشكرا ليك

وتفتكر لما كنت بهاجم النظام وهو في عز جبروته وخرجت ضده في كل التظاهرات من 1991 كنت بخاف ؟؟؟؟؟؟؟؟
لا حيلة في الرزق ولا شفاعة في الموت تؤمن بها ترتاح جدا
والحكومة الجديدة طبعا مش مصدقها ببحكم الميراث السابق لكل الحكومات التي عايشتها
لكن ما هي الضمانة التي استطيع ان اطلبها من اي شخص يتولي الحكومة ايا كانت انه سيحكم بالعدل
اما كل الشهداء في الثورة فرحمهم الله جميعا وادخلهم فسيح جناته وغفر الله للاحياء والاموات
وشكرا ليك

اسمحلى اقول لحضرتك الحكومة دى عمرها كام يوم بس و ماتقوليش ان دى نفس الحكومة اللى فاتت خالص عشان لو قلنا كده نبقى غلطانيين
و معلش الايام دى يالذات التاريخ هوه اللى بيكتب مش انا او حضرتك و ده اكيد مش غايب عن اتنين زى النائب عمر سليمان او الفريق احمد شفيق و اكيد العبرة امامهم و مش هيغامروا ان يتقال عنهم كذا او كذا
فياريت نساعدهم مش نشتتهم او نرفض مجرد الاعتراف بهم كأشخاص و الصاق تهمة انهم من النظام القديم و خلاص
و فى يقينى ان شخصيات زى دى هى اللى دقت آخر مسمار فى نعش امانة الوطنى و لجنة السياسات لأن عمرهم ما كانوا هيسمحوا بتدخل اراجوزات النظام الراحل فى المرحلة دى
و تانى بكرر ان الاتنين دول بالذات اتحملوا الموقف ده و مهربوش منه او اتعللوا بأى حاجة و هربوا من المسؤلية لكن مجرد وجودهم و تحملهم المسؤلية عمره ما هيكون مغامرة بتاريخهم و شرفهم امام التاريخ و شعب مصر
قياريت نساعد نفسنا قبل ما نساعدهم و نديهم امل فينا و احنا كمان نحط امل فيهم
و كل واحد فينا بقى عارف ان قبل 25 يناير مش زى اللى بعده و بقى سهل جدا تكرار ما يحدث من تظاهرات و ساعتها هتلاقى كل الناس مش بعضها
فياريت شوية امل .... شوية بس

والله يا صديقي ما نضمن اي شئ من اي حد في هذه الفترة لكن تقدر تقول ان شفيق بالذات وضع راسه على كفه حين قبل هذه الحكومة في كل الاحوال

في الاستطلاع اختيارين لبقاء التظاهر واختيار واحد لفضه
دا يستلزم جمع حصيلة الاختيارين 1 و 2 ليكون الاستطلاع: موافق على استمرار التظاهر أم لا توافق
عموما أنا مصوتش لإن فيه اختيار لم يضف للاستطلاع وهو استمرار التظاهر لتحقيق مطالب محددة (وليس أيا كانت كما فى الاستطلاع) والتظاهر يطول زى ما يطول.

دا استطلاع تانى أكثر تحديدا:

http://www.nilemotors.net/nile/199956-a.html

والله يا دكتور احمد فيه اختيارات كتيرة فضلت اضيفها لكن للاسف بعد ما الموضوع اتعمل ومعرفتش اعدل فيه
وحاولت اشارك في استطلاعك لكن للاسف وجدته مغلق يا صديقي العزيز

[dr-mohamed]

تصدق وتأمن بالله
انا بشفق عليك فعلا
لا حول ولا قوة الا بالله
على فكره انا مش هرد عليك لأن حضرتك مش قادر تتحاور مع من يخالفك الرأي
لأن بتحول الكلام عن مساره
يا أخي انا اتكسف اني اهاجم الثورة دي وبعدين اكتشف انها كانت صح ونجحت
ايه المشكلة سبحان الله

واضح جدا مين بيحول مسار الحوار وبيهاجم شخص الاخر
ولو سمحت مفيش اي تعقيب على اي كلمة ليا بعد كدة وانا لا يمكن اعلق على كلام مثل كلامك
والثورة اللى انت بتمجد فيها دلوقت محدش سمع صوتك وقت ما كنا بندعي لها هنا في المنتدي ولا لما كنا بنشارك فيها فيا ريت بلاش متاجرة دلوقت
وانتهي الكلام

[Dr Ahmed]

واضح جدا مين بيحول مسار الحوار وبيهاجم شخص الاخر
ولو سمحت مفيش اي تعقيب على اي كلمة ليا بعد كدة وانا لا يمكن اعلق على كلام مثل كلامك
والثورة اللى انت بتمجد فيها دلوقت محدش سمع صوتك وقت ما كنا بندعي لها هنا في المنتدي ولا لما كنا بنشارك فيها فيا ريت بلاش متاجرة دلوقت
وانتهي الكلام

د محمد
أخونا أبوعبد الله أبعد ما يكون عن المتاجرة فى أى وقت وحضرتك آذيته بهذا القول
أنا متابع مواقف كل منكما ولا يمكن أن أوافق على اتهام أيكما بأى شئ يسوء

[M7amD_7amDy]

وتفتكر لما كنت بهاجم النظام وهو في عز جبروته وخرجت ضده في كل التظاهرات من 1991 كنت بخاف ؟؟؟؟؟؟؟؟
لا حيلة في الرزق ولا شفاعة في الموت تؤمن بها ترتاح جدا
والحكومة الجديدة طبعا مش مصدقها ببحكم الميراث السابق لكل الحكومات التي عايشتها
لكن ما هي الضمانة التي استطيع ان اطلبها من اي شخص يتولي الحكومة ايا كانت انه سيحكم بالعدل
اما كل الشهداء في الثورة فرحمهم الله جميعا وادخلهم فسيح جناته وغفر الله للاحياء والاموات
وشكرا ليك

طب لما حضرتك مش مصدقها إزاى مقتنع بكلامهم وبتأيده؟ وبتناشد الناس بيه؟