شركتك وضعها ايه دلوقتي

[أبو إياد]

طيب بما ان الكلام بيجيب بعضوا فانا عارف ان جوا كل واحد مننا مشروع العمر او حلم كبير او كان كبير ايا كان ياعنى المهم ان هو موجود وكل واحد فكر فيه سنين فايه المشكله لما كل واحد يقول كان بيفكر بايه ويمكن نوصل لفكره كويسه

انا هابدا بفكرتى من 5 سنين اللى فضلت تصغر تصغر تصغر لغايه لما قربت انساها

ارض كبيره ماتقلش عن 10000م وتكون موجوده فى مدينه من المدن الجديده ولتكن اكتوبر لانى من سكان الجيزه ومحدش يقولى التجمع علشان بعيد اوى عليا
الارض دى تكون متسوره بسور شكله محتر وليه اكتر من بوابه وطبعا كل بوابه عليها امن يتعمل مبنى كبير جدا وليكن على 3000م وموقعها فى منتصف المساحه الكليه والمبنى عباره عن اعمده واسقف فقط والباقى زجاج بمعنى انه لا يوجد حوائط طوب (تمام كده) باقى المساحه اللى هى 7000م عباره عن ارض مرصوفه وفيها نسبه من النجيله الخضرا
كده المكان جاهز هايتعمل ايه بقا ؟


مول سيارات

بالنسبه للمبنى هايتاجر كله لتوكيلات السيارات لعرض الموديلات الحديثه ياعنى مخصص للزيرو فقط وطبعا معاه توكيلات للمطاعم متقسمه على كل الادوار ياعنى مول بمعنى الكلمه

اما الارض اللى بره دى هاتتقسم لباكيات وكل باكيه فيها مظله علشان الشمس ودى هاتخصص لبيع السيارات المستعمله وهاتكون طبعا مرتبه ولكل نوع سياره مكان محدد وطريقه بيعها هاتكون دائمه بمعنى ان صاحب العربيه هايسلمها للاداره والاداره هى اللى هاتقوم بعرض السياره للبيع وعرض بيانتها

وطبعا المشروع لازم يدعم بمكتب شهر عقارى ووحده مرور لو امكن

وممكن نشترى حتته الارض اللى جنبينا بقا ونعملها مركز صيانه ولكوا ان تتخيلوا المشروع

على فكره الناس اللى كانت ممكن تمول المشروع ده فى تحقيقات اليومين دول مع النائب العام فالمشروع اتوقف ههههههههههههههههههههه

[KarimAbulEla]

بمناسبة الشركات الاجنبية التى تقوم بتاجير سيارات بدلا من شراءها ، هناك ايضا شركات مثل بروكتر اند جامبل و مثيلاتها لها مصانع فى العديد من المدن الجديدة تقوم بتاجير معدات الانتاج بدلا من شراءها على حسب ما سمعت من بعض الاشخاص و هذا لسهولة تسوية الوضع وفت الاخطار و الكوارث مثل ما يحدث حاليا و لكى لا يكون لهم اى اصول يصعب التخلى عنها و بالتالى سعر المنتج النهائى يتم تحميله للمستهلك شاملا معادلة التصنيع و تاجير المعدات و خلافه

و بماسبة الحديث عن اوضاع العمل ، الحمدلله كل الاجانب اللى عندنا و عددهم كبير جدا تم نقلهم على طائرة خاصة و الوضع حاليا اشبه بالبركان الذى على وشك الانفجار لا احد يعلم ما سوف يحدث من ناحية الابقاء على الموظفين من عدمه

[dodino2006]

طيب بما ان الكلام بيجيب بعضوا فانا عارف ان جوا كل واحد مننا مشروع العمر او حلم كبير او كان كبير ايا كان ياعنى المهم ان هو موجود وكل واحد فكر فيه سنين فايه المشكله لما كل واحد يقول كان بيفكر بايه ويمكن نوصل لفكره كويسه

انا هابدا بفكرتى من 5 سنين اللى فضلت تصغر تصغر تصغر لغايه لما قربت انساها

ارض كبيره ماتقلش عن 10000م وتكون موجوده فى مدينه من المدن الجديده ولتكن اكتوبر لانى من سكان الجيزه ومحدش يقولى التجمع علشان بعيد اوى عليا
الارض دى تكون متسوره بسور شكله محتر وليه اكتر من بوابه وطبعا كل بوابه عليها امن يتعمل مبنى كبير جدا وليكن على 3000م وموقعها فى منتصف المساحه الكليه والمبنى عباره عن اعمده واسقف فقط والباقى زجاج بمعنى انه لا يوجد حوائط طوب (تمام كده) باقى المساحه اللى هى 7000م عباره عن ارض مرصوفه وفيها نسبه من النجيله الخضرا
كده المكان جاهز هايتعمل ايه بقا ؟


مول سيارات

بالنسبه للمبنى هايتاجر كله لتوكيلات السيارات لعرض الموديلات الحديثه ياعنى مخصص للزيرو فقط وطبعا معاه توكيلات للمطاعم متقسمه على كل الادوار ياعنى مول بمعنى الكلمه

اما الارض اللى بره دى هاتتقسم لباكيات وكل باكيه فيها مظله علشان الشمس ودى هاتخصص لبيع السيارات المستعمله وهاتكون طبعا مرتبه ولكل نوع سياره مكان محدد وطريقه بيعها هاتكون دائمه بمعنى ان صاحب العربيه هايسلمها للاداره والاداره هى اللى هاتقوم بعرض السياره للبيع وعرض بيانتها

وطبعا المشروع لازم يدعم بمكتب شهر عقارى ووحده مرور لو امكن

وممكن نشترى حتته الارض اللى جنبينا بقا ونعملها مركز صيانه ولكوا ان تتخيلوا المشروع

على فكره الناس اللى كانت ممكن تمول المشروع ده فى تحقيقات اليومين دول مع النائب العام فالمشروع اتوقف ههههههههههههههههههههه

الفكرة دي شفتها هنا في هونج كونج و في جوانزو في الصين, بس اللي في الصين اجمل علشان عاملين فيها تراك طويل و بمسار متعرج, بيستخدم في الايام العادية للـ Test Drive, و من وقت للتاني بيتعمل فيها سباقات و مهرجانات و استعراضات للعربيات, تقريباً اقدر اقولك ان 80% من اللي بيفكروا يشتروا عربية في جوانزو لازم يروحوا المكان ده و يشتروا منه .... أعتقد انها تبقي فكرة حلوة في مصر, لو الناس لسه هيبقي معاها فلوس تشتري عربيات .....


.

[ahmed4000]

وعايزكم كلكم تفتكرو حاجه واحده

ان بعد العسر يسر
وان فرجه لقريب
والرزق على الله ياجماعه مش على عباده
لو كل واحد فينا أمن بدا لا هيقلق ولا هيتعب
خلوها على الله

انا معجب بالروح اللى بقت جوا المصريين
دى من اسوا الظروف اللى غالبيتنا اتعرضلها فى حياته...لانها اسوا من احداث الارهاب ومن الازمة العالمية
ولكن مع ذلك الناس مش هاممها وشايفين ان ده ثمن عادل للحرية
يارب فرجها من عندك

[ahmed_oth]

و بماسبة الحديث عن اوضاع العمل ، الحمدلله كل الاجانب اللى عندنا و عددهم كبير جدا تم نقلهم على طائرة خاصة و الوضع حاليا اشبه بالبركان الذى على وشك الانفجار لا احد يعلم ما سوف يحدث من ناحية الابقاء على الموظفين من عدمه

حال شركتى زيك بالظبط ,,وربنا يستر

[MEDO84EG]

بجد يا جماعه بالله عليكم اقرءوا كلماتي
لو بتتكلموا عن افكار لمشاريع اسمعوني و اصبروا عليا شويه
انا عندي مشروع بجد ربحه عالي جدا
مصنع نسيج بس مش تقليدي بيعمل ملابس زي بتاعه شركه كارينا
المشروع ده كبدايه يحتاج من 500-700 الف جنيه
و ربحه عالي جدا
المصنع ده بيصنع يوميا حوالي 200 بدي كامل للماكينه الواحده
يعني لو صافي الربح مثلا 10 جنيه بالميت يبقي 2000 جنيه يويميا
و شهريا حوالي 2000*30 = 60,000 جنيه شهريا
ده صافي ربح بعد خصم الصباغه و الحياكه و الخامات و كله
النوع الجديد ده من المصانع مش منتشر كتير و اللي بيعرفوا في مصر فيه ندره حوالي 4
انا من فضل الله واحد منهم
انا حاليا مدير لمنع من النوع اللي بتكلم عنه بس اساسا اشتغلت المجال ده من الصفر
اشتغلت بايدي و صلحت عيوب كتير و ركبت ماكينات كتير و من انواع كتير و كمان اعرف ناس في التسويق
و كله من فضل الله
كمان انا عامل ابحاث في المجال ده
يعني اللي بجد بيفكر في مشروع مربح عليه و علي المشروع اللي بحيكلكم عليه
و اللي عاوز تفاصيل انا تحت امركم و ممكن اعمل موضوع مفصل عنه
علي فكره المصنع ده مش باديهات بس
لا ده بيعمل كل شيء و بنفس الامكانيات لان الماكينات شغاله بالكومبيوتر
ممكن يعمل باديهات و سليبات و براهات و لانجيري كمان و شورتات و بناطيل و موديلات لا حصر لها
اشهر حد شغال في المجال ده لو تسمعوا عن
كارينا - او فيجا قطونيل-سيلفي - روتانا -اوليفي
فكروا بجد مشروع روعه و اي مساعده احنا هنا اخوات

[أبو صلاح]

الجديد انهاردة
في نص النهار كده جالنا اميل ان المواعيد اتعدلت حتى الساعة 4 على أن تتضمن على نصف ساعة راحة
كنت هرد على الاميل لصاحب الشركة فجأة لقيت الناس كلها عند مكتبي وقالولي احنا نقعد مع بعض ونقرر (مديرين الاقسام فقط) وبعدين نوقع على ورقة بمطالبنا ونقدمها
وقد كان ودخلت له هذه الورقة وردها الينا وقال مرفوض
شوية قال كل الناس اللي عملت الاجتماع في غرفة الاجتماع لازم تدخل تعمل مقابلة مع صاحب الشركة
طبعا خدنا وش غسيل محترم وازاي وده دعوة لعمل جماعات واضرابات داخل الشركة ومرفوض وبتاع
واتكلمنا على القرار الجديد الي عمله قال هو ده اللي موجود عندي واللي مش عاجبه ياخد أجازة شهرين
سخنت انا جدا وواحد تاني مدير قسم وصوتنا علي جدا معاه
وقلتله لو مش عايزني مشيني فورا قالي خد أجازة قلتله مش هيحصل وعايز مرتبي كامل
قلتله طلع قرار حالا بفصلي وانا هسيب الشركة حالا طبعا قالي مالكش حقوق عندي غير اللي مكتوب في العقد والمأمن عليك بيه قلتله لا لي كده شهرين بأجر كامل و 3 شهور نهاية خدمة بس على الشامل هو قعد يجادل ساعتها بقى الكارثة ان المفروض ده دور مدير الموارد البشرية لكنه للاسف ما اتكلمش
صراحة اصريت على موقفي جدا خصوصا اني قريت القانون كويس واتناقشت معاكم هنا
وكده كده الموضوع خسران
طبعا الطبيعي في الاخر مخدناش اللي احنا عايزينه بس طلعنا بنتيجة مش وحشة :
تعديل المواعيد حتى الساعة 2.30
شهر مارس يصبح الاجر 50% بدلا من 30%
وضع بعض سياسات العمل الهامة في الشركة
عايز اقولكم يا جماعة ان ده اول اجتماع كبير يحصل في الشركة من اول بداية الشركة بالمنظر ده ولم يحدث ان اجتمع بأكثر من شخصان فقط وذلك لمناقشة أمور العمل فقط
اخيرا بقى انا اتحطيت تحت المنظار انا وزميل لي تاني ومتوقع انه مش هيخلينا نستمر في العمل

[heshamzaky]

أبو صلاح حاول تهدى و أنت طالما قرأت القانون أديك عرفت حقك و الدليل بتاع الموارد البشرية أتخرص بص لا قدر الله أقصى حاجة ممكن يعملها أنو يتفاوض هو منزنوق لانك لو مأمن عليك لانة فى أستمارة رقم 6 خانة مكتوب فيها سبب أنهاء الخدمة الافضل و السلمى لة أن يكون مكتوب فيها أستقالة و لازم أنت تكون كاتب لة استقالة برضو غير كدة بيبقى فصل تعسفى . و ما تقلقش هو لو حتى عمل أية و مشاك لا قدر الله ملزم أنة يعطيك شهادة خبرة و ما أودعتة لدية من اوراق و لا تبرأ ذمة صاحب العمل من مستحقاتك المالية ألا لو مضيت على أيصال أستلام للمرتب أو هوة كان عندة زى فيشة أيداع أنة نزل مرتبك فى حسابك الشخصى . بص هو حا يلم نفسة معاك صدقنى أنا مش بسخنك بس بقولك السيناريو بيبقى ماشى ازاى هو حا يحاول يلعب معاك حرب اعصاب فقط.

[أبو صلاح]

أبو صلاح حاول تهدى و أنت طالما قرأت القانون أديك عرفت حقك و الدليل بتاع الموارد البشرية أتخرص بص لا قدر الله أقصى حاجة ممكن يعملها أنو يتفاوض هو منزنوق لانك لو مأمن عليك لانة فى أستمارة رقم 6 خانة مكتوب فيها سبب أنهاء الخدمة الافضل و السلمى لة أن يكون مكتوب فيها أستقالة و لازم أنت تكون كاتب لة استقالة برضو غير كدة بيبقى فصل تعسفى . و ما تقلقش هو لو حتى عمل أية و مشاك لا قدر الله ملزم أنة يعطيك شهادة خبرة و ما أودعتة لدية من اوراق و لا تبرأ ذمة صاحب العمل من مستحقاتك المالية ألا لو مضيت على أيصال أستلام للمرتب أو هوة كان عندة زى فيشة أيداع أنة نزل مرتبك فى حسابك الشخصى . بص هو حا يلم نفسة معاك صدقنى أنا مش بسخنك بس بقولك السيناريو بيبقى ماشى ازاى هو حا يحاول يلعب معاك حرب اعصاب فقط.

انا فعلا اتضايقت جدا من بتاع شئون العاملين لما سكت ومرضيش يتكلم
والحمد لله مليش اي اصول ورق في الشركة
انا دلوقتي الحمد لله على قد ما انا حاسس بقلق من الفترة الجاية على قد ما انا مرتاح نفسيا

[heshamzaky]

لا دة حتى أوراقك هو ملزم يديها لك و يديلك شهادة خبرة و مكتوبة بصيغة ممتازة كمان طالما لم يتم توقيع عقوبات و التحقيق معك فى فترة خدمتك و ممكن تاخد نسخة بالعربى و نسخة ب الانجليزى كمان لو عاوز

[heshamzaky]

البند القانونى برقمة كمان يا باشا أهوة
( مادة 130 )
يلتزم صاحب العمل أن يعطي العامل دون مقابل عند انتهاء عقده وبناء على طلبه شهادة يبين فيها تاريخ التحاقه بالخدمة وتاريخ انتهائها ، ونوع العمل الذي كان يؤديه ، والمزايا التي كان يحصل عليها .
وللعامل أن يحصل من صاحب العمل دون مقابل على شهادة بتحديد خبرته وكفاءته المهنية وذلك أثناء سريان العقد وفى نهايته .
ويجوز بناء على طلب العامل تضمين الشهادة مقدار الأجر الذي كان يتقاضاه وسبب إنهاء علاقة العمل .
ويلتزم صاحب العمل بأن يرد للعامل عند انتهاء عقده ما يكون قد أودعه لديه من أوراق أو شهادات أو أدوات فور طلبها .

[m000dy]

بالنسبة لشغلى الخاص عندى شركة ويب و برنتنج ديزاين بالاضافة ل اشتشارات موارد بشرية وكل العملاء اللى معانا معتمدين على دعم هيئة تحيث الصناعة اللى بتمنحة وزارة التجارة والصناعة والدعم ده كان بيوصل فى بعض القطاعات ل 70 و 80 % من قيمة البروجيكت

ومش فاهمين ايه اللى بيحصل دلوقتى

يافندم انا Advisor فى مركز تحديث الصناعة والدعم مازال مستمر ومفيش انباء حتى عن وقوفه
وانما المشكله ان الشركات بقى همها اكبر من تحديث وتطوير اعمالها لانهم فى حاجه الى اعادتها اولا ثم بعد ذلك تحديثها
وللحق اغلب الناس متمسكه بعمالتهم لكن هذا التمسك لن يدوم طويلا
وان شاء الله نحاول نساعد اصحاب الشركات دى لو مش عشانهم وعشان اللى شغالين فعلى الاقل عشان اقتصاد البلد

[dr-mohamed]

غرقت الراجل يا هشام بيه
يا ابو صلاح الراجل بتاع الموارد البشرية ده لئيم وهيظبط لكم مع صاحب الشركة خروجة محترمة
خد بالك جدا من اي ورقة بتمضي عليها او اي حاجة انت مسؤل عنها الفترة اللى جاية

[heshamzaky]

غرقت الراجل يا هشام بيه
يا ابو صلاح الراجل بتاع الموارد البشرية ده لئيم وهيظبط لكم مع صاحب الشركة خروجة محترمة
خد بالك جدا من اي ورقة بتمضي عليها او اي حاجة انت مسؤل عنها الفترة اللى جاية

يا دكتور أنا كل كلمة قولتها لة نزلت لة البند القانونى بتاعها ما قولتش لة كلمة من دماغى ألا موثقة ببند من كتاب العمل و قولت لة هدى الدنيا معاة بس بعرفة حقوقة و لا عاوز أبو صلاح يسخن و يتحامل على صاحب العمل

[أبو صلاح]

غرقت الراجل يا هشام بيه
يا ابو صلاح الراجل بتاع الموارد البشرية ده لئيم وهيظبط لكم مع صاحب الشركة خروجة محترمة
خد بالك جدا من اي ورقة بتمضي عليها او اي حاجة انت مسؤل عنها الفترة اللى جاية

ياباشا هشام بيه يشكر والله
الراجل وراني وفهمني حاجات مكنتش اعرف عنها اي حاجة
وانت برضه والله ساعدتني وهديت من غضبي جدا والله
بالنسبة لبتوع الموارد البشرية هو ميقصدش ما فعله لانه غير ملم بخبايا القانون كويس
الفترة الجاية هاخد فعلا بالي من كل حاجة بعملها وربنا يستر

يا دكتور أنا كل كلمة قولتها لة نزلت لة البند القانونى بتاعها ما قولتش لة كلمة من دماغى ألا موثقة ببند من كتاب العمل و قولت لة هدى الدنيا معاة بس بعرفة حقوقة و لا عاوز أبو صلاح يسخن و يتحامل على صاحب العمل

الله ينور عليك يا كبير

وربنا يعديها على خير