حقا انها حديقه التحرير

[أبو إياد]

بدون مقدمات ميدان التحرير فعلا عباره عن حديقه

العنوان : ميدان التحرير
مواعيد العمل : 24 ساعه
رسم الدخول : بطاقه ( بالتحديد ظهر البطاقه)

ياجماعه فى ناس كتير جدا فى بداية الامر كانت مغيبه من الاعلام المصرى فعلا وكان دور الاعلام المصرى فقط هو تهدئه الامور ودور الحكومه هو تشويه صوره هذه الثوره وكيف تثبت ان الشباب والشعب هم الجانى وان الحكومه هى المجنى عليها
الحمد لله اغلب الشعب المصرى تفهم الوضع لكن الثمن كان غالى جدا كان دماء الشهداء على ارض هذا الوطن

لكن ما يحدث الان انا لا اجد رد من الحكومه او من الدوله غير التجاهل لو الموجودين قدروا يكشفوا البلطجيه فصعب جدا انها تغيير ثقافه شعب بالكامل
ــــــــــــــــــــــــــــــــــــــــــــــــــ ــــــــــــ

ميدان الحرير ووسط البلد كانوا بالنسبه لى اهم رموز لمصر وتواجدى فى التحرير كان مستمر قبل المظاهرات وده بسبب عشقى لوسط البلد وسبب انه يعتبر اكبر سوق للكمبيوتر يوجد هناك فى باب اللوق

اما الان فهو اصبح حديقه
حديقه عامه تضم جميع الاعمار وجميع المستويات محاطه بالمدرعات والدبابات والاسلاك الشائكه والحائط البشرى

هناك بوابه خاصه للشباب
وهناك بوابه خاصه للعائلات والحريم

الدخول يكون بظهر البطاقه (المكان المكتوب فيه الوظيفه)
ممنوع دخول الاسلحه بكافه انواعها

الحديقه كبيره جدا ويصعب الانتهاء من مشاهده كل مافيها فى مالا يقل عن 24 ساعه

فهناك يوجد صالونات ثقافيه وغنائيه وهناك فريق سياسى و دينى والاجتماعيه

وهناك ايضا قطار الرحيل المكون من اكتر من 50 طفل بيجروا ورا بعض فى وسط الناس

كما يوجد هناك مكان للإذاعة والاستماع للاغانى الوطنيه المصريه ويستخدمها البعض فى ايجاد اشخاص

وفى كل جانب تجد ممثل او مطرب او لاعب مشهور يلتف حوله الناس ليرددوا هتافاته فى اسقاط النظام

وطبعا الباقى بقى ماشى بالكاميرا او بالتليفون لتصوير هذه الاحداث غير الحوارات التى تسمعها بين الناس هناك حول مواضيع شخصيه ليس لها علاقه بسبب تواجدهم على هذه الارض

بعد الخروج من البوابات الخاصه بالخروج اكتشفت ان محلات الدش والكمبيوتر كلها مغلقه واملم بعضها اكوام من اكياس القمامه المليئه على اخرها وطبعا الناس باردو بتصور

الشارع عباره عن باعه متجولين او فارشين فى منتصف الشارع لبيع العصائر والبيبسى والمقرمشات والسجاير واسعارها غاليه جدا (كانك فى مصيف)
وبائعين الاعلام والسندوتشات

اكتر حاجه لفتت نظرى هو مطعه هناك المطعم ده عمرى ما شوفت عنده زبون واحد وكنت دايما اسال نفسى هو الراجل ده بيعمل سندوتشات لمين ده علاطول فاضى سبحان الله دلوقتى مافيش مكان تضع به قدمك من كتر الزبائن عنده
وكذلك كشرى التحرير
وعند اقترابى من ميدان عابدين جلست هناك على قهوه لكن الناس والوجوه اللى موجوده مختلفه فبعد ان كانت لناس كبيره فى السن وتجمع للاصدقاء اصبحت مكان يتجمع به الشباب والبنات علشان يقدروا يقعدوا ويهرجوا ويشيشوا

بصراحه بدون تشائم محدش هايعبرنا كشعب لو فضل السيناريو ده موجود

[Ahmed R08]

http://www.nilemotors.net/Nile/200371-a.html

http://www.nilemotors.net/Nile/200398-a.html

http://www.nilemotors.net/Nile/200394-a.html

[3ateef]

معسكر لاجئين....

[Atrees]

انا معاك فعلا - الموضوع هناك بقي خروجة ومكان تجمع الشباب بما ان مفيش كافيهات - فئات عمرية مختلفة بس المشكلة في الاتجاة اللي واخدينو - واخدينها خروجة وفسحة - لسة قدامنا كتير عشان نغير سلوكيات الشعب اللي بقالوا 60 سنة متعلمش يتظاهر ازاي ويحافظ علي حقوقة


الولاد والبنات هناك خاربينهاااااااااااااااااااااااا

[A7MED_PHARMA]

انا معاك فعلا - الموضوع هناك بقي خروجة ومكان تجمع الشباب بما ان مفيش كافيهات - فئات عمرية مختلفة بس المشكلة في الاتجاة اللي واخدينو - واخدينها خروجة وفسحة - لسة قدامنا كتير عشان نغير سلوكيات الشعب اللي بقالوا 60 سنة متعلمش يتظاهر ازاي ويحافظ علي حقوقة


الولاد والبنات هناك خاربينهاااااااااااااااااااااااا

طيب مانروح نهتف معاهم بسقوط النظام
وبالمرة نتفرج عليهم..ونشوف خاربنها إزاي؟؟
((إيموشن واحد بيلعب حواجبه))

[أبو إياد]

معنى كلمة خاربينها انهم نسيوا هما هناك ليه الميدان بقا علشان المقابلات والخروج والفسح وبالمره نهتف بسقوط النظام

[icehearted girl]

انا مصدومن كلامكم..خيفة ارجع تاني..عوزة افضل بالصورة اللي محتفظة بيها فخيالي فلفترة من 25 ولمدة أسبوع...واللي اتحفرت ف ذهني وف إيدي...خيفة اشوف صورة جديدة تشعرني باشمئزاز وتمحي الصورة القديمة والصمود الذي لا ينسي

[samehafez]

ان فكرة الحرية ليست قصرا علي المثقفين و المناضلبن .... الحرية من حق كل انسان اتفقت معه ام لم تتفق ....

احد اصدقائي وصف لي حوار غريب بين شاب ملتحي و فتاة من الواضح ميولها اليسارية .... و هو يقول لها يا اخت و هي ترد you say so

انا اعرف ناس راحت تتفرج ... و مالوهمش فيها اصلا بس لو من كل 10 ملهمش فيها واحد بس فهم يبقي مكسب

وتاني ياريت مندخلش في حوارات جانبية ..... ورقة الضغط الوحيدة علي النظام ...هي التحرير .. قرود بقي...................... ملايكة شياطي

[Atrees]

بص

في اي حرب في الدنيا - لازم تظهر قوتك الاول بضربة - وبعدها تقعد وتتفاوض - لكن اللي بيحصل دلوقتي ان الناس بدات تنسي هية رايحة لية - الموضوع فعلا بقي شكلو وحش هناك


عيال صغيرة وستات كبيرة وبنات وشباب - كلهم زي الفل - بس بيتصرفوا غلط - دي ثورة مش مكان للتجمع

يا خوفي يا بلد -


انا ضد النظام الحالي وحفضل اقولها بس لازم نتحرك ونستخدم نفس الاسلوب اللي النظام بتستخدمة

نعمل استفتاء علي شخصية عامة علي النت - في جروب خالد سعيد مثلا - من شخصيات عامة عشان الناس كلها تعرفها - ونخليه يختار مجموعة من الشباب ويتفاوضوا مع الدولة ويراقبوا الوعود والجداول الزمنية -


مينفعش نبقي عاملين زي العيل اللي شبط في لعبة لحد ما تتكسر


عايزين نبدا نتفاوض عشان لحد كدة وحنلاقي نفسنا لوحدنا في ميدان التحرير

[M.Mosaad]

ميدان التحرير بقي هو العيادة النفسيه و المصحه النفسيه لكل المصريين اللي بقالهم سنين و سنين مكتومين و مخنوقين و مش عارفين يفتحوا بقهم

اللي بيخلي الناس تعمل كدة ان دة المكان الوحيد اللي بتقدر تعمل اللي انت عايزة من غير نقد و لا تجريح و لا شلاليت و لا ضرب و لا امتهان

بقي علاج لكل المصريين اللي زعلان من مراته يروح هناك يصرخ اللي زعلانه من جوزها اللي معهوش فلوس اللي اترفد من شغله اللي مش لاقي شغل كل الناس بتروح هناك زي ما بيقولوا كدة تتطهر و تريح اعصابها

شوف منظر الناس اللي خارجه و داخله كلهم بيضحكوا و مبسوطين و تحس ان نفسيتهم مستريحه

هو مش سيرك صدقوني هو طعم الحريه اللي ليه نفس تاثير الحشيش و البانجو

[bmya]

ميدان التحرير بقي هو العيادة النفسيه و المصحه النفسيه لكل المصريين اللي بقالهم سنين و سنين مكتومين و مخنوقين و مش عارفين يفتحوا بقهم

اللي بيخلي الناس تعمل كدة ان دة المكان الوحيد اللي بتقدر تعمل اللي انت عايزة من غير نقد و لا تجريح و لا شلاليت و لا ضرب و لا امتهان

بقي علاج لكل المصريين اللي زعلان من مراته يروح هناك يصرخ اللي زعلانه من جوزها اللي معهوش فلوس اللي اترفد من شغله اللي مش لاقي شغل كل الناس بتروح هناك زي ما بيقولوا كدة تتطهر و تريح اعصابها

شوف منظر الناس اللي خارجه و داخله كلهم بيضحكوا و مبسوطين و تحس ان نفسيتهم مستريحه

هو مش سيرك صدقوني هو طعم الحريه اللي ليه نفس تاثير الحشيش و البانجو

هو كده بالظبط تسلم ييا محمد باشا

[SeiffoZ]

انا رحت إنهاردة ... و جالى إنطباع إنها فسحة بتنفث غضب الناس ليس أكثر ...

بس يمكن يكون ليها تأثير إنها وسيلة ضغط على الحكومة ....

بس مجرد هتافات بسقوط مبارك و عمر سليمان و أغانى و اشعار ...

و كذا واحد هناك قال " دى بقت فسحة و مكان للإجتماع لأن محدش بقى يخرج بليل" ..

بس أنا قعدت أستنى الكنتاكى محدش جابلى حاجة ... هههه

بس الحلو إن الواحد حس قد إيه الناس بتحب مصر

[otefa]

هي دي النتيجة المتوقعة من تجهيل غالبية الشعب سواء في التعليم الأساسي وأحيان كثيرة الجامعي كمان
عايزهم يلموا اللعبة السياسة وقواعدها أهي دي ألي بيقولوا عليها سياسة المسيرين للمظاهرات (بأستثناء من يوم 25 الي 28) مش عارفين هما عايزين أيه عند والسلام (القيادات الحزبية عارفة أكيد هي بتعمل أيه)من غير ألمام بأبسط قواعد اللعبة السياسية وأصولها والأسلوب الأمثل لتطبيق الأصلاحات وبسلاسة مش عايزين يهدوا مؤسسات البلد ويبنوها من جديد ده كلام ناس واعية...........ربنا يهدي للحق

وأدي أحدى السيناريوهات القوية المحتمل حدوثها يبقى ينبسطواااااااااااا لما يتنفذ وسلمولي على المطالب والحريات ساعتها

الخبر دة منقول .............
رد المحتجون المطالبون بتنحية الرئيس المصري حسني مبارك واسقاط نظامه بغضب على تعليقات نائب الرئيس عمر سليمان، الذي حذر من احتمال وقوع انقلاب اذا رفضت الجماعات المحتجة الحوار مع الحكومة.
وقال الناطق باسم ائتلاف حركة الشباب ان عمر سليمان استخدم لغة تهديد تمهيدا لفرض الاحكام العرفية في البلاد.


روابط ذات صلة

• عمر سليمان: الحوار هو الحل الوحيد والبديل فوضى مؤسساتية
• بايدن: مطالب المعارضة المصرية يمكن تلبيتها عن طريق مفاوضات ذات معنى
• مصر: المتظاهرون يحاصرون مجلس الشعب ومقر رئاسة الحكومة

اقرأ أيضا


موضوعات ذات صلة

• <LI class=primary-topic __eventIdglow713901351="null">مصر،
• قضايا الشرق الأوسط

وكان سليمان قد حذر من أن الحكومة لن تقبل باستمرار الاحتجاجات في ميدان التحرير لفترة طويلة، وطالب، في تصريح حاد اللهجة ينم عن نفاد صبر الحكومة، بإنهاء الأزمة "في أسرع وقت ممكن".
في هذه الاثناء تستمر وحدات من مدرعات الجيش المصري في تطويق محيط مجلسي الشعب والشوري لحمايتهما.
ومنح العاملون بهما إجازة مفتوحة في ظل إعتصام الآلآف بالقرب من مجلس الوزراء ومجلسي الشعب والشوري وبعض الوزارات المتواجدة في نفس الموقع.
وكان آلاف المتظاهرين قد قرروا الاعتصام حول مباني البرلمان المصري بديوانيه في اطار احتجاجاتهم الهادفة الى اسقاط نظام حكم الرئيس المصري حسني مبارك.
وقال محمد عبد الله، احد المتظاهرين وعمره 25 عاما، انهم جاؤوا لمنع اعضاء البرلمان من الحزب الوطني الديموقراطي الحاكم "ونحن مقيمون هنا حتى تتحقق مطالبنا او نموت".
في هذه الاثناء وافقت لجنة تعديل الدستور، التي شكلت الثلاثاء بعضوية 11 قانونيا، على تعديل ست مواد من الدستور المصري حسبما أعلن التلفزيون المصري.
جهود دولية


وعلى صعيد الجهود الدولية لاحتواء الأزمة، استقبل مبارك الأربعاء المبعوث الروسي للشرق الأوسط الكسندر سلطانوف من دون صدور تصريحات عقب اللقاء

[nevozaky]

انا مصدومن كلامكم..خيفة ارجع تاني..عوزة افضل بالصورة اللي محتفظة بيها فخيالي فلفترة من 25 ولمدة أسبوع...واللي اتحفرت ف ذهني وف إيدي...خيفة اشوف صورة جديدة تشعرني باشمئزاز وتمحي الصورة القديمة والصمود الذي لا ينسي

انا اتصدمت لما شوفت التصوير فى قناة العربية والراى السورية .واتصدمت اكتر من كلام استاذ كريم امبارح .ودلوقتى استاذ ابو اياد ودى ناس محترمة وموثوق فيها وكانت بتشجع الثورة .

[metenawy]

الان يجلس العالم لينظر كيف حول المصرين الاعتصام الي مولد سيدي مبارك او كرنفال للفسحة و طبعاا المعتصمين هنالك عاجبهم الوضع داه لانه بيبين ان عددهم كبير امام الكاميرات اليعني كل الناس دي الداخلا جاين يتظاهرو مش ياخدو لفة في مبارك اكوا بارك