حقا انها حديقه التحرير

[heshamzaky]

أنت عارف المشكلة بتاعت الناس أن الامن قدر قوتهم و عتادهم تقدير دقيق جدا و لو ساعت الجد حا تلاقى نص الناس دى مروحة على بيوتها . . للأسف المظهر الى بعض الناس ظهرت بية تجعل بسهولة أن يستخف بهم الطرف الاخر .حد فاهمنى و لا لآ

[dr-mohamed]

انا مصدومن كلامكم..خيفة ارجع تاني..عوزة افضل بالصورة اللي محتفظة بيها فخيالي فلفترة من 25 ولمدة أسبوع...واللي اتحفرت ف ذهني وف إيدي...خيفة اشوف صورة جديدة تشعرني باشمئزاز وتمحي الصورة القديمة والصمود الذي لا ينسي

ماتتصدميش لان دايما الاحلام بتبقي اكبر من الحقيقة
ما عدا من يوم 25 لغاية يوم 28 ويوم الاربعاء فقط كانت الحقيقة اجمل من ان يحلم الانسان ان يحلم بها

اللي بيخلي الناس تعمل كدة ان دة المكان الوحيد اللي بتقدر تعمل اللي انت عايزة من غير نقد و لا تجريح و لا شلاليت و لا ضرب و لا امتهان

بتفق معاك في كلامك يا استاذ مسعد ما عدا هذه الجملة بالذات
روح ميدان التحرير وحاول تعرف من حد ايه هي مواد الدستور اللى عليها خلاف
اسئل حد طيب لو رحل الرئيس مبارك فورا ايه العمل هيقولك رحيل النائب ورئيس الوزراء طب ويعدين هايفضل يقولك كلام متفهمش منه اي حاجة وفي وسط الكلام هتلاقي كام واحد اتلفوا حواليك وانت بتهبط همم الشباب انت عميل انت ااااااااااااااااااامن
بس دي اخر كلمة ممكن تسمعها وانت عارف معناها ايه لانك هتلاقي بعدها عشرات الافواه تصرخ فيك وميمنعش الامر من كام زقة على بونية واحتمال شلوت وتتزف زفة محترمة لغاية ما يودعوك من الميدان في افضل الاحوال ولو حظك وحس يبقي هتاخد علقة محترمة وتتسلم للجيش اللى هيسئلك وبعد ما يعرف انت مين وايه سبب العلقة اللى اكلتها هايقولك معلش احنا اسفين وحقك علينا وبالف سلامة
الكلام ده من مشاهدات شخصية بأم عيني

انا اتصدمت لما شوفت التصوير فى قناة العربية والراى السورية .واتصدمت اكتر من كلام استاذ كريم امبارح .ودلوقتى استاذ ابو اياد ودى ناس محترمة وموثوق فيها وكانت بتشجع الثورة .

ماتتصدميش ولا حاجة معظم التحرير دلوقت زي ما استاذ كريم قال امبارح ووصلت الجراة للبعض لاتهامه بانه عميل للحزب الوطني بعد كل اللي بيخاطر بيه ده وحذرت ابو اياد اول ما كتب موضوعه الصبح بس الظاهر اخواننا الثورجية مش بيدخلوا دلوقت وبردو يستني مصيره
وللاسف فيه شباب جميلة وحلوة اوي من اللى اشتركوا في الثورة اصلا تلاقيهم واقفين مع بعض عاملين زي الايتام على موائد اللئام مش مستوعبين اللى بيحصل حواليهم وتحسي انهم عايزين يصرخوا في الناس دي كلها اطلعوا برة احنا معملناش ده كله وزمايلنا اتقتلوا واصيبوا علشان يبقي فسحة ومكان لكل حزب وجماعة يتمنظر فيه ويستعرض قوته حرام عليكم سيبونا نكمل حلمنا الجميل اللى هاتضيعوه من بين ايدينا باتسهتاركم وجشعكم

الان يجلس العالم لينظر كيف حول المصرين الاعتصام الي مولد سيدي مبارك او كرنفال للفسحة و طبعاا المعتصمين هنالك عاجبهم الوضع داه لانه بيبين ان عددهم كبير امام الكاميرات اليعني كل الناس دي الداخلا جاين يتظاهرو مش ياخدو لفة في مبارك اكوا بارك

الله ينور عليك وخاصة ان الكاميرا واقفين على كشك السجاير فوق المكان اللى بيبقي فيه اكبر تجمع

أنت عارف المشكلة بتاعت الناس أن الامن قدر قوتهم و عتادهم تقدير دقيق جدا و لو ساعت الجد حا تلاقى نص الناس دى مروحة على بيوتها . . للأسف المظهر الى بعض الناس ظهرت بية تجعل بسهولة أن يستخف بهم الطرف الاخر .حد فاهمنى و لا لآ

والله العظيم قلت الكلام ده لطارق جين تو من يومين وان مش النص بس ممكن يوصل ل90% يختفوا فجأة حتي بدون ما الجيش يفكر يعمل حاجة وبردو ممكن ال90% دول يورطوا الجميع في معركة دامية مميتة مع الجيش

[heshamzaky]

يا باشا و الله ساعت الجد الى بحق و حقيقى نص الناس دى حا تختفى . الناس شايفة دلوقتى أن نص الى هناك عندهم مشاكل و عاوزين يحلوها كأن ميدان التحرير بقى منبر لتلقى الشكاوى و تحقيقها ب الفانوس السحرى و ساعت الجد و التحقيق حا يحلف 1000 يمين عظيم أنة كان رايح يتفرج و يتنصل من الناس المتظاهرة و يقول و الله يا فندم أحنا ناس مسالمة و بنحب الريس

[mahmoudysf]

ربنا يقويكوا استمروا
يا فرحتك يا فقي
وانا كنت فاكرك غبي طلعت اذكى واحد والنتيجة وضحت

[nevozaky]

[QUOTE=dr-mohamed;3873278599]

اثق فى رايك جدا يا دكتور محمد .واعلم انك من مشجيعين الثورة ولكن بعقلانية ولك خالص الاحترام .بس فعلا انا مش عايزة العالم يتريق علينا .وصعبان عليا اوى ان الناس مش مقدرة ان التصرفات دى تقلل من قدرها .مع الاحترام لكل الناس وجميع الاراء مش علشان ارفهه على نفسى اتصرف تصرفات غريبة .لكل مقام مقال .وبرضه الثورات القديمة محدش بيعمل كده .طبعا مش كل الناس اللى هناك والتعميم ما ينفعش بس فى ناس هناك بتعمل كده فعلا .وبعدين لازم لما اروح ميدان التحرير ابقى عارفة انا عايزة ايه وايه مطالبى فعلا .هوه مش مولد ولا فرح فى ناس هناك كتير رايحين يتفرجوا الناس اللى هناك بتعمل ايه وعايشبن ازاى . ليس لهم اى هدف من التغيير او غيره .انا لا انتمى الى اى حزب او اى حركة ولكن يهمنى مستقبل مصر واحوالها .انا مع التغيير ولكن بمنتهى العقل والتنظيم وعلى اسس قانونية صحيحة

[mahmoudysf]

بس الظاهر اخواننا الثورجية مش بيدخلوا دلوقت وبردو يستني مصيره

اسلوب فيه سخرية ممن يخالفك في الراي
انت كنت بتحزر من الفتنة وادينا اهو بنبداها من المنتدى
ويا ترى هتقبل حد ممن يؤيد الثورة يدخل يخبط كلمة سخرية عليك زي ما عملت
عايزين نحافظ على شعرة معاوية في الاختلاف بدون تهكم شخصي
العملية مش ناقصة يا دكتور

[hossaam]

ارجو من الاخوة اللي مش عجبهم الوضع في التحرير من تصرفات الناس...
ارجو مهم علشان نستفيد والناس هناك تستفيد...
يضعوااو يقترحوا جدول يومي يتم العمل به هناك:
يعني ايه المطلوب يتعمل هناك بالضبط على مدار الساعة؟

بجد اعطوا افكار...مع العلم انه في رايي ما يحدث في التحرير
هو اعتصام او وقفة احتجاجية اكتر منه مظاهرة...زي بتاعة25 و 28

[أبو إياد]

عندى سؤال لم اجد له اجابه نهائى
ليه اصبح رحيل مبارك اهم من مطالبنا ؟

على فكره فى كتير جدا من اللى بيهتفوا برحيل الرئيس لا يعلمون لماذا يجب ان يرحل

[M.Mosaad]

برضة لسه المزايدات علي وطنية كل واحد شغاله و اي حد بيقول ان الراجل يكمل مدة حكمه يبقي خاين و عميل او مغسول مخه و اي حد بيقول لازم يمشي دلوقتي هو الوطني و اللي فاهم و اللي مخه مش مغسول و مبيضحكشي عليه

اولا : مفيش اثنين يختلفوا علي ان النظام دة ظالم و رجع بمصر سنين و سنين لورا بإدارة الريس - الريس نفسه اعتقد فاهم كدة و عارف

ثانيا : الحقيقه الواحدة المؤكدة في الموضوع دة كله ان الراجل ماشي سواء الان او كمل مدته الست شهور و مع ذلك الناس بتطالب بالحاجه الوحيدة اللي احنا متأكدين منها

يبقي المفروض ندرس المميزات و العيوب في انه يكمل مدته

طبيعه الشعب المصري و طبيعة المرحله دي ان اللي قام بالثورة لأول مرة في تاريخ مصر هما الشباب يعني هي ثورة الشعب المصري كله ضد الظلم يعني مختلفه تمام عن ثورة 52 اللي كان معروف مين منظمها و كان في اتفاق علي القادة بتوعها و اهدافها فكانت المشكله الوحيدة هي خلع الملك و طرد المستعمر و كان معروف مين هيتولي مكان الملك يعني كانت تنظميه اكتر ما هي عاطفيه مشكله المرحله دي ان مفيش قاده معروفين يعني الناس نفسها مختلفه علي مين الاصلح لتولي مصر او علي الاقل توليها في الفترة الانتقاليه و كل اسم من الاسماء المطروحه عليه مأخذ عند ناس و ليه افضليه عند ناس تانيه يو كمان تغيير الدستور بالكامل هنلاقي نفسنا في معضله طب ايه بنود الدستور الجديد و ازاي هنتفق عليها يعني حتي لو قلنا هناخد نسخه من دستور احدي الدول المتقدمه فرنسا مثلا او المانيا و نعدل فيه طب هنقي الدستور دة علي اي اساس و مين اللي هيختار و علي اي اساس هيعدل دة حتي دلوقتي لجنه الحكماء بتجتمع و بتتناقش و الناس لسه منقسمه في ميدان التحرير و نسبة مش بسيطه منهم مش موافقه علي اللجنه دي

لما اعملت عقلي شوية لقيت ان وجودة خطر و لكن بيدرأ خطر اكبر و هو الانقسام بين طوائف الشعب و في نفس الوقت يجب الضغط عليه بكل قوة خلال الفترة القادمه علي اجراء التغييرات الاهم و هي
1- تنفيذ طعون مجلس الشعب بعد اجراء التعديلات الدستوريه لضمان مجلس شعب نضيف و نزيه و الناس هي اللي تختاره تحت مراقبه قضائيه
2- عمل قائمه بكل حرامية البلد اللي سرقوا المليارات و تقديمهم لمحاكمه و محاوله التحصل علي اموالهم

3- الضغط بمنتهي القوة علي الغاء قانون الطواريء

4- اعطائنا الفرصة لسماع برامج المرشحين للرئاسه و التفكير فيها جديا بعيدا عن الشعارات الرنانه

الاعتصام اللي في ميدان التحرير شيء جميل بس لازم الحياه تمشي في الميدان مع بقاء الناس هناك لو حابين يستمروا في الاعتصام لكن الوضع المجمد الي احنا فيه دة مش مفيد لأي حد غير النظام اللي احنا مش عايزينه
اقتصاد و بيقع و بورصه و مهددة بالانهيار و خسائر بالجمله و ناس بتجوع و مش لاقيه تاكل و ناس خسرت وظائفها و ميدان التحرير تحول لمتنزه و رحله ترفهيه و فرصة للتنفيث عن الكبت السياسي

للاسف انا حاسس ان الثورة وصلت للقمه بتاعتها و لكن كطبيعه الاشياء بدات في السقوط و فقدان اهدافها الاساسيه و حاسس ان افراد النظام مستغليين تركيز الناس مع مبارك للتحضير لمسرحيه سياسيه هنكون احنا المتفرجين عليها و ربنا يستر من نهايتها

[ahmed88hassan]

طيب مانروح نهتف معاهم بسقوط النظام
وبالمرة نتفرج عليهم..ونشوف خاربنها إزاي؟؟
((إيموشن واحد بيلعب حواجبه))

خودووني معاكووووووووووا

تعالوا نعمل مقابلة للمنتدي و نسميها ( يلا نخربها)

[M.Mosaad]

بتفق معاك في كلامك يا استاذ مسعد ما عدا هذه الجملة بالذات
روح ميدان التحرير وحاول تعرف من حد ايه هي مواد الدستور اللى عليها خلاف
اسئل حد طيب لو رحل الرئيس مبارك فورا ايه العمل هيقولك رحيل النائب ورئيس الوزراء طب ويعدين هايفضل يقولك كلام متفهمش منه اي حاجة وفي وسط الكلام هتلاقي كام واحد اتلفوا حواليك وانت بتهبط همم الشباب انت عميل انت ااااااااااااااااااامن
بس دي اخر كلمة ممكن تسمعها وانت عارف معناها ايه لانك هتلاقي بعدها عشرات الافواه تصرخ فيك وميمنعش الامر من كام زقة على بونية واحتمال شلوت وتتزف زفة محترمة لغاية ما يودعوك من الميدان في افضل الاحوال ولو حظك وحس يبقي هتاخد علقة محترمة وتتسلم للجيش اللى هيسئلك وبعد ما يعرف انت مين وايه سبب العلقة اللى اكلتها هايقولك معلش احنا اسفين وحقك علينا وبالف سلامة
الكلام ده من مشاهدات شخصية بأم عيني

للاسف الشديد ان الثورة تحولت عن هدفها الاساسي اللي شباب خرجوا ليه و هو الاصلاح لشو اعلامي كبير
ناس كتير بتهتف هو يمشي طب ماشي و بعدين و مجلس الشعب و بعدين و الحكومه و بعدين و نغير الدستور و بعدين كله هيبقي فل الفل و احنا قاعدين لحد ما كل دة يتعمل و بعد ما كل دة يتعمل نعمل مظارهات تاني علشان التغييرات مش عجبانا و دائرة مفرغه هنقعد نلف فيها لدرجه هتخلي النظام الجديد حتي لو نزيه و كفء ينهار تحت وطأة الانهيارات الاقتصاديه

الناس هناك سعيده و مبسوطه (( طبعا نسبة مش كله )) مش هتقبل اي كلام خارج علي اللي هما عاوزينه و اللي هما عاوزينه مش عارفينه هما حابين القعده هناك و لو كل المطالب اتنفذت و عملوا كل حاجة و دة من رابع المستحيلات هتلاقي مطالب تانيه

الموضوع تحول عند نسبة كبيرة منهم الي ابتزاز سياسي مش اصلاح سياسي

[dr-mohamed]

اسلوب فيه سخرية ممن يخالفك في الراي
انت كنت بتحزر من الفتنة وادينا اهو بنبداها من المنتدى
ويا ترى هتقبل حد ممن يؤيد الثورة يدخل يخبط كلمة سخرية عليك زي ما عملت
عايزين نحافظ على شعرة معاوية في الاختلاف بدون تهكم شخصي
العملية مش ناقصة يا دكتور

يعني حضرتك اعتبرت كلمة واحدة انا قلتها اثارة للفتنة وهي ان الثورجية هيدخل يهاجموا ابو اياد
وبالامس لما اللى له راي واللى ميعرفش الفرق بين قنبلة الغاز وقنبلة الدخان دخل غلط في كريم لمجرد انه قال رايه عن مولد سيدي المبارك في التحرير مقولتش لاي واحد فيهم انهم بيثيروا الفتنة ليه ؟؟؟؟

عامة انا لا اقصد الاستهانة او الاستهزاء بأي رأي يهدف لمصلحة الوطن حتى لو اختلفنا بما فيها راي حضرتك وراي شهدي وغيره من الاخوة اللى فاكر اسمهم واللى بيختلفوا معايا في الراي
و ده بغض النظر عن احترامي للاشخاص انفسهم لاننا هنا مش بنقيم اشخاص احنا بنتكلم عن اراء


[QUOTE=nevozaky;3873278647]

اثق فى رايك جدا يا دكتور محمد .واعلم انك من مشجيعين الثورة ولكن بعقلانية ولك خالص الاحترام .بس فعلا انا مش عايزة العالم يتريق علينا .وصعبان عليا اوى ان الناس مش مقدرة ان التصرفات دى تقلل من قدرها .مع الاحترام لكل الناس وجميع الاراء مش علشان ارفهه على نفسى اتصرف تصرفات غريبة .لكل مقام مقال .وبرضه الثورات القديمة محدش بيعمل كده .طبعا مش كل الناس اللى هناك والتعميم ما ينفعش بس فى ناس هناك بتعمل كده فعلا .وبعدين لازم لما اروح ميدان التحرير ابقى عارفة انا عايزة ايه وايه مطالبى فعلا .هوه مش مولد ولا فرح فى ناس هناك كتير رايحين يتفرجوا الناس اللى هناك بتعمل ايه وعايشبن ازاى . ليس لهم اى هدف من التغيير او غيره .انا لا انتمى الى اى حزب او اى حركة ولكن يهمنى مستقبل مصر واحوالها .انا مع التغيير ولكن بمنتهى العقل والتنظيم وعلى اسس قانونية صحيحة

والله يا نيفو و ده اللى انا عايزه انا او كريم او ابو اياد او طارق مع حفظ الالقاب للجميع وفيه مننا ناس نزلت فعلا ايام الثورة نفسها وهدفنا ان تكون صورة الثورة صحيحة ومشرفة وتجعل المتظاهرين في التحرير اداة ضغط حقيقية وليست اداة تشويه لثورة الثورة وتخريب ما انجزته
وكل الثورات لابد ان يكون لها عيوب لكن ان لم تصحح اولا بأول تفشل الثورة ويتحول الثوار الى خونة ويذكرهم التاريخ كمخربين وهو ما لا ارضاه لابناء 25 - 28 يناير
ولهذا لابد من منع اخواننا اللى رايحين المولد لانه مش مولد
وانا مثلك لم انتمي لحزب سياسي او جماعة طيلة حياتى

[metenawy]

للاسف الشديد ان الثورة تحولت عن هدفها الاساسي اللي شباب خرجوا ليه و هو الاصلاح لشو اعلامي كبير
ناس كتير بتهتف هو يمشي طب ماشي و بعدين و مجلس الشعب و بعدين و الحكومه و بعدين و نغير الدستور و بعدين كله هيبقي فل الفل و احنا قاعدين لحد ما كل دة يتعمل و بعد ما كل دة يتعمل نعمل مظارهات تاني علشان التغييرات مش عجبانا و دائرة مفرغه هنقعد نلف فيها لدرجه هتخلي النظام الجديد حتي لو نزيه و كفء ينهار تحت وطأة الانهيارات الاقتصاديه

الناس هناك سعيده و مبسوطه (( طبعا نسبة مش كله )) مش هتقبل اي كلام خارج علي اللي هما عاوزينه و اللي هما عاوزينه مش عارفينه هما حابين القعده هناك و لو كل المطالب اتنفذت و عملوا كل حاجة و دة من رابع المستحيلات هتلاقي مطالب تانيه

الموضوع تحول عند نسبة كبيرة منهم الي ابتزاز سياسي مش اصلاح سياسي

اخر سطر في مشاركتك هو المفيد من الاخر
انا ليسا شايف برنامج 10 مساء و هما بيعملو لقاء مع المعتصمين وشوف يا سيدي
واحد عايزه يمشي الريس عشان صاحب البنزينا الكان شغال فيها رفده من 10 ايام
و الثاني الغاز ليسا مدخلهومشي في البلد و طابور العيش طويل
والثالث عشان قانون الطوارى تسئله المذيعة هو طبق عليك قبل كده يقولها لا ليه لانه مصري ههههه كان البيطبق عليهم هم الاجانب مثلا
بجد مسخرة لو ثيبنا الناس دي تتحكم في مستقبل بلدنا

[heshamzaky]

دول أكيد ناس مش مدفوع لهم علشان يشوهو الصورة العامة و لكن تم التقاط عينات عشوائية و لا نستطيع أن نشكك فى برنامج العاشرة مساء هو كمان يبقى بالذمة الى بيحصل دة مش حرام و تهريج و البلد وقفت و علشان حالها يتعدل مش أقل من 4 سنوات

[Hazeeeeem]

معاك حق ،،، والله انا كنت هناك امبارح وقلت ابص على الميدان بع ما خلصت شغل ! مش عايز اقولك والله العظيم قمه السفاله بين الشباب والبنات من ذوى الطبقات الراقيه واللى ماسكين ايد بعض واللى حاطين ايديهم على اكتاف بعض واللى نايمه على رجل صاحبتها ويجوز برضو صاحبها (ماهو زميل فى الانتفاضه) ولا اكنهم فى حفله ديسكو فى الصحرا واللى يغيظ اكتر انك تتفرج ع المناظر تقول لنفسك دول ناقصهم ايه ؟ لبس نضيف واستيلات باين عليها الرقى ، ولا حول ولا قوة الا بالله