الدكتور البرادعي بطل الثورة

[dr-mohamed]

اعتقد ان اللي مش فاهمين دور البرادعي
ليس لهم اكونت على الفيس بوك

لا تعليق

لا طبعا
البرادعى بيحاول يستغل نجاح الثورة الشعبية
ولما شعر بمدى قوتها وبتأثيرها
جه مصر وحاول يحط نفسه فى الصورة بالعافية
ولم يتقبله احد
وكل حديث المتظاهرين فى الاسكندرية يرفضون اساسا ذكر اسمه مش التكلم عنه

زيه زي اي متنطع مفتحش بقه بكلمة قبل 25 يناير ولما وجد فيه احتمالات نجاح قال الحق اركب الموجة ومحدش شاف وشه غير يوم 27
كداب زفة

زي ما كان معظم الناس بتقول ان الجزيره كدابه وحابه تعمل فتنه في مصر

كل ده عشان هي القناه اللي دايما جايبه اللي بيحصل والناس عايزه تتفرج على النيل والكُبري منظر يهدي الأعصاب

وفي الأخر الأعلام الحكومي كله طلع مخادع ومزيف للحقائق ربنا فضحهم والناس رجعت تقول كنا مخدوعين

اللي عايز يعرف البرادعي يسمعه بيقول ايه

واللي عايز يعرف أي شخصيه لازم يسمعها وبعدين يحكم عليها
ممكن تشوفوا البرادعي بيقول ايه مع يسري فوده
[youtube]http://www.youtube.com/watch?v=zznbr0nkblo[/youtube[/youtube]

الاعلام في اي دولة بيكون كداب في كلامه عن دولته ولو مش مصدق الجزيرة نفسها اقرب مثال الجزيرة بتاعة حاكم قطر اللى طرد ابوه وانقلب عليه وبيبع الغاز لاسرائيل زيه زي مبارك وعنده اكبر قاعدة امريكية في العالم وبرغم كدة الجزيرة عمرها ما قالت كلمة من دي وقادة الكيان الصهيوني راحوا قطر اكتر من مرة وبيلفوا في الاسواق براحتهم وبيتكلموا مع الناس وعمر الجزيرة ما جابت الكلام ده

[Qmax]

حضرتك واخد اقتباس لمشاركتى ومحدد جزء منها وبترد بكلامك ده
ممكن افهم ايه المقصود
عشان مبحبش اتسرع فى الحكم على اراء الناس
وضحلى المقصود بكلامك اكتر لو سمحت

أقصد من الجزء المحدد ان مش دايما كل ما يتردد على لسان الناس بيكون صحيح زي موضوع الأجندات وكنتاكي وغيرها من الكلام اللي اتقال في حق الثوار

[Tarek Gen 2]

الموضوع بسيط
البرادعى كان ترس فى الة الثورة
محدش يبخسه حقه كان من بدايات العمل على التغيير بس برضه من بعيد فى الوقت اللى كان فيه ناس بتضرب و تجيبله توقيعات و تتسجن و تتسحل و هوا برة و مع ذلك هما التفوا حواليه لانه امل جديد

البرادعى محترم زيادة عن اللزوم و عشان كدة مكانش عارف يتعامل مع النظام ده كما انو كان خايف منه جدا و بيزعقلوا من بعيد
و مجيوا الثورة كان بعد ما بدأت و دى حاجة وحشة
فى راىى الشخصى لا يصلح نهائى كرئيس دولة
و قد يصلح فى الامام فى حالة وجود مصر ديموقراطية جاهزة لكن فى مرحلة بناء دولة لا يصلح ابدا

[Xander2010_Evo]

هوا آه نادي بالتغيير
بس ماكملش ولا عمل أي خطوات جادة
دفع بالشباب والشباب مقدرش يكتم في نفسو بعد الإنتخابات المزورة والمخبرين والبلطجية إللي تبع الشرطة
بس هوا إتداري فترة طوووويلة جدآآآ
وحاجة مستفزة لما يجي بعد غياب زي ما بيقولوا وهوب بالباراشوت علي الناس في ميدان التحرير
بعد ماناس إتقتلت وإنسحقت ويجي بكل برود "لا مانع عندي في تولي الرئاسة لفترة مؤقتة"
هههههههه أنا صراحة موت من الضحك
كفاية كده علشان أنا شايل منه كتير بعد ماكنت من الناس المؤيدين ليه
إكتشفت إن كل واحد فالبلد دي بيدور علي "مصلحتي أولآ"
هووووب 16 حزب نطقوا عالثورة وتحدثوا بإسم الشعب
مين فوضهم؟؟ كفاية بقي هيا كلمة قالها عمر سليمان
الشعب المصري غير مستعد للديمقراطية
بجد الراجل ده يستحق أن أرفع له القبعة زي مابيقولوا هوا والفريق أحمد شفيق
بس للأسف هما دوول الرجال المناسبين في الوقت الغير مناسب خاااااالص

[أبوعائش]

باراشوت

[SkyBird]

انا بقول راقبوا الموقف السياسي
تلاقوا ان كلام البرادعي هو اللي يمشي
يعني شروطة هي اللي تتنفذ وغصب عن مبارك
وخلوا بالكم من الايام الجاية وركزوا في الايام اللي فاتت هتلاقوا كلامي مزبوط
هو المحرك ومش هتقف الثورة غير لما البرادعي يقول تقف
النهارده وائل غنيم ومصطفى بكري والجلاد كلهم قالوا خلاص على كده
هو الوحيد اللي قال قلت يرحل يعني يرحل
وشوفوا الشباب هيسمع كلام مين
فاهمني ولا انا بكلم نفسي
علشان انتم دخلتم في حوارات جانبية بعيد عن هدف الموضوع
وللتوضيح هو اعلن انه مش هيترشح للرئاسه ولكن قال قبل كده انه ممكن يدير الفترة الانتقالية لعرض مطالب الثوار
وقصة انه قال ان المعارضة فوضتني وانه كان قيد الاقامة الجبرية هو قال محصلش الكلام ده
بس ارجع واقول النظام مش هيلاقي حد غيره علشان يتفاوض معاه لتسليم السلطة لمجلس رئاسي

[Xander2010_Evo]

انا بقول راقبوا الموقف السياسي
تلاقوا ان كلام البرادعي هو اللي يمشي
يعني شروطة هي اللي تتنفذ وغصب عن مبارك
وخلوا بالكم من الايام الجاية وركزوا في الايام اللي فاتت هتلاقوا كلامي مزبوط
هو المحرك ومش هتقف الثورة غير لما البرادعي يقول تقف
النهارده وائل غنيم ومصطفى بكري والجلاد كلهم قالوا خلاص على كده
هو الوحيد اللي قال قلت يرحل يعني يرحل
وشوفوا الشباب هيسمع كلام مين
فاهمني ولا انا بكلم نفسي
علشان انتم دخلتم في حوارات جانبية بعيد عن هدف الموضوع

معظم الناس قالت إنه البداية
لكن
ماكملش
ولما بدأت الثورة بإيد الشباب
جاي "بكلام كل الناس مش كلامي لواحدي" يركب الموجة
والشباب رفض
بدليل
مفيش قائد للثورة دي
وشكرآ يبقي الحال علي ماهوا عليه
الشباب ثائر-مفيش قائد- قالها اللواء عمر سليمان "الشعب غير مستعد للديمقراطية"
بمعني آخر الشعب مش مصدق إن فيه ديمقراطية دلوقتي

[dr-mohamed]

انا بقول راقبوا الموقف السياسي
تلاقوا ان كلام البرادعي هو اللي يمشي
يعني شروطة هي اللي تتنفذ وغصب عن مبارك
وخلوا بالكم من الايام الجاية وركزوا في الايام اللي فاتت هتلاقوا كلامي مزبوط
هو المحرك ومش هتقف الثورة غير لما البرادعي يقول تقف
النهارده وائل غنيم ومصطفى بكري والجلاد كلهم قالوا خلاص على كده
هو الوحيد اللي قال قلت يرحل يعني يرحل
وشوفوا الشباب هيسمع كلام مين
فاهمني ولا انا بكلم نفسي
علشان انتم دخلتم في حوارات جانبية بعيد عن هدف الموضوع
وللتوضيح هو اعلن انه مش هيترشح للرئاسه ولكن قال قبل كده انه ممكن يدير الفترة الانتقالية لعرض مطالب الثوار
وقصة انه قال ان المعارضة فوضتني وانه كان قيد الاقامة الجبرية هو قال محصلش الكلام ده
بس ارجع واقول النظام مش هيلاقي حد غيره علشان يتفاوض معاه لتسليم السلطة لمجلس رئاسي

طي بلو هو الزعيم والموجه كدة فعلا يقولها دلوقت ونشوف هيقولوا عليه ايه اللى في التحرير
هو بيقول اللى هو عارف انه هايعجب الناس علشان لما يقوله والناس تتصرف بنفس الطريقة يظهر انهم بينفذوا كلامه وانه الموجه ليهم
بس لو كنت موجود يوم ما راح ميدان التحرير كنت هاتعرف انه ليس له اي وزن عند الموجودين هناك

بمعني آخر الشعب مش مصدق إن فيه ديمقراطية دلوقتي

والله عندك حق علشان كدة اتحول كل واحد في الشعب لديكتاتور جديد

[SkyBird]

طي بلو هو الزعيم والموجه كدة فعلا يقولها دلوقت ونشوف هيقولوا عليه ايه اللى في التحرير
هو بيقول اللى هو عارف انه هايعجب الناس علشان لما يقوله والناس تتصرف بنفس الطريقة يظهر انهم بينفذوا كلامه وانه الموجه ليهم
بس لو كنت موجود يوم ما راح ميدان التحرير كنت هاتعرف انه ليس له اي وزن عند الموجودين هناك

انا شفته واتكلم وهو مرهق والشباب كان ملتف حواليه ومقدرش يكمل غير انه قال مستمرين ومتنساش انه كبير في السن مش حمل هتاف ولكن الرسالة وصلت
الغلطة ان الدكتور البلتاجي بتاع الاخوان كان بيتكلم في نفس لوقت
بس مش ملاحظ انه راح ميدان التحرير وسط الجموع لو حد يكرهه كان قدر يروح

[dr-mohamed]

انا شفته واتكلم وهو مرهق والشباب كان ملتف حواليه ومقدرش يكمل غير انه قال مستمرين ومتنساش انه كبير في السن مش حمل هتاف ولكن الرسالة وصلت
الغلطة ان الدكتور البلتاجي بتاع الاخوان كان بيتكلم في نفس لوقت
بس مش ملاحظ انه راح ميدان التحرير وسط الجموع لو حد يكرهه كان قدر يروح

راح نص ساعة في لاجيزة وقبل ما الضرب يبدا خلع وقال حددوا اقامتي وطلع كداب
راح التحرير ورمي اليبان للتليفزيونات ومشي بعدها ب5 دقايق وقال مرهق
كدب وقال ان الاحزاب والاخوان فوضوه وطلعوا كلهم كدبوه وقالوا محصلش

بذمتك ينفع رئيس ؟؟؟؟؟؟؟
ولما هو بيرهق من 5 دقايق في التحرير امال هايدير البلد ازاي ؟؟؟؟؟؟؟

[SkyBird]

راح نص ساعة في لاجيزة وقبل ما الضرب يبدا خلع وقال حددوا اقامتي وطلع كداب
راح التحرير ورمي اليبان للتليفزيونات ومشي بعدها ب5 دقايق وقال مرهق
كدب وقال ان الاحزاب والاخوان فوضوه وطلعوا كلهم كدبوه وقالوا محصلش

بذمتك ينفع رئيس ؟؟؟؟؟؟؟
ولما هو بيرهق من 5 دقايق في التحرير امال هايدير البلد ازاي ؟؟؟؟؟؟؟

هات تصريح واحد قال انه هيدير البلد
الرجل عراب التغيير وقال نفسي اشوف التغيير في بلدي قبل ما اموت
هو مش طالب رياسه
والغريبة ان واحد عنده 83 سنة لكن على قلوب البعض زي العسل
ولو عندك تصريح يضحد كلامي هاتو
مستني

[Everlasting]

هات تصريح واحد قال انه هيدير البلد
الرجل عراب التغيير وقال نفسي اشوف التغيير في بلدي قبل ما اموت
هو مش طالب رياسه
والغريبة ان واحد عنده 83 سنة لكن على قلوب البعض زي العسل
ولو عندك تصريح يضحد كلامي هاتو
مستني

+111111111

[فادى محمد]

انا ماليش اي ميول سياسيه او دينيه ,يعني رايي لو هتتقبلوه هيبقي بحياد تام ..حاسس ان د البرادعي صوره لحاجه تانيه ,ده غير انه مابيعرفش يتكلم .

[wawoo]

د البرادعى هو اول ما نادى بضرورة التغير و هذا لا و لان ينكرة احد ..عندما وصل البرادعى مصر و قام بتوحيد القوى السياسية فى مصر و التف كل الشباب الراغب فى التغير حول البرادعى و قام بأسيس الجمعية الوطنية للتغير التى وصل عدد الموقعين على بيانها اللى عدة الاف

لقد بدائت الثورة قبل 25 ينايربكثير عندما نزل شباب البرادعى لتوعية عام الشعب بضرورة الموافقة على طلبات الجمعية الوطنية للتغير ..بلا شك لقد اثرت التوعية بهذة المطالب عند الشعب بضرورة المطالبة بحقوقهم و هو ما دعم الثورة بعد ذلك بلا شك

لقد التفت جميع قوى المعارضة و الشباب الراغب فى التغير مع البرادعى و رائت فية المخلص لمصر ..رغم انة قال عدة مرات انة ليس المخلص وان التحرك يجب ان يبداء من الشعب وفعلا حدث و تحرك الشغب بعدما عرفة حقوقة وعرف الطريق الى التعبير عن حقوقة

ان شباب الفيس بوك كما يطلقون عليهم كان تجمعهم اساس من جروب خالد سعيد الذى قام بنشرها و دعمها العدد الهائل من المشاركين فى جروب البرادعى ..انا نفسى عرفت بحادث خالد سعيد عن طريق جروب البرادعى و العدد الهائل الذى شارك فى صفحة خالد سعيد فى خلال ساعات كان من خلال المشاركين فى صفحة البرادعى و دعمة لها

و قد شارك البرادعى بنفسة فى دعم حادث خالد سعيد و ذهب بنفسة الى الاسكندرية لتعزية عائلة خالد سعيد و اشترك فى وقفة احتجاجية صامتة ضد من قامو بهذة الجريمة البشعة

يخطء من يظن ان الثورة قامت بشكل عفوى او بمحض الصدفة و لكن حالة الاحتقان جائت نتيجة تراكمات كثيرة من المواقف و من تعنت السلطة لو كانت السلطة استجابت لمطالب الجمعية الوطنية للتغير بقيادة البرادعى منذو عدة شهور ما كانت وصلت مصر لحالة الاحتقان هذة التى وصلت الي اقصاها بتزوير الانتخابات البرلمانية الاخيرة على يد احمد عز و اعوانة الذى زورالانتخابات بشكل سافر و تحدى بشكل مستفز لمطالب الشعب و الجمعية الوطنية للتغير..

لقد بدائت الثورة بشكل غير مباشرمنذو ان قدم البرادعى المطالب الشعبية التى طلما رفضها الرئيس مبارك وحزبة الوطنى الذى نفذ ببراعة خطة لتمدير صورة البرادعى و تشوية سمعتة بل و امتد التشوية لافراد عائلة و عدد من الشباب الذى التف حول البرادعى و بالفعل اعتقل عدد منهم للقضاء على هذة الحركة فى مهدها لمعرفتهم بخطورتها على النظام ..

من يعتقد ان البرادعى كان بعيد عن الثورة علية ان يفكر قليلا فى القيود والمؤمرات التى كانت تحكى ضد الرجل و تمنعة من المشاركة بشكل مباشر و هى كثيرة ولا يعلم عنها شىء غير المقريبن منة او على صلة بنشاطة ..

و لا ننسى ايضا حركة كفاية و حركة 6 ابريل الذين ساهمو بشكل غير مباشر فى تشكيل شرارة هذة الثورة الشعبية منذو عدة سنوات

المهم الان ان ينال الشعب حرية و بعد ذلك سيقول التاريخ كلمة فى المحرك الحقيقيى لهذة الثورة التى اجتاحت مصر كلها الان

[ams]

لا بطل و لا حاجة
و البطل مش "ينادى" بس
البطل بيعمل و اللى هو الشباب فالشعب
الكلام اللى بتقولوه ده زى بالظبط ما اوباما اخد نوبل للسلام عشان "نواياه"