لما لا يكون زويل رئيساً

[Everlasting]

ليه متتبنوش فكرة إن مصر تكون دولة برلمانية، ومنصب رئيس الدولة يكون شرفي لاكتمال أركان الدولة، وصلاحياته تكون محدودة.
من أمثلة الدولة البرلمانية: ألمانيا، إيطاليا، سويسرا، المجر، النمسا، تركيا، وإسرائيل.

[د/أحمد ابراهيم]

طب عايز مين يحكم ؟؟؟

مصر دولة مدنية علمية بدون تمييز إن شاء الله ...

هو الأمل فى نهضة مصر العلمية ..

كفايانا بقى فى عصر الظلام ده.

كونك ناجح في ادارة امورك الشخصية لايعني ابدا انك تستطيع ادارة امور الاخرين

اللي يمسك الحكم في دولة اسلاميه لازم يكون عنده بصيرة بالاحكام الشرعية وقدر كافي من المعرفة الحديثة طبعا مع فهم معني مراقبة الله في كل شيء

اقراء الموضوع ده :

http://www.nilemotors.net/Nile/201185-1.html

احنا عندنا دكاترة كتير مبدعين في عيادتهم لاكن ضعيفين جدا لما بقوا رؤساء اقسام والقسم باظ على الاخر

لازم اللي يمسك دولة يكون ذو عقل راجح وموسوعي وعنده ادراك بمختلف الجوانب مع وجود اسس دينية راسخة (وده بيبان من نمط حياته الشخصية على سبيل المثال)

وكونه ذو اسس دينية سليمة لايعني انه عايش في زمن غير الزمن او معندوش نظرة مستقبلية وتطلع للتطوير

طول عمر المسلمين احسن الامم واكثرها تقدما في كل المجالات وهو ده اللى احنا عيزينه

مسلمين متحضرين ومتفوقين

[MRBEBO]

طول عمر المسلمين احسن الامم واكثرها تقدما في كل المجالات وهو ده اللى احنا عيزينه

مسلمين متحضرين ومتفوقين

وهي الدول المدنية مش متحضرين ولا حضرتك بتقصد ايه ...انا بتهيئلي مفيش دولة دينية حققت تقدم مذهل بالمقارنة بمعظم الدول المتقدمة اليوم واللي بتعتبر دول مدنية لا تميز بين افرادها بحسب معتقدهم ؟ ليه ربط الدين بالدولة اساسا ؟ الدين علاقة شخصية مع الله

وبعد كده البلد فيها مسلمين ومسحيين ولازم كل فرد يحس ان البلد بتاعته وليه حق فيها زيه زي اخوه في الانسانية ميحسش انه مواطن درجة تانية او انه مش متمتع بكل الحقوق اللي بياخدها اخوه في الوطن

بلاش نقع في نفس اخطاء العهد السابق والكل عارف مشاكل الفتن والتمييز اللي بنعاني منها

[NoRmAl]

يا جماعه بس صلوا على النبى
دين أيه الى بتتكلموا عنه!!!!!
لا هو مبارك كان بيركعها :)
ولا كان داير ينشر الاسلام فى بلاد الله
الدين أنك تعرف تمارس معتقدات بسلام وبدون قيود
يعنى لو عرفت تصلى وتصوم وتدعو على مزاجك بحريه يبقى دينك مصون
لكن زويل ومعرفته بالدين مال حد بيه
يرجى نفكر بعقلانيه

ثانيا
موضوع علم زويل بالملفات والموضوعات المطروحه زى مبيقول مستر حوده
وهو هنفضل أمتى نقول لازم الى يجي يكون دارى بكل الملفات والقواضى
سورى أحنا بنضحك على نفسنا
وبعد مالكام واحد الى موجودين فى المطبخ يخلصوا هنجيبناس عارفه الملفات منين؟؟
مينفعش واحد يجى ويتعرف على الملفات
طيب تصدقوا بقى وعلمياً...
الى بره الموضوع وحيدخل جديد عليه يمكن يشوفه بصوره أفضل ويلاقيله حل أسرع وأحسن
غير الى بقاله عقود بيفكر فى ذات الموضوع خلت صغائر لكنها مفاتيح حل تغيب عن باله
من جديد دى فى نظرى حجه غيرجيده لأن مش كل رئيس جديد لازم يكوم عارف كل الملفات

وبردو
كفايه بقى الملفات المستهلكه
مصر لن تقدم جديدا فى القضيه الفلسطينه ولن تحل من الاساس
مبقلش نسبها
لكن فلنتفت لأنفسنا ونلحق بركب التكنولوجيا
محتاجين واحد يرمى الملفات الى أنت بتتكلموا عليها دى فى الدرج التانى ويصعد ملفات العلوم والبحث العلمى والتكنولوجيا والانتاج والصناعه للدرج الاول
ياااااااا رب دا يحصل

[M.Osman]

بصراحة انا شايفه رئيس وزراء ... زي مهاتير محمد في ماليزيا

[د/أحمد ابراهيم]

.انا بتهيئلي مفيش دولة دينية حققت تقدم مذهل بالمقارنة بمعظم الدول المتقدمة اليوم واللي بتعتبر دول مدنية لا تميز بين افرادها بحسب معتقدهم ؟

هل كان مفترض تخترع الطائرات الحربية في عهد عمر بن الخطاب رضي الله عنه؟!

معروف ان المسيرة العلمية سلسلة مترابطة ومعتمدة على بعضها مينفعش تاخد الخطوة رقم 2 قبل ما تعدي على رقم 1

وبالتالى التقدم البشري في تطور مستمر

وحاليا البشر في عصر التكنولوجيا

ومفيش حاليا دولة تقدر توصفا بانها دولة دينية (كما يجب ان تكون)

وبالتالى مينفعش تحكم

ليه ربط الدين بالدولة اساسا ؟ الدين علاقة شخصية مع الله

جميل ومن بنود العلاقة دي اتباع اوامر الله

والله سبحانه امر بان نحكم امورنا كما انزل وليس باحكام نبتكرها نحن ونهمش الاحكام التي انزلها وامر الله بها

وبعد كده البلد فيها مسلمين ومسحيين

وايه المشكلة

هل الاسلام دين ظالم؟

هل المسلمين متعجرفين وبيتهضوا الاخرين؟

معاذ الله

المسلمين في الاصل بيعاملوا غير المسلمين احسن من معاملة غير المسلمين لبعضهم البعض (ودي واحده من اسس الدعوة الى الله اللى تسببت في دخولا ملايين في الاسلام)

وتعالى نفكر بعيدا عن الدكتور احمد زويل

لو جالك رئيس معتقد بالاعتقادات الغربية المتقدمة المدنية التي تفصل الدين عن الدولة وصحيت الصبح لقيت شارع للدعارة المرخصة قانونا والخمون العالمية بيتم الاعلان عنها في التلفاز.... ايه هيكون شعورك؟

علما بان غير المسلمين بيشربوا الخمر زي نا اي حد فينا بيشرب اي حاجة ساقعة وبياكلوا لحم الخنزير عادي جدا وبيكونوا علاقات مخلة (في منطق المسلمين) وبتعتبر انت بالنسبة ليهم اللى مش طبيعي! لانك بتقاوم الغريزة البشرية ... من الاخر معقد

طبعا غير المسلمين في الدول العربية يمكن الامور متكنش عندهم بنفس الصورة في الدول الغربية لاكن طبعا عندهم حجات كتيير احنا كمسلمين بنعتبرها من الكبائر

اتمني تكون وجهة النظر بقت واضحة

[wahba87]

انا مرة سمعت تعليق و مقتنع بيه بيقول

رئيس الجمهورية منصب سياسى من الدرجة الاولى

رئيس الوزراء منصب اقتصادى من الدرجة الاولى

و زويل ليس رجل سياسة او اقتصاد , هو عالم جليل و دوره يأتى فى رفع مستوى التعليم فى مصر و لازم يا خد كل الصلاحيات فى المجال ده

[رزق]

ليه متتبنوش فكرة إن مصر تكون دولة برلمانية، ومنصب رئيس الدولة يكون شرفي لاكتمال أركان الدولة، وصلاحياته تكون محدودة.
من أمثلة الدولة البرلمانية: ألمانيا، إيطاليا، سويسرا، المجر، النمسا، تركيا، وإسرائيل.

+1
أو حتى نظام جمهوري زي امريكا بس يكون فيه مجلس شعب وشورى جامد زي السينات والكونجرس

مش مجلس شعب دلدول .. ما هو ده اللي خربها بالتسقيف والتهليل..فين محاسبة الريس وفين محاسبة الوزراء

ولا هي محاسبتهم ب دقيقة تسقيف ل كل كلمة يقولوها و تأليف الشعر ليهم.

ثانيا,

أنا مش مع أي نظام حكم اسلامي
ماحدش يقدر ينكر إن نظام الحكم الإسلامي الصح كان رائع بس مع انتهاء الخلفاء الراشدين ابتدى في الهبوط تاني.
دلوقت
ي بص تحتك..السودان..ونعم الحكم الاسلامي الصح والتقدم والرخاء اللي هم فيه
السعودية..وإن كان عشان عندهم بترول الحالة أحسن كتير..بس واضح طبعا من العيلة المالكة إنهم أبعد مايكون عن تقوى حكام صدر الإسلام
ايران..مش حعلق...كفاية عمك "آية الله" السيستاني و "رجال الدين" اللي عندهم...حولوها لديكتاتورية طغاه
افغانستان - أيام طالبان
باكستان الأيام دي

عايز تعمل حكم اسلامي ومتبوظش بيه الدنيا..هاتلنا رجال من امثال عمر وأبو بكر..غير كده عندك الامثلة حواليك

بالنسبة لصلب الموضوع
مقدرش اقول إني معاك 100% مع احترامي طبعا ل علم أحمد زويل
بس برادعي زويل موسى جنزوري أو حتى موسوليني
هات راجل نضيف ييجي يقعد 4-5 سنين و لو عايز 4-5 سنين تانيين ويمشي..بس يكون يقدر يتحاسب ويكون على اد المسئولية

[MRBEBO]

حضرتك ليك كامل الاحترام ... بس الحقيقة انا مش مقتنع بكل ده

كل كلام حضرتك على اساس هيحصل انفلات في اوضاع المجتمع للاسواء وتفشي الرزيلة

طيب ما اي مجتمع فيه الكويس والوحش وهل الدول الدينية كله تمام فيها ومفيش فيها فجور ورزيلة

وكمان لما هيتم عمل دستور من الممكن وضع قواعد ثابته ومنظمه لشكل المجتمع واكيد احنا اخلاقنا لا تسمح بالاشياء دي

واللي غاوي حاجات زي كده مش هتلقيهم وسط المجتمع لانهم اكيد منبوذين بحكم الاخلاق وفطرة الانسان الطاهرة

ولمعلومات حضرتك الاخلاق مش مرتبطة بالدين عندك دول كتير جدا زي اليابان مثلا معندهمش دين سماوي بس كاخلاق واحترام رقم واحد ... احنا بنتكلم عن الاغلبية مش عن قلة شاذة

فطرة الانسان في الاصل نقية وطاهرة لان الله لم يخلق شئ سيئ

[رزق]

انا مرة سمعت تعليق و مقتنع بيه بيقول

رئيس الجمهورية منصب سياسى من الدرجة الاولى

رئيس الوزراء منصب اقتصادى من الدرجة الاولى

و زويل ليس رجل سياسة او اقتصاد , هو عالم جليل و دوره يأتى فى رفع مستوى التعليم فى مصر و لازم يا خد كل الصلاحيات فى المجال ده

معلش يعني عندي تعليق,
هو مبارك لما جه قعد 30 سنة..كان يعني راجل سياسي خطير قبلها؟
لا واللهِ كان راجل عسكري محترم ممكن بس سياسي؟
الموضوع طبعا ماشي بالولاء
السادات جابه من القوات القوية على نائب.

[MRBEBO]

[د/أحمد ابراهيم]

حضرتك ليك كامل الاحترام ... بس الحقيقة انا مش مقتنع بكل ده

كل كلام حضرتك على اساس هيحصل انفلات في اوضاع المجتمع للاسواء وتفشي الرزيلة

طيب ما اي مجتمع فيه الكويس والوحش وهل الدول الدينية كله تمام فيها ومفيش فيها فجور ورزيلة

وكمان لما هيتم عمل دستور من الممكن وضع قواعد ثابته ومنظمه لشكل المجتمع واكيد احنا اخلاقنا لا تسمح بالاشياء دي

واللي غاوي حاجات زي كده مش هتلقيهم وسط المجتمع لانهم اكيد منبوذين بحكم الاخلاق وفطرة الانسان الطاهرة

ولمعلومات حضرتك الاخلاق مش مرتبطة بالدين عندك دول كتير جدا زي اليابان مثلا معندهمش دين سماوي بس كاخلاق واحترام رقم واحد ... احنا بنتكلم عن الاغلبية مش عن قلة شاذة

فطرة الانسان في الاصل نقية وطاهرة لان الله لم يخلق شئ سيئ

مع بالغ احترامي وتقديري رأي حضرتك

فيه قاعدة اسمها سد الزرائع

بمعني متتركش مدخل للمفسدة وتقول ان الموضوع مش هيكبر

ودي قاعده ثابته في الاسلام

بالنسبة للدول الغربية زي اليابان مثلا لى زميلى اخدوا دكتراه من هناك الناس منظمين كنمط حياه بس فعلا مفيش دين بالعربي المحرمات عندنا بكافة انواعها هي جزء من نمط الحياه

طول ما نت بتشتغل كويس الصبح اعمل اللي انت عايزه بالليل

خد مثلا دوله نضيفه جدا بمعني الكلمة: ألمانيا

كنت بحاول اتعلم شوية الماني لاقيت في الكتاب امثلة عن كيفية كتابة البيانات الشخصية وحاطين صور لاشخاص وتحتهم البيانات

الظريف كان مكتوب تحت صورة بنت انها غير متزوجة وعندها طفلين!

طبعا انا بتلقائيه سألت المستر؟!!
(الراجل عاش هناك 15 سنة)

قلى ده الطبيعي عندهم - انت هناك اللى مش طبيعي!!!

وطبعا لو هنتكلم على النظام والدقة والكفائة والفخر بالوطن ألمانيا تحتل المركز الاول بجدارة

عشان كده لازم يكون الدستور دستور دولة اسلامية مش علمانية

وبامر الله هنرجع تاني في قمة الامم قريبا جدا

[Moh.Abdelbaset]

قال عمر بن الخطاب رضي الله عنه :نحن قوم أعزنا الله بالإسلام و إن ابتغينا العزة بغيره أذلنا الله

[ahmed1981]

وبعد كده البلد فيها مسلمين ومسحيين ولازم كل فرد يحس ان البلد بتاعته وليه حق فيها زيه زي اخوه في الانسانية ميحسش انه مواطن درجة تانية او انه مش متمتع بكل الحقوق اللي بياخدها اخوه في الوطن

حضرتك خلطت بين أمرين

الأمر الأول: دينية الدولة.
الأمر الثاني: ديانة رئيس الدولة.

الأمر الأول: دينية الدولة وهو المطروح عليه الخلاف والآراء ومسموح بنقاشه وكل واحد حر في رأيه فيه والأغلبية في النهاية هي التي سيؤخذ برأيها.

الأمر الثاني: وهو ديانة رئيس الدولة وليس مطروح للنقاش في جمهورية مصر العربية وهي الديانة الإسلامية لأنها ديانة أغلبية سكان مصر فقط لا غير.

[m3_dolphen]

قال عمر بن الخطاب رضي الله عنه :نحن قوم أعزنا الله بالإسلام و إن ابتغينا العزة بغيره أذلنا الله

نجح الاعداء فى تخويف كثير من المسلمين من الحكم الاسلامى بدعوى الارهاب والتشدد ...
الدولة الوحيدة التى قامت وانتشرت وحكمت العالم فى عشر سنين فقط هى الدولة الاسلامية ...
هو معنى ان ابا بكر وعمر رضى الله عنهما ليسوا بيننا انه لا يستطيع احد الحكم بشرع الله ... طيب لو احنا عملنا الدستور بتاعنا من الشريعة الاسلامية وانتخبنا مجموعة من علماء الامة لوضع دستور اسلامى بأدلة شرعية هل مش هينفع نمشى بيه ..
للأسف وبكل الأسف ناس كتير أوى خايفة من حكم الاسلام نظرا لما بقلوبهم من امراض و أهواء

لقد خسر العالم كله اكبر خسارة عندما سقط الحكم الاسلامى من العالم
لقد رحب الأقباط بعمرو بن العاص عندما دخل مصر بسبب اضطهاد الرومان لهم
الحكم الاسلامى يوفر اكبر رعاية لغير المسلمين فى بلاد المسلمين
الحكم الاسلامى يرضى به الجميع لأنه العدل والرحمة
الحكم الاسلامى يمنح المسلمين وغير المسلمين حرية فى ممارسة شعائرهم الدينية
الحكم الاسلامى لم يهدم كنيسة او معبد عندما دخل مصر

الحكم الاسلامى يطبق فى بعض بلاد غير المسلمين
الحكم الاسلامى يكفل حرية الرأى والتعبير طالما لا يخالف شرع الله
الحكم الاسلامى يأمر بكل مافيه خير للبشرية وليس للمسلمين فقط
الحكم الاسلامى ينهى عن كل مافيه شر للبشرية وليس للمسلمين فقط

علماء المسلمين كان لهم ومازال الفضل الأكبر فى الثورة العلمية فى أوروبا

مصر دولة إسلامية وستبقى إسلامية ونسأل الله تعالى أن يولى علينا من يحكم بحكم الإسلام