عندما يختلفوا يظهر الوجه الاخر | محمود سعد vs انس الفقى

[human]

طيب ما تسئل نفسك ال11 مليار دول راحو فين واتصرفو على مين ولا هما ال9 مليون هما اللى تعبينك قوى

طيب ما تروح تعمل برنامج كدة وتفرجنا حتجيب كام .. ولا هو اى حد بيكسب فى مصر بقى خائن و عميل ..اية المنطق دة

ماتشوف وزيرالاعلام اللى كذب على الشعب بياخد كام و اخد كام منى و منك عشان ينشر كذب وافتراء على المتظاهرين فى التحرير .....

و انت لية عاوز تحول الموضوع لمناشقة موضوع هامشى و تسيب الجريمة الكبرى اللى عملها وزير الاعلام و معاونة الخونة كلهم ..

اسلوب حضرتك فى الحوار غير مقبول
و اتحفظ عليه كثيرا

لما تكلمنى حاول تتكلم باحترام و ماتقوليش انت
اسمها حضرتك او باشمهندس او ساتاذ بس انت ديه ماتنفعش
ثانيا حضرتك مش بترد على اللى بقوله حضرتك بترد على اللى انت بتفكر فيه


وكلمه تعبينك ديه تنفع لغه حوار فى اى حته الا هنا و مش معايا


لم اقل على اى حد بيكسب انه خائن و عميل
حضرتك اللى بتقول كده و ترد على نفسك

كمان ده بالنسبالى و بالنسبه لكتير مش موضوع هامشى

حضرتك عندك القدره تفهم كده اهلا وسهلا ماعندكش القدره ديه ممكن تعتبر الموضوع مش موجود او تعرض رأيك بكل ادب و احترام

يا ريت تراجع طريقه كلامك

[wawoo]

حضرتك عندك القدره تفهم كده اهلا وسهلا ماعندكش القدره ديه ممكن تعتبر الموضوع مش موجود او تعرض رأيك بكل ادب و احترام

يا ريت تراجع طريقه كلامك

عمل انسانى ب 9 مليون و عايز كمان خماشر يعنى الشعب يدفع و كمان يتفضل عليه و يجيب مهمشين و يقول عمل انسانى
يعنى بياكل من وراهم و يفهمنا ان هو بيعمل عمل انسانى


هو مش دة كلامك برضو و بطالب بالادب و الاحترام ..لما تبقى تحترم واحد فى مقام محمود سعد ابقى اتكلم عن الادب والاحترام

انا بتلكم بكل ادب و احترام الدور والبقى على كلامك و تلميحاتك اللى لا تعبر عن اى ادب او احترام خالص فى حق ناس محترمة و نقدرها ..

[human]

عمل انسانى ب 9 مليون و عايز كمان خماشر يعنى الشعب يدفع و كمان يتفضل عليه و يجيب مهمشين و يقول عمل انسانى
يعنى بياكل من وراهم و يفهمنا ان هو بيعمل عمل انسانى


هو مش دة كلامك برضو و بطالب بالادب و الاحترام ..لما تبقى تحترم واحد فى مقام محمود سعد ابقى اتكلم عن الادب والاحترام

انا بتلكم بكل ادب و احترام الدور والبقى على كلامك و تلميحاتك اللى لا تعبر عن اى ادب او احترام خالص فى حق ناس محترمة و نقدرها ..

كلامى عباره عن رأى على شخصيه عامه ارتضت العمل العام و يحق للجميع النقد

و النقد اللى بوجهه لا فيه قله ادب ولا عدم احترام فيه انى مش شايف فيه اللى هو بيدعيه
انا بقى حر اشوف كده ماشفش كده ديه بتاعتى انا مش بتاعه حضرتك

حضرتك شايف العكس اهلا وسهلا

بس تغلط فيا لأ
تقلل من رأيى لأ
تقولى بحترم ولا مش بحترم لا ليك تقول كده ولا حتى يحق ليك تقول كده

متضايق ممكن تعمل تقرير مشاركه - ممكن تطلب غلق الموضوع

بس تانى بقولها انت غير ذات صفه انك تحكم عليا و على رأيى

عايز تنقد انتقد رأى
يعنى تقول ان انا شايف الراجل كويس و يستاهل الفلوس اللى بيغرفها من التليفزيون
قول انه راجل تمام قول انه كويس و ممكن يبقى احسن لو فى تليزيون تانى بس هو بيفضل بلده

تقدر تقول رأيك بأكتر من اسلوب محترم غير الاسلوب اللى انا اتبعته فى الرد من نوعيه انت و تاعبينك و ابقى روح

الاستاذ هجان رأيه فيه اللى انا بأيده و فيه اللى انا بعارضه استاذ عطيفه انا على خلاف كبير مع اراءه و عمرى ما قلتله ابقى ورينا بقى كلامك اتحقق فين مثلا (ازيك يا عطيفه) :)

اللى انا شايفه فيه تجاوز هو اسلوب حضرتك و يا ريت بلاش تعلق على اى موضوع بكتبه عشان على ما اعتقد ديه مش اول مره

[م. حاتم السباعي]

طيب ما تسئل نفسك ال11 مليار دول راحو فين واتصرفو على مين ولا هما ال9 مليون هما اللى تعبينك قوى

طيب ما تروح تعمل برنامج كدة وتفرجنا حتجيب كام .. ولا هو اى حد بيكسب فى مصر بقى خائن و عميل ..اية المنطق دة

ماتشوف وزيرالاعلام اللى كذب على الشعب بياخد كام و اخد كام منى و منك عشان ينشر كذب وافتراء على المتظاهرين فى التحرير .....

و انت لية عاوز تحول الموضوع لمناشقة موضوع هامشى و تسيب الجريمة الكبرى اللى عملها وزير الاعلام و معاونة الخونة كلهم ..

اخي الكريم الفاضل
مع ان حضرتك لم توجه لي الكلمات و لكني احس بأننا اخوه في هذا المكان و اسمح لي بأن اناقشك في بعض الكلمات
لم ينكر احد اخي الكريم ان (( الاخ )) محمود سعد له شعبية مفرطة
بين المصريين سواء داخل مصر او خارجها
و لكن اسمح لي اخي الكريم ان من يسمح لنفسه بأن يحاسب الناس علنا و يملك الحق في فتح حوار مع الاخ عمار الشريعي لينتقد النظام و هو كان عين النظام و الاخت شريهان و هي كانت عين النظام
اسمح لي سيدي ان اعلمك بأنهم يحاسبون اناس منهم الفاسد و منهم غير ذلك و اسمح لي بأن اقول لحضرتك ان محمود سعد
كان محرر في الصفحة الفنية من سنة78 في مجلة صباح الخير حتي رئيس قسم الفني ثم رئيس تحريرها هل تدري اخي الكريم ان هذه الصفحات كانت تمتلئ في عهده بالعرايا من الفنانات و النجوم
هل تدري سيدي الكريم انه كان رئيس تحرير مجلة (( الكواكب ))
من 2001 حتي 2006
احسب كده بالله عليك معي كام سنه (( عري ))
27 سنة سيدي الفاضل تولي فيها مثل مبارك بالضبط (( لم نراه يأمر بمعروف او ينهي عن منكر )) فيما يخصة من ظهور العري في مجلاته
اليس هذا بالله عليك فساد اكبر من الفلوس او علي اقل تقدير يساويه
ثم اصبح في التليفزيون ثم اصبح يحاور ايضا الفنانات و المغنيات
و يتملقهم اوي في التليفزيون الذي تبرأ منه الان
لو ارادو ان يفضحوه صدقني حوار انس ده عينه بسيطه
و لكن كل هذا و لا نعلم مكانته عند خالقه فأحتمال ان يكون هو او غيره افضل مني عند الله و لا نحكم علي احد و هو كمان و الاخ عمار الشريعي و الاخت شريهان اللي زمان دمرت بنات كتير عيانا بيانا
كل هؤلاء لا يحاسبون احدا لانهم هم ايضا محاسبون
فليدعو القضاء يحكم علي الفاسدين و ليحمدو ربهم ان مبارك مثلا لم يقع و حوار محمود سعد كان يذاع مع (( علاء ))
او ان مبارك وقع لما كان الاخ عمار بيلحن (( اخترناك )) و يحضن الرئيس و يكرم منه
او مثلا كان مبارك (( يقع )) اثناء رقص الست شريهان في الفوازير
او قبل الحادث الذي ابعدها عن كشف جسمها امام الملايين
اللهم استرنا و اعف عنا
اللي نفسي اقوله لحضرتك
اننا كلنا مخطئون كلنا مشاركون كل منا فيما يخصه
التسع ملايين جنيه سيدي الفاضل (( اي 750 الف جنيه في الشهر ))
و هو نفسه كان يناقش تدني الاجور و لم ينسحب من التليفزيون
هو نفسة كان يحاور وزيرة القوي العاملة في مطالب عمال المصانع و لا يعلم الناس الذين يتحدث بأسمهم بأنه يجني الملايين
الموضوع مش تخوين اخي الكريم و لكنها انتفاضة يجب ان تزلزلنا من الداخل موظف البنك اللي بياخد 4000 جنية طالع يحتج علشان فيه غيره بياخد اكثر منه و لم يأخذ بيعين الاعتبار ان الاف غيره لا يحصلو علي عشر مبلغه و كانو زملاء كليه واحده بس هوه بابا او ماما او عمو او خالو كانو من السبعينات موظفين ببنوك وطنية
ثم اصبحت في الانفتاح بقدرة قادر حاجة تانية
هل سيدي الكريم سيوافق الشعب المصري لو طلع قرار
برفد كل موظفي القطاعات التالية ثم اعادة اختبارهم و الكشف علي مؤهلاتهم و لا يسمح الا بتعيين الاكفاء منهم
(( البنوك و البترول و الكهرباء و المحليات و الصحة و التعليم و القضاء و السلك الدبلوماسي و الشرطة و الجيش ))
هل تعلم اخي الكريم اني لم ادخل كلية الفنية العسكرية لاني لم اجد الواسطة لدخولها و غيرنا دخلها ثم ندم انه دخلها
هل تعلم اخي الكريم ان الفساد يملئ هذه المصالح بأيدينا
و بمشاركتنا جميعا المسئولية
والا كان ربنا سبحانة وتعالي سيقول لنا في الاخرة (( حاشا لله ))
اللي في عهد الفرعون مبارك دول يجو علي جنب ادخلو الجنة فأنكم مقهورين انتم لن تحاسبو كان الرجل بيأخذ الملايين من الاعلانات
اخي الكريم و اخوتنا جميعا في المنتدي
يا ليتنا حين نتحدث لا نلقي باللوم علي زملاء لنا يشاركونا الحوار
متي سيضع كل منا مشاركته بدون ان يغلط في الاخر
ارجو ان اكون قد اوضحت و جهة نظري
و تقبل مروري

م.حاتم السباعي

[human]

اخي الكريم الفاضل
مع ان حضرتك لم توجه لي الكلمات و لكني احس بأننا اخوه في هذا المكان و اسمح لي بأن اناقشك في بعض الكلمات
لم ينكر احد اخي الكريم ان (( الاخ )) محمود سعد له شعبية مفرطة
بين المصريين سواء داخل مصر او خارجها
و لكن اسمح لي اخي الكريم ان من يسمح لنفسه بأن يحاسب الناس علنا و يملك الحق في فتح حوار مع الاخ عمار الشريعي لينتقد النظام و هو كان عين النظام و الاخت شريهان و هي كانت عين النظام
اسمح لي سيدي ان اعلمك بأنهم يحاسبون اناس منهم الفاسد و منهم غير ذلك و اسمح لي بأن اقول لحضرتك ان محمود سعد
كان محرر في الصفحة الفنية من سنة78 في مجلة صباح الخير حتي رئيس قسم الفني ثم رئيس تحريرها هل تدري اخي الكريم ان هذه الصفحات كانت تمتلئ في عهده بالعرايا من الفنانات و النجوم
هل تدري سيدي الكريم انه كان رئيس تحرير مجلة (( الكواكب ))
من 2001 حتي 2006
احسب كده بالله عليك معي كام سنه (( عري ))
27 سنة سيدي الفاضل تولي فيها مثل مبارك بالضبط (( لم نراه يأمر بمعروف او ينهي عن منكر )) فيما يخصة من ظهور العري في مجلاته
اليس هذا بالله عليك فساد اكبر من الفلوس او علي اقل تقدير يساويه
ثم اصبح في التليفزيون ثم اصبح يحاور ايضا الفنانات و المغنيات
و يتملقهم اوي في التليفزيون الذي تبرأ منه الان
لو ارادو ان يفضحوه صدقني حوار انس ده عينه بسيطه
و لكن كل هذا و لا نعلم مكانته عند خالقه فأحتمال ان يكون هو او غيره افضل مني عند الله و لا نحكم علي احد و هو كمان و الاخ عمار الشريعي و الاخت شريهان اللي زمان دمرت بنات كتير عيانا بيانا
كل هؤلاء لا يحاسبون احدا لانهم هم ايضا محاسبون
فليدعو القضاء يحكم علي الفاسدين و ليحمدو ربهم ان مبارك مثلا لم يقع و حوار محمود سعد كان يذاع مع (( علاء ))
او ان مبارك وقع لما كان الاخ عمار بيلحن (( اخترناك )) و يحضن الرئيس و يكرم منه
او مثلا كان مبارك (( يقع )) اثناء رقص الست شريهان في الفوازير
او قبل الحادث الذي ابعدها عن كشف جسمها امام الملايين
اللهم استرنا و اعف عنا
اللي نفسي اقوله لحضرتك
اننا كلنا مخطئون كلنا مشاركون كل منا فيما يخصه
التسع ملايين جنيه سيدي الفاضل (( اي 750 الف جنيه في الشهر ))
و هو نفسه كان يناقش تدني الاجور و لم ينسحب من التليفزيون
هو نفسة كان يحاور وزيرة القوي العاملة في مطالب عمال المصانع و لا يعلم الناس الذين يتحدث بأسمهم بأنه يجني الملايين
الموضوع مش تخوين اخي الكريم و لكنها انتفاضة يجب ان تزلزلنا من الداخل موظف البنك اللي بياخد 4000 جنية طالع يحتج علشان فيه غيره بياخد اكثر منه و لم يأخذ بيعين الاعتبار ان الاف غيره لا يحصلو علي عشر مبلغه و كانو زملاء كليه واحده بس هوه بابا او ماما او عمو او خالو كانو من السبعينات موظفين ببنوك وطنية
ثم اصبحت في الانفتاح بقدرة قادر حاجة تانية
هل سيدي الكريم سيوافق الشعب المصري لو طلع قرار
برفد كل موظفي القطاعات التالية ثم اعادة اختبارهم و الكشف علي مؤهلاتهم و لا يسمح الا بتعيين الاكفاء منهم
(( البنوك و البترول و الكهرباء و المحليات و الصحة و التعليم و القضاء و السلك الدبلوماسي و الشرطة و الجيش ))
هل تعلم اخي الكريم اني لم ادخل كلية الفنية العسكرية لاني لم اجد الواسطة لدخولها و غيرنا دخلها ثم ندم انه دخلها
هل تعلم اخي الكريم ان الفساد يملئ هذه المصالح بأيدينا
و بمشاركتنا جميعا المسئولية
والا كان ربنا سبحانة وتعالي سيقول لنا في الاخرة (( حاشا لله ))
اللي في عهد الفرعون مبارك دول يجو علي جنب ادخلو الجنة فأنكم مقهورين انتم لن تحاسبو كان الرجل بيأخذ الملايين من الاعلانات
اخي الكريم و اخوتنا جميعا في المنتدي
يا ليتنا حين نتحدث لا نلقي باللوم علي زملاء لنا يشاركونا الحوار
متي سيضع كل منا مشاركته بدون ان يغلط في الاخر
ارجو ان اكون قد اوضحت و جهة نظري
و تقبل مروري

م.حاتم السباعي

بارك الله فيك
ماذكرته حضرتك هو ما اعتقدت انه يعرفه كل مصرى
ولكنى الان اجدنى مثل الهائم الذى يرى مالا يمكن تصديقه
ارى اناس ترفع اناس لعنان السماء و ما كانوا ان يرفعوا
ارى اناس يصدقون اناسا جميعنا نعلم ماضيهم الغير مشرف على جميع الاصعده
ارى اناس كل حياتهم تملق و زيف و الان اصبحوا مرجعيات

ربنا يزيح الغمه

شكرا يا باشمهندس

[م. حاتم السباعي]

شباب حزب وطنة مين!!
حضرتك مش متابع مين اللى رد فى الموضوع لغايه دلوقتى!!

احنا عارفين مين انس الفقى وعارفين عمل ايه
الكلام دلوقى على اللى بيتكلم و عامل فيها بطل

و بعدين لو بياخد الفلوس من قناة خاصه مش مصريه ماعنديش مشكله اهو دخل داخل البلد من بره

بس التليفزيون المصرى !! و بعدين لما 100 مليون داخلين و هو ياخد 10%
هو شغال لوحده مثلا!!
غير كده تانى التليفزيون خسران 11 مليار جنيه فى كام سنه فاتو

متخيل الرقم!!!!!!

لازم طبعا لما مذيع واحد ياخد 9 مليون و الباقى مش عارفينه و شويه كسر الممثلين يعملولهم مسلسل بكذا مليون

سفه ما بعده سفه

ايضا اتوجه اليك اخي الكريم
بنفس الكلمات و هي ان يتقبل كل منا رأي الاخر و لا ننشد وراء الهجوم علي بعض
حتي لا ينجح الحاقدين في فرقتنا
و لحضرتك وافر التحية

م.حاتم السباعي

[magood]

بالراحة شوية يا جماعة
انا مش شايف اننا مختلفين في حاجات كتير
احنا متوافقين علي سوء الادارة المالي و السياسي للتليفزيون
السؤال دلوقت هل كان محمود سعد جزء من هذا الفساد خلال ايام الثورة?
حاجة تانية, هل محمود سعد كان بوقا للنظام قبل الثورة ام كان مع الفقراء?
الحاجة الاخيرة, كانا عارفين انه يتقاضى مبالغ كبيرة ولكن مع هذا كان يرفض تضليل الشعب. اظن لو كانت الفلوس في قلبه كان تنازل لانس الفقي.
و بعدين بغض النظر عن تفاصيل طلب الحوار مع الرئيس, اليس من الاجدى ان نشكره على مواقفه المشرفة?

[hookyelyak]

صح اوى

[otefa]

أستاذ طارق أحب أوضح أن خلافنا لم يكن أبدا جوهري حول تأيد الثورة ومشروعيتها وضرورتها ولكن كان في بعض السيناريوهات و التفاصيل وتحليل لما يدور في الكواليس ومازلت متمسك بيه وثابت عليه مش عناد لاسمح الله ولكن بتحليلات منطقية الأحداث بتأكد عليها يوم بعد يوم.
والأختلاف في الرأي لايفسد للود قضية.....تقبل تحياتي

[human]

أستاذ طارق أحب أوضح أن خلافنا لم يكن أبدا جوهري حول تأيد الثورة ومشروعيتها وضرورتها ولكن كان في بعض السيناريوهات و التفاصيل وتحليل لما يدور في الكواليس ومازلت متمسك بيه وثابت عليه مش عناد لاسمح الله ولكن بتحليلات منطقية الأحداث بتأكد عليها يوم بعد يوم.
والأختلاف في الرأي لايفسد للود قضية.....تقبل تحياتي

عارف والله
و الوضع مبهم جدا دلوقتى عن الاول

و تحياتك مقبوله :)

[ahmed4000]

رغم تحفظى على محمود سعد وان مش كل من يزعق ويهلل يبقى بطل..لكن اهو حسابه عند ربنا هو اعلم بالنوايا

بس مش عارف ليه الناس بتبقى موافقة على لاعب كرة ياخد 40 مليون جنيه ولا مغنى ياخد 20 مليون جنيه فى كام دقيقة ولا ممثل ياخد كام مليون فى تمثيلية ولا حتى رقاصة تاخد 7 الاف جنيه فى ربع ساعة

ونيجى نستغرب لما نلاقى مذيع ولا مدير بنك ولا خبير فى مجال معين ولا حتى رئيس هيئة كبيرة بياخد اقل منهم بكتير...هى الناس دى عندها خبرات ومؤهلات ولا جاية تهرج...ويارتى واحد فى السن ده المفروض ياخد كام 10 الاف جنيه فى الشهر؟

ياريت متقسوش بينا احنا مهو لو واحد فيكم بياخد 5 الاف جنيه وهو فى التلاتيتنات مثلا حيبقى حاسس ان ده قليل اومال لما يبقى عنده حاجة وخمسين سنة حيققى عايز ياخد كام؟

وده ملوش علاقة خالص بان موظف تانى بياخد 500 جنيه فى الشهر...موضوعين مش مرتبطين ببعض..لأازم الفقير ده يتغنى بس ملكش دعوة باللى فوق بياخد كام مدام بيقوم بشغله كما ينبغى ...


شوف اى شركة خاصة محترمة بتقدر الناس دى بكام...يعنى اى حد شغال فى شركة مالتى ناشيونال يقول مرتب رئيسها كام...اى حد شغال فى بنك خاص يقول مرتب مدير البنك كام ولا مدير الادارة كام؟ حتلاقى ارقام معدية ال100 الف فى الشهر بكل بساطة..هل الشركات دى هبلة وبترمى فلوسها فى الارض ولا هو ده الرنج الطبيعى

لو محمود سعد بياخد 15 مليون وبيجيب للتلفزيون 50 مليون بسبب وجود اسمه على البرنامج يبقى التلفزيون كسبان

[otefa]

عارف والله
و الوضع مبهم جدا دلوقتى عن الاول

و تحياتك مقبوله :)

أسمحلي أوضح من وجهة نظري أثق بنسبة كبيرة جدا في رغبة الجيش الحقيقية في الأصلاح ودوره الفعال في دعم الثورة المهم حاليا هو مدى قدرته الفعلية على تنظيم الأمور برؤية ثاقبة والأستعانة بذوي الخبرة والمشهود لهم بالنزاهة ولا أشك في وجود تقارير مخابراتية يمكنهم الأستعانة بها وبنبض الشارع ومتابعتهم للمواقع الألكترونية في النقطة دي فدي كمان محلولة
فاضل تنظيم جهاز الداخلية وتطهيره من بؤر الفساد فيه وأعتقد أن ده ألي بيعملوه حاليا
نيجي للمظاهرات الفئوية محتاجة بيان بوعود لتحقيق مطالبهم وأعتقد هذا ماتفعله حكومة تسيير الأعمال حاليا (بتدرس الميزانية )وكيفية عمل توازن فيها عن طريق أعادة ترتيب الكوادر(المليونية في رواتبها وتوزيعها على قطاع أكبر من الموظفين)
الموقف الدولي لايقلق بالمرة فيه خطوط ثابتة(حمراء) لن يمس بها وسيتم تأمينها دستوريا في الأغلب في المرحلة الحالية ولفترة الرئاسة القادمة الأولى على أقل تقدير.
الموضوع مش وردي بس أنا عندي ثقة كبيرة في تخطيط الجيش والمرة دي بالذات
ده تصوري والله أعلم

[human]

رغم تحفظى على محمود سعد وان مش كل من يزعق ويهلل يبقى بطل..

بس مش عارف ليه الناس بتبقى موافقة على لاعب كرة ياخد 40 مليون جنيه ولا مغنى ياخد 20 مليون جنيه فى كام دقيقة ولا ممثل ياخد كام مليون فى تمثيلية ولا حتى رقاصة تاخد 7 الاف جنيه فى ربع ساعة

ونيجى نستغرب لما نلاقى مذيع ولا مدير بنك ولا خبير فى مجال معين ولا حتى رئيس هيئة كبيرة بياخد اقل منهم بكتير...هى الناس دى عندها خبرات ومؤهلات ولا جاية تهرج...ويارتى واحد فى السن ده المفروض ياخد كام 10 الاف جنيه فى الشهر؟

ياريت متقسوش بينا احنا مهو لو واحد فيكم بياخد 5 الاف جنيه وهو فى التلاتيتنات مثلا حيبقى حاسس ان ده قليل اومال لما يبقى عنده حاجة وخمسين سنة حيققى عايز ياخد كام؟

وده ملوش علاقة خالص بان موظف تانى بياخد 500 جنيه فى الشهر...موضوعين مش مرتبطين ببعض..لأازم الفقير ده يتغنى بس ملكش دعوة باللى فوق بياخد كام مدام بيقوم بشغله كما ينبغى ...


شوف اى شركة خاصة محترمة بتقدر الناس دى بكام...يعنى اى حد شغال فى شركة مالتى ناشيونال يقول مرتب رئيسها كام...اى حد شغال فى بنك خاص يقول مرتب مدير البنك كام ولا مدير الادارة كام؟ حتلاقى ارقام معدية ال100 الف فى الشهر بكل بساطة..هل الشركات دى هبلة وبترمى فلوسها فى الارض ولا هو ده الرنج الطبيعى

لو محمود سعد بياخد 15 مليون وبيجيب للتلفزيون 50 مليون بسبب وجود اسمه على البرنامج يبقى التلفزيون كسبان

متفق معاك 100%
عشان كده بجد هقاطع الكورة و لو لقيت فيه لاعيب عايز ملايين هنزل اقفله بيافطه قصاد النادى بتاعه

الفكره ان هل ينفع محمود سعد يتاجر بالام الناس و يستغل ده لتحقيق مكاسب للتليفزيون و مكاسب شخصيه له ولا يخفى على احد ماضيه مثلما اسهب الاخ العزيز هجان

الفكره كلها غلط من اول تلميع واحد عشان يطلع على الناس و بعدين يتعمل عليه هاله و بعدين الفلوس ديه كلها تتصرف على برنامج انا اره ممل جدا و اعلم ان مثلى كثيرين

ممكن مقارنه سريعه بينه وبين اوبرا وينفرى و الاتنين فى تليفزيون الدوله مع اختلاف الدخل (اوبرا بتعمل 270 مليون دولار فى السنه)

شوف اوبرا وينفرى ساهمت اد ايه للمواطن الامريكى و تعد من اغلى المذيعين و عندها دخل رهيب بس شوف بتعمل ايه مشافناش الله يخليكى يا ست اوبرا ماشفناش واحد زى احمد عز بيدى الناس شقق مع اوبرا وينفرى عشان هيه تلمع و تنضف احمد عز و فى الاخر شقه 60 متر

اوبرا وينفرى عندها جمعيات و مشاريع كتيره خيريه و معروف عنها اسهامها عامل ازاى

هيه بتاخد مرتب كبير و المقابل كبير

بس المشكله لما تاخد مرتب كبير و المقابل يكاد يكون صفر و كمان تلميع و كمان استغلال يبقى صعب جدا

خد بالك احنا مش بنتكلم على قطاع خاص
احنا بنتكلم على تليفزيون الدوله

[Abo_Lina]

أنا مش هاتكلم على ٩ مليون و ٩ ساغ لأن مش ده جوهر الموضوع
كده كده محمود سعد هياخد هذا المبلغ و ربما أكثر من تلفزيونات أخرى زي ما كان بيشتغل في mbc و كان أجره من أعلى الأجور في الوطن العربي
دي تسعيرة و معروف إن عمرو أديب و محمود سعد في المقدمة ..


أنا ليا موقفه من الثورة فقط لا غير .. الراجل رفض يشارك في المهزلة الإعلامية دي ..

[otefa]

أنا مش هاتكلم على ٩ مليون و ٩ ساغ لأن مش ده جوهر الموضوع
كده كده محمود سعد هياخد هذا المبلغ و ربما أكثر من تلفزيونات أخرى زي ما كان بيشتغل في mbc و كان أجره من أعلى الأجور في الوطن العربي
دي تسعيرة و معروف إن عمرو أديب و محمود سعد في المقدمة ..


أنا ليا موقفه من الثورة فقط لا غير .. الراجل رفض يشارك في المهزلة الإعلامية دي ..

الواضح أنه حسبها صح ويشكر لم يشارك في هجوم على الثورة ولكنه لم يكن مهاجم للنظام في أول أيام الثورة الى أن بدأت تظهر معالمها.....ولا تصوري غلط؟