عندما يختلفوا يظهر الوجه الاخر | محمود سعد vs انس الفقى

[تامر.محمد]

سلام عليكم
انا مش من هواة رفع ناس لأعالي السماء , بس انا مش عاجباني نغمة الكل فاسد بصراحة

مفترض ان اللي له موقف فاسد النهارده يتهاجم عليه و اللي له موقف صالح يتكرم عليه
ما ينفعش نقول ده ما يتكرمش اصله كان وحش من 20 سنة

ليس دفاعا عن محمود سعد و انما هو مبدأ
بخصوص موضوع مرتبه , طالما اتفق على نسبة مع التليفزيون , و لو حقيقي التليفزيون هايخسر المبلغ ده لو ما جابوش (بافتراض انه هاياخد نفس النسبة مع حد تاني) , يبقى لا مشاكل , انا طبعا كان لازم اذكر الشروط دي لأني ما عنديش علم بالتفاصيل

لكن اجمالا , انا بصراحة ضد صرف كل ده فيما لا يستحق ... مفروض الحاجات دي تتراجع فعلا
احنا لما عرفنا ان مرتب ابراهيم عيسى كان 25 الف جنيه اتسرعنا

بالنسبة لمحمود سعد نفسه , تحديدا موقفه من الثورة, قد يكون موقفه صادق بخصوص رفضه الكذب على الشعب , و قد يكون حط شعبيته في كفة و النظام في كفة و اختار شعبيته , الله اعلم في رأيي , بس التصرف يحمد عليه الى ان يظهر العكس

ده مش معناه انه اعلامي ما حصلش او قمة او او او , لكن لابد من اكرامه فيما يستحق

[magood]

اشاركك الراي
يا جماعة الراجل ده كان بياخد الفلوس دي كلها علشان اسمه بيجيب اعلانات تترجم كربح للشركة المنتجة
عاوز تحاسبه, قيم المحتوى الاعلامي الذي يقدمه.
لكن لا تستكثر عليه رزقه.
تحياتي

[otefa]

ببساطة القضية مش قضية محمود سعد ولا أنس الفقي هي قضية دولة وقوانينها كانت بتشجع الأستثمار في قطاعات خدمية أكثر مابتشجع القطاعات الصناعية وهو ده جوهر المشكلة في رأي
تعالى قل لمستثمر مكسبك مش ها نقول 10 أضعاف كفاية ضعف المكسب من أنشاء مصنع لتصنيع خلاط مياه منزلي أكيد ها يختار الأربح والأريح قناة تلفزيونية أو شركة أستيراد وتصدير على سبيل المثال
يبقى الحل في السيستم نفسه يقدم تسهيلات تجذب المستثمر يحط فلوسه في الصناعة والزراعة
وضوابط وضرائب عالية جدا على المجالات الغير مفيدة نسبيا لتقليص أعدادها
والأهم تطبيق الكلام ده بحزم بلا أستثناءات

[magood]

لا اتفق معك
انا كنت اراه مناهض للنظام على قدر ما يستطيع
و يدل عاى هذا احتجابه القهري في مناسبات عديده لرفضه ان يكون بوقا للنظام.
ارجو ان لا نلومه على انه لم يصرح برفضه ذلك لانه ببساطه كان سينكل به وكنا سنخسر وجوده على الشاشة
ارجع واقول حاسبو الناس على مافعلوه وليس على ما تمنيتم منهم فعله

[ahmedjumpo]

و انت فاكر 9 مليون جنية دة مبلغ ..يعنى ..طيب انت تعرف وزير الاعلام بياخد كام ..طيب تعرف اسامة الشيخ بياخ كام
محمود سعد لو فى قناة خاصة كان حياخد اضعاف المبلغ دة ..و دة لن يمنعة انة يتكلم عن الفقر والفقراء برضو

و هو مش بياخد حاجة من حد غصب عنة ..والتلفزيون مكنش بيدفع دة صدقة ..
التلفزوين بيدخلة صافى ارباح من البرنامج اكتر من 100 مليون جنية فى السنة

المشكلة فى المبلغ ولا المشكلة فى وزير الاعلام الكاذب اللى عمل غسيل مخ لكل المصريين اللى كانو بيتفرجو على القنوات المصرية و غير الحقيقية اللى بتحصل على ارض الواقع و عمل تعتيم اعلامى على الثورة فى بدايتها عشان يخدم نظام فاسد

انا عارف ان هنا كتير من شباب الحزب الوطنى حيحولو الموضوع للمبلغ اللى بيخدو محمود سعد و كل دة عشان يتوهو الموضوع الاصلى و هو الجريمة اللى ارتكبها وزير الاعلام بكذب فى نقل الحقيقية و تغيب الناس ..

هذا الوزير يجب ان يحاكم على الجريمة الاعلامية اللى ارتكبها فى حق المصريين كلهم

+++++++++++++++++++1
يا جماعة المبلغ مستفز فعلا لمعظم الناس بس هذا المبلغ مش اللى وافق عليه هو وزير الاعلام السابق نفسه اما بالنسبة لمحمود سعد فاى حد مكانه عنده امكانية انه يأخذ اعلى كمان من كده هيقول لاء اصل فيه فقراء و ماينفعش , يا جماعة عايزين نكون منطقيين فى النقد

[human]

+++++++++++++++++++1
يا جماعة المبلغ مستفز فعلا لمعظم الناس بس هذا المبلغ مش اللى وافق عليه هو وزير الاعلام السابق نفسه اما بالنسبة لمحمود سعد فاى حد مكانه عنده امكانية انه يأخذ اعلى كمان من كده هيقول لاء اصل فيه فقراء و ماينفعش , يا جماعة عايزين نكون منطقيين فى النقد

اللى بقوله ماينفعش التليفزيون الوطنى يدى فلوس كده
و ماينفعش هو يقول انه بينحاز للفقرا و بياخد مواقف و الموضوع كله بيزنس
و تصويره على انه منقذ و ملهم و ذو بأس و رأى و احنا نصدق

بس
لو بياخد اكتر من كده من قطاع خاص هقول ماليش دعوه هما احرار بس رأيى هيفضل زى ما هو

و الوزير السابق و كل الناس اللى مستفزه فى التليفزيون بنقول عليهم يعنى مش بنقول ان السبب محمود سعد

[otefa]

+++++++++++++++++++1
يا جماعة المبلغ مستفز فعلا لمعظم الناس بس هذا المبلغ مش اللى وافق عليه هو وزير الاعلام السابق نفسه اما بالنسبة لمحمود سعد فاى حد مكانه عنده امكانية انه يأخذ اعلى كمان من كده هيقول لاء اصل فيه فقراء و ماينفعش , يا جماعة عايزين نكون منطقيين فى النقد

بس ده مايمنعش أنه مش من الشخصيات الوطنية ألي تستاهل تبقى قدوة وألي فوق الشبهات يعني و بدليل ماضيه وأنه باديء حياته في عالم الفن وما أدراك ماهو عالم الفن

[م. حاتم السباعي]

أنا مش هاتكلم على ٩ مليون و ٩ ساغ لأن مش ده جوهر الموضوع
كده كده محمود سعد هياخد هذا المبلغ و ربما أكثر من تلفزيونات أخرى زي ما كان بيشتغل في mbc و كان أجره من أعلى الأجور في الوطن العربي
دي تسعيرة و معروف إن عمرو أديب و محمود سعد في المقدمة ..


أنا ليا موقفه من الثورة فقط لا غير .. الراجل رفض يشارك في المهزلة الإعلامية دي ..

انا اتفق مع حضرتك و هو (( الان )) يحترم لموقفه
مثلما كان غيره (( محترم )) لقرار اتخذه في موقعه و قتها

الواضح أنه حسبها صح ويشكر لم يشارك في هجوم على الثورة ولكنه لم يكن مهاجم للنظام في أول أيام الثورة الى أن بدأت تظهر معالمها.....ولا تصوري غلط؟

و ايضا انا اؤيد حضرتك في ان الكثيرين كانو ينتظرون النتائج
و احيانا اهل البيت الواحد
و (( لا خلاف )) ان الشرفاء من اهل البلد
يرفضون الفساد بكافة صوره و اشكاله
و لكن ليس معني انا الثوار قد نجحو الان ان يجري مجموعة من الاحكام علي كل الناس و من كل الناس و نكون فرق و جبهات
و من تعلم من تاريخ البلد شئ يعلم ان الكثيرين من (( الوطنيين الشرفاء الذين وقفو مع ثورة الضباط الاحرار قديما ))
هم انفسهم انقلبو عليها حينما حادت عن معتقداتهم من امثال جماعة الاخوان المسلمين و قتها و جناحها العسكري
و اخذ الكثير من الكتاب للسجن لمجرد اختلاف الاراء
و نذكر ان اول ايام حكم الرئيس السابق انور السادات كانت (( هدم ))
معتقلات عبد الناصر
ثم مرت الايام و اذا به هو نفسه يعتقل الكثير من الكتاب الاحرار المختلفين معه في الرأي
وهذا ما اردنا ان نوضحه ان الحاج محمود سعد (( كان )) ثم (( اصبح ))
و مع ذلك حر طليق لم تعلق له المشانق علي ماضيه
و عم عمار (( كان )) ثم (( اصبح ))
و مع ذلك حر طليق لم تعلق له المشانق علي ماضيه
و الاستاذ خالد يوسف (( كان )) ثم (( اصبح ))
و مع ذلك حر طليق لم تعلق له المشانق علي ماضيه

لماذا نحن ايضا كنا نقبل الاخطاء و نتعايش معها و ظللنا طلقاء احرار

لماذا لا نقبل منطق ان مبارك (( اصبح )) ثم (( كان ))
و مع ذلك نرفض ان يظل حر طليق

م.حاتم السباعي

[الطنطاوي]

في حاجة عرفتها بعد الثورة وهي ان المليار والمليون دي حاجة بسيطة خااااااااااااااااااااااااااااالص

[Donzi]

بصراحة مش شايفة ما يدعوا لمهاجمة محمود سعد لأنه بياخد 9 مليون ولا حتى 20 مليون ما دام مابيسرقش حق حد ولا بياخد اراضي بتراب الفلوس و يسقعها و يبيعها ولا بيعمل مشاريع وهمية ياخد بيها قروض من البنك !!!!؟؟؟

الراجل شخص ناجح اعلاميا و له جامهيرية كبيرة في الوطن العربي كله و دا اللي بيخلي سعره و اجره يوصل للرقم دا

غير كدا انتم ليه مصدقين أنس لبفقي اويييييييييي كدا في الارقام اللي قالها هوا من امتى بيقول الحقيقة ولا من امتى سياسته هي الشفافية !!!!؟؟؟

محمود سعد بيهاجمه و بيهاجم الاعلام المصري الحكومي و شىء طبيعي ان انس الفقي يطلع يشكك في شخص محمود سعد عشان يفقده مصداقيته عند الناس و كالعادة بيكدب زي ما خلى سياسة التليفزيون المصري كله هي تشويه الحقايق و الكذب و التزييف

و اذا كان محمود سعد اجره بيوصل ل 9 مليون جنيه فا دا معناه ان التلفزيون بيكسب من وراه اضعاف مضاعفة و السؤال هنا هوا الاضعاف دي بتروح فين و لمين ؟؟؟

و مش معنى ان محمود سعد بيكسب مبلغ و قدره ان هوا مش من حقه يتكلم على الفقرا ولا على مشاكل البلد و الناس الغلابة ؟؟؟؟ ايه المبرر يعني اللي يمنع من واحد غني يدافع عن حقوق البسطاء !!! طيب ما وائل غنيم اللي عمل شرارة الثورة دي و بقاله شهور بينقد و بيطالب بحقوق المصريين و الحريات المفقودة غني جدا و بيشتغل مدير اقليمي في جوجل و عايش في دبي في فيلا و بسين و عربية اخر موديل _ ما شاء الله _ فهل معنى دا انه مكنش من حقه يطالب بحقوق المصريين ؟؟؟؟

سايبين اساس الموضوع و مسكتوا في محمود سعد مع انه موقفه كان واضح و مشرف من الاول و كفاية انه مرضيش يشترك في المسرحية الهزلية اللي عملها التلفزيون المصري و لا رضي يكدب على الناس

[otefa]

أحنا كده متفقين لحد كبير
ده أقتباس من رأيي في موضوع فضيحة اليوم السابع يمشي هنا برده
-----------
على فكرة مافيش دولة في العالم مافيهاش النوعية دي وبكثرة
النقطة كيف تزيد من وعي الشعب وفطنته في أنتقاء الأخبار وتحليله لها بمعنى مافيش سلوك أنساني صح ولاغلط على طول الخط (بشر)
وألا كأننا بنطلب من الدولة تتدخل تاني في كل صغيرة وكبيرة
الوعيييييييييييييييي والتحاور هو الحل زي مابنتحاور على المنتدى وده هاياخد سنين مع عامة الشعب البسطاء ألي منهم من لايقرأ من الأساس مابالنا عن درايته بالنت ودول ملايين
ألي بيكتب يكتب وألي بيقدم برنامج يقدم ويقول زي مايقول المهم وعي المتلقي كل مازاد كل ما أنكمشت وقلة قدراتهم على بث الأكاذيب واللعب بعقول الناس..........شد وجذب(توازن)
العالم دي لما تلاقي سوقهم بيوقع وأكاذيبهم ملهاش سوق أجباري وليس بخيار منهم هايغيرو لغة حوارهم أو مش هايبقى ليهم سعر في السوق الناضج.

[ainshouka]

اللى بقوله ماينفعش التليفزيون الوطنى يدى فلوس كده
و ماينفعش هو يقول انه بينحاز للفقرا و بياخد مواقف و الموضوع كله بيزنس
و تصويره على انه منقذ و ملهم و ذو بأس و رأى و احنا نصدق

بس
لو بياخد اكتر من كده من قطاع خاص هقول ماليش دعوه هما احرار بس رأيى هيفضل زى ما هو

و الوزير السابق و كل الناس اللى مستفزه فى التليفزيون بنقول عليهم يعنى مش بنقول ان السبب محمود سعد

انا دلوقتى مش عارف افهم حضرتك

يعنى الغلط محمود سعد زى مكتبت فى اول الموضوع ولا التليفزيون المصرى وانس الفقى زى مانت كتبت دلوقتى

[human]

انا دلوقتى مش عارف افهم حضرتك

يعنى الغلط محمود سعد زى مكتبت فى اول الموضوع ولا التليفزيون المصرى وانس الفقى زى مانت كتبت دلوقتى

كلهم

منظومه كامله تعمل لمصلحتها و ده مش عيب
العيب ان هيه تعمل لمصلحتها و تقول ان هيه وطنيه و تتصنع
و العيب ان هيه ماتفيدش زى ما بتفيد
مافيش مانع حد يعمل لمصلحته
بس مايجيش يكسب بوينتس عليا و كمان لا يفيد بنما هو الوحيد الكسبان


شوف كلام محمود سعد - عايز يقول انه ضد مبارك و نجله!!! تخيل اننا ممكن نصدق ده .. بيضغط لزياده دخله من 7 مليون ل 9 مليون و بيتكلم على الاضرابات الفئويه ... ازاى اصدقه

و شوف كلام وزير الاعلام بيقول انه بيحمى مبنى دستورى و كان راجل حامى المبنى عشان مايقعش فى ايد الاعداء و طبعا عارفين هو قاعد ليه


كله بايظ ... ده اللى بقوله

[تامر.محمد]

و شوف كلام وزير الاعلام بيقول انه بيحمى مبنى دستورى و كان راجل حامى المبنى عشان مايقعش فى ايد الاعداء و طبعا عارفين هو قاعد ليه

الاعداء ايوة
اعدائه هو و شلته

[ainshouka]

كلهم

منظومه كامله تعمل لمصلحتها و ده مش عيب
العيب ان هيه تعمل لمصلحتها و تقول ان هيه وطنيه و تتصنع
و العيب ان هيه ماتفيدش زى ما بتفيد
مافيش مانع حد يعمل لمصلحته
بس مايجيش يكسب بوينتس عليا و كمان لا يفيد بنما هو الوحيد الكسبان


شوف كلام محمود سعد - عايز يقول انه ضد مبارك و نجله!!! تخيل اننا ممكن نصدق ده .. بيضغط لزياده دخله من 7 مليون ل 9 مليون و بيتكلم على الاضرابات الفئويه ... ازاى اصدقه

و شوف كلام وزير الاعلام بيقول انه بيحمى مبنى دستورى و كان راجل حامى المبنى عشان مايقعش فى ايد الاعداء و طبعا عارفين هو قاعد ليه


كله بايظ ... ده اللى بقوله

كده انا فهمتكم :)

الواحد اتعلم ان الواحد لازم يتأنى مع الناس اللى كانت شغالة فى النظام القديم كله

يعنى اللى ظهر كويس ايام الثورة مهما كان مش حنخونه ومش فى الوقت حنستأمنه 100%