بعد لقاء القوات المسلحه..ايه رأيكم النهارده فى كلام وزير الداخليه ؟؟

[medo_2060]

هااااااااااا أقولكوا مين صاحب رصد؟؟؟؟؟؟؟؟
بس بعد إستاذ ميدو ما يأذن لي :))

لو تسمحلى بس اوضحلك نقطه... مع احترامى لأى معلومات عندك عن شبكه رصد فهى اكيد معلومات بدون ادله.. على فكره انا مش بدافع عنها ولا واثق فيها 100%...
بس الكلام الى عندك اكيد مش هيكون اسوء من الكلام الى اتقال على جروب كلنا خالد سعيد انه صهيونى وووووو
والاخر الحقيقه اتكشفت رغك كلام الناس الى كانت بتخون الجروب دا بالادله كمان زى ما بيقولوا...
وارجوك مش عايزين نسيب الموضوع الرئيسى ونتجادل فى رصد وغيره.. عندك كلام من مصراوى عنك الفيدوهات الى حضرتك مشكورا حطيتها..
يعنى سيبك من رصد الخبر دا مش حصرى منها... شوف كلام وزير الداخليه من اى حته تعجبك وقولى رأيك فيه ايه

[dr-mohamed]

ميدو
انت لما نزلت انت واصحابك تتظاهروا روحتوا فين ؟؟؟؟؟؟؟؟؟؟؟؟
يعني كنت بتتظاهر فين ؟؟؟؟؟؟؟؟

[Xander2010_Evo]

استاذ Xander2010_Evo... عشان برضه اكون معاك للاخر... دا جزء من الكلام الى سمعته ومنقول من مصرواى ( مصراوى مش رصد ولا الجزيره)

وشهدت نهاية شهر يناير أعمال سلب ونهب وإحراق لأقسام شرطة وفتح سجون.. وقد اتهم البعض الشرطة بفتح السجون لبث الرعب في قلوب المواطنين إلا أن وجدي نفى ذلك مؤكدًا أن ما حدث من دمار لجهاز الشرطة هو مُخطط مقصود ومُدبر وقال:''اللي عمل كده في اقسام الشرطة حاجة من اثنين يا مجرم جنائي يا مجرم سياسي او الاثنين مع بعض و لا يمكن ان يكونوا عناصر من الداخلية''.
موقعة الجمل التي شهدت سقوط شهداء خلال ثورة 25 يناير، نفى وزير الداخلية - في حكومة تسيير الأعمال - محمود وجدي تورط أي من عناصر الشرطة والمخبرين وأمناء الشرطة في أحداث هذا اليوم وقال:'' في ذلك اليوم سقط قتلى بالرغم من عدم تواجد الشرطة''.
--------------
يا اخى العزيز دا لو قال النقطتين دول بس ومشى هيبقى استهبال واستخفاف بعقول الناس... وبخصوص اصحاب رصد صدقنى الى عندك مش هيبقى اكبر من كم الكلام الى اتقال على جروب وائل غنيم وسيبك منها خالص شوف انت الفيديو وقولى رأيك فى كلام الراجل دا

ارجو انك متحصرش القضيه فى رصد ولا غيره وتسيب الكلام بتاع الراجل ...لو بس جت عالكلمتين الى فوق دول يبقى الرساله وصلت

والله أنا مش بحصر الكلام في رصد أو في غيرها
لو عاوزين ينقلوا الخبر محدش فينا عنده مانع بس ينقلوه بالحرف وكل الصدق فيه
والكلام ده صراحة من وجهة نظري مقصوص عن الكلام علي الراجل قاله فالحلقة
وأنا بردو مش بدافع عن الراجل وزير الداخلية ده مع إن كلامه أنا مقتنع بيه جدآآآ
وبالنسبة لرصد بقي
شوف اللينك ده
طھط¹ط±ظپ ط¹ظ„ظ‰ ط¥ط¯ط§ط±ط© ط´ط¨ظƒط© ط±طµط¯ ... ط´ط¨ط§ط¨ ط³ط¬ظ„ظˆط§ ط§ظ„طھط§ط±ظٹط® ... | Facebook
دوول فعلآ أصحاب رصد
أنس حسن ده من المنصورة وفعلآ في كلية هندسة ده صاحب واحد صاحبي فالكلية إللي أنا فيها
وهوا إللي عمل الشبكة دي أصلآ وواحد بردو إسموا أسامة طلبة
وهما الأتنين إخوان صراحة وأنا مش ضدهم علشان متجيش تقوللي وجاي ليه تقوللي إخوان؟؟
الإتنين أيام الدكتورة إللي إتقتلت في ألمانيا "مش فاكر إسمها صراحة" كانوا عملوا مظاهرات كل واحد في كليته
وإتمسكوا وإتعملهم قضية والحوار المعروف ده وف الآخر كالعادة والطبيعي في كل الكليات كسبوها
وكل صراحة إللي شايفه منهم دلوقتي بيحاولوا يردوا إللي إتعمل فيهم بأي طريقة
ومفيش أسهل من النت وياسلام لما يكون معاك صفحة فيها نص مليون مشترك
والشبكة دي وسعت وبقي ليها ناس من برة مصر مصريين يعني بردو علشان حوار الأجندات الفكسان ده
وإزاي دخلوا نت والنت كان مقطوع في مصر ..إلخ إلخ زي ماحنا عارفين
هتقوللي الكلام ده كذب وهجس
هاقولك متشكر ياسيدي
هاقولك دليلي إني عندي بروفايلاتهم أصلآ ع الفيس
بس أنا مش عاوز أنشرها لسبب إني مستني فرصة صح وأبلغ عنهم بس الآقي المسئول الصح
تحياتي إليك

[medo_2060]

ميدو
انت لما نزلت انت واصحابك تتظاهروا روحتوا فين ؟؟؟؟؟؟؟؟؟؟؟؟
يعني كنت بتتظاهر فين ؟؟؟؟؟؟؟؟

ايه العلاقه الموضوع دا بكلامنا ؟ وليه السؤال ؟
---------
ولو تحب تسمع الاجابه الى عايز توصلها... حضرتك كنت فى ميدان التحرير فى قلب الحدث تعانى من اجل الوطن...
وانا اصحابى كنا فى المنصوره بنلعب بلاى ستيشن وبنتظاهر بين الشوطين...
اى خدمه

[Xander2010_Evo]

لو تسمحلى بس اوضحلك نقطه... مع احترامى لأى معلومات عندك عن شبكه رصد فهى اكيد معلومات بدون ادله.. على فكره انا مش بدافع عنها ولا واثق فيها 100%...
بس الكلام الى عندك اكيد مش هيكون اسوء من الكلام الى اتقال على جروب كلنا خالد سعيد انه صهيونى وووووو
والاخر الحقيقه اتكشفت رغك كلام الناس الى كانت بتخون الجروب دا بالادله كمان زى ما بيقولوا...
وارجوك مش عايزين نسيب الموضوع الرئيسى ونتجادل فى رصد وغيره.. عندك كلام من مصراوى عنك الفيدوهات الى حضرتك مشكورا حطيتها..
يعنى سيبك من رصد الخبر دا مش حصرى منها... شوف كلام وزير الداخليه من اى حته تعجبك وقولى رأيك فيه ايه

مش هاتفرق منين سواء مصراوي ولا رصد
الإتنين عندي أنا شايف ناقلين الخبر غلط
والدليل موجود أقسم بالله العظيم تحت إيدي

[dr-mohamed]

الله يرحمها الدكتور مروة الشربيني شهيدة المانيا
وعندك الجيش بلغه لان فعلا الشبكة بقت مصدر للمعلومات الكاذبة واي حد بيقول الحقيقة كلامه يتمسح ويتعمل بلوك على مشاركاته

[medo_2060]

استاذ Xander2010_Evo.. انا مقدر كلامك جدا والله
وسيبك بقى من رصد ومن اى موقع ومن مصراوى كمان عشان مش عاجبك..
شوف الفيديو الى محدش هيختلف عليه .. وقولى بقى الكلام الى الراجل دا قاله وعجبك ولا لأ.. هو دا موضوعنا الرئيسى عشان منخرجش براه تانى
تحياتى لحضرتك

[dr-mohamed]

medo2006
انتهي الكلام معاك تماما ولا تعلق على اي مشاركة لي فيما بعد
من عيوب الثورة عدم الاحترام

[Xander2010_Evo]

الله يرحمها الدكتور مروة الشربيني شهيدة المانيا
وعندك الجيش بلغه لان فعلا الشبكة بقت مصدر للمعلومات الكاذبة واي حد بيقول الحقيقة كلامه يتمسح ويتعمل بلوك على مشاركاته

هههههههه حضرتك بردو إتعملك بلوك زيي؟؟؟
ههههههههههههه
الصبــــر جميـــــــــــــــــل

استاذ Xander2010_Evo.. انا مقدر كلامك جدا والله
وسيبك بقى من رصد ومن اى موقع ومن مصراوى كمان عشان مش عاجبك..
شوف الفيديو الى محدش هيختلف عليه .. وقولى بقى الكلام الى الراجل دا قاله وعجبك ولا لأ.. هو دا موضوعنا الرئيسى عشان منخرجش براه تانى
تحياتى لحضرتك

عاوز رأيي في وزير الداخلية؟؟؟
صراحة عاجبني
تحياتي إليك

[ahmedjumpo]

وبعدين نازلين ليه انتقاد فى المواقع والقنوات دى .. هو الاعلام الوطنى رائع جدا عشان نتابعه.. مش دى الجزيره الى كانت بتذيع جرائم حكومتك وكانوا بيشوشوا عليها !! لو الجدال منه فايده كنت اتكلمت كتير فى الاعلام

اسمحلى حضرتك من اول ما الثوره بدات عمالين تكبروا وتشككوا فى كل حاجه شويه تشتموا فى الثوار الى فى التحرير وشويه كفايه كدا يا خوانا وشويه مع وائل غنيم وشويه ضده وشويه هيحصل مذابح لو المظاهرات استمرت وشويه مبروك عليكم الحكم العسكرى وشويه الاحتلال داخل البلد وشويه اسرائيل وسفن امريكا !!!!!!!!!!! ...
مفيش ولا كلمه من الى عمالين تقولوها من اول الثوره الا ما بتطلع العكس وكلامكم كان كله غلط ودائما المتظاهرين الى كانوا عايزينه كان الصح وبرضه مصرين تعيدوا نفس كلامكم فى كل موقف
دا لو المتظاهرين قالوا الشمس بتشرق من المشرق هتقولوا دا كلام الجزيره ورصد وهتطبق الاحكام العرفيه ..
بعد كل كلامكم الى محصلش ولا حرف منه بمناسبه ايه دلوقتى نثق فى نصائحكم وتوجيهاتكم..
وبرضه عارف الرد الى هيتقال على كلامى لانه نفس الرد الى بيتقال فى كل موقف...

++++++++++++++++++++++++++++++++1

[medo_2060]

عاوز رأيي في وزير الداخلية؟؟؟
صراحة عاجبني
تحياتي إليك

وانا عاجبنى كلامك جدا والله..
شفت الفيديو وقلت رأيك الشخصى سوءا متفقين أو لأ بس هو دا لب الموضوع اننا نتناقش عالكلام

[Mzeid]

على فكرة واحد صاحبي والده ضابط شرطة بيقوله ان اللواء وجدي بيشد على الضباط بس معاملته كويسة مع المواطنين

[Xander2010_Evo]

وانا عاجبنى كلامك جدا والله..
شفت الفيديو وقلت رأيك الشخصى سوءا متفقين أو لأ بس هو دا لب الموضوع اننا نتناقش عالكلام

تمااااااااااام
هي دي الديمقراطية
إن لو إتنين بيتحاوروا لازم يكون قبول الرأي سواء بالإيجاب أو بالرفض موجود
والإحترام متبادل بين الطرفين
Nice To Meet You

[ahmedjumpo]

اسمحلى بعد اذنك يا دكتور محمد ارى ان كل السيناريوهات اللى حضرتك توقعتها من بعد رجوع النت الى العمل لم يحدث اى منها و كان معظمها فيه نوع من تثبيت الهمم و التخويف من القادم و البعبع العسكرى اللى ما كانش هيخلى راجل هيقدر يوقف فى الشارع و الكلام ده يعتبر اساءة لشباب الثورة لانهم مش شوية عيال هتخاف و تروح و اظن انا وملايين غيرى شافوا ان هؤلاء الشباب العزل تصدوا بصدورهم العارية للبلطجية و ضباط امن الدولة و اسلحتهم البيضاء و الالية فى الوقت الذى دخل افراد الجيش الى دباباتهم و تركوهوم بلا حماية و قد قامت امريكا و بعض الدول بادانة هذا السلوك السلبى من الجيش و هل كنت تظن ان اى جيش فى العالم كان يستطيع ان يردع هؤلاء الشباب الذين لم يعد يرهبهم الموت الذى كان يحيطهم و هل كنت تعتقد ان لو الجيش كان ضرب شوية من الناس كانت روحت و الموضوع خلص اتحدى يا دكتور و الا كانوا عملوا كده
ارجوك يا دكتور بلاش تسفيه للشباب المصرى و اظهاره بمظهر الجبان و اللى مش فاهم حاجة فصاحب الايمان سيدافع عنه الى الموت و لك فى ليبيا التى تعطيها لنا فزاعة خير الدليل فهم خرجوا و لم يرهبهم الطيارات و لا المدفعية و لا المرتزقة لانهم امنوا بقضية بلدهم و بالحرية وسيدافعوا عنها حتى النصر
ملحوظة اخيرة يا دكتور اترك الشباب يحلم لهذا الوطن فالاجيال السابقة كانت هى السبب بسلبيتها و استكانتها فى التدهور الذى وصل اليه الوطن

[dr-mohamed]

هرد عليك لسبب واحد هو احترامك في الكلام
واي حد هايتكلم بالطريقة دي انا معاه يقنعني او اقنعه
اي حد هايتكلم بطريقة تانية هايبقي فيه كلام تاني يليق بيه

اسمحلى بعد اذنك يا دكتور محمد ارى ان كل السيناريوهات اللى حضرتك توقعتها من بعد رجوع النت الى العمل لم يحدث اى منها و كان معظمها فيه نوع من تثبيت الهمم و التخويف من القادم و البعبع العسكرى اللى ما كانش هيخلى راجل هيقدر يوقف فى الشارع
لم يكن رايي وحدي وانما شاركني فيه الكثيرين وما غير الموازين هو موقف الجيش ولو ان الجيش تعامل من يوم 28 باعتباره نازل ينفذ حظر التجول فعلا وبشكل حاد مكانش حد هايبقي موجود في الميدان يوم السبت
ويمكن انت متعرفش الكلام ده لانك مشفتش قبل كدة حظر تجول
اسئل والدك لو كان من القاهرة عن حظر التجول سنة 86 وهو يقولك يعني ايه حظر تجول

و الكلام ده يعتبر اساءة لشباب الثورة لانهم مش شوية عيال هتخاف و تروح و اظن انا وملايين غيرى شافوا ان هؤلاء الشباب العزل تصدوا بصدورهم العارية للبلطجية و ضباط امن الدولة و اسلحتهم البيضاء و الالية
انت بتسمي شوية البلطجية والعيال بتاعة الخيل بتاعة الهرم دول امن دولة ؟
وسيبك من موضوع الكارنيهات لاني شفت بعيني يوم 28 كم رهيب من الكارنيهات والاوراق سواء اللى اتاخدت من مقر الحزب الوطني في شارع القصر العيني او اللى اتاخدت من العساكر في التحرير
ومعرفش ان كان فيه اسلحة الية يوم الاربعاء اخرهم كان سلاح عادي

فى الوقت الذى دخل افراد الجيش الى دباباتهم و تركوهوم بلا حماية و قد قامت امريكا و بعض الدول بادانة هذا السلوك السلبى من الجيش
لو كان الجيش تدخل واطلق طلقة واحدة وقت الاشتباك واصابت واحد فقط من المتظاهرين كان المتظاهرين اول ناس هاتهاجم الجيش وتقول انه بيقتل شباب الثورة وامريكا اللى بتقول عليها كانت هتقول الجيش المصري بيعمل حرب ابادة للمتظاهرين علشان واحد اتصاب
واول ما اصبح المتظاهرين بعيدين عن البلطجية شفنا الدبابات وهي بتجري وراهم على الكوبري وبتضرب عليهم بالنار
و هل كنت تظن ان اى جيش فى العالم كان يستطيع ان يردع هؤلاء الشباب الذين لم يعد يرهبهم الموت الذى كان يحيطهم و هل كنت تعتقد ان لو الجيش كان ضرب شوية من الناس كانت روحت و الموضوع خلص اتحدى يا دكتور و الا كانوا عملوا كده
الله اعلم هما معملوش كدة ليه والحمد لله انهم معملوش
فيه حاجات كتير جدا مش هاتتعرف ابدا او على الاقل مش هاتتعرف دلوقت
لكن لو فيه رغبة في استخدام الجيش بشكل جدي ضد المتظاهرين كان نزل الحرس الجمهوري بدل الجيش اهو على الاقل اقرب ومدرب اكتر واسال والدك لو كان الحرس الجمهوري اللى نزل وهدفه انهاء التظاهرات يوم الجمعة بالليل كان ايه اللى هايحصل

ارجوك يا دكتور بلاش تسفيه للشباب المصرى و اظهاره بمظهر الجبان و اللى مش فاهم حاجة فصاحب الايمان سيدافع عنه الى الموت و لك فى ليبيا التى تعطيها لنا فزاعة خير الدليل فهم خرجوا و لم يرهبهم الطيارات و لا المدفعية و لا المرتزقة لانهم امنوا بقضية بلدهم و بالحرية وسيدافعوا عنها حتى النصر
ليبيا تصديق لما اقوله فلم تستطع الثورة الليبية التحرك في بني غازي الا بعد ان انضمت لها قوات الشرطة والجيش مما شجع بقية المدن وزادهم اصرار انضمام قوات الجيش والشرطة لهم
ملحوظة اخيرة يا دكتور اترك الشباب يحلم لهذا الوطن فالاجيال السابقة كانت هى السبب بسلبيتها و استكانتها فى التدهور الذى وصل اليه الوطن

وهل قام بالثورة الشباب فقط ؟
والاجيال السابقة التي تتكلم عنها منها معلمك ووالدك هل ساهموا في وصول الوطن للتدهور والاستكانة؟
ولو ده رايك ايه رايك كمان نسيب البلد ونمشي كلنا منها ونسيبها للشباب اللى بتقول عليهم
الجيل الحالي اللى بتقول عنه منه الشباب الواعي الفاهم زيك ومنهم الشباب الضايع اللى واقف يشرب بانجو في الشارع منهم اللى بيقكر ومنهم اللى واخد الدنيا بالدراع
والجيل الاكبر منكم فيهم الفاسد ودول قلة ومعظمهم ستجدهم في المناصب الكبري جدا ومنهم المستسلم ومنهم من يبذل وبذل كل جهده حتي تصبحوا على ما انتم عليه فلولا والدك وجيله الذي تتهمه بالسلبية والاستكانة ما كنت انت وجيلك موجودين وما كان عندكم الامكانية ان تدخلوا على الانترنت لتنتقدوهم وتطالبوهم بالصمت