بعد لقاء القوات المسلحه..ايه رأيكم النهارده فى كلام وزير الداخليه ؟؟

[MEDO84EG]

بصوا يا جماعه
انا مشفتش الحلقه و هعتمد ان شاء الله في تعقيبي علي كلام الاخ الزميل صاحب الموضوع
بصراحه يا جماعه انا عاوز اقول حاجه
اولا و بصفه عامه : متطلبات الشعب بكل طوائفه معروفه في جميع الجهات و لازم لازم لازم يكون في تحديد و تدوين لهذه المطالب و يكون فيه لجنه مكونه من افراد مخلصين يمثلوا صوت الشعب الحر بجد و ينقلوا صوتهم للمجلس الاعلي للقوات المسلحه و يقول المجلس بالتنسيق علي ايه ينفع و ايه مش هينفع مع اللجنه الممثله للشعب و بجداول زمنيه
ثانيا بقي و بوجه خاص بالنسبه لموضوع وزاره الداخليه
انا ليا تعقيب علي موضوع امن الدوله اللي في كل العالم
يا جماعه مين فيكم مشفش بنفسه او سمع ان في ناس بتتاخد من بيوتها في نص الليل و ساعات بيعتقل لسنين بدون وجه حق و ميعرفش اتحبس ليه
و في الاخر يكتشف انه مره رمي السلام علي واحد كان بيصلي في مسجد
او يكتشف انه سلم علي واحد طلع في مظاهره
او او او
يا جماعه مشكله امن الدوله ان لهم نفوذ شديد جدا و غير مقنن
بيحبسوا اللي علي مزاجهم
و عامه و بصورة عامه في الشرطه بتحس ان الشعب شغال عندهم
يعني بمنتهي البساطه ضابط الشرطه بتحس منه انه بيتعلم ازاي يفتري علي خلق الله في الكليه
يا جماعه موضوع وزاره الداخليه ده كان العن مصيبه عدت علينا و انتم عارفين الاسباب
وزاره الداخليه لازم يتعاد صياغة ادوارها
و لازم يبقي في جهه رقابيه عليها
و لازم يبقي فيه جهاز او جهه اشتكي الداخليه ليها لو ظلمتني
يا جماعه احنا مش اول دوله في العالم عندنا داخليه
متبصوا لانجلترا
موطن من لا موطن له
نتعلم منها و نشوف و ننسق معاهم و نعرف نظامهم و نحاكيه و نعمل زيه
مش اختراع يعني
بس هو كل الموضوع اخلاص نيه سليمه
اسف للاطاله

[romioramy]

يا جماعة طبعا هوا مش عارف يرد و يقول ايه ...!!!

معلش اللي حصل حصل بس لازم العادلي يتحاسب حساب عسير امام الشعب كله و نبدأ صفحة جديدة مع الوزير الجديد و نتسم فيه الخير و الأمل في ربنا كبير و الله أكبر فوق كل شئ و ياريت نعطي لكل وزير من الوقت اللازم لوضع خططه و لو حتي فيه وزير مش عاجبنا او مقصر صدقوني بعد الثورة لا يجرء أحد لأعمال الظلم مرة ثانية ... و لكن الموضوع موضوع وقت مش أكثر من كده نديلهم فرصة .

[MEDO84EG]

هرد عليك لسبب واحد هو احترامك في الكلام
واي حد هايتكلم بالطريقة دي انا معاه يقنعني او اقنعه
اي حد هايتكلم بطريقة تانية هايبقي فيه كلام تاني يليق بيه


وهل قام بالثورة الشباب فقط ؟
والاجيال السابقة التي تتكلم عنها منها معلمك ووالدك هل ساهموا في وصول الوطن للتدهور والاستكانة؟
ولو ده رايك ايه رايك كمان نسيب البلد ونمشي كلنا منها ونسيبها للشباب اللى بتقول عليهم
الجيل الحالي اللى بتقول عنه منه الشباب الواعي الفاهم زيك ومنهم الشباب الضايع اللى واقف يشرب بانجو في الشارع منهم اللى بيقكر ومنهم اللى واخد الدنيا بالدراع
والجيل الاكبر منكم فيهم الفاسد ودول قلة ومعظمهم ستجدهم في المناصب الكبري جدا ومنهم المستسلم ومنهم من يبذل وبذل كل جهده حتي تصبحوا على ما انتم عليه فلولا والدك وجيله الذي تتهمه بالسلبية والاستكانة ما كنت انت وجيلك موجودين وما كان عندكم الامكانية ان تدخلوا على الانترنت لتنتقدوهم وتطالبوهم بالصمت

بغض النظر عن مين صح و مين غلط انا بحييكما علي اسلوبكما المتحضر
لازم يا جماعه نتعلم ازاي نختلف و نحترم بعض طالما النوايا سليمه

[human]

يوم موقعة الجمل كان هناك عناصر على أسطح العمارات مسلحين ويتكلمون لغات أجنبية ...

طالما عنده نفس التفكير الاخطبوطى الاجنداتى نتيجه التعرض لاشاعه جاما او الكائنات الفضائيه يبقى ماينفعش باقى كلامه ولا يسوى طالما بيفكر كده

عشان ممكن حد يتقتل فى مظاهره يجى يقول ان كان فيه قمر صناعى معدى و طلع منه شعاع ليزر اخترق المتظاهر

التفسيرات الخرقاء لا تطمئن و تؤدى لنتائج خرقاء

[mazagngi2010]

الناس تستاهل ينضحك عليها اكتر من كده وبصراحه انا فرحان فيكم لانكم بتاخدوا مواقف حسب اللى تسمعوه ومش ثابتين على مبدا
من الاخر كلمه توديكم وكلمه تجيبكم
المجلس العسكرى قال بقين حمضنين وحلوين يبقى هيييييييييييييه الدنيا كويسه ومش نازلين
وزير الداخليه العكس يبقى نقلق من الوزاره
حاجه تفلق
مشفتش الا قليل قوى من المنتدى اللى موقفهم ثابت وعجبونى فى النقطه دى

[adelseliem]

أنا مشفتش الفيديو وما قريتش المقال

بس ليه سؤال

بعد الأعضاء ما أتفرجوا على الفيديو رأيهم أيه

بمعنى أن أنا مثلا لو شفت واحد فيهم وكونت رأى وبعد كده شفت التانى هل رأئى أتغير تماما ولا نص نص ولا ما أتغيرش

هو ده اللى يؤدى لحوار فعال

الحوار عاجبنى ( مش تقييم للأعضاء طبعا ) لكن أقصد الأسلوب
لأن اللى يغير وجهة نظره بعد ما يتأكد ( سواء بالسلب أو ألأيجاب ) بيكون أنسان متحضر
وبرضه أللى يتأكد ويتمسك بوجهة نظره ويقولها بدون فرض على الأخريين يكون متحضر

ومش لازم نهاية الحوار أنى أقتنع بوجهة نظرك أو العكس
بس بقولك دى وجهة نظرك وأنت حر فيها ويلا نخرج نتعشى مع بعض بدل ما أعتبرك عدوى لمخالفتك أرائى
نفسى كمصريين نقتنع أن الحوار لا يفسد للود قضيه

وليه فى حواراتنا لازم نقنع بعض وما بنعملش حاجه فعاله

يعنى نتفق على نقطه بعيوبها ومميزاتها وتخوفاتها ونوصل الكلام ده وأكيد فيه أعضاء تعرف طريقة توصيل وجهة النظر

[ams]

اسمحلى بعد اذنك يا دكتور محمد ارى ان كل السيناريوهات اللى حضرتك توقعتها من بعد رجوع النت الى العمل لم يحدث اى منها و كان معظمها فيه نوع من تثبيت الهمم و التخويف من القادم و البعبع العسكرى اللى ما كانش هيخلى راجل هيقدر يوقف فى الشارع و الكلام ده يعتبر اساءة لشباب الثورة لانهم مش شوية عيال هتخاف و تروح و اظن انا وملايين غيرى شافوا ان هؤلاء الشباب العزل تصدوا بصدورهم العارية للبلطجية و ضباط امن الدولة و اسلحتهم البيضاء و الالية فى الوقت الذى دخل افراد الجيش الى دباباتهم و تركوهوم بلا حماية و قد قامت امريكا و بعض الدول بادانة هذا السلوك السلبى من الجيش و هل كنت تظن ان اى جيش فى العالم كان يستطيع ان يردع هؤلاء الشباب الذين لم يعد يرهبهم الموت الذى كان يحيطهم و هل كنت تعتقد ان لو الجيش كان ضرب شوية من الناس كانت روحت و الموضوع خلص اتحدى يا دكتور و الا كانوا عملوا كده
ارجوك يا دكتور بلاش تسفيه للشباب المصرى و اظهاره بمظهر الجبان و اللى مش فاهم حاجة فصاحب الايمان سيدافع عنه الى الموت و لك فى ليبيا التى تعطيها لنا فزاعة خير الدليل فهم خرجوا و لم يرهبهم الطيارات و لا المدفعية و لا المرتزقة لانهم امنوا بقضية بلدهم و بالحرية وسيدافعوا عنها حتى النصر
ملحوظة اخيرة يا دكتور اترك الشباب يحلم لهذا الوطن فالاجيال السابقة كانت هى السبب بسلبيتها و استكانتها فى التدهور الذى وصل اليه الوطن

أؤيدك جملة و تفصيلا

طالما عنده نفس التفكير الاخطبوطى الاجنداتى نتيجه التعرض لاشاعه جاما او الكائنات الفضائيه يبقى ماينفعش باقى كلامه ولا يسوى طالما بيفكر كده

عشان ممكن حد يتقتل فى مظاهره يجى يقول ان كان فيه قمر صناعى معدى و طلع منه شعاع ليزر اخترق المتظاهر

التفسيرات الخرقاء لا تطمئن و تؤدى لنتائج خرقاء

طب ايه الحل ؟

[Dodo2009]

الصراحه يه جماعه انا ما سمعتش وزير الداخليه وهو بيتكلم بس اتصلت بيا اختى الصبح وكان دمها محروق من كلامه وبدون الدخول فى التفاصيل كل النظام القديم غير موثوق فيه بالمره انا عايزه اعرف حاجه واحده مين اللى امر الشرطه بالانسحاب وتسبب فى حالة الفوضى و البلطجه اللى لسا عايشينها لغاية دلوقتى وليه مافيش رد واضح وصريح وليه الاستخفاف بعقولنا ولعبة الاخوان والاجندات تانى حرام بجد حتى مع كامل احترامى للقاء بتاع الجيش انا ماكنتش مستريحه ليه اثق فى اى مخلوق ثقه كامله وكلنا عارفين ان السياسه مش بالنوايا والثقه والكلام المعسول اهم حاجه الافعال والضغط الشعبى ومظاهرات التحرير من انجح الوسائل لسرعة تلبية المطالب لاننا بصراحه ما حققناش حاجه نفس النظام بنفس اساليب التسويف والمماطله واللى شاف امبارح برنامج مانشيت مع ويليام ويصا (مع تحفظى على كثير من ارائه ) الا انه فى اخر البرنامج قال ان الموجود حاليا هى روؤس النظام مش ديوله وانا شايفه ان المهمه دلوقتى اصعب بس بالعزيمه حنحقق اللى احنا عايزينه انشاء الله وبردوا ليا تعليق انا شايفه ان فيه ناس واثقه قوى فى الجيش حقهم طبعا بس لاقيه ان اغلبهم كان زعلان فى الاول لما تنحى مبارك وقعدوا يقولوا اهلا بحكم العسكر يعنى كان عندهم تخوف من الجيش بردوا فياريت نكون متوازنيين يعنى ولا ثقه كامله ولا تخوين كامل واحسن حاجه اننا نشوف مطالبنا بتتحقق وارجوكم بلاش تهبيط للهمم ومنازعات كل واحد ليه رأيه هو حر فيه والى معايا فى ان المطالب لسا لم تتحقق ياريت يصر ويحاول وانا عن نفسى نازله كل جمعه انشاء الله (بدون تعطيل لاى اعمال) وبادعى ربنا انى ما اشوفش اى حد من النظام الفاسد وثقتى فر ربنا كبيره بلا حدود انه يحفظ مصرنا الحبيبه واللى مش نازل التحرير يدعى بزوال الغمه وازاحة الفساد

[otefa]

هرد عليك لسبب واحد هو احترامك في الكلام
واي حد هايتكلم بالطريقة دي انا معاه يقنعني او اقنعه
اي حد هايتكلم بطريقة تانية هايبقي فيه كلام تاني يليق بيه


وهل قام بالثورة الشباب فقط ؟
والاجيال السابقة التي تتكلم عنها منها معلمك ووالدك هل ساهموا في وصول الوطن للتدهور والاستكانة؟
ولو ده رايك ايه رايك كمان نسيب البلد ونمشي كلنا منها ونسيبها للشباب اللى بتقول عليهم
الجيل الحالي اللى بتقول عنه منه الشباب الواعي الفاهم زيك ومنهم الشباب الضايع اللى واقف يشرب بانجو في الشارع منهم اللى بيقكر ومنهم اللى واخد الدنيا بالدراع
والجيل الاكبر منكم فيهم الفاسد ودول قلة ومعظمهم ستجدهم في المناصب الكبري جدا ومنهم المستسلم ومنهم من يبذل وبذل كل جهده حتي تصبحوا على ما انتم عليه فلولا والدك وجيله الذي تتهمه بالسلبية والاستكانة ما كنت انت وجيلك موجودين وما كان عندكم الامكانية ان تدخلوا على الانترنت لتنتقدوهم وتطالبوهم بالصمت

مش عارف بصراحة هو كان أيه ألي أتغير بعد التنحي عن لو كان كمل فترته..............الحالتين الجيش المتعهد والمسؤل الوحيد للأصلاحات المطلوبة والغير مطلوبة
بس على الأقل كنا وقفنا النزيف الأقتصادي للبلد ألي مازال بيزيد يوم عن يوم بسبب الأحتجاجات الفئوية والمظاهرات المليونية ألي بتنقل صورة للعالم أن البلد غير مستقرة وبالتالي لاسياح هاييجو ولا مستثمرين هايهوبوا ناحيتنا................ده غير الأحتمالات القائمة بحدوث أي فتنة بسبب عناصر مندسة الله أعلم بعواقبها .
وماحدش يقول أني مع أمبارك ولكن مع مصلحتنا ومصلحة البلد.............بلاش نحور الكلام على مزاجنا
زي من يستشهد بالأية الكريمة
يا أيها الذين أمنوا لاتقربو الصلاة.........ونسكت مانكملش الأية

[human]

طب ايه الحل ؟

بص
السيايسه هى فن الممكن
يعنى مش عشان انا مش بثق فيه ولا بأتمنله ولا مصدقه يبقى خلاص باظت

احسن حاجه انك تفهم و بعد ما تفهم نشوف اللى ممكن

دلوقتى الراجل ده من كلامه اتعلم عليه يعنى مهما عمل مش هينفع اصجق حسن نوايا طالما اجانب و قناصه و لغات اجنبيه يبقى زى اللى قابله

اللى عمل اللى قابله مش انه وحش
لا اللى عمله انه مالاقاش حد يقوله بطل هبل او بطل تخلف او بطل انك تستخف بالناس

لما حد يعمل مصيبه يقولوا مختل طبعا المختل الجديد بقى الاجندات

يبقى الحل لغايه مانشوف الفتره الجايه اننا نراقب و نحاسب حساب شديد و مانسكتش على اى حد بيستخف بينا

لما يقول ان فيه قناصه اجانب على طول ورينا الدليل ورينا اللى انت مسكته و يبقى ده التعامل مايجيش هو يرمى كلام و احنا نلقفه

الحاجات اللى قال هيعملها ماداش وقت زمنى

لا يا استاذ وزير انا عايز اعرف الوقت الزمنى

و عايز اعرف هيتكلف اد ايه تغيير لبس الشرطه هيتكلف اد ايه و هيتم ازاى

عايز اعرف المعتقلين اد ايه و هتخرجهم امتى

عايز اعرف الخطه لاسترجاع ال 3000 قطعه سلاح

عايز اعرف هتأمن المواكب ازاى

عايز اعرف مرتبك كام و ايه المستقطعات اللى بتاخدوها و المكافئات اد ايه

عايز اعرف هتعلموا الظباط ازاى تنتزع الاعتراف ايه الطريقه و ايه المنهج و مين اللى هيقول المنهج ده

جهاز امن الدوله هيعمل ايه هيفضل يتجسس على الطلبه فى الجامعات و الهيئات و كل حته؟؟ مخصصاته اد ايه؟؟ هيتم اعتقال اى حد بينادى برأيه ولا لأ؟؟؟
ايه هيه صلاحياته؟؟ حدوده؟؟؟ رادار عمله؟؟؟



كل كلامه مافهوش معلومه واحده كامله مفيده

اللقاء عباره عن تلميع الشرطه و بس

[تامر.محمد]

طالما عنده نفس التفكير الاخطبوطى الاجنداتى نتيجه التعرض لاشاعه جاما او الكائنات الفضائيه يبقى ماينفعش باقى كلامه ولا يسوى طالما بيفكر كده
عشان ممكن حد يتقتل فى مظاهره يجى يقول ان كان فيه قمر صناعى معدى و طلع منه شعاع ليزر اخترق المتظاهر
التفسيرات الخرقاء لا تطمئن و تؤدى لنتائج خرقاء

يا حماعة يا ريته ما اتكلم نفس الكلام الكاذب و نفس النبرة حضرته بيقول انه كان هناك عناصر على أسطح العمارات مسلحين ويتكلمون لغات أجنبية هل ساعدته كان باعت حد يسمعهم و طالما انها عناصر اجنبية لماذا لا يقبض عليها و يتركها تقتل فى الناس
لا و بيقولك الشرطة قامت بواجبها يومى 25 و 28 يناير لا فعلا هو صدق فى ديه حيث قامت بواجبها فى قتل و دهس الناس بالعربيات و بضرب الرصاص الحى على العزل و اللى عايز يتفرج يخش يتفرج على اليوتيوب
اما كلامه الجميل عن انه لا يوجد لدينا أو لدى القوات المسلحة شباب محتجز أو معتقل طب نصدقك و لا نصدق رئيس الوزراء اللى بيقول انه سوف يفرج عن المعتقلين
اد كده الناس ده حاسة ان الشعب ده ليس له قيمة و مازالوا يسخروا منه بالكذب و الخداع اد كده الناس ديه مستكبرة و لا ترى ان الشعب يستحق اعتذار من قبل وزارة الداخلية
اين المسئولين عن مقتل حوالى 365 شهيد حسب الاحصاءات الحكومية و لماذا لم يقدم الضباط و المسئولين الى اى محاكمات حتى الان
نصيحة اخيرة يا جماعة كله يجهز من الان و يريت يحضر شنتطته لان جهاز امن الدولة سيستمر فى قيامه بدوره الوطنى فى خدمة الشعب
و حسبى الله و نعم الوكيل بانت فعلا بشاير التغيير فى جهاز الشرطة

دي خلاصة الحوار , مش هايتغير في الشرطة الا الزي

وبعدين نازلين ليه انتقاد فى المواقع والقنوات دى .. هو الاعلام الوطنى رائع جدا عشان نتابعه.. مش دى الجزيره الى كانت بتذيع جرائم حكومتك وكانوا بيشوشوا عليها !! لو الجدال منه فايده كنت اتكلمت كتير فى الاعلام

اسمحلى حضرتك من اول ما الثوره بدات عمالين تكبروا وتشككوا فى كل حاجه شويه تشتموا فى الثوار الى فى التحرير وشويه كفايه كدا يا خوانا وشويه مع وائل غنيم وشويه ضده وشويه هيحصل مذابح لو المظاهرات استمرت وشويه مبروك عليكم الحكم العسكرى وشويه الاحتلال داخل البلد وشويه اسرائيل وسفن امريكا !!!!!!!!!!! ...
مفيش ولا كلمه من الى عمالين تقولوها من اول الثوره الا ما بتطلع العكس وكلامكم كان كله غلط ودائما المتظاهرين الى كانوا عايزينه كان الصح وبرضه مصرين تعيدوا نفس كلامكم فى كل موقف
دا لو المتظاهرين قالوا الشمس بتشرق من المشرق هتقولوا دا كلام الجزيره ورصد وهتطبق الاحكام العرفيه ..
بعد كل كلامكم الى محصلش ولا حرف منه بمناسبه ايه دلوقتى نثق فى نصائحكم وتوجيهاتكم..
وبرضه عارف الرد الى هيتقال على كلامى لانه نفس الرد الى بيتقال فى كل موقف...

اسمحلى بعد اذنك يا دكتور محمد ارى ان كل السيناريوهات اللى حضرتك توقعتها من بعد رجوع النت الى العمل لم يحدث اى منها و كان معظمها فيه نوع من تثبيت الهمم و التخويف من القادم و البعبع العسكرى اللى ما كانش هيخلى راجل هيقدر يوقف فى الشارع و الكلام ده يعتبر اساءة لشباب الثورة لانهم مش شوية عيال هتخاف و تروح و اظن انا وملايين غيرى شافوا ان هؤلاء الشباب العزل تصدوا بصدورهم العارية للبلطجية و ضباط امن الدولة و اسلحتهم البيضاء و الالية فى الوقت الذى دخل افراد الجيش الى دباباتهم و تركوهوم بلا حماية و قد قامت امريكا و بعض الدول بادانة هذا السلوك السلبى من الجيش و هل كنت تظن ان اى جيش فى العالم كان يستطيع ان يردع هؤلاء الشباب الذين لم يعد يرهبهم الموت الذى كان يحيطهم و هل كنت تعتقد ان لو الجيش كان ضرب شوية من الناس كانت روحت و الموضوع خلص اتحدى يا دكتور و الا كانوا عملوا كده
ارجوك يا دكتور بلاش تسفيه للشباب المصرى و اظهاره بمظهر الجبان و اللى مش فاهم حاجة فصاحب الايمان سيدافع عنه الى الموت و لك فى ليبيا التى تعطيها لنا فزاعة خير الدليل فهم خرجوا و لم يرهبهم الطيارات و لا المدفعية و لا المرتزقة لانهم امنوا بقضية بلدهم و بالحرية وسيدافعوا عنها حتى النصر
ملحوظة اخيرة يا دكتور اترك الشباب يحلم لهذا الوطن فالاجيال السابقة كانت هى السبب بسلبيتها و استكانتها فى التدهور الذى وصل اليه الوطن

أؤيدكم جملة و تفصيلا , و أضيف كمان نشر كل ما يمكنه تثبيط الهمم زي اشاعة شهر ربيع شهر حرام و حرام المظاهرات فيه و طرد وائل غنيم بواسطة حرس القرضاوي

الناس تستاهل ينضحك عليها اكتر من كده وبصراحه انا فرحان فيكم لانكم بتاخدوا مواقف حسب اللى تسمعوه ومش ثابتين على مبدا
من الاخر كلمه توديكم وكلمه تجيبكم
المجلس العسكرى قال بقين حمضنين وحلوين يبقى هيييييييييييييه الدنيا كويسه ومش نازلين
وزير الداخليه العكس يبقى نقلق من الوزاره
حاجه تفلق
مشفتش الا قليل قوى من المنتدى اللى موقفهم ثابت وعجبونى فى النقطه دى

المشكلة ان الناس بتصدق مجرد وعود و عايزين يناموا في العسل زي زمان و ما يبقالهمش اي دور فما بيصدقوا اي حد يقول كلام ايجابي عشان يصدقوه و يتبسطوا و خلاص , و يا ريت اللي واخد السياسة دي مخليه في حاله لأ ده بيبقى عايز الكل يطبقها عشان الدماغ ترتاح و ماحدش يعمل دوشة

بص
السيايسه هى فن الممكن
يعنى مش عشان انا مش بثق فيه ولا بأتمنله ولا مصدقه يبقى خلاص باظت
احسن حاجه انك تفهم و بعد ما تفهم نشوف اللى ممكن

دلوقتى الراجل ده من كلامه اتعلم عليه يعنى مهما عمل مش هينفع اصجق حسن نوايا طالما اجانب و قناصه و لغات اجنبيه يبقى زى اللى قابله

تمام جدا

[zouba92]

الناس تستاهل ينضحك عليها اكتر من كده وبصراحه انا فرحان فيكم لانكم بتاخدوا مواقف حسب اللى تسمعوه ومش ثابتين على مبدا
من الاخر كلمه توديكم وكلمه تجيبكم
المجلس العسكرى قال بقين حمضنين وحلوين يبقى هيييييييييييييه الدنيا كويسه ومش نازلين
وزير الداخليه العكس يبقى نقلق من الوزاره
حاجه تفلق
مشفتش الا قليل قوى من المنتدى اللى موقفهم ثابت وعجبونى فى النقطه دى

الناس مش عايزة تشغل دماغها عشان تعبوا!!!!!! و عايزين الحياة ترجع تانى!!!! هو دا على الاقل نصف الشعب المصرى!!!
لك الله يا مصر

[ahmed4000]

انا مسمعتوش بس اعتقد اى حاجة مش حتصلح العلاقة بين الفرد والشرطة قبل ميسلموا الناس اللى قتلت المظاهرين برصاصات فى القلب والرأس لان دول لازم يتعدموا فى ميدان عام

بعدها نبقى نتكلم ...لكن غير كده حيبقى كلام ابن عم حديت

الغريبة انهم متعظوش برده من اللى حصل قبل كده.. ساعة خالد سعيد قعدنا نقول ايه المشكلة لما يضحوا بظابط ولا مامور

وبرده نفس الغباء السياسى علشان خاطر 10 ولا 20 قناصة قالبين الدنيا عليهم..مع ان لو سلمهم حيكسب شعبية جامدة جدا

[otefa]

بصراحة الراجل كلامه لاغبار عليه مش عارف ألي بيهاجمه ومطلع حديثه سلبيات فقط عايز أيه بالظبط!!!!
أصلاح وتحديد من قتل من نحسبهم عند الله شهداء
قال أنهم بيغربلو الداخلية بالكامل من يثبت صلاحه أو عليه مخالفات غير جنائية بينبه ويوجه ويرجع شغله والرقابة عليه(حوالي 3000 رجعو شغلهم)
من يثبت عليه أدانة أو شبهة جنائية يتم البحث والتحقيق تمهيدا لأتخاذ الأجراءات القانونية بحقه(جناية)

كلنا شوفنا لقاء القوات المسلحه على العاشره مساء.. والناس مبسوطه من كلامهم وتوضيحهم لنقط كتير..
--------
النهارده برنامج مصر النهارده عمل اول حوار مع وزير الداخليه الجديد محمود وجدى..
ايه رأيكم فى كلام الراجل دا ؟

وللى مشافش اللقاء دى النقاط الى اتكلم فيها :

جهاز الشرطة أدى ما عليه من يوم 25 إلى 28 يناير رغم حدوث بعض الاحتكاكات...
الداخلية تلقت خلال الأحداث أقوى ضربة في تاريخها...
لا يجوز استخدام الغاز المسيل للدموع إلا في المرحلة قبل الأخيرة ولا يجوز استخدام الرصاص الحي اطلاقا في مثل هذه الأحداث...
قد تكون الشرطة استخدمت رصاص حي ضد المتظاهرين نظرا لوجود عناصر استخدمت العنف...
بعض العناصر اندست بين المتظاهرين واستخدمت السلاح..

يوم موقعة الجمل كان هناك عناصر على أسطح العمارات مسلحين ويتكلمون لغات أجنبية ...

وزير الداخلية ينفي تورط أي من عناصر الشرطة والمخبرين وأمناء الشرطة في أحداث موقعة الجمل ...
حالة الفوضى التي شهدتها مصر كانت أشد من حرائق القاهرة في يناير 1952...
سرقت من الشرطة 6 آلاف قطعة سلاح متنوعة تم استعادة 3000 منها...
من له مصلحة في حرق أقسام الشرطة إما مجرم سياسي أو جنائي
المساجين يعرفونني منذ عملي في إدارة السجون ويثقون في نزاهتي وبناء على ذلك اطالبهم بتسليم أنفسهم وأعدهم بالعفو أو الإفراج الشرطي في أقرب فرصة...
أنا ضد الطوارئ وأطالب بإلغائها والقانون العادي كفيل بالتعامل مع القضايا دون وضع قيود على الحريات...
الشرطة في خدمة الشعب واجب وليس شعار...
"زي ما كنا بنقول للناس الشرطة دول إخواتكم لازم عناصر الشرطة يعرفوا إن المواطنين أهاليهم"، وسيتم تدريبهم على ذلك
لا يلجأ للعنف مع المجرم إلا الضابط الفاشل أو الضعيف
سيتم تدريب طلاب الشرطة على التعامل المحترم والحصول على الاعترافات دون عنف...
أبلغت شرطة النجدة أنني سأتابع الاستجابة للاستغاثات التليفونية من المواطنين بنفسي.. وإذا لم يتم الرد خلال 3 مكالمات سيتم عقاب المقصرين...
جهاز أمن الدولة جهاز وطني ولا غنى عنه وهو موجود في العالم كله...
هغير لبس الشرطة كله ولكنني أحتاج لخطة ووقت...
من ضمن أسباب الإحتقان إن أفراد الشرطة يوقفوك وياخدوا اللي في جيبك...
أوقفت التحصيل الفوري لمخالفات المرور نهائيا...
لم أصدر قرارات اعتقال من أول يوم استلمت فيه الوزارة...
لا يوجد لدينا أو لدى القوات المسلحة شباب محتجز أو معتقل...
بدو سيناء يتعرضوا للعنف والظلم من الشرطة...
سأفرج عن كل معتقلين سيناء خلال أيام .. سواء سياسيين أو جنائيين
----------

أتفرجت على البرنامج أمبارح بس مش من أوله
شوفت الفيديوهات الجزء الأول والتاني ماسمعتش الكلام ألي مكتوب بالأحمر ياريت توضحولي الكلام ده في أي دقيقة من الفيديو؟

بص
السيايسه هى فن الممكن
يعنى مش عشان انا مش بثق فيه ولا بأتمنله ولا مصدقه يبقى خلاص باظت

احسن حاجه انك تفهم و بعد ما تفهم نشوف اللى ممكن

دلوقتى الراجل ده من كلامه اتعلم عليه يعنى مهما عمل مش هينفع اصجق حسن نوايا طالما اجانب و قناصه و لغات اجنبيه يبقى زى اللى قابله

اللى عمل اللى قابله مش انه وحش
لا اللى عمله انه مالاقاش حد يقوله بطل هبل او بطل تخلف او بطل انك تستخف بالناس

لما حد يعمل مصيبه يقولوا مختل طبعا المختل الجديد بقى الاجندات

يبقى الحل لغايه مانشوف الفتره الجايه اننا نراقب و نحاسب حساب شديد و مانسكتش على اى حد بيستخف بينا
متفك معك بس مش أحنا ألي نحاسب........في حاجة أسمها مجلس الشعب هو من يمثل الشعب وهو ألي يحاسب الوزراء
لما يقول ان فيه قناصه اجانب على طول ورينا الدليل ورينا اللى انت مسكته و يبقى ده التعامل مايجيش هو يرمى كلام و احنا نلقفه

الحاجات اللى قال هيعملها ماداش وقت زمنى

لا يا استاذ وزير انا عايز اعرف الوقت الزمنى

و عايز اعرف هيتكلف اد ايه تغيير لبس الشرطه هيتكلف اد ايه و هيتم ازاى

عايز اعرف المعتقلين اد ايه و هتخرجهم امتى

عايز اعرف الخطه لاسترجاع ال 3000 قطعه سلاح

عايز اعرف هتأمن المواكب ازاى

عايز اعرف مرتبك كام و ايه المستقطعات اللى بتاخدوها و المكافئات اد ايه

عايز اعرف هتعلموا الظباط ازاى تنتزع الاعتراف ايه الطريقه و ايه المنهج و مين اللى هيقول المنهج ده
متفك معك بس مش أحنا ألي نحاسب........في حاجة أسمها مجلس الشعب هو من يمثل الشعب وهو ألي يحاسب الوزراء
جهاز امن الدوله هيعمل ايه هيفضل يتجسس على الطلبه فى الجامعات و الهيئات و كل حته؟؟ مخصصاته اد ايه؟؟ هيتم اعتقال اى حد بينادى برأيه ولا لأ؟؟؟
ايه هيه صلاحياته؟؟ حدوده؟؟؟ رادار عمله؟؟؟



كل كلامه مافهوش معلومه واحده كامله مفيده

اللقاء عباره عن تلميع الشرطه و بس
الله أعلم نصبر ونشوف على أرض الواقع الموضوع مش يالبساطة ألي الناس متصواراها فساد 30 سنة وقبلهم زيهم أو أكتر هانقول 60 سنة عايزينه يتحل في 10 أيام والله ما معقولة أبدا الكلام ده
ده لو عندك جامعة قياداتها فاسدة وهيكلها التنظيمي مليان بؤلر فساد هاتحتاج أكتر من كده بكتير علشان تطهرها

[الصيداح]

علشان كدة بنقول لازم الحكومة دي كلها تسقط لأنها تابعة للنظام الفاسد