لماذا يجب حل/تفكيك جهاز مباحث أمن الدولة؟

[Most_H]

اكيد متفقين لكني بميل للراي التالي

اصلاح جهاز موجود بالفعل اسهل واسرع من انشاء جهاز جديد من الالف للياء
يعني جهاز المخابرات لما كان فيه فساد في عصر عبد الناصر سنة 68 لم يلغي الجهاز القديم تماما وينشئ جهاز جديد ولكن قام باصلاح الجهاز الموجود وطهره وحاكم كل الفاسدين في الجهاز القديم

كلام سليم

بس ايام عبدالناصر تختلف كليا عن الايام اللى احنا بنعصرها دلوقت

يكفى انه ايام عبدالناصر، محدش من الشعب كان يعرف اية اللى بيدور زى العصر اللى احنا فيه

+ وسائل الاعلام مبقتش زى زمان

[Most_H]

امن الدول هو من بدأ عصر الدوله البوليسيه نتيجة تدخله في كل شأن من شئون الدوله والشعب بل في كيفية سير الحياه اليوميه للمواطنين ومايجب ان يشاهدوه وما لايجب ان يشاهدوه بل تجاوز كل الموازين واصبح له تدخل في كل مايقال علي صفحات الأنترنت للمنتديات
امن الدوله هو من شجع ظباط الشرطه علي هذا الجبروت الذي اصبحوا فيه وعلي اعدم حترام آدمية وكرامة المواطن المصري
آمن الدوله عند تحقيقه في واقعه معينه قد لاتكون هامه ينتهج اسلوب الجيستابو في انتزاع الأعتراف حتي وان كان قصرا علي المعترف ولم يقم به
ظباط آمن الدوله اناس قلبها قد مات وتعفن واصبح لونه اشد من لون السواد لاتعرف شفقه او رحمه او خشية وخوف من الله وان مايفعلونه بهؤلاء المستضعفون سوف يعاقبون عليه اشد العقاب يوم القيامه فجرائمهم فاقت الوصف في الغلظة وارتكاب اعظم الكبائر التي يهتز لها عرش الرحمن
جهاز آمن الدوله يجب بأكمله ان يحل من القاعده الي الرآس لجميع موظفينه ويحل محله مسئولون لجهاز يتبع الأمن القومي يباشر الشئون الأمنيه الداخليه للدوله

اكيد مش كل أفراد امن الدولة بالقسوة دى

على الاقل فيه واحد بيراعى ربنا

[nevozaky]

كلامك تمام

الاسم بالنسبة لحضرتك وليا انا على الاقل مش هيفرق

لكن للمواطن البسيط، هيفرق كتييييييييييييييييييييير

وانا كنت قلت فى مشاركة هنا فى الموضوع

انه يتأسس بالأستعانة بالضباط اللى فى الجهاز القديم، المشهود لهم بالكفاءة وعدم أتباع النهج القديم، ولقدر الله لو مفيش يبقى نبعت ظباط شرطة، يخدوا دورات تدريبية برة فى هذا الاطار

اتمنى كده .بس انا مستصعبة الموضوع ده وخاصة موضوع الدورات اللى برة دى .حضرتك احنا لسه فى مصر مش فى دولة تانية .لسه التفكير ما اتغيرش للدرجة دى ومش هيتغير مرة واحدة بين يوم وليلة .بس ان شاء الله انا متفائلة بس واحدة واحدة .مش هينفع نقلع الشىْ من جذوره مرة واحدة كده .

[nevozaky]

اكيد متفقين لكني بميل للراي التالي

اصلاح جهاز موجود بالفعل اسهل واسرع من انشاء جهاز جديد من الالف للياء
يعني جهاز المخابرات لما كان فيه فساد في عصر عبد الناصر سنة 68 لم يلغي الجهاز القديم تماما وينشئ جهاز جديد ولكن قام باصلاح الجهاز الموجود وطهره وحاكم كل الفاسدين في الجهاز القديم

اكيد يا دكتور محمد انا عارفة ان انت فاهم انا اقصد ايه بالظبط .وفاهم راْيى .تحياتى لك

[Most_H]

اتمنى كده .بس انا مستصعبة الموضوع ده وخاصة موضوع الدورات اللى برة دى .حضرتك احنا لسه فى مصر مش فى دولة تانية .لسه التفكير ما اتغيرش للدرجة دى ومش هيتغير مرة واحدة بين يوم وليلة .بس ان شاء الله انا متفائلة بس واحدة واحدة .مش هينفع نقلع الشىْ من جذوره مرة واحدة كده .

انا احترم رأيك، وهو الموضوع فى شئ من الصعوبة، بس مش مستحيل

وانا برضة بقول، ان شعب بقاله 7000 حكامه بيتفرضوا عليه، فا نفسيا هيبقى صعبة ان يغير فكره بين يوم وليلة (وانا هنا بتكلم عن البسطاء من عامة الشعب)

وفعلا، مفيش حاجة بتتغير مرة واحدة بين يوم وليلة، بس الآلية اللى تغيره هى اللى ممكن تتغير بين يوم وليلة

حضرتك فهاهمه انا أقصد اية؟

[Most_H]

برضة احب اوضح ان النظام هو اللى بيفرض نفسه على الناس، مش العكس

بمعنى، المصرى اللى بيروح أوروبا وامريكا، تلاقيه ماشى على الصراط بالملى ، يجى هنا يتحول (طبعا مش كل الناس)
والعكس صحيح، فى اجانب بيجوا هنا مخصوص علشان يغيروا جو الروتين اليومى، والنظام الصرام ويكسروه هنا

[nevozaky]

انا احترم رأيك، وهو الموضوع فى شئ من الصعوبة، بس مش مستحيل

وانا برضة بقول، ان شعب بقاله 7000 حكامه بيتفرضوا عليه، فا نفسيا هيبقى صعبة ان يغير فكره بين يوم وليلة (وانا هنا بتكلم عن البسطاء من عامة الشعب)

وفعلا، مفيش حاجة بتتغير مرة واحدة بين يوم وليلة، بس الآلية اللى تغيره هى اللى ممكن تتغير بين يوم وليلة

حضرتك فهاهمه انا أقصد اية؟

صدقنى والله فاهمة قصد حضرتك .بس ده مش هيحصل .انا مش بياْسك بس باْقول اللى انا حاسة بيه وشايفاه.واتمنى اللى انت بتقوله هوه اللى يتحقق .

[nevozaky]

برضة احب اوضح ان النظام هو اللى بيفرض نفسه على الناس، مش العكس

بمعنى، المصرى اللى بيروح أوروبا وامريكا، تلاقيه ماشى على الصراط بالملى ، يجى هنا يتحول (طبعا مش كل الناس)
والعكس صحيح، فى اجانب بيجوا هنا مخصوص علشان يغيروا جو الروتين اليومى، والنظام الصرام ويكسروه هنا

انا معاك فى الراْى ده .بس علشان هناك القوانين صارمة .تطبق على كل الناس ايا كانوا بدون محسوبية .بس برضو هما عندهم فساد.مفيش دولة مفيهاش فساد مهما كان تقدمها .

[Most_H]

صدقنى والله فاهمة قصد حضرتك .بس ده مش هيحصل .انا مش بياْسك بس باْقول اللى انا حاسة بيه وشايفاه.واتمنى اللى انت بتقوله هوه اللى يتحقق .

وانا اتمنى ان نظرتك تتغير :)، وتأملى معايا ان الكلام دة يتحقق

علشان لو الناس ظنت نفس الظن دة

يبقى فعلا مفيش حاجة هتتغير

[ahmed-moga]

اكيد مش كل أفراد امن الدولة بالقسوة دى

على الاقل فيه واحد بيراعى ربنا

ممكن يكون اللواءات الكبار اللي فضلهم شهور ويطلعوا علي المعاش بيكون فيهم فعلا ناس عرفت ربنا بس باردوا لما كانوا ضباط كانوا بيعملوا نفس اللي بيعمله حاليا ضباطهم

[Most_H]

انا معاك فى الراْى ده .بس علشان هناك القوانين صارمة .تطبق على كل الناس ايا كانوا بدون محسوبية .بس برضو هما عندهم فساد.مفيش دولة مفيهاش فساد مهما كان تقدمها .

دة اكيد، مفيش المدينة الفاضلة

لكن فيه نظام سليم، ودة اللى انا بتمناه هنا

[enas75]

امن الدوله ليس شبيه ب fbi
fbi يختص بجرائم كبري ايا كانت نوعيتها (قتل سرقه نصب )وله صلاحيات علي كل الولايات المتحده ...ودة لان الولايات المتحده نظامها ان كل ولايه مستقله بذاتها باحكامها وقوانينها....فالجهاز الامني الموحد بينهم هو المباحث الفيدراليه
لكن امن الدوله عندنا...ده جهاز مخابرات داخلي مهمته حمايه البلد من محاولات التخريب والارهاب الداخلي
صحيح الحكومه استعملته ضد الشعب ...بس لانها حكومه فاسده وافسدت الجهاز وهدفه
لازم يفضل موجود ...بس يتعمل احلال لكل اعضاؤه ويتعلمو المفهوم الصح بتاعه....ولازم يكون فيه جهه رقابيه تشرف عليه
لكن الغاؤه لا طبعا ....

[Most_H]

ممكن يكون اللواءات الكبار اللي فضلهم شهور ويطلعوا علي المعاش بيكون فيهم فعلا ناس عرفت ربنا بس باردوا لما كانوا ظباط كانوا بيعملوا نفس اللي بيعمله حاليا الظباط

طيب، يبقى الناس عندهم قلب برضة، واكيد فيهم ناس مش سودا قوى كده، ومش كل الضباط بيكونوا مسؤلين عن التعذيب، فى ناس مسئولة عن حاجات تانية غير التعذيب

انا مش بدافع عنهم، انا كل اللى عاوز اوصله انه زى مافى الوحش فى الحلو

بس النسبة هى اللى بتفرض التصور عن الشخص وعن الحاجة

[nevozaky]

وانا اتمنى ان نظرتك تتغير :)، وتأملى معايا ان الكلام دة يتحقق

علشان لو الناس ظنت نفس الظن دة

يبقى فعلا مفيش حاجة هتتغير

اتمنى يتنقل ليا التفاؤل بتاع حضرتك ونظرتى تتغير يا ريت

دة اكيد، مفيش المدينة الفاضلة

لكن فيه نظام سليم، ودة اللى انا بتمناه هنا

يا ريت تيقى فى المدينة الفاضلة بتاعة ابن خلدون .بس ده مستحيل .واتمنى مثل حضرتك نظام سليم لنا جميعا

[ahmed-moga]

طيب، يبقى الناس عندهم قلب برضة، واكيد فيهم ناس مش سودا قوى كده، ومش كل الضباط بيكونوا مسؤلين عن التعذيب، فى ناس مسئولة عن حاجات تانية غير التعذيب

انا مش بدافع عنهم، انا كل اللى عاوز اوصله انه زى مافى الوحش فى الحلو

بس النسبة هى اللى بتفرض التصور عن الشخص وعن الحاجة

مع خالص احترامي لرآيك بس اكيد ان رآيك ده نتيجة انك محتكتش مع حد فيهم في اي واقعه رسميا بس لو كان حصل بجد كنت هتطالب بأعدامهم مش بأعادة هيكلتهم فقط