لماذا يجب حل/تفكيك جهاز مباحث أمن الدولة؟

[aaa_ssis_nm]

الأيام دي الكلام كتر عن حل جهاز مباحث أمن الدولة. المعارضين لحل هذا الجهاز بيقولوا انه جهاز أمن قومي وان كل الدول المتقدمة فيها جهاز استخباراتي داخلي. فعلا، بس جهاز امن الدولة صلاحياته أكبر بكتير من أجهزة الأمن الداخلي الموجودة في أي دولة متقدمة. باختصار، جهاز امن الدولة في مصر بيتحكم في الحياة السياسية في مصر و المجتمع المدني.

ده ردي لبعض الأخوة الأعضاء المعارضين لحل جهاز أمن الدولة.

في ظل الديمقراطية الغحنا متعشمين نعيشها

ارفض كل اراء الكاتبة واسلوبها وافكارها وتكهناتها وحتى مطالبها

لما أمريكا تلغي الـ fbi نبقى نحل امن الدولة

لما يكون حكومة عمرها 6 شهور ومش عاجباها امال لما تكون حكومة بجد هاتعمل ايه

مش هاكتب حاجة تاني ..... بس خلاص

حضرتك عارف ايه اختصاصات جهاز مباحث أمن الدولة وايه اختصاصات الـ fbi؟

الـ fbi بتحقق في الجرائم الجنائية على المستوى الفيدرالي أو جريمة محلية كبيرة زي سرقة بنك ... مش أكتر. يعني لو عمليات قتل متكررة في أكتر من ولاية، الـ fbi هو اللي يحقق فيها مش البوليس المحلي.

أما أمن الدولة في مصر مهمتها حماية النظام وليست حماية الأمن القومي. يعني معظم شغل أمن الدولة سياسي ... لا هو جنائي ولا أمني.

أمن الدولة لها مكاتب متخصصة لمراقبة والتحكم في النقابات و الأحزاب و الجامعات ووسائل الاعلام وجمعيات المجتمع المدني.

يعني لو دكتور في الجامعة توجهاته معارضة عمره ما هيبقى وكيل الكلية. وبالطبع عمره ما هيكون عميد أو رئيس جامعة.
يعني لو قيادي عمالي له توجهات يسارية مايدخلش اللجنة النقابية للعاملين في مؤسسته. يعني اتحاد عمال مصر على سبيل المثال كله تحت سيطرة أمن الدولة.
يعني جمعيات حقوق الانسان والجمعيات الخيرية تحت مراقبة أمن الدولة.
يعني وسائل الاعلام متراقبة بأمن الدولة.
يعني أي واحد يتوظف في أي وظيفة حكومية لازم موافقة أمن الدولة. مع ان الصحيفة الجنائية كفاية انها تثبت انه ملوش سوابق.
تفتكر مين كان بيتصل باستاذ كريم منير يحذره لما الأعضاء يزودوا الكلام في السياسة هنا في المنتدى؟ ظابط في أمن الدولة.

حضرتك شوفت الفيديو بتاع خالد صلاح رئيس تحرير اليوم السابع؟ دي مكالمة سكايب متسجلة ما بينه وبين ابن ممدوح اسماعيل. مين اللي مسجل المكالمة دي؟ أمن الدولة.

مال ده كله بالأمن القومي؟
أمن الدولة مطلوب تقليص صلاحيتها للارهاب والمخدرات والجرائم الكبرى وبس.

مش مطلوب حل الجهاز بالكامل، المطلوب الغاء اختصاصاته السياسية وقصر اختصاصاته على الأمن القومي.

[aaa_ssis_nm]

دي بعض الآراء المؤيدة للمهندس أحمد

فيه ناس هاتيجي تطالب بقتلك انت دلوقت



متفق معاك ومنتظر مقالاتها في ظل الحكومة الجديدة خاصة اذا كانت لا تعجبها حتى لو كانت حائزة على موافقة اغلبية الناخبين

الله ينور عليك ...



بس من يشوف ويدرك ويعقل ... ويستجيب

اوافق حضرتك الراْى تمام يا باشمهندس احمد

[misoalex]

تسلم ايدك يا باشا

والعدل اساس الملك

يعنى ده حجهاز اسمه امن الدوله
مش جهاز قتل شعب الدوله (ملحوظه القتل هنا مقصود بيها قتل كل شئ حتى قتل الديموقراطيه والحريه )

[tamatemo]

انا رايي انه يتغير مسماه وصلاحياته ويكون جهاز للامن الداخلي زي بريطانيا
فيها ال MI6 وال MI5

جهاز مخابرات داخلي وجهاز مخابرات خارجي
والاتنين تحت اشراف ال"Home office"

زي هيئة الامن القومي تقريبا بس بيدخل في صلاحياتها الهجرة

لما يبقي عليه اشراف قضائي كااااااااااااااااااااااااامل يبقي يفضل امن دولة او مسمي اخر

[dr-mohamed]

بداية انت عضو معانا هنا بدليل انك داخل لموضوع معين وبترد عليه بموضوع جديد وبتجمع مشاركات لاعضاء يعين انت من المنتدي
وبالتالي كان الافضل والطبيعي ان تقوم بعمل الموضوع بعضويتك الاصلية لان الكل بيختلف مع بعضه ومفيش مشكلة
ومبدئيا انا غير موافق على جهاز امن الدولة بطريقته الحالية بل لابد من اعادة هيكلته مرة اخري بما يجعله لا يتدخل في السياسة الداخلية الا في حالة حدوث خطر يهدد الدولة نفسها لا يهدد الحزب الحاكم وذلك بعد تطهيره من العناصر الفاسدة الموجودة بها ومحاكمة من يثبت عليه ارتكاب جريمة من اعضاء الجهاز الحاليين ووضع شروط خاصة لضم اعضاء جدد

يعني لو دكتور في الجامعة توجهاته معارضة عمره ما هيبقى وكيل الكلية. وبالطبع عمره ما هيكون عميد أو رئيس جامعة.
.

غير صحيح بدليل ان الدكتور نعمان جمعة حين كان سكرتير حزب الوفد وكان من اشد معارضي النظام الحاكم تولي عمادة كلية الحقوق جامعة القاهرة اكبر كليات الحقوق على مستوي الجمهورية لفترتين متتاليتين وغيره الكثبرين والدكتور احم دراج احد كبار مناهضي نظام مبارك وعضو 9 مارس وكفاية عرض عليه منصب الوكالة في كليته ورفضه لاسباب خاصة وهو رئيس قسم هؤلاء من اعرفهم معرفة شخصية فقط واكيد ان هناك الكثيرين غيرهم
وفي نفس الوقت لا يعني ذلك ان امن الدولة غير متواجد في الجامعات بل موجود وبقوة وما اكثر الطلاب الجواسيس لامن الدولة على زملائهم وغيرهم ممن يعملون بالجامعة لكن باعداد اقل

دي بعض الآراء المؤيدة للمهندس أحمد

وضع ارائنا لا يخيف اي عضو والا ما كنا قلناه

[nevozaky]

اعتقد اختلاف وجهات النظر لا يفسد للود قضية .وفى ظل الديمقراطية اللى كلنا بنطلبها من حق كل واحد يقول راْيه مادام ما بيغلطش فى حد .مش جريمة ان احنا متفقين مع راْى الباشمهندس احمد .دى وجهة نظرنا احنامش موافقين على كل افعال امن الدولة .لكن ما نقدرش نلغبها نهائيا لانها بتقوم بوظائف اخرى مهمة للدولة .وكلام دكتور محمد صح على دكتور نعمان جمعة .وجوده رئيس لحزب الوفد وكونه معارض لم يمنعه من ان يكون عميد لكلية الحقوق جامعة القاهرة مرتين متتاليتين بالاضافة الى انه يحظى باحترام الاخرين رغم اختلافه فى الاراء عنهم .واعتقد انه يمكن لجهاز امن الدولة ان يقوم بمهام معينة ومقننة ويتم مراقبته اذا تم التجاوز فى القيام بمهامه والاشراف القضائى عليه . تقبل احترامى حتى لو اختلفنا فى الاراء

[Most_H]

الحمد لله

متفقين على ان امن الدولة بالشكل الحالى مينفعش

ومينعش يفضل موجود

يبقى المفروض يريحوا الناس، ويحلوة، ويشكلوا جهاز جديد مهمة حماية امن البلد نفسها

احلال من اول وجديد، زى محنا بنحاول نعمل احلال للنظام الحالى والدستور، لان احنا وصلنا لمرحلة الترقيع فيها مش هينفع

ويتم الاستعانه فى بناء الجهاز الجديد بالقيادات المشهود لها، ولو مفيش نبعت بعثات برة تتدرب، مش عيب

وطبعا مش عيب ان الواحد يختلف فى الرأى مع الناس، طلما كل واحد بأحترامه

لكن الغلط انى اوافق على حاجة من غير مكون فاهمها

بمعنى لما يقول ان امن الدولة اللى عندنا زى الـ fbi

يبقى دة كلام غلط ومش مظبوط

ولا انتوا رأيكم اية؟؟؟


وبالنسبة للنقطة بتاعت ان العضو داخل بأكون وهمى، فممكن (والله أعلم) انه خايف من امن الدولة

تحياتى

[dr-mohamed]

وبالنسبة للنقطة بتاعت ان العضو داخل بأكون وهمى، فممكن (والله أعلم) انه خايف من امن الدولة

هو فيه حد دلوقت بيخاف ؟
المفروض الثورة حررت الجميع ولم يعد هناك خوف
ولا شعارات بتترفع بس لكن وقت الكلام الجاد نستخبي ورا اسماء جديدة ؟
وبعدين فيه اعضاء كتير شنوا هجوم عنيف على امن الدولة هنا وطالبوا باعادة بنائها من جديد دون خوف والا كنت حضرتك كمان دخلت بعضوية جديدة
ممكن يكون فيه سبب تاني

[Most_H]

هو فيه حد دلوقت بيخاف ؟
المفروض الثورة حررت الجميع ولم يعد هناك خوف
ولا شعارات بتترفع بس لكن وقت الكلام الجاد نستخبي ورا اسماء جديدة ؟
وبعدين فيه اعضاء كتير شنوا هجوم عنيف على امن الدولة هنا وطالبوا باعادة بنائها من جديد دون خوف والا كنت حضرتك كمان دخلت بعضوية جديدة
ممكن يكون فيه سبب تاني

معرفش ليه حضرتك سبت كلامى كله ومسكت فى النقطة دى
هل مفيش عند حضرتك تعليق عليه؟؟

وانا قلت الله أعلم، وأظن انه مش من الملائم اننا نتهم ناس بالجبن والتخوين

وعموما انا كنت بأفترض، وقلت الله أعلم

تحياتى :)

[nevozaky]

الحمد لله

متفقين على ان امن الدولة بالشكل الحالى مينفعش

ومينعش يفضل موجود

يبقى المفروض يريحوا الناس، ويحلوة، ويشكلوا جهاز جديد مهمة حماية امن البلد نفسها


لكن الغلط انى اوافق على حاجة من غير مكون فاهمها

بمعنى لما يقول ان امن الدولة اللى عندنا زى الـ fbi

يبقى دة كلام غلط ومش مظبوط

ولا انتوا رأيكم اية؟؟؟

اكيد الباشمهندس احمد فاهمها زى ما اغلبيتنا فهمنها .اللى انا وافقت عليه واعتقد باقى الزملاء بغض الظر عن الجرائم الذى يتتبعها ال fbiاو نوعها المقصود ان يجب وجود جهة او هيئة تهتم بتنظبم امن الدولة وليس امن النظام زى ما قلت حضرتك .اكيد انت متاْكد ان احنا ضد ده زيكم بالظبط بس انتم عايزين تلغوه واحنا بنقول مش هينفع يتلغى خالص .لانك فى قضايا وامور شائكة برضو بتحتاجه فيه .يقصد المهندش احمد وجود هيئة كبيرة مثل الfbiللتصرف فى القضايا الكبيرة مثلا وليس طبق الاصل من امريكا لان احنا ما عندناش ولايات علشان يتتبعوا جريمة قتل من ولاية الى اخرى .يعنى احنا فاهمين المقصود من كلام المهندس احمد ايه مجازا وليس بالكلمات الحرفية .حضرتك بس ما اخدتش بالك هوه قصده ايه .يعنى الفكرة واحدة والطلب واحد بس اسلوب التطبيق مختلف .تقبل تحياتى

[Most_H]

اكيد الباشمهندس احمد فاهمها زى ما اغلبيتنا فهمنها .اللى انا وافقت عليه واعتقد باقى الزملاء بغض الظر عن الجرائم الذى يتتبعها ال fbiاو نوعها المقصود ان يجب وجود جهة او هيئة تهتم بتنظبم امن الدولة وليس امن النظام زى ما قلت حضرتك .اكيد انت متاْكد ان احنا ضد ده زيكم بالظبط بس انتم عايزين تلغوه واحنا بنقول مش هينفع يتلغى خالص .لانك فى قضايا وامور شائكة برضو بتحتاجه فيه .يقصد المهندش احمد وجود هيئة كبيرة مثل الfbiللتصرف فى القضايا الكبيرة مثلا وليس طبق الاصل من امريكا لان احنا ما عندناش ولايات علشان يتتبعوا جريمة قتل من ولاية الى اخرى .يعنى احنا فاهمين المقصود من كلام المهندس احمد ايه مجازا وليس بالكلمات الحرفية .حضرتك بس ما اخدتش بالك هوه قصده ايه .يعنى الفكرة واحدة والطلب واحد بس اسلوب التطبيق مختلف .تقبل تحياتى

تمام

يبقى احنا كدة مختلفين على نقطة واحدة فى رأى

وهى أمن الدولة يفضل امن دولة ولا لأ (طبعا من غير الوضع الحالى)، تمام كدة؟؟

لو تمام، فأنا هقول لحضرتك تصورى الشخصى، وهى أنه يتم أنشاء جهاز جديد (على ميا بيضا زى مابيقولوا) ، يهتم بتأمين المواطينين والبلد من الارهاب الحقيقى، ونلغى الجهاز القديم من الاصل

لأنه فى رأيي عملية تجميل الجهاز الحالى مش هتكون بنفس كفأة أنشاء جهاز جديد

ودة بسبب التصور اللى عند الناس عن اسم (امن الدولة)
وفكر أغلب الناس اللى قائمة على الجهاز الحالى واللى شغاله فيه

اتمنى انى اكون قدرت اوصل وجهة نظرى، ووجة نظر ناس تانية بتفكر كدة :)

[nevozaky]

احنا متفقين زى ما حضرتك بتقول .بس هوه مجرد تغيير الاسم واللا المهم تغيير الاساس فى المهمة اللى هيعملها وتغيير اسلوب التعامل مع المواطنين .طيب لو تم اتشاء جهاز جديد زى ما حضرتك بتقول الجهاز القديم بما يحمله من خبرات فى الامن القومى للبلد هيروح فين اقصد مش خبراته السيئة .صعب اوى الموضوع ده .كلنا موافقين ان تصرفاتهم سيئة جدا وطريقة معاملتهم للشعب اسواْ.بس الحل العملى ايه من غير ما نصعب الامور .اذا امرت ان تطاع فاؤمر بما هو مستطاع .صح ولا غلط

[ahmed-moga]

امن الدول هو من بدأ عصر الدوله البوليسيه نتيجة تدخله في كل شأن من شئون الدوله والشعب بل في كيفية سير الحياه اليوميه للمواطنين ومايجب ان يشاهدوه وما لايجب ان يشاهدوه بل تجاوز كل الموازين واصبح له تدخل في كل مايقال علي صفحات الأنترنت للمنتديات
امن الدوله هو من شجع ظباط الشرطه علي هذا الجبروت الذي اصبحوا فيه وعلي اعدم حترام آدمية وكرامة المواطن المصري
آمن الدوله عند تحقيقه في واقعه معينه قد لاتكون هامه ينتهج اسلوب الجيستابو في انتزاع الأعتراف حتي وان كان قصرا علي المعترف ولم يقم به
ظباط آمن الدوله اناس قلبها قد مات وتعفن واصبح لونه اشد من لون السواد لاتعرف شفقه او رحمه او خشية وخوف من الله وان مايفعلونه بهؤلاء المستضعفون سوف يعاقبون عليه اشد العقاب يوم القيامه فجرائمهم فاقت الوصف في الغلظة وارتكاب اعظم الكبائر التي يهتز لها عرش الرحمن
جهاز آمن الدوله يجب بأكمله ان يحل من القاعده الي الرآس لجميع موظفينه ويحل محله مسئولون لجهاز يتبع الأمن القومي يباشر الشئون الأمنيه الداخليه للدوله

[dr-mohamed]

تمام
يبقى احنا كدة مختلفين على نقطة واحدة فى رأى
وهى أمن الدولة يفضل امن دولة ولا لأ (طبعا من غير الوضع الحالى)، تمام كدة؟؟
لو تمام، فأنا هقول لحضرتك تصورى الشخصى، وهى أنه يتم أنشاء جهاز جديد (على ميا بيضا زى مابيقولوا) ، يهتم بتأمين المواطينين والبلد من الارهاب الحقيقى، ونلغى الجهاز القديم من الاصل
لأنه فى رأيي عملية تجميل الجهاز الحالى مش هتكون بنفس كفأة أنشاء جهاز جديد
ودة بسبب التصور اللى عند الناس عن اسم (امن الدولة)
وفكر أغلب الناس اللى قائمة على الجهاز الحالى واللى شغاله فيه
اتمنى انى اكون قدرت اوصل وجهة نظرى، ووجة نظر ناس تانية بتفكر كدة :)

اكيد متفقين لكني بميل للراي التالي

احنا متفقين زى ما حضرتك بتقول .بس هوه مجرد تغيير الاسم واللا المهم تغيير الاساس فى المهمة اللى هيعملها وتغيير اسلوب التعامل مع المواطنين .طيب لو تم اتشاء جهاز جديد زى ما حضرتك بتقول الجهاز القديم بما يحمله من خبرات فى الامن القومى للبلد هيروح فين اقصد مش خبراته السيئة .صعب اوى الموضوع ده .كلنا موافقين ان تصرفاتهم سيئة جدا وطريقة معاملتهم للشعب اسواْ.بس الحل العملى ايه من غير ما نصعب الامور .اذا امرت ان تطاع فاؤمر بما هو مستطاع .صح ولا غلط

اصلاح جهاز موجود بالفعل اسهل واسرع من انشاء جهاز جديد من الالف للياء
يعني جهاز المخابرات لما كان فيه فساد في عصر عبد الناصر سنة 68 لم يلغي الجهاز القديم تماما وينشئ جهاز جديد ولكن قام باصلاح الجهاز الموجود وطهره وحاكم كل الفاسدين في الجهاز القديم

[Most_H]

احنا متفقين زى ما حضرتك بتقول .بس هوه مجرد تغيير الاسم واللا المهم تغيير الاساس فى المهمة اللى هيعملها وتغيير اسلوب التعامل مع المواطنين .طيب لو تم اتشاء جهاز جديد زى ما حضرتك بتقول الجهاز القديم بما يحمله من خبرات فى الامن القومى للبلد هيروح فين اقصد مش خبراته السيئة .صعب اوى الموضوع ده .كلنا موافقين ان تصرفاتهم سيئة جدا وطريقة معاملتهم للشعب اسواْ.بس الحل العملى ايه من غير ما نصعب الامور .اذا امرت ان تطاع فاؤمر بما هو مستطاع .صح ولا غلط

كلامك تمام

الاسم بالنسبة لحضرتك وليا انا على الاقل مش هيفرق

لكن للمواطن البسيط، هيفرق كتييييييييييييييييييييير

وانا كنت قلت فى مشاركة هنا فى الموضوع

انه يتأسس بالأستعانة بالضباط اللى فى الجهاز القديم، المشهود لهم بالكفاءة وعدم أتباع النهج القديم، ولقدر الله لو مفيش يبقى نبعت ظباط شرطة، يخدوا دورات تدريبية برة فى هذا الاطار