سقوط علامة بروتون الجزء الرابع (سلسلة مواقف كوميدية)

[Xander2010_Evo]

مبروك الBolg يابو السيد :))

[magyver]

ابو السيييييييييييييد
الاكونت بتاعك علي الفيس اية ؟

[saadelden]

اخيرا خدت خطوه و عملت بلوج :D

بس عايزه شغل كتير و تحط عداد و شويه Plug-ins و هاتبقى عالمي :D

[sayed911]

جميل جدا و مبروك المدونه
و إن شاء الله تكون خطوة في طريق خير
لكن لي أنا طلب و معرفش في حد هايوافقني و يضم صوتو لي و لا لأ
ألا و هو إن الحلقه تنزل في نايل موتورز في نفس ميعادها علي المدونه
و متعلقش الردود هاتشتغل هنا و هناك و خلي نايل موتورز للحلقات و المدونه نزن فيها عليك علشان تنزل بالحلقه

وجهة نظر طبعا يا فندم وفكرت فيها ولكن ها اشرح لحضرتك انا ليه عملت كده :d

الف مبروك يا سيد على البلوج و ان شاء الله يبقى احسن و احسن

خطوة كويسة جدا =))

جائزة افضل عضو في الموسوعة هو حضرتك يا ريس مفيش حاجة من تحت الطربيزة بقى للجنة التحكيم :p

ضحكتني ولاهي حضرتك و يا فندم.. معلومة لك يا سيد أنا أصغر منك عندي 19 سنة

وماله يا كبارة برضه فندم وحضرتك منا عندي 21 سنة وماشي بكلم نفسي والله ههه مش بالسن خالص والله :d

سيد استاذ و رئيس قسم في الحاجات دي و في الغلط في الاسماء بردو

يا سيد انا عارف وانت عارف ان حضرتك و سعادتك و يا فندم ده مش انت اشرب جهينة و اتكلم طبيعي يابني =))

الله يمسيه بالخير المهندس عبد الرحمن كان بيقولي طول ما ردك فيه حضرتك وفندم مش ها ارد هوة وطارق كمان :d سيبها على الله :d بس انتا برضه مش ها تباصي حاجة كده :p

مبروك الbolg يابو السيد :))

الله يبارك فيك يا دكتر مصطفى :d الموبايلين فين يا كبير :d

ابو السيييييييييييييد
الاكونت بتاعك علي الفيس اية ؟

ها ابعتهولك حالا على الخاص يا كبير :d

اخيرا خدت خطوه و عملت بلوج :d

بس عايزه شغل كتير و تحط عداد و شويه plug-ins و هاتبقى عالمي :

نعم :d :d ???
ده اللي هوة ازاي يعني :d
انتا مش متخيل يا سعد انا قريت كام موضوع على جوجل عشان بس اتعلم ازاي اختر ستايل واحط الحلقات :d تقولي مش عارف ايه :d البركة فيك يا كبارة بقى :p :d

[saadelden]

نعم :d :d ???
ده اللي هوة ازاي يعني :d
انتا مش متخيل يا سعد انا قريت كام موضوع على جوجل عشان بس اتعلم ازاي اختر ستايل واحط الحلقات :d تقولي مش عارف ايه :d البركة فيك يا كبارة بقى :p :d

دا فيه حاجات كتير
تلوين و تضيف emoticons للردود و المواضيع و ساعات و جيمز و كالندر
حوار كبير اوي :D

[saadelden]

بص انا كنت ماشي في حوار البلوج دا من سنتين بس ماكملتش فيه
دي البلوج بتاعتي MY LIFE BLOG
بس كان فيه حاجات كنت حاططها و مش شغاله دلوقتي ف شيلتها

[gebreel]

من عينايا هات اللي انت عاوزو و انا اديلك احسن بلوج في الشرق الاوسط

بحبحها شوية و يبقى في افريقيا

بحبها شويتين و يبقى في العالم

[mememsaid]

الف مبروك هههههههههه انا حاسس انك في سباق عايز تخلصها بأسرع وقت ممكن :d براحتك تماما يا فندم هوة احنا ورانا حاجة :d وتسرح العيال ليه متقعد تقرالهم القصة دي قبل النوم خلي العيال تنبسط شوية :d كل سنة وحضرتك بألف خير يا فندم وعلى فكرة انا كان ليا الشرف اني قابلت حضرتك قبل كده بس انتا مش متذكرني :d

اولا مبروك علي المدونه
طبعا في سبق
لما ابدا في الصفه الاولي وانت تكون في الصفه ال60 تقريبا لما انا بدات وعايز اتابع معاك اول باول يبقي اكيد سبق
ثم لو تكرمت بلاش حضرتك وفندم ديه عشان خطري والا هنضم للناس اللي مش بترد عليك بسببهم
ثم لو اعدت العيال عشان يبقي حدوته قبل النوم العيال ممكن يدمنو زي ابوهم ونيجي نقف علي الباب لو اخرت علينا الحقنه .... قصدي الحلقه
انا اعدت افكر ممكن اكون شوفتك فين مالاقتش عير دار المشاه (مش كدا) معلش اعزني انت كنت شايف كنا كتير ومتقسمين وكل حبه عماله تتكلم لوحدها (وعيد ميلاد البنت كامن لو تفتكر) بس علي العموم انا راشق في اول تحمع للساجاويه وياريت يكون في اقرب وقت
ثم انت ماردتش علي علي الاسم هل فعلا فيه اجزاء فاتتني ولا لا

[horas3000]

الحلقه الجديده نزلت علي البلوج يا رجاله

[iwantes350]

سيد باشا
الف مليون مبروك على البلوج الجديد
وربنا يعوضك باجمل لاب جديد
وفداك كل اللابات

[OmaR_FekrY]

اووووووووه :) مبروك يا ابو السيد يا رافع راسنا :))

[sayed911]

انا تحت امركم يا جماعة :d
اهم حاجة الأراء :d
افختلافات كده يعني ]

[sayed911]

بسم الله الرحمن الرحيم

السلام عليكم ورحمة الله وبركاته

زيارة للأسكندرية ...

بداية القصة كانت في يوم الإثنين الماضي واكنت بناء على طلب مجموعة من الأصدقاء ياللهب ينا نطلع نصيف بما اننا كنا مطحونين في الشغل الصيف ده والجامعة وما الى ذلك !! آمين يا رجالة

نطلع هاو بقى !!

كله اقر اننا نطلع بعربيتي ونقسم كل حاجة ما بينا وكنا كالتالي

انا

احمد (اخويا )

حمدي

سعد

توكلنا على الله وعقدنا العزم على الساعة 6 نتحرك من القاهرة للساحل ..

صحينا على الساعة 5.30 لمينا شنطنا وعملنا زمزمية نيسكافيه محترمة عشان انا قايل مفيش جري ها نتمشى براحتنا ..

واتحركنا بعون الله ..

طلعنا من هنا على 6 اوكتوبر العربية مدروزة شنط ..

وكلو لابس شورتاته وكاباته وجاهز ..

الحقيقة الحج حمدي راكب في قفايا .. وعمال بيتكلم في التلفون بيتخانق على الصبح مع مين مش عارف .. واحمد اخويا وسعد جايبين اللاب وواصلين الهاندز عليه وبيلعبوا بي اس !! حاطين اللاب على التابلوه وبيلعبوا ماتش مش فاكر مين اللي كسب ساعتها ..

المهم

لقيت مخرج الصحراوي رحت خارج ومشينا لحد ما ويقفنا في الزحمة عند ميدان لبنان !! والحقيقة هناك في يافطة عالمية مكتوب الصحراوي اطلع الكوبري ويافطة تانية جنب منها مكتوب من تحت الكوبري الله !!

انا زي الفاهم عملت فيها فطن ونزلت من تحت الكوبري ومسألتش حتى العيال ..

لقيت نفسي اتزنقت زنقة سودا ولجل الحظ اليوم ده كان المحور واقف وقفة عجيبة بدون ادنى سبب !! ساعتين كاملين واقف في ميدان لبنان مش بعمل اي حاجة غير اني متابع ماتش احمد وسعد !!

وماتش ورا ماتش لحد ما ربنا كرمنا وطلعنا المحور جري بقى نزلت نزلة الصحراوي !!

حمدي : سيد اقف في محطة امارات مصر دي نريح شوية :D

انا : نعم يا روح .. هوا احنا لسة مشينا حاجة ؟

هو : يا عم نريح بس ونجهز نفسنا ..

دخلنا المحطة اشتريت بتاع بـ 50 جنيه بنادول وفيفادول والله !!

شدينا الرحال وطلعنا على الطريق عدينا البوابات ..

وماشيين في امان الله ..

ماشيين 90 100 كيلو ..

سرحت العيال شوية ومشيت 120 العيال بيقولوا يا عم بالراحة هوا احنا مش مستعجلين على حاجة .. قولتلهم لالالا مهو السرعة محددة دلوقتي هنا بـ 120 (قال يعني فاهم حمار بيتكلم وخلاص )

ريحنا في قرية الأسد واتصورت مع حاجة برقبة ايه هيا مش عارف بس ادي صورتها اهي :D

ومحدش يقول ايه التفاهة دي انا عمري ما مسكت اسد في حياتي ..

انا مسكت اسد بإيدي ولفيت حية مش تعبان كمان عليا ..

المهم

ركبنا العربية وكملنا !!

وصلنا بقى ولله الحمد لبوابة القرية الساعة 12 !!

حد متخيل اللي حصل

احنا مشينا الساعة 6 صباحا !!

وصلنا الساعة 12 الظهر !!

6 ساعات ليه !!!

ليه يعني !!

وصلنا كله شمر عن ساعديه وبدأ في التنضيف كل واحد استلم ركن !! او قوضة !! انا سلموني 2 متر في 2 متر !! وقاولولي كفاية عليك !!

انا فعلا اول مرة في حياتي اعذر ستات البيوت !!

حبيت اعمل فيها نضيف دلقت مياه في البلكونة واكتشفت انه مفيش فيها مزراب !! وبعدين جبت كيس صابون سايل ودلقلته في الأرض وفركت كويس جدا !!

واكتشفت بقى مولد الزحاليق بنفسي !! يادي النيلة عشان تمسك نفسك ولا كأنك عامل جنياة زحاليق من هنا للصبح !!

كان طول عمري نفسي اجرب اجيب الخيشة وامسح !! دي مش نضافة !! دي معانااااااااااااااااااااااااة !!

وملعون ابو الصابون اللي ها ينضف ده انا طلع عين اهلي عشان امسح الأرضية من المياه بجد انا بعد ما خلصت مبقتش عايز حد يهوب ناحية المنطقة اللي عملتها مع انها 2 متر في 2 متر !! بس اهو يالله !!

هم : انزل يا هباب البرك شوفلنا حاجة تتاكل !!

نزلت الساعة 6 مساءا !!

احنا في الكيلو حاجة واربعين !! مشيت لحد الكيلو 120 مفيش اي حاجة فاتحة تماما !! قرى مقفلة !! زهران كله مقفل كل المولات والتجمعات بخ !! قررت اتنيل انزل الكيلو 21 !!

المسمى بالعجمي !!

سؤال لكل الإسكندرانية

(همة كل سكان الـكيلو 21 باعو عربياتهم وجابوا سوزوكي التمناية ولا ايه ؟؟؟؟ )

جبت اكل واتنيلت رجعت تاني !!

طفحنا ونمنا زي القتلة !!

طبعا القرية بكاملها مفيش فيها 5 اسر على بعض !! يعني احنا بنمتلك القرية تقريبا !!

صحينا تاني يوم !!

التلفون بيرن

انا : الو !!

المدير بتاعي : سيد انا عرفت انك في اسكندرية صحيح الكلام ده ؟

انا : الى حد ما يا فندم !! نفسي افهم بتعرف الحاجات دي منين بس !! السورس بتاعك مين وانا ارتاح !!

هو : اسمعني بقى وركز معايا انتا ها تنزل اسكندرية دلوقتي تروح حتى اسمها المنتزه وتكلمني من هناك ها فيه واحد ها يديك ورق !! ها تاخده وبكرة الصبح تسافر السلوم توصله لحد هناك برضه ها اديلك تفاصيله !!

انا : هوا شركة السوبر جيت اللي ها توصلني في الأماكن دي ظروفها ايه يا فندم

(على فكرة انا بهرج فعلا كده دائما مع المدير بتاعي :D (

انا : بس يا فندم فيه اختراع موجود اسمه بريد !!

هو : يا ابني لحد امتى ها اعلم فيك !! انا كنت ها ابعت موظف من القاهرة وبما انك موجود خد سعد في ايدك وروحوا اعملوا المشوار !!

انا : حاضر يا فندم !! بس ده طبعا له بدالات ولا زي كل مرة !!

هو : الخط بيقطع جامد يا سيد لما توصل اسكندرية كلمني !! تك !!

اصحي في سعد !! لا ممكن خروف نايم !!

اصحي في اي حد فيهم !! لا يمكن برضه !!

قولت بسيطة انا اخطف رجلي هيا يعني اسكندرية ها تكون بصعوبة قد ايه !! انا اكلم اي حد من رجالة نايل موتورز هناك وهوة ها يفيدني :D

نزلت واتحركت !! وصلت الكيلو 21 كملته لحد أخره ووصلت لمصنع حديد وصلب كده هناك اسمه عز الدخلية !! كملت على طول ..

بعدها بشوية كل شوية الاقي بوابة كبيرة جدا مكتوب عليها مدخل مينا رقم 2 !!

ولكن التريلات في المنطقة دي تقريبا كانت محتركة الطريق !!! لا اله الا الله !! مش ممكن شاريين الطريق لحسابهم الخاص !!

تدخل بعد كده على منطقة اقل ما يقال عنها انها طرق اختبار لشركة جيب !! منطقة مدمرة عن بكرة ابيها (حلوة عن بكرة ابيها دي )

الطريق اقل فعلا ما يقال عنه انه مدمر ..

لحد ما ربنا كرمني ووصلت لشارع كده اتجاه واحد وسبحان الله المحلات اللي في الشارع كلها مش بتبيع غير لمض !!

وفي أخره ميدان كبير قوي وفيه راجل راكب حصان !! مين ده لست ادري ومش عايز ادري كمان !!

لحد ما ربنا كرمني وطلعت على الكورنيش !!

ولقيت ميدان تاني على يميني وفيه راجل كبارة كده لابس بالطوا المرادي :D

مشيت شويا لحد ما لقيت مكتبة الإسكندرية على الطريق حتى هيا على الناحية التانية من الكورنيش وامامها مباشرة منشاة عسكرية وبوابات مرتفعة جدا ..

المهم جبت من اول الكوريش لحد اخره !!

نفسي بس افهم معلومة كمان !!

هيا ايه الفكرة انه كل التكاسي اللي في اسندرية عبارة عن لادا !! لادا لادا لادا لادا !! ويمكن تيجي غلطة وتبقى شاهين !! ايه كم الادا دي كلها !! مش ممكن !! ده احنا في القاهرة التنوع الفكري بيسمحلك بالإختيار بين مجموعة مختلفة !! ولكن فكرة بصراحة افضل من عندنا !!

ما علينا ما علينا

وصلت لأخر الكورنيش عند فندق مشهور قوي مش فاكر هيلتون ولا شيراتون ولا مين الزبط !! هوا واخد ناصية وخلاص ..

نزلت معاه يمين لحد ما بقى تشيلز على يميني وفيه قدامي نفق !! اخدت اليوتيرن وبعدين طلعت ووقفت على جنب !!

وكلمت مديري

انا: الو

هو : انتا فين يا ابني بقالي ساعة بكلمك !!

انا : ( في عقلي : ساعة ايه على اساس انك بتطلب والموبايل بيحور عليك ) لا ازاي يا فندم انا تحت امرك الموبايل جنبي من بدري اصلا .

هو : انتا فين

انا : انا قدام مدخل المنتزه انا سألت لحد ما بانلي صاحب اصلا يا فندم ..

هو : طيب استنى مكانك بقى وادي وانتظار واركن على جنب ها اكلمك سكرتير الراجل ينزلك حالا دلوقتي ..

اانا :حاضر

بعد شوية مديري كلمني قالي هوا اللي ها يقابلك سكرتير الراجل اسمه محمد عبد العزيز ها تلاقيه لابس بدلة سودا وكرفتة حمرا !! دور انتا عليه عشان هوا اكيد مش ها يعرفك !!

الفكرة بقى اني انا كعاطف نسيت اسأل مديري على نمرة السكرتير اكلمه اسهلي من اني ادور طبعا !!

ركنت العربية على جنب ونزلت ابص حواليا ..

عمال ادور ادور ادور

لحد ما لقيت الموظف

سلمني الورق ومضاني وكل حاجة

رجعت العربية !!

بطلع الموبايل عشان اكلم مديري اقوله اني توصلت للراجل واني لقيت الحاجة وكله تمام !!

مش لاقي الموبايل في جيبي قولت اه صحيح منا بحطه في باب العربية في المسند !!

ابص في المسند بخ !!

مفيش حاجة !!

لا اله الا الله !!

اظهر وبان عليك الأمان !!

مفيش فايدة قلبت العربية !!

ادور على الموظف اقوله حتى يطلبني عشان اشوف الموبايل فين مش لاقيه !!

قعدت اقلب في ذاكرتي !!

اعصري في مخك يا زينب كان بشعر ولا من غير !! هيا العربية كانت مقفولة لما جيتلها ولا كانت مفتوحة !!

اكتشفت اني كفلحوص !! لما نزلت ادور على الراجل نسيت اقفل اللوك !! !!

قولت حصل خير وقدر الله وما شاء فعل !! طلع المفظة يا واد وانزل دور على اي كشك اطلب المدير وقوله واطلب صحابك طمنهم !!

كنت حاطط المفظة تحت الكاسيت مباشرة وانا المصيبة عمري ما بسيبها في العربية حتى لو لدقيقتين لكن سيبتها المرادي قولت ده انا دقيقة وراجع !! ادور على المحفظة بخ !!!!!!!

يادي النيلة السودا !!

المشكلة كان محتوى المحفظة التالي :

1 بطاقة شخصية

1 رخصة قيادة خاصة

2 رخصة سيارتين (الشيروكي – الساجا)

1 كريديت كارد من البنك الأهلي المصري

1 كريديت كاره من بنك NSGB

توكيل عام من والدي

توكيل خاص بإدارة شؤون السيارة

وكارنيه الكلية

وبتاع 200 جنيه الا شوية كده !!

كل ده خده البرينجي وطار :D

يادي النيلة والفضايح السودا والمهببة !!

يعني حتى ابن اللذينة الفطن مسابليش حتى 10 جنيه على بعض اعمل بيهم اي حاجة !! انا ببقى دائما شايل ورقة بـ200 في العربية لزوم الحالات الطارئة طبعا اني افتكر هيا موجودة ولا انا شلتها (دناوة ) !! لا يمكن الاقيها !! طيب اتصرف الزاي !! اكلم مين يا ربي ولا اعمل ايه !!

فجأة حسيت انه الأرض ومن عليها ضاقت عليا !!

اكلم البنك اقفل الحساب بتاعي !! ولا اروح على القسم ابلغ بفقدان حاجتي ولا اكلم صحابي اقولهم يجولي ولا اعمل ايه !!

المشكلة اني مش حافظ نمرة اي بندي آدم اعرفه في حياتي ولله الحمد والشكر طبعا الموبايل كان بيقوم بالواجب يعني كتنا نيلة ووسكة على حظنا الهباب !!

اتصرف ازاي يا ربي !! لسة بلف لقيت زابط بـ 3 غطيان كزوزة على كتفه بيربت على كتفي (حلوة بيربت دي )

انا : والله يا فندم انا اقسم بالله لسة كنت ها اروح القسم بنفسي

هو : طبعا طبعا حضرتك مش شايف يفطة ممنوع الإنتظار والركن !!

انا : انا عارف والله يا فندم انا نفسي كنت واقف دقيقة وكنت المفروض مشيت ولكن حصل اني لما سبت العربية ونزلت بقى اخد حاجة من موظف !! مين بقى الموظف ده الموظف ده سكرتير واحد عميل عندنا هنا في اسكندرية والراجل مش موجود وانا اصلا كنت بصيف !!

هو : باااااااااااااااااااااااااااااااس انا مال امـ.... بالقصة دي كلها !! انا بحكي في حاجة محددة انا جيت لقيتك راكن في الممنوع !! فلو سمحت رخصك عشان اعملك مخالفة ..

انا : مهو اصلي ...

هو : ايه ممعاكش رخصة !!

انا : طبعا انا لو حلفتلك على المصحف 100 الف مرة دلوقتي مش ها تصدق اني لسة مسروق من 5 دقائق صح !!

هو : وحياتك لو طلعتلي ارنب من جيبك مفيش امل !!

انا : والله يا فندم انا شاب محترم مش اللي في بالك خالص والله !!

هو : معلش طيب ممكن بطاقتك عشان انتا كده ها تتفضل معايا لأنه ممعكش حاجة تثبت ملكيتك للسيارة !!

انا : طيب ممكن انا اروح بنفسي للقسم ؟

هو : مهي الفكرة يا بيه انه انا مش شرطة انا مرور !! الشرطة دي حاجة تانية خالص

انا : مش كله بيأدي الغرض نفسه !!

هو : انتا ها توجع قلبي معاك !! هات بطاقتك او اي اثبات شخصية !!

انا : مكنش يتعز والله يا بيه !! واحد مسروق ممعوش حتى 10 جنيه يروح بيها :D

هو : يا عسكري هاتولي البيه وارفع العربية على الونش اما نشوف قصته !!

انا : لالالالالا اروح فين انا مش تاع كده خالص على فكرة !!

يا عم انا راجل محترم

يا سيدي !!

يا مولانا !!

مفيش بتتعامل بقى هنا مع الصم والبكم !!

لأول مرة في حياتي كلها !!

انط في بوكس !!

مع اشكل !! مش ها اعرف اوصفها !! مش ها اعرف اقولكم اصلا انا كان احساسي عامل ازاي لمجرد احساسي اني مخالف القانون !!

يادي الفضيحة !!

يادي الفضيحة !!

انا : يا حضرة الزابط ممكن استأذن حضرتك في طلب

هو : نعم يا سيدي

انا : ممكن تديني فرصة اروح لحد اقرب كابينة تلفون وتسلفني اي حاجة اتصل بيها على اي حد يجي يثبتلك انا مين وانه دي عربيتي ؟

هو : كمان عايزني اسلفك !! مش بقولك انتا شكلك عبيط !! يا عسكري خده من قدامي !!

لحد ما البوكس اتحرك ووصلنا لحد حتة كده مش بتطل على اي حاجة غير انها قسم !!

نزلت من البوكس ودخلت بقى الحقيقة على الريسيبشن (انا عاجبني تسمية الخرابة دي كده) بتاع القسم الحقيقة كرم اخلاق ايه وتشرب حاجة يا استاذ ومحدش جاب سيرة اي حد من عيلتي الحقيقة خــــــــــــــــــــــــــالص تماما !!

لحد ما جه امين شرطة

والى هنا تنتهي حلقتنا وان شاء الله التكلمة قريبا جدا ..

ومع نهاية هذه الحلقة اسمخولي ان اشكر بجد كل من

(محمد ابو الوفا – الأستاذ محمد الشنوري – الأستاذ والعمدة دياب ) الحقيقة الناس دي بجد لم تتوانا للحظة عن خدمتي بجد شاكرا وعاجزا عن الشكر والله يا جماعة ..

واسمحولي اضيف صورتين او تلاتة من تجربتي المريرة ..

وتعقيبا بس على حاجة بسيطة !! محدش له دعوة بصورة البطة دي !! محدش عارف انا عملت ايه عشان اثبتها التثبيتة بتاعت الصورة دي يا رجالة !! دي بطة ماشية بتتمخطر ولا كأنها شارون ستون في عز فلم الخطايا

[HOSSAM99]

حمدا لله علي سلامتك يا باشمهندس علي قد ما أنا كنت فرحان إنك كتبت حلقه ... علي قد ما ىخر الحلقه قلب معايا بنكد علشان اللي حصلك
قدر الله و ما شاء فعل
و الحمد لله إنها جت علي خير

[ganash]

الحمد لله انك بخير
قدر الله وما شاء فعل
بانتظار الجزء التانى