سقوط علامة بروتون الجزء الرابع (سلسلة مواقف كوميدية)

[VWvsBMW]

انا احمد صديق سيد و اوصاني انه اقول انه للأسف كرت الفيجا اللي عنده في الاب تقريبا اتحرق وهوة الحلقة مع الجهاز بيتم اصلاحه وطلب مني ابلغ حضراتكم عشان خوفا من انه حد يفتكره بيتجاهل طلبات حضراتكم

[AHMED1718]

انا احمد صديق سيد و اوصاني انه اقول انه للأسف كرت الفيجا اللي عنده في الاب تقريبا اتحرق وهوة الحلقة مع الجهاز بيتم اصلاحه وطلب مني ابلغ حضراتكم عشان خوفا من انه حد يفتكره بيتجاهل طلبات حضراتكم

طب متقوم انتا بالواجب :b4_556:

[sayed911]

الحمد لله انا رجعت يا جماعة والحلقة قبل الفجر ها تكون موجودة متشوق جدا لكتابة ما سيحدث :d

[AHMED1718]

الحمد لله انا رجعت يا جماعة والحلقة قبل الفجر ها تكون موجودة متشوق جدا لكتابة ما سيحدث :d

يابنى انا خايف عليك ماللى بيحصلك ده
ده انا حاسس انك متعمد يحصلك كده علشان ترجع تكتبلنا قصة مشوقة
عمتن خلاص الواحد ادمن حكاويك
اعزرنى مش بعلق كتير على مواضيعك علشان حاسس ان كل اللى بيعلق اصدقائك وبيربطهم بيك مواقف فمش بلاقى حاجة اقولها
عمتن ياباشمهندس طير انتا واحنا ف انتظارك

[sayed911]

بسم الله الرحمن الرحيم

السلام عليكم ورحمة الله وبركاته

كل عام وحضراتكم بألق صحة وسلامة وعافية بمناسبة رمضان الكريم !! اعاده الله علينا وعليكم باليمن والبركات !!

واكتب لحضراتكم هذه الحلقة وانا كلي تشوق لرؤية محاكمة الغد !!! والتي اعتقد بنسبة 90% سنرى فيها المشهد التالي

http://www.youtube.com/watch?v=cMUbOIiPaVw

مبارك للقاضي : انا مليش دعوة يا بيه !!! همة اللي قلوظوني على الكرسي يا سعادة البيه !!

تذكرت اليوم !! اول مرة كنت اتعلمت فيها الصيام !! وكانت المشكلة في دماغي الأتي الا وهي !!

احنا هنا اول يوم رمضان صمنا بالضبط 15 ساعة و 14 دقيقة و 34 ثانية بالضبط !!! شايفين الدقة يا عالم :D

المهم !! انا اول مرة اتعلمت فيه االصيام !! كنا سنة 99 !! كان عندي 9 سنين !! وكنا وقتها في هلسنكي !! ( عاصمة فنلندا )

ولما والدي حاول يفهمني فكرة الصيام !!

قالي يا حبيبي !! الصيام هوة اننا ناكل نص اليوم !! ونمتنع عن الأكل النص الثاني بأرادتنا الكاملة احتراما لرمضان وشعورا بأخواننا الفقراء !! فأانا ترسخت في دماغي فكرة اننا بنصوم نصف اليوم فقط :D

حصل الآتي بقى !!

نوينا الصيام في تمام الساعة 3 صباحا !! ونمنا !!! انا جي في دماغي اننا ها نفطرعلى 3 تاني يوم وكده قضينا 12 ساعة صيام اهو !! حصل الأتي !! في الدول الإسكندنافية ( همة 4 دول سكتلندا وهولندا وفنلندا وفيه دولة كمان مين مش فاكر ) فيه 3 اشهر في السنة مش بنشوف فيها قرص الشمس ده اصلا شكله عامل ازاي !!

مش مشكلتنا !!

نوينا الصيام على الساعة 3 !!

وجيت على بعد المدرسة بقول لبابا انا جاهز للفطار ها نفطر امتا !! قالي لسة

بقت الساعة 5 !!

قالي لسة !!

بقينا 7 !! ايه يا حج !! هوة الصيام ده ملوش آخلا !! لسة يبني لسة !! ايه يا باابا احنا كده صمنا اليوم كله !! ده كده الفقرا مش احنا اللي حسينا بيهم !! هوة العذاب ده كل يوم !!

فطرنا على الساعة 10 !!!

ايمانا بالقوم !! صوموا لرؤته وافطروا لرؤيته !! قولت لوالدي !! طيب سؤال فلنفترض انه كنا ف الـ 3 اشهر اللي مش بنشوف فيهم الشمس كنا ها نعمل ايه قالي كنا ها نفطرعلى اقرب الدول لينا !! وهي السويد !! يادي النيلة مادي انيل سيادتك دول بيصوموا اكثر من ثلثين اليوم !! يعني اللي يحسبها يكتشف اني اول يوم في حياتي صمت اكثر من 18 ساعة صيام بالضبط عشان تعرفوا انكم هنا في نعمة 15 ساعة وزعلانين !! وكلمت احد اقاربي اللي ما يزيال مقيم في فنلندا !! والصيام فعلا السنادي لحد 10 بالليل لحد غروب الشمس !!

ما علينا !!

انا عايز اسأل سؤال هوة اللي مش قد الصيام بيصوم ليه ؟؟

بيوجع قلبي معاه ليه ؟

ايه فكرتوا في العذاب الأزلي اللي بيبحث عنه !!

انا اول يوم صحيت من النوم

وقعدت اقرأ قرآن وربنا هاديني وهاددني عن اذية الناس ( كلمة الأغلبية انه بالنسبة ليا نوم الظالم عبادة )

المهم !! قولت انزل اسلي صيامي واروح الرحاب اشوف الوحدة الجديدة بتاعتنا اخبارها ايه !!

في اتجاهي للرحاب !! الموضوع كله مش اكثر من 25 كيلو مسافة طولية !! وجدت ما لا يقل عن خناقات !!

وأغلبيتهم سواقين تاكسي على مايكروباص !!

وكل كلمة دارجة امام الكل هي كلمة !! يا عم انا صاااااااااااااااااااااااااااااااااااااااااااااايم

الله واكبر !! يعني انتا صايم واحنا ولاد الغسالة مثلا ( متأسف على اللفظ ) !! انتا صايم واحنا بنضرب كيت كات على غيار الريق مثلا !! توب علينا يا رب من البهايم !!

المهم نرجع لحلقتنا الأصلية

بالمناسبة انا حاولت اشوف حوار البيج ده !! لقيتوا ها يبقى خنيق جدا وممل لأقصى درجة !! ومش ها نعرف نتعايش معاه !! نعمله في جروب احسن !! ولا نخليه على شكل بلوج ؟ ومدونة !! مع انه ثقافة المدونات في مصر معدومة اصلا !!

ما علينا

المهم !! عايز ونبي كل واحد فيكم يدلي بدلو رأيه في الموضوع ده عشان آخد قرار اقعد اعمله بدال ما ناا قاعد في رمضان :D

انا اصلا قاعد مش بعمل غير في حاجتين !! يا نايم !! يا اما بتفرج على فيديوهات عن طرق التصوير الإحترافي خلي ربنا يفتحها علينا وافتح استديو بقى واصور افراح بالليل والصبح مهندس وافتح مكتب تشطيبات خلي الثقافة دي تتمحي من عندنا !! واسمي الإستديو سيد فوكس !!

سؤال جال في بالي !!

احنا مكاتب التشطيبات ليه ملهاش سوق عندنا في مصر !! يعني بدال ما كل مالك لشقة يروح يدور على نجار ومبلط وسباك وكهربائي !! هوة ببساطة يجي لشركة التشطيبات وبمقابل عادي !! الشركة بتكون واجتهته للتعامل والشركة مسؤولة عن كل حاجة من A تو Z مش عارف عجباني جدا فكرة المشروع ده على اٌلأقل ها اوفر على المئات الفهلوة بتاعت الصنايعي وما حوله !! ما علينا !! ندخل في حلقاتنا بقى عشان كفاية رغي :D

مش عارف عمال لوك لوك من موضوع لموضوع !! كتبت صفحيتن بدون اي لازمة في اي حتة لأي حد !! وجع قلب ليكم وخلاص :D

الكوميديا ليست هنا المفارقة في حضراتكم اني كتبت 5 صفحات من ساعة !! ومقتنعتش بيهم !! مسحتهم !! رجعت كتبت 7 تاني !! مقتنعتش !! مسحتهم !! وادني كاتب تاني اما اشوف ها نروح لفين !!

نرجع تاني لموضوع حلقتنا والنهاردة ها احكيلكم عن زيارتنا لمتحف الشمع والمتحف المصري

والدي كالعادة !! قايم يقرق من 7 صباحا زي النحل اللي خايف الرحيق يخلص ( ضرب الكاتب هنا مثلا قمة وروعة في الإبداع الفكري والإنسلال الأخلاقي (تأثير الصيام))

اصحوا يالله يا ولاد المتحف النهاردة في البروجرام !!

احمد : هوة فيه اثار اكتر من الموجودة في شارع شبرا !! خش نام يا والدي ربنا يهديك !!

الحج : قوم يا ابن الـكـ...... منك له !! اخلصوا يالله انا ها انزل استناكم في العربية لحد ما تلبسوا وتنزلوا وانا جبت الكام وجبت الأفلام انجزوا بس الله

طبعا انا والبقف التاني نازلين من على السرير ويكأننا نازلين من مركبة فضائية وكنا في سبات لمدة 3 سنين ضوئية !! ( لسة متفرج على star wars )

نزلنا !!

ركبنا العربية !!

اتحركنا بعون الله !! والدي !! اخ !! ده الرخصة منتهية !!

انا : رخصة مين بالزبط سيادك ؟

والدي : انا يا فالح !! اقولك تعالا اما نروح مرور عبود نعمل التجديد بسرعة ونكمل المتحف

( محدش يسألني والدي في اليوم ده كان جايب النشاط ده كله منين اقسم بالله الكلمة دي بترن في ودني لحد دلوقتي !! نخلص الرخصة ونروح المتحف !! ده على اساس انك ها تروح تقولوا يا عمو الرخصة خلصت يقولك هات القيمة وتمن الجديدة ولف على الشباك استلم الجديدة وروح !! دي موصلتش اوروبا لسة تقولي عندنا صلي بينا على النبي امال !!)

ولجل الحظ الجميل :D والدي مرور عبود :D

طبعا والدي تاه حبتين ثلاثة اربعة خمسة ستة سبعة !!!! وربنا كرمنا في الآخر ووصلنا ولله الحمد !!

راح يجيب شهادة حاجة كده واحنا قاعدين في العربية !! اخد في الشهادة دي مش اقل من ساعتين !! وانا واحمد قاعدين في تكيف العربية احمد طبعا كل عام وانتم بخير نام اصلا !!

دخلت ابص على والدي !!

واقف في طابور طويل جدا جدا جدا جدا جدا جدا ماسك ورقتين !! حاططهم فوق دماغهم !! بيحميها من اشعة الشمس اللي بتستقبل كل مشتاق بالأحضان تديه على دماغه !!

انا : ايه يا حج !! ايه السرعة دي كلها !!

والدي : هانت هانت !! فاضلي استرخج الورقة دي هنا !! وبعدين اروح الخزنة اورد المبلغ بعدين اطلع اتصور واستلم !!

انا : مال انتا بقالك كل ده بتعمل ايه لما كل ده فاضلك !!

والدي : واقف في الطابور :D

انا : الله واكبر !!

فقعدت اتسلى !! لاحظت انه فيه ناس جت وقت ما انا لسة واصل ويادوبك اشوف الموظف فاتح باب القوضة الخلفي يروحو داخلينله !!

واللي فيه النصيف يقع في الدرج الشهادة تطلع في 4 دقايق بدال الشمس المحرقة دي !! والدي ربنا كرمه وطلع الشهادة وراح الخزنة وورد الفلوس كانت الساعة بقت اصلا 12 !! على فكرة احنا في المرور من الساعة 9 اصلا !!

وصلنا لمرحلة التصوير

والدي : صباح الخير

الموظفة : صباح النور يا سيدي نعم اي خدمة ؟

والدي : انا عايز اتصور

هي : الكاميرا بايظة تعالا كمان 3 ايام !!

والدي راح مطلع 20 جنيه وادهالها !!

هي : 20 دقيقة وتعالالي تكون اتصلحت يا فندم

يعني الـ 20 جنيه !! قلبت الـ 72 ساعة لـ 20 دقيقة !! الله واكبر ده سر الفلوس باتع في مصر فعلا !!

انا الحلقة دي غير مقتنع بيها تماما !! حاسس انها لا تمت بصلة لا ليا ولا للي كتبتوا !! انا كاتب الحلقة دي للمرة الثالثة اهو مش قادر اوصل فيها اللي انا عايزه !! ولذلك انا ها امتنع عن النشر !!! ها انشرها مع حلقة تكون اخرى بدال ما تتحط حلقة لوحدها وتحسب انها حلقة !!

[sayed911]

بسم الله الرحمن الرحيم

ايتها الجماهير العريضة

اعذروني اشد العذر !!

افرضوا لي الف عذر وعذر !! ولمن سيقرأ تلك الأسطر القليلة المقبلة سيفهم مالذي حدث معي في تلك الأيام السابقة ومالذي منعني من الحضور يا اخوتي !!

يوم الإثنين !! صديقي حمدي !! كلمني وقالي انا ابن عمي عماد عايش برة مصر !!

ولسة نازل مصر جديد وفريش وزي حالتك كده (زبون)!!

مش عارف يقصد ايه بمصطلح زبون دي ولكن يالله هوة ها يروح من ربنا فين!!

انا : بقولك ايه

هو : قول

انا : هاتوا وتعالا نتسحر النهاردة في الحسين !!

هو : فكرة برلنطية والله !!

انا : تمام الساعة دلوقتي في ايدي 10 !! 12 الاقيك عندي يا كبير !!

هو : امين !!

المهم على 11.30 كده ليقته بيزمرلي من تحت !! قولتله اطلع على ما البس !!

قالي على جثتي ده انتا في السابع وكمان مفيش اصانصير !!

المهم قعدت ازن عليه لحد ما طلع !!

سلمت على عماد

واتعرفت عليه ورغيت شوية (كعادتي)

وبعدين حمدي قالي تعالا وريني التلفزيون الجديد !!

انا : تلفزيون مين اللي جديد !!

هو : الله لهو انتا متعرفش انك اشتريت تلفوزيون امبارح جديد !! ؟

انا : محصلش !!

هنا فهمت انه عايز يقولي حاجة بيني وبينه ولكن من دون ما يجرح شعور حد قاعد معانا !!

خدني على حنب بيقولي بص انا زيي زيك !! الواد ده انا طول عمري بكلمه بس في التلفون !! يمكن دي تاني مرة اقابله في حياتي كلها !! فزيي زيك !!

قولتله وماله يا عم !!

هو : طيب البس وانجز !!

لبسنا ونزلنا وانجزنا نفسنا !!

قولت لحمدي سيب العربية احنا ناخد تاكسي بـ 5 جنيه ينزلنا لحد باب الحسين معززين مكرمين !! عشان احنا هناك مستحيل نلاقي ركنة !! قال ماشي وسيبنا العربية تحت بيتي

ونزلنا نوقف تاكسي

لقينا تاكسي بيجو 504 بس شكله ولا اجدعها عربية زيرو :D

(لغة سواقين )

طبعا العربية شكلها بصراحة كان نضيف جدا جدا جدا جدا وسماعات والوان ولا كأنها شقة :D

وشوية شغل والله بجد ممتازين !!

ملحوظة : عماد الدغ في حرف الـ ر . بيقوله واء !!

المهم انا ركبت جنب السواق وعماد وحمدي ركبوا ورا

السواق : فين في الحسين يا بهوات ان شاء الله

انا : عند عربي الدهان كده على المدخل من برة ها ننزل ان شاء الله

السواق : من عيني يا باشا !!

عماد : والله حوام (حرام) العربيات(العوبيات) زي دي تتعدم !!

بصوا مش ها افضل اكتب كل كلمة والنطق بتاعها كل حرف راء شيلوه وحطوا مكنوا واو :D

السواق : والله ياباشا فيه عجل كتير راح في البتاع اللي اسمه احلال ده وخسارة فيه !!

وانا عن نفسي والله ادلق عليها جردل جاز واولع فيها ولا انيش اسلمها للحكومة !!

عماد : بس ايه ده يا اصطى العربية زيرو !! جديدة لننننننننننننننننننننننننننج

وهب

اييييييييييييييييييييييييييييييييييييييييييييييييي يييييييييييييييييييييييييييييييييح

دببببببببببببببببببببببببببببببببببببببببببببببببب ببببببببببببببببببببببببببببببببببببببببببببببببب

واحنا عن التقاطع في الدراسة !!

عربية 128 خارجة من التقاطع بسرعة !! دب لبست في باب السواق !!

الباب طبعا انا لله وانا اليه لراجعون !!

السواق نزل يصرخ العربية حرام عليـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــك

انتا يا اسطى ايه مش بتشوف !! تقاطع !! داخل عليه كده ازاي !!

حرام عليك !!

انتا ايه يا عم !!

وعماد جوة !!

انتو كويسين يا جماعة ؟؟

انتم بخير يا جماعة !!

اطلبلكم الإسعاف !!

حمدي : قدر ولطف والحمد لله !!

سيد حاسب السواق واديله اللي فيه النصيب ويالله بينا نركب عربية تانية احنا في الدراسة يا اما نتمشى !!

السواق : واقف بره يندب حظفه في الباب اللي اتدمر ده !! وبصراحة فعلا العربية مكنش فيها خربوش قبل الحادثة !!

عماد : ها نمشي ونسيب الراجل في الظرف ده !! عيب والله يا جماعة !! لالالا !! احنا نشوف ظروفه ايه !!

حمدي : بس يا حبيبي احنا عارفين البلد دي بتمشي ازاي !!

لسة ها نمشي !! لقينا السواق اتفاهم مع السواق التاني وخلصوا الموضوع !!

السواق : اركبوا يا بهوات ربنا بعتلنا فرجه !!

انا : ازاي !!

السواق : الراجل طلع ذوق ومعترف بغلطه وقالي العربية انا مستعد لأي تكاليف ومصاريف ها تحتاجها !!

طبعا تشوف شكل الـ 128 من قدام راحت ولسة مجتش لغايت دلوقتي الحقيقة

منظر السواق وهوة بيركب من الشباك سبحان الله مسخرةةةةةةةةةةةةةةةةةةة

ماسك في الشبكة !! وهوة بيحسبن في النظام والمنظومة اللي خلت شوية الـ.... يركبوا عربيات وهمة اصلا مش بيعرفوا يتنيلوا يسوقوا !!

ركبنا واتحركنا !!

السواق : والله يا رجالة اللي زيكوا بقوا قليلين بجد !! يعني مرضيتوش تسيبوني في موقف زي ده وفضلتوا واقفين معايا !! يعني نفسي اخدمكم بجد والله !!

انا في بالي (عليا النعمة فيمتو ثانية كمان وكنا ها نبيعك ونلحق تاكسي تاني بس يالله خليك واخد عننا فكرة كويسة )

عماد : والله يا اسطى الحمد لله ده ستر ربنا فعلا !!

فعلا والله

لو علمتم الغيب لآخترتم الواقع

وهب !! عربية لادا نيفيا جت خبطت في المراية شالتها من جذورها !!!

انا كفاية ابوس دماغك !! نزلنا الله يخلييييييييييييييييييييييييييييييييييييييييييك

السواق الله فيــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــه ايه !!

دي عليها اقساط يا بشمهندسين !!

اعمل ايه !!

معايا 3 مصاحف ومعلق كفين وخرزة !! مش نافعين !!

حسبي الله ونعمل وكيل !! انا في اللحظة دي بدأ يجيلي ايحاء كده ولكن قولت بلاش تخاريف يا راجل وبلاش هبل ده كلام واحد متعلم يقوله برضه !!

نزلنا ووصلنا !!

فيه صديق قريب جدا لوالدي صاحب محل في الحسين هناك !! وهوة دائما انا عنده بنزل اقعد اهزر وادحك معاه (ويحكيلي عن مصايب والدي اللي برجع اتنفخ لما اقولهاله ويقعد يقولي هوة عمك بتاع ده اللي مش بيتبل فيه بقوا فولة !! ايه يعني كنت بزوغ من المدرسة وكنت بطل مدرسة التوفيقية في القفز بالزانة من فوق سور المدرسة يعني ) !!

المهم

لقيت المدير بتاعي في الشغل بيقولي انه بعتلي رسومات معينة كنت طالبها منه وطلب مني اشوفها في اللحظة دي ( شايفين التحكمات اللي بنعاني منها ) عشان اديله رايي في التعديلات المطلوبة !!

المهم

معايا الاب ومعايا اليو اس بي مودم ولله الحمد

قعدت في المحل ( هوة 2 متر في 4 متر لو معتبرين ده محل فهو كويس مع انه بيقولي الـ 8 متر دول يساو

الوفاااااااااااااااااااااااااات )

فتحت اللاب

وانا معايا اللاب

hp pavilion dv2000 artist edition

واللي مش عارف شكله ادي صورة

http://c0.dmlimg.com/1fc1c1c2db5852e...3947af7c94.jpg

http://images01.olx.com.ph/ui/11/48/...st-Edition.jpg

والموديل ده كان الإنتاج منه عدد محدود وكان عاجبني فيه امكانياتوا كويسة واهم حاجة الحجم معقول بصراحة !! كان يعيبه تبريده سئ للغاية فعلا !! وكثير من الناس اقنعوني لأنه الجهاز منتج لدول اوروبا الجهاز فعلا كان بيوصل لدرجات سخونة عالية جدا !!

ومروحته سفلى وتبريده بحس انه مش بيعمل مع الجهاز اي حاجة المهم !! فتحت الاب !!

وحطيت الفلاشة !!

عماد : الله الإستيكر ده جامد فحت !!

انا : بس ده مش ستيكر !! ده الجهاز كده !!

عماد : انا اول مرة اشوف الجهاز ده !!

هوة الرامات بتاعته كويسة والبروسيسور ونظامه ايه !!

انا : هوة فيه 2 سلوتس !! كل سلوت فيها 2 جيجا !! يعني اجمالي 4 جيجا !! وانا كنت عايز احط في كل سلوت 4 جيجا ولكن لقيتها بـ 900 جنيه !! سبت الراجل ومرديتش عليه !! فيعني انا شايف انه الجهاز حاليا مقضي الغرض معايا !!

وكنت ساعتها حاطط الجهاز على وضع stand by

لأني بكره انه ياخد وقت في الفتح والقفل !! الجهاز بقاله معايا سنتين !! والله سنتين مغيرتش فيه غير شاشة وكانت من سن برجل رشق فيها !!

المهم !!

هوة لسة بيلف عماد !! شاف اللاب شغال !! قال

عماد : ايه ده لسة فاتح اللاب ولحق يعمل ستارت وكمان بدأت توصل الفلاشة ده على كده مش بياخد وقت وسريع فعلا !!

لسة مكملش جملته !! وصلت الفلاشة !! وهب تسيييييييييييي بخ فشييييييييييييي تك !!!

قلبت الشاشة اسود والله العظيم !! ولقيت دخان طالع من مكان المروحة !!

وانا لسة ما زلت ماسك الفلاشة وبقي مفتوح من الذهول !!!

حمدي جنبي !!

حمدي : هية حورية فتاكة ولا انا اللي مش واخد بالي !!

انا والمدير معايا على التلفون بيقولي ها فتحتها ولا لسة ؟

انا : مبلم !! متنح !!

والأجمل اني نزلت نزلت اهز فيشة الشاحن هههههههههههههههههههههههههههههه

متخيلين الموقف !!

الاقي صديق والدي !!

شاف شوية الدخان !!راح يجيب طفاية الحريق وقال عايز يلحقنا بيها ههههه يالله مهي ناقصة بقى :D

المهم !! انا : بقول للمدير للأسف مش ها اعرف افتح الرسومات دلوقتي

هو : طيب بليل ؟

انا : ولا بليل

هو : طيب بكرة الصبح ؟

انا : يا فندم مش ها ينفع خالص والله :D

هو : طيب في اقرب فرصة شوفها وبلغني !!

انا : منور يا عمدة :D

عماد : عم فتحي (صاحب والدي ) الا هية الحسين متأثرتش تجاريا بالثورة يا عم فتحي ؟

حمدي (مقاطعا عم فتحي ) لا طبعا اتأثرت واتخرب بيتهم وناس اتشردت هههههه تقريبا بيلحق ينقذ ما يمكن انقاذه !!!

طبعا انا بقى الاب توب بتاعي طلع ضارب فيه حاجة اسمها (فيجا) !! واتكلف 150 جنيه !! انا حقيقة معرفش ولا ايه الفيجا !! ولا الهوا من اساسه !!

المهم كفاية اني اقول انه بقى اول لاب توب ببلحة :D

والمروحة شغالة فيه ليل ونهار

ولزقناله كولينج باد فيه بلزق من تحت قالي عشان ميسخنش تاني !!

الحقيقة وقالي مفيش ستاند باي تاني دي ابدا فيه شات داون بس :D

انا مقريف جدا من الحوار ده اللاب بعد ما كان BMW بقى سيستافا سماوي ورشة دواخل كمان !!!!!!!!

المهم عماد : يالله بينا نلحق نتسحر يا جدعان !!

ايه رأيكوا شايفين الدهان عنده ناس قد ايه ده ولا يجي مش اقل من 130 كرسي على الأقل وكل كرسي بـ 30 جنيه يعني 3900 جنيه في ساعة زمن

عم فتحي : يبني 30 جنيه ايه بس :D الكنزاية هنا انتا عارف بكام :D

عماد : بكام ؟

عم فتحي يجي بـ 7 جنيه تقريبا !! وكل طلب شبها كده يعني كل كرسي قول 50 بالميت كده !!!

هببببببببببببببببببببببببببببببببببببببببببببب

بكرة بقى اكملكوا ايه اللي حصل عشان انا حاسس اني طولت عليكم بجد جدا جدا جدا جدا

ومنتظر رأيكم بفارغ الصبر بعد الإنقطاع ده :D

[sayed911]

يابنى انا خايف عليك ماللى بيحصلك ده
ده انا حاسس انك متعمد يحصلك كده علشان ترجع تكتبلنا قصة مشوقة
عمتن خلاص الواحد ادمن حكاويك
اعزرنى مش بعلق كتير على مواضيعك علشان حاسس ان كل اللى بيعلق اصدقائك وبيربطهم بيك مواقف فمش بلاقى حاجة اقولها
عمتن ياباشمهندس طير انتا واحنا ف انتظارك

يا فندم ازاي اللي حضرتك بتقوله ده !!لحضرتك حق التعليق قبل مني !! وكل الزملاء هنا اخواني وتعرفنا على بعض عن طريق الموسوعة دي :d يعني حضرتك من اوائل الناس المتابعين لي يعني حتى باوليوة حق الأقدمية يا رجل :d انا فعلا مستغرب من اللي حضرتك قولته ده !! ده حضرتك ليك الأولوية عني :d

[osama.m]

ويلكم باك يا هندسة والف سلامة على اللاب بتاعك
وصلت لاية في حوار التصوير و الكورسات !
بس ليك وحشة والله .. رمضان كريم يا عم

[osama.m]

عماد دا واضح انه مش بياخد وقت ومفعولة فوري
عايز اعرف اللي حصل بعد كدا .. بس انا مسمعتش عن انفجار جديد في الحسين فا استبعد ان المحل يكون ولع باللي فية :d

[hamido46]

حلوة الحلقة ...و بالنسبة إله عماد معايا واحد فالكلية نسخة ويمكن أنيل كمان ......هو له مواقف كتير هقولك على اتنين هنسميه x عشان احنا فيه رمضان كنت أنا واحد صاحبي وقفين هو كان لسة جايب قهوة و كانت مظبوطة x غاي و بيؤل له صاحبي قهوة ده اديني بئو فه شرب و عجبتو و قال تحفة و لسة صاحبي بياخد الكوباية منو لقيت ايد صاحبي بترعش و راحت وقعة .....مرة تانية وقفين فيه الكلية فيه الباركينج واحد صحبنا غاي مع vw bora x بيهزر مع السايق و فتح الباب و اقفل جامد فه عجبتو (معرفش اه العلاقة لحد دلوئتي ) و راح قايل ده عربية جامدة مفيش نص ساعة لقينا صاحبنا بيكلمنا أنا عملت حادثة وش العربية راح ....و بالنسبة له حوار blog ممكن تشرح الفرق بينو و بين ال-group

[AhMeD EzZ]

حلقة اسطوووووووووووووووورة يا ابو السيد :D
welcome Back ya m3lm :)
هنشوفك بكرة و لا ايه ؟

[AHMED1718]

[QUOTE=sayed911;3873721193]يا فندم ازاي اللي حضرتك بتقوله ده !!لحضرتك حق التعليق قبل مني !! وكل الزملاء هنا اخواني وتعرفنا على بعض عن طريق الموسوعة دي :d يعني حضرتك من اوائل الناس المتابعين لي يعني حتى باوليوة حق الأقدمية يا رجل :d انا فعلا مستغرب من اللي حضرتك قولته ده !! ده حضرتك ليك الأولوية عني :d[/QUOTE

ربنا يكرمك ده من زوقك ان شاء لله متابعين ليك

بس متغبش علينا علشان انا عايش اليومين دول ف الصحراء وبستناك تلطف الجو علينا شوية

[gebreel]

ههههههههههههههههههههه انا افتكرت حلقة الكبير اوي لما جه يتجوز لما ابو العروسة كان عمال يقر على كل حاجة

welcome back يا باشا =))

[Eng_Moh.Dewair]

اقولك انا ايه اللى حصل الازاله نزلت الحسين

[horas3000]

منور يا عم سيد
و عود احمد
و سلامه اللاب توب و علي فكره ده عيب معروف في ال HP و ال pavilion تحديدا لان كان عندي واحدو حصل فيه نفس اللي بتقوله