استفال او اقيل..يالا ايه الحجة الجديدة

[زينة الله]

ومين قال ان حلول اللى ليهم طلبات هى اللى حتحل مشاكل البلد...هى دى مشكلتنا فى الوقت الحالى ان اى حد بقى شايف نفسه ان حلوله هى اللى حتصلح الحال وممكن تكون بتخرب اكتر...على العموم انا فى الاخر بقيت اقول شفيق مش مهم ومش علامة يعنى..يمشى مش حنخسر حاجة...بس المهم ان محدش يطلعلنا كل شوية بطلب جديد وان اللى يطلع بطلب ده يكون عليه اجماع علشان نتفادى ان كل شوية يطلع مجموعة تقول دى طلبات الثورة كلها

تمام أنا معاك يبقى نشوف الحلول واحد واحد و نناقش بموضوعيه و بطريقة علمية ما له و ما عليه

واللى عنده فكرة أفضل يعرضها و لا يصح الا الصحيح فى الآخر و اللى يتفق عليه الأغلبية

لكن مانقفش عند " مين قال إن الحلول دى هتحل المشاكل " و بس ... قولنا اللى يحل المشاكل و الكل عايز يسمع و يتعلم

لو ما تعرفش اللى يحل المشاكل إيه أقرا و اسمع و أتعلم من مصادر المعارف المختلفة و أنقلنا ما تعلمت فزكاة العلم تعليمه

لو كلنا عملنا كدا كلنا حنستفيد و نفيد بعض و ربنا يكتب لنا جميعا الخير يا رب

[M.Mosaad]

واضح من اراء كتيرة و ردود غير لائقه اننا انتقلنا من دكتاتورية النظام لنوع جديد تماما و هو دكتاتورية جزء من الشعب حاجة جديده خالص

يا اخوانا العرب هما اللي اخترعوا عبارة الاختلاف في الراي لا يفسد للود قضية و العرب برضة هما اول ناس مش بينفذوها

الاختلاف في الراي بقي معناه انك عدوي و خائن و عميل و مهدر لدم الشهداء

ربنا يهدي

[waleedraafat]

الي الامام ، يارب النضافة لمصر

[tamer_a7]

واضح من اراء كتيرة و ردود غير لائقه اننا انتقلنا من دكتاتورية النظام لنوع جديد تماما و هو دكتاتورية جزء من الشعب حاجة جديده خالص

يا اخوانا العرب هما اللي اخترعوا عبارة الاختلاف في الراي لا يفسد للود قضية و العرب برضة هما اول ناس مش بينفذوها

الاختلاف في الراي بقي معناه انك عدوي و خائن و عميل و مهدر لدم الشهداء

ربنا يهدي

اسمح ليا اني انقلها علشان احطها عندي علي الفيس بوك بتاعي

[mesaharaty]

أكمل العبارات الآتية :-

أحمد شفيق (استقال - سيستقيل)
عصام شرف (سيستقيل - استقال)
إللى بعده ( سيستقيل - استقال)
اللى وراه (سيستقيل - استقال)
غيره (سيستقيل - استقال)

حنفضل كده كتير ؟
لو بيتباعو كنا اشتريناهم ولو بيتزرعوا كنا زرعناهم

خلاص زهقنا بقى من الموضوع المكرر ده

مين فينا يقدر يحدد هو عايز إيه ؟

أنا مستنى عن قريب جدا يمكن اليوم أو غدا حد يعمل موضوع يطلع القطط الفاطسة فى عصام شرف فيمشى عصام شرف ويجى س أو ص فيتعمل عليه موضوع يطلع فيه برضه القطط الفاطسة فيمشى س أو ص .
وهكذا ...
منذ متى اتفقت الإرادات على شىء واحد
أنت كإنسان قد تتفق أو لا تتفق على نفسك التى بين ضلوعك وجنباتك فكيف يكون هناك اتفاق According على شخص غيرك ربما يختلف أو يتفق معك فى بعض وجهات النظر

أنا أدعو إلى التروى وإعطاء الفرصة للعمل والنتائج

[M.Mosaad]

اسمح ليا اني انقلها علشان احطها عندي علي الفيس بوك بتاعي

دة شرف ليا
بس و الله دة احساسي لاني حزين جدااا من ردود افعالنا مع بعض لان المنتدي صورة مصغيرة من المجتمع المصري و اللي بنشوفه في المنتدي هو بالظبط حلو المجتمع دلوقتي

[human]

سبحان الله

[ahmed4000]

تمام أنا معاك يبقى نشوف الحلول واحد واحد و نناقش بموضوعيه و بطريقة علمية ما له و ما عليه

واللى عنده فكرة أفضل يعرضها و لا يصح الا الصحيح فى الآخر و اللى يتفق عليه الأغلبية

راجعى حضرتك المناقشات اللى بتحصل هنا كمثال بسيط للى بيحصل فى مصر كلها...بصرف النظر عن مين لاصح ومين الغلط محدش عايز يسمع من حد والاتهامات جاهزة حزب وطنى...مستفيد من النظام القديم وبيكلمك كانك من بتوع "انا اسف ياريس"
فازاى يحصل نقاش جدى فى الوقت ده

انا كل اللى نفسي فيه ان يبقى فى اجماع على الراى - او شبه اجماع- والباقى يحترموه
يعنى انا مثلا رافض تحويل الرئاسة لمجلس مدنى لكن لو لقيت اجماع من الناس عليه يبقى لازم احترمه واسكت

واضح من اراء كتيرة و ردود غير لائقه اننا انتقلنا من دكتاتورية النظام لنوع جديد تماما و هو دكتاتورية جزء من الشعب حاجة جديده خالص

يا اخوانا العرب هما اللي اخترعوا عبارة الاختلاف في الراي لا يفسد للود قضية و العرب برضة هما اول ناس مش بينفذوها

الاختلاف في الراي بقي معناه انك عدوي و خائن و عميل و مهدر لدم الشهداء

ربنا يهدي

وضيف عليهم كمان انك مبتفهمش وانك حزب وطنى وبقايا اللجنة الالكترونية او انك غنى ومش فارقة معاك حاجة

[hobiko]

تحيات ايه بعد وصفك للتفكير بالسطحية لمجرد انه مختلف مع افكارك العظيمة

ادينى شخص محدد او مجموعة محددة بتقول اراء محددة وثابتة واحنا نتاقش فيها ونشوفها كويسة ولا لا
لكن كل واحد يجرى على ميدان التحرير بمجموعة مطالب طيب ده جابها منين وبتمثل مين وفين الاجماع اللى عليها

فى حاجات مفيش اختلاف عليها زى محاسبة كل الفاسدين وحل امن الدولة وفى حاجات انا مش موافق عليها كمصرى شارك فى الثورة ومش من حقك انك تتكلم باسمى وباسم ملايين تانية وتقول هى دى مطالب الثورة

اللى يتكلم يقول هو مين

انا موصفتش تفكير حضرتك بالسطحية ...... انا وصفت الأسلوب يعنى زى كلام حجج و الكلام ده

انا اسف ...... ماكنش قصدى بجد

و بعدين انا شايف من كلام حضرتك ان مافيش اختلاف كبير فى الأراء

ده حضرتك فى كلامك قلت % 50 او % 60 من مطالبنا

و انا ولا قصدى انى اتكلم باسمك غصبا عنك ولا حاجة ...... ولا اى حد من متظاهرى التحرير

بس فى ناس طرحت حلول فى صورة مطالب ...... عشان البلد دى تبقى احسن

حضرتك بس قولى ايه فى المطالب دى مش عاجبك ؟؟ او شايف انها مش كويسة ؟؟؟

مش يمكن حضرتك توضح حاجة كانت غايبة عننا ؟؟؟؟؟ او حضرتك وصلتك معلومة غلط فعشان كدة اخدت الموقف ده ؟؟؟

ياريت المرة دى تتقبل تحياتى بجد

[Abo_Lina]

المطالب مش حاجة وحشة و العياذ بالله
الشعب خد على السلبية و عدم المطالبة بأي شيئ حتى أبسط حقوقه
دلوقتي بقى الوضع ده إتغير و لو فيه حاجة غلط الشعب بيغيرها
و شفيق كان حاجة غلط
و كل سنة و أنت طيب

[human]

المطالب مش حاجة وحشة و العياذ بالله
الشعب خد على السلبية و عدم المطالبة بأي شيئ حتى أبسط حقوقه
دلوقتي بقى الوضع ده إتغير و لو فيه حاجة غلط الشعب بيغيرها
و شفيق كان حاجة غلط
و كل سنة و أنت طيب

وانت بالصحه و السلامه
و كل رئيس وزرا و انت بخير

[م/مصطفى محمود]

أستاذ أحمد 4000 ، كل اللى وصلنالة من إنجازات فهو يرجع بعد الله سبحانة وتعالى للناس اللى فى التحرير

اللى نزلوا من 25 يناير والناس كلها قالت أنهم دُعاة فتنة ، وكملوا وتعبوا وبرضوا قالوا عليهم شوية عيال بتطالب بمطالب غير معقولة ، وبعد ما الرئيس إتشال الناس فرحت وإستنكرت على الناس تمسكهم فى الميدان ، ولما المجلسين أتحلوا برضوا الناس فرحت وبرضوا إستنكرت وجود الناس بالميدان

اللى عايز أوصلة ، صدقني الناس اللى فى الميدان دي عارفة بتقول أية وفاهمة كويس ، بلاش نبرة الكلام اللى بتوحي أنهم شوية ناس فاضيين بيتلككوا على أى حاجه ، الناس دي هي اللى بتتعب علشان تجيب الحقوق وتحافظ على مكتسبات الثورة

فأرجوك الله يكرمك بلاش نبرة الإستخفاف لأنها والله أقسى على الناس اللى فى الميدان من التعب والإرهاق والبلطجية وأى حاجه تتخيلها

[human]

فأرجوك الله يكرمك بلاش نبرة الإستخفاف لأنها والله أقسى على الناس اللى فى الميدان من التعب والإرهاق والبلطجية وأى حاجه تتخيلها

يا ريت
عشان بجد بمسك نفسى من الرد كتير
عشان بتبقى خانقه فعلا

يعنى انا مش بعرف لا اقعد ولا اقف وقت طويل و تعب جدا البيات فى الميدان و الجو قارس البروده باليل و سايب بيتى و عندى 3 عيال و شغل عشان ابات هناك عشان نصنع الضغط اللى بيؤدى للتغيير

و فى الاخر الاقى اناس بحترمهم بيتكلموا علينا بالتتهكم و الاستخفاف ده

من اول هيقولوا عليه ايه بقى - اه هما هيمشوا البلد - لا دو هيختلفوا بقى

اكننا اطفال عايزين ايس كريم و هييه خدوا الايس كريم و اتهدوا شويه

اضم صوتى

يا ريت اللى مش عاجبه يعمل حاجه اكتر من الكلام

[ahmed4000]

اللى عايز أوصلة ، صدقني الناس اللى فى الميدان دي عارفة بتقول أية وفاهمة كويس ، بلاش نبرة الكلام اللى بتوحي أنهم شوية ناس فاضيين بيتلككوا على أى حاجه ، الناس دي هي اللى بتتعب علشان تجيب الحقوق وتحافظ على مكتسبات الثورة

فأرجوك الله يكرمك بلاش نبرة الإستخفاف لأنها والله أقسى على الناس اللى فى الميدان من التعب والإرهاق والبلطجية وأى حاجه تتخيلها

ولا استخفاف ولا حاجة والله
انا اللى كل اللى عايز اوصله ان يكون فى اتفاق بين (غالبية) الناس وتحديد واضح للمطالب متتغيرش كل شوية ولا يتضاف عليها وده علشان نقدر نحدد طريق واضح بعديه البلد تستقر...لكن اخر مطالب قريتها لقيت فيها اقالة رؤوساء الجامعات والبنوك وتحويل الرئاسة لمجلس عسكرى..طيب دول بيقولوا برده انها مطالب الثورة!!!

[zouba92]

أستاذ أحمد 4000 ، كل اللى وصلنالة من إنجازات فهو يرجع بعد الله سبحانة وتعالى للناس اللى فى التحرير

اللى نزلوا من 25 يناير والناس كلها قالت أنهم دُعاة فتنة ، وكملوا وتعبوا وبرضوا قالوا عليهم شوية عيال بتطالب بمطالب غير معقولة ، وبعد ما الرئيس إتشال الناس فرحت وإستنكرت على الناس تمسكهم فى الميدان ، ولما المجلسين أتحلوا برضوا الناس فرحت وبرضوا إستنكرت وجود الناس بالميدان

اللى عايز أوصلة ، صدقني الناس اللى فى الميدان دي عارفة بتقول أية وفاهمة كويس ، بلاش نبرة الكلام اللى بتوحي أنهم شوية ناس فاضيين بيتلككوا على أى حاجه ، الناس دي هي اللى بتتعب علشان تجيب الحقوق وتحافظ على مكتسبات الثورة

فأرجوك الله يكرمك بلاش نبرة الإستخفاف لأنها والله أقسى على الناس اللى فى الميدان من التعب والإرهاق والبلطجية وأى حاجه تتخيلها

+1111111111111111111
ياريت الناس تعى اللى حضرتك بتقوله