فين امن الجامعه ؟؟!!!!!!

[AboELsoud]

انا طالب في تجاره عين شمس
طبعا كله سمع عن طرد حرس الجامعه بسبب المشاكل اللي كانت بتحصل
و قالوا ان كل جامعه هتعمل امن مدني يبقى تبعها و مدربين و كلام كده
رحت النهارده الاقي اللي واقفين على الباب الموظفين بتوع الكليه !!!! وعددهم لا يزيد عن 10 رجال
ابص على عربيه الامن المركزي اللي كانت بتقف جنب سلم المشاه مش موجوده!!!
طب الــ3 عربيات الامن المركزي اللي كانوا بيقفوا في الجراج اللي جنبينا مش موجوده !!!

طب انا كنت مع فكره طرد حرس الجامعه بس مش مع فكره عدم تأمينها و عدم وجود اي شرطه بالجامعه او حواليها
طب افرض شويه صيع و بلطجيه حبوا يعملوا حاجه في الجامعه عندنا ولا يعاكسوا البنات اللي موجوده و طبعا مش هتقتصر على المعاكسات فقط مين اللي هيقف قدامهم ؟؟؟؟ الموظفين الـــ10 ؟؟؟؟؟ ولا الطلبه الشباب اكيد هيدافعوا عن اخواتهم البنات بس طبعا محدش هيسلم من اصابه او عاهه او موته

بصراحه انا كنت مرعوب لان اختي معايا في الكليه ورحت معاها و رجعت معاها و بفكر مروحش لحد ما الشرطه ترجع كحمايه للطلبه

[heshamzaky]

دة كان قرار من المحكمة بألغاء حرس الجامعة بس ما كانش أتنفذ دلوقتى تم تنفيذة

[cheetos_892005]

دة كان قرار من المحكمة بألغاء حرس الجامعة بس ما كانش أتنفذ دلوقتى تم تنفيذة

وطبعا تم تنفيذه بطريقه عمل صنيه البطاطس

[thedeveloper87]

وحضرتك فاكر إن كان فيه حماية قبل كده؟؟؟؟

حضرتك فاكر أحداث بلطجية عين شمس؟؟

البلطجية اللي دخلوا تحت مرأى ومسمع جامعة عين شمس وبيضربوا في الطلبة والدكاترة؟؟؟ والحرس الجامعي لا أسمع لا أرى لا أتكلم

[Samah AbdAllah]

فى حرق للمستندات واوراق فى جامعة المنصورة
واعتقد ان ده الهدف من سحب الحرس
الكلام ده من عدد من اساتذة الجامعة هناك

[A7MED_PHARMA]

أكيد الــ 10 موظفين دول ..بشكل مؤقت بسسسسسس
أكيد هنلاقي أفراد أمن مدني بعد كده
ياراجل أحسن..ده ظباط الأمن في الجامعة دول ولاد تيتتت (معظمهم)
كلهم شبه بعض لو تلاحظ
حاطط جللل..ونظارة الشمس..والسلاح ظاهر على وسطه..وعربيته المتفيمة(وغالبا لانسر بومة حمرا هههههه) جمبه
ونفس التناكة والقنعرة ..
يلا في داهية

[heshamzaky]

............. منقول .........................

قرر مجلس جامعة دمنهور، برئاسة د. سعيد عبده نافع القائم بأعمال رئيس الجامعة، الإلغاء الفورى للحرس الجامعى التابع لوزارة الداخلية، واستبداله بوحدات أمن داخلى من الطلاب وأعضاء هيئة التدريس والعاملين بالجامعة تحت إشراف أمنى من القوات المسلحة.

كما قرر المجلس أن تكون الكتب الجامعية فى يد الطالب فى موعد أقصاه الشهر الأول من بدء الدراسة، والتى ستبدأ يوم السبت (12 مارس)، مع تخفيض أسعار الكتب الجامعية إلى 50% وفقا لتسعير الكتاب الجامعى مراعاة لظروف الطلاب.

وتقدم سعيد رئيس المجلس وأعضاؤه بالشكر والتحية لشباب جامعة دمنهور (فى حب مصر) حيث يقومون بنظافة وتنظيم كلياتهم وحمايتها والحفاظ عليها.

[aly_hosny]

ماهو المفروض يبقى فيه حرس مدني
في جامعة بنها مكنش في اصلا حد و كان الطلبة هما ال بينظموا

[heshamzaky]

وطبعا تم تنفيذه بطريقه عمل صنيه البطاطس

دة كان طلب الكليات من زمان و أدية أتنفذ

[heshamzaky]

........ منقول ...............

قرر مجلس جامعة الإسكندرية، برئاسة الدكتورة هند حنفي، الإلغاء الفوري للحرس الجامعي التابع لوزارة الداخلية، وإسناد مسؤولية الأمن لإدارة الأمن الداخلي بالجامعة، والتي تتكون من مشرفي وعمال الحراسة التابعين للجامعة، مع مشاركة الطلاب المتطوعين لتولي تأمين الطلاب والمنشآت وحراستها وأعمال الدفاع المدني والمساعدة في انتظام العمل داخل الجامعة.


وقالت الدكتورة هند حنفي: إن الجامعة حرصت على تحسين الظروف المعيشية لجميع العاملين بها بما يتناسب مع الظروف الاقتصادية الحالية، مشيرة إلى أن المجلس قرر رفع حوافز العاملين بالجامعة من 125% إلى 150% من الأجر الأساسي، اعتبارا من الأول من أبريل المقبل من العام الحالي.

وأوضحت أنه سيتم صرف الأجر الإضافي والإشراف للعاملين بالجامعة، طبقا لاحتياجات العمل بفروع وكليات ومعاهد الجامعة دون التقيد بنسبة 50% من قوة العمل الإجمالية.
....................... منقول .............................


تقدم أكثر من 50 شخصًا من أولياء أمور الطلاب بجامعة أسيوط، بدعوى قضائية ضد قرار إلغاء الحرس الجامعي.. مطالبين باستبدال ضباط من الجيش، بعناصر وضباط الشرطة، وقيادات ممن خرجوا على المعاش، حيث إنهم سيحكمون قبضتهم فى حال حدوث أى انفلات أمنى أو تجاوزات من أى شخص داخل أسوار الجامعة، وهو ما سيفشل فيه أفراد الأمن المدنيين فى حال توليهم تلك المهمة.
أكد أولياء الأمور في أسباب دعواهم أن غياب دور الحرس الجامعى يعرض الفتيات الدارسات بالجامعة لخطر المعاكسات، والتحرش دون رادع لكل من تسول له نفسه فعل ذلك، وأن العصبيات والعائلات هى التى تدفع الطلاب لارتكاب مثل تلك الجرائم دون الخوف من أحد، فى ظل عدم وجود الأمن، وهو ما سيؤدى بالطبع إلى كارثة حقيقية.

[cheetos_892005]

دة كان طلب الكليات من زمان و أدية أتنفذ

ايوه منا عارف ...

بس مش معناه لما تيجي تنفزه تشيل كل الحرس قبل ما تكون محضر حرس مدني ....

ولا بيعاقبونا عشان طالبنا بالحق؟

[heshamzaky]

ايوه منا عارف ...

بس مش معناه لما تيجي تنفزه تشيل كل الحرس قبل ما تكون محضر حرس مدني ....

ولا بيعاقبونا عشان طالبنا بالحق؟

هو تقدر تقول بيسيبها مخضرة يعنى الاسم نفذت طلبك و الفعل بغرقك . طبعا كان لازم تحضير للموضوع دة على الاقل يتعاقدو مع شركات أمن او حراسة متخصصة

[cheetos_892005]

هو تقدر تقول بيسيبها مخضرة يعنى الاسم نفذت طلبك و الفعل بغرقك . طبعا كان لازم تحضير للموضوع دة على الاقل يتعاقدو مع شركات أمن او حراسة متخصصة

لا بجد احنا بنتعاقب عشان بنطلب الحق ........وساخه

[heshamzaky]

لا بجد احنا بنتعاقب عشان بنطلب الحق .......

ما أنا قولت لك هو نسبيا بيعاقب الناس بصورة غير مباشرة بس فعليا هو قانونيا نفذ أحكام المحكمة و أدى الحرية للجامعات زى ما هية كانت طالبة دة . بالبلدى لعبها قانونيا و لا لوم علية

[osama.m]

عندنا ان شاء الله لو لقينا الدنيا بايظة احنا اللي هنقوم بدور الحرس .. هنعمل حاجة زي لجنة كدا فيها عدد معين و هنبدل مع بعض