رامي عصام بيحكي تعذيبه على ايد الجيش :(

[MRBEBO]

ليه ملحوظه علي الفيديو و هو قول رامي عصام انهم حلقوا له شعره بينما في الفيديو شعره ما شاء الله عليه طويل . الجروح اللي في ظهره متتحملش ان بطانيه تغطيها او تلاصقها و ان الوقت من 9 مارس للنهارده 12 مارس يومين او ثلاثه فقط . ده رأيي احتمال الصواب و الخطأ وارد .

https://atralnada.wordpress.com/2011.../#comment-5943

نفس الموضوع منشور هنا

وشوفوا تعليقات المشاركين

بمعنى ايه برضوا ؟ هل الموضوع مفبرك ؟

هل الناس مش عاوزه تصدق اللي حصل

هل نسيتوا الفيديو بتاع الشرطة العسكرية وهي بتجري ورا المتظهرين بالعصيان الكهربا في ميدان التحرير لاخلاءه بالقوة

هل نسيتوا الفيديو اللي فيه تعذيب من الشرطة العسكرية لبعض المقبوض عليهم وكمان بيصورا اللي بيحصل يعني بيتلذذوا باللي بيعملوه زي اللي كان بيحصل من الشرطة

هل احنا بنحب نعمل تماثيل ونسجدلها ولا ايه

احنا عاوزين مبدا الحساااااااااااااااااااااااب مهما كان اللي غلطان فهو مش فوق القانون

انت تتضرب بالنار براحتك ...لكن فى حاجة اسمها حقوق انسان مش عارف اذا كنت تسمع عنها ولا لاء بس هى موجودة

و احنا مستغربين لية لما حبيب العدلى امر بالضرب النار مهو نفس التفكير ....

مافيش حاجة اسمها يستاهل حضرتك ..فى حاجة اسمها قوانين و حاجة اسمها احترام الانسان ..انا كنت متخيل ان الناس بدئت تعرف حقوقها و ترجع لادميتها تانى ..بس يظهر اننى كنت غلطان و ليسة فى ناس بتفكر بمنطق الغابة دة

احنا الظاهر مش فاهميين المصطلح ده " حقوق الانسان " او ممكن لسه مش مستوعبينه

[tito17182]

يا باشا حقوق أنسان مييييييييين
ده الشعب بتعنا هوه نفسوا الي بيطلب تعذيب الناس
انا والله مش فاهم في اه
من الأخر مفروض الي يغلط يتحاسب مش يضرب
وحسبي الله ونعم الوكيل في الي عمل كده
و اي حد شاكك او بيقول يستهلو
ممكن قوي تبقى في مكانو في لحظة و سعتها كلامك هيتغيير

[itsonlyme]

الموضوع الغرض منه مش اثارة الفتنة بين الجيش والشعب.

وبلاش نكدب أي حاجة لمجرد اننا مش عايزين نصدقها.

الغرض هو المحاسبة ... مافيش حد فوق القانون.

التعذيب مرفوض مهما كان السبب.

حتى لو اختلافنا مع الاعتصام وشايفين انهم مزودنها وبيستهبلوا والكلام ده كله، ده ما يبررش التعامل معاهم بوحشية وتعذيبهم.

لازم يبقى عندنا مبادئ احترام آدمية الآخرين، نطبقها مع اللي نختلف معاهم في الرأي.

ده على صبري ... اتقبض عليه في نفس اليوم (9 مارس) واتحاكم على انه بلطجي

شوفوا "البلطجي" بيقول ايه عند الدقيقة 1:15

YouTube - ‫ط¹ظ„ظٹ طµط¨ط.ظٹ ظ…ط´ ط¨ظ„ط·ط¬ظٹ.mp4‬‎

[kono]

يا جماعة الوقت اى حادثة تعذيب هيتذاع ع النت مش هسلم الرأى العام معاه ..بالعكلس كله هيبقى ضده ..المفروض يروح للقنوات الشرعية للموضوع ده ..يقدم بلاغ للنائب العام مثلا ..كلنا ضد التعذيب ...المفروض نعى ب حقوق الاسان ..بس اللى حصل فى الميدان واستمرار الاعتصام رغم تحقيق اغلب مطالب الثورة ..وانشقاق الرأى العام ..هو اللى خلى الموضوع ده يحصل

[otefa]

ده على صبري ... اتقبض عليه في نفس اليوم (9 مارس) واتحاكم على انه بلطجي

شوفوا "البلطجي" بيقول ايه عند الدقيقة 1:15

youtube - ‫ط¹ظ„ظٹ طµط¨ط.ظٹ ظ…ط´ ط¨ظ„ط·ط¬ظٹ.mp4‬‎

بس ده مش بلطجي ال 2 من الثوار واحد فاهم والتاني مغيب (أنتقام فقط) ولا أنا فهمت غلط!
أنا فاهم قصدك أن أسلوبه محترم بس الفيديو أثبت برضه للأسف وجود نوعية تانية في وسط المتظاهرين مختلط عليهم الأمر

[otefa]

يا جماعة الوقت اى حادثة تعذيب هيتذاع ع النت مش هسلم الرأى العام معاه ..بالعكلس كله هيبقى ضده ..المفروض يروح للقنوات الشرعية للموضوع ده ..يقدم بلاغ للنائب العام مثلا ..كلنا ضد التعذيب ...المفروض نعى ب حقوق الاسان ..بس اللى حصل فى الميدان واستمرار الاعتصام رغم تحقيق اغلب مطالب الثورة ..وانشقاق الرأى العام ..هو اللى خلى الموضوع ده يحصل

[احمد المصرى]

بامانة اللي ينزل ميدان التحرير دلوقت او حتى الفترة اللي جاية يستاهل الضرب بالنار حتى لو كان اقرب حد ليه او حتى انا شخصيا

+11111111111111111111111111

[koheya]

ا رجو من مشرف حذف التوبيك دة خالص

[itsonlyme]

بس ده مش بلطجي ال 2 من الثوار واحد فاهم والتاني مغيب (أنتقام فقط) ولا أنا فهمت غلط!
أنا فاهم قصدك أن أسلوبه محترم بس الفيديو أثبت برضه للأسف وجود نوعية تانية في وسط المتظاهرين مختلط عليهم الأمر

اللي اتقبض عليه على انه بلطجي هو اللي اسلوبه محترم.

والنوعية التانية مش هتعمل اعتصام عشان مجلس رئاسي مدني ودستور جديد.

[otefa]

اللي اتقبض عليه على انه بلطجي هو اللي اسلوبه محترم.

والنوعية التانية مش هتعمل اعتصام عشان مجلس رئاسي مدني ودستور جديد.

تمام الفيديو واضح مش محتاج نفسره فيه النموذجين وال2 من الثوار

[itsonlyme]

تمام الفيديو واضح مش محتاج نفسره فيه النموذجين وال2 من الثوار

أيوة حضرتك عايز توصل لايه؟

وفي نموذج برضو من بتوع "الاستقرار" بيقول نضرب بالنار اللي بيعملوا اعتصامات. راجع التعليقات هنا.

الموضوع هو تصرف الجيش وضربه وتعذيبه للناس بحجة انهم بلطجية.

أولا: الضرب والتعذيب مرفوض
ثانيا: في بعض من اللي بيتقال عليهم بلطجية نشطاء سياسيين سلميين زي اللي في الفيديو.

عموماً على صبحي اللي في الفيديو لسه واخد براءة حالا

[otefa]

ربنا يقومو بالسلامة
بس الفيديو مش وقته خالص
والحقيقة فين الله أعلم
وبعدين هو الجيش محتاج يستعين ببلطجية يعني..........يبقى مايعرفش أمكانيات الجيش
ده غير فيه حظر تجول والناس مصممة على كسره
يعني أيه المطلوب من الجيش يسيب البلد لغاية لما تخرب خالص ولا أيه
كل شيء بالمعقول وأذا أردت أن تطاع أامر بالمستطاع
أنا ضد الأيذاء الجسدي مهما كانت أسبابه لكن مالدليل على كلامه!؟

أيوة حضرتك عايز توصل لايه؟

وفي نموذج برضو من بتوع "الاستقرار" بيقول نضرب بالنار اللي بيعملوا اعتصامات. راجع التعليقات هنا.

الموضوع هو تصرف الجيش وضربه وتعذيبه للناس بحجة انهم بلطجية.

أولا: الضرب والتعذيب مرفوض
ثانيا: في بعض من اللي بيتقال عليهم بلطجية نشطاء سياسيين سلميين زي اللي في الفيديو.

عموماً على صبحي اللي في الفيديو لسه مفرج عنه حالا

حضرتك أنا قلت ملاحظتي على الفيديو لا أكثر ولا أقل
بالنسبة لأراء الأعضاء في مشاركات تانية مش فاهم قصدك أيه
مشاركتي واضحة ولم أؤيد أستخدام العنف أو الأيذاء الجسدي
وأعتقد والله أعلم ليس قصد الأعضاء بالمعنى الحرفي للعنف وهما أدرى بنياتهم ممكن تستفهم منهم
وبنظرة بسيطة على تعليقات الناس على اليوتيوب هاتلاقي غالبية الناس رافضة الأعتصامات وبيردو بردود عنيفة وألفاظ خارجة هل أنا مسؤل عن ردودهم.............أنا ضد العنف اللفظي فما بالك بالجسدي
ربنا يجعلنا دائما من يرزقه الله بهذه النعمة أداب الحوار أمين يارب العالمين

[م. عمرو شرف]

الدليل على كلامه !

يعني هو اللي بهدل نفسه كده ولا ايه ؟

وبعدين لو الجيش ضد اللي حصل ليه سمح بدخول البلطجية دول للميدان

وحتى لو مفيش بلطجية ليه بعد اعتقاله يتبهدل كده

معاك في الكلام ده ... بتهيئلي الجيش ابتدى يفقد حتة ضبط النفس لانهم مش متهيئين للظروف اللي شبه دي .... وبصراحة دي مش مهمتهم اساسا ...

بتهيئلي الجيش ابتدى يفقد حتة ضبط النفس لانهم مش متهيئين للظروف اللي شبه دي .... وبصراحة دي مش مهمتهم اساسا ...

الله ينور عليك ... الجيش مش دى مهمته و الجيش اقصى حاجه ليه حمايه المنشات الحيويه ليس ألا يعنى ولا مسئول يحمى بيتى ولا بيتك ولا مدرسه ولا كليه
كووووووول ده و الناس بتغلط الجيش؟
و لعلم حضرتك مستحيل مستحيل مستحيل تسمع حاجه اسمها عدم ضبط نفس فى الجيش و على مسئوليتى الكلام ده[/quote]

مفيش حاجه فى الجيش أسمها عدم ضبط النفس

انت تتضرب بالنار براحتك ...لكن فى حاجة اسمها حقوق انسان مش عارف اذا كنت تسمع عنها ولا لاء بس هى موجودة

و احنا مستغربين لية لما حبيب العدلى امر بالضرب النار مهو نفس التفكير ....

مافيش حاجة اسمها يستاهل حضرتك ..فى حاجة اسمها قوانين و حاجة اسمها احترام الانسان ..انا كنت متخيل ان الناس بدئت تعرف حقوقها و ترجع لادميتها تانى ..بس يظهر اننى كنت غلطان و ليسة فى ناس بتفكر بمنطق الغابة دة

وليه الناس مش عايزه تحترم القانون
اللى عايز حقوقه لازم الأول يعمل اللى عليه ويحترم القانون

بمعنى ايه برضوا ؟ هل الموضوع مفبرك ؟

هل الناس مش عاوزه تصدق اللي حصل

هل نسيتوا الفيديو بتاع الشرطة العسكرية وهي بتجري ورا المتظهرين بالعصيان الكهربا في ميدان التحرير لاخلاءه بالقوة

هل نسيتوا الفيديو اللي فيه تعذيب من الشرطة العسكرية لبعض المقبوض عليهم وكمان بيصورا اللي بيحصل يعني بيتلذذوا باللي بيعملوه زي اللي كان بيحصل من الشرطة

هل احنا بنحب نعمل تماثيل ونسجدلها ولا ايه

احنا عاوزين مبدا الحساااااااااااااااااااااااب مهما كان اللي غلطان فهو مش فوق القانون



احنا الظاهر مش فاهميين المصطلح ده " حقوق الانسان " او ممكن لسه مش مستوعبينه

الرد بالترتيب

الشرطه العسكريه بتجرى وراهم وبيعملوا صوت بالعصايه بس الشهود قالوا ( وهنا فى المنتدى ) أن لما واحد رجله علقت فى حديده فى الأرض ووقع جاله واحد من الشرطه العسكريه فك رجله وقومه وقاله أجرى
يعنى بيجروهم من المكان مش بيعذبوهم.

الفيديو بتاع البلطجيه الممسوكين أنت شفت التعذيب فيه ولا صوت طقطقه العصايه
وأنا عن نفسى لو كنت هناك كنت عذبتهم بجد , عارف ليه
دول مقبوض عليهم بيسرقوا بالسلاح وبيضربوا نار على اللجان فى الشوارع ومنهم ممسوكين بسبب أغتصاب ( وده اللى حصل بالضبط مش تخمين )
حضرتك لو حصلك حاجه من اللى هما عملوهم هتعمل فيهم أيه مع أعتبار أن الفيديو مكنش فيه تعذيب زى ما حضرتك بتقول .

حساب الغلطان لأنه مش فوق القانون
كلام جميل ويا ريت يطبق
طب بالنسبه للمعتصمين فى ميدان التحرير فى أوقات حظر التجوال يعتبروا غلطانين ولازم يتحاسبوا لأن مفيش حد فوق القانون ولا أيه



أخيرا
الجيش غلطان ويا ريت لما حد يحصل عنده حاجه مايتصلش بيهم ويتصرف بمعرفته والناس تعمل لجان شعبيه تانى

على الأقل الضباط والعساكر اللى بقالهم أكتر من شهر قاعدين فى الشارع وبيناموا على الرصيف ومات منهم كتير من أول الأحداث لغاية أمبارح علشان حضرتك تنام تحت اللحاف على سريرك مع أسرتك , على الأقل يروحوا يشوفوا عيالهم

أنت كنت بتعمل لجان شعبيه فى المنطقه عندك وواقف تحت بيتك وخايف على أسرتك اللى فوقيك بكام بلكونه

بس بتوع الجيش دول يستاهلوا
أيه يعنى أنهم سايبين أسرهم فى أسبوع الرعب وقاعدين يحرسوا الناس الناس اللى فى ميدان التحرير

النقيب ماجد بولس مفروض يتحاكم
مش مهم أنه صد البلطجيه لوحده , المهم أنه من الجيش اللى بيعذب الناس وحقوق الأنسان

وبالمره أبعتوا للصفحه الرئيسيه للمجلس الأعلى وطالبوا الجيش ياخد جيش ليبيا مثال ويعمل زيه علشان أسلوب التعذيب بتاعه ده بقى زياده قوى

بجد حاجه تقرف

[MRBEBO]

بجد حاجه تقرف

حضرتك بتقصد ايه بحاجة تقرف ؟ عموما شكرا لذوقك لو كنت تقصدني

ثانيا حضرتك معتقد اللي ظاهر في الفيديو ده من اصابات مكياج ؟ ولا واحد بيستهبل ؟

و الناس اللي اتاخدوا ظلم برضوا عادي ومفيش اي مشكلة وكله يهون علشان خاطر الجيش !

انا عارف انه في الفيديو بتاع الشرطة العسكرية دول شوية بلطجية

ولو حضرتك ركزت مكنش قولت صوت طقطقت العصاية لا

ده كان بيضربوا برجليه وبالعصاية بس بعد ما الكاميرا اخدت زاوية غير الالفاظ المتنقية

مع انه مش محتاج يعمل كده لان الناس دي خلاص مربوطه ومقيدة يعني هو مش في حالة دفاع عن النفس او محاولة اعتقال شخص مجرم

يبقى ده بهدف ايه غير التسلية زي اللي كان بيحصل من الشرطة سابقا

حضرتك لو فاكر ايام حظر التجول كانوا بيقولوا للناس اللي داخل الميدان بعد الحظر متتجولوش وخليكم في منطقة الميدان متخرجوش منها ومحدش هيتعرضلكم

وبعد كده الجيش او الشرطة مش بيمن علينا علشان ده وجبه اساسا فمفيش حاجة اسمها لما حد يحصل عنده حاجة ميتصلش بيه !

يا سيدي ايه علاقة ده بسيادة النقيب ماجد بولس ؟

هو علشان فيه سلبيات يبقى كله وحش ونشطب عليه .... احنا بنقول لو فيه حد غلط يتحاسب

يعني مش معنى ان فيه ناس عملوا تجاوزات في الشرطة تبقى كل الشرطة ناس مجرمين ونفس الموضوع بالنسبة للجيش

وياريت يا جماعة متبقاش العاطفة عندنا عالية كده

لازم نبتدي نغير فكرنا وطريقتنا ولازم يبقى القانون فوق الجميع حتى على رئيس الجمهورية !

[itsonlyme]

حضرتك بتقصد ايه بحاجة تقرف ؟ عموما شكرا لذوقك لو كنت تقصدني

ثانيا حضرتك معتقد اللي ظاهر في الفيديو ده من اصابات مكياج ؟ ولا واحد بيستهبل ؟

و الناس اللي اتاخدوا ظلم برضوا عادي ومفيش اي مشكلة وكله يهون علشان خاطر الجيش !

انا عارف انه في الفيديو بتاع الشرطة العسكرية دول شوية بلطجية

ولو حضرتك ركزت مكنش قولت صوت طقطقت العصاية لا

ده كان بيضربوا برجليه وبالعصاية بس بعد ما الكاميرا اخدت زاوية غير الالفاظ المتنقية

مع انه مش محتاج يعمل كده لان الناس دي خلاص مربوطه ومقيدة يعني هو مش في حالة دفاع عن النفس او محاولة اعتقال شخص مجرم

يبقى ده بهدف ايه غير التسلية زي اللي كان بيحصل من الشرطة سابقا

حضرتك لو فاكر ايام حظر التجول كانوا بيقولوا للناس اللي داخل الميدان بعد الحظر متتجولوش وخليكم في منطقة الميدان متخرجوش منها ومحدش هيتعرضلكم

وبعد كده الجيش او الشرطة مش بيمن علينا علشان ده وجبه اساسا فمفيش حاجة اسمها لما حد يحصل عنده حاجة ميتصلش بيه !

يا سيدي ايه علاقة ده بسيادة النقيب ماجد بولس ؟

هو علشان فيه سلبيات يبقى كله وحش ونشطب عليه .... احنا بنقول لو فيه حد غلط يتحاسب

يعني مش معنى ان فيه ناس عملوا تجاوزات في الشرطة تبقى كل الشرطة ناس مجرمين ونفس الموضوع بالنسبة للجيش

وياريت يا جماعة متبقاش العاطفة عندنا عالية كده

لازم نبتدي نغير فكرنا وطريقتنا ولازم يبقى القانون فوق الجميع حتى على رئيس الجمهورية !

للاسف في ناس عندها عقليات زي وأقذر كمان من مبارك والعادلي وظباط أمن الدولة.

نقول نحاسب المخطئ يقولوا يستاهلوا الخارجين عن القانون.

هو الاعتصام خروج عن القانون والتعذيب مش خروج عن القانون؟