مين راح الشغل النهاردة؟؟ (مساحة للفضفضة)

[meza]

نسيت أقول ....... إن مشاركة الناس فى الإضراب إلنهارده واضحة

رغم إن اللى كانوا متزعمين الإضراب ده اللى هما عمال غزل المحلة .... منفذوش الإضراب و راحوا المصانع عادى (طبعاً تحت ضغوط و تهديدات من الحكومة) .... بس برضه المشاركة كويسة و يمكن دى تبقى أول الطريق لتعليم المصريين إزاى يطالبوا بحقوقهم من حكومتهم.

[Adham_Sabry]

الإضراب عن سلعه واحده ميزته انه مؤثر بقوه فعلا بس يبقي بنقول لأ للتجار ومنتجين السلعه دي فقط الإضراب العام مش مؤثر لسلعه معينه تأثر قوي بس بنقول لأ للحكومه والعيشه واللي عايشنها (الحكومه والشرطه والنظام والرشوه والمحسوبيه والنفاق والغش والخداع و ........ للتعليم الخربان للمستشفيات العاجزه عن علاج المرضي (قليله وبدون امكانيات و.....) للأدويه الغاليه لطرق الموت لإهانات المواطنين لعمل الراقصات نجوم المجتمع لتهميش العلماء والدعاه ...........

[alaa_dash]

مدير امن القاهرة بنفسه في ميدان التحرير بملابس مدنية و تم القبض على 150 عامل من غزل المحلة و 50 عربة امن مركزي في ميدان التحرير و السيد مدير امن الجيزة في ميدان الجيزة بنفسه.......
و فيه تشويش على اجهزة الموبايلات في التحرير.

[ams]

يا سيدي الفاضل انا اؤيد الاضراب .. ولكن مش كدة .. مش علشان اسباب عشوائية و عامة .. الي بيضرب بيضرب لحاجة واحدة في وقت واحد - ذي مشرحت في فكرتي السابقة .

انا اسف معاك حق عيب اقول لعب عيال . بس قصدي كان نتيجته تبقى افضل بكتير لو قاطعتوا اللحمة - الزيت - العيش - السيارات نفسها

او حتى نعمل يومين كل اسبوع بدون سيارات و بنزين ! لما البنزين يغلي قدام ... ده قصدي ..

معاك حق
وانا اعتقد ان ده هيحصل ان شاء الله ان ظل الحال كما هو عليه و هو ما لا اعتقد فى حدوثه
من الجميل انك تعرف ان ليك صوت و مؤثر

[ams]

والله مافى منتدى محترم ولا اعضاءه محترمين بالشكل دا....[/SIZE]

go ahead cryptonX

والاختلاف فى الرأى لا يفسد للود قضيه

:D

صح الكـــــــــــــــلام

[alaa_dash]

بيقولوا ان الامن قبض على مجموعة من اعضاء مجموعة الاضراب في الفيس بوك و منهم بنت ؟!!!!!!!!!(جابوهم ازاي)
ربنا يستر
بالمناسبة لمتابعة اخر اخبار الاضراب
http://6april08.blogspot.com/

[محمد المشد]

بيقولوا ان الامن قبض على مجموعة من اعضاء مجموعة الاضراب في الفيس بوك و منهم بنت ؟!!!!!!!!!(جابوهم ازاي)
ربنا يستر
بالمناسبة لمتابعة اخر اخبار الاضراب
http://6april08.blogspot.com/

انت مش عارف جابوهم ازاى 000 زى ما هيجيبوا بتوع نايل موتورز يا باشا ههههههههههههههههههههههههه
طبعا الامن بقى له مدة يراقب التحركات فى المنتديات والمدونات وخلافة وبيركز على الجماعة بتوع الكلام 000 اقصد الشعارات الفارغة بدون عمل زى بتوع كفاية 0000000000 اما الاراء التى نادت بأن يكون الاضراب بدلا منه المقاطعة فهذا احسن راى وافيدهم مش اضراب وخلاص طيب وبعدين ؟

[CryptonX]

.................................................. .............

والله مافى منتدى محترم ولا اعضاءه محترمين بالشكل دا....

go ahead cryptonX
.................

والاختلاف فى الرأى لا يفسد للود قضيه
مع انى يا crypton X من مؤيدى الاضراب

:p:p:p:p:p

:D

شكرا لكلامك و ذوقك .
:)

[meza]

بيقولوا ان الامن قبض على مجموعة من اعضاء مجموعة الاضراب في الفيس بوك و منهم بنت ؟!!!!!!!!!(جابوهم ازاي)
ربنا يستر
بالمناسبة لمتابعة اخر اخبار الاضراب
http://6april08.blogspot.com/

أيوه البنت دى هى الأدمن بتاع الجروب الخاص بالإضراب

شىء متوقع من بلد لا تحترم حرية المواطن ...... بس متخافوش فى محامين كتير مكرسين جهودهم عشان يدافعوا عن أى حد إتقبض عليه بسبب الإضراب.

[محمد المشد]

أيوه البنت دى هى الأدمن بتاع الجروب الخاص بالإضراب

شىء متوقع من بلد لا تحترم حرية المواطن ...... بس متخافوش فى محامين كتير مكرسين جهودهم عشان يدافعوا عن أى حد إتقبض عليه بسبب الإضراب.

والله الواحد مكنش فاكر ان وراة رجالة كدة 000 بس برضك لازم نكون عمليين اكثر من ذلك فالاضراب شىء جيد ولكن الافضل منه مقاطعة التجار وهذا افضل من اى شىء اخر ، ومن المحتمل ان يندس فعلاً بين الناس من هو يرغب فى خراب البلاد والعباد وهذا كلام ليس خيال بل حقيقة ، وان كنت اعلم بأن الجهات الامنية مش هتوافق على اضراب بشكل رسمى وهذا هو العيب الذى تقع فيه الحكومة ومش عايزة تتعلم ابداً

[ahmedateya]

شفتوا الجو برة عمل ازاي؟
ده حتى الجو عمل اضراب :)

[alaa_dash]

الشىء الذي يسعدني جدا ان معظم الداعين لهذا الاضراب من الشباب و الذي يسعدني اكثر انهم طلبة او من حديثي التخرج بدليل ان جامعة القاهرة نسبة الحضور بها متدنية و الذين تغيبوا عن العمل من الشباب بالاضافة الى ان جامعة حلوان بها اعتصام و ان كان لا يتجاوز الالفين طالب ..اما موظفي الحكومة فهم ممن عاصروا عهودا كانت الكلمة عليها جمارك باهظة الثمن وواضح انهم ما زالوا متأثرين بها و يعملون لها بعض الحساب الا من ادرك بأن حقه لن يأتي اليه الا اذا سعى هو نحوه مثل عمال غزل المحلة و موظفي الضرايب العقارية ...

[alaa_dash]

شفتوا الجو برة عمل ازاي؟
ده حتى الجو عمل اضراب

بمناسبة الجو في حاجة بتتقال بس هيه تضحك شوية ..قال انه كان فيه تدريبات للجيش في الصحراء و كانت بالذخيرة الحية عشان يقلبوا الجو و الناس تتلم شوية :o
الناس فاكرة ان الحكومة لها سلطان عل الجو كمان :)

[hazem_khidr]

انا قافل المصنع و مدي اجازه للعمال و لسه صاحي من النوم حالا:)

بيتقال ان المحلة تحولت الى ثكنة عسكرية ..الاعضاء الكرام اللي من المحلة ياريت تقولولنا الاخبار عندكوا

بصراحه ما نزلتش انهارده بس ناوي انزل كمان شويه اتفرج

[alaa_dash]

تأكد ان امن الدولة اجبرت المدرسين على التزام الحضور اليوم في المحلة (من البي بي سي) و غياب تام للطلبة هناك ..
في حدايق القبة المحال مغلقة و البوكسات تنادي على اصحاب المحال القاطنين بالمنطقة لنزول و فتح محالهم ...مش عارف بيحشروا نفسهم ليه محلي و انا حر فيه.!!!!!!