هى الالف واللام دى تفرق كتير ولا ايه المقصود بالظبط

[Moh.Fahmy]

بالرغم من انني صوت بلا لانني اري اننا نحتاج دستور جديد في المرحلة الحالية بدلا من دستور 71 المهترئ جدا بشرط عدم المساس بالمادة الثانية بأي شكل من الاشكال و كان السيناريو اذا كانت الاغلبية بنعم فكان سيحدث مثلما حدث اضافة المواد المعدلة بالرغم من تناقض بعضها البعض (المادة 77/و المادة 190) الي بقية مواد الدستور و العمل به الي ان تتم انتخابات برلمانية في شهر سبتمبر القادم تعقبها في ديسمبر انتخابات رئاسية -
و اذا كان التصويت بلا هو الاغلبية فسيتم عمل اعلان دستوري مؤقت لتسيير البلاد الي ان تتم الانتخابات البرلمانية و يتم تأسيس لجنة مكونة من 100 فقيه دستوري و قانوني لصياغة الدستور الجديد
و لكن ما حدث هو mix بين الاختيارين فلقد ظهر النبغة الدستوري دكتور يحيي الجمل في برنامج من قلب مصر و قلب مصر فعلا فأعلن انه سيتم تعديل بسيط في المادة الثانية بدلا من ايكون نص المادة(الشريعة الاسلامية المصدر الرئيسي للتشريع سيتم حذف الالف و اللام لتصبح الشريعة الاسلامية مصدر رئيسي للتشريع) و هذه لفة شيطانية طبعا فالاولي لمن لا يعلم تعني ان المصدر الاوحد للتشريع هو الشريعة الاسلامية اما المعني التاني فيعني ان هناك مصادر اخري للتشريع هذه واحدة اما الحالة الاخري فهي الاعلان عن اعلان دستوري في غضون الساعات القليلة القادمة و هذا الاختيار كان سيتم في حالة التصويت بأغلبية لأ للتعديلات الدستورية فما الذي يحدث في البلد بالظبط
اللطف من عندك يا رب

[dr-mohamed]

في حالة نجاح اي من الاختيارين في الاستفتاء سواء لا او نعم كان سيصدر اعلان دستوري
لكن المفروض ان في حالة نعم يصدر الاعلان بناء على المواد المعروضة في الاستفتاء
اما في حالة لا فيكون للمجلس العسكري الحق في وضع النصوص التي يريدها في الاعلان الدستوري
اما كلام الدكتور يحي فمرفوض تماما وكدة بيلعب بالنار والافضل له ان يصمت او يترك منصبه ولا يضيع تاريخه

[AMA]

موضوع الألف و اللام دة نفس فكرة الحكماء الصهاينه فى العالم العربى
و نفس فكرة القران الكريم بعد التعديل و إزالة حروف ليتم تغيير المعنى بالكامل
مثل أن الدين عند الله الإسلام لتصبح إن الدين عند الله بغير الإسلام أو لتصبح أن الدين عند الله إلا الإسلام
نفس السياسة الوسخه و نفس السياسة المحفوظة و المدروسه
أنا أة مسلم و بحب دينى جدا لكنى مش متشدد لكن بالعقل كدة أحنا دولة عاش فيها المسيحيين شوفوا كام سنه معانا زى أخواتنا بالظبط و أقسم بالله العظيم الكلام دة مش نفاق أو مجامله أو كلام صحافة أو فض مجالس لكن مش عيب أننا نعترف أن المسلمين الأخوة الأكبر للمسيحيين و مش عيب نعترف أن مصر الأخت الكبرى للعرب و منبر الشرق الأوسط و على رأى المثل إلى مالوش كبير يشترى له كبير و المسلمين هما الكبار فى مصر يبقى مش عيب أننا نعترف أننا الكبار عادى جدا مع أحترامى لكل مسيحى أنا مش بقلل من قيمته فى الدولة بالعكس أنا بزودها جدا لأن من واجب الأخ الأكبر أنه يدافع عن أخوه مهما كان لكن من غير مانضعف الأخ الأكبر


و أنا ضد جدااااااااااا تعديل المادة رقم 2
و إذا تم تعديلها يبقى قولوا يا رحمن يا رحيم على مصر بكل الفئات الدينيه

[Dojuar]

اللي بيقولوا لأ كانوا بيقولوا مفيش مساس بالمادة التانية و ان اللي بيقولوا نعم مضحوك عليهم!!!!!!!

[A.Saad]

حذف الالف واللام كان موجود زمان
وبكدة هيكون التشريع سواء الدستور او اى قانون ممكن يستمد نصوصه من ديانات اخرى

[hh]

اللي بيقولوا لأ كانوا بيقولوا مفيش مساس بالمادة التانية و ان اللي بيقولوا نعم مضحوك عليهم!!!!!!!

لأ يا سيدي الفاضل أحنا مش دافنين راسنا في الرمل, احنا عارفين انه فيه كلام على المادة التانية و فيه ناس حتنتهز الفرصة عشان تحاول تلغيها, انما كنا بنقول ان مفيش فرق بين نعم و لأ خااااااالص في النقطة دي. و بيتهيألي دلوقتي واضح انه رغم ان النتيجة نعم بأغلبية ساحقة الا ان دعاوي تعديل المادة لسة موجودة.

مازال رأيي ان اللي عايز يقول يقول و اللي عايز يطلب يطلب و في الأخر محدش حيقدر يلغيها لأنه ببساطة الأغلبية متمسكة بوجودها.

الخوف الحقيقي ان لما ييجي وقت الجد و بيتدي وضع الدستور الجديد يكون الكلام على المادة التانية و صياغتها و المهاترات الموقهة حواليها هو الدوامة الي يتوهونا فيها بحيث انه تتمرر بنود تانية في النص من غير ما تاخد حقها من الاهتمام و من غير ما نفهم ايه اللي بنوافق عليه بالظبط!!!

[عمرو عمارة]

في حالة نجاح اي من الاختيارين في الاستفتاء سواء لا او نعم كان سيصدر اعلان دستوري
لكن المفروض ان في حالة نعم يصدر الاعلان بناء على المواد المعروضة في الاستفتاء
اما في حالة لا فيكون للمجلس العسكري الحق في وضع النصوص التي يريدها في الاعلان الدستوري
اما كلام الدكتور يحي فمرفوض تماما وكدة بيلعب بالنار والافضل له ان يصمت او يترك منصبه ولا يضيع تاريخه

هو تاريخه ضاع خلاص ودخل مزبلة التاريخ

موضوع الألف و اللام دة نفس فكرة الحكماء الصهاينه فى العالم العربى
و نفس فكرة القران الكريم بعد التعديل و إزالة حروف ليتم تغيير المعنى بالكامل
مثل أن الدين عند الله الإسلام لتصبح إن الدين عند الله بغير الإسلام أو لتصبح أن الدين عند الله إلا الإسلام

و أنا ضد جدااااااااااا تعديل المادة رقم 2
و إذا تم تعديلها يبقى قولوا يا رحمن يا رحيم على مصر بكل الفئات الدينيه

ربنا يستر

[النوبي]

محدش هيقدر يمس مش يعدل مجرد يمس الماده التانيه اما بالنسبه للجمل اللي مطلعش جمل خالص فانا من النهارده رافض وجوده لانه كل يوم بيثبت انه ميستحقش مكانه
ثم فيه سؤال محيرني
ليه كل مصيبه تحصل المسلمين يوقفوا موقف المتهمين ويفضلوا يبرروا ويعتذروا وشويه هيشيلوا المسحيين علي اعناقهم علشان حاجه معملنهاش
والايام اللي فاتت محدش مسيحي قال اخويا المسلم ولا حد طبطب علينا
ولا اي حاجه زي منكون برضه احنا في وضع اتهام مش محدده ايه بالضبط
او منستحقش الاعتذار
بس احب اوجه رساله الي كل اخ مسيحي معانا هنا ((وده رأيي الشخصي اللي بيعبر عني وليس ملزم لاحد))
انا اسف اذا كنت قلت اسف لحد عن حاجه انا معملتهاش ولاني يومها كنت فاكر اننا قلبنا علي بعض
وشكرا للظروف اللي تخلي الواحد يفهم حاجات كانت غايبه عنه

[abo_anas]

هى الالف واللام دى تفرق كتير ولا ايه المقصود بالظبط

يحيى الجمل لـ"لميس الحديدى": تعديل المادة الثانية لتصبح "الإسلام مصدر رئيسى وليس المصدر "الرئيسى" للتشريع"..


أكد الدكتور يحيى الجمل، أنه اتفق مع البابا شنودة خلال لقائه به أمس على عدم المساس بالمادة الثانية من الدستور، مشيراً إلى إمكانية إجراء تعديل بالمادة الثانية فى الإعلان الدستورى، بإزالة حرف الألف واللام، بحيث تصبح المادة كالتالى "الإسلام مصدر رئيسى للتشريع"، وتضاف إليه المادة الخاصة بأن لكل أقلية الأحقية فى الاحتفاظ بشريعتها وأخرى لها علاقة بالأحوال الشخصية لأصحاب الديانات الأخرى.


ياجماعه حد يفهمنى هل ممكن المساس بالماده التانيه سواء الغاء او تعديل؟؟؟؟؟

[mohamed_selim]

المفروض ان الاعلان الدستورى القادم هو بديل عن دستور 71 فى المرحله الانتقاليه يعنى مفيش حاجه حاليا اسمها الماده التانيه
الاعلان الدستورى هيتضمن المواد اللى نزلت فى الاستفتاء مع مواد اخرى اساسيه فى اى دستور

معرفش ايه لازمة انه يجيب سيرة الماده التانيه دلوقتى بس لو حطوها زى ما هى يبقى اى قانون احوال شخصيه مش ماشى مع تشريعات الاسلام (حتى لو خاص بأى ديانه اخرى) يبقى غير دستورى ... من غير الالف و اللام يبقى فتح باب وضع بعض التشريعات الاخرى ...
و ده على قد علمى المتواضع .. على العموم انا رأيى بلاش نخش فى متاهات لأن الراجل كان بيتكلم عن رأيه الشخصى مش عن اللى هيحصل

[abo_anas]

المفروض ان الاعلان الدستورى القادم هو بديل عن دستور 71 فى المرحله الانتقاليه يعنى مفيش حاجه حاليا اسمها الماده التانيه
الاعلان الدستورى هيتضمن المواد اللى نزلت فى الاستفتاء مع مواد اخرى اساسيه فى اى دستور

معرفش ايه لازمة انه يجيب سيرة الماده التانيه دلوقتى بس لو حطوها زى ما هى يبقى اى قانون احوال شخصيه مش ماشى مع تشريعات الاسلام (حتى لو خاص بأى ديانه اخرى) يبقى غير دستورى ... من غير الالف و اللام يبقى فتح باب وضع بعض التشريعات الاخرى ...
و ده على قد علمى المتواضع .. على العموم انا رأيى بلاش نخش فى متاهات لأن الراجل كان بيتكلم عن رأيه الشخصى مش عن اللى هيحصل

انا اللى اعرفه انه لما نائب رئيس الوزراء يتكلم يبقى يتكلم باسم الحكومه . ولا هى محسوبه انه يقول راى شخصى وينتظر هو ومن يحاوره ردود الافعال وبعد كده يقول دا كان راى شخصى.
بصراحه انا كرهت الراجل دا حاسس انه متخصص فتن الله يحرقه

[تامر.محمد]

ازالة الألف و اللام تخلي المادة مادة شكلية انما فعليا مالهاش اي وجود
يعني مثلا في وضعها الحالي ممكن يجيب لك قانون بيقول كذا , فتقدر تطعن في القانون بعدم دستوريته لأنه يتعارض مع الشريعة الاسلامية
لو شالوا الألف و اللام .... بييييييييييييييييييس

[تامر.محمد]

الجمل واضح انه بيلعب لعبة قذرة جدا

اما الاستفتاء , فاتمنى ان الناس تدرك انه كان استفتاء صوري بحت
و الا يبقى ليه اللي هايتضاف ده ما اتحطش على المواد و تم الاستفتاء على كل المواد ؟

[أبو عبدالله]

يحيى الجمل لـ"لميس الحديدى": تعديل المادة الثانية لتصبح "الإسلام مصدر رئيسى وليس المصدر "الرئيسى" للتشريع"..


أكد الدكتور يحيى الجمل، أنه اتفق مع البابا شنودة خلال لقائه به أمس على عدم المساس بالمادة الثانية من الدستور، مشيراً إلى إمكانية إجراء تعديل بالمادة الثانية فى الإعلان الدستورى، بإزالة حرف الألف واللام، بحيث تصبح المادة كالتالى "الإسلام مصدر رئيسى للتشريع"، وتضاف إليه المادة الخاصة بأن لكل أقلية الأحقية فى الاحتفاظ بشريعتها وأخرى لها علاقة بالأحوال الشخصية لأصحاب الديانات الأخرى.


ياجماعه حد يفهمنى هل ممكن المساس بالماده التانيه سواء الغاء او تعديل؟؟؟؟؟

شوفتوا التهريج بقه
هو ده اللي اتنبح صوتنا فيه
وللأسف بعض الأخوة مش مصدق ان الناس دي ممكن تعمل كده وعاب على المشايخ وبهدل الأسلاميين في الكلام علشان خايفين من وهم
مين بقه اللي هيرد على البي آدم ده اللي بيقرر بمزاج اهله

طبعا ده التفاف قذر على المادة الثانية
وابطال لها بس بطريق غير مباشر
يعني احنا هبل بقه وهنعمل اننا مش واخدين بالنا
الراجل ده بجد لازم يتعزل ويتحاكم بجد

ثانيا مين قال ان الشريعة الأسلامية مش بتعطي كل فرد حقه في اعتقاده علشان يطلع علينا جهلة للأسف تتكلم ان المادة التانية لما نشيلها او نعدلها كده الناس هتاخد حقوقها
طيب مين اللي قال ان المادة كانت شايله حقوقهم يعني
انت تعرف ايه في الشريعة علشان تتكلم ولا الغريب ان البعض للأسف ماسك لبانة هيا المشايخ ايه علاقتها بالدستور
طيب ايه علاقة يحي الجمل دلوقتي بالشريعة الاسلامية ؟؟؟؟؟؟؟؟؟؟؟؟؟
ممكن حد يجاوبني

[amado ibrahim]

الجمل واضح انه بيلعب لعبة قذرة جدا

اما الاستفتاء , فاتمنى ان الناس تدرك انه كان استفتاء صوري بحت
و الا يبقى ليه اللي هايتضاف ده ما اتحطش على المواد و تم الاستفتاء على كل المواد ؟

يا ريس دنت صاحب فكرة ان الاستفتاء هيعمل فرقة بين المجتمع
و قد كان
قولنا نعم
و شكلهم هيعملو اللى هما مخططينه
الموضوع كان بغرض الحصول على شعبية للقرارات و اخفاض صوت الثائرين
و للاسف ده ابتدى يحصل
تقبل تحياتى و احترامى لتوقعاتك اللى حصلت