هى الالف واللام دى تفرق كتير ولا ايه المقصود بالظبط

[ahmed4000]

معتقدش ان الاعلان الدستورى الموقت حيدخل نفسه فى الامور الشائكة دى والا يبقوا اغبيا فعلا
وفى كل الاحوال فى دستور جديد حيطلع بعد المؤقت
ولو اتكتب فيه كده حتلاقى ال18 مليون تقريبا كلهم بيقولوا لا

[otefa]

معتقدش ان الاعلان الدستورى الموقت حيدخل نفسه فى الامور الشائكة دى والا يبقوا اغبيا فعلا
وفى كل الاحوال فى دستور جديد حيطلع بعد المؤقت
ولو اتكتب فيه كده حتلاقى ال18 مليون تقريبا كلهم بيقولوا لا

[ehab_mansour]

كلامك سليم
حتى لو قولنا لا كانو بردو هيعملو اعلان دستورى

لكن الضغط الجماهيرى اللى شال احمد شفيق ساعتها هيبقى فى الحسبان

وكلامك بالنسبة للديموقراطية برده سليم تماما

لانه بينبهنا اننا نبطل الاحلام الثورية شوية و ننزل لارض الواقع و نشوف احتياجات الناس الحقيقية و نطالب بيه

1-لازم نتواصل مع الفلاحين فى القرى و النجوع

هل نعرف مشاكلهم ايه

التقاوى
الكيماوى
الرى
حجر زراعة بعض المحاصيل مثل الرز (اخوانا اللى من الشرقية وكفر الشيخ و البحيرة يقدرو يفهمو كلامى
تطهير الترع و المصارف
تحديد اسعار عادلة للمحاصيل
دعم الفلاح (زى مباقى دول العالم بتعمل
(دعم المدخلات (التقاوى و الكيماوى والارشاد ) و ليس دعم المخرجات (الدقيق)

2- لازم نتواصل مع العمال فى المصانع

هل نعرف مشاكلهم ايه

هل فيه نقابات حقيقية بتمثلهم
ايه اوضاعهم المادية و مرتباتهم
هل ليهم تأمين حقيقى
هل بيتدربو تدريب يكفل لهم التطوير تنمية الخبرات

3-لازم نتواصل مع اللى بيشتغل يوم بيوم
سواق التاكسى
النجار
البناء
بياع الخضار و الفاكهة البسيط
اللى بيأجر الحصان او الجمل بتاعه للسياح (بدل ميركب الجمل و.................)

4- الشباب العاطل عن العمل
ايه احلامه
ايه طموحاته
ايه اللى عنده من خبرات و مؤهلات وايه اللى ناقصه
هل يقدر يدخل ضمن منظومة مشروع قومى أى كان مكانه(ممر التنمية- توشكى- شرق التفريعة- سيناء)

5-كبار السن
ايه مشاكلهم (حد فيكو بص على البوسطة يوم قبض المعاش)
ايه طلباتهم (صحيا و ماديا و انسانيا)

وغير ده كتير
المشكلة عندنا احنا اللى مش قادرين نوصلهم و بنلوم عليهم انهم مش سامعنا
و دى حقيقة الاعتراف بيها أول طريق العلاج
و كده نقدر نقول اننا بنعمل فى مناخ ديموقراطى

تقبل احترامى و تقديرى

وانت أيضا كلامك سليم ورائع ونريد ان نطبقه علي الواقع فعلا وانا أحييك علي هذا الفكر الراقي ومعاك في كل ما تقول

[amado ibrahim]

وانت أيضا كلامك سليم ورائع ونريد ان نطبقه علي الواقع فعلا وانا أحييك علي هذا الفكر الراقي ومعاك في كل ما تقول

تحياتى لحضرتك

ان شاء الله هعمل موضوع منفصل عن احياجاتنا الحقيقية

و استاذنكو لنقل كلامى لهذا الموضوع

[ehab_mansour]

تحياتى لحضرتك

ان شاء الله هعمل موضوع منفصل عن احياجاتنا الحقيقية

و استاذنكو لنقل كلامى لهذا الموضوع

يا أفندم الكلام كلام حضرتك وكل الشكر لك ولكن انا أطلب منك تجميع الكل للمشاركة علي الواقع وبفكر منضبط ومخطط
احنا مش عايزين فقط نتكلم احنا عايزين نشتغل ونفعل الكلام ده علي أرض الواقع ومتأكد انك تتمني ذلك أيضا

[hany121]

لبسونا العمه...

كانو عايزين الناس توافق علي التعديلات الدوستوريه اللي عملوها فجنبوا الماده التانيه وما دخلوهاش في التعديل وادو ايحاء للناس ان لو النتيجه جت ب لا هيتعمل دستور جديد وطبعا مصير الماده التانيه مش هيبقي معروف وطبعا الاخوان تبنوا الموافقه علي التعديلات لاسباب كثيره ولكن اغلب ما اعلن لعامة الناس انه للابقاء علي الماده التانيه كما هي وغالبية اللي قالوا نعم قالوها من المنطلق ده وبعد ما الشعب يختار اللي هم عايزينه ويبلع الطعم يغيروا المواد اللي كنا هنرفض تغييرها في الاستفتاء بس غصب عنا وبعيد عن الاستفتاءات لانها هتتم في الاعلان الدستوري اللي الشعب ليس له الحق في ابداء رأيه او الاستفتاء عليه..

وبعدين علي حسب كلامهم ان الاعلان الدستوري هيشمل تعديل نصوص القوانين المكملة وذات الصلة بالنصوص الدستورية المعدلة وطبعا الماده التانيه ما لهاش علاقه بالمواد المعدله وبرده علي حسب كلامهم ان الاعلان الدستوري هيشمل تعديل مواد أخرى تغطى متطلبات المرحلة المقبلة وبرده الماده التانيه ما لهاش علاقه بمتطلبات المرحله الانتقاليه المقبله!!! وده نص كلام احد اعضاء اللجنه للمصري اليوم يوم 22مارس

"وأوضح صبحى صالح أن نصوص القوانين المكملة وذات الصلة بالنصوص الدستورية التى تم تعديلها، هى: قوانين مباشرة الحقوق السياسية، ومجلسا الشعب والشورى، والانتخابات الرئاسية. وكشف «صالح» عن انتهاء اللجنة من تعديل هذه المواد فور انتهائها من وضع الاقتراحات الخاصة بتعديل النصوص الدستورية، أى قبل إجراء الاستفتاء عليها.
وأضاف - فى تصريحات خاصة لــ«المصرى اليوم» - أن اللجنة انتهت من وضع اقتراحات تعديل الدستور فى ٤ أيام، ثم وضعت التعديلات الخاصة بهذه النصوص القانونية فى يومين. ولفت إلى أن المجلس الأعلى للقوات المسلحة التقى أعضاء اللجنة ٣ مرات: الأولى عندما كلفها رسميا بمهمة وضع اقتراحات تعديل النصوص الدستورية الـ٩، والثانية عندما انتهت اللجنة من وضع هذه التعديلات، واللقاء الثالث عندما سلمت اللجنة تعديلاتها الخاصة بنصوص القوانين الـ٣ المرتبطة بالتعديلات الدستورية".

ولما هو كده كده فيه اعلان دستوري سواء قلنا نعم او لا والاعلان ده بياخد 48 ساعه زي ما اعلنوا وعمل دستور جديد مش هياخد اكتر من 3 شهور زي ما الفقهاء الدستوريين قالوا يبقي ليه صمموا علي عمل تعديلات علي الدستور بدل ما يعملوا اعلان دستوري لحين الانتهاء من عمل دستور جديد بحجة ضيق الوقت مع ان انتخابات مجلس الشعب والشوري بعد الموافقه علي التعديلات هتتم في شهر سبتمبر ( بعد 6 شهور) وانتخابات الرئاسه اخر السنه ( بعد 9 شهور) يبقي ليه يعملوا تعديلات ننتخب علي اساسها رئيس بصلاحيات جباره ومجلس شعب ب 50% عمال وفلاحيين واعضاء معينين وكوتة مرأه وننتخب مجلس شوري للرئيس الحق في تعيين ثلث اعضائه ويقعدوا علي قلبنا مش بس 5 سنين لأ ده الي ما لا نهايه لانهم هم اللي هيختاروا اللجنه اللي هتعمل الدستور الجديد وطبعا لو اللجنه عرضت عليهم قانون بيلغي 50% عمال وفلاحيين وتعيين اعضاء وكوتة مرأه طبعا مش هيوافقوا..

يعني ضيعوا علينا فرصه عمل دستور جديد في الوقت الحالي اللي مفيش حد ليه مصلحه للتلاعب فيه علشان نعملوا في وقت فيه الف واحد ليهم مصالح..

وبعدين يعني ايه رجال الاعمال يرجعوا الفلوس اللي سرقوها ويخرجو من السجن؟؟!!! يعني يسرق مليار ويشغلوا لحد ما يبقي 5 مليار ولما يتمسك يرجعلنا المليار اللي سرقوا وحلال عليه الاربعه مليار الارباح.. دول لازم تتصادر اموالهم اللي كسبوها بطرق غير مشروعه ويتحبسوا والا هنبقي ملطشه..

[ahmedbatoos]

الكلام دة مش هيكون في الاعلان الدستوري . .
يحي الجمل مثال حي للعالماني المتعصب المتطرف

يتطاول علي الذات الألاهيه
يقبل يد البابا شنودة
يصف السلفين بانهم مش من الاسلام في شئ !
واخيرا كل مشاكلة هي المادة الثانية

هذا الرجل احد من فرضوا نفسهم في ما يسمي بمجلس الحكماء !! الي عينوا نفسهم بنفسهم وسط الثورة و طردتهم الثورة واسقطتهم هذا الرجل وغيرة من راكبي الامواج . .

لن يمس احد المادة الثانية . . وانا مقلتش نعم عشان المادة الثانية انا قلت نعم لأنها الافضل والاوضح

و حذف - ال- سيؤدي انها تكون مصدر وخلاص وليس رئيسيا انما هي الان المصدر الرئيسي الوحيد للتشريع . . مع وجود مصادر اخري فرعية

يريد التعديل ليصبح مصادر رئيسية اخري

[amado ibrahim]

جارى التنفيذ

[hany121]

وفى كل الاحوال فى دستور جديد حيطلع بعد المؤقت
ولو اتكتب فيه كده حتلاقى ال18 مليون تقريبا كلهم بيقولوا لا

ساعتها هيخيرونا ما بين امرين. اما الغاء الماده التانيه خالص او ابقائها كما جائت في الاعلان الدستوري لكن مش هيرجعوها للنص الاصلي..

[AmAhmed]

في حالة نجاح اي من الاختيارين في الاستفتاء سواء لا او نعم كان سيصدر اعلان دستوري
لكن المفروض ان في حالة نعم يصدر الاعلان بناء على المواد المعروضة في الاستفتاء
اما في حالة لا فيكون للمجلس العسكري الحق في وضع النصوص التي يريدها في الاعلان الدستوري
اما كلام الدكتور يحي فمرفوض تماما وكدة بيلعب بالنار والافضل له ان يصمت او يترك منصبه ولا يضيع تاريخه

+1
الناس لم تصوت علي ذلك
و الجمل مع كل تصريح يزيد من الاحتقان في الشارع ضده و ضد تصريحاته الشاذة المستفزة

[ahmedbatoos]

لسة عارفة دلوقتي ان يحي الجمل في التعديلات السابقة قدم طلب للجنة التعديل بتعديل المادة التانية - - واللجنة رفضت

[medo_2060]

يحى الجمل لسه واخد على انه يقول اى حاجه على باله.. شكله ناسى انه نائب رئيس وزراء ... عموما اهو بيتسلى على رأى حسنى ووقت الجد يبقى فى كلام تانى... وادينا بانتظار الاعلان الدستورى

[Moh.Fahmy]

يبقي خلاصة القول يا جماعة ان الناس دي بتعمل اللي هي عايزاه - يبقي و مع احترامي الشديد لكل من قال نعم اللي قال لأ هو الصح لان الناس دي ما تضمنش لمدة سنة و نص قدام عقبال ما يتم تغيير الدستور-يبقي كنا كلنا قولنا لأ عشان الدستور يتغير اول حاجة انما انا اعتقد ان اللي حصل ده كله ديرتي جيم و اشترك فيه سواء كانوا يعلمون ام لا يعلمون بكل اسف الاخوان المسلمون
اللي انا ملاحظه دلوقتي ان فيه اشياء كتير معلقة بدون ابداء اي اسباب بدون ان يدري احد - اهمها انه بعد شهرين من الثورة لا احد يعلم رصيد الرئيس السابق كام و الافراج عن الظباط المتورطين في قتل بعض شهداء الثورة لولا ان الاهالي قاموا بأحراق قسم الرمل فرجعوا تاني و جددوا حبسهم
ايضا اثناء لقاء الجمل مع مني الشاذلي اللقاء كان بيدار بشكل غريب الاطوار جدا يعني الموضوع اللي محير كل الناس امبارح و هو مناقشة المادة التانية نجد ان الست مني تخلي السؤال ده آخر سؤال خصوصا بعد قفل الاتصالات التليفونية و سيادته لم يجب علي السؤال اصلا فبصراحة انا بدأت ارتاب من هذا الرجل و مش حرتاح الا لما الراجل ده يمشي
اللي حصل حصل بقي بس للاسف كان المفروض كلنا نقول لأ

[tiger45]

ربنا يلطف بينا