مس انشراح

[amado ibrahim]

Which grade are you in

حلو السؤال ده

طب انا عايزك ترجع بالذاكرة لورا وتقولى

امتى كنت تقدر تجاوب السؤال ده

فى الحضانة (Kinder Garten)

يبقى انت خريج مدارس عالية الجودة

فى ابتدائى

يبقى انت خريج مدرسة محترمة

فى اعدادى

يبقى انت خريج مدرسة معقولة

فى ثانوى ومش فاهم معنى السؤال

يبقى انت كنت عند مس انشراح فى الفصل وانت فى ابتدائى

اتخرجت من الجامعة و مش عارف معنى السؤال

يبقى انت اكيد اكيد فى مصر يا معلم

هرجنا كتير و ضحكنا كتير

نرجع بقى لمس انشراح

ودى عبرت عنها الممثلة حنان الطويل ببراعة غريبة فى فيلم الناظر

مس انشراح بتاعة انجليزى ابتدائى

و بى تقيلة و بى خفيفة

فاهم والا انت باصصلى فى السندوتش

و فلوس المجموعة لابطح نفسى عليكم ( خريجة ضرب شكمبة سكول <تعليم راقى>)

للاسف النوع ده بيمثل حوالى 95% من مدرسى الابتدائى الحكومى فى ايامنا الحالية

وللاسف الشديد

مدرسيين ابتدائى و المحليات والشرطة هى الجهات التلاتة اللى عايزة تتحل كلها ويعاد تشكيلها من اول و جديد

لكن بينى و بينكم مدرسين ابتدائى اكثر خطرا من الجميع

لانهم بيضربو البلد فى مستقبلها

تلاقى المدرس من دول عنده فى الفصل خمسين طالب

كلهم كلهم لازم لازم ياخدو مجموعة

ايوة هى كده اتاوة

واللى ميخدش مجموعة يتم اغتياله نفسيا وهو طفل فى ابتدائى

تخيل انك تروح مدرسة

تلاقى بنت قاعدة على السلم فى عز برد شهر يناير

أنا: قاعده ليه كده ياماما
البنت(ترتعد بردا): المس قالتلى اقعدى كده مدام مبتخديش معايا مجموعة
أنا (مذهولا): امال فين والدك أو والدتك
البنت: ليه
انا: لازم تقوليلهم
البنت: حاضر

بعد اسبوع تاتى الام لتتشاجر
و تتهدد بالذهاب للادارة التعليمية
ساعتها فقط تبتدى المحايلة
بلاش اذية بلاش قطع عيش

تفتكرو ايه الحل مع العينة دى


اخيرا

حكمة اليوم (مش احنا فى المدرسة)

من اقوالغاندي
(نحن دولة فقيرة جداً لدرجة أننا يجب أن ننفق بسخاء عليالتعليم)

[تامر.محمد]

زي ما بيلاقي الواحد فينا مشاركات بيستخسر الوقت اللي قراها فيه

زي ما بصراحة بيلاقي مشاركات تستحق انها تتقري كذا مرة

تحياتي تاني سنيور امادو

[tito_1980]

التعليم في مصر كله عايز الحرق بجاز

[ainshouka]

دا نتاج نظام فاسد كان عاوز كده عشان يخلى الناس مشغولة باستمرار ورا لقمة العيش عشان تعلم ولادهاوتخلى حال المدرس تعبان عشان يلجا للدروس الخصوصية

لو اتحسن النظام حيتحسن التعليم لانه ساعتها حيكون قلبه على البلد

ايه اللى خلى الناس ابتدت تبص بامل ناحية الغد غير ان النظام الفاسد انتهى سلطته

[amado ibrahim]

زي ما بيلاقي الواحد فينا مشاركات بيستخسر الوقت اللي قراها فيه

زي ما بصراحة بيلاقي مشاركات تستحق انها تتقري كذا مرة

تحياتي تاني سنيور امادو

ربنا يكرمك و يعزك

برضه يهمنى اعرف رائيك العملى

عايزين افكار

حلول

اقتراحات

تصورات

لحل مشكلة مس انشراح و امثالها

[icehearted girl]

يعني ايه ميس...!!

[amado ibrahim]

يعني ايه ميس...!!

مس انجليزى امريكانى
ميس انجليزى بريطانى

او حذفت الياء لالتقاء الساكنين

حلو الفتو ده
اهو اى عبط والسلام

دى اخرة التعليم المصرى

الله يخرب بيتك يامس او ميس انشراح

تقبلى تحياتى

[osama.m]

ابتدائي و اعدادي و ثانوي و جامعة كمان
و انا في 5 ابتدائي كان عندي المدرس بتاع العلوم كان اسلوبة حلو جدا و كان محببني في المادة و عشان كدا بفهمة بسرعة
في حين ان :] المدرس بتاع الرياضيات كان بيضرب .. عشان كدا لحد دلوقتي بكرة حاجة اسمها ارقام

[م. حاتم السباعي]

الاخ الغالي ( امادو )
بما انك فتحت ملف التعليم سأشارك في موضوعك القيم بقصة واقعية
( شاهد عيان علي استهتار بعض المدرسين المصريين للاسف بعد 25 يناير و لا كأنك يا ابو زيد ما غزيت ) و اسف للاطالة اولا و اخيرا
نبذة اولا عن صاحبة القصة ( طفلة متفوقة في الصف الاول الاعدادي كانت الاولي علي مدرستها بمدرسة حكومية و هي في الصف السادس الابتدائي و حتي الان لم تستلم اللاب توب المخصص لها من الوزارة و لا نعلم هل هوه تايه بين الادارة التعليمية ام مخازن الوزارة ام ام ام ) المهم رضينا بالوضع بعد مشوار سخن لكي لا يضيع حق الطفلة فلما عجزنا توقفنا و البنت دخلت مدرستها الاعدادية الحكومية
الحمد لله استمرت علي مستواها و بدأت تشتكي من بعض مضايقات من مدرسة العلوم شوية و مدرس الانجليزي شوية محاولة تلقيح كلام علشان الدرس او المجموعة يرسل مع زميلاتها كلمات مثل انا مش مصدق انها مبتخدش درس بره طب يا بنات خلوها تقولكم هيا بتاخد عند مين فلما يقولو له انها لا تأخذ درس و يصرو علي ذلك فيضطر ان يوقف تكرار الاسئلة ثم تأتي مدرسة العلوم و تلقح بكلام انتي مش هتخشي المجموعة و لا ايه انا عرفت ان والدك متوفي طب بلاش درس فيه مجموعة مخفضة و المجموعة يا ماما مش غالية اوي يعني قولي لماما بس و هيا هتديكي فترد عليها الطفلة بكل برائة ( هوه انا يا ميس ضعيفة علشان كده حضرتك عوزاني ادخل المجموعة ) فترد عليها بأنفعال لا يا حبيبتي بس الاحسن طبعا تدخليها علشان لو نسيت حاجة في الحصة بقولها في المجموعة ( شفتو المنطق الجميل ده ) المهم البنت و مامتها و خالها اللي هوه العبد لله لا نهتم بهذا الكلام لاننا مطمئنين علي بنتنا و لكن لا تتخيلو الكلام ده بيحطم ازاي في نفسية البنت
الترم اللي فات خلص و النتيجة ظهرت و كانت المفاجئة صادمة
الدرجات كالاتي:-
المادة _اعمال السنة___ الامتحان التحريري اخر العام
عربي _ ( 45 ) ___ ( 46 )
انجليزي_ ( 50 ) ___ ( 49 )
رياضيات _ ( 50 ) ___ ( 50 )
دراسات _ ( 50 ) ___ (50 )
علوم _ ( 37 ) ___ ( 50 )
رسم _ ( 28 ) ___ ( 48 )
كمبيوتر _ ( 38 ) ___ ( 50 )
---------------------- ----------------------------
---------- 298 ( 350 ) --- 343 ( 350 )
و اخيرا النتيجة النهائية
641 من اجمالي 700 درجة
يعني البنت فقدت سبع درجات في امتحان اخر الترم
و تفقد 52 درجة كاملة في اعمال السنة
طبعا جلسنا معها و القينا عيها بالعتاب البسيط في انها فقدت السبع درجات التحريري و بأنها هي ايضا مشتركة في الذي حدث و بصراحة اخبرناها انها لا يجب ان تلتفت لذلك المهم عندنا الشهادة في تالتة اعدادي بأذن الله
و ذهبت و الدتها و سألت علي النتيجة فأخبروها بأنها كده عادي و متقلقش
و عدي كام يوم منذ انتظام الدراسة و اذا بالبنت تعود يوما للبيت منهارة فيه ايه يا بنتي ( الام سائلة ابنتها ) البنت باكية النهاردة دخلو الفصل و نادو علي البنات الاوائل في المدرسة علشان هيكرموهم في الطابور و مفيش في فصلي غير ( فلانة ) اللي هيا بنت استاذ فاضل معها في المدرسة و هيا كانت مع بنت اختي في ابتدائي و كان ترتيبها الثالثة علي المدرسة
و طبعا انت و اخد بالك بقي من الحماسة و الغيرة المحمودة بين البنات في السن ده و بكت البنت و قالت لوالدتها انها لن تذهب للمدرسة يوم التكريم
فأتصلت بي اختي تحكي لي ما حدث من تطور فتاني يوم ذهبنا للمدرسة و انا مقرر ان لو لم نأخذ حقنا سوف اصعد الموضوع للادارة التعليمية
قابلنا مدرس ابن حلال و حكينا اللي حصل و قلت له انا مش عاوز اروح للادارة و حينما نظر للشهادة و كنت معلم علي الفضيحة اخبرني بأنه هيشوف الموضوع بنفسه كان فاضل حصتين علي ميعاد الخروج انتظرنا البنت خارج المدرسة و اثناء خروجها و جدناها مع زميلاتها و كأنها حاصلة علي كأس الجمهورية و بيجرو علينا و اخبرتنا ان المدرس طلع ليها الفصل اخر حصة و اخبرها انهم عدلو النتيجة و اصبحت السادسة علي الصف الاول الاعدادي علما بأن هذا الصف به ( 24 فصل ) كل فصل يجي 45 فيما فوق طيب يا حبيبتي ازاي ده حصل اخبرتنا ان مدرسة العلوم قالت اصل انا كنت جامعة درجاتها غلط و هيا المفروض تأخذ 47 مش 37 و الرسم المدرسة قالت لا دنا مدياها 50 مش 28
و الكمبيوتر قالت لا دي درجاتها 43 مش 38
و طبعا هذا المدرس بارك الله فيه و لكن الملفت للنظر ان الكمبيوتر مثلا لو البنت قفلت فيها هتصبح بدل السادسة ستصبح الاولي بفضل الله
مش مشكلة المهم ما اردت ان اوصله لكم من كل هذه القصة الغلسة الطويلة اعذروني اردت منها ان انبه بأننا كلنا مسئولون عن صورة بلدنا و نهضتها
لو فيه ناس افتكرت ان موضوع ان مبارك و الكام وزير هما اللي كانو ملوثين البلد و سيظل كل واحد في عمله يطلب الكمال خارجيا و عندما يأتي الموضوع عنده تحدث الاعذار و الاحتجاجات و اللزي منه فلن نخطو خطوة واحدة للامام
و قال الله تعالي ( وَيْلٌ لِلْمُطَفِّفِينَ (1) الَّذِينَ إِذَا اكْتَالُوا عَلَى النَّاسِ يَسْتَوْفُونَ (2) وَإِذَا كَالُوهُمْ أَوْ وَزَنُوهُمْ يُخْسِرُونَ ) صدق الله العظيم

م.حاتم السباعي

[icehearted girl]

بصراحة..اتأثرت جدا بقصة بنت اخت حضرتك..لأاني اتعرضت لقصة مشابهة ليها جدا مرتين ف نفس السن تقريبا

[أحمد كمال]

مس انجليزى امريكانى
ميس انجليزى بريطانى

او حذفت الياء لالتقاء الساكنين

حلو الفتو ده
اهو اى عبط والسلام

دى اخرة التعليم المصرى

الله يخرب بيتك يامس او ميس انشراح

تقبلى تحياتى

المشكلة ان اغلب اللي بيتقال لهم ميس دول بيبقى معاهم نص دستة عيال

ماحدش خد باله من النقطة دي ؟؟؟؟؟ ليه ما كانوش بيتقال لهم مسز ؟؟؟؟؟؟

[م. حاتم السباعي]

بصراحة..اتأثرت جدا بقصة بنت اخت حضرتك..لأاني اتعرضت لقصة مشابهة ليها جدا مرتين ف نفس السن تقريبا

اشكر لحضرتك الاهتمام
انا حسيت ان الموضوع مهم لاحساسي ان كثير من الاعضاء منتظرين التغيير يحصل في البلد لمجرد ان الرئيس اتخلع و ان الوزير اتفضح و المحافظ هينطرد و اللي هؤلاء الاشخاص لا يعلمونه ان بداخل كل منا مبارك فلو اننا بدأنا من اليوم في السعي للتغير من سلبياتنا بسرعة و بدون انتظار العقاب حين نخطئ اتوقع النتيجة ستكون نجاح بأمتياز لهذا البلد العظيم بأذن الله

م.حاتم السباعي

[amado ibrahim]

ابتدائي و اعدادي و ثانوي و جامعة كمان
و انا في 5 ابتدائي كان عندي المدرس بتاع العلوم كان اسلوبة حلو جدا و كان محببني في المادة و عشان كدا بفهمة بسرعة
في حين ان :] المدرس بتاع الرياضيات كان بيضرب .. عشان كدا لحد دلوقتي بكرة حاجة اسمها ارقام

كلامك سليم

لكن مدرس ابتدائى الاكثر خطورة

الطالب اللى بيعدى من ابتدائى صح ميتخفش عليه

الاخ الغالي ( امادو )
بما انك فتحت ملف التعليم سأشارك في موضوعك القيم بقصة واقعية
( شاهد عيان علي استهتار بعض المدرسين المصريين للاسف بعد 25 يناير و لا كأنك يا ابو زيد ما غزيت ) و اسف للاطالة اولا و اخيرا
نبذة اولا عن صاحبة القصة ( طفلة متفوقة في الصف الاول الاعدادي كانت الاولي علي مدرستها بمدرسة حكومية و هي في الصف السادس الابتدائي و حتي الان لم تستلم اللاب توب المخصص لها من الوزارة و لا نعلم هل هوه تايه بين الادارة التعليمية ام مخازن الوزارة ام ام ام ) المهم رضينا بالوضع بعد مشوار سخن لكي لا يضيع حق الطفلة فلما عجزنا توقفنا و البنت دخلت مدرستها الاعدادية الحكومية
الحمد لله استمرت علي مستواها و بدأت تشتكي من بعض مضايقات من مدرسة العلوم شوية و مدرس الانجليزي شوية محاولة تلقيح كلام علشان الدرس او المجموعة يرسل مع زميلاتها كلمات مثل انا مش مصدق انها مبتخدش درس بره طب يا بنات خلوها تقولكم هيا بتاخد عند مين فلما يقولو له انها لا تأخذ درس و يصرو علي ذلك فيضطر ان يوقف تكرار الاسئلة ثم تأتي مدرسة العلوم و تلقح بكلام انتي مش هتخشي المجموعة و لا ايه انا عرفت ان والدك متوفي طب بلاش درس فيه مجموعة مخفضة و المجموعة يا ماما مش غالية اوي يعني قولي لماما بس و هيا هتديكي فترد عليها الطفلة بكل برائة ( هوه انا يا ميس ضعيفة علشان كده حضرتك عوزاني ادخل المجموعة ) فترد عليها بأنفعال لا يا حبيبتي بس الاحسن طبعا تدخليها علشان لو نسيت حاجة في الحصة بقولها في المجموعة ( شفتو المنطق الجميل ده ) المهم البنت و مامتها و خالها اللي هوه العبد لله لا نهتم بهذا الكلام لاننا مطمئنين علي بنتنا و لكن لا تتخيلو الكلام ده بيحطم ازاي في نفسية البنت
الترم اللي فات خلص و النتيجة ظهرت و كانت المفاجئة صادمة
الدرجات كالاتي:-
المادة _اعمال السنة___ الامتحان التحريري اخر العام
عربي _ ( 45 ) ___ ( 46 )
انجليزي_ ( 50 ) ___ ( 49 )
رياضيات _ ( 50 ) ___ ( 50 )
دراسات _ ( 50 ) ___ (50 )
علوم _ ( 37 ) ___ ( 50 )
رسم _ ( 28 ) ___ ( 48 )
كمبيوتر _ ( 38 ) ___ ( 50 )
---------------------- ----------------------------
---------- 298 ( 350 ) --- 343 ( 350 )
و اخيرا النتيجة النهائية
641 من اجمالي 700 درجة
يعني البنت فقدت سبع درجات في امتحان اخر الترم
و تفقد 52 درجة كاملة في اعمال السنة
طبعا جلسنا معها و القينا عيها بالعتاب البسيط في انها فقدت السبع درجات التحريري و بأنها هي ايضا مشتركة في الذي حدث و بصراحة اخبرناها انها لا يجب ان تلتفت لذلك المهم عندنا الشهادة في تالتة اعدادي بأذن الله
و ذهبت و الدتها و سألت علي النتيجة فأخبروها بأنها كده عادي و متقلقش
و عدي كام يوم منذ انتظام الدراسة و اذا بالبنت تعود يوما للبيت منهارة فيه ايه يا بنتي ( الام سائلة ابنتها ) البنت باكية النهاردة دخلو الفصل و نادو علي البنات الاوائل في المدرسة علشان هيكرموهم في الطابور و مفيش في فصلي غير ( فلانة ) اللي هيا بنت استاذ فاضل معها في المدرسة و هيا كانت مع بنت اختي في ابتدائي و كان ترتيبها الثالثة علي المدرسة
و طبعا انت و اخد بالك بقي من الحماسة و الغيرة المحمودة بين البنات في السن ده و بكت البنت و قالت لوالدتها انها لن تذهب للمدرسة يوم التكريم
فأتصلت بي اختي تحكي لي ما حدث من تطور فتاني يوم ذهبنا للمدرسة و انا مقرر ان لو لم نأخذ حقنا سوف اصعد الموضوع للادارة التعليمية
قابلنا مدرس ابن حلال و حكينا اللي حصل و قلت له انا مش عاوز اروح للادارة و حينما نظر للشهادة و كنت معلم علي الفضيحة اخبرني بأنه هيشوف الموضوع بنفسه كان فاضل حصتين علي ميعاد الخروج انتظرنا البنت خارج المدرسة و اثناء خروجها و جدناها مع زميلاتها و كأنها حاصلة علي كأس الجمهورية و بيجرو علينا و اخبرتنا ان المدرس طلع ليها الفصل اخر حصة و اخبرها انهم عدلو النتيجة و اصبحت السادسة علي الصف الاول الاعدادي علما بأن هذا الصف به ( 24 فصل ) كل فصل يجي 45 فيما فوق طيب يا حبيبتي ازاي ده حصل اخبرتنا ان مدرسة العلوم قالت اصل انا كنت جامعة درجاتها غلط و هيا المفروض تأخذ 47 مش 37 و الرسم المدرسة قالت لا دنا مدياها 50 مش 28
و الكمبيوتر قالت لا دي درجاتها 43 مش 38
و طبعا هذا المدرس بارك الله فيه و لكن الملفت للنظر ان الكمبيوتر مثلا لو البنت قفلت فيها هتصبح بدل السادسة ستصبح الاولي بفضل الله
مش مشكلة المهم ما اردت ان اوصله لكم من كل هذه القصة الغلسة الطويلة اعذروني اردت منها ان انبه بأننا كلنا مسئولون عن صورة بلدنا و نهضتها
لو فيه ناس افتكرت ان موضوع ان مبارك و الكام وزير هما اللي كانو ملوثين البلد و سيظل كل واحد في عمله يطلب الكمال خارجيا و عندما يأتي الموضوع عنده تحدث الاعذار و الاحتجاجات و اللزي منه فلن نخطو خطوة واحدة للامام
و قال الله تعالي ( وَيْلٌ لِلْمُطَفِّفِينَ (1) الَّذِينَ إِذَا اكْتَالُوا عَلَى النَّاسِ يَسْتَوْفُونَ (2) وَإِذَا كَالُوهُمْ أَوْ وَزَنُوهُمْ يُخْسِرُونَ ) صدق الله العظيم

م.حاتم السباعي

ربنا يكون فى عونك مع مس انشراح و اخواتها

الغرض اننا لازم نصلح نفسنا

لكن اصلاح التعليم الابتدائى ليه اهمية قصوى

لان ده اللى هيطور البلد فعلا

تخيل ان الاستاذ العقاد كان معاه ابتدائية

تخيل نوع الشهادة الابتدائية اللى تخليه يقدر يتعامل و يتفاعل مع كم المعلومات اللى مليانة بيها كتبه

اصلاح التعليم الابتدائى

ومن بعده التعليم الفنى

هى اولى خطوات الاصلاح الحقيقى

ياريت اسمع اقتراحتكم للتطوير

[amado ibrahim]

تربية

علوم

اداب

دار علوم

السن

هو فى كليات تانية بتخرج مدرسين

[Dr_Mido]

موقف مشبه مع مادة الدراسات حصلى انا شخصيا البيه مدرس المادة اول السنه سئلنى على حاجه فانا قلتله دة موكب كان يترأسه فلان وفلان قلى ايه يترأسه دى احنا فى كباريه هنا انا لسانى كان طويل قلتله لا مش فى كباريه بس فى حصه فى مدرسه و الكلمه دى لو دورت عليها فى المعجم اللغوى هتلاقيها صح اتطردت برة الحصه سبته ونزلت معمل العلوم بتاعنا تحت لمدرس العلوم ربنا يجازيه خير انا مخلص من كتير جدا الدراسه فى المدرسه دى و الثانوى كانت مدرسه تانيه والجامعه و بشتغل ولسه بزورة لحد دلوقتى علشان كان راجل محترم هو ومدرس الرياضيات قلى لا طبعا صح وطلعنا فوق الفصل تانى وكلمه ودخلنى الحصه وهو قرفان وانا عادى



تانى مرة كان بيشرح معلومه غلط عن حركه الشمس قلتله المفروض انها تبقى كذا قلى وانت عرفت منين قلتله من كتاب الاستاذ جمال عنايات قلى معرفوش وملكش دعوة بيه وخليك فى اللى انا بقوله وطلعنى برة تانى برضه


روحت البيت حكيت لبابا مكنش بيحضر اى اجتماعات اوليا امور او حاجه اتصل بمديرة مجموعه المدارس لانها كانت مجموعه مدارس تابعه لمدام عواطف سراج الدين وجت حضرت الاجتماع وبابا جه وجاب معاة نسخه من الكتاب و طلب كلمه فى اول الاجتماع قل هعيب انك تقول معلومه غلط و مش عيب انك تاخد معلومه صح من طالب متقللش منك ولو انت مدرس دراسات ومتعرفش مين جمال عنايات ومتعرفش الفرق بين الرقص والترأس يبقى انت اساسا متستاهلش دخول باب فصل تخرب دماغ الطلبه خد وقف شهر و مشوة من المدرسه و بعديها من ساعتها انا بحب الرياضه جدا والعلوم جدا وبكرة الجغرافيا و التاريخ لابعد مايمكن ان تتخيلوة