نداء الي العضو (dr-mohamed)استفسار حول(السلفيين المرعبين)

[MEDO84EG]

الخلاصه وعلي بلاطه ....
الانتقادات الموجهه كلها اعلاميه ومفيش سند علي اللي قال الكلام ده ولو قصدك علي هدم الاضرحه...المفتي رد عي اللي عايز يهدم الاضرحه مش علي السلفيين ....وعلي فكره مفيش حد طلع قال السلفين قالو كده ولا فيه دليل اتهام واحد
السلفيين كل اللي قالوه ان الاضرحه والتمسح بيها حرام وده مش كلامهم ده كلام كل مسلم عاقل
بلاش ليه كل الدوشه علي السلفيين دلوقتي مش ايام حسني مبارك.......
حتي القرضاوي بيتكلم علي اللي بيتدخل سياسيا دلوقتي مش علي فكره السلف نفسها
من الاخر الموضوع لعبه سياسه مش دين

بارك الله فيك اخي في الله
و الله هو الموضوع باين جدا بس مش فاهم ازاي ده مش واضح للناس

[hobiko]

بسيطه ياعني ايه سلفي ......يعني كل ما يعمل بكتاب الله وسنه نبيه ويتبع السلف الصالح
حتي شيوخ الازهر والقرضاوي والعديد من اهل العلم ...كل دول اسمهم تابعي كتاب الله وسنه رسوله والسلف الصالح
..................
نيجي للسلفين الحاليين ( حسب المصطلح الاعلامي المضلل) هما فئه برضه قررت تتبع اشد الامور يعني ايه
يعني مثلا الحجاب ولا النقاب ...تتخذ النقاب
صلاه في البيت ولا الجامع .....لا الجامع
صلاه العشاء تاخر ولا تقدم ....يحبب التاخر
قيام ليل طول السنه.....نعم
عمل المراه .....ممنوع الا بشروط ...عدم الاختلاط....والحاجه الماسه للعمل
وغيرها من الامثله فيها امر مخفف وفيها الاكبر ...هما بياخدو علي طول تنفيذ الامر بقوته مالم يكن هناك مانع شرعي
في حين ان اغلب المسلمين حاليا الظهر ياذن ....ممكن نستني ونصليه في البيت وحيبقي في وقته برضه
السنن ساعات وساعات ......قيام ليل ممكن في رمضان بس
وغيرها من الامثله
ده معناه ايه هما حيخشو الجنه وانا لا ......لا طبعا بس هما حيبقي ثوابهم اعلي من عندي...والله اعلم
يعني من الاخر مسلمين عاديين قررو يشدو علي انفسهم ويلتزمو بقوه ايمانا منهم ان القابض علي دينه كالقابض علي الجمر واننا في زمن الفتن
يبقي ايه الغلط في ده......صحيح منهم ناس مش صح بس دول بشر واكيد في من كل الاطياف والعقليات
وبمثال اخر .....مش الاسلام فيه المذاهب الاربعه وفيه منهم مذاهب اشد في الامر من مذهب اخر....ليه مطلعش علي دول نفس الموال الحالي
من الاخر كده
ده مسمي اطلق علي الاكثر حرصا علي الاسلام من ناس خائفه من الاسلام ......
المفروض احنا نعمم المعني الصح للسلف ومنسمحش لخلط المفاهيم
.........

انا برضه لسه بسأل عشان أفهم


بالمعنى ده ...... كلنا سلفيين


كلنا بنتبع الرسول صلى الله عليه و سلم فى سننه و تعاليمه ووصاياه


بس بنسب مختلفة و بناخد بأحكام و فتاوى مختلفة شوية فى الفروع ......


جماعة الدعوة السلفية او السلفيين حسب المعنى الدارج ...... بياخدوا بأشد الأمور على حسب كلام حضرتك


لكن هناك بعض المناهج الأخرى التى تأخذ ببعض التيسير فى بعض الأمور فى الفروع


لكن باتباعى المناهج الأخرى و عدم اتباعى منهج الدعوة السلفية ...... ممكن اكون مسلم صالح و متدين فى نظر اصحاب الدعوة السلفية ولا أقصد التكفير ؟؟؟

يعنى فى نظرهم ...... لو اتبعت منهج من المناهج الأخرى غير المنهج السلفى بالمعنى الدارج ينفع اكون برضه مسلم متدين وصالح ؟؟؟ و تانى لا أقصد التكفير لكن اقصد الفرق بين المسلم العادى و المسلم المتدين


انا فاهم صح ولا بخرف ؟؟؟؟؟

[MEDO84EG]

يا سيدي ابقي علي اي مذهب او فرقه
بس اتبع السنه الصحيحه و السلفيين نفسهم يشيلوك فوق دماغهم
بس بقولك المهم اتباع السنه الصحيحه و بالفهم الصحيح
و اعتقد قصدي باين
علشان انا عارف ان هيطلع علينا زملاء من المنتدي هيحوروا كلامي

[enas75]

انا برضه لسه بسأل عشان أفهم


بالمعنى ده ...... كلنا سلفيين


كلنا بنتبع الرسول صلى الله عليه و سلم فى سننه و تعاليمه ووصاياه


بس بنسب مختلفة و بناخد بأحكام و فتاوى مختلفة شوية فى الفروع ......


جماعة الدعوة السلفية او السلفيين حسب المعنى الدارج ...... بياخدوا بأشد الأمور على حسب كلام حضرتك


لكن هناك بعض المناهج الأخرى التى تأخذ ببعض التيسير فى بعض الأمور فى الفروع


لكن باتباعى المناهج الأخرى و عدم اتباعى منهج الدعوة السلفية ...... ممكن اكون مسلم صالح و متدين فى نظر اصحاب الدعوة السلفية ولا أقصد التكفير ؟؟؟

يعنى فى نظرهم ...... لو اتبعت منهج من المناهج الأخرى غير المنهج السلفى بالمعنى الدارج ينفع اكون برضه مسلم متدين وصالح ؟؟؟ و تانى لا أقصد التكفير لكن اقصد الفرق بين المسلم العادى و المسلم المتدين


انا فاهم صح ولا بخرف ؟؟؟؟؟

انت فاهم صح ...مش معني انك لا تتبع نفس الفروع والتطبيق تبقي كافر وهما عمرهم ما قالو او عملو كده
هما طبعا حابين ان كل المسلمين يكونو علي درجه الوعي الكامل والقوي.....بس ما هو برضه ربنا هو اللي يسر امور كثيره في الدين..وكل واحد واستطاعته
والا بقي كنت لقيت اللي علي مذهب مالك مكفر باقي المذاهب
من الاخر هما ما بيكفروش حد لان من الايمان انك لا تكفر احد وليها شروط معقده......متقدرش تتهم الناس جزافا
ومش من دعوتهم او اعتقادهم انك مجرد ما قررت تصلي الفرض و تسيب السنه تبقي قصرت ...حتلاقي منهم اللي يجي ويقلك صلي السنه علشان ثوابها كبير وعلشان تقرب من الرسول ويشفعلك يوم القيامه....بس كده الموضوع بسيط....بس للاسف ربنا رزقنا بالاعلام اللي يعز تعقيد الامور ونظريه المؤامره
تصدق بالله انا لاسلفيه ولا حاجه بتعريف الاعلام المضلل....بس ساعات بقول ان اللي بيحصل ده بيفرح حسني مبارك وحبيب العادلي ...اللي زرعوه في الناس من كره وخوف تجاه كل ما هو اسلامي بيحصدوه دلوقتي
وبرضه رجاء خاص ليك ...اكيد حتقابل منهم ناس بتتصرف تصرفات غبيه او واخده الموضوع شمال عالطول
ساعتها افتكر ان الازهر نفسه بكل اعتداله في الامور كان له رئيس يرحمه الله اثار جدلا رهيبا في تصريحاته والفاظه ...معني كده ان كل علماء ومشايخ الازهر كده
كل وسط فيه وفيه ....حكم عقلك واعرف بيقولو ايه وشوف الشرع بيقول ايه ....ساعتها بس حتستريح

..............
احنا كلنا سلفيين بس الاعلام هو اللي بيقسم الناس لفئات..هوه اللي قسمهم اخوان وجماعات سلفيه وجماعات اسلاميه ..علشان يخوف الناس بس لا اكثر ولا اقل

[MEDO84EG]

hobikoالاخ الكريم
نصيحه مني
حاول تعرف اكتر عن السلفيين مش هتخسر شيء
انت سمعت كتير عن السلفيين
من اي مصادر موثوق منها او مش موثوق مش هتفرق
المهم دلوقتي علشان تتأكد من حقيقه فكرهم اسمع منهم
صح ؟
اسمع منهم هتعرف فكرهم ان شاء الله
و احكم و قلنا
و جزاكم الله خيرا علي حوراك المهذب و فكرك المحترم

[hobiko]

شكرا يا فندم على زوق حضرتك ...... وانا فعلا بحاول اقرا عن فكرهم دلوقتى

يمكن اسئلتى دى لأن كان ليا تجربة شخصية قبل الأستفتاء ...... ماكنتش ظريفة بصراحة

بس يمكن ده كان حاجة فردية ....

شكرا ياباشا جدا

[أبومعاذ]

هو ايه الموضوع الغريب اللي فيه نقاش وناس بتسمع بعض ده؟ :) ما شاء الله لا قوة إلا بالله

[محمد محمد]

هو ايه الموضوع الغريب اللي فيه نقاش وناس بتسمع بعض ده؟ :) ما شاء الله لا قوة إلا بالله

بقولك ايه انت قلت كده في الموضوع بتاعي قلبت خناقة بعد كده وربنا ستر.

[MEDO84EG]

لا
الا الخناقات
بلاش خناقات

[MEDO84EG]

ربنا يابرك فيك يا استاذ hobiko
و زي محضرتك تفضلت و قلت
و بردو الواحد بيجمع اراء علشان يكون فكره صحيحه و يبقي علي ارض صلبه
ربنا يبارك فيك و يرينا الحق حقا
و يرزقنا اتباعه
امين

[John_Samy_1]

معلش أنا آسف للتدخل بعد فترة طويلة, اصل واحد من اعز زملائي فالشغل اكتشفت إنه سلفي, هو إنسان ذوق جدا ومتفتح جدا وماكنتش أعرف إنه سلفي غير بالصدفة, دايما نجيب أكل لبعض في الشغل ومن أكتر الناس اللي بتكلم معاهم. ربنا يباركله. قلتله علي اسئلتي وجاوبلي علي معظمها.

بس اعتقد الخبر/مقال ده جاوب علي كتير من اسئلتي
ط§ط³ظ„ط§ظ…ظٹظˆظ† ظƒط§ظ†ظˆط§ ظٹطظ…ظ„ظˆظ† ط§ظ„ط³ظ„ط§ط ظپظٹ ط§ظ„ط³ط§ط¨ظ‚ ظٹطھطط¯ط«ظˆظ† ط¹ظ† ط§ظ„طھط³ط§ظ…ط ط¨ظ…طµط± | ط£ط®ط¨ط§ط± ط§ظ„ط´ط±ظ‚ ط§ظ„ط£ظˆط³ط· | Reuters

[MEDO84EG]

john_samy_1
اهلا بيك
و اشكرك جدا علي حياديتك التامه و عقلك الرائع ما شاء الله
و اشكرك انك لما شفت شيء كويس علي الرغم انه مش من نفس دينك الا انك قلته
بجد اشكرك و احييك
و يا رب ربنا يكرمك بكرم واسع