أنا أتعقدت و جاللي أنهيار عصبي

[tutankhamoun]

السلام عليكم أخوتي الكرام
ما أسوء أن تشعر بأنك غريب في بيتك ......... و أنك أجنبي في بلدك

ما أسوء أن تشعر أنك تكره كل الناس ........ و لا تحب أحد
ما أسوء أن تخرج يوميا للمعاناة و تشعر أنك في منافسة حادة على الطريق و على دورك في الطابور
تأتي علي بعض اللحظات التي أريد أن أبكي فيها ......... و بعض اللحظات الأخرى التي أريد أن أقتل بيدي الأثنين من يسرقني في الطريق أو في الطابور بكل برود و كأن شئ لم يحدث

الناس يا جماعة كرهوني في مصر و في المصريين .......... لدرجة أني مش طايق أخرج في الشارع
أنا بكتب الكلام دلوقتي و أنا حزين و الله العظيم من كثرة الحزن و الآلم الذي أشعر به :(

أنا بالفعل كرهت السيارة و كرهت القيادة و مش طايق نفسي
حتى في الجامع و أنا بصلي مفيش أي نظام و كل واحد بمزاجه و بصراحة بقيت حاجة تقرف

الواحد يبقى سايق العربية في أمان الله و تبقى مثلا داخل على ملف ........ تلاقي واحد ابن 60 * 70 جاي من جنبك دايس بنزين على الأخر و يروح كاسر عليك و بعدين يفرمل ........ يارب أنتقم منهم

تبقى داخل على مفترق طرق و يحصل نفس الموضوع مع الأختلاف إن الأخ يدخل في الحارة المقابلة العكسية علشان يعديك و يكسر عليك

تبقى داخل على مطب و برضه واحد قارص بنزين و يروح داخل أدامك و يروح مفرمل و طبعا أنت لازم تفرمل جامد لأنك هاتخبط فيه !!!

تبقى ماشي في الحارة اليمين ووراك واحد عايز يدخل في شارع يمين فبدل ما يمشي وراك 50 متر و لا حاجة ......... يروح دايس بنزين و يروح كاسر عليك و برضه يفرمل و يلبسك أنت في الحائط

و تلاقي سواق معندوش دم على مطلع كوبري أو مطب صناعي و لاصق فيك ..........
تبقى واقف طابور علشان تدفع فاتورة التليفون أو تشتري تذكرة مترو أو حتى في كارفور ........... و تلاقي الكل جاي يدخل أدامك بدون حتى استئذان و كأنك هواء ........ و كان لا وجود لك

يا جماعة أنا بعمل دلوقتي خناقة كل يوم ......... بجد كل يوم خناقة بسبب السواقة و الطوابير و قلة أدب المصريين

أنا كرهت مصر و اللي في مصر و حكومة مصر و شعب مصر
أنا كرهت نفسي ........ و زهقت من حياتي ......... أنا بجد عايز أعيش في الصحراء بعيد عن الناس و بالذات المصريين ........ مش عايز أشوف أشكالهم ........ مش عايز أشوف و لا وش مصري .......... و للآسف أنا مصري ..........
شوفتوا ازاي الإحساس ده وحش
لما أهلك و ناسك يكرهوك فيهم .......... أهلي و ناسي ...... شعبي .... شعب مصر .......... كرهوني في حياتي ........ بقيت مش بأستمتع نهائيا بأي حاجة بعملها

أخرج أروح كارفور ........ الناس تخبط فيك و مفيش كلمة آسف
الناس تتخطاك بكل برود ......... و مفيش بعد اذنك !!

أول امبارح شوفت عربية و الماتور مدلدل منه حاجة فشاورت لصاحبة العربية و قلتلها ماتورك فيه حاجة مدلدلة ......... راحت قالت بكل برود ما أنا عارف و راحت دايسة بنزين و طارت و أرقمتني بنظرة حقيرة و كأنني حشرة أو كنت أقصد أعاكسها أو شيء من هذا القبيل

جاري ........ لا أعرفه جيدا ......... نسي مفاتيحه في الباب
رحت خبطت على الباب ....... و قلتله أنت نسيت المفاتيح في الباب
راح واخد المفاتيح ........ و قالي شكرا ( و نظرته إلي كأنني سارق أو حرامي ) و راح رازع الباب في وشي و أنا لسه واقف أدام الباب

الناس مبقاش عندها أي ذوق .......... الناس بالفعل بقيت قليلي الذوق جدا

و أنا النهاردة الصبح قاعد مع نفسي ........... بفكر ........ و كل الأفكار الشيطانية دارت في مخي .........

فقلت بدل ما أعمل حاجة غلط ........ أفضفض مع أخواتي على المنتدي ......... أهو أي كلام يصبرني لغاية ما أغور من البلد دي و أرجع أعيش مع الناس المحترمة اللي عمري ما حسيت معاهم هذا الأحساس الشنيع ........ مع أني مش منهم ........ و مع أني أجنبي

و ده اللي هايجنني ........ أعمل أيه يا جماعة ........ أنا مش طايق أخرج أروح أي مكان ......لأنه ببساطة لازم أسوق العربية و الحل الوحيد أني أشتري طيارة هليكوبتر و أتنقل بيها علشان أبقى في السما لوحدي بعيد عن السواقين المصريين

مع أني كنت إنسان هادئ الطباع جدا ......... و اﻵن أصبحت عصبي جدا و أنفعل بسرعة جدا و البركة في سواقين مصر و حسبي الله و نعم الوكيل

أنا بجد عايز أعيط و أبكي و أصرخ ............

[Dr_Mido]

والله حاسس بيك بس انا اتقلمت على الوضع دة
بقيت شرس ومحدش بيقرب منى ويطلع سليم كدة
اتعلم شويه افتاء على شويه نداله على 10 شويات قله ادب
وخد كورس مع سواق ميكروباص مبرشم
وخد قرض من البنك واشتريلك RBG صغير حطه فى الشنطه
واالى يكلمك انسفه بس ولا تزعل
مشكلتك انت محترم فى وقت غلط:D:D:D:D

روق ياراجل دحنا كنا بنقول عليك العاقل اللى هنا:D:D:D
صوت العقل يعنى:D:D
روق كدة:)

[tutankhamoun]

والله حاسس بيك بس انا اتقلمت على الوضع دة
بقيت شرس ومحدش بيقرب منى ويطلع سليم كدة
اتعلم شويه افتاء على شويه نداله على 10 شويات قله ادب
وخد كورس مع سواق ميكروباص مبرشم
وخد قرض من البنك واشتريلك RBG صغير حطه فى الشنطه
واالى يكلمك انسفه بس ولا تزعل
مشكلتك انت محترم فى وقت غلط:D:D:D:D

روق ياراجل دحنا كنا بنقول عليك العاقل اللى هنا:D:D:D
صوت العقل يعنى:D:D
روق كدة:)

و الله يا دكتور ميدو ........... أنا بجد حاسس بآلام فظيعة في صدري من كتر الغيظ
أنا متضايق جدا ......... أنا مش عارف أعمل أيه

حتى أقول أروح الجامع أروق شوية
تلاقي أثنين قاعدين و هاتك يا رغي ........ في بيت الله ........ كلام هايف و صوتهم عالي و متعرفش تركز و أنت بتقرأ القرآن

الناس أخلاقهم في النازل ....... و قريبا ستنعدم تماما

لما تروح تشتري حاجة البياع يقولك على ثمن و لغيرك بثمن تاني و كله حسب اللبس اللي أنت لابسه

مفيش أي أخلاق ......... مفيش ذوق ......... و فيه فوضى و قلة أدب بس

و شكرا على مداخلة حضرتك الكريمة

[SAbuhashem]

على فكرة يا TUT أنا زيك بالظبط متربي و عايش برة ولما جيت مصر إتصدمت صدمات عنيفة من أخلاق بعض المصرين السيئة ولسة بحاول لحد دلوقتي أتأقلم على الغابة إلي في شوارع مصر دي

فعلاً إنت بتحس و إنت ماشي في الشارع انك بني أدم ضعيف أو نقول مستضعف من الوحوش إلي حواليك واللي هيفترسوك في أي لحظه لو مفضلتش صاحي لأي حركة حواليك

بس أقولك على حاجة أنا بحاول أجربها وأحياناً بتجيب نتيجة

إفترض دايماً حسن النية من اللي حواليك حتى لو بتضحك على نفسك يعني لو ميكروباص طلع فجأه من اليمين وكان هيدمر جانب عربيتك قول جوة نفسك أهو مستعجل وبيأكل أولاده

لو واحد ظريف لاصق في عربيتك من ورا وبيقلب نور وعاوز يعدي من فوق عربيتك وسع له وعديه وقول في نفسك اديني أثبت له اني أنا محترم أكتر منه يمكن يتكسف على دمه بعد كدة وعدوانيته تقل لإنه في الاساس مكنش متوقع انك توسع له

اضحك على نفسك يا مان أحسن تعجز بدري يا إما بقولك إيه تيجي نهاجر تاني للأبد أنا ونت :)
تعالى نعيش في ماليزيا أهي بلد مسلم ونضيفة ومنظمة جداً ومش محتاجة فيزا ولا غيره

:(

Thanks
Eng.Sherif Shaker

[Mustafa_Farouk]

كلامك مؤثر جداً ودي الحقيقة بس لازم يكون في أمل لأنك كدة بجد حتتعب جداً.
حول تنفد شوية وتتعامل ببرود أكتر. اعمل نفسك فلبيني.
ربنا معاك ومعنا.

[Islam_galal]

عندك حق في كل اللي قولته
نفس التحربة مريت بيها و النتيجة
إرتفاع في ضغط الدم و قولون عصبي . . . تخيل
العصبيه انت الخاسر الوحيد منها

إزاي تعيش في مصر . . . مش عارف

لكن أكيد بأكبر قدر من البرود حتحافظ علي صحتك

أنا عن نفسي بقيت عصبي جدا و بحاول أغير نفسي ، في أفعالنا اليوميه يحاول كل المصريين أن يظلموا بعض و أصبح ردي عبارة عن إني أقف و اخد حقي بإيدي و بعدين اكتشفت اني مافرقش حاجة عن من انتقضهم

انا حاسس بيك قوي ، ربنا يقويك و يخفف عليك

[m_aash]

الحل الوحيد أني أشتري طيارة هليكوبتر و أتنقل بيها علشان أبقى في السما لوحدي بعيد عن السواقين المصريين

من غير زعل
برضه هاتلاقى طيار إبن 60*70 هاييجى من وراك و يقلبلك نور وممكن يشد و يكسر عليك زى بتوع القوات الجوية فى المناورات, لأنك برضه لسه فى مصر.

ده سلوك و حضارة شعب ومن الصعب تتغير بين يوم و ليلة , فى رأيى لازم كل واحد مننا يعمل حاجتين
أولا يحاول يربى ولاده قدر إستطاعته على إحترام الغير و الطريق والبلد والتعامل الحضارى.
ثانيا نحاول نتكيف وكتير مننا عمل ده مع البيئة و الناس الهمج اللى بيشوفهم كل يوم
وصدقنى هاييجى يوم ينصلح فيه حالنا كشعب وسلوك حضارى.
أكيد ده مش هايحصل بعد سنة وللا عشرة حتى بس اتمنى أن ولادنا لما يكبروا يكون فيه نتايج كويسة , وإحنا مكتوب علينا نستحمل و أمرنا لله.

[tutankhamoun]

على فكرة يا TUT أنا زيك بالظبط متربي و عايش برة ولما جيت مصر إتصدمت صدمات عنيفة من أخلاق بعض المصرين السيئة ولسة بحاول لحد دلوقتي أتأقلم على الغابة إلي في شوارع مصر دي

فعلاً إنت بتحس و إنت ماشي في الشارع انك بني أدم ضعيف أو نقول مستضعف من الوحوش إلي حواليك واللي هيفترسوك في أي لحظه لو مفضلتش صاحي لأي حركة حواليك

بس أقولك على حاجة أنا بحاول أجربها وأحياناً بتجيب نتيجة

إفترض دايماً حسن النية من اللي حواليك حتى لو بتضحك على نفسك يعني لو ميكروباص طلع فجأه من اليمين وكان هيدمر جانب عربيتك قول جوة نفسك أهو مستعجل وبيأكل أولاده

لو واحد ظريف لاصق في عربيتك من ورا وبيقلب نور وعاوز يعدي من فوق عربيتك وسع له وعديه وقول في نفسك اديني أثبت له اني أنا محترم أكتر منه يمكن يتكسف على دمه بعد كدة وعدوانيته تقل لإنه في الاساس مكنش متوقع انك توسع له

اضحك على نفسك يا مان أحسن تعجز بدري يا إما بقولك إيه تيجي نهاجر تاني للأبد أنا ونت :)
تعالى نعيش في ماليزيا أهي بلد مسلم ونضيفة ومنظمة جداً ومش محتاجة فيزا ولا غيره

:(

Thanks
Eng.Sherif Shaker

و الله يا باشمهندس .......... أنا سعيد بمشاركتك قوي و أنا بالفعل اﻵن خطتى رقم واحد و الأولوية عندي دلوقتي ترتيب خروجي من مصر و الرجوع إلى بريطانيا
و ممكن أفكر في ماليزيا ....... و لكن ألن تكون اللغة عائق أمامي ؟؟؟

كلامك مؤثر جداً ودي الحقيقة بس لازم يكون في أمل لأنك كدة بجد حتتعب جداً.
حول تنفد شوية وتتعامل ببرود أكتر. اعمل نفسك فلبيني.
ربنا معاك ومعنا.

شكرا يا أخي مصطفى على المداخلة
و أنا بحاول بالفعل أني أكون بارد ........ بس مش قادر ........ أنا حاسس إني هاتجنن

عندك حق في كل اللي قولته
نفس التحربة مريت بيها و النتيجة
إرتفاع في ضغط الدم و قولون عصبي . . . تخيل
العصبيه انت الخاسر الوحيد منها

إزاي تعيش في مصر . . . مش عارف

لكن أكيد بأكبر قدر من البرود حتحافظ علي صحتك

أنا عن نفسي بقيت عصبي جدا و بحاول أغير نفسي ، في أفعالنا اليوميه يحاول كل المصريين أن يظلموا بعض و أصبح ردي عبارة عن إني أقف و اخد حقي بإيدي و بعدين اكتشفت اني مافرقش حاجة عن من انتقضهم

انا حاسس بيك قوي ، ربنا يقويك و يخفف عليك

شكرا يا أخي إسلام على النصيحة
بس بجد مش قادر ......... خلاص ......... أنا بكيت دموع و أنا بكتب الكلام من كتر الغيظ و حاسس بضيق شديد بجد في صدري و في قلبي و ربنا يستر

من غير زعل
برضه هاتلاقى طيار إبن 60*70 هاييجى من وراك و يقلبلك نور وممكن يشد و يكسر عليك زى بتوع القوات الجوية فى المناورات, لأنك برضه لسه فى مصر.

ده سلوك و حضارة شعب ومن الصعب تتغير بين يوم و ليلة , فى رأيى لازم كل واحد مننا يعمل حاجتين
أولا يحاول يربى ولاده قدر إستطاعته على إحترام الغير و الطريق والبلد والتعامل الحضارى.
ثانيا نحاول نتكيف وكتير مننا عمل ده مع البيئة و الناس الهمج اللى بيشوفهم كل يوم
وصدقنى هاييجى يوم ينصلح فيه حالنا كشعب وسلوك حضارى.
أكيد ده مش هايحصل بعد سنة وللا عشرة حتى بس اتمنى أن ولادنا لما يكبروا يكون فيه نتايج كويسة , وإحنا مكتوب علينا نستحمل و أمرنا لله.

شكرا يا باشمهندس محمد
و أنا بالفعل أتفق معك إن التغيير في الوقت الراهن صعب
و ده اللي مجنني و هايجيبلي العصبي ......... أنا بالفعل تعبت و زهقت و أكتر حاجة مضايقاني ........ إني عارف إن مفيش أمل

[hussein]

الاخ العزيز توت: بالنسبة لموضوع السواقة شوفلك سواق (اذا كان عندك القدرة المالية) انا شخصيا رتبت نفسى على كده و هبدأ ادور على سواق هادى كده وابن حلال وداكمان ممكن يعملك المشاوير اللى مفيش داعى انك تروحها
بالنسبة لموضوع الطابور و السلوكيات : انا معاك اننا شعب همجى و سىء بس زى مقال الاخ شريف حاول تلتمس اعذر ليهم ولو ان الكلام دا صعب جدا
وياريت ياشباب اللى يعرف حاجة تخليه احساسو بالقلق والضغوط اقل يقولى حتى لو كان الحل انى اروح لدكتور نفسانى

[lightspeed]

دا باين على حضرتك انك جبت اخرك(لدرجه التفكير فى الخروج من مصر)
ربنا يصبرك ويصبرنا معاك
وهو ده حال المصريين بعد ما بعدنا عن دينا ودخلت بيوتنا الفيدو كليبات والاغانى والرقص واصبحت كره القدم اهم حاجه عندنا(لدرجه ان لاعب كره القدم بقى اهم من دكتور الجامعه)
يلا معلش...... حاول تتأقلم مع المصريين وزى ما قالك الاخSAbuhashem افترض دايما حسن النيه(والله هتحللك مشاكل كتير)
والله المستعان

[Akram]

التمس الأعذار

إفترض دايماً حسن النية من اللي حواليك حتى لو بتضحك على نفسك يعني لو ميكروباص طلع فجأه من اليمين وكان هيدمر جانب عربيتك قول جوة نفسك أهو مستعجل وبيأكل أولاده

لو واحد ظريف لاصق في عربيتك من ورا وبيقلب نور وعاوز يعدي من فوق عربيتك وسع له وعديه وقول في نفسك اديني أثبت له اني أنا محترم أكتر منه يمكن يتكسف على دمه بعد كدة وعدوانيته تقل لإنه في الاساس مكنش متوقع انك توسع له

يا Tut (إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه).
صحيح الواحد احياناً ممكن يتنرفز لكن انا بقول لنفسي و بقولك إننا لازم نحاول نلتمس الأعذار و منأخدش أي حاجة على أعصابنا ,
أيه المشكلة لما واحد مستعجل و عايز يعدي منك ,
أو واحد رمى عليك ,
أنا احياناً لما بكون مستعجل و فيه ظرف معايا ببقى عايز أوصل بأي طريقة و حاسس ان الناس لازم توسعلى و انها لازم تقدر إن عندي ظرف (طبعاً مع الناس مش عارفة).
حاجة كمان انك و انت نازل لازم تكون مهيأ للزحمة و للناس اللى ماشية بالدراع ,
خلييييييييييييييييييييك كووووووووووووول

[aeid79]

باشا ,

ليه مترجعش انجلترا , انا طبعا معرفش عن وضعك القانوني هناك بس ممكن تعمل Hsmp و تقدر تسافر و تشتغل هناك قانوني.

[tutankhamoun]

باشا ,

ليه مترجعش انجلترا , انا طبعا معرفش عن وضعك القانوني هناك بس ممكن تعمل Hsmp و تقدر تسافر و تشتغل هناك قانوني.

الحمد لله أنا وضعي قانوني جدا في أوروبا كلها و مش أنجلترا بس و ممكن أروح البلد اللي أنا عايزها
بس أنا مش عايز أروح و أتبهدل ماديا ........ فأنا خططي إن شاء الله إني اظبط أحوالي المالية الأول و بعدين أشتري تذكرة السفر ........ و أخذ ديلي في سناني و أهرب من السيرك المصري الكبير

و شكرا على النصيحة .......... بس أيه هي HSMP دي ؟؟

الاخ العزيز توت: بالنسبة لموضوع السواقة شوفلك سواق (اذا كان عندك القدرة المالية) انا شخصيا رتبت نفسى على كده و هبدأ ادور على سواق هادى كده وابن حلال وداكمان ممكن يعملك المشاوير اللى مفيش داعى انك تروحها
بالنسبة لموضوع الطابور و السلوكيات : انا معاك اننا شعب همجى و سىء بس زى مقال الاخ شريف حاول تلتمس اعذر ليهم ولو ان الكلام دا صعب جدا
وياريت ياشباب اللى يعرف حاجة تخليه احساسو بالقلق والضغوط اقل يقولى حتى لو كان الحل انى اروح لدكتور نفسانى

شكرا يا أستاذ حسين على مداخلتك الكريمة
الموضوع مش موضوع سواقة بس
للآسف أنا بكره قلة النظام ........ و مش عارف أغير من نفسي
يعني حتى و أنا راكب ......... دمي بيتحرق برضه
و الأحسن بقى إن الواحد يجيب حد يعيش مكانه !!!!!!!!!!!!!!!!!!!!!!!!!!!!!

دا باين على حضرتك انك جبت اخرك(لدرجه التفكير فى الخروج من مصر)
ربنا يصبرك ويصبرنا معاك
وهو ده حال المصريين بعد ما بعدنا عن دينا ودخلت بيوتنا الفيدو كليبات والاغانى والرقص واصبحت كره القدم اهم حاجه عندنا(لدرجه ان لاعب كره القدم بقى اهم من دكتور الجامعه)
يلا معلش...... حاول تتأقلم مع المصريين وزى ما قالك الاخSAbuhashem افترض دايما حسن النيه(والله هتحللك مشاكل كتير)
والله المستعان

هو من ناحية إن أنا جبت من الآخر ......... فأنا جبت من الآخر من فترة كبيرة و يمكن من أول ما رجعت مصر و لكني كنت أحاول التأقلم و لكن مش قادر

يا Tut (إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه).
صحيح الواحد احياناً ممكن يتنرفز لكن انا بقول لنفسي و بقولك إننا لازم نحاول نلتمس الأعذار و منأخدش أي حاجة على أعصابنا ,
أيه المشكلة لما واحد مستعجل و عايز يعدي منك ,
أو واحد رمى عليك ,
أنا احياناً لما بكون مستعجل و فيه ظرف معايا ببقى عايز أوصل بأي طريقة و حاسس ان الناس لازم توسعلى و انها لازم تقدر إن عندي ظرف (طبعاً مع الناس مش عارفة).
حاجة كمان انك و انت نازل لازم تكون مهيأ للزحمة و للناس اللى ماشية بالدراع ,
خلييييييييييييييييييييك كووووووووووووول

أولا شكرا جدا على مداخلة حضرتك
بس المشكلة تلتمس العذر لمين
للشعب كله ......... كله بيغلط فيك و عايزني لسه ألتمس العذر
ده الكل مستعجل .......... و الكل بيكسر عليك و يزنق نفسه في حته متدخلش عجلة بينك و بينه
و الكل كدا
فصعب إن الواحد يلتمس الأعذار للقطيع كله
صح و لا أنا غلطان

[M_HaFeZ]

والله العظيم ياتوت باشا انت اكتر واحد بيعبر عن اللى جوايا
كل كلامك باشوفه وباعانى منه باستثناء انى مش معايا عربيه دلوقتى
الصفه الشامله فى الشعب المصرى هو عدم التحضر
عدم التحضر يعنى محدش يعمل حساب اللى معاه فى الشغل فى البيت فى الشارع فى المحل فى اى مكان
كله همج وكله غباء فى غباء ... قله الذوق ده شئ عادى جدا جدا
ولازم تعترض مره واتنين وتلاته علشان الناس تاخد بالها ولما تقولهم على اللى بيعملوه ده غلط يبصولك كانك غلطت فيهم بالاهل
فى الشغل تلاقى اللى مش مراعين انهم بيتعاملوا مع بنى ادمين
مع ناس متعرفش هما جايين من انهى ******
اللى تحط لك برفان رخيص ريحته مستفزه جدا جدا من البرفانات اللى كلها زيوت دى وتخنقك
وتكون بتصلى كمان ومحجبه
ولما توصلها عن طريق اخت تانيه ملتزمه فى الشغل ان الموضوع ده بيضايق وخصوصا انها قريبه من الناس والريحه بتضايقهم
نقول للاخت قوليلها بلاش موضوع البرفان المستفز ده وقوليلها الحديث الشريف اللى بيوضح ان المراءه اللى بيظهر عطرها ... تكون زانيه
تقولها ولا كانك منادى
تروح تحجز فى القطر تقف فى دورك منتظر الحجز تلاقى واحد بكل برود داخل مكانك علشان يحجز ... هو انا هوا مثلا ولا مش شايفنى ولا انا صبى شغال عند حد باعتنى احجز له مثلا
واللى يغيظك اكتر انى طويل وضخم يعنى لو اخدتها عافيه محدش يفتح بقه معايا
وللاسف اللى بيعملوا كده بكل برود وتناحه بتتضطر انك توضح انك ممكن توصل للمستوى الهمجى ده فى التعامل ... نظام لو شايف نفسك ! وطبعا الكل بيجيب وراء لما باعمل كده
طيب ليه من الاساس منكونش محترمين
بجد المشكله مش مشكله حكومه
المصرى متعود يمشى بال***** علشان يتعامل كويس مع الناس او يبقى متحضر او ملتزم بالقوانين
شوف المصريين لما بيبقوا فى بلد فيه قوانين مرور صارمه .. هتلاقيهم زى الالف
اول ماينزلوا مصر .. كانهم دخلوا الحمام ... اعمل كل اللى فى نفسك ومن غير خشاء ولا خجل

اعوذ بالله
بجد اى بنى ادم بيفكر انه يبقى محترم او متحضر لازم يعمل زيك كده ويتخانق الف مره فى اليوم ويضطر انه يغلط وياخد سيئات من كلامه ومن التناحه والبرود اللى موجود يومى وفى كل ثانيه
والله انت خليتنى اتكلم عن بلاوى من اللى الواحد بيشوفها دايما كل يوم

[M_HaFeZ]

على فكرة يا TUT أنا زيك بالظبط متربي و عايش برة ولما جيت مصر إتصدمت صدمات عنيفة من أخلاق بعض المصرين السيئة ولسة بحاول لحد دلوقتي أتأقلم على الغابة إلي في شوارع مصر دي

فعلاً إنت بتحس و إنت ماشي في الشارع انك بني أدم ضعيف أو نقول مستضعف من الوحوش إلي حواليك واللي هيفترسوك في أي لحظه لو مفضلتش صاحي لأي حركة حواليك

بس أقولك على حاجة أنا بحاول أجربها وأحياناً بتجيب نتيجة

إفترض دايماً حسن النية من اللي حواليك حتى لو بتضحك على نفسك يعني لو ميكروباص طلع فجأه من اليمين وكان هيدمر جانب عربيتك قول جوة نفسك أهو مستعجل وبيأكل أولاده

لو واحد ظريف لاصق في عربيتك من ورا وبيقلب نور وعاوز يعدي من فوق عربيتك وسع له وعديه وقول في نفسك اديني أثبت له اني أنا محترم أكتر منه يمكن يتكسف على دمه بعد كدة وعدوانيته تقل لإنه في الاساس مكنش متوقع انك توسع له

اضحك على نفسك يا مان أحسن تعجز بدري يا إما بقولك إيه تيجي نهاجر تاني للأبد أنا ونت :)
تعالى نعيش في ماليزيا أهي بلد مسلم ونضيفة ومنظمة جداً ومش محتاجة فيزا ولا غيره

:(

Thanks
Eng.Sherif Shaker

والله مش لازم تكون متربى بره مصر علشان تحس بكده
انا مولود فى مصر ومتربى فيها ومخرجش منها غير مره واحده لاوروبا ولفتره قصيره
بس عارف يعنى ايه تكون محترم او متحضر
عارف ازاى الناس المحترمه بتتعامل مع بعض فى اوروبا او فى اى مكان غير مصر