أنا أتعقدت و جاللي أنهيار عصبي

[tutankhamoun]

طالما انك مخنوق لهذه الدرجة ومش قادر تسيطر على كلماتك بوصف الشعب بالحثالة ومش طايق تبص فى خلقهم ، فأننى الاحظ ان كل مداخلة تأتى بكلمات اصعب من الاولى 000 لذا ارجوك حاول انك تتمالك اعصابك لانك بهذا الشكل تهين الجميع لاننا من شعب مصر وعلى فكرة لية مفكرتش انك تكون انت اللى خانق غيرك .؟
اكيد بكلماتك ديت انت خنقت ناس كتير ، وياريت تأخذ اجازة وتسافر الى اوربا طالما انك بترتاح هناك ويمكن تغير رأيك وترجع وانت مرتاح

فيما يبدو إن حضرتك تضايقت من كلامي بدون أن تفهم ما أقصده
أنا لم اقول أن الشعب حثالة
أنا قلت الجهلة الحثالة !!!!!!!! و دي تفرق لما أوقل إن الجهلة حثالة !!!!

يعني فيه ناس جاهلة و لكنهم ليسوا حثالة
و فيه ناس حثالة بغض النظر عن درجة تعليمهم

و أنا مش بتكلم عن ناس عايشة في الفضاء ........... أنا بتكلم عن المصريين اللي أنا منهم ............ و أنا مصـــــــــــــري

و بعدين حضرتك بتقول ......... ليه مفكرتش إنك انت اللي خانق غيرك ؟؟

أنا و الحمد لله مستقيم جدا في تعاملاتي ......... معنديش إلا 1+1 = 2

و هذه المعادلة عند كثير من المصريين غير صحيحة ( المصريين اللي أنا و أجدادي منهم )

ماشي يعني أنا بتكلم على نفسي قبل الناس
و لكن
لما ييجي جاري و يرمي زبالته جنب باب جنينتي .......... يبقى أيه ؟؟ مين اللي خانق مين ؟؟

لما السواقين بلا استثناء يزنقوا عليك في الشارع ؟. يبقى مين خانق مين ؟؟
لما كل الناس و أنت واقف طابور تيجي تخش من جنبك و تزوقك بكل بجاحة و برود و كأتك هوا ........ و كأنه لا وجود لك ........... يبقى مين خانق مين ؟؟

لما تخش محل تشتري حاجة و تبص متلقيش أسعار على الحاجة و بعد ما تشتري ........... تلاقي غيرك دخل و فاصل و أخذها أرخص منك بالنص
يبقى مين اللي خانق مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لما الناس تسيب الرصيف و تمشي في الشارع و تزمر للناس و تبص تلاقيه بيبص عليك بقرف شديد !!!!!!!!!!! مع أنه هو اللي ماشي في طريق العربيات و مش أنا اللي طلعتله الرصيف !!!!!!!!!!!! يبقى مين خانق مين ؟؟؟؟

و لو عايزني أكمل حكايات لبكرة .......... أنا مستعد

و مش ملاحظ حضرتك إن انت الوحيد اللي متضايق من كلامي ؟.؟؟؟؟؟؟؟؟؟؟؟؟؟

و مع ذلك أنا أتآسف بشدة لحضرتك إذا كان الكلام ضايقك
و لكني لا أكذب و لا ألصق التهم بالمصريين ......... لأن أحوالنا تتحدث عنا

كفاية إن أحنا سمعتنا برة مصر زي الزفت .......... و بسبب مين ......... الحثالة اللي أنا كنت بتكلم عليهم

[tutankhamoun]

اجازة في الغردقة او شرم الشيخ
او في اي منتجع من " مصر التانية "
و ترجع ذي الفل ان شاء الله .

@ محمد المشد

ياسيدي ماتكبرش الموضوع و الراجل اعتذر عن الكلمة بالفعل .

شكرا أخي الكريم " كريم باشا "

أنا بالفعل كل لما كنت أزهق أروح رايح الغردقة أو الإسماعيلية و الفيوم و الأسكندرية

و بالفعل بلدنا جميلة .............. و نخربها بأيدينا ...........

و لكن ليس حل ........... لأني و أنا رايح ووانا جاي بأقابل في الشارع سواقين عايزين الإعدام في ميدان عام ............ و تحس إنك داخل لعبة أتاري ......... مفيش حساب للأرواح .............. نهائيا .

و شكرا مرة أخرى على مداخلتك هذه الرقيقة الجميلة

[ASD peugeot]

انا عندي مصر بإختصار شديد كالتالي
مصر هي امي هي حته مني
متقولش مصر ادتنا ايه قول انت هتديها ايه
و علي رأي جمله سمعتها في برنامج علي الجزيره و كان المذيع هو اللي قالها
قال بالحرف الواحد او بنص كلامه لاني عمري ما هنساها
(حتي الزباله اللي في الشوارع بحبها)
طبعا انا متعاطف جدا من كلامك يا استاذ توت من الاحوال التي نعيشها حاليا ككل في بلدنا الحبيبه ولاكن يجب ان نعلم جميعا ان بلدنا لسه بخير طول فيها انت وانا و كل واحد بيراعي ربنا انا عن نفسي لو رحت افضل مكان في العالم هتمني اني ارجع بلدي و ابوس كمان التراب بجد ان بحب مصر بلدي جدا و بتمني الاحول تتصلح بس يمكن احنا جينا في زمن غير الزمن ان شاء الله اللي مصر هتكون عليه ادام
تحياتي ليك يا استاذ توت
اشهد ان لا اله الا انت سبحانك اني كنت من الظالمين

[محمد المشد]

فيما يبدو إن حضرتك تضايقت من كلامي بدون أن تفهم ما أقصده
أنا لم اقول أن الشعب حثالة
أنا قلت الجهلة الحثالة !!!!!!!! و دي تفرق لما أوقل إن الجهلة حثالة !!!!

يعني فيه ناس جاهلة و لكنهم ليسوا حثالة
و فيه ناس حثالة بغض النظر عن درجة تعليمهم

و أنا مش بتكلم عن ناس عايشة في الفضاء ........... أنا بتكلم عن المصريين اللي أنا منهم ............ و أنا مصـــــــــــــري

و بعدين حضرتك بتقول ......... ليه مفكرتش إنك انت اللي خانق غيرك ؟؟

أنا و الحمد لله مستقيم جدا في تعاملاتي ......... معنديش إلا 1+1 = 2

و هذه المعادلة عند كثير من المصريين غير صحيحة ( المصريين اللي أنا و أجدادي منهم )

ماشي يعني أنا بتكلم على نفسي قبل الناس
و لكن
لما ييجي جاري و يرمي زبالته جنب باب جنينتي .......... يبقى أيه ؟؟ مين اللي خانق مين ؟؟

لما السواقين بلا استثناء يزنقوا عليك في الشارع ؟. يبقى مين خانق مين ؟؟
لما كل الناس و أنت واقف طابور تيجي تخش من جنبك و تزوقك بكل بجاحة و برود و كأتك هوا ........ و كأنه لا وجود لك ........... يبقى مين خانق مين ؟؟

لما تخش محل تشتري حاجة و تبص متلقيش أسعار على الحاجة و بعد ما تشتري ........... تلاقي غيرك دخل و فاصل و أخذها أرخص منك بالنص
يبقى مين اللي خانق مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لما الناس تسيب الرصيف و تمشي في الشارع و تزمر للناس و تبص تلاقيه بيبص عليك بقرف شديد !!!!!!!!!!! مع أنه هو اللي ماشي في طريق العربيات و مش أنا اللي طلعتله الرصيف !!!!!!!!!!!! يبقى مين خانق مين ؟؟؟؟

و لو عايزني أكمل حكايات لبكرة .......... أنا مستعد

و مش ملاحظ حضرتك إن انت الوحيد اللي متضايق من كلامي ؟.؟؟؟؟؟؟؟؟؟؟؟؟؟

و مع ذلك أنا أتآسف بشدة لحضرتك إذا كان الكلام ضايقك
و لكني لا أكذب و لا ألصق التهم بالمصريين ......... لأن أحوالنا تتحدث عنا

كفاية إن أحنا سمعتنا برة مصر زي الزفت .......... و بسبب مين ......... الحثالة اللي أنا كنت بتكلم عليهم

يا اخى الفاضل
انا لست الوحيد الذى تضايقت منك كما قلت ويا ليتك تعيد قراءة ما كتب ، ولكن انا اردت التهوين عليك واقسم لك بالله اننا جميعاً متضايقين من الكلمات التى نسمعها هنا فى السعودية عن المصريين وكم هم يفعلون كذا وكذا 000 الخ لاارغب فى سرد ما نسمعة واتفق معك ان سمعتنا سيئة ولكن كل ما اقولة لسعادتكم لا داعى لان نكرر كلمات بعض الناس الذين ينعتون الشعب المصرى ، خاصة وان منهم من يستشهد ببعض كلمات المصريين انفسهم ويقول شوف المصريين متضايقيين من بلادهم ازاى !
عموما اكرر لسعادتكم مع ان قلت كلمة كان يجب الا تكتبها وهى ان انا لم افهم ما اقصدة 00 وهو تعبير اعتقد انه خان سعادتكم فى المعنى عموما اشكرك واعرفك بأننى لست الوحيد المتضايق من الموضوع واشكر سعة صدركم والخلاف بيننا لن يفسد للود قضية

[tutankhamoun]

انا عندي مصر بإختصار شديد كالتالي
مصر هي امي هي حته مني
متقولش مصر ادتنا ايه قول انت هتديها ايه
و علي رأي جمله سمعتها في برنامج علي الجزيره و كان المذيع هو اللي قالها
قال بالحرف الواحد او بنص كلامه لاني عمري ما هنساها
(حتي الزباله اللي في الشوارع بحبها)
طبعا انا متعاطف جدا من كلامك يا استاذ توت من الاحوال التي نعيشها حاليا ككل في بلدنا الحبيبه ولاكن يجب ان نعلم جميعا ان بلدنا لسه بخير طول فيها انت وانا و كل واحد بيراعي ربنا انا عن نفسي لو رحت افضل مكان في العالم هتمني اني ارجع بلدي و ابوس كمان التراب بجد ان بحب مصر بلدي جدا و بتمني الاحول تتصلح بس يمكن احنا جينا في زمن غير الزمن ان شاء الله اللي مصر هتكون عليه ادام
تحياتي ليك يا استاذ توت
اشهد ان لا اله الا انت سبحانك اني كنت من الظالمين

و مين قال إن أنا بكره مصر ؟؟؟؟؟؟؟؟؟؟؟

أنا مصر بالنسبة لي وطني الأول و الأخير
وطني اللي رباني ......... و علمني ........ و أكلت من خيره ......... وطني و تراب وطني على رأسي من فوق

أنا مخنوق من معاملة الناس القذرة .... مش أكتر

و أنا على فكرة ......... ممكن أكون وطني أكتر من الناس اللي بتدافع عن مصر بإستماتة و كأن كل شئ على ما يرام

و يكفيني أنني أشتري منتجاتي كلها ................ " صنــــــع فـــــي مــــصــر "

أليس ذلك أكثر عملية ممن يدافعون عنها بالكلام فقط ............
أنا قلت كدا و لا أقصد أي أحد هنا و لكن لتوضيح نقطة مهمة و أني لا أكره بلدي إطلاقا ,,,,,,,,,,,, لأنني و ببساطة مـــصـــري ابن مــــصــــري


بجد شكرا يا جماعة على مداخلتكم و مواستكم لي

[mohamed_88sk]

والله يا أستاذ توت كلامك عن ما أل إليه حال المصرين (إلا من رحم ربي) صحيح 100% للأسف ..
على فكرة أنا لسه حكمل 20 سنه كمان كام يوم وتخيل عندي إيه أمراض .. أرتفاع ضغط دم و حساسية عصبيه ... كل ده بسبب القرف اللي بشوفه هنا .. والتعاملات بين الناس حتى الشخصيات المحترمه للأسف وأقرب الأقربين والأصدقاء المقربين وده للأسف سبب اللي عندي...
أنا لما كنت بأقيم بدوله غير مصر بحس براحه تامه و تحس أنك بتعامل أنك بني أدم ويحافظ على أدميتك
أنا كنت بأقيم بالكويت وبروح في الأجازات للأسف تحس بأحترام مش موجود في بلدك ..
ولكن حنييييييييييييييييين شديد وحب جديد لبلدي بحسه هناك حتى وأنا في العمرة وفي أطهر بقاع الأرض ببقى عايز أرجع بلدي ولناس بلدي وأسكندرية...
لكن للأسف صعقت وصدمت من التعاملات هنا وتحس كل واحد متربص للأخر ومبقاش في تسامح..
إمبارح راكب تاكسي كان السواق كبير في السن فجاي يحود يمين جت من الشمال عربيه لانسر راكبها (ميدو غوارز) وصحابه فالراجل بيقول لميدو بعد إزنك .. تخيل الواطي السافل يقول لواحد في سن جده إيه ...... ما تعدي يا عم وتخلص ......
شفت بقى منتهي التدني الأخلاقي مع إنهم باين ولاد ناس ..
فما بالك بالطبقات والفئات الأدني في التربيه والمستوى البيئي...
للأسف ثقافتنا بقت متدنيه ومنحطه ... ده بيبان من اللي بنشوفه وبنسمعه سواء من الناس أو من الأذاعه والتلفزيون...
أنا دلوقتي كرهت نفسي بجد طهقت و والله نفسي أبكي بجد حاسس بمرارة فظيعه
تخيل لما أصدقاءك يخونوك ويقولوا عليك كلام ربنا يعلم بيه
وللأسف كمان الأقارب كده بقوا يتمنولك الأزى...


عالعموم الحمد لله على كل شئ ..
الواحد مستني فرصه يطلع عمرة يفك عن نفسه ويحاول يطلع أجازة الكويت يتعامل مع محترمين شويه ..


أعذروني عالأطاله بس كاتم في نفسي من أكتر من سناتين وما صدقت فضفضت مع حد أرتاحله ..

[CryptonX]

@ محمد المشد

ياسيدي ماتكبرش الموضوع و الراجل اعتذر عن الكلمة بالفعل .

اذا كنت انت شايف كدة خلاص مش هكبر الموضوع 000 يا سيدى هو الموضوع فلت اصلاً بالكلمات الصعبة ولا انت متحمل كل هذه الكلمات عن الشعب المصرى بالسهولة ديت 000 طيب انا بأعذرة ولكن انت عذرك اية لما تقول متكبرش الموضوع طالما انك شايف انه صغير خلاص لك ماشئت ولكن ارجوا مراجعة الموضوع من اولة حتى تتيقن لما تشير اليه !!!!!!!!!![/QUOTE]

يا سيدي ان متابع الموضوع من الاول و ليا رد في الصفحات االاولي ..
و برده انت عمال تهول الموضوع .. انا مش بقول ان سب المصريين حاجة صغيرة . انا بقول ان خطأ الاستاذ توت مغتفر خصوصا انه متضايف و غاضب و عامة .

و خصوصا ان اسباب غضبه حقيقية .. و كلنا لامسنها . انما طبعا انا ضد اي حد يهين اخوتي .
-------

و بعدين بعيد عن الشتائم ...
الموضوع نفسه مقرق جدا و يضايق .. و كلنا بنمر بشعوره يوميا ..
هو لما انا اشير لعيب معين في بلدي او في شارعي او في عمارتي ؟ يبقى انا كدة بهين سمعة بلدي وبهينهم ؟؟
اكيد لآ ! مش صح اني اسكت علشان " سمعة بلدي " .. و اعمل زي النعامة و احط راسي في الارض .

انا تعليقى " متكبرش الموضوع " علي لفظ استاذ توت الي ضايقيق - مش علي المصريين عامة .

شكرا

[mars3v]

شكرا جزيلا لهذه المداخلة
بس أحب أوضح حاجة

أنا عمري ما شعرت بالغربة في أوروبا .......... و كنت مرتاح جدا نفسيا و الناس بتعاملني بإحترام جدا

و أنا أشعر بالغربة و أنا في مصر
عارف أخرج في الشارع و مش طايق أبص في خلق الناس
هل في إحساس أسوء من هذا ........... إنك مش طايق أهل بلدك !!!!!!!!!!!!!!!

طبعا هو إحساس قاتل ........... لأني مهما أرتحت خارج مصر ففي النهاية أنا غريب و لست منهم
و لكن ناسي و شعبي .......... خانقني .......... طيب أعمل أيه ؟؟؟

و على فكرة أنا متزوج و الحمد لله

و هو ليه حضرتك عايز تعمل علاقات مع مصريين مدام مش مرتاح معاهم، عادة الناس بتفضل تتعامل مع اهل بلدها عشان بتكون نفس الثقافه و الاخلاق و القيم و المبادئ ف ده بيخلى التعامل و التواصل اسهل، لاكن غير كده مفيش اسباب تانيه.

انا لما جيت استراليا جديد كنت برضو بدور على مصريين و اشتغلت عند واحد مصرى اسبوعين طلع عينى فيهوم و مدانيش ولا مليم و باقى المصرييين كانو اسوأ مما تتخيل. لحد مابدأت الجامعه و اتصاحبت على الفريق بتاعى و لاقيت ان احسن ناس هما الايطاليين و اللى من صربيا و البلاد ديه و الاردن، و كل اصحابى المقربين مش مصريين. بس دلوقت اتعرفت على مصريين غايه فى الاحترام و بيشتغلو اساتذه فى الجامعه.
انا مش شايف ان فى سبب يخلينى اعيش مع ناس مختلفه عنى فى الاخلاق و المبادئ لمجرد انهم بيحملو نفس الجنسيه. طب ايه رأيك فى اللى بيتجوزوا من اجانب?
ممكن حضرتك لو سافرت بره تانى تدور على مصريين هناك و تتعرف عليهم، اكيد هيكونوا اتغيروا من التعامل مع الاجانب.

كلام فى منتهى الحكمه أشكرك عليه اخى الكريم

اذا كنت انا مش مركز الكون فانا بالتاكيد مركز الادراك يعنى لمل انام الدنيا بتروح فين ؟؟؟ طب لما اموت هيحصل ايه ؟؟؟ طيب يعنى انا اللى باتحكم فى ازاى كل اللى حواليا بيدخلى و انا اللى بقرر انا هعالج البيانات دى ازاى وانا اللى هقرر اكون قوى و لا ضعيف فرحان ولا حزين . ممكن تشوف الدنيا كلها كانها لعبه وانت وشطارتك تلعبها صح ولا غلط ؟؟ يعنى ايه اللى يمكن يعصبنى ؟؟ غباء و همجيه طب وبعدين ؟ اتعصبت استفدت ايه ؟ طيب الوقت اللى انا اتعصبت فيه ده هيرجع تانى ده كل يوم بيقول للانسان يا ابن ادم انا خلق جديد يعنى لازم ما يضيعش وحاول دايما تكون ايجابى واعمل زى بتوع البلياردو يقعد يفكر شويه و يلعب فى العصايه بعدين ينحنى و يحط ايده على الطربيزه و يركز اوى واهو هيضرب الكره اكيد هيضرب هيضرب هيضرب هيضرب و هوب يقوم واقف تانى و يروح فى زاويه تانيه خالص و يلعب فى العصايه تانى و ينحنى على الطربيزه و يركز و يركز تانى واهو هيضرب الكره اكيد هيضرب وبعدين يقف تانى ويقعد يلعب فى العصايه و يفكر اى زاويه احسن و ياخد القرار و ينفذه بكل دقه وحزم

طبعا انا بوجه الكلام ده لى قبل غيرى

انا اللى بشكرك على زوقك...انت حببتنى فى البلياردو :D

[fahd_628]

توت باشا انت معاك حق فى كل الى قولتة و انا حاسس بيك لأنى فى الأسكندرية ( اقل زحمة من القاهرة ) و مقروف برضة اصل الحكومة عندها بجد ازمة ملهاش حل فى المرور ان الناس بتشترى عربيات جديدة و تبيع القديمة و الجديدة شغالة و لقديمة شغالة + ارتفاع عدد السكان المهول

و كمان الى بيضايقنى ان لما الواحد يلاقيك محترم كدة و هادى ياكلك و يقولك دة لقطة و يغلى مثلا الأسعار ليك

و كمان بجد موضوع ان الواحد ميمشيش على الخط بتاعة حاجة عجيبة جدا انا لما بسوق على البحر بمشى على الخطوط زى فى الدول الاجنبية و بمشى على 60 و مكدبش عليك ساعات 70 بس الاقى الناس كلها بجد معديا من جمبى طيارات !!! لية يعنى بيمشو على 80 - 90 و السرعة المقررة 60 ؟ و تلاقيهم بيبصولى بعجب لأنى ماشى على الخط و انت عارف بقى لما بيجى ملف لازم امشى على الخط و احود مع الطريق و تلاقى الناس بتكسر عليك و ماشية مستقيم مفيش حاجة اسمها تحود مع الملف

و كل يوم مش اقل من حادثتين على البحر الواحد بيشوفهم

و الناس متخلفين بجد و تلاقى النفق جمبهم و تلاقيهم بيعدو من الشارع شكلهم مكسلين ينزلو و يطلعو على السلم انا والله لحاد دلوقتى عمرى ما عديت البحر دة و عمرى ما حعدية ان شاء الله :)

و ربنا يصبرك و يصبرنا جميعا

[Ghamrawy]

انا باتفق قلبا و قالبا مع توت فى كل اللى قاله فعلا الناس بقت تقرف و معندهاش ريحة الدم انا خلاص ما فيش حد من اهلى بقى يقدر يركب معايا العربية من كتر ما انا عصبى يعنى اول كام دقيقة فى المشوار بيبقى كله تمام و لكن بعد اول احتكاك مع اى حد من العربجية اللى بيسوقوا ببقى خلاص انسان تانى لونه احمر بيطلع شياط و النتيجة ايه من كل ده ضغط دم مرتفع و قولون عصبى مزمن و وجع مستمر منه .
حاول تقلل من السواقة على اد ما تقدر و انت حاتس بفرق و راحة يعنى اعمل زى و دور على وسيلة مريحة تروح بيها الشغل و فى الايام العادية لما تحب تتفسح او تقضى مشوار انزل فى اوقات ماتشات الكورة او الجمعة الصبح قبل الصلاة.
حاول تمارس رياضة و انصحك بالسباحة و الاسكواش مجهود كبير و يفرغ شحنات جامدة بدل ما الواحد يجيله ذبحة صدرية لا قدر الله .
و ربنا يخرجنا من البلد دى على خير ان شاء الله

[Ghamrawy]

توت باشا انت معاك حق فى كل الى قولتة و انا حاسس بيك لأنى فى الأسكندرية ( اقل زحمة من القاهرة ) و مقروف برضة اصل الحكومة عندها بجد ازمة ملهاش حل فى المرور ان الناس بتشترى عربيات جديدة و تبيع القديمة و الجديدة شغالة و لقديمة شغالة + ارتفاع عدد السكان المهول

و كمان الى بيضايقنى ان لما الواحد يلاقيك محترم كدة و هادى ياكلك و يقولك دة لقطة و يغلى مثلا الأسعار ليك

و كمان بجد موضوع ان الواحد ميمشيش على الخط بتاعة حاجة عجيبة جدا انا لما بسوق على البحر بمشى على الخطوط زى فى الدول الاجنبية و بمشى على 60 و مكدبش عليك ساعات 70 بس الاقى الناس كلها بجد معديا من جمبى طيارات !!! لية يعنى بيمشو على 80 - 90 و السرعة المقررة 60 ؟ و تلاقيهم بيبصولى بعجب لأنى ماشى على الخط و انت عارف بقى لما بيجى ملف لازم امشى على الخط و احود مع الطريق و تلاقى الناس بتكسر عليك و ماشية مستقيم مفيش حاجة اسمها تحود مع الملف

و كل يوم مش اقل من حادثتين على البحر الواحد بيشوفهم

و الناس متخلفين بجد و تلاقى النفق جمبهم و تلاقيهم بيعدو من الشارع شكلهم مكسلين ينزلو و يطلعو على السلم انا والله لحاد دلوقتى عمرى ما عديت البحر دة و عمرى ما حعدية ان شاء الله :)

و ربنا يصبرك و يصبرنا جميعا

اسكندرية بقت تقرف برضه كفاية ان البلد كلها بتلف من الملف اللى قدام مستشفى الشاطبى كل يوم الصبح .
اما عن موضوع الانفاق ده فحدث و لا حرج و المهم انك تلافى اللى بيعدى ده بيضحك كانه بيلعب فى الملاهى قمة فى التخلف و الهبل و المفروض اللى يخبط واحد على البحر و يموته ما يتحاسبش و الشرطة تمشيه من مكان الحادثة من غير نيابة و لا اى حاجة
معلمومة : انت تعرف ان فى اشاعة انهم حايعملوا الكوبرى العلوى اللى فى سيدى جابر عند محطة القطار بسلالم كهرباء ؟؟

[Xpert]

يا باشا مصر هيا سبب الديبريشن ده كله .. سافر بره غير جو لمده شهر كده و ارجع .. هاتحس بان الدنيا ربيع و الجو بديع :d

[KarimAbulEla]

توت ، اظن بعد ما قريت الردود بتاعت الاعضاء كلهم اكيد اكتشفت انك مش لوحدك فى هذا العالم الملىء بكل ما يجعل الانسان يموت ناقص عمر .

تصدق يا توت انا حاليا مبقتش عارف انا ايه ، مهذب ، قليل الادب ، هادى ، ملتزم ، قليل الذوق ، صوتى منخفض ، صوتى عالى ، يحترم القوانين ، غير عابئ بالقوانين ، يحترم الاخرين ، لا يحترم الاخرين ، ايجابى ، سلبى ، يسعى لمساعدة الاخرين ، لا يبالى بمصلحة الاخرين .

الشارع المصرى خلانى مزيج مما سبق .

سواء كنت سايق او ماشى على رجلى ، سواء كنت مع اصدقاء او وسط مجموعة من الحثالة فى منطقة ما او فى الجامع اكتشف ان سلوك المحيطين غريب تماما عن الطبيعى و المنطقى

يعنى ممكن ابقى مشغل موسيقى هادية او اغنية حالمة و فجأة واحد يعمل يعمل فى موقف على الطريق اقوم انقلت 180 درجة ، يعنى مرة كنت ماشى على 100 فى الحارة اللى على الشمال فى الطريق الدائرى ، واحد راح كسر على بشكل عنيف و تسبب باحتكاك سيارتى و سيارته و تظاهر بان المشكلة بسببى و راح شتمنى و زود سرعة و طار، لم ادرى بنفسى الا و انا اجرى واره بكل سرعتى ، و مراتى فى هيستريا و ابنى فى حالة صراخ و خوف مما افعله و انا غير عابىء بما يحدث و مستمر فى الحرب اللى نويت عليها و فعلا تهيألى انى حصلت الراجل اللى عمل كدة ورحت كاسر عليه و شادد اقدامه و مفرمل عليه و و عندى احساس انى لازم اخبط عربيتى فى عربيته بأى شكل و بدأت فى عمل ذلك بالفعل و لازم اعمل مصيبة بأى شكل و مش مهم ايه اللى يحصل فى عربيتى لكن المهم انى اخبطه بأى شكل ، و اكتشفت بعدها ان هذا الموقف اللى دام اقل من دقيقتين انى باعمل كدة فى واحد تانى عن طريق الخطأ و اما المستهدف بهذا الموضوع كان قد اختفى عن الاعين لان فى الاصل كان فاتح من البداية و انا كنت على ال 100 فقط ، طبعا خجلت من نفسى و اعتذرت بشدة و لوحت بيدى بالاعتذار لقائد السيارة اللى كسرت عليه عن طريق الخطأ و رجعت لطبيعتى مرة اخرى من الخجل و الاعتذار .

- حاليا انا لا اذهب فى اى مكان غير من المنزل فى الهرم بجوار المريوطية الى الدائرى الى مدخل مدينة نصر اللى عند طريق العين السخنة الى مكرم عبيد و العودة من نفس الطريق
- لا اذهب فى الى مكان فى الاجازة يكون فى وسط الزحام ، و التنزه فقط يكون فى النادى فى الطريق الدائرى ( الصيد )
- لا ازور والدتى اطلاقا فى بيت عائلتى فى عابدين ، لان عابدين فى وسط البلد و هى منطقة محرمة بالنسبة لدى و النتيجة طبعا معروفة - الوالدة متهلفة دائما لرؤية الابن و الحفيد لكن ...

- لا ارى اصدقائى الا نادرا مرة فى السنة و لا حاجة و ممكن كل سنتين لانى ببساطة لا اخرج فى الاجازة او بعد العمل الا للشديد القوى ، طبعا من القرف اللى فى الشارع المصرى و النتيجة انقطاع فى علاقتى بالاخرين

حاليا اسعى لنقل السكن لمنطقة اقل كثافة من الهرم .

- اكثر كلمة تصيبنى بحالة من الجنون و العصبية هى كلمة ( أهدأ )

كنت اسعى لنقل العمل لخارج القاهرة بس ربنا مسهلش ( طبعا مع انى كنت حابقى بعيد عن زوجتى و ابنى ) بس كنت حابقى افضل نفسيا و مشاكلى مع المجتمع كانت حتبقى اقل خصوصا خارج القاهرة .

بصراحة بالنظر لكل ما سبق اكتشف انى ضحية ما نحن فيه و اكتشف انى لم استطيع الا حل 15 % من المشكلة و لا ازال اعانى مع ( جهلاء الشعب المصرى ) بنسبة 85 %

بس حقولك حاجة ، لا زال جزء داخلى يحترم الاخرين و اعطى الاولية للاخرين للمرور فى حالة احقيتهم ، و التزم بخطوط السير الخاصة فى الشارع ، استخدم الاشارات دائما لما احتاج الى الحركة بمرونة فى الطريق السريع يمين و شمال ، اتكلم مع الاخرين بمنتهى الذوق فى بعض الاحيان
( حتى يثبت العكس ) ، مرة تاكسى قديم قوى واقف فى الشارع عربيته مش رادية تدور و طلب منى انه يستلف البطارية الجديدة بتاعتى اللى لم يمضى على شراءها شهران فرحبت بهذا و خليته ياخد البطارية و يحاول يدور عربيته ( مع انى مرة دوخت الى سبع دوخات علشان ادور عربيتى فى احد الايام قبل شراء البطارية الجديدة و لم افلح و لم اجد احد يساعدنى ) ، اتطلع دائما الى مساعدة من يحتاج مساعدتى ، ساعات ، ساعات ، اسيب اللى يكسر بسيارتى على سيارتى بدون ما ارد عليه
و لا حتى بكلاكس .

يعنى انا كويس اهه ،

فى احد الايام سمعت جملة بتقول انه يجب ان لا تكون افعالى هى ردود على أفعال الاخرين
انا مقتنع بهذه الجملة بس ليست دائما .

شوف ممكن تكون خلاصة ما احاول قوله انه دائما لا تتوقع ان يكون رد فعل الاخرين مهذبا
بس لما تلاقى معاملة الاخرين مهذبة ، احرص على الرد بمثلها و احسن منها كمان

الحديث النبوى يقول ( افشو السلام بينكم ) احرص على ذلك كلما جاءت فرصة

هناك الكثيرين من قائدى السيارات مهذبين جدا و هم ما يجب ان ننظر اليهم على انهم هم الشعب المصرى ، و على العكس يجب احتقار كل ما يسىء لنا كشعب ، و طبعا اقول الاحتقار فقط وليس الرد او العراك ، حتى لا نخسر الجزء الجيد اللى لا يزال موجود بداخلنا و لا نستطيع بعد ذلك اصلا التعامل مع المهذبين من ابناء هذا الشعب.

[fiatmomo]

ياااااااااااااااااااااااااااااه ........

انا قريت ال 6 صفحات كلهم وتوصلت لحاجة ... ( اية دة انا مش مجنون .. انا مش مجنون ... انا فعلا حقيقى انسان طبيعى !!!!!!!!!!!!!!) كل تعاملاتى فى الشارع بتحسسنى أنى كائن غريب .. كلو عاوز يستغلنى ويغلى اسعار عليا او يدينى حاجة بايظة .. اومشى فى الشارع كلو عاوز يكسر عليا ويقعد يرعشلى ......


بالرغم من حزنى الشديد على حال الخى الحبيب العزيز جدا جدا جدا جدا جدا توت عنخ امون بس انا جالى شوية ثقى فى نفسى .. لانى كنت حاسس ان دة العادى وانا مكبر المواضيع !!!!!!! بس فعلا احنا فى غابة ومش انا بس الى بشتكى ومش مكبر مواضيع ولا حاجة

والله يا استاذ توت .. انا عنيا كانت مليانة دموع وانا بقرأ كلامك .. واقسملك انى حاسس بيك اوىىىىىىىىىىىىىىىىىىى وكأنك بتتكلم بلسان حالى . فعلا العيشة بقت كئيبة جدا .. مافيش حاجة بتطلعك من الشعور دة ... لا خروجة حلوة ولا حتى عربية جديدة .. ولا اى حاجة .. انتا مجرد لما تنزل وتتعامل مع البشر يجيلك احباط وتكره نفسك ... فعلا كل كلمة قولتها ......... كل كلمة انا فعلا بحسها وبشوفها .
بس فى حاجة اديتنى نوع من التفائل ان فى ناس كتير بيفكرو زيك وبيحسو بنفسك الاحساس الى الواحد بيحس بيه .......... يعنى احنا مش لوحدنا والعيب مش فينا . العيب فى البشر الى بقى معندهاش قيم او اخلاق او تربية ولا احترام للناس .

والله انا حزين لحزنك على حال البلد وحزين لكل الناس الى بتعانى من البلد .... ياريت لو فى حاجة ممكن اعملها لحضرتك تخفف عليك شوية الى انتا فيه .

استاذ توت .. بجد حاول تسافر ... صدقنى مش حترتاح ..... انا بجد نفسى مصر يبقى فيها 20 مليون توت و Camaro , hero , pro-drive , karimabulela, cryptonx ............. بس انا متأكد انك مش حترتاح حاول انك تسافر بجد انقذ نفسك واعصابك وصحتك وسافر ...

واضعف الايمان لو السفر استحال تماما .. حاول تعيش فى اى محافظة غير القاهرة و الجيزة ... حاول تروح الغردقة او شرم الشيخ او اى محافظة ساحلية .. الوضع على الاقل احسن بكتير من القاهرة ( قاهرة كل شى حضارى ومنظم ) .

والحل الاخير . ان حضرتك تنقل محل سكنك .. للرحاب او مدينتى . بجد واعتبرها نصيحة من اخوك الصغير( 24 سنة ) حتحس بفرق كبير فى اسلوب الحياه ... وحتبقى معاناتك بس وانتا رايح لشغلك او طالع برة المدينة .

بس صدقنى افضل حل ... السفررررررررررررر خارج مصر لبلد اوروبى... الوضع بقى والله العظيم لا يحتمل .. الفوضى والعشوائبة والاستهتار وتندى الاخلاق وانعدام القيم .. بقى لا يحتمل .

سيبك من اى كلام او شعارات ان مصر هى امى .. ونيلها هو مش عارف اية ... البلد جميلة مش حتختلف ... لكن الناس ....... الناس لا تطاق .

اخيرا اتمنى ان حضرتك تكون هديت واعصابك ارتاحت شوية ...احنا محتاجينك يا ملك مصر الفرعونى .