فلول النظام و الحزب الوطنى وراء فوضى استاد القاهرة

[cheetos_892005]

انا لما قرأت ان حد بيقول الموضوع مؤامره قعدت اضحك.. بس لما تابعت شويه وشوفت فيديوهات بجد الموضوع شكله كدا فعلا..وطبعا ساعدهم بعض الجهله من الاستاد الى زاطوا فى الزيطه...
-------
زعلت جدا من ردود بعض الاعضاء الى بتقول شعب همجى وفوضوى ولا يستحق الديمقراطيه..مينفعش ومش عايز اقول عيب اوى اسلوب التعميم كلنا متفقين على سوء الى حصل بس منغلطش فى كل المصريين عشان شويه همج عملوا كدا

يا ريت اللي بيثول كده يورينا مجهوداته الفظيعه في نبذ التعصب و الهمجيه .....

هو انت مش من الشعب ياض ؟؟؟؟؟؟ قوام وحشك الكرباج و الرشوه والطوارىء؟؟؟؟؟؟؟

للي بيقول هو الشعب المصري كده :

اتكلم عن نفسك .....عايز البلد بحلوها بمرها و عايز تصلحها ...اهلا وسهلا

مش عايز ...يكون احسن ......خد اقرب طياره و فارقنا بناقص عبقري

[omskmaher]

إلغلوا الكوره شويه ونهتم بالجد والعلم والعمل لحد منبنى البلد على اساس سليم وقوى وننظر للمستقبل وبعد كده نلعب كل الالعاب ::::: مصر تستاهل مننا شوية جد وحب اكتر من كده ::::::::::ربنا يولى من يصلح:::::آمييييييييييييييييييين

[cheetos_892005]

إلغلوا الكوره شويه ونهتم بالجد والعلم والعمل لحد منبنى البلد على اساس سليم وقوى وننظر للمستقبل وبعد كده نلعب كل الالعاب ::::: مصر تستاهل مننا شوية جد وحب اكتر من كده ::::::::::ربنا يولى من يصلح:::::آمييييييييييييييييييين

يا جماعه الكوره مش المستطيل الاخضر بس ......

الكوره الاف البيوت مفتوحه منها ....((مش قصدي اللعيبه و المدربين طبعا ))......

مش هينفع

[dr-mohamed]

لو تقصدني أنا فأتمنى أنك تقرأ ردي كويس مرة تانية لأن أنا قولت يجب محاسبة وزير الداخلية وأقالة مدير الأمن مقلتش أقالة وزير الداخلية لأن الوزير الجديد محترم ونظيف ومع ذلك دة لا يعفيه من المحاسبة بلاش كل حاجة نقول أهو أتفرج هيقولولك نشيل وزير ونغير حكومة لأن الأسلوب دة مرفوض أنا واللي زي عاوزين الصح يتعمل والغلط ما يتسكتش عليه بس كدة .

مش انت
انت قلت محاسبة
فيه مشاركة في موضوع تاني هنا بتقول اقالة وزير الداخلية
مباشرة اقالة ومتهيالي كدة واضح ان انا وانت معترضين على الاسلوب ده

اللي بيستهزأ وبيقول أن مفيش مؤامرة يتفرج على مودرن ويشوف تصريحات أبراهيم حسن دلوقتي عن الأبواب الصفراء بتاعت الطواريء اللي أتفتحت كلها في وقت واحد والكاميرا مصوراها وعن السنج والمطاوي اللي دخلت الأستاذ الساعة 10 الصبح مع مجموعات من البلطجية .

بلاش ابراهيم حسن يتكلم علشان مدير الافريقي التونسي طالب من هناك انه يتحمي منه واتحادهم بلغ الاتحاد المصري ودخل اتخانق معاهم هو وميدو بين الشوطين وتاريخه اسوا واسفل من ان يصدقه احد
وبوابات ايه اللي ممكن تصمد امام الاف في حالة هياج ولا يوجد من يمنعهم وعارفين انه لن يوجد من يحاسبهم

اخوانى الاعزاء الافاضل اعضاء المنتدى المحترم لا يوجد بيننا من يزايد على وطنيه الشعب المصرى ولكن ما حدث فى تصورى هو حاله من الانفلات التى نعيشها فى المجتمع و ان اصبح مفهوم خد حقك بدراعك منتشر جدا ولا يوجد ضابط او رابط وللاسف و اسمحولى وياريت محدش يفهم كلامى على انه مهاجمه الثوره لانى اليوم استعرت ان الى يقول اى كلمه على الثوره يبقى عدو ليها وبقت الثوره من التابوهات التى يمتنع الكلام فيها ما علينا الثوره اولدت مفهوما عند قطاع كبير فلم يعد بيننا من يوقر كبيرنا و انتشرت التخوين و العماله و المنتفعين من النظام السابق وكل شويه تسمع كلام لا يقبله بشر ولن تجد من هو يتفق على شخص معين فاصبح الجميع معرض للهجوم يا شباب الثوره اهدؤا و اجعلوا البلد تهدى شويه الانفلات يزيد يوم عن يوم ومحدش يقول الامن !!!اعتقد ان منظر الامن النهارده كان محترم لغايه ماالفوضى انتشرت و عندهم تعليمات بضبط النفس وحتى لا يتحملوا من جديد دم الشهداء فمش مباره كره قدم تنتهى بمقتل مشجع او اصابات ولاحظوا ان الجميع متحفز للغايه ضد الشرطه فارجوكم بلاش التحامل على الامن لاننا اليوم اصبحنا من ننكل بالامن
الموضوع باختصار سلوك غير حضارى و همجيه غير مبرره وفكره عدم وجود الرقيب تتيح لاى فرد ان يفرض اسلوبه على الجميع
ومتنسوش بقا موضوع الفيس بوك الجديد الراجل ابو جلابيه يا ترى يتبع الحزب الوطنى ولا امن الدوله ولا تبع الراجل الى ورا عمر سليمان طبعا بهزر

للاسف الشديد كلامك كله صح

الكارثة اننا لن نستطيع ان نثق بالشرطة
و لن نثق بها --- عندهم فرص كتير و فرصه ورا فرصه بيضيعوها

فرص ايه يا طارق
اذا اردت ان يطاع فأمر بما يستطاع
في حالة النهاردة تحديدا تفتكر لو فيه امن مركزي وكان منع الناس اللي عايزين ينزلوا واشتبك معاهم واصيب كام واحد من المتفرجين تفتكر كان هايبقي الكلام ايه وقتها وكام موضوع كانوا هايتعملوا هجوم عنيف على الشرطة الكلاب والامن المركزي السفاح اللى لسة فاكر نفسه عايش قبل الثورة وفيديوهات تملا النت وووووووووو

[tamer_a7]

اخي الكريم دكتور محمد اكتب ردي بعد ردك مباشره وبعد قراءه كل الردود
ولا تتخيل حجم الاحباط الذي احس به من داخلي
اقسم بالله انا ما اقوله سمعته باذني من لحظات من ابن اختي وهو ناشط كبير من ناشطي الاولترس ( وقد منعناه من فتره من الذهاب الي اي مباره )
كان الاتفاق اه في حاله عدم التاهل الانتظار حتي قرب النهايه والنزرول الي الملعب وتبويظ المباراه وضرب لاعبي الفريق التونسي والحكم لو الحكم كان غلط
الاتفاق دا من يومين مش النهارده ولا امبارح ايوه الموضوع منظم بس لا ثوره مضاده ولا غيره اقولك دي بلطجه منظمه يا دكتور
بلاش بقي نحط راسنا في الرمله ونعمل زي النعامه وتبقي عيوب الدنيا كلها من الثوره المضاده
يعني المخالفات اللي ماليه الدنيا كلها ثوره مضاده
الثوره المضاده بتبني علي الراضي الزراعيه وبتبني فوق العمارات ادوار مخالفه
الثوره الضاده لو قالت لكل اتنين يتخانقو يضربو بعض بالاسلحه ناريه او بيضاء
التدخين في مترو الانفاق الثوره الضاده بعتاهم
وما تقوليش الشرطه لو ضابط كلم واحد النهارده تبقي ليلته سودا وهيشوف اللي ما حدش شافه ويضرب ويتسحل وكمان يتوقف ويتسجن
يا راجل دا في واحد من الشباب نازل بيزعق في الراجل بتاع الامن كانه هيموته (اول اتنين نزلو لما بتاع الامن راح يمسكهم اتفرج عليهم بيعملو ايه معاه وبيزعقو ليه ازاي)
حان الوقت للاعتراف بالمشكله لكي يبدا الحل اما طول ما احنا ملايكه والثوره المضاده هيه اللي عامله كل حاجه يبقي خلينا بقي نحارب الثوره المضاده

[medo_2060]

للي بيقول هو الشعب المصري كده :

اتكلم عن نفسك .....عايز البلد بحلوها بمرها و عايز تصلحها ...اهلا وسهلا

مش عايز ...يكون احسن ......خد اقرب طياره و فارقنا بناقص عبقري

+11111111111111
ياريت لو كان ينفع الى مبناخدش منه غير كلام وتعميم وشتيمه فى الشعب المصرى يفارقنا فعلا... ووراه هنكسر مليون زير

[tamer_a7]

مين اللي سمح جماهير الزمالك تدخل الأستاد بعصيان وشوم زي ما شفنا
وأزاي الأمن يسمح للجمهور أنه ينزل الملعب بالصورة دي والمفروض مباراة زي دي مؤمنة كويس جدا خصوصا ان الاستاد مليان عن آخره
إلا إذا كان الأمن انسحب زي ما حصل ذي قبل

سؤال أخير .. مين أكتر واحد مستفيد من اللي حصل؟!!

اخي الكريم الشوم اللي حضرتك بتتكلم عليها دي للاسف الاعلانات اللي تم تحطيمها واستخدامها وعلشنا كده كله ماسك عصيانه من الخشب الابيض اللي هو ماده تصنيع اللوحات الاعلانيه
علي فكره الجمهور دا من المستحيل السيطره عليه وعاده بيكون الطريق هيبت القانون (اللي هيه بي باي)
لا الامن ما انسحابش وقدام عينك كان بيحمي لاعبي الافريقي والحكم اللي اول ما نزلو كانو ريحين يضربوه
اكثر المستفيدين
1. الواد ابو جلبيه بقي اشهر واحد في مصر
2. الراجل اللي ورا عمر سليمان
3.فريق الافريقي
4. جمهور الاهلي اللي هيشمت في الزمالك لما العقوبات تطلع وعلي الاكتر هتكون عقوبات مصيبه
5. اه صحيح الثوره المضاده (بس مش عارف ايه دخلهم بس ايوه هيه كده)

[mahamedaraby]

بمناسبه الثوره المضاده شوفوا الفيديو ده
هل ده هما اللى عايزن يوصلوا ولا ايه ؟!!!

[youtube]http://www.youtube.com/watch?v=on7kMgX2QP8&feature=player_embedded[/youtube]

[itsonlyme]

طبعاً كأغلب الناس أنا مش مقتنع انها ثورة مضادة وفلول الحزب الوطني.

بس شوفوا الراجل ده وعقليته

YouTube - ‫ظپظ„ظˆظ„ ط§ظ„طط²ط¨ ط§ظ„ظˆط·ظ†ظٹ ظ‡ظ„ ظ‡ظٹ ط§ظ„ط³ط¨ط¨ ظپظٹ ظ…ظ‡ط²ظ„ظ‡ ط§ظ„ط²ظ…ط§ظ„ظƒ ط§ظ„ط§ظپط±ظٹظ‚ظٹ‬‎

YouTube - ‫ظپط¶ظٹطط© ظ…ظˆط¯ط±ظ† ط³ط¨ظˆط±طھ‬‎

في ناس بتكره الثورة وعايزة تلصق جميع أمراض المجتمع بالثورة.

[dr-mohamed]

للي بيقول هو الشعب المصري كده :

اتكلم عن نفسك .....عايز البلد بحلوها بمرها و عايز تصلحها ...اهلا وسهلا

مش عايز ...يكون احسن ......خد اقرب طياره و فارقنا بناقص عبقري

+11111111111111
ياريت لو كان ينفع الى مبناخدش منه غير كلام وتعميم وشتيمه فى الشعب المصرى يفارقنا فعلا... ووراه هنكسر مليون زير

+++++++++++++++++++++++1
++++++++++++++++++++++++++++++1
++++++++++++++++++++++++++++++++++++++1

[dr-mohamed]

اخي الكريم دكتور محمد اكتب ردي بعد ردك مباشره وبعد قراءه كل الردود
ولا تتخيل حجم الاحباط الذي احس به من داخلي
اقسم بالله انا ما اقوله سمعته باذني من لحظات من ابن اختي وهو ناشط كبير من ناشطي الاولترس ( وقد منعناه من فتره من الذهاب الي اي مباره )
كان الاتفاق اه في حاله عدم التاهل الانتظار حتي قرب النهايه والنزرول الي الملعب وتبويظ المباراه وضرب لاعبي الفريق التونسي والحكم لو الحكم كان غلط
الاتفاق دا من يومين مش النهارده ولا امبارح ايوه الموضوع منظم بس لا ثوره مضاده ولا غيره اقولك دي بلطجه منظمه يا دكتور
بلاش بقي نحط راسنا في الرمله ونعمل زي النعامه وتبقي عيوب الدنيا كلها من الثوره المضاده
يعني المخالفات اللي ماليه الدنيا كلها ثوره مضاده
الثوره المضاده بتبني علي الراضي الزراعيه وبتبني فوق العمارات ادوار مخالفه
الثوره الضاده لو قالت لكل اتنين يتخانقو يضربو بعض بالاسلحه ناريه او بيضاء
التدخين في مترو الانفاق الثوره الضاده بعتاهم
وما تقوليش الشرطه لو ضابط كلم واحد النهارده تبقي ليلته سودا وهيشوف اللي ما حدش شافه ويضرب ويتسحل وكمان يتوقف ويتسجن
يا راجل دا في واحد من الشباب نازل بيزعق في الراجل بتاع الامن كانه هيموته (اول اتنين نزلو لما بتاع الامن راح يمسكهم اتفرج عليهم بيعملو ايه معاه وبيزعقو ليه ازاي)
حان الوقت للاعتراف بالمشكله لكي يبدا الحل اما طول ما احنا ملايكه والثوره المضاده هيه اللي عامله كل حاجه يبقي خلينا بقي نحارب الثوره المضاده

اخي الكريم الشوم اللي حضرتك بتتكلم عليها دي للاسف الاعلانات اللي تم تحطيمها واستخدامها وعلشنا كده كله ماسك عصيانه من الخشب الابيض اللي هو ماده تصنيع اللوحات الاعلانيه
علي فكره الجمهور دا من المستحيل السيطره عليه وعاده بيكون الطريق هيبت القانون (اللي هيه بي باي)
لا الامن ما انسحابش وقدام عينك كان بيحمي لاعبي الافريقي والحكم اللي اول ما نزلو كانو ريحين يضربوه
اكثر المستفيدين
1. الواد ابو جلبيه بقي اشهر واحد في مصر
2. الراجل اللي ورا عمر سليمان
3.فريق الافريقي
4. جمهور الاهلي اللي هيشمت في الزمالك لما العقوبات تطلع وعلي الاكتر هتكون عقوبات مصيبه
5. اه صحيح الثوره المضاده (بس مش عارف ايه دخلهم بس ايوه هيه كده)

والله عارف ان كلامك صح
فيه ناس من كتر حبهم للثورة عاملين زي الاب او الام اللى مش بيشوفوا عيوب اولادهم من كتر حبهم ليهم
وناس تانية بردو زي الاب او الام بيحاولوا يقوموا سلوك اولادهم وبيعترفوا باخطائهم

بعد المبارة بشوية الساعة 10 وشوية نزلت رحت مكان ما قابلت فيه واحد لابس فانلة الزمالك اعرفه قالى انه كان في الاستاد وان العصي كانت بتاعة الاعلانات اللي اتكسرت ميت حتة
قلت له طيب العصي الطويلة المرنة دي بتاعة ايه قالي دي بتاعة الاعلام ولما ركزت بعد ما رجعت في اللقطات اكتشفت ان فعلا كان فيه اعلام متركبة في عصي طويلة هي نفسها اللى نزلوا بيها ارض الملعب والمنافق شلبوكة عمال يعيد فيها ويقول كلهم مسلحين
حسبي الله ونعم الوكيل

[dr-mohamed]

طبعاً كأغلب الناس أنا مش مقتنع انها ثورة مضادة وفلول الحزب الوطني.

بس شوفوا الراجل ده وعقليته

في ناس بتكره الثورة وعايزة تلصق جميع أمراض المجتمع بالثورة.

وانا معاك متاكد انها مش ثورة مضادة ولا حزب وطني دول شوية غوغاء ليس عندهم دم ولا كرامة
وبعدين يا راجل فيه حد بيسمع شلبوكة المنافق ويصدقه

[medo_2060]

الفيديو بتاع الراجل الى قاعد يقول ولا يوم من ايام حسنى مبارك ودى ثوره كلاب وحراميه... مش عارف اقول ايه ولا ايه والله مش عايز اتوقف..
هما عايزين يوصلونا لمرحله عشان نندم ونقول نفس الكلام الى بيرددوا الراجل دا وامثاله

[cheetos_892005]

الفيديو بتاع الراجل الى قاعد يقول ولا يوم من ايام حسنى مبارك ودى ثوره كلاب وحراميه... مش عارف اقول ايه ولا ايه والله مش عايز اتوقف..
هما عايزين يوصلونا لمرحله عشان نندم ونقول نفس الكلام الى بيرددوا الراجل دا وامثاله

ده في ناس مبتصدق رجليها تخبط في الترابيزه عشان يقولوا البوقين دول ........


انا جالي بتاع 5 6 مكالمات من اصحابي ((للاسف)) بتوع ال 6 شهور و انتو خربتوا البلد

((مش هو ده الشعب اللي انت كنت عاملنا فيها بتاع و رايح تعتصم عشانه .....اشرب بقا ))

نفس البوقين .....و الله لولا انهم اصدقاء منذ الصغر لكنت ,,,,,,,

[medo_2060]

ده في ناس مبتصدق رجليها تخبط في الترابيزه عشان يقولوا البوقين دول ........


انا جالي بتاع 5 6 مكالمات من اصحابي ((للاسف)) بتوع ال 6 شهور و انتو خربتوا البلد

((مش هو ده الشعب اللي انت كنت عاملنا فيها بتاع و رايح تعتصم عشانه .....اشرب بقا ))

نفس البوقين .....و الله لولا انهم اصدقاء منذ الصغر لكنت ,,,,,,,

دمى اتحرقلك سلف يا اخى
مش عايز بس اتكلم عن الناس اصحاب التفكير دا عشان اكيد هغلط واشتم...ربنا يهدى الجميع والله