إعـــــــلان

Collapse

.

,
See more
See less

فلول النظام و الحزب الوطنى وراء فوضى استاد القاهرة

Collapse
X
 
  • Filter
  • الوقت
  • Show
Clear All
new posts

  • #31
    يا جدعان انا كنت في الاستاد و الله هقولة دة حصل بجد ..
    الامن اول ما نفر نزل الملعب .. بخ !!
    مفيش فرد امن فعلا كان متواجد كل العساكر اتلمت برة الاستاد و القادة ادامهم و واقفين علي جنب
    الجمهور المحترم ينادي عليهم عشان يتدخلو يقولو ملناش دعوة!!
    [CENTER][SIZE="2"][B][FONT="Comic Sans MS"]عضو 6 ابريل و افتخر !

    6 Of April Member & Proud ! [/FONT][/B][/SIZE][/CENTER]

    Comment


    • #32
      المشاركة الأصلية كتبت بواسطة ahmed ezz مشاهدة المشاركة
      يا جدعان انا كنت في الاستاد و الله هقولة دة حصل بجد ..
      الامن اول ما نفر نزل الملعب .. بخ !!
      مفيش فرد امن فعلا كان متواجد كل العساكر اتلمت برة الاستاد و القادة ادامهم و واقفين علي جنب
      الجمهور المحترم ينادي عليهم عشان يتدخلو يقولو ملناش دعوة!!

      لو اتدخلوا
      1- هيضربوا
      2 - هتلاقى ميت واحد بيقولك الامن السبب
      3- مظاهرات بالهبل بتطالب باعدامهم

      علشان كدة سكتوا
      A.Saad

      Comment


      • #33
        المشاركة الأصلية كتبت بواسطة dr-mohamed مشاهدة المشاركة
        البعض هنا طالب باقالة وزير الداخلية فعلا
        بالطريقة دي كل شوية يعملوا مشكلة في اي وزارة ونشيل الوزير
        ولابد من اعتذار رسمي فوري وتامين البعثة التونسية حتي عودتها وتكريمهم قبل سفرهم كمان
        لو تقصدني أنا فأتمنى أنك تقرأ ردي كويس مرة تانية لأن أنا قولت يجب محاسبة وزير الداخلية وأقالة مدير الأمن مقلتش أقالة وزير الداخلية لأن الوزير الجديد محترم ونظيف ومع ذلك دة لا يعفيه من المحاسبة بلاش كل حاجة نقول أهو أتفرج هيقولولك نشيل وزير ونغير حكومة لأن الأسلوب دة مرفوض أنا واللي زي عاوزين الصح يتعمل والغلط ما يتسكتش عليه بس كدة .
        [CENTER][SIZE=3][/SIZE] [/CENTER]

        Comment


        • #34
          اللي بيستهزأ وبيقول أن مفيش مؤامرة يتفرج على مودرن ويشوف تصريحات أبراهيم حسن دلوقتي عن الأبواب الصفراء بتاعت الطواريء اللي أتفتحت كلها في وقت واحد والكاميرا مصوراها وعن السنج والمطاوي اللي دخلت الأستاذ الساعة 10 الصبح مع مجموعات من البلطجية .
          [CENTER][SIZE=3][/SIZE] [/CENTER]

          Comment


          • #35
            اخوانى الاعزاء الافاضل اعضاء المنتدى المحترم لا يوجد بيننا من يزايد على وطنيه الشعب المصرى ولكن ما حدث فى تصورى هو حاله من الانفلات التى نعيشها فى المجتمع و ان اصبح مفهوم خد حقك بدراعك منتشر جدا ولا يوجد ضابط او رابط وللاسف و اسمحولى وياريت محدش يفهم كلامى على انه مهاجمه الثوره لانى اليوم استعرت ان الى يقول اى كلمه على الثوره يبقى عدو ليها وبقت الثوره من التابوهات التى يمتنع الكلام فيها ما علينا الثوره اولدت مفهوما عند قطاع كبير فلم يعد بيننا من يوقر كبيرنا و انتشرت التخوين و العماله و المنتفعين من النظام السابق وكل شويه تسمع كلام لا يقبله بشر ولن تجد من هو يتفق على شخص معين فاصبح الجميع معرض للهجوم يا شباب الثوره اهدؤا و اجعلوا البلد تهدى شويه الانفلات يزيد يوم عن يوم ومحدش يقول الامن !!!اعتقد ان منظر الامن النهارده كان محترم لغايه ماالفوضى انتشرت و عندهم تعليمات بضبط النفس وحتى لا يتحملوا من جديد دم الشهداء فمش مباره كره قدم تنتهى بمقتل مشجع او اصابات ولاحظوا ان الجميع متحفز للغايه ضد الشرطه فارجوكم بلاش التحامل على الامن لاننا اليوم اصبحنا من ننكل بالامن
            الموضوع باختصار سلوك غير حضارى و همجيه غير مبرره وفكره عدم وجود الرقيب تتيح لاى فرد ان يفرض اسلوبه على الجميع
            ومتنسوش بقا موضوع الفيس بوك الجديد الراجل ابو جلابيه يا ترى يتبع الحزب الوطنى ولا امن الدوله ولا تبع الراجل الى ورا عمر سليمان طبعا بهزر
            [CENTER][SIGPIC][/SIGPIC]
            [FONT=Times New Roman][SIZE=4]حبيبه بابا
            مريم [/SIZE][/FONT]

            [/CENTER]

            Comment


            • #36
              يا جماعة فى ابواب صفراء خاصة الطوارىء اتفحت فجأة ودى عمرها مبتتفتح لا قبل ولا بعد المباراة!!!!!!!!!!!
              [CENTER]AHMED[/CENTER]

              Comment


              • #37
                ياجماعة امن الدولة هما الي اتفقوا مع القرش بتاع شرم الشيخ
                و فلول الحزب الوطني هما الي ورا سواق المكيروباص الي كان مش ماشي في الخط بتاعوا و خباطني من الخلف
                قصد عشان كنت مهدي عشان المطب
                وهو الي ورا الناس الي طلعتني غلطان عشان انا راكب جيتا وعندي 22 سنة و هو سواق ميكروباص غلبان شقيان
                my jetta

                Comment


                • #38
                  بعد الفيديوهات و اللى شفناه

                  اللى حصل مؤامرة مدبرة

                  و ياريت حد يسكت شوبير عشان مستفز
                  مصر هتفضل غالية عليا
                  -------------------------------
                  الديك الحلبي هايفضل يدن لغاية ما يتدبح

                  Comment


                  • #39
                    المشاركة الأصلية كتبت بواسطة human12 مشاهدة المشاركة
                    بعد الفيديوهات و اللى شفناه

                    اللى حصل مؤامرة مدبرة

                    و ياريت حد يسكت شوبير عشان مستفز
                    حتى لو كان فيه مؤامرة أو ثورة مضادة

                    مش لازم نقول كده و ناخد ردود أفعال على الاساس ده

                    لأن ده اللي عدوي و عدوك عايزه...المراكب السايرة تقف

                    وادي أهو في نوايا بالغاء الدوري

                    وبعد كده الغاء الدراسة...وهكذا

                    لما تشوف الخوف في عنين الضحية...بتزداد قوة
                    [CENTER]م.أحمد[/CENTER]

                    Comment


                    • #40
                      إلي حصل دة في تقديري ...... mix


                      مؤامرة استغلت الجهل و التخلف


                      كان نتيجتها ما رأيناه


                      و فعلاً أعدائنا عايزنا نخاف .... نترعب ..... و نقول ولا يوم من أيامك يا حسني

                      Comment


                      • #41
                        كله كوم و أبو جلابية ده كوم
                        أنا حاسس إنه كان في موقعة الجمل و تاه
                        Tyler_durden سابقا
                        المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب

                        Comment


                        • #42
                          الكارثة اننا لن نستطيع ان نثق بالشرطة

                          و لن نثق بها --- عندهم فرص كتير و فرصه ورا فرصه بيضيعوها
                          مصر هتفضل غالية عليا
                          -------------------------------
                          الديك الحلبي هايفضل يدن لغاية ما يتدبح

                          Comment


                          • #43
                            المفروض كان يخرجو الاعبين والحكام والجهازين والمصورين والصحفين والباقى يضرب لما يتكسرو ويخرجو كلهم بعاهات مستديمة


                            دا الحل من البلطجة لا البلطجى بيقسها بالقوة فلازم دايما يلاقى الاقوى منة الى يكسرة


                            والى قال الامن المركزى لازم يقللو اعدادة بالعكس وتزيد كمان يا ريت عشان تتصدى للغوغائية والقطيع الى شوفناة

                            Comment


                            • #44
                              المشاركة الأصلية كتبت بواسطة hobiko مشاهدة المشاركة
                              إلي حصل دة في تقديري ...... Mix


                              مؤامرة استغلت الجهل و التخلف


                              كان نتيجتها ما رأيناه


                              و فعلاً أعدائنا عايزنا نخاف .... نترعب ..... و نقول ولا يوم من أيامك يا حسني
                              مادا اللي بيحصل في اي مصيبه الايام دي زائد ان دا اللي حصل في الثوره بردوا و استغلوا ان الناس المحترمه نازله الميدان تطالب بحقوق مشروعه و استغلوا قله الامن المركزي و ابتدوا الضرب فيهم لحد ما الامن المركزي طاح في كله و مافرقش بين بلطجي و محترم و هيج الراي العام كله عليهم مع وجود بعض التصرفات الاحترازيه زي القناصه و كده

                              والله دا اللي بقوله من زمااااااااااااان

                              هو الموضوع حسن استغلال للاحداث اللي علي الساحه في صالح الفوضي

                              زي ماحصل في جمعه من جمعات الثوره لما جيش قعد يضرب في الناس اللي كانت في الحرير بليل لو حد فاكر الواقعه دي كانت بدايتها ان واحده كانت بتخطب و قعدت تشتم في الجيش جامد و بعدين كان معاهم طوب كتير قعدوا يحدفوا علي الجيش لحد ما عسكري اتصاب و بعدها الجيش ابتدي يضرب في الناس علشان يفرقهم و طلع اعتذار تاني يوم علي يالصفحه الرسميه
                              الموضوع ده هايفضل مستمر علشان في عقليات متفاوته من الشعب لن تستطيع التحكم فيها و انا سهل التأثير عليها او بمعني اصح بتسخن و خلاص في الهيصه


                              كان الاستاذ كريم منير الله يكرمه كاتب مقوله في توقيعه من بداية الثوره هاكتبها تاني بعد اذنه

                              ما أسوء ان يسوق ذكاء الشر مجموعه من قطيع الغباء ...... بالتالي ستصبح النتيجه سودااااااااااااااااااااء


                              دا مجرد رأي الشخصي علشان محدش يقول اني ضد الثوره ولا تبع حزب ولا اسف ياريس و كل الكلام ده

                              Comment


                              • #45
                                انا لما قرأت ان حد بيقول الموضوع مؤامره قعدت اضحك.. بس لما تابعت شويه وشوفت فيديوهات بجد الموضوع شكله كدا فعلا..وطبعا ساعدهم بعض الجهله من الاستاد الى زاطوا فى الزيطه...
                                -------
                                زعلت جدا من ردود بعض الاعضاء الى بتقول شعب همجى وفوضوى ولا يستحق الديمقراطيه..مينفعش ومش عايز اقول عيب اوى اسلوب التعميم كلنا متفقين على سوء الى حصل بس منغلطش فى كل المصريين عشان شويه همج عملوا كدا
                                [COLOR="Blue"]سبحان الله وبحمده ... سبحان الله العظيم[/COLOR]

                                Comment

                                Working...
                                X