أكثر من 90 % من المصريين يؤيدون تطبيق الشريعة الإسلامية

[إنسانة]

زي الانتخابات والديمقراطية والأحزاب المتنوعة والدستور إلخ اللي طبقناهم وفعلا بقينا دولة متقدمة بسم الله ما شاء الله نتحسد
أنا لا أقصد بالشريعة لا تطبيق حدود بس زي ما معظم الناس أول ما تكلمهم عن الشريعة أول ما ييجي في باله انه ايده هتقطع لو سرق او هيتجلد أو يرجم لو زنى !
ولا أقصد بيها برده أمور سياسية بحتة الإسلام لم يغفل عنها بل نظمها ودونها وأصبحت لها قسم مستقل في العلوم الشرعية اسمه "السياسة الشرعية"
أنا أقصد بالشريعة منهج رباني متكامل لتنظيم حياة البشر حاولنا نبعد عنه ونحتذي بالغرب ففشلنا فشل ذريع وأصبحنا في ذيل الأمم بعد أن كنا في المقدمة لما كنا بنطبق المنهج الرباني ده وكان الغرب المتحضر ده دلوقتي عايش في عصور الجهل وصكوك الغفران وكراسي الاعتراف !
بدل ما نرفض تطبيق الشريعة علشان ناس حاولت تطبقها وفشلت ليه منشجعش اننا نطبقها احنا صح واحنا على يقين من انه لا يُصلح الإنسان إلا شريعة من خلقه ويعلم ما يصلحه وما يفسده ؟!
الخلاصة من لا يرضى بشريعة رب العالمين فليبحث له عن إله آخر يعبده ! فكيف تزعم أنك تعبده وتؤمن به وترد أمره وشرعه ؟! قمة في التناقض والتخبط بصراحة !
ياريتنا عملنا زي المسيحيين اللي متمسكين بدينهم أكتر مننا واللي هاجوا بمجرد أن صدر قانون الزواج المدني اللي بيخالف شريعتهم ومسكتوش غير لما لغوه ومتطبقش وأصروا على رفض كل ما يخالف شريعتهم ! حاجة قمة في الخذلان والله

هو حضرتك معندكش رؤية واضحة تدلنا عليها ؟
يعني إيه "السياسة الشرعية" زي مين يعني عمل السياسة الشرعية ونجح ؟
وأنا بسأل حضرتك مين اللي هيقوموا على تطبيق "المنهج الرباني المتكامل" وهيوصلوا إزاي للحكم ؟
مين هيختارهم ؟ وهيختارهم إزاي ؟ هيقيلهم إزاي وعلى أساس إيه وإمتى ؟

أنا بس بتمنى لو الأسئلة دي صعبة تديني نموذج لجماعة معروفة بتطبق الشرع الرباني المتكامل
عشان ناخد فكرة عن الشرع الرباني المتكامل المقصود
طالما لا تملك نماذج لدول حديثة ناجحة

وكمان بتمنى تديني فكرة عن لما كنا في المقدمة مين كان بيحكم وقتها ؟ وإيه نظام الحكم اللي كان قائم ؟
عشان نشوف هنطبق النموذج الناجح اللي خلنا في مقدمة الأمم دا إزاي
وبتمنى أعرف الحضارة اللي سابها النظام المتقدم اللي كان مخلينا في مقدمة الأمم
أكيد ساب حضارة تفوق كل الأمم الفاشلة وقتها
ياريت نتكلم بواقعية
لإن الشعارات أصل مفيش أسهل منها الكل ممكن يطلق شعارات رنانة ^_^

[Yasser Farid]

لازم الناس تفهم ان مش لازم ابدا اني اربط تطبيق شريعة رب العالمين بتحسن ظروف معيشتهم سواء ماديا او اجتماعيا
نحن نطبق الشريعه لاننا اتباع الواحد القهار وهذا من اصول دينا
الحاجة الاهم - ان تطبيق الشريعة واجب علي كل مسلمين ولا يجب ان يؤخد في تطبيقها راي
فلا يمكن ان اخذ راي العلمانيين الكفرة او مسلمين البطاقة (المنافقين) مثلا في اقامة الصلاة او اداء الزكاة
الشريعة غير مطبقة في مصر ويجب ان ترفض هذا الامر بجميع انواع الرفض الممكنة وغير الممكنة حتي تبرا نفسك امام الله
لا تقل ابدا انك من عامة الشعب وهذا ليس قرارك ف لولا الجنود الذين هما من عامة الشعب لما ظلمنا الحكام

[Maun00]

ياجماعة والله احنا المفروض نحسن نفسنا اهم من كل دا
لو كل واحد مصري بقى محترم و بيشوف شغلو و خلاص والله هنتقدم
بدل ما تشغل نفسك غيرك بيعمل اية حسن من نفسك ويمكن حد يتشجع معاك و تبقى "مرض معدي"

[أبو آسر]

هو حضرتك معندكش رؤية واضحة تدلنا عليها ؟
يعني إيه "السياسة الشرعية" زي مين يعني عمل السياسة الشرعية ونجح ؟
وأنا بسأل حضرتك مين اللي هيقوموا على تطبيق "المنهج الرباني المتكامل" وهيوصلوا إزاي للحكم ؟
مين هيختارهم ؟ وهيختارهم إزاي ؟ هيقيلهم إزاي وعلى أساس إيه وإمتى ؟

أنا بس بتمنى لو الأسئلة دي صعبة تديني نموذج لجماعة معروفة بتطبق الشرع الرباني المتكامل
عشان ناخد فكرة عن الشرع الرباني المتكامل المقصود
طالما لا تملك نماذج لدول حديثة ناجحة

وكمان بتمنى تديني فكرة عن لما كنا في المقدمة مين كان بيحكم وقتها ؟ وإيه نظام الحكم اللي كان قائم ؟
عشان نشوف هنطبق النموذج الناجح اللي خلنا في مقدمة الأمم دا إزاي
وبتمنى أعرف الحضارة اللي سابها النظام المتقدم اللي كان مخلينا في مقدمة الأمم
أكيد ساب حضارة تفوق كل الأمم الفاشلة وقتها
ياريت نتكلم بواقعية
لإن الشعارات أصل مفيش أسهل منها الكل ممكن يطلق شعارات رنانة ^_^

لا طبعا معنديش رؤية واضحة لأني مش من أهل الاختصاص
لكن اللي أعرفه كمسلم إني ملزم بقبول حكم الله وشريعته بغض النظر مين هيطبقه وهل اتطبق قبل كده صح أو غلط
أنا ربنا مش هيسألني انت مطبقتش الشريعة ليه ولكن هيسألني هل كنت موافق على قبول حكم الله لو تم تطبيقه ولا رافض
حضرتك رابطة قبول شرع الله بـ هل حد طبقه ونجح ولا لأ وده في حد ذاته تشكيك في صحة شرع الله لإصلاح العباد من عدمه وزي ما قلت لحضرتك ده بيدخلنا في دايرة تانية تفاصيلها في البوست ده

http://www.nilemotors.net/Nile/3875859752-post51.html

أخيرا معرفش ازاي حضرتك عايزة فكرة عن لما كنا في المقدمة وعن الحضارة اللي سابها النظام المتقدم اللي كان بيحكم بشرع الله وقتها ، مفروض دي حاجة معروفة جدا يعني مش محتاجة إثبات إلا لو حضرتك بقى كنتي شايفة ان المسلمين في عصور الصحابة والتابعين كانوا متخلفين برده وقتها عن باقي الأمم ! ده بقى موضوع تاني مش هخوض فيه لأن الشمس لا تحتاج إلى دليل على وجودها بس لو حضرتك رجعتي لكتب المستشرقين اللي هما متقدمين دلوقتي هتلاقي شرح وافي أنا شخصيا مش هقدر أشرحهولك
نسأل الله أن يهدينا وإياكي ويصلح أحوالنا جميعا ويرشدنا إلى الحق ويكفينا شر الفتن

[ahmedwagdy03]

اولا احنا مشوفناش غير مثال واحد اينعم.كان ليه غلطات واخطا ولكن افشاله كانت اكبر مما يتحمل . فمش من الحق الحكم عالكل بمثال واحد فشل.

إنت عايزنا نجرب تانى و ندى فرص .حرام عليك .الناس قرفت . كله زى بعضه

[mr_vampire]

إنت عايزنا نجرب تانى و ندى فرص .حرام عليك .الناس قرفت . كله زى بعضه

حضرتك مقتنع ان التجربة اللي تمت كانت كاملة وخدت حقها !!!?? لو حضرتك مقتنع يبقي ملوش لازمة الكلام.

[hobiko]

بعد مواقف و أحداث و حوارات و نقاشات كتيييييييير جدا من قبل ثورة يناير و لغاية دلوقتى

ثبت قطعيا ان محدش من المنادين بتطبيق الشريعة عنده اى مشروع او تصور او حتى تخيل عن كيفية تطبيق الشريعة الأسلامية ابعد من قطع يد السارق و فوايد البنوك

الشريعة الأسلامية السمحة .............. تم اختزالها على يد المدافعين عنها و المنادين بيها على مدار السنين الى مجرد سلعة بيتم استخدامها لجذب الأتباع و المؤيدين الحالمين بدولة الخلافة فى العصور الذهبية

غير كده ماحدش حيعرف يدى اى تخيل او تصور او ملامح او خطوط عريضه عن كيفية التطبيق ............. مجرد لف و دوران من غير اى اجابة قاطعة

[ibrahim sallam]

طفت سريعا على بعض المشاركات في هذا الموضوع

وشد انتباهي بعض المشاركات منها ماهو انكار على عنوان الموضوع ثم تبعه توضيح من صاحب الموضوع للعنوان المذكور .

شرع الله عزل وجل لايخير فيه الناس ويجب ان يكون مبدأ الناس فيه ( سمعنا واطعنا)

فلا مجال للتصويت فضلا عن الرفض!

ثم تساؤلات عن النماذج الناجحه التي طبقت شرع الله أنا اعذر هذه التساؤلات لعدم علمها بالتاريخ الاسلامي في ظل الانبهار العلمي والتقدم اللا محدود في هذا الزمان لدول تقدمت وتحضرت في ظل تاخر ملحوظ للدول التي تنتسب الى الاسلام.

التاريخ الاسلامي زاخر بالنماذج المشرفه المضيئه التي استنارت منها دول اوروبا وبنت عليها تقدمها وحضارتها

بيكفي ان حاكما مسلما نظر الى السحاب وكان محملا بالمطر قفال له امطري حيث شئتي فإن خراجك عائد اليّ!

وهذا دليل على اتساع رقعة الاسلام وازدهارها الاقتصادي وقوتها العسكريه

اضطرت دولة الروم أمام ضربات الرشيد المتلاحقة إلى طلب الهدنة والمصالحة، فعقدت "إيريني" ملكة الروم صلحًا مع الرشيد، مقابل دفع الجزية السنوية له في سنة (181هـ = 797م)، وظلت المعاهدة سارية حتى نقضها إمبراطور الروم، الذي خلف إيريني في سنة (186هـ = 802م) ، وكتب إلى هارون: "من نقفور ملك الروم إلى ملك العرب، أما بعد فإن الملكة إيريني التي كانت قبلي أقامتك مقام الأخ ، فحملت إليك من أموالها ، لكن ذاك ضعف النساء وحمقهن ، فإذا قرأت كتابي فاردد ما حصل قبلك من أموالها، وافتد نفسك، وإلا فالحرب بيننا وبينك ".

فلما قرأ هارون هذه الرسالة ثارت ثائرته ، وغضب غضبًا شديدًا، وكتب على ظهر رسالة الإمبراطور: "من هارون أمير المؤمنين إلى نقفور كلب الروم، قد قرأت كتابك يا ابن الكافرة، والجواب ما تراه دون أن تسمعه، والسلام".
[FONT=Traditional Arabic][SIZE=5][SIZE=5][COLOR=black]وخرج هارون بنفسه في (187 هـ= 803م)، حتى وصل "هرقلة" وهي مدينة بالقرب من القسطنطينية، واضطر نقفور إلى الصلح والموادعة، وحمل مال الجزية إلى الخليفة كما كانت تفعل "إيريني" من قبل، ولكنه نقض المعاهدة بعد عودة الرشيد، فعاد الرشيد إلى قتاله في عام (188هـ= 804م) وهزمه هزيمة منكرة، وقتل من جيشه أربعين ألفا، وجُرح نقفور نفسه، وقبل الموادعة، وفي العام التالي (189هـ=805م) حدث الفداء بين المسلمين والروم، ولم يبق مسلم في الأسر، فابتهج الناس لذلك.

فكان للمسلمين عز ورفعه ومنعه ومكانه تحققت بتطبيق العدل الذي هو الشرع

ولمن يريد ان يتعرف على نظم الحكم في الاسلام فليقرأ هذه المقالات

[url=http://www.almarakby.com/web/catsmktba-695.html]

[ibrahim sallam]

حاجه غريبه في المنتدى الموضوع لم يكتمل فيه كلام مقطوع وكذلك بعض الروابط

على اية حال

هذه شهادة بعض المنصفين ( غير مسلمين) في الاسلام

شهادات المنصفين | موقع قصة الإسلام - إشراف د/ راغب السرجاني

[ahmedwagdy03]

حضرتك مقتنع ان التجربة اللي تمت كانت كاملة وخدت حقها !!!?? لو حضرتك مقتنع يبقي ملوش لازمة الكلام.

يا سيدى أنا مش مقتنع بالتجربة من الأصل سواء كانت التجربة ل س أو ص لإنها ضد فلسفة نظم الحكم الثابتة تاريخيا فى العالم ككل حتى قرنين من الزمان أو مستمرة فيما يسمى العالم الثالث .

مينفعش أبدا فى الحديقة إن القط المحبوب من الباقيين يسير الأمور لمدة شهر و بعدين يستلم منه الثعلب و صاحبنا الأسد قاعد يتفرج . أرجو إن يكون المعنى وصلك .

طبعا دى وجهة نظرى تحتمل الخطأ بالطبع

[Maun00]

يا سيدى أنا مش مقتنع بالتجربة من الأصل سواء كانت التجربة ل س أو ص لإنها ضد فلسفة نظم الحكم الثابتة تاريخيا فى العالم ككل حتى قرنين من الزمان أو مستمرة فيما يسمى العالم الثالث .

مينفعش أبدا فى الحديقة إن القط المحبوب من الباقيين يسير الأمور لمدة شهر و بعدين يستلم منه الثعلب و صاحبنا الأسد قاعد يتفرج . أرجو إن يكون المعنى وصلك .

طبعا دى وجهة نظرى تحتمل الخطأ بالطبع

انا مفهمتش ما تبعتلي في رسالة تقصد اية

[mr_vampire]

يا سيدى أنا مش مقتنع بالتجربة من الأصل سواء كانت التجربة ل س أو ص لإنها ضد فلسفة نظم الحكم الثابتة تاريخيا فى العالم ككل حتى قرنين من الزمان أو مستمرة فيما يسمى العالم الثالث .

مينفعش أبدا فى الحديقة إن القط المحبوب من الباقيين يسير الأمور لمدة شهر و بعدين يستلم منه الثعلب و صاحبنا الأسد قاعد يتفرج . أرجو إن يكون المعنى وصلك .

طبعا دى وجهة نظرى تحتمل الخطأ بالطبع

كون حضرتك مش مقتنع فده راي شخصي وهناك راي يقابله فده مش موضوعنا. ولكن يجب ان نكون صادقين مع انفسنا ان التجربة مكنتش كاملة وكانت بتقابل بمحاولات افشال فلا يمكن ان نسميها تجربة فاشلة.

وايه هي نظم الحكم الثابتة تاريخيا ??? وهل هي قران منزل لا يمكن تغييرها حتي يصبح العالم الثالث في مرتبة افضل ??!!!!

هو بصراحة مش فاهم اوي المعني بس في كل الحالات لا يمكن تشبيه وضع نظام ادمي بحديقة حيوان. لان فالحيوان البقا للاقوي. والنظام الادمي نسعي لوضع اسس تحترم الانسان.

[Maun00]

كون حضرتك مش مقتنع فده راي شخصي وهناك راي يقابله فده مش موضوعنا. ولكن يجب ان نكون صادقين مع انفسنا ان التجربة مكنتش كاملة وكانت بتقابل بمحاولات افشال فلا يمكن ان نسميها تجربة فاشلة.

وايه هي نظم الحكم الثابتة تاريخيا ??? وهل هي قران منزل لا يمكن تغييرها حتي يصبح العالم الثالث في مرتبة افضل ??!!!!

هو بصراحة مش فاهم اوي المعني بس في كل الحالات لا يمكن تشبيه وضع نظام ادمي بحديقة حيوان. لان فالحيوان البقا للاقوي. والنظام الادمي نسعي لوضع اسس تحترم الانسان.

والله يا برنس في حديقة الأنسان رأي الأغلبية هو الي بيسود
يعني لو احنا 100 فرد راحين رحلة منهم 98 فرد عايزين نروح سينا مثلا و فردين عايزين يروحو الصعيد مين رأيو يمشي؟

[mr_vampire]

والله يا برنس في حديقة الأنسان رأي الأغلبية هو الي بيسود
يعني لو احنا 100 فرد راحين رحلة منهم 98 فرد عايزين نروح سينا مثلا و فردين عايزين يروحو الصعيد مين رأيو يمشي؟

صح كلامك. وادعوك لمشاهدة نسبة الاغلبية رايها ايه فالاستفتا اللي فالموضوع. باعتبار المنتدي باعضايه يمثلون نسبة من الشعب بكل اشكاله واطيافه.

ها عند رايك لسة ولا غيرته ???

[Maun00]

صح كلامك. وادعوك لمشاهدة نسبة الاغلبية رايها ايه فالاستفتا اللي فالموضوع. باعتبار المنتدي باعضايه يمثلون نسبة من الشعب بكل اشكاله واطيافه.

ها عند رايك لسة ولا غيرته ???

فعلا كلامك صح و انا شايف النسبة من قبل ما ارد النسبة 82%
بس مفهوم الناس على الشرعية مختلف، انا فاهمها حاجة وانت فاهمها حاجة و احنا الاتنين موافقين
و الفكرة ان مش منتدى الي هيحدد
مانا ممكن انزل اسأل صحابي في شارع و معظم الشارع مثلا تبع فئة محددة
او اروح اسأل قرية فيها مسيحين و نشوف النسب؟
اهم حاجة التنوع