إلحقوني محل السندويتشات اللي بشتري منه طلع بتاع حمير

[أبومعاذ]

يجوز أكل الحمار الوحشي ، ويحرم أكل الحمار الأهلي . أما إباحة الأول فلما روى البخاري (5492) ومسلم (1196) عن أَبي قَتَادَةَ رضي الله عنه أنه صاد حماراً وحشياً وأتى بقطعة منه للنبي صلى الله عليه وسلم فأكل منه ، وقال لأصحابه صلى الله عليه وسلم : ( هو حلال ، فكلوه ) .
وأما الحمر الأهلية ، فكانت مباحة في أول الأمر ، ثم حرمها النبي صلى الله عليه وسلم يوم خيبر .
روى البخاري (5520) عَنْ جَابِرِ بْنِ عَبْدِ اللَّهِ رَضِيَ اللَّهُ عَنْهُما قَالَ : نَهَى النَّبِيُّ صَلَّى اللَّهُ عَلَيْهِ وَسَلَّمَ يَوْمَ خَيْبَرَ عَنْ لُحُومِ الْحُمُرِ ، وَرَخَّصَ فِي لُحُومِ الْخَيْلِ .
وروى البخاري (5527) ومسلم (1936) عن أبي ثَعْلَبَةَ رضي الله عنه قَالَ : حَرَّمَ رَسُولُ اللَّهِ صَلَّى اللَّهُ عَلَيْهِ وَسَلَّمَ لُحُومَ الْحُمُرِ الأَهْلِيَّةِ .



و عشان ربنا مش بيحرم شئ إلا لضرر فيه فأنا رأيي إنك تكشف انت و العائلة الكريمة

[محمد المشد]

الى اين نحن ذاهبون

الحمار الغلبان مظلوم حيا وميتا

حكم أكل لحوم دواب الركوب نبحث عنه طالما لا نعرف ولا يفتى أى منا برأيه

وبالنسبة لمن أكلها غافلا فطالما أذنيه مازالت بحجمهما الطبيعى وطالما ما زالت ضحكته هههههههههههه أو هعهعهعهعهع أو نيهههههههه وليست هاااء هااااااء هاااااااااااء وطالما أنه يسير ولا يبرطع ويركل ولا يرفس فالحمد لله جت سليمة

فعلاً انا سمعت الشيخ منجى وهو من كبار العلماء امس الجمعة بأن لحوم الحمير لم يأتى ما يحرمها ولكن ما تعوفة النفس فهو محرم فأذا قبلتة نفسك فهو حلال ليس هناك ما يحرمة وعلى ايام الرسول على الصلاة والسلام وجد بعض الصحابة يأكلون لحم الخيل ولم ينهى عنه ولكن لم يأكل منه
ولكن يجب عليك عمل تحليل لك وللاسرة حرصاً لان تكون الحمير مريضة او ميتة ولا حول ولاقوة الا بالله العلى العظيم من هؤلاء الجشعين وبكل اصدق اسأل الى اين نحن ذاهبون ؟ لعن الله المتسبب فى ذلك ومن جعل الناس ياكلون الحمير

[hazem_khidr]

الف سلامه عليك يا كمارو.
بس يا ريت تقولي اسم المحل دا ايه و فين انت عارف انا من المحله و عارف طنطا كويس

[abdelaziz-waleed]

احسن حاجة انك ماتحطش في دماغك بس بردو اعمل تحليل علشان تشيل اي وساوس من نفسك وتكون مطمئن
والف سلامة عليك يا كامارو

[د-احمد عبد اللطيف]

معلش انا حانسى شويه اني طبيب
تحليل ايه يا جماعه يعني الراجل يروح يقول للدكتور انا حاسس ان انا مش انا يا دكطووور
واللا ايه
كلمة تحليل دي كبيره قوي وايه نوع الامراض التي ممكن تنتقل من اكل الحمار ؟
الاجابه يا اخي لا يوجد ما تخاف منه لانها كانت مطبوخه يعني زيها زي اي لحم
صحيح الرسول عليه الصلاة والسلام نهى عنها ويجب ان ننفذ الامر من باب ما نهاكم الرسول عنه فانتهوا ولكن اذا لم يحصل منها ضرر مباشر بعد الاكل يعني لاقدر الله تسمم او اعراض مشابهه فلا يوجد ما تقلق منه انشا الله على المدى الطويل ايضا باذن الله لن يحدث شئ لان هذا كان امر عارض يعني

واقول لك يا اخي كان لله معك ومع اهل مصر

[محمد عز]

الف سلامة ياريس
طب كويس انك عرفت وبعد كده هتحرص
الدور والباقى علينا يعنى ممكن يكون الواحد اكل وهوا مش عارف
لان الموضوع ده بقا منتشر اوى
ياخوفى
الواحد بعد كده يجيبله خروفين ويدبحهم ويخزن اللحمه فى الديب فريزر
ولما يخلصوا يعمل كده تانى
ويمنع دخول اى لحمة مجمدة او هامبرجر او سجق او اى حاجة من الاصناف ده
الصحه غاليه ولازم الواحد يحافظ عليها من الغشاشين ومعدومى الضمير

[Mido80]

حسب الله ونعم الوكيل. بجد انا حزين بشدة علي اللي بيحصل في بلدنا. يا تري مين الغلطان الفرد ولا المجتمع؟ ولا الفقر ولا الجشع ولا اية بالظبط؟ انا عايش برة مصر ودايما بتابع الاخبار دي من النت، بصراحة قلت في قرارة نفسي انا هافضل طول عمري عايش برة مصر لاني مستحيل اقدر اعيش وانا عندي شك في الاكل والشرب والادوية وحتي الهوا الملوث اللي بنشمة طول النهار.

[mina_ramsis]

الف سلامة و لا يهمك ان شاء الله مش هيحصل حاجة وحشة بس ممكن اسالك سؤال بايخ شويه هو كان سعر الساندوتش كام

[hamedo0]

الف سلامه عليك يا كمارو

[Karim_Monir]

وبالنسبة لمن أكلها غافلا فطالما أذنيه مازالت بحجمهما الطبيعى وطالما ما زالت ضحكته هههههههههههه أو هعهعهعهعهع أو نيهههههههه وليست هاااء هااااااء هاااااااااااء وطالما أنه يسير ولا يبرطع ويركل ولا يرفس فالحمد لله جت سليمة

نيييييييييييييههههههههههههههههههههههههههههههههههه


انا واكلي لحد دلوقتي يجي حمارين و5 كلاب وربنا يستر
وانا بوصل هاني لبيت الزوجية عترت على جيمي اكبر واشهر محل حوواوشي اسكندراني والناس علية طوابير
الريحة نغششت في دماغي ولسة هاروح قلت كفاية كدة احسن حاسس اني وداني طولت نص سم
نييييييييييييييييييههههههههههههههههههههههههههههههه هههه

[sherif_84]

لحم الحمير الأهلية المستأنسة حرام زى لحم الخنزير
لحم الحمير الوحشى حلال
هذا ماثبت عن رسول الله صلى الله عليه وسلم فى غزوة خيبــر وسمعتها من الدكتور طارق السويدان فى درس شرح غزوة خيبر
وبعدين مش عشان القران الكريم ماذكرش انها حرام تبقى حلال لأ طبعــا
لأن مش بالضرورة كل حاجة تيجى فى كتاب الله تعالى السنة النبوية مكملة لكتاب الله الكريم وبعين الرسول صلى الله عليه وسلم ( وماينطق عن الهوى ان هو إلا وحى يوحى )

[Adham_Sabry]

والحمير دي مدبوحه في السلخانه ؟؟
اظن حكومتنا صاحيه وهاتراقب الجزارين اللي معندهمش ضمير وبيدبحوا الحمير بره السلخانه
لازم الحمير تتدبح في السلخانه و الجزار يدفع ضريبه المبيعات ده حق الوطن والحكومه لا يمكن تتهاون فيه
اتاريني ماسك كتاب بنتي بتاع اولي ابتدائي وحاسس ان المناهج صعبه ومش عارف احل مسائل ال math

[Mzeid]

الف سلامه عليك يا كمارو.
بس يا ريت تقولي اسم المحل دا ايه و فين انت عارف انا من المحله و عارف طنطا كويس

الله يسلمك يا حازم و شكرا على إهتمامك
أنا مش عايز أذكر أسماء بس هو محل كان فاتح في يوسف الصديق مع عثمان بن عفان و نقل لكفر عصام أرجو إنك تكون فهمت أنا قصدي إيه .

[hazem_khidr]

طبعا ما فهمتش لاني مش بحفظ اسامي شورع
و بعدين انت لما تقول يبقي بتحذر الناس من عيب معين يبقي مفيش غلط

[alaa_dash]

نقل لكفر عصام أرجو إنك تكون فهمت أنا قصدي إيه .

نقل ازاي يعني؟! يعني فتح تاني؟!
و بعدين مش عايز تقول اسمه ليه؟!انا لو مكانك كنت عملتلوا اعلان في الوسيط :)
ان شاء الله تكون بخير...كنت هنساها ....